បរទេស៖ យោងតាមប្រភព Reuters លោក Sberbank បានរាយការណ៍ពីការធ្លាក់ចុះជិត ៨០% នៃប្រាក់ចំណេញសុទ្ធកាលពីឆ្នាំមុន ដែលនេះជាអ្វីដែលនាយកប្រតិបត្តិអាល្លឺម៉ង់គឺលោក Gref បាននិយាយថា”ឆ្នាំនេះគឺជាឆ្នាំដ៏លំបាកបំផុត” ។
នៅថ្ងៃទី ៩ ខែមីនាលោក Sberbank ដែលជាម្ចាស់ធនាគារធំបំផុតរបស់រុស្ស៊ីបានប្រកាសលទ្ធផលអាជីវកម្មរបស់ខ្លួនសម្រាប់ឆ្នាំ ២០២២ ដូច្នោះហើយប្រាក់ចំណេញរបស់ពួកគេឈានដល់ ២៧០.៥ពាន់លានរូប្លិ (៣.៥៧ពាន់លានដុល្លារ) បានធ្លាក់ចុះ ៧៨.៣% បើធៀបទៅនឹងឆ្នាំ ២០២១ ។
នាយកប្រតិបត្តិអាល្លឺម៉ង់លោក Gref បានធ្វើការពិពណ៌នាកាលពីឆ្នាំ ២០២២ ថាជា “ឆ្នាំដ៏លំបាកបំផុត” ។ ធនាគាររុស្ស៊ីមួយចំនួនត្រូវបានដកចេញពីប្រព័ន្ធទូទាត់សកល SWIFT ហើយមិនមានលទ្ធភាពប្រើប្រាស់កម្មវិធី និងឧបករណ៍ចាំបាច់នោះទេ។ ស្ថាប័នហិរញ្ញវត្ថុរុស្ស៊ីជាច្រើនត្រូវបានដាក់ទណ្ឌកម្ម ហើយទ្រព្យសម្បត្តិរបស់ពួកគេត្រូវបានបង្កកនៅបរទេស។ទោះបីជាដូច្នេះក៏ដោយលោក Gref បានគិតថាប្រាក់ចំណេញនៅឆ្នាំនេះអាចងើបឡើងវិញរហូតដល់ជិត ១,២៥០ ពាន់លាន rubles (១៦.៥ពាន់លានដុល្លារ) លោក Gref បានបន្តទៀតថា “គំរូអាជីវកម្មរបស់យើងបានឆ្លងកាត់ការសាកល្បង” ។
គាត់ក៏បាននិយាយផងដែរថាធនាគាររបស់លោក Sberbank អាចនឹងពិចារណាលើការទូទាត់ភាគលាភឡើងវិញដោយផ្អែកលើលទ្ធផលឆ្នាំ ២០២២ ការសម្រេចចិត្តនឹងត្រូវបានធ្វើឡើងនៅខែនេះ។ ក្រសួងហិរញ្ញវត្ថុរុស្ស៊ីបានព្យាករណ៍ថាលោក Sberbank នឹងកំណត់ពាក់កណ្តាលនៃប្រាក់ចំណេញ ២០២២ របស់ខ្លួនដើម្បីទូទាត់ភាគលាភ។
ទោះជាយ៉ាងណាក៏ដោយធនាគារមួយចំនួនផ្សេងទៀតដូចជា VTB ដែលជាធនាគារធំទីពីរនៅក្នុងប្រទេសរុស្ស៊ី មិនអាចគេចផុតពីការលំបាកទាំងស្រុងនោះទេ។ ធនាគារកណ្តាលរបស់ប្រទេសរុស្ស៊ីកាលពីសប្តាហ៍មុនបានព្រមានអំពី “ហានិភ័យជាប្រព័ន្ធ” ចំពោះវិស័យនេះ ខណៈដែលធនាគារកំពុងប្រជែងគ្នាដើម្បីស្វែងរកវិធីរកប្រាក់ចំណេញរៀងៗខ្លួន។ធនាគាររុស្ស៊ីបច្ចុប្បន្នផ្តោតលើការបម្រើវិស័យសាធារណៈ និងសហគ្រាសធំៗ។ លោក Gref បាននិយាយថា “យើងបានអនុវត្តផែនការប្រឆាំងវិបត្តិរបស់យើង៖ ការផ្លាស់ប្តូរអាទិភាពយ៉ាងខ្លាំង ការណែនាំគោលនយោបាយសន្សំដ៏តឹងរ៉ឹង បិទ និងលក់អាជីវកម្មក្រៅប្រទេសរបស់យើង កែសម្រួលផលប័ត្រប្រាក់កម្ចី និងបន្ទប់ជាមួយទ្រព្យសម្បត្តិដែលបានបង្កក” ។
ការចំណាយប្រតិបត្តិការរបស់ធនាគារ Sberbank បានធ្លាក់ចុះ ១.៥% ពីមួយឆ្នាំទៅមួយឆ្នាំ ក្នុងឆ្នាំ ២០២១ ពួកគេក៏បានទាញយកមកវិញនូវរូបិយប័ណ្ណបរទេសចំនួន $៦ ពាន់លានដុល្លារពីបរទេសចាប់តាំងពីការដាក់ទណ្ឌកម្មមក បច្ចុប្បន្នលោក Sberbank មានអតិថិជនប្រហែល ១០៧ លាននាក់៕

ប្រភព៖vnexpress

្រទេសហ្វីលីពីន ៖ ប្រទេសហ្វីលីពីននឹងនាំចេញផ្លែទុរេនស្រស់លើកដំបូងទៅប្រទេសចិននៅចុងខែមីនា ឆ្នាំ២០២៣ នេះ ក្រោយពីប្រទេសទាំងពីរបានចុះកិច្ចព្រមព្រៀងទ្វេភាគីជាមួយគ្នា ស្តីពីការនាំចេញទុរេនស្រស់ ។ កសិករដាំដុះទុរេន និងបណ្តាអ្នកនាំចេញទុរេន ដែលរស់នៅទីក្រុងដាវ៉ាវស្ថិតនៅភាគខាងត្បូងប្រទេសហ្វីលីពីន បានសម្តែងការត្រេកអរដែលពួកគេអាចនាំចេញទុរេនស្រស់ជាលើកដំបូងទៅកាន់ប្រទេសចិន ។

John Tan អ្នកនាំចេញទុរេននិយាយថា ពួកគេកំពុងតែធ្វើការយ៉ាងជិតស្និទ្ធជាមួយនាយកដ្ឋានកសិកម្ម និងកសិករដាំដុះទុរេន ដើម្បីឱ្យប្រាកដចិត្តថា ទុរេនរបស់ហ្វីលីពីនមានគុណភាពល្អបំផុត ហើយបច្ចុប្បន្ននេះ មានវិនិយោគិនចិនជាច្រើននាក់ចាប់អារម្មណ៍ទុរេនហ្វីលីពីន ។

Gerald Glenn Panganiban ប្រធានការិយាល័យឧស្សាហកម្មរោងចក្ររបស់ហ្វីលីពីនថ្លែងថា ក្នុងដំណាក់កាលដំបូងនេះ ប្រទេសហ្វីលីពីននឹងនាំចេញផ្លែទុរេនស្រស់ទៅកាន់ប្រទេសចិនប្រមាណ៥ម៉ឺនតោន ។ ចំណែកការនាំចេញទុរេនទៅកាន់ចិនក្នុងឆ្នាំ២០២៣នេះ នឹងស្មើទឹកប្រាក់១៥០លានដុល្លារអាមេរិក ហើយវានឹងជួយបង្កើតការងារក្នុងស្រុកដល់ពលរដ្ឋហ្វីលីពីនជាង១ម៉ឺនការងារផងដែរ ។

គួរបញ្ជាក់ថា ការនាំចូលទុរេនពីប្រទេសហ្វីលីពីនរបស់ចិន គឺជាផ្នែកមួយនៃគម្រោងនាំចូលផ្លែឈើរបស់ហ្វីលីពីន ដែលស្មើនឹងទឹកប្រាក់២.០០០លានដុល្លារអាមេរិក ហើយផ្លែឈើដែលហ្វីលីពីនបាននាំចេញទៅកាន់ចិន រួមមាន ផ្លែប័រ ចេក ម្នាស់ ល្ហុង និងដូងខ្ចី ៕

ប្រភព ៖ agrinewsthai

ប្រទេសកូរ៉េខាងជើង ៖ លោក គឹម ជុងអ៊ុន មេដឹកនាំកំពូលរបស់ប្រទេសកូរ៉េខាងជើង បានបញ្ជាទៅកាន់កងទ័ពឱ្យធ្វើសមយុទ្ធដូចសង្គ្រាមជាក់ស្តែង មុនពេលការធ្វើសមយុទ្ធរួមគ្នាដ៏ធំកើតឡើងរវាងកងទ័ពអាមេរិក និងកូរ៉េខាងត្បូង នៅថ្ងៃទី១៣ ខែមីនា ឆ្នាំ២០២៣ ដោយប្រទេសទាំងពីរនឹងធ្វើសមយុទ្ធរយៈពេល១០ថ្ងៃ ។

លោក គឹម ជុងអ៊ុន បានផ្តោតទៅលើភាពសំខាន់នៃការធ្វើសមយុទ្ធ រួមទាំងបង្កើនការសាកល្បងមីស៊ីលដើម្បីធានាសន្តិសុខដល់ប្រទេសកូរ៉េខាងជើង ។ លើសពីនេះ មេដឹកនាំកំពូលកូរ៉េខាងជើងបានចង្អុលបង្ហាញថា កងទ័ពកូរ៉េខាងជើងត្រូវតែហ្វឹកហាត់ឱ្យបានខ្លាំងក្លា និងអនុវត្តតាមច្បាប់យ៉ាងហ្មត់ចត់ ដើម្បីអនុវត្តបេសកកម្មយុទ្ធសាស្ត្រចំនួន២ចំណុច ដែលចំណុចទី១ គឺបញ្ចប់សង្គ្រាម និងចំណុចទី២ ត្រៀមខ្លួនបើកឆាកសង្គ្រាម ហើយត្រូវធ្វើសមយុទ្ធឱ្យដូចនឹងសង្គ្រាមពិតប្រាកដ ។

សារព័ត៌មានក្នុងស្រុករបស់កូរ៉េខាងជើងឈ្មោះ Rodong Sinmun បានផ្សព្វផ្សាយរូបភាពការសាកល្បងបាញ់មីស៊ីលរយៈចម្ងាយខ្លី (SRBMs) ចំនួន៦គ្រឿង ដែលចតតម្រៀបគ្នានៅបរិវេណព្រៃក្បែរឆ្នេរសមុទ្រ ។ រីឯកូរ៉េខាងត្បូងបង្ហាញថា គេបានឃើញការបាញ់មីស៊ីលរយៈចម្ងាយខ្លីជាច្រើនដង កាលពីល្ងាចថ្ងៃទី៩ ខែមីនា កន្លងមក ។

ការសាកល្បងបាញ់មីស៊ីលរបស់កូរ៉េខាងជើងបានធ្វើឡើងជាបន្តបន្ទាប់តាំងពីឆ្នាំ២០១៩ មក ខណៈប្រទេសនានាព្យាយាមរំសាយអាវុធនុយក្លេអ៊ែររបស់កូរ៉េខាងជើងមិនសម្រេច ហើយការបាញ់មីស៊ីលលើកចុងក្រោយនេះ កើតឡើងមុនពេលការធ្វើសមយុទ្ធរួមគ្នាដ៏ធំរវាងកងទ័ពអាមេរិក និងកូរ៉េខាងត្បូង ក្រោមឈ្មោះ Freedom Shield ។

អ្នកវិភាគជាច្រើនមើលឃើញថា កូរ៉េខាងជើងបានបង្កើនការសាកល្បងមីស៊ីលរបស់ខ្លួន ស្របពេលអាមេរិក និងកូរ៉េខាងត្បូងធ្វើសមយុទ្ធរួមគ្នាជាបន្តបន្ទាប់ ។ លើសពីនេះ កូរ៉េខាងជើងចង់បង្ហាញសញ្ញាឆ្លើយតបទៅកាន់ការធ្វើសមយុទ្ធរួមគ្នារវាងអាមេរិក និងកូរ៉េខាងត្បូង ហើយក៏ចង់ប្រាប់ទៅប្រធានាធិបតីកូរ៉េខាងត្បូង លោក Yun Seok Yeol ដែលមានគម្រោងធ្វើដំណើរទៅប្រទេសជប៉ុន ដើម្បីជួបជាមួយនាយករដ្ឋមន្ត្រីជប៉ុន លោក Fumio Kishida និងត្រៀមជួបជាមួយប្រធានាធិបតីអាមេរិក លោក ចូ បៃដិន ជាផ្លូវការនៅថ្ងៃទី២៦ ខែមេសា នេះ ។

អ្នកជំនាញប៉ាន់ស្មានថា ក្នុងអំឡុងពេលមេដឹកនាំប្រទេសនីមួយៗជួបគ្នា កងទ័ពកូរ៉េខាងជើងអាចសាកល្បងបាញ់មីស៊ីលផ្លោងក្នុងចម្ងាយឆ្ងាយដើម្បីព្យាយាមបាញ់ផ្កាយរណបចារកម្ម ឬអាចសាកល្បងអាវុធនុយក្លេអ៊ែររបស់ខ្លួន ដែលកូរ៉េខាងជើងធ្លាប់បានសាកល្បងលើកចុងក្រោយនៅខែកញ្ញា ឆ្នាំ២០១៧ ។

កាលពីឆ្នាំ២០២២ កន្លងមក កូរ៉េខាងជើងបានប្រកាសថា ខ្លួនជាប្រទេសនុយក្លេអ៊ែរ ព្រមទាំងប្រកាសប្រើសិទ្ធិវាយប្រហារមុនគេ ក្នុងករណីកូរ៉េខាងជើងធ្លាក់ក្រោមការគំរាមកំហែង និងបង្កើនការសាកល្បងមីស៊ីលច្រើនបំផុតក្នុងរយៈពេលជាច្រើនឆ្នាំ មុនពេលប្រទេសនេះបានសាកល្បងមីស៊ីលជាបន្តបន្ទាប់នៅឆ្នាំ២០២៣ ៕
ប្រភព ៖ The standard

ប្រទេសជប៉ុន ៖ លោក Kimura Takahiro ជាអ្នកបង្កើតរឿងគំនូរជីវចល Code Geass បានស្លាប់បាត់បង់ជីវិតនៅក្នុងវ័យ៥៨ឆ្នាំ កាលពីថ្ងៃទី៥ ខែមីនា ឆ្នាំ២០២៣ កន្លងមក ដោយសារលោកមានជំងឺ Amyloidosis ឬជំងឺខុសប្រក្រតីនៅក្នុងរាងកាយ ។ តាមគ្រូពេទ្យបញ្ជាក់ថា រាងកាយរបស់លោកបានបង្កើតជាតិប្រូតេអ៊ីនអាមីឡូអ៊ីតច្រើនពេក រហូតដល់វាប្រមូលផ្តុំគ្នានៅតាមអវៈយវៈ និងធ្វើឱ្យអវៈយវៈធ្វើការខុសប្រក្រតី ។

ព័ត៌មានពីការស្លាប់របស់លោក Kimura Takahiro គឺមានការបញ្ជាក់ពីក្រុមគ្រួសាររបស់លោក ហើយវែបសាយឈ្មោះ https://geass.jp/ ក៏បានចុះផ្សាយព័ត៌មានពីការស្លាប់របស់លោកជាផ្លូវការ ។ គេចាត់ទុកថា គឺជាការបាត់បង់បុគ្គលសំខាន់មួយរូបក្នុងឧស្សាហកម្មគំនូរជីវចលរបស់ប្រទេសជប៉ុន ។ ខាងក្រុមការងាររបស់ Code Geass បានបង្ហាញពីការសោកស្តាយនៃការស្លាប់របស់បុគ្គលសំខាន់មួយរូបនៅក្នុងក្រុម ដោយគ្មានថ្ងៃវិលត្រឡប់ ។

ក្រៅពីរឿង Code Geass លោក Kimura Takahiro ក៏ធ្លាប់បានបង្កើតរឿងគំនូរជីវចល (animation) សម្រាប់តុក្កតាផ្សេងទៀតជាច្រើនរឿង ដូចជារឿង samurai trooper, Grand Sword, Gundam, Naruto និងរឿង monster hunt ៕

ប្រភព ៖ sanook

រាជធានីស្ដុកខម (Stockholm)៖ ក្រោយពេលប្រមុខអង្គការណាតូ បានប្រកាស កាលពីប៉ុន្មានថ្ងៃមុន ពីការប្រើប្រាស់អាវុធរបស់អ៊ុយក្រែន ច្រើនលើពីអង្គការសម្ពន្ធមិត្តយោធាដ៏ធំមួយនេះផលិតនោះមក បណ្ដាក្រុមរដ្ឋមន្រ្ដី ក្រសួងការពារជាតិសហភាពអឺរ៉ុប បានជួបជុំគ្នា នៅក្នុងទីក្រុងស្ដុកខម ប្រទេសស៊ុយអែត ដើម្បីផ្គត់ផ្គង់គ្រឿងសព្វាវុធ និង គ្រាប់រំសេវ ជួយដល់ប្រទេសអ៊ុយក្រែន។

នៅក្នុងសង្គ្រាមរបស់ក្រុងមូស្គូ អស់រយៈពេលជាង១ឆ្នាំកន្លងកនេះ កងទ័ពការពារទឹកដីរបស់អ៊ុយក្រែន បានប្រើប្រាស់គ្រាប់កាំភ្លើងយ៉ាងច្រើន ទើបក្រុងកៀវ បានត្អូញត្អែរ អំពីការខ្វះខាតគ្រាប់រំសេវ។ ដោយឡែក សហរដ្ឋអាមេរិក បានផលិតគ្រាប់កាំភ្លើងផ្លោង ប្រភេទ ១៥៥មិល្លីម៉ែត្រ ត្រឹមតែប្រហែលជាង១៤ ០០០គ្រាប់ប៉ុណ្ណោះ នៅមុនពេលសង្គ្រាមរបស់រុស្ស៊ី បានផ្ទុះឡើង នៅលើទឹកដីរបស់អ៊ុយក្រែន។ ប៉ុន្ដែបច្ចុប្បន្ន សហរដ្ឋអាមេរិក បានបង្កើននូវការផលិតគ្រាប់រំសេវ សម្រាប់កាំភ្លើងផ្លោងប្រភេទនេះ កើនឡើង រហូតដល់ ៩០ ០០០គ្រាប់ សម្រាប់ជួយដល់ប្រទេសអ៊ុយក្រែន ផងដែរ។

ជាមួយនឹងការត្អូញត្អែររបស់អ៊ុយក្រែន នោះ ក្រុមរដ្ឋមន្ត្រី ក្រសួងការពារជាតិសហភាពអឺរ៉ុបបានយល់ព្រមបង្កើនល្បឿន ផ្ដល់គ្រាប់រំសេវ និង រៀបចំគម្រោងផលិតគ្រាប់កាំភ្លើងឱ្យបានកាន់តែច្រើនឡើងបន្ថែមទៀត សម្រាប់ជួយដលើក្រុងកៀវ។ ស្របគ្នានេះ កងទ័ពការពារទឹកដីរបស់អ៊ុយក្រែន កំពុងតែក្រាញននៀល ការពារទីក្រុងបាកមូត (Bahkmut) ឲ្យខាងតែបាន ថ្វីបើត្រូវទីក្រុងមួយនេះ ត្រូវកងកម្លាំងប្រដាប់អាវុធរបស់រុស្ស៊ី ឡោមព័ទ្ធយ៉ាងណាក្ដី។

លោក ជេនស៍ ស្តូលថែនប៊ឺគ (Jens Stoltenberg) អគ្គលេខាធិការអង្គការណាតូ បានបញ្ជាក់ ថា ទីក្រុងបាកមុតរបស់អ៊ុយក្រែន ស្ថិតនៅភាគខាងកើត ប្រទេស អាចនឹងធ្លាក់ចូលទៅក្នុងកណ្តាប់ដៃរបស់រុស្ស៊ី នៅក្នុងរយៈពេលប៉ុន្មានថ្ងៃខាងមុខនេះ ក្រោយការវាយប្រយុទ្ធគ្នាយ៉ាងស្វិតស្វាញ អស់រយៈពេលជាង៦ខែមកនេះ។ រុស្ស៊ី បាន និង កំពុងតែបញ្ជូនកងទ័ព មកកាន់ទីក្រុងបាក់មុត កាន់តែច្រើនឡើង ថ្វីបើទោះក្រុងមូស្គូ បានខូចខាតកងទ័ព នៅលើសមរភូមិមួយនេះ រាប់ម៉ឺននាក់យ៉ាងណាក្ដី។

លោកប្រមុខអង្គការណាតូ រូបនេះ បានថ្លែងទៅកាន់ក្រុមអ្នកកាសែត កាលពីថ្ងៃពុធ ទី៨ ខែមីនា ខណៈទៅចូលរួមប្រជុំក្រុមរដ្ឋមន្ត្រី ក្រសួងការពារជាតិ នៅក្នុងទីក្រុងស្ដុកខម ប្រទេសស៊ុយអែត ថា គេមិនអាចបដិសេធ ថា ទីក្រុង Bakhmut នឹងអាចធ្លាក់ទៅក្រោមការកាន់កាប់របស់រុស្ស៊ី នៅក្នុងរយៈពេលប៉ុន្មានថ្ងៃខាងមុខនេះឡើយ។ ដូច្នេះយើងត្រូវបញ្ជាក់ ថា មិនត្រូវមើលស្រាល ទៅលើកម្លាំងទាហានរុស្ស៊ីនោះទេ»។

ដោយឡែក លោក យ៉ែវហ្គេនី ព្រីហ្គោហ្ស៊ី (Yevgeny Prigozhin) ប្រធានក្រុមហ៊ុនទាហានស៊ីឈ្នួលរបស់រុស្ស៊ី Wagner Group ដែលកំពុងតែដឹកនាំការវាយលុក នៅក្នុងសមរភូមិក្ដៅ ទីក្រុងបាកមុត បានប្រកាស ថា ទាហានរបស់ខ្លួន បានដណ្ដើមផ្នែកខាងកើត ទីក្រុងឧស្សាហកម្មនេះហើយ។ ដោយឡែកអគ្គសេនាធិការកងទ័ពអ៊ុយក្រែន បានបញ្ជាក់ កាលពីថ្ងៃពុធ ទី៨ មីនា ថា «ថ្វីបើកម្លាំងសត្រូវ កំពុងតែរងនូវការខូចខាត និងបាត់បង់ច្រើនយ៉ាងណាក៏ដោយ ក៏ពួកគេនៅតែបន្ត វាយលុកសម្រុកចូលមកក្នុងទីក្រុងបាក់មុតដែរ»។

លោក វ៉ូឡូឌីមៀរ ហ្សេឡែនស្គី (volodymyr zelenskyy) ប្រធានាធិបតីអ៊ុយក្រែន បានបញ្ជាក់ ថា ប្រសិនបើទីបាកមុត ធ្លាក់ទៅក្រោមការគ្រប់គ្រងរបស់រុស្ស៊ី មែន កងទ័ពរបស់ក្រុមមូស្គូ អាចនឹងវាយទម្លុះចូលខ្សែការពាររបស់អ៊ុយក្រែន ហើយអាចវាយរុលទៅមុខបន្ដទៀត ចូលទៅកាន់ទីក្រុងនានា នៅនៅក្បែរនោះ ។ ស្របគ្នានេះ លោកប្រធានាធិបតី បានពិភាក្សាជាមួយលោកនាយអគ្គសេនាធិការ និង មេទ័ពកំពូល អំពីយុទ្ធសាស្រ្ដសង្គ្រាម កាលពីថ្ងៃចន្ទ។ ប៉ុន្ដែប្រមុខកងទ័ពទាំងនោះ បានសម្រេចមិនឲ្យមានការដកទ័ព ហើយត្រូវតែបញ្ជូនកងទ័ពបន្ថែម ទៅពង្រីងខ្សែការពាររបស់ខ្លួន។

លោក ស៊ើរហ្គេ សយហ្គូ (Sergei Shoigu) រដ្ឋមន្ត្រី ក្រសួងការពារជាតិរបស់រុស្ស៊ី បានប្រាប់ដល់ក្រុមមន្ត្រីយោធារបស់គាត់ កាលពីថ្ងៃអង្គារ ថា ការដណ្ដើមកាន់កាប់បានទីក្រុងបាកមូត នឹងជួយឲ្យកម្លាំងទាហានរបស់រុស្ស៊ី បន្ដប្រតិបត្តិការវាយលុកទៅកាន់តំបន់ផ្សេងៗទៀត នៅភាគខាងកើត ប្រទេសអ៊ុយក្រែន ។

លោក ជេនស៍ ស្តូលថែនប៊ឺគ (Jens Stoltenberg) អគ្គលេខាធិការអង្គការណាតូ បានសង្កត់ធ្ងន់ ថា បណ្ដាប្រទេសលោកខាងលិច និង សម្ពន្ធមិត្ត នឹងបន្តផ្តល់ជំនួយយោធា និង គ្រាប់រំសេវ ជួយដល់អ៊ុយក្រែន ដើម្បីធ្វើសង្គ្រាមប្រឆាំងនឹងរុស្ស៊ី។ កាលពីឆ្នាំ២០២២ បណ្ដាប្រទេសជាសម្ពន្ធមិត្ត បានផ្ដល់ជំនួយយោធា និង សេដ្ឋកិច្ច ជួយដល់អ៊ុយក្រែន មានទំហំទឹកប្រាក់ជិត១៥០ពាន់លានអឺរ៉ូ ហើយក្នុងនោះមាន៦៥ពាន់លានអឺរ៉ូ ជាជំនួយយោធា។ ករណីនេះ ជាការចាំបាច់ខ្លាំងណាស់ ដែលលោកខាងលិច និង សម្ពន្ធមិត្ត ត្រូវតែបង្កើននូវការផលិតគ្រាប់រំសេវឲ្យបានកាន់តែច្រើន សម្រាប់បំពេញឃ្លាំងស្ដុករបស់ខ្លួន ហើយអាចបន្តជួយផ្គត់ផ្គង់ដល់អ៊ុយក្រែន បន្ថែមទៀត។

ជាមួយគ្នានេះ ក្រុមរដ្ឋមន្ត្រី ក្រសួងការពារជាតិ សហភាពអឺរ៉ុប ក៏បានជួបពិភាក្សាគ្នាជាមួយនឹងរដ្ឋមន្ត្រីការពារជាតិអ៊ុយក្រែន លោក អូឡិកស៊ី រេស្នីកូវ (Oleksiy Reznikov) អំពីតម្រូវការបន្ទាន់របស់ អ៊ុយក្រែន និង គម្រោងពង្រឹងឧស្សាហកម្មការពារជាតិរបស់អឺរ៉ុប សម្រាប់រយៈពេលវែង៕