ប្រទេសនានាលើពិភពលោក រួមទាំងជប៉ុនបានបង្ហាញក្តីបារម្ភយ៉ាងខ្លាំងបន្ទាប់ពីរដ្ឋាភិបាលថៃបើកដៃឱ្យកងទ័ពបង្កសង្គ្រា.មឈ្លានពា.នកម្ពុជាជាថ្មីនៅតាមបណ្តោយព្រំដែន ដោយកងទ័ពថៃបើកការបា.ញ់ប្រ.ហារបន្តបន្ទាប់ឥតដាច់មកលើដែនអធិបតេយ្យភាពរបស់កម្ពុជាតាំងពីថ្ងៃទី៧ ខែធ្នូ ឆ្នាំ២០២៥ និងពង្រីកភូមិសាស្ត្រនៃការវា.យប្រ.ហារក្នុងតំបន់ជាបន្តបន្ទាប់ រួមមាន ៖ តាថាវ, ប្រាសាទតាមាន់, ប្រាសាទព្រះវិហារ, ប្រាសាទខ្នារ, វាលឥន្ទ្រី, ភ្នំខ្មោច, គោល៨, ជាំតែ អានសេះ, ថ្មដូន, អូរស្មាច់, ភ្នំអនុស្សាវរីយ៍, មុខវត្តកែវសិក្ខាគិរីស្វារៈ និងបា.ញ់ផ្សែងពុលនៅប្រាសាទតាក្របី ។

សកម្មភាពបាញ់ប្រហាររបស់កងទ័ពថៃបានប្រើប្រាស់អាវុធ និងយុទ្ធោបករណ៍បំផ្លិចបំផ្លាញធុនធ្ងន់គ្រប់ប្រភេទ រួមទាំងកាំភ្លើងដៃ, កាំភ្លើងយន្ត, កាំភ្លើងត្បាល់ MT60, រថក្រោះ, កាំភ្លើងធំ 155mm, កាំភ្លើង 12,7 ព្រមទាំងប្រើយន្តហោះចម្បាំងប្រភេទ F-16 ទម្លាក់គ្រាប់, យន្តហោះ AT-6 ប្រភេទទម្លាក់គ្រាប់បែក, ដ្រូនទម្លាក់គ្រាប់បែក និងប្រើប្រាស់ការបាញ់ផ្សែងពុលមកលើកងកម្លាំងកម្ពុជាក្នុងភូមិសាស្រ្តទឹកដីកម្ពុជា ។

កាលពីថ្ងៃទី៨ ខែធ្នូ ឆ្នាំ២០២៥ ស្ថានទូតជប៉ុនប្រចាំរាជធានីភ្នំពេញបានបង្ហាញក្តីបារម្ភយ៉ាងខ្លាំងចំពោះកងទ័ពថៃបាញ់ប្រហារមកលើអធិបតេយ្យភាពកម្ពុជាកាន់តែខ្លាំង បន្ទាប់ពីរដ្ឋាភិបាលថៃរៀបចំផែនការប្រយុទ្ធរបស់កងទ័ពជាសម្ងាត់ដើម្បីបង្កសង្គ្រាមជាមួយកម្ពុជាជាថ្មីក្រោយទឹកជំនន់ស្រក បើទោះជានាយករដ្ឋមន្ត្រីកម្ពុជា-ថៃបានចុះហត្ថលេខាលើកិច្ចព្រមព្រៀងសន្តិភាពកាលពីថ្ងៃទី២៦ ខែតុលា នៅទីក្រុងគូឡាឡាំពួរ ប្រទេសម៉ាឡេស៊ី ដើម្បីកាត់បន្ថយភាពតានតឹងនៅតាមបណ្តោយព្រំដែនក្តី ។

សេចក្តីថ្លែងការណ៍របស់ស្ថានទូតជប៉ុនចេញផ្សាយកាលពីថ្ងៃទី៨ ខែធ្នូ បញ្ជាក់ថា ការស្តារទំនាក់ទំនងរវាងកម្ពុជា-ថៃឡើងវិញ គឺចាំបាច់សម្រាប់ស្ថិរភាព និងការអភិវឌ្ឍន៍ក្នុងតំបន់អាស៊ីអាគ្នេយ៍ ដោយជប៉ុនតាមដានស្ថានការណ៍តានតឹងរវាងប្រទេសទាំងពីរ និងប្រឆាំងចំពោះការធ្វើសកម្មភាពដែលធ្វើឱ្យស្ថានការណ៍កាន់តែតានតឹងខ្លាំង ។ ជប៉ុនអំពាវនាវឱ្យរដ្ឋាភិបាលថៃគោរពបទឈប់បាញ់ និងស្វែងរកដំណោះស្រាយដោយការចរចាសន្តិវិធីតាមខ្លឹមសារកិច្ចព្រមព្រៀងសន្តិភាពដែលចុះហត្ថលេខាក្រោមវត្តមានប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ។

ក្រៅពីនេះ ស្ថានទូតជប៉ុននឹងសហការជាមួយអាមេរិក ម៉ាឡេស៊ី និងប្រទេសនានា ដើម្បីរកវិធីកាត់បន្ថយភាពតានតឹងរវាងកម្ពុជា-ថៃ ដោយគាំទ្រឱ្យប្រទេសទាំងពីរស្វែងរកដំណោះស្រាយដោយសន្តិវិធី ។ ស្ថានទូតជប៉ុនអំពាវនាវឱ្យថៃឈប់បង្កសង្គ្រាមឈ្លានពានកម្ពុជា បន្ទាប់ពីនាយករដ្ឋមន្ត្រីថៃ លោក Anutinជ Charnvirakul ប្រកាសកាលពីថ្ងៃទី៨ ខែធ្នូ ថា កិច្ចព្រមព្រៀងសន្តិភាពកម្ពុជា-ថៃលែងមានប្រសិទ្ធភាព ថៃឈប់ចរចាជាមួយកម្ពុជា ថៃមិនខ្វល់ពីលោកប្រធានាធិបតី Trump ដំឡើងពន្ធទំនិញ និងចាត់ទោលសំណើរបស់លោកនាយករដ្ឋមន្ត្រី Anwar ដែលអំពាវនាវឱ្យរដ្ឋាភិបាលថៃចរចា ។

គួរបញ្ជាក់ថា រដ្ឋាភិបាលថៃក្រោមការដឹកនាំរបស់លោកនាយករដ្ឋមន្ត្រី Anutin បើកដៃឱ្យកងទ័ពវាយប្រហារកម្ពុជាទ្រង់ទ្រាយធំឱ្យបានមុនថ្ងៃទី១២ ខែធ្នូ ឆ្នាំ២០២៥ ដើម្បីកុំឱ្យធ្លាក់ពីតំណែង ក៏ដូចជាស្តារប្រជាប្រិយភាពឡើងវិញ បន្ទាប់ពីនាយករដ្ឋមន្ត្រីថៃរងការរិះគន់យ៉ាងចាស់ដៃពីពលរដ្ឋ និងមានរឿងអាស្រូវជាប់ខ្លួន ។ នាយករដ្ឋមន្ត្រីថៃរងការស្តីបន្ទោសពីពលរដ្ឋថា យល់ព្រមចុះហត្ថលេខាលើកិច្ចព្រមព្រៀងសន្តិភាពដោយគ្មានការឯកភាពពីពលរដ្ឋ និងត្រូវពលរដ្ឋស្តីបន្ទោសរឿងអសមត្ថភាពដោះស្រាយបញ្ហាទឹកជំនន់នៅភាគខាងត្បូងបណ្តោយឱ្យពលរដ្ឋស្លាប់រហូតដល់ជាង១,០០០នាក់ ហើយបិទបាំងព័ត៌មាន ។

ថ្មីៗនេះ ពលរដ្ឋស្តីបន្ទោសរឿងនាយករដ្ឋមន្ត្រីថៃមានទំនាក់ទំនងជិតស្និទ្ធជាមួយមេឆបោកអនឡាញបរទេស បន្ទាប់ពីបែកធ្លាយរូបភាពលោកអង្គុយនៅតុអាហារជាមួយមេឆបោកអនឡាញ ។
នាយករដ្ឋមន្ត្រីថៃដើរមកដល់នយោបាយផ្លូវទាល់ បើមិនបង្កសង្គ្រាមជាមួយកម្ពុជាទេ គឺលោកនឹងធ្លាក់ពីតំណែងឆាប់ៗ ម្យ៉ាងទៀត ការបង្កសង្គ្រាមដើម្បីបិទបាំងរឿងអាស្រូវរាប់មិនអស់របស់នាយករដ្ឋមន្ត្រីរូបនេះ ដោយញុះញង់ឱ្យពលរដ្ឋមានគំនិតជាតិនិយមជ្រុល ស្ពប់ខ្ពើមប្រទេសជិតខាង ។

រដ្ឋាភិបាលថៃធ្លាប់ប្រកាសតាមសារព័ត៌មាន និងវេទិកាអន្តរជាតិជាប្រចាំថា ថៃជាប្រទេសស្រឡាញ់សន្តិភាព និងគោរពច្បាប់អន្តរជាតិ ហើយវាគួរឱ្យភ្ញាក់ផ្អើលណាស់ដែលកងទ័ពថៃប្រើប្រាស់កម្លាំងដណ្តើមដែនអធិបតេយ្យកម្ពុជា រួមទាំងបាញ់កាំភ្លើងផ្លោង និងចល័តកម្លាំងកងទ័ពចូលភូមិព្រៃចាន់ ភូមិជោគជ័យ និងគោលដៅមួយចំនួននៅខេត្តបន្ទាយមានជ័យ ។ បើពិតជាស្រឡាញ់សន្តិភាពមែននោះ គួរតែមេដឹកនាំថៃនិងកងទ័ពថៃដោះស្រាយបញ្ហាព្រំដែនដោយសន្តិវិធីដោយប្រើប្រាស់យន្តការបានឯកភាពគ្នា និងកំពុងអនុវត្តជាមួយគ្នា ៕

ប្រទេសថៃ ៖ បន្ទាប់ពីកងទ័ពថៃបើកការបា.ញ់ប្រ.ហារមកលើកងកម្លាំង និងប្រជាជនស៊ីវិលកម្ពុជានៅទិសយោធភូមិភាគទី៤ ក្នុងខេត្តព្រះវិហារ និងខេត្តឧត្តរមានជ័យ ចាប់ពីម៉ោង៥និង៤នាទីព្រឹក ថ្ងៃទី៨ ខែធ្នូ ឆ្នាំ២០២៥ កងទ័ពថៃក៏ពង្រីកការវាយប្រ.ហារក្នុងខេត្តបន្ទាយមានជ័យ នៅភូមិសាស្រ្តយោធភូមិភាគទី៥ ដោយនាវេលាម៉ោង១៣និង៣៦នាទីរសៀល កងទ័ពថៃបានបា.ញ់ប្រ.ហារមកលើប្រជាជនស៊ីវិលនៅភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដោយប្រើប្រាស់អាវុ.ធធុនតូច និងធុនធំទាំងកំរោល និងមិនរើសគោលដៅយ៉ាងសាហា.វព្រៃ.ផ្សៃមកលើភូមិដ្ឋានជនស៊ីវិលរស់នៅ ។ នៅថ្ងៃទី៨ ខែធ្នូ នាយករដ្ឋមន្ត្រីថៃប្រកាសគាំទ្រកងទ័ពបើកការប្រយុ.ទ្ធផ្លូវការ ឈប់ចរចាជាមួយកម្ពុជា និងមិនចាប់អារម្មណ៍ប្រធានាធិបតីអាមេរិកដំឡើងពន្ធទំនិញ ព្រោះតែចង់បានសំឡេងគាំទ្រច្រើនពីពលរដ្ឋមុនធ្លាក់ពីតំណែង ។

រដ្ឋាភិបាលថៃបានរៀបចំផែនការបើកការវាយប្រហារលើកម្ពុជាឱ្យបានមុនថ្ងៃទី១២ ខែធ្នូ ឆ្នាំ២០២៥ ដើម្បីឱ្យលោកនាយករដ្ឋមន្ត្រី Anutin ទទួលប្រជាប្រិយភាពពីពលរដ្ឋឡើងវិញ បើមិនឆាប់វាយកម្ពុជាទេ លោកនឹងធ្លាក់ពីតំណែងនៅមុនថ្ងៃទី១២ ខែធ្នូ បន្ទាប់ពីរងការស្ទីបន្ទោសពីពលរដ្ឋរឿងខ្វះសមត្ថភាពដោះស្រាយបញ្ហាទឹកជំនន់នៅភាគខាងត្បូង ដោយបណ្តោយឱ្យពលរដ្ឋស្លាប់រហូតដល់ជាង១,០០០នាក់ និងព្យាយាមលាក់បាំងព័ត៌មាន ។ លើសពីនេះ លោករងការចោទប្រកាន់ថា មានទំនាក់ទំនងជិតស្និទ្ធជាមួយមេឆបោកអនឡាញជនបរទេស (Online Scam) ក្រោយពីបែកធ្លាយរូបភាពលោកអង្គុយនៅតុអាហារជាមួយមេឆបោកអនឡាញនាពេលថ្មីៗនេះ ។

តាមការចុះផ្សាយរបស់សារព័ត៌មានថៃ PPTV HD នៅថ្ងៃទី៨ ខែធ្នូ លោកនាយករដ្ឋមន្ត្រី Anutin Charnvirakul បានប្រកាសបញ្ឈប់ការចរចាជាមួយកម្ពុជា ហើយមិនចាប់អារម្មណ៍ប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ទេ ។ នាយករដ្ឋមន្ត្រីថៃនិយាយថា វាជាបញ្ហារវាងកម្ពុជា-ថៃ លោកមិនចាប់អារម្មណ៍អាមេរិកដំឡើងពន្ធទំនិញថៃទេ រីឯកិច្ចព្រមព្រៀងសន្តិភាពដែលចុះហត្ថលេខានៅទីក្រុងគូឡាឡាំពួរ ប្រទេសម៉ាឡេស៊ី លែងមានប្រសិទ្ធភាពហើយ ។

លោកនាយករដ្ឋមន្ត្រី Anutin បាននិយាយពីកងទ័ពថៃបើកការបាញ់ប្រហារមកលើកងទ័ព និងប្រជាជនស៊ីវិលកម្ពុជាជាបន្តបន្ទាប់ក្រោយពីកងទ័ពថៃមានផែនការទុកជាមុនថា លោកបញ្ឈប់ការចរចាជាមួយកម្ពុជា ប្រសិនបើកម្ពុជាចង់ឱ្យថៃឈប់បាញ់ លុះត្រាតែកម្ពុជាព្រមធ្វើតាមលក្ខខណ្ឌរបស់ថៃ ។ រហូតមកដល់ថ្ងៃទី៨ ខែធ្នូ លោកបានបញ្ជាឱ្យអភិបាលខេត្តនៅព្រំដែនជាប់កម្ពុជា ជម្លៀសពលរដ្ឋទៅកាន់ជំរំភៀសសឹកឱ្យអស់ងាយស្រួលកងទ័ពថៃសម្រុកវាយ ។

លោកមិនខ្វល់ទេពីសារព័ត៌មានអន្តរជាតិធំៗ ដូចជា ៖ CNN ចុះផ្សាយពីកងទ័ពថៃបើកការបាញ់ប្រហារកម្ពុជា ទាំងដែលកងទ័ពកម្ពុជាមិនតបត ប៉ុន្តែលោកគិតថា គួរតែធ្វើបែបណាទម្លាក់កំហុស និងលាបពណ៌កម្ពុជាឱ្យខ្លាំងជាងនេះ ដើម្បីបិទបាំងទង្វើអាក្រក់របស់កងទ័ព និងរដ្ឋាភិបាលថៃ ។ កងទ័ពថៃបានរៀបចំផែនការវាយកម្ពុជារួចហើយ ប៉ុន្តែលោកមិនអាចនិយាយជាសាធារណៈ និងសូមឱ្យសារព័ត៌មានថៃកុំផ្សព្វផ្សាយពីផែនការវាយកម្ពុជា ពីព្រោះវាគ្មានប្រយោជន៍សម្រាប់ប្រទេសថៃ នេះជារឿងសម្ងាត់បំផុត ។

ក្រៅពីនេះ លោក Anutin ប្រកាសថា កិច្ចព្រមព្រៀងសន្តិភាពដែលចុះហត្ថលេខាដោយនាយករដ្ឋមន្ត្រីកម្ពុជា-ថៃ ក្រោមវត្តមានប្រធានាធិបតីអាមេរិក និងម៉ាឡេស៊ី លែងមានប្រសិទ្ធភាព លោកក៏មិនជជែកជាមួយលោកប្រធានាធិបតី Trump និងលោកនាយករដ្ឋមន្ត្រី Anwar ដែរ ពីព្រោះវាជាជម្លោះរវាងកម្ពុជា-ថៃ ហើយលោកក៏មិនបារម្ភពីអាមេរិកដំឡើងពន្ធទំនិញដែរ ។ លោកគាំទ្រឱ្យកងទ័ពថៃបើកការប្រយុទ្ធជាមួយកម្ពុជាជាផ្លូវការ ទោះជាលោកនាយករដ្ឋមន្ត្រី Anwar សុំឱ្យភាគីទាំងពីរចរចាក្តី ។ ចុងក្រោយ លោកសំណូមពរឱ្យពលរដ្ឋថៃទាំងអស់ រួមទាំងសារព័ត៌មាន ត្រូវជឿជាក់លើកងទ័ព និងរដ្ឋាភិបាល កុំជឿពាក្យសម្តីសត្រូវ ។

នៅរសៀលថ្ងៃទី៨ ខែធ្នូ នេះ ផេកផ្លូវការរបស់កងទ័ពថៃភូមិភាគទី២ បានផ្សព្វផ្សាយព័ត៌មានក្លែងក្លាយជាបន្តបន្ទាប់ដែលខុសស្រឡះពីការពិត ដោយចុះផ្សាយថា «កម្ពុជាបានចល័តសព្វាវុធធុនធ្ងន់នៅតាមបណ្តោយព្រំដែនកម្ពុជា-ថៃ» ហើយត្រូវបានសារព័ត៌មានរបស់ថៃមួយចំនួនដកស្រង់ និងចេញផ្សាយជាបន្តបន្ទាប់ ក្នុងចេតនាបំភ័ន្តសាធារណមតិជាតិ និងអន្តរជាតិ និងយកមកធ្វើជាលេសដើម្បីបង្កឱ្យមានភាពតានតឹងផ្នែកយោធាជាមួយកម្ពុជាឡើងវិញ ។

គួរបញ្ជាក់ថា នាយករដ្ឋមន្ត្រីម៉ាឡេស៊ី លោក Anwar បានអំពាវនាវឱ្យថៃបញ្ឈប់ការបាញ់ប្រហារលើកម្ពុជាទាំងដែលកងទ័ពកម្ពុជាមិនតបត និងឱ្យថៃងាកមកចរចារកសន្តិភាពឡើងវិញ មុនពេលស្ថានការណ៍នៅព្រំដែនប្រទេសទាំងពីរកាន់តែតានតឹងខ្លាំងជាងមុន និងបំផ្លាញសន្តិភាពក្នុងតំបន់ ប៉ុន្តែត្រូវបានរដ្ឋាភិបាលថៃទាត់ចោលការអំពាវនាវនេះ ៕

ប្រទេសថៃ ៖ កងទ័ពថៃបានបើកការបា.ញ់ប្រ.ហារមកលើទីតាំងជាច្រើនរបស់កងទ័ពកម្ពុជានៅតំបន់ព្រំដែនតាំងពីថ្ងៃទី៧ ខែធ្នូ ឆ្នាំ២០២៥ ដោយប្រើប្រាស់អាវុ.ធគ្រប់ប្រភេទ រួមមាន ៖ កាំភ្លើ.ងដៃ កាំភ្លើ.ងត្បាល់ កាំភ្លើ.ងធំ រថក្រោះ និងយន្តហោះចម្បាំង F-16 បន្ទាប់ពីពួកគេចិញ្ចឹមចិត្តឈ្លានពានកម្ពុជាជាថ្មី និងរង់ចាំពេលទឹកជំនន់ស្រកជាឱកាសល្អក្នុងការបង្កសង្គ្រា.ម ខណៈកងទ័ពកម្ពុជាមិនតបត ។ នៅថ្ងៃទី៨ ខែធ្នូ ប្រធានគណបក្សនយោបាយបានជំរុញកងទ័ពថៃបា.ញ់ប្រ.ហារកម្ពុជាលើកនេះកុំដកដៃ និងមិនឈប់បា.ញ់ពាក់កណ្តាលទីដូចមុន បើទោះជានាយករដ្ឋមន្ត្រីថៃបញ្ជាឱ្យឈប់បា.ញ់ក៏ដោយ ។

នេះបញ្ជាក់ពីគំនិតឈ្លានពានរបស់អ្នកនយោបាយថៃ និងពលរដ្ឋថៃមួយចំនួនធំនិយាយតែមាត់ថា ចង់បានសន្តិភាពជាមួយប្រទេសជិតខាង មិនចង់បានសង្គ្រាម ប៉ុន្តែបែរជាញុះញង់ឱ្យកងទ័ពរបស់ខ្លួនវាយប្រហារកម្ពុជាកុំដកដៃ ។ តើនេះឬជាការចង់បានសន្តិភាព? សន្តិភាពមិនបានកើតឡើងដោយសារការបង្កសង្គ្រាមឈ្លានពានប្រទេសជិតខាងឥតឈប់ឈរនោះទេ គឺសន្តិភាពកើតឡើងដោយការគោរពកិច្ចព្រមព្រៀងសន្តិភាព និងមិនលាបពណ៌ ឬចោទប្រកាន់ដោយគ្មានមូលដ្ឋាន ។

នៅថ្ងៃទី៨ ខែធ្នូ ឆ្នាំ២០២៥ លោក Warong Dechgitvigrom ប្រធានគណបក្ស Thai Pakdee Party បានបង្ហោះសារក្នុងហ្វេសប៊ុករបស់ខ្លួនដោយញុះញង់ឱ្យកងទ័ពថៃបាញ់ប្រហារលើកម្ពុជាលើកនេះឱ្យចាស់ដៃ និងហាមឃាត់លោកនាយករដ្ឋមន្ត្រី Anutin Charnvirakul មិនត្រូវបញ្ជាទៅកងទ័ពឈប់បាញ់ពាក់កណ្តាលទីដូចរដ្ឋាភិបាលអាណត្តិមុនទេ គឺត្រូវបណ្តោយឱ្យកងទ័ពថៃធ្វើប្រតិបត្តិការប្រឆាំងកម្ពុជាយ៉ាងពេញទំហឹង ពីព្រោះការឈប់បាញ់លើកមុន កងទ័ពថៃមិនទាន់ដណ្តើមកាន់កាប់ទឹកដីកម្ពុជាតាមមហិច្ឆតានៅឡើយ ។

ប្រធានគណបក្សនយោបាយរូបនេះថា កងទ័ពថៃត្រូវតែវាយប្រហារកម្ពុជាឱ្យចាស់ដៃ និងធ្វើប្រតិបត្តិការអស់ពីសមត្ថភាព ក្រោយពីស្ថានការណ៍នៅតាមបណ្តោយព្រំដែនកម្ពុជា-ថៃកាន់តែក្តៅគគុកដែលបង្កឡើងដោយកងទ័ពថៃ និងបានជំរុញឱ្យកងទ័ពថៃធ្វើសកម្មភាពឈ្លានពានកម្ពុជាមួយទំហឹង ។ លោក Warong និយាយញុះញង់ថា កងទ័ពថៃត្រូវតែប្រយុទ្ធលើកនេះឱ្យខ្លាំងបំផុតដើម្បីឱ្យកម្ពុជាស្គាល់ប្រទេសថៃ ហើយសំខាន់ មិនត្រូវឈប់ប្រយុទ្ធពាក់កណ្តាលទីដូចរដ្ឋាភិបាលអាណត្តិមុនទេ ។

លោកបន្តថា ភាគីថៃនឹងយល់ព្រមចរចាឈប់បាញ់កម្ពុជា លុះត្រាតែកងទ័ពថៃវាយដណ្តើមកាន់កាប់គោលដៅតាមចិត្តរបស់ខ្លួនចង់ និងដាស់តឿនទៅកាន់រដ្ឋាភិបាលរបស់លោកនាយករដ្ឋមន្ត្រី Anutin Charnvirakul ថា កុំបញ្ជាឱ្យកងទ័ពថៃឈប់បាញ់ពាក់កណ្តាលទីដាច់ខាត ។ កន្លងមក រដ្ឋាភិបាលអាណត្តិមុន គឺលោក Phumtham Wechayachai នាយករដ្ឋមន្ត្រីស្តីទីបានបញ្ជាឱ្យកងទ័ពថៃឈប់បាញ់ គឺធ្វើឱ្យថៃខាតបង់ ។

ដូចគ្នានេះ ពលរដ្ឋថៃរស់នៅជាប់ព្រំដែនកម្ពុជា ក៏បានជំរុញឱ្យកងទ័ពថៃបង្កសង្គ្រាមឈ្លានពានកម្ពុជាលើកនេះឱ្យដឹងឈ្នះ-ចាញ់ និងកុំដកថយដូចកាលពីសង្គ្រាមនៅខែកក្កដា ឆ្នាំ២០២៥ ។ កន្លងមក កងទ័ពថៃចង់បើកការវាយប្រហារមកលើកម្ពុជាម្តងទៀត ប៉ុន្តែពលរដ្ឋថៃនៅព្រំដែនប្រាប់ថា រង់ចាំការប្រមូលផលស្រូវរួចរាល់សិន ។

អ្នកនយោបាយ និងពលរដ្ឋថៃធ្លាប់បន្ទោសរដ្ឋាភិបាលអាណត្តិមុន (រដ្ឋាភិបាលគណបក្សភឿថៃ) ដែលយល់ព្រមឈប់បាញ់កម្ពុជាកាលពីខែកក្កដា ទាំងដែលកងទ័ពថៃពុំទាន់ដណ្តើមកាន់កាប់ទឹកដីកម្ពុជាក្នុងតំបន់មួយចំនួន ។ ចាប់ពីពេលនោះមក ពួកគេព្យាយាមញុះញង់ឱ្យកងទ័ពថៃបង្កសង្គ្រាមជាថ្មី និងគំរាមនិរទេសលោក Anutin ចេញពីប្រទេសថៃ ប្រសិនបើហ៊ានបើកព្រំដែនកម្ពុជា-ថៃឡើងវិញ និងបន្ទោសលោក Anutin ដែលចុះកិច្ចព្រមព្រៀងសន្តិភាពជាមួយកម្ពុជានៅទីក្រុងគូឡាឡាំពួរ ប្រទេសម៉ាឡេស៊ី រហូតដល់លោក Anutin ប្រកាសមិនគោរពកិច្ចព្រមព្រៀងសន្តិភាពជាឯកតោភាគី ។

គួរបញ្ជាក់ថា កងទ័ពថៃបានបង្កហេតុជាមួយកម្ពុជាជាច្រើនថ្ងៃមកហើយ ជាពិសេស នៅថ្ងៃទី៧ ខែធ្នូ ឆ្នាំ២០២៥ កងទ័ពថៃបានបើកការវាយប្រហារមកលើកម្ពុជា ដោយប្រើប្រាស់អាវុធគ្រប់ប្រភេទ ដូចជា ៖ កាំភ្លើងដៃ កាំភ្លើងត្បាល់ រថក្រោះ កាំភ្លើងធំ យន្តហោះចម្បាំង F-16 និងផ្សែងពុល ។ មុនបើកការវាយប្រហារ គឺថៃបានត្រៀមខ្លួនរួចអស់ហើយ ដូចជា ៖ ថៃបានរៀបចំជំរំជនភៀសសឹកទុកជាមុនសម្រាប់ជម្លៀសពលរដ្ឋខ្លួន ។

ក្រសួងការពារជាតិកម្ពុជាបានថ្កោលទោសយ៉ាងដាច់អហង្ការចំពោះទង្វើអមនុស្សធម៌ដ៏សាហាវឃោរឃៅនេះ ដែលបង្ហាញយ៉ាងច្បាស់ពីភាគីថៃរំលោភបំពានលើ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ ដែលនាយករដ្ឋមន្ត្រីកម្ពុជា-ថៃបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ក្រោមសាក្សីរបស់លោក Donald Trump ប្រធានាធិបតីអាមេរិក និងលោក Anwar Ibrahim នាយករដ្ឋមន្ត្រីម៉ាឡេស៊ី និងជាប្រធានអាស៊ាន ។

កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ចំពោះការរំលោភបំពានសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ និងសកម្មភាពខុសច្បាប់របស់ថៃម្តងហើយម្តងទៀត ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដែលគំរាមកំហែងដល់សន្តិភាព និងស្ថិរភាពក្នុងតំបន់ ហើយកម្ពុជាអំពាវនាវឱ្យភាគីថៃងាកមកគោរពកិច្ចព្រមព្រៀមបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ ។

កម្ពុជាប្តេជ្ញាចិត្តយ៉ាងម៉ឺងម៉ាត់ក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ ព្រមទាំងកិច្ចព្រមព្រៀងទាំងឡាយដែលភាគីទាំងពីរសម្រេចបានកន្លងមក ប្រកបដោយសុច្ឆន្ទៈ និងការទទួលខុសត្រូវខ្ពស់បំផុត ។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងការគំរាម ឬប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របច្បាប់អន្តរជាតិ ៕

ប្រទេសថៃ៖ លោក អនុទីន ឆាន់វិរៈគុល នាយករដ្ឋមន្រ្តីចាំផ្ទះរបស់ថៃ បានប្រកាសនៅថ្ងៃនេះថា រដ្ឋាភិបាលគាំទ្រឲ្យយោធាកំណត់យកថ្ងៃទី៨ ខែធ្នូ ឆ្នាំ២០២៥ នេះ គឺជាថ្ងៃសម្រាប់ការវាយប្រហារលើកម្ពុជាជាផ្លូវការ ប៉ុន្តែអះអាងដោយបំពានថា នេះមិនមែនបានន័យថាថៃគឺជាអ្នកបង្កជម្លោះមុនឡើយ។

យោងតាមការចុះផ្សាយរបស់ទីភ្នាក់ងារសារព័ត៌មានក្នុងស្រុករបស់ថៃនៅរសៀលថ្ងៃចន្ទនេះ លោក អនុទីន បានធ្វើសេចក្ដីថ្លែងការណ៍ថា «ថ្ងៃនេះ ក្រុមប្រឹក្សាសន្តិសុខជាតិបានជួបប្រជុំ និងដាក់ចេញសេចក្តីសម្រេចមួយ ដើម្បីឲ្យយោធាចាប់ផ្ដើមប្រតិបត្តិការនៅតាមព្រំដែនជាមួយកម្ពុជា»។ ទោះជាយ៉ាងណា នាយករដ្ឋមន្រ្តីថៃ បានគូសបញ្ជាក់ថា ការអនុម័តនេះគឺស្របទៅតាមស្ថានការដែលចាំបាច់ក្នុងការការពារអធិបតេយ្យ និងបូរណភាពទឹកដីប៉ុណ្ណោះ មិនមែនកងទ័ពថៃបើកការឈ្លានពានមុនឡើយ។

ក្នុងពេលជាមួយគ្នានេះ លោកអនុទីន បានឆ្លៀតសុំការគាំទ្រពីប្រជាពលរដ្ឋឲ្យមានការជឿទុកចិត្តលើរដ្ឋាភិបាល និងកងកម្លាំងការពារជាតិរបស់ថៃ ហើយចូលរួមសាមគ្គីគ្នាដើម្បីផ្តល់ការលើកទឹកចិត្ត និងការគាំទ្រដល់ប្រតិបត្តិការនេះជាទូទៅផងដែរ។

ក្រៅពីការប្រកាសរបស់ អនុទីន គេក៏ឃើញមានសមាជិកសភា ដែលមកពីគណបក្សប្រឆាំងថៃមួយចំនួន រួមទាំងប្រជាជនថៃផងនោះ បានចេញមុខគាំទ្រកងទ័ពឲ្យប្រកាសសង្រ្គាមជាមួយកម្ពុជាយ៉ាងពេញទំហឹង ដោយចង់ឲ្យយោធាវាយដណ្ដើមទឹកដីដែលពួកគេអះអាងថាជារបស់ខ្លួនហើយកំពុងស្ថិតក្រោមការកាន់កាប់របស់កម្ពុជា យកមកគ្រប់គ្រងវិញទាំងអស់។

ទាំងនេះសបញ្ជាក់យ៉ាងច្បាស់ថា ជាតិសាសន៍មួយនេះចាប់តាំងពីថ្នាក់ដឹកនាំ រហូតដល់រាស្រ្តសាមញ្ញ មិនដែលបោះបង់មហិច្ចតាក្នុងការដណ្ដើមយកទឹកដីរបស់កម្ពុជាមួយវិនាទីណាឡើយ។

តាមការកត់សម្គាល់ សកម្មភាពបំផ្ទុះអាវុ.ធរបស់ថៃនៅពេលនេះ មិនត្រឹមតែជាការបង្កើតស្ថានការណ៍ដើម្បីញុះញង់កម្ពុជាឲ្យធ្លាក់ចូលក្នុងសង្រ្គាមជាមួយខ្លួនប៉ុណ្ណោះទេ តែក៏ជាការរៀបចំឡើងដើម្បីបិទបាំងនូវបញ្ហាជាច្រើន ជាពិសេសគឺអស្ថិរភាពនយោបាយនៅក្នុងប្រទេសរបស់ខ្លួន។

បន្ថែមលើនោះ រដ្ឋាភិបាលថៃ ថែមទាំងបានសម្លឹងឃើញបញ្ហានេះ គឺជាឳកាសដ៏ល្អសម្រាប់ខ្លួនក្នុងការទាក់ទាញយកប្រជាប្រិយភាព និងទំនុកចិត្តពីពលរដ្ឋផងដែរ តាមរយៈការអូសទាញកម្ពុជាចូលក្នុងបញ្ហានេះបញ្ហានោះ មិនចេះចប់មិនចេះហើយ ដើម្បីបង្វែការចាប់អារម្មណ៍របស់ពួកគេពីការរិះគន់ថ្នាក់ដឹកនាំ ទៅរួមគ្នាគាំទ្រការការធ្វើសង្រ្គាមដណ្ដើមទឹកដីពីកម្ពុជាវិញ។

យ៉ាងណាក៏ដោយ ទង្វើនេះកំពុងត្រូវបានមើលឃើញដោយសហគមន៍អន្តរជាតិជាបណ្ដើរៗហើយ ដោយចាប់ផ្ដើមពីការវាយប្រហារនៅថ្ងៃទី៨ ខែធ្នូនេះភ្លាម សារព័ត៌មានអន្តរជាតិធំៗជាច្រើនបានចុះផ្សាយថា «ប្រទេសថៃគឺជាអ្នកចាប់ផ្ដើមការវាយប្រហារមុន» ស្របពេលដែលបទឈប់បាញ់ និងកិច្ចព្រមព្រៀងសន្តិភាពដែលចំហត្ថលេខារួមគ្នា ពេលនេះកំពុងត្រូវបានអនុវត្តដោយភាគីកម្ពុជាតែម្ខាងប៉ុណ្ណោះ៕

ប្រទេសថៃ ៖ ទឹកជំនន់នៅតាមបណ្តាខេត្តស្រកចុះមិនទាន់ស្រួលបួលផង កងទ័ពថៃក៏បើកឆាកបា.ញ់ប្រ.ហារមកលើកងទ័ពកម្ពុជានៅតាមបណ្តោយព្រំដែនកម្ពុជា-ថៃ ដែលបណ្តាលឱ្យពលរដ្ឋខ្មែរជាច្រើនគ្រួសារ រួមទាំងកូនសិស្សជម្លៀសចេញភ្លាមៗ ។ ការបា.ញ់មកលើកម្ពុជាជាថ្មីនេះ គឺបន្ទាប់ពីរដ្ឋាភិបាលថៃបានរៀបចំជំរំជនភៀសសឹកសម្រាប់ឱ្យពលរដ្ឋខ្លួនស្នាក់នៅរួចជាស្រេច និងបញ្ជូនកងកម្លាំង រួមទាំងអាវុ.ធគ្រប់ប្រភេទមកកាន់តំបន់ព្រំដែន ដើម្បីស្តារប្រជាប្រិយភាពក្រោយនាយករដ្ឋមន្ត្រីថៃទទួលបានសំឡេងគាំទ្រពីពលរដ្ឋធ្លាក់ចុះខ្លាំង ។

តាមការលើកឡើងរបស់ពលរដ្ឋថៃក្នុងបណ្តាញសង្គម គឺរដ្ឋាភិបាលថៃបើកដៃឱ្យកងទ័ពបា.ញ់ប្រហារកម្ពុជាតាំងពីថ្ងៃទី៧ ខែធ្នូ ឆ្នាំ២០២៥ បន្ទាប់ពីលោកនាយករដ្ឋមន្ត្រី Anutin Charnvirakul ទទួលសំឡេងគាំទ្រពីពលរដ្ឋថៃធ្លាក់ចុះខ្លាំង ដោយសារគ្មានសមត្ថភាពដោះស្រាយបញ្ហាទឹកជំនន់នៅភាគខាងត្បូងបណ្តោយឱ្យពលរដ្ឋស្លា.ប់រហូតដល់ជាង១ពាន់នាក់ ។ លើសពីនេះ ថែមទាំងបែកធ្លាយរូបថតនាយករដ្ឋមន្ត្រីថៃអង្គុយនៅតុអាហារ មានទំនាក់ទំនងជិតស្និទ្ធជាមួយមេឆបោ.កអនឡាញ (Online Scam) ជាជនបរទេស ទើបប្រឹងស្តារប្រជាប្រិយភាពមុនការបោះឆ្នោត បើមិនផ្ទុះអាវុ.ធជាមួយកម្ពុជាទេ លោកអាចនឹងធ្លាក់ពីតំណែងនៅមុនថ្ងៃទី១២ ខែធ្នូ ។

ពលរដ្ឋថៃក្នុងបណ្តាញសង្គមថា បន្ទាប់ពីលោកនាយករដ្ឋមន្ត្រី Anutin ទទួលសំឡេងគាំទ្រពីពលរដ្ឋធ្លាក់ចុះខ្លាំង ដោយសារអសមត្ថភាពដឹកនាំប្រទេស អសមត្ថភាពដោះស្រាយបញ្ហាទឹកជំនន់នៅភាគខាងត្បូង រងការស្តីបន្ទោសដែលបណ្តោយពលរដ្ឋស្រុកហាតយៃ ខេត្តសុងក្លា ស្លាប់ដោយសារទឹកជំនន់ជាង១ពាន់នាក់ និងរឿងអាស្រូវច្រើន លោក Anutin ក៏បញ្ជាឱ្យកងទ័ពរៀបចំឆាកល្ខោនសម្តែងថា កងទ័ពថៃរងរបួសដោយទម្លាក់កំហុសលើកម្ពុជា ។ នាយករដ្ឋមន្ត្រីថៃគ្មានជម្រើសអ្វីផ្សេងទេក្រៅពីបង្ករឿងធ្វើសង្គ្រាមឈ្លានពានកម្ពុជា ដើម្បីឱ្យពលរដ្ឋបោះឆ្នោតគាំទ្រកាន់តំណែងបន្តទៀត ដោយការបណ្តុះស្មារតីជាតិនិយមជ្រុល ពីព្រោះលោក Anutin អនុវត្តនយោបាយដើរដល់ផ្លូវទាល់ ទើបយកកម្ពុជាមកពាក់ព័ន្ធ ។

ហេតុនេះ លោក Anutin សម្រេចចិត្តបង្កសង្គ្រាមឈ្លានពានកម្ពុជា ដើម្បីស្រោចស្រង់ប្រជាប្រិយភាពរបស់ខ្លួនឡើងវិញ រីឯកងទ័ពថៃញុះញង់ឱ្យពលរដ្ឋមានគំនិតជាតិនិយមជ្រុល ។ ពលរដ្ឋថៃថា ពួកគេគ្រាន់តែជាកូនអុករបស់រដ្ឋាភិបាលយកទៅធ្វើសង្គ្រាមនយោបាយ កងទ័ពថៃបានបង្កជម្លោះជាមួយកម្ពុជា ទាំងដែលស្ថានការណ៍នៅតំបន់ព្រំដែនស្ងប់ស្ងាត់គ្មានអ្វីកើតឡើងសោះ ។ លោក Anutin បើកដៃឱ្យកងទ័ពបាញ់ប្រហារកម្ពុជា ដើម្បីស្តារប្រជាប្រិយភាពមុនការបោះឆ្នោត បើមិនផ្ទុះអាវុធជាមួយកម្ពុជាទេ លោកអាចនឹងធ្លាក់ពីតំណែងនៅមុនថ្ងៃទី១២ ខែធ្នូ នេះ ។

ពលរដ្ឋថៃម្នាក់ដែលមានឈ្មោះក្នុងបណ្តាញសង្គមថា «nick_patnawin» បានបង្ហាញការខឹងសម្បារជាមួយរដ្ឋាភិបាល និងកងទ័ពរបស់ខ្លួនយ៉ាងខ្លាំង បន្ទាប់ពីបើកឆាកសង្គ្រាមជាមួយកម្ពុជា ដោយនិយាយថា ខ្លួនទទួលដំណឹងថា រដ្ឋាភិបាលថៃបើកដៃឱ្យកងទ័ពបាញ់ប្រហារកម្ពុជានាពេលឆាប់ៗនេះ ប៉ុន្តែខ្លួនមិនជឿទេ ស្រាប់តែនៅថ្ងៃទី៧ ខែធ្នូ កងទ័ពថៃក៏បើកការបាញ់មកលើកម្ពុជាពិតមែន ។

ដូចគ្នានេះ ពលរដ្ឋថៃនៅព្រំដែនជាប់កម្ពុជាជាច្រើនទៀតក៏ខឹងសម្បារដែរ ដោយសាររដ្ឋាភិបាលយកថវិកាជាតិមកចំណាយលើសង្គ្រាមម្តងហើយម្តងទៀត និងមិនខិតខំស្តារសេដ្ឋកិច្ចឱ្យងើបឡើងវិញក្រោយពីធ្លាក់ចុះខ្លាំងដោយសារការបិទព្រំដែន ។ លើសពីនេះ ពលរដ្ឋក្នុងបណ្តាញសង្គមបានស្តីបន្ទោសរដ្ឋាភិបាលថៃរៀបចំទីតាំងព្រឹត្តិការណ៍ស៊ីហ្គេមមិនបានល្អអធិកអធមដូចកម្ពុជា ដោយការរៀបចំអន់គ្រប់ផ្នែក មិនថាបន្ទប់ទឹកគ្មានស្តង់ដារ សំរាមនៅបរិវេណប្រកួតកីឡា ខុសបច្ចេកទេសសំឡេង ការរៀបចំស្លាកសញ្ញាមិនស្អាត និងចំណាយថវិការៀបចំតិចជាងកម្ពុជា ពីព្រោះរវល់តែឈ្លានពានកម្ពុជា ៕

ទីក្រុងគូឡាឡាំពួ៖ លោក អាន់វ៉ា អុីប្រាហុីម នាយករដ្ឋមន្ត្រីម៉ាឡេសុី បានសម្ដែងការព្រួយបារម្ភចំពោះកិច្ចព្រមព្រៀងសន្តិភាពរវាងកម្ពុជានិងថៃ បន្ទាប់ពីថៃបានបើកការវា.យប្រហា.រយ៉ាងកំរោលមកលើកម្ពុជា នៅថ្ងៃទី៨ ខែធ្នូ ឆ្នាំ២០២៥នេះ។

យោងតាមការបង្ហោះនៅលើទំព័រហ្វេសប៊ុក លោក អាន់វ៉ា បានសរសេថា លោកមានការព្រួយបារម្ភយ៉ាងខ្លាំងចំពោះរបាយការណ៍នៃការប៉ះទង្គិចគ្នាដោយអាវុធរវាងកងកម្លាំងកម្ពុជា និងថៃតាមបណ្តោយព្រំដែន។ លោកថា ការប្រយុទ្ធគ្នាឡើងវិញនេះ ប្រឈមនឹងហានិភ័យនៃការបំផ្លាញការងារដោយប្រុងប្រយ័ត្នដែលបានធ្វើឡើងក្នុងការធ្វើឱ្យទំនាក់ទំនងមានស្ថេរភាពរវាងប្រទេសជិតខាងទាំងពីរ។ យ៉ាងណាលោកក៏សូមចូលរួមរំលែកទុក្ខជាមួយក្រុមគ្រួសាររបស់អ្នកដែលបានស្លាប់ ឬរងរបួសនៅក្នុងការប៉ះទង្គិចគ្នាផងដែរ។

តាមការបញ្ជាក់របស់លោក អាន់វ៉ា អាទិភាពបន្ទាន់នៅពេលនេះ គឺការបញ្ឈប់ការប្រយុទ្ធ ការពារជនស៊ីវិល និងត្រឡប់ទៅរកមាគ៌ាការទូតដែលគាំទ្រដោយច្បាប់អន្តរជាតិ និងស្មារតីអ្នកជិតខាងដែលអាស៊ានពឹងផ្អែក។

ក្នុងនាមកម្ពុជានិងថៃ សុទ្ធតែជាដៃគូជិតស្និទ្ធរបស់ប្រទេសម៉ាឡេស៊ី និងជាសមាជិកសំខាន់ៗរបស់អាស៊ាន លោក អាន់វ៉ា បានជំរុញឱ្យភាគីទាំងពីរអនុវត្តការអត់ធ្មត់អតិបរមា រក្សាបណ្តាញទំនាក់ទំនងបើកចំហ និងប្រើប្រាស់យន្តការដែលមាន។ ក្នុងនោះ ប្រទេសម៉ាឡេស៊ីត្រៀមខ្លួនជាស្រេចដើម្បីគាំទ្រជំហានដែលអាចជួយស្តារភាពស្ងប់ស្ងាត់ និងជៀសវាងឧប្បត្តិហេតុបន្ថែមទៀត។

គួរជម្រាបថា គិតមកត្រឹមរសសៀលថ្ងៃចន្ទនេះ ភាគីថៃនៅតែវា.យប្រហារមកលើកងកម្លាំងកម្ពុជាជាបន្តបន្ទាប់ ដោយមានទាំងការប្រើប្រាស់អាវុធតូចធំគ្រប់ប្រភេទ។ បន្ថែមលើនោះ យោធាថៃក៏បានប្រើប្រាស់ផ្សែងពុល បាញ់ចូលតំបន់ភ្នំខ្មោច និងប្រាសាទព្រះវិហារផងដែរ។

ទាំងអស់នេះពុំមែនជាការប៉ះទង្គិចគ្នានោះទេ ព្រោះកងកម្លាំងកម្ពុជាមិនបានធ្វើការបាញ់តបតឡើយ ដោយឈរលើស្មារតីនៃការគោរពរាល់កិច្ចព្រមព្រៀងដែលបានឯកភាពគ្នា និងការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ កម្ពុជាបានព្យាយាមរក្សាការអត់ធ្មត់ជាអតិបរមា។

ការណ៍នេះផ្ទុយស្រឡះពីភាគីថៃ ដែលមានបំណងបង្កហេតុញុះញង់ចង់ឲ្យមានការធ្វើសង្រ្គាម រួចប្រឌិតរឿងចោ.ទប្រកាន់មកលើកម្ពុជាថារំលោ.ភបទឈប់បា.ញ់ ខណៈដែលជាក់ស្ដែងគឺថៃខ្លួនឯងបានការបើកការវាយប្រហារមិនឈប់មិនឈរមកលើកម្ពុជា ក្នុងចេតនាបង្កើនភាពតានតឹងអស់ពេលជាច្រើនថ្ងៃមកហើយ៕