យោងតាមទិន្នន័យនៅក្នុងឆ្នាំ២០២២គេបានរកឃើញថានៅលើផែនដីរបស់យើងមានសត្វចំនួន២.១៣លានប្រភេទ យ៉ាងណាមិញក្នុងចំណោមសត្វទាំង២.១៣លានប្រភេទនោះគឺមានសត្វចំនួនតែ៨ប្រភេទនោះទេដែលត្រូវបានគេចាត់ទុកថាជាសត្វដែលឆ្លាតបំផុតលើផែនដី តើសត្វទាំង៨ប្រភេទនោះគឺជាសត្វណាខ្លះ?

១.ត្រីដូហ្វីន៖ ត្រីដូហ្វីនពិតជាមានសម្ថភាពពិសេសខ្លាំងណាស់ក្នុងការប្រើប្រាស់ភាសា ត្រីនេះមានការចងចាំវែងណាស់ វាអាចចំណាំខ្លួនឯងនៅក្នុងកញ្ចក់ អាចកត់សម្គាល់ពីភាពដូចគ្នានិងខុសគ្នានៅលើរាងកាយរបស់វា អាចស្គាល់រូបភាពផ្សេងៗនៅក្នុងកញ្ចក់ទូរទស្សន៍ អាចចាំសំឡេងរបស់មនុស្សម្នាក់ៗបានទៀតផង។២.សត្វស្វា៖ គឺជាសត្វដែលមានខួរក្បាលប្រហាក់ប្រហែលទៅនឹងមនុស្សដែរ ដូច្នេះហើយការរស់នៅរបស់សត្វស្វាក៏មានភាពស្រដៀងនឹងមនុស្សដែរ។៣.សត្វក្អែក៖ តាមការពិសោធន៍ក្អែកគឺជាសត្វមួយប្រភេទដែលមានភាពវ័យឆ្លាតខ្លាំង នឹងចេះស្តាប់ភាសាមនុស្សទៀតផង អ្វីដែលពិសេសនោះវាក៏អាចចេះនិយាយភាសាមនុស្សថែមទាំងមានការចងចាំយូរទៀតផង។៤.សត្វដំរី៖ គឺជាប្រភេទសត្វដែលមានភាពវ័យឆ្លាត សត្វនេះមានការចងចាំខ្ពស់ណាស់ អ្វីដែលពិសេសនោះគឺវាចេះលាគ្នាជាលើកចុងក្រោយនៅពេលដែលសត្វដំរីផ្សេងទៀតត្រូវបានស្លាប់។៥.សត្វមឹក៖ មឹកគឺជាប្រភេទសត្វឥតឆ្អឹងកង មឹកមានសមត្ថភាពពិសេសក្នុងការគេចចេញពីមនុស្សដែលកំពុងចាប់វា នៅពេលយើងចាប់វាចូលទៅក្នុងកែវហើយបិទគម្របអោយជិតនោះ មឹកក៏មានសម្ថភាពក្នុងការបើកគម្របចេញដោយខ្លួនឯងបានយ៉ាងងាយ។៦.សត្វជ្រូក៖ ជ្រូកជាសត្វមួយដែលមានភាពឆ្លាតវៃ សត្វជ្រូកអាចមានសមត្ថភាពប្រើប្រាស់សំឡេងខុសៗគ្នាជាង២០សំលេង ហើយមេជ្រូកក៏អាចច្រៀងបំពេរកូនៗរបស់វាបានទៀតផង។៧.សត្វព្រាប៖ ព្រាបជាសត្វដ៏ឆ្លាតមួយ សត្វនេះគឺមានសមត្ថភាពពិសេសខុសសត្វដ៏ទៃទៀត ព្រាបអាចស្គាល់ខ្លួនឯងនៅពេលដែលវាឆ្លុះកញ្ចក់ ហើយអ្វីដែលពិសេសនោះសត្វព្រាបអាចចងចាំមនុស្ស និងទីកន្លែងផ្សេងក្នុងរយះពេលរាប់ខែរាប់ឆ្នាំផងដែរ ។៨.សត្វកណ្ដុរ៖ ជាទូទៅសត្វកណ្តុរមានសមត្ថភាពក្នុងការចងចាំផ្លូវ និងចេះការពារខ្លួនពីការដាក់អន្ទាក់របស់មនុស្ស អ្វីដែលពិសេសនោះគឺវាចូលចិត្តរស់នៅក្នុងសង្គមដូចមនុស្សដែរ៕

ភាពប្រៃនៃទឹកសមុទ្រចាប់ផ្តើមនៅពេលដែលទឹកភ្លៀងធ្លាក់មកលើដី  ដោយកាបូនឌីអុកស៊ីតមួយចំនួននៅក្នុងខ្យល់ត្រូវបានធ្វើប្រតិកម្មជាមួយទឹកភ្លៀង  ធ្វើឱ្យក្លាយជាភ្លៀងអាស៊ីត ហើយអាស៊ីតកាបូនិក (H2CO3) ដែលស្រដៀងទៅនឹងប្រតិកម្មនៅក្នុងភេសជ្ជៈ វាមានប្រតិកម្មធ្វើឱ្យច្រេះថ្ម និងបម្លែងសារធាតុរ៉ែនៅលើផ្ទៃដីទាំងអស់ បន្ទាប់មកវាហូរនាំសារធាតុរ៉ែដែលមាននៅក្នុងដីចូលទៅក្នុងទន្លេ បឹង ស្ទឹង ហើយ ទន្លេ បឹង ស្ទឹងទាំងនោះ ក៏រុញច្រានតាមចរន្តដីល្បាប់ចូលទៅក្នុងសមុទ្រទើបធ្វើឱ្យសមុទ្រមានជាតិប្រៃ ពេលខ្លះសារធាតុរ៉ែនេះក៏កើតឡើងដោយការផ្ទុះកម្អែភ្នំភ្លើងនៅលើផែនដីផងដែរ។ក្នុងនោះសារធាតុរ៉ែដែលរលាយក្នុងទឹកនេះមានក្នុងទម្រង់ជាអ៊ីយ៉ុង ដូចជា ម៉ាញេស្យូម កាល់ស្យូម ស៊ីលីកា និងប៊ីកាបូណាត  ប៉ុន្តែអ៊ីយ៉ុងជាទូទៅនៅក្នុងទឹកសមុទ្រច្រើនជាងគេគឺក្លរួ (Cl-) និងសូដ្យូម (Na+) ដែលមានរហូតដល់ ៩០ភាគរយ នៃអ៊ីយ៉ុងទាំងអស់ដែលរលាយក្នុងទឹកសមុទ្រ ហើយសូដ្យូម និងក្លរីតនេះនឹងក្លាយជាអំបិលសូដ្យូមក្លរួ (NaCl) ដែលយើងយកមកប្រើប្រាស់ជាទូទៅ។

ភាពប្រៃនៃទឹកសមុទ្រអាចកើនឡើងបន្ទាប់ពីដំណើរការហួត ដោយកំដៅពីព្រះអាទិត្យហួតតែទឹក(H2O) សុទ្ធ និងសារធាតុរ៉ែ រួមទាំងអំបិលមិនត្រូវបានហួតទៅតាមនោះទេ ហើយចំពោះទឹកដែលហួត ឡើងនឹងធ្លាក់មកផែនដីក្នុងទម្រង់ជាទឹកភ្លៀងគ្របពាស់ពេញផែនដី ដែលដំណើរការនេះត្រូវបានគេស្គាល់ថាជាវដ្តទឹក។ ​

ដែលនេះបានធ្វើឱ្យទឹកសមុទ្រមានជាតិប្រៃខុសៗគ្នាដែរ ដោយប្រែប្រួលទៅតាមសីតុណ្ហភាពក្នុងតំបន់និមួយៗប្រសិនបើតំបន់ណាមួយមានសីតុណ្ហភាពក្ដៅខ្ពស់ទឹកសមុទ្រនឹងហួតលឿនជាងមុន  ដូច្នេះកំហាប់អំបិលក្នុងទឹកសមុទ្រក្នុងតំបន់នោះក៏មានច្រើនជាង  តែបើតំបន់ណាមួយមានសីតុណ្ហភាពទាប ជាតិប្រៃមានតិច ដូចជាតំបន់ប៉ូលហាក់ដូចជាមានជាតិប្រៃតិចជាងតំបន់អេក្វាទ័រ  ព្រោះអាកាសធាតុត្រជាក់ជាង លើសពីនេះទៀតតំបន់នេះក៏មានការរលាយនៃផ្ទាំងទឹកកកផងដែរ ដែលបង្កើនបរិមាណទឹកច្រើន  បណ្តាលឱ្យកំហាប់អំបិលនៅក្នុងទឹកសមុទ្រមានកម្រិតទាបជាងតំបន់ផ្សេងទៀត៕

ប្រភព៖ OCEAN SERVICE

ទឹកធ្លាក់ច្រកល្អៀងជារមណីយដ្ឋានទេសចរណ៍បែបធម្មជាតិស្រស់ស្អាតមួយកន្លែង មានទីតាំងស្ថិតនៅក្នុងភូមិបំណក់ ឃុំឈើតុំ ស្រុកក្រគរ មានចម្ងាយប្រមាណ៧៣គីឡូម៉ែត្រ ពីទីរួមខេត្តពោធិ៍សាត់ និងចម្ងាយប្រមាណ ១៩៥គីឡូមែត្រ ពីរាជធានីភ្នំពេញ ដោយធ្វើដំណើរតាមផ្លូវលេខ៥៣B ពីប្រជុំជនស្រុកក្រគរ មានចម្ងាយប្រមាណ ៤១គីឡូម៉ែត្រ ទើបដល់រមណីយដ្ឋាន។

រមណីយដ្ឋានទឹកធ្លាក់ច្រកល្អៀង ដែលអ្នកស្រុកនិយមហៅតៗគ្នាថា ទឹកធ្លាក់តំបន់យ៉ោក។ តំបន់រមណីយដ្ឋាននេះនៅចន្លោះភ្នំ( ភ្នំព័ទ្ធជុំវិញ) មានព្រៃឈើខ្ពស់ៗ ដុះលំអរ និងមានប្រភេទឈើមានតម្លៃច្រើនប្រភេទដូចជា ខ្លុង ត្បែង ធ្នង់ នាងនួន ស្រឡៅ សុក្រម ព្រះភ្នៅ ខ្លឹមច័ន្ទ ផ្ចឹក រាំងភ្នំ កកោះ ផ្តៀក គគីរ ។ល។ រីឯសត្វព្រៃវិញមានខ្លា ឈ្លួស ប្រើស ស្វា ជ្រូកព្រៃ ទោចជាដើម។

នៅក្នុងរមណីយដ្ឋាន មានកន្លែងកន្សាន្តជាច្រើនកន្លែងដោយធ្វើការបែងចែកជាដំណាក់ៗ សម្រាប់ភ្ញៀវទេសចរទស្សនា កម្សាន្តដូចជា៖

1. ដំណាក់ តាង៉ុក គយ
2. ដំណាក់កោះយាយចាំតា
3. ដំណាក់ទឹកឈូរ
4. ដំណាក់មនោរម្យ
5. ដំណាក់ថ្មសណ្តូក
6. ទឹកជ្រោះដំណាក់ព្រះ
7. ដំណាក់ម្លប់ជ្រៃក្រឹម
8. ដំណាក់កោះសុបិន្ត
9. ដំណាក់ទឹកធ្លាក់
10. ដំណាក់កោះដាច់
11. ដំណាក់កោះភ្ញៀវ

តំបន់ទេសចរណ៍ធម្មជាតិមួយនេះ មានលក្ខណៈពិសេស៣ ធ្វើឱ្យអ្នកចូលកម្សាន្ត ចាប់អារម្មណ៍យ៉ាងខ្លាំង គឺទី១-មានទឹកថ្លាត្រជាក់, ទី២-មានទេសភាពស្រស់ស្អាត និងទី៣-មានទឹកជ្រោះធ្លាក់ច្រើនដំណាក់គួជាទីគយគន់៕

ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានស្នើឱ្យសាធារណជនចៀសវាងខ្វែងយោបល់គ្នា និងគ្រប់ភាគីពាក់ព័ន្ធរួមមាន អាជ្ញាធរមានសមត្ថកិច្ច ក្រសួងសេនាធិការ អ្នករៀបចំកម្មវិធី រួមទាំងសាមីខ្លួនផ្ទាល់ស្វែងរកចំណុចរួមមួយដើម្បីជាប្រយោជន៍ជាតិ ជុំរឿងបណ្ឌិតច្នៃម៉ូត ឯម រៀម ផ្ទុះការវែកញែករឿងសំលៀកបំពាក់។

មហាជនជា្របមកហើយថានៅលើបណ្តាញសង្គមផ្ទុះការវែកញែកយ៉ាងខ្លាំងលើបណ្តាញសង្គមរឿងសំលៀកបំពាក់របស់អ្នកច្នៃម៉ូត ឯម រៀម ដោយមានទាំងមតិរិះគន់ និងមានទាំងមតិគាំទ្រការច្នៃម៉ូតរបស់លោក។

យ៉ាងណាមិញ រឿងដ៏រសើបនេះ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបញ្ចេញរបស់ខ្លួននៅលើបណ្តាញសង្គមនៅថ្ងៃទី២០ ខែមីនា នេះដើម្បីរកចំណុចរួមមួយបញ្ចប់ការខ្វែងគំនិតគ្នានៅបណ្តាញសង្គម។
ឯកឧត្តម បានលើកឡើងយ៉ាងដូច្នេះថា «
ខ្ញុំបានតាមដានយ៉ាងយកចិត្តទុកដាក់នូវការផ្លាស់ប្តូរយោបល់គ្នាក្នុងចំណោមសាធារណជន ស្តីពីការបង្ហាញខ្លួនរបស់លោក ឯម រៀម ក្នុងរូបភាពសម្លៀកបំពាក់ (ដោយច្នៃចេញពីហូលខ្មែរ) បែបពាក់កណ្តាលខ្លួនក្នុងកម្មវិធីពានរង្វាន់ Pleng Music Award ឆ្នាំ២០២៣។ ខ្ញុំផ្ទាល់យល់ថា ការបញ្ចេញទស្សនៈទាំងនោះ ពិតជាមានតម្លៃ ប៉ុន្តែយើងមិនគួរឲ្យការបញ្ចេញយោបល់ទាំងនោះ ក្លាយជាទំនាស់ ការរិតត្បិត ឬការបែកបាក់ណាមួយក្នុងសង្គមយើងឡើយ»។

ឯកឧត្តម ហ៊ុន ម៉ានី បានបន្តទៀតថា «ក្នុងន័យនេះ ខ្ញុំសូមស្នើឲ្យសាធារណជន មេត្តាចៀសវាងនូវការខ្វែងយោបល់គ្នានេះ ដោយគួរត្រឡប់មកស្វែងយល់បន្ថែមពីជំហរ និងភាពផ្សេងគ្នានៃគំនិត។ ជាមួយគ្នានេះ ខ្ញុំក៏សង្ឃឹមដែរថា អាជ្ញាធរមានសមត្ថកិច្ច និងអ្នកពាក់ព័ន្ធទាំងអស់ ជាពិសេសក្រសួងសេនាធិការ អ្នករៀបចំកម្មវិធី រួមទាំងបុគ្គល ដែលជាកម្មវត្ថុផ្ទាល់ នឹងសហការសម្របសម្រួលលើកិច្ចការនេះ ដើម្បីរកចំណុចរួម ដែលជាប្រយោជន៍សម្រាប់ជាតិយើងទាំងអស់គ្នា»៕

កាលពីព្រឹកថ្ងៃទី១៩ ខែមីនា ឆ្នាំ២០២៣នេះ ពលរដ្ឋរងគ្រោះប្រមាណជាង៣០០នាក់ ដែលទិញផ្ទះបុរី VIPអត់បានប្លង់កាន់ នៅខណ្ឌដង្កោ ផ្ទុះការតវ៉ាជាថ្មី ឈានដល់បិទផ្លូវ២១៧ ទាមទារឱ្យអាជ្ញាធរ សមត្ថកិច្ច ​​​ ពាក់ព័ន្ធ ជួយរកដំណោះស្រាយ ខណៈដែលម្ចាស់បុរី២នាក់ គឺលោក ហម រ៉ន និងលោក វ៉ន វណ្ណៈ មិនចេញមុខដោះស្រាយ។

ពលរដ្ឋរាប់រយនាក់ដែលអះអាងថា ជាជនរងគ្រោះដោយសារទិញផ្ទះនៅបុរី VIP ទាំង២ទីតាំងគឺ នៅភូមិមុឺនត្រា សង្កាត់ស្ពានថ្ម ខណ្ឌដង្កោ រាជធានីភ្នំពេញ និងនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ សុទ្ធតែរងគ្រោះដូចគ្នា ក្រោយពីទិញផ្ទះហើយ បង់លុយឱ្យគ្រប់ហើយក្តីមិនទាន់ទទួលបានប្លង់កម្មសិទ្ធិនៅឡើយ ដោយមានអ្នកខ្លះរង់ចាំអស់រយៈពេល៥ឆ្នាំមកហើយ។

ពលរដ្ឋបានលើកឡើងថា មានពលរដ្ឋខ្លះបានទិះផ្ទះបុរីVIP នៅខណ្ឌដង្កោ តាំងពីឆ្នាំ២០១៨ មកម្ល៉េះ ហើយអ្នកខ្លះក៏ទិញជាបន្តបន្ទាប់ ផ្អែកលើកិច្ចសន្យា បង់លុយគ្រប់ នឹងចេញប្លង់ជូន ។

ពលរដ្ឋខ្លះសង្ស័យថាប្លង់រួម ប្រហែលជាម្ចាស់បុរី ដាក់បញ្ចាំធនាគារ យកលុយរត់គេចខ្លួនបាត់ ហើយក៏មិនដឹង៕