ពិធីការិនី សោម ស្រីនាថ បានសម្រេចលទ្ធផលយ៉ាងល្អជូនប្រទេសកម្ពុជាបន្ទាប់ពីតំណាងប្រទេសឈ្នះបានមកុដលេខ១ពីប្រទេសចិនក្នុងកម្មវិធី Bird’s Nest Division(បវរកញ្ញាត្រចៀកកាំ) ។ ព្រមជាមួយលទ្ធផលប្រសើរនេះកញ្ញាស្រីនាថបានបង្ហាញអារម្មណ៍រំភើបនិងទទួលបានបទពិសោធន៍ជាច្រើនពីកម្មវិធីខណៈមិនចេះភាសាចិនហើយអ្នកចូលរួមប្រកួតមិនសូវនិយាយភាសាអង់គ្លេសទៀតតែនាងអាចធ្វើបានដើម្បីប្រទេសកម្ពុជា។

នៅលើបណ្តាញសង្គមរបស់ សោម ស្រីនាថ នាថ្ងៃទី១១ ខែកក្កដា នេះនាងបានរៀបរាប់យ៉ាងដូច្នេះថា «អបអរសាទរ កម្ពុជាgo go Cambodia ក្នុងនាមនាងខ្ញុំតំណាងឱ្យសមាគមន៍នាំចេញ សំបុកត្រចៀកកាំកម្ពុជា និងតំណាងឱ្យសមាគមន៍ Cambodia super model នាងខ្ញុំពិតជាមានក្តីរំភើបនិងសប្បាយរីករាយដែលកម្ពុជាទទួលបាននូវមកុដលេខ១នាំកតិ្តយលត្រឡប់ទៅមាតុប្រទេសវិញ នាងខ្ញុំសប្បាយចិត្តណាស់ដែលបានបង្ហាញអ្វីដែលជាវប្បធម៌ អរិយធម៌ និងទំនៀមទំលាប់ប្រពៃណីខ្មែរ »។

ពិធីការិនីប្រចាំហង្សមាសរូបនេះបន្តទៀតថា «កម្មវិធី មួយនេះធ្វើឱ្យខ្ញុំទទួលបានបទពិសោធន៍ច្រើនណាស់អត់ចេះភាសាចិន អ្នកចូលរួមប្រកួតភាគច្រើនអត់និយាយអង់គ្លេស តែខ្ញុំអាចធ្វើបាន ក្នងនាមជាស្រ្តីខ្មែរ ទន់ភ្លន់មិនមែនមានត្រឹមតែភាពស្អាតមួយមុខទេ តែត្រូវជាមនុស្សរឹងមាំ តស៊ូ ឆ្លាត ជាស្ត្រីដែលខ្លាំង និងត្រូវមាន business ផ្ទាល់ខ្លួន អរគុណកម្ពុជាហើយក៏សូមអរគុណបងប្អូនទាំងអស់គ្នាសម្រាប់ការជូនពរមកកាន់នាងខ្ញុំ…»។

គួរបញ្ជាក់ផងដែរថា សោម ស្រីនាថ បានហោះពីប្រទេសកម្ពុជាកាលពីព្រឹកថ្ងៃទី៧ កក្កដា ចេញទៅប្រកួតនៅទីក្រុងគ័ងចូវ ប្រទេសចិន នៅថ្ងៃទី១០ និង១១ កក្កដា។ ការប្រកួតនេះ សោម ស្រីនាថ បាននាំយកសំលៀកបំពាក់ហូលខ្មែរស្ទើរគ្រប់ឈុត ក្បាច់រាំប្រជាប្រិយខ្មែរ និង កាយវិការទន់ភ្លន់ជានារីខ្មែរទៅប្រកួតនៅលើឆាកប្រកួតអន្តរជាតិនេះ៕

អ្នកលេងបណ្តាញសង្គមម្នាក់លើកសរសើរតារាចម្រៀងរ៉េបល្បីឈ្មោះ ម៉ាន់ វណ្ណដា ដែលអាចនាំឱ្យភាសាជាតិឮតាមសាធារណៈបាននៅប្រទេសថៃខណៈរូបគេទៅប្រទេសថៃ៨ឆ្នាំហើយមិនដែលឮប្រទេសនេះចាក់បទតារាខ្មែរច្រៀងនោះទេ។

ដូចមហាជនជ្រាបច្បាស់មកហើយថា វណ្ណដា គឺជាតារាចម្រៀងកម្ពុជាម្នាក់ដែលនាំជាតិសាសន៍ដទៃស្គាល់ប្រទេសខ្មែរលើវិស័យតន្រ្តីកាន់តែបានច្រើនហើយតារាចម្រៀងរូបនេះក៏ត្រូវកាសែតបរទេសចុះផ្សាយជាហូរហែផងដែរ។ កេរ្តិ៍ឈ្មោះតារាចម្រៀងមានដើមកំណើតនៅខេត្តព្រះសីហនុ កាន់តែមានភាពល្បីល្បាញនិងសាងកំណត់ត្រាជាច្រើនដែលតារាចម្រៀងកម្ពុជាមិនធ្លាប់ទទួលបាន។

ជាមួយគ្នានេះដែរ នៅលើបណ្តាញសង្គមទិកតុកមានបុរសម្នាក់បានបង្ហោះវីដេអូមួយនៅប៉ាតាយ៉ា ប្រទេសថៃបានឮបទដែល វណ្ណដាច្រៀង ដែលប្រទេសនេះកម្រនឹងចាក់បទដែលតារាខ្មែរបកស្រាយណាស់តែ វណ្ណដា អាចឱ្យថៃចាក់បទដែលមានតារាខ្មែរច្រៀងនៅតាមទីសាធារណៈនេះ។

ភ្ជាប់ជាមួយវីដេអូដែល វណ្ណដា ច្រៀងអ្នកលេងបណ្តាញសង្គមរូបនោះបានសរសេរបន្ថែមថា «កុំតែ វណ្ណដា ទេកុំអីគ្មានបានឮសំលេងតារាយើងច្រៀងតាមសាធារណ:ចឹងទេ៨ឆ្នាំហើយទៅថៃមិនដែលឮ បើឮគ្រាន់តែឮអ្នកខ្មែរចាក់ស្តាប់តាមតូប»។

គួរបញ្ជាក់ថា បទរបស់ វណ្ណដា ដែលឮតាមសាធារណៈនៅប្រទេសថៃខាងលើនេះគឺជាបទមានចំណងជើងថា «Bong» ដែលសហការជាមួយតារាចម្រៀងរ៉េបថៃ OG BOBBY ដែលបានចេញកាលពីខែតុលា ឆ្នាំ២០២២។ ក្រៅពីបទចម្រៀងនេះ វណ្ណដា ក៏បានសហការជាមួយតារាថៃផ្សេងទៀតក្នុងបទចម្រៀង «Run The Town » ខណៈកាលពីខែមិថុនា វណ្ណដា ក៏បានទៅប្រទេសវៀតណាម ថែមទាំង Add Story នៅក្នុងបន្ទប់សំឡេងធ្វើឱ្យហ្វេនសង្ស័យថា តារាចម្រៀងនេះអាចចេញបទចម្រៀងជាមួយតារារ៉េបវៀតណាមមិនខានដូចនេះ វណ្ណដា កាន់តែឡើងកម្រិតមួយទៀតហើយនៅលើវិស័យតន្រ្តីរបស់លោក៕

តារាចម្រៀង ពេជ្រ សោភា និងជាគ្រូបង្វឹកម្នាក់នៅក្នុងកម្មវិធី The Voice Cambodia រដូវកាលទី៣ បានបង្ហើបប្រាប់នៅលើបណ្តាញសង្គមថានាងនឹងចែករំលែកបទពិសោធន៍ផ្ទាល់ខ្លួនឱ្យកូនក្រុមទាំង១៥នាក់ រៀនចេះសរសេរ Melody និងទំនុកច្រៀងដោយខ្លួនឯងទុកជាទុនទៅថ្ងៃក្រោយទោះបីជាពួកគេមានលទ្ធផលបែបណានៅក្នុងវិធីនេះ។

វគ្គ Blind Auditions បានបញ្ចប់ហើយនាយប់ថ្ងៃទី៩ ខែកក្កដា ដោយគ្រូបង្វឹកទាំង៤រូបនៅក្នុងកម្មវិធីមានកូនក្រុមនីមួយៗចំនួន១៥នាក់រៀងៗខ្លួនហើយពួកគេនឹងប្រកួតជាមួយគ្នាក្នុងTeam តែមួយក្នុងវគ្គ The Battles ដើម្បីដណ្តើមជ័យជម្នះអាចប្រកួតក្នុងវគ្គ Live Show។ ជាមួយឱកាសនេះគ្រូបង្វឹក ពេជ្រ សោភា បានឱ្យដឹងថានាងនឹងចែករំលែកបទពិសោធន៍កូនក្រុមរបស់នាងទាំង១៥នាក់ឱ្យចេះនិពន្ធបទចម្រៀងដោយខ្លួនឯង។

តារាចម្រៀងរូបនេះបានរៀបរាប់នៅល្ងាចថ្ងៃទី១០ ខែកក្កដានេះថា «មិនថាកូនក្រុមខ្ញុំទទួលលទ្ធផលបែបណា ក្នុងនាមនាងខ្ញុំជា Coach ដែលបង្វឹកពួកគាត់ក្នុងរដូវកាលទី៣នេះ ខ្ញុំនឹងចែកបទពិសោធន៍របស់ខ្ញុំឱ្យគាត់រៀនចេះសរសេរ Melody នឹងទំនុកច្រៀងទុកជាទុនទៅថ្ងៃក្រោយឱ្យគាត់អាចរឹងមាំបានដោយខ្លួនឯង។ កូនក្រុមរបស់ខ្ញុំ ខ្ញុំនឹងសរសេរបទចម្រៀងឱ្យគាត់ច្រៀងនាថ្ងៃមុខ នេះហើយជាក្តីស្រមៃខ្ញុំ បញ្ជាក់នៅពេលដែលចប់ The Voice Cambodia Season3»។

ពេជ្រ សោភា បានបន្ថែមទៀតថា ការធ្វើបែបនេះគឺតាមបណ្តាំកវីនិពន្ធស្លាបប៉ាកានាគ ជុំ ប៊ុនធឿន ធ្វើជាមនុស្សត្រូវចេះចែករំលែក។
គួរបញ្ជាក់ផងដែរថា ពេជ្រ សោភា ត្រូវអ្នកគាំទ្រសង្កេតឃើញថានាងជាគ្រូបង្វឹកម្នាក់ដែលផ្តល់ឱកាសច្រើនដល់បេក្ខភាពចូលរួម ខណៈរដូវកាលនេះនាងមានគ្រាប់ពេជ្រជាច្រើននៅក្នុងដៃហើយគេរំពឹងថា Coach រូបនេះកាន់តែមានលទ្ធផលល្អសម្រាប់រដូវកាលទី៣នេះ៕” alt=”” />

កន្លងមកនេះមានពាក្យចចាមអារ៉ាមថាតារាចម្រៀងខាយ ម្ចាស់បទ «ម៉ាស្ការ៉ាទឹកភ្នែក» មានទំនាក់ទំនងស្នេហ៍ជាមួយស្រីស្អាត មុន្នីនាថ ជាអ្នកខេត្តសៀមរាមនិងជា Influencer ម្នាក់បន្ទាប់ពីមានរូបភាពមួយចំនួនដែលហ្វេនៗចាប់បាន។ ទោះយ៉ាងណាពេលនេះអ្នកទាំងពីរបើកចំហចំណងស្នេហ៍ហើយគឺពួកគេពិតជាទាក់ទងគ្នាពិតមែន។

រយៈពេលចុងក្រោយមកនេះឃើញថាជីវិតស្នេហារបស់តារានៅប្រទេសកម្ពុជាកាន់តែហ៊ានបើកចំហច្រើនទោះបីជាចំណងស្នេហ៍ភេទដូចគ្នាក៏ពួកគេសម្រេចចិត្តជ្រើសប្រាប់មហាជនវិញដែរ។ ជាក់ស្តែងដូចជាគូស្នេហ៍ វណ្ណដា ជាដើមទោះបីជាតារាចម្រៀងល្បីប្រចាំប្រទេសយ៉ាងណាក្តីលោកសុខចិត្តបើកចំហជាសាធារណៈ។ ក្រោយពី វណ្ណដា ប្រកាសចំហចំណងស្នេហ៍តារាចម្រៀង ខាយ និង ស្រីស្អាត មុន្នីនាថ ក្លាយជាមុខព្រួញរបស់អ្នកលេងបណ្តាញសង្គមដោយពួកគេចាប់ផ្តើមសង្ស័យអ្នកទាំងពីរកំពុងបង្កាត់ភ្លើងស្នេហ៍ជាមួយគ្នាក្រោយពីចាប់បាននូវរូបភាពខ្លះៗ។

អ្វីៗក៏ក្លាយជាការពិតមិនចង់លាក់បាំងពីមហាជនតទៅទៀតទីបំផុតតារាចម្រៀង ខាយ ដែលមហាជនស្គាល់ច្រើនតាមបទចម្រៀង គេង និង ម៉ាស្ការ៉ា ទឹកភ្នែក និងស្រីស្អាត មុន្នីនាថ បានដាច់ចិត្តបើកចំហស្នេហាជាសាធារណៈហើយដោយនៅលើបណ្តាញសង្គមអ្នកទាំងពីរបានបង្ហោះរូបភាពគូជាមួយគ្នាកាលពីពេលថ្មីៗនេះ។

ក្រោយពីគូស្នេហ៍ថ្មីថ្មោងមួយគូនេះបើកចំហចំណងស្នេហ៍បានធ្វើឱ្យហ្វេនៗចូលរួមអបអរសាទរពួកគេយ៉ាងច្រើនព្រមទាំងបានលើកឡើងថាមួយគូនេះពិតជាសមគ្នាណាស់តារាចម្រៀង ខាយ ក៏ស្រស់សង្ហា ចំណែកឯ មុន្នីនាថ វិញក៏ស្រស់ស្អាតដូចទេពធីតា៕