រយៈពេលចុងក្រោយនេះរថយន្តមួយចំនួនដែលបានបើកបរលើផ្លូវល្បឿនលឿនរងគ្រោះថ្នាក់ឆេះយានជំនិះរបស់ខ្លួនជាបន្តបន្ទាប់ បណ្តាលឱ្យពលរដ្ឋបង្ហាញនូវភាពព្រួយបារម្ភចំពោះបញ្ហាទាំងនេះ។ ដោយសារតែករណីឆេះរថយន្តលើផ្លូវល្បឿនលឿនចេះតែកើតមានឡើង ក្រសួងសាធារណការ និងដឹកជញ្ជូន បានចេញសេចក្តីណែនាំដល់ប្រជាពលរដ្ឋ ជាពិសេសអ្នកបើកបរ ដើម្បីបញ្ចៀសគ្រោះថ្នាក់ជាយថាហេតុ។

តាមការឱ្យដឹងពី ក្រសួងសាធារណការ និងដឹកជញ្ជូនបានបញ្ជាក់ថា ផ្លូវល្បឿនលឿនភ្នំពេញ-ក្រុងព្រះសីហនុ មានយានយន្តធ្វើចរាចរណ៍សរុបប្រមាណ ១,៤លានដង ក្នុងរយៈពេល៤ខែ ចាប់ពីខែ វិច្ឆិកា ២០២២ ដល់ខែ កុម្ភៈ ២០២៣កន្លងមកនេះ។ ក្នុងនោះគេសង្កេតឃើញថាមានយានយន្តមួយចំនួនតូច នៅមិនគោរពច្បាប់ចរាចរណ៍ បើកបរលើសល្បឿនកំណត់ ការប្រើប្រាស់គន្លងផ្លូវមិនបានត្រឹមត្រូវ ការបើកបរបញ្ច្រាសទិស ព្រមទាំងការមិនទាន់យល់ពីការត្រួតពិនិត្យបឋម និងការមិនបានត្រួតពិនិត្យលក្ខណៈបច្ចេកទេសទៀងទាត់ជាដើម ដែលកត្តាទាំងនេះអាចបណ្តាលឱ្យមាន គ្រោះថ្នាក់ជាយថាហេតុផ្សេងៗ។

ដើម្បីបញ្ចៀសគ្រោះថ្នាក់ណាមួយ ក្រសួងសាធារណការបានណែនាំ និងក្រើនរម្លឹកដល់ ប្រជាពលរដ្ឋ នូវចំណុចមួយចំនួនដូចជា៖ សូមកុំបើកបរលើសល្បឿនកំណត់ និងត្រូវត្រួតពិនិត្យលក្ខណៈបច្ចេកទេសយានយន្តឱ្យបានត្រឹមត្រូវ គោរពច្បាប់ចរាចរណ៍ អនុវត្តតាមគោលការណ៍សុវត្តិភាព និងត្រូវត្រួតពិនិត្យបឋមមុនពេលចេញដំណើរ និងត្រួតពិនិត្យលក្ខណៈបច្ចេកទេសទៀងទាត់តាមការកំណត់ យល់ដឹងពីលក្ខខណ្ឌប្រើប្រាស់ផ្លូវល្បឿនលឿន និងការប្រើប្រាស់គន្លងឱ្យបានត្រឹមត្រូវ៕

ភ្នំពេញ៖ ក្រសួងធនធានទឹក និងឧតុនិយមបានបញ្ជាក់ថា កម្ពុជា អាចមានភ្លៀងក្នុងកម្រិតពីខ្សោយទៅតិចតួចដោយអន្លើ និងកំដៅកើនឡើង។

យោងតាមសេចក្តីជូនដំណឹង របស់ក្រសួងធនធានទឹកស្ដីពីស្ថានភាពធាតុអាកាសនៅកម្ពុជា ចាប់ពីថ្ងៃទី២២-២៨ ខែមីនា ឆ្នាំ២០២៣ បានឲ្យដឹងថា ក្នុងអំឡុងមួយសប្តាហ៍ខាងមុខនេះ ព្រះរាជាណាចក្រកម្ពុជា ទទួលឥទ្ធិពលពីជ្រលងសម្ពាធទាបខ្សោយ និងខ្យល់បម្រែបម្រួល ដែលជាហេតុបង្កលក្ខណៈងាយស្រួល ក្នុងការកកើតឡើងនូវស្រទាប់កំដៅ (heat low pressure cell) បណ្តាលឲ្យសីតុណ្ហភាពកើន នឹងអាចមានភ្លៀងដោយអន្លើ។

ក្រសួងធនធានទឹកបញ្ជាក់ថា ស្ថានភាពបែបនេះនឹងធ្វើឲ្យ៖

១៖ តំបន់ទំនាបកណ្តាល សីតុណ្ហភាពអប្បបរមាមានពី ២៥-២៧ °Cសីតុណ្ហភាពអតិបរមា មានពី ៣៦-៣៨ °C អាចមានភ្លៀងក្នុងកម្រិតពីខ្សោយទៅតិចតួចដោយអន្លើ។

២៖ តំបន់ខ្ពង់រាបសីតុណ្ហភាពអប្បបរមា មានពី ២៤-២៦ °C សីតុណ្ហភាពអតិបរមា មានពី ៣៦- ៣៨ °Cអាចមានភ្លៀងក្នុងកម្រិតពីខ្សោយទៅតិចតួចដោយអន្លើ។

៣៖ តំបន់មាត់សមុទ្រសីតុណ្ហភាពអប្បបរមា មានពី ២៤-២៦ °Cសីតុណ្ហភាពអតិបរមា មានពី ៣៣-៣៥ °C អាចមានភ្លៀងក្នុងកម្រិតពីខ្សោយទៅតិចតួចដោយអន្លើ៕

បន្ទាប់ពីមានការសម្របសម្រួលពីថ្នាក់ដឹកនាំទាក់ទងទៅនិងការរៀបចំកម្មវិធី «សង្ក្រាន្តNNP» ដែលរៀបចំដោយលោកស្រី ទ្រីដាណា ពេលនេះកម្មវិធីបានរៀបចំសូត្រមន្តក្រុងពាលីហើយ ព្រមទាំងមានការចូលរួមពីតារាល្បីៗជាច្រើនរូប។ មិនត្រឹមតែប៉ុណ្ណោះ ក្នុងកម្មវិធីក្រុងពាលីនេះសិល្បករ សិល្បការិនី បានស្លៀកសំលៀកបំពាក់បុរាណយ៉ាងស្រស់ស្អាតទាក់ភ្នែកមិនធម្មតា។

កាលពីកកន្លងទៅថ្មីៗ លោកស្រី ទ្រី ដាណា បានប្រកាសលុបចោលកម្មវិធី «សង្ក្រាន្តNNP» ឡើយព្រោះតែការរៀបចំមានលក្ខណៈស្មុគស្មាញច្រើនគ្រាន់តែចង់បង្ហាញពីឈុតបុរាណខ្មែរ។ ទោះយ៉ាងណា ក្រោយពីមានការសម្របសម្របជាថ្មីពីថ្នាក់ដឹកនាំ លោកស្រី ទ្រី ដាណា សម្រេចចិត្តរៀបចំកម្មវិធីឡើងវិញ ដោយនៅព្រឹកថ្ងៃទី២០ ខែមីនា នេះបានរៀបចំកម្មវិធីសូត្រមន្តក្រុងពាលីហើយ។

នៅក្នុងពិធីខាងលើនេះ គេសង្កេតឃើញថាមានតារាល្បីៗ ជាច្រើនចូលរួមដូចជាអ្នកនាង ឱក សុគន្ធកញ្ញា ,លោក សេង មង្គល ,លោក ឆឹម សក្កដា លោក ថមមី ជាដើម ជាពិសេសពិធីក្រុងពាលីនេះ សិល្បករ សិល្បករការី បានគ្រងឈុតសំលៀកបំពាក់បុរាណយ៉ាងស្រស់ស្អាតផងដែរ។ យ៉ាងណាមិញ បើតាមការឱ្យដឹងពីខ្ទង់ចំណាយ លើកម្មវិធីខាងលើនេះវិញលោកស្រី ទ្រី ដាណា ចាយលុយរាប់ម៉ឺនដុល្លារទៅហើយ។

គួរបញ្ជាក់ផងដែរថា កម្មវិធី «សង្ក្រាន្តNNP» នឹងប្រព្រឹត្តទៅនៅថ្ងៃទី២៤ ,២៥ ,២៦ ខែមីនា នៅទីតាំងបរិវេណដីវិមានឈ្នះ ឈ្នះ ជាប់នឹងរបងស្ថានីយ៍ទូរទស្សន៍ ភីអិនអិន ដោយមានតារាល្បីៗជាច្រើនរូបចូលរួម៕

កម្មវិធី Miss Grand Cambodia កាលពីឆ្នាំមុនរងពាក្យរិះគន់មិនសំចៃពីអ្នកលេងបណ្តាញសង្គមទៅលើសំលៀកបំពាក់រាត្រីស្រមោលស បញ្ចេញកេរ្តិ៍ខ្មាស យកល្បែងស៊ីសង បៀរ អាប៉ោង បង្ហាញដោយបវរកញ្ញាដើរនៅលើឆាក។ យ៉ាងណាមិញ ឆ្នាំនេះមហាជនអ្នកគាំទ្រវិស័យបវរកញ្ញាកំពុងអ៊ុតមើលរឿងសំលៀកបំពាក់របស់បេក្ខនារីក្នុងឆ្នាំនេះក្រោមការរៀបចំរបស់លោកស្រី អ៊ឹម សុគន្ធា ដែលទទួលបានសិទ្ធិរៀបចំកម្មវិធី Miss Grand Cambodia ២០២៣ បន្ទាប់ពីអ្នករៀបចំចាស់លោក អ៊ិន សុភិន។ ចំណែកឯតម្លៃមកុដសម្រាប់ម្ចាស់ជ័យលាភី ឆ្នាំនេះចាយលុយច្រើនជាងឆ្នាំមុនទៅទៀត។

មកទល់ពេលនេះផេក Miss Grand Cambodia បានបង្ហាញវត្តមានបេក្ខនារីផ្លូវការជាបន្តបន្ទាប់ហើយដើម្បីត្រៀមប្រកួតប្រជែងគ្នាក្លាយជាជ័យលាភីឯក នឹងតំណាងប្រទេសកម្ពុជា ចូលរួមប្រកួតនៅលើឆាកអន្តរជាតិ។ ទន្ទឹមនឹងបង្ហាញវត្តមានបេក្ខនារីចូលរួម ផេក Miss Grand Cambodia ២០២៣ អ្នកគាំទ្រវិស័យបវរកញ្ញាកំពុងអ៊ុតមើលរឿងសំលៀកបំពាក់និងការរៀបចំកម្មវិធីក្នុងឆ្នាំនេះដូចគ្នា ព្រោះកម្មវិធីឆ្នាំចាស់ផ្ទុះរឿងអាស្រូវជុំជិតទាំងរឿងសំលៀកបំពាក់ស៊ិចស៊ីខ្លាំងមិនសមរម្យ រួមទាំងបង្ហាញល្បែងស៊ីសងទៀត។

ទន្ទឹមនឹងការទន្ទឹមរងចាំមើលស្នាដៃអ្នករៀបចំកម្មវិធី Miss Grand Cambodia 2023 ខាងកម្មវិធីក៏បានបង្ហាញតម្លៃមកុដសម្រាប់ម្ចាស់ជ័យលាភីក្នុងឆ្នាំនេះហើយគឺចាយលុយច្រើនមិនធម្មតា រហូតដល់២៧ម៉ឺនដុល្លារ ដែលតួលេខនេះច្រើនជាងឆ្នាំមុន ខណៈតួលេខឆ្នាំចាស់មកុដម្ចាស់ជ័យលាភីមានតម្លៃ២៥ម៉ឺនដុល្លារ ដែលគ្រងដោយកញ្ញា ពេជ្រ វត្តីសារាវ៉ាឌ្ឍី ដែលកំពុងសាងភាពល្បីល្បាញរកចំណូលបានច្រើនមិនធម្មតានាបច្ចុប្បន្ននេះ។

គួរបញ្ជាក់ថា កន្លងមកក្រោមការរៀបចំរបស់លោក អ៊ិន សុភិន ទាក់ទងនិងកម្មវិធីប្រកួតប្រជែងបវរកញ្ញាខាងលើនេះរងការរិះគន់យ៉ាងខ្លាំងពីសំណាក់មហាជនរឿងសំលៀកបំពាក់ ការរៀបចំនៅក្នុងវិធី ខណៈអតីតអ្នកគ្រប់គ្រង MGC ខាងលើសម្រេចចិត្តមិនរៀបចំកម្មវិធីនេះបន្តក្នុងឆ្នាំ២០២៣ឡើយ ដោយលោកស្រី អ៊ឹម សុគន្ធា ជាអតីតតារាសម្តែងសម្រេចចិត្តរៀបចំបន្តវិញព្រមទាំងបេ្តជ្ញាចិត្តថានឹងរៀបចំកម្មវិធី Miss Grand Cambodia ២០២៣ ឱ្យបានល្អ លើកយកទង់ជាតិកម្ពុជា បង្ហាញពីវប្បធម៌ខ្មែរទៅកាន់ឆាកអន្តរជាតិ៕