បរទេស៖ ស្ពានដែក SKYWALK WILLINGEN របស់អាល្លឺម៉ង់ មានទីតាំងនៅកម្ពស់ ១០០ ម៉ែត្រ និងអាចទប់ទល់នឹងទម្ងន់មនុស្សចំនួន ៧៥០ នាក់ ដែលដើរឆ្លងកាត់ស្ពាននេះក្នុងពេលតែមួយ។
យោងតាមប្រភពព័ត៌មាន Reuters បានឱ្យដឹងថា ស្ពានដែកដ៏វែងបំផុតរបស់ពិភពលោក ដែលមានប្រវែង ៦៦៤ ម៉ែត្រ ត្រូវបានសម្ពោធនៅថ្ងៃទី ១ ខែកក្កដា ដែលស្ថិតនូវតំបន់ជិះស្គី Willingen នៃកណ្តាលទីក្រុង Hesse ប្រទេសអាល្លឺម៉ង់។

ស្ពាន Skywalk Willingen គឺជាស្ពានដែកសម្រាប់អ្នកថ្មើរជើងដែលវែងជាងគេបំផុតនៅលើពិភពលោក។ ស្ពាននេះមានទម្ងន់ ១២០ តោន បោះយុថ្កាដោយគំនរដែកចំនួន ៣៦ ដែលខួងជម្រៅ ២១ ម៉ែត្រចូលទៅក្នុងភ្នំនឹងអាចផ្ទុកទម្ងន់បាន ៧៥០ នាក់ក្នុងពេលតែមួយ។ នៅពេលឆ្លងកាត់ស្ពាន អ្នកថ្មើរជើងអាចរីករាយនឹងទិដ្ឋភាពធម្មជាតិដ៏ស្រស់បំព្រងនៅលើភ្នំនៃតំបន់ Willingen និងជម្រាលខាងក្រោមដំណើរការដោយគំរូ 3D។ ស្ពាននេះក៏អាចទប់ទល់នឹងព្យុះប្រភេទទី ២ ជាមួយនឹងព្រិលធ្លាក់ព្រមជាមួយភាពមានទំនុកចិត្ត និងសុវត្ថិភាពនៃស្ពានផងដែរ។

អ្នកដំណើរលោក Alexander Mikus បាននិយាយថា គាត់ពិតជាមានការភ្ញាក់ផ្អើលយ៉ាងខ្លាំងដែលវិស្វករអាចសាងសង់ស្ពានដ៏វែងមួយឆ្លងកាត់ជ្រលងភ្នំនេះ។ យោងតាមលោក Arndt Bruene ដែលជាសហនាយកប្រតិបត្តិនៃ Skywalk ក៏បាននិយាយថា ស្ពាននេះរៀងរអិលបន្តិចជាមួយនឹងគន្លងជើង ប៉ុន្តែនៅចុងបញ្ចប់វារឹងខ្លាំងណាស់។

គួរបញ្ជាក់ដែរថា ស្ពានដែលវែងជាងគេបំផុតលើពិភពលោកមិនមែនមានតែស្ពានដែក SKYWALK WILLINGEN តែមួយទេគឺមានស្ពានជាច្រើនទៀតដូចជាស្ពានអាកាស ៧២១ នៅសាធារណរដ្ឋឆេក ដែលមានប្រវែង ៧២១ ម៉ែត្រ និងស្ពាន Golden Skybridge ដែលជាស្ពានខ្ពស់បំផុតរបស់ប្រទេសកាណាដា ដែលអនុញ្ញាតឱ្យមនុស្សឆ្លងកាត់ជ្រលងភ្នំក្នុងខេត្ត British Columbia ក្នុងរយៈកម្ពស់ ១៣០ ម៉ែត្រ៕ ប្រភព៖vnexpress

កោះតូចមួយបានហ៊ុព័ទ្ធទៅដោយទឹកសមុទ្រពណ៌ខៀវ ឆ្នេរខ្សាច់ពណ៌ស និងមានទេសភាពស្រស់ស្អាតខ្លាំង ប៉ុន្តែនៅលើកោះនេះគ្មានអ្វីពិសេសផ្សេងទៀតឡើយ ។ អ្នករស់នៅលើកោះចូលចិត្តនេសាទត្រី ហើយបើមានសំឡេងអ្វីនៅពេលយប់ អ្នកភូមិដឹងទាំងអស់ ។ ទោះជាការរស់នៅមានសភាពបែបនេះក្តី ប៉ុន្តែគ្មានអ្នកណាម្នាក់ចង់ផ្លាស់ទីលំនៅចេញពីទីនេះទេ ។

អ្នកសារព័ត៌មានម្នាក់ឈ្មោះ ដេវីត បានសួរអ្នកគ្រប់គ្រងនៅកោះតូចថា ហេតុអ្វីបានជាមានកោះធំនៅក្បែរនេះ ប៉ុន្តែគ្មានអ្នកចាប់អារម្មណ៍រស់នៅ ? អ្នកគ្រប់គ្រងកោះតូចប្រាប់ថា ដោយសារមានរឿងដំណាលតគ្នាថា បើអ្នកណាបានទៅកោះធំនោះ ពួកគេនឹងបាត់បង់សតិ ។ ហេតុនេះ មនុស្សម្នាក៏បាននាំគ្នាមករស់នៅលើកោះតូចចង្អៀតវិញ ។ ពេលមកដល់កោះតូច មេឃងងឹតទៅហើយ លោក ដេវីត ក៏បានទៅកាន់សណ្ឋាគារធំបំផុតនៅលើកោះ ។ លោក ដេវីត បន្តថា បន្ទប់សម្រាករបស់លោកមិនធំប៉ុន្មានទេ ហើយលោកប្លែកចិត្ត ដោយសារឃើញទឹក១ដបនៅក្នុងបន្ទប់ ។

អ្នករស់នៅលើកោះមិនចង់នៅក្នុងបន្ទប់យូរពេកទេ ដោយពេលយប់ ពួកគេចូលចិត្តចេញទៅស្រូបយកខ្យល់អាកាសបរិសុទ្ធនាបរិវេណខាងក្រៅ ។ បើទោះជាកោះនេះតូចក្តី ប៉ុន្តែមនុស្សជាច្រើនបាននាំគ្នាមករស់នៅលើកោះ ដោយសារពួកគេប្រាប់ថា កោះនេះមានអ្វីគ្រប់យ៉ាង ។

នៅពេលព្រឹក លោក ដេវីត បានទៅកាន់ហាងកាហ្វេនៅលើកោះ ហើយលោកប្រាប់ថា កាហ្វេ១កែវៗមានតម្លៃថោក ។ បន្ទាប់មក លោកក៏អង្គុយហូបបាយព្រឹក ហើយពេលបាយព្រឹករួច លោកក៏អង្គុយលេងបន្តទៀត ។

កោះនេះស្ថិតនៅទន្លេសាបវិចទ័រៀ តំបន់អាហ្វ្រិកខាងកើត ហើយកោះនេះមានទំហំស្មើនឹងទីលានប្រកួតកីឡាប៉ុណ្ណោះ ប៉ុន្តែជនជាតិ Uganda មិនគិតបែបនេះទេ ហើយពួកគេចង់មករស់នៅលើកោះជាបន្តបន្ទាប់ ។ កោះនេះ គឺជាកម្មសិទ្ធប្រទេសកេនយ៉ា (Kenya) ហើយជនជាតិ Uganda ដែលមករស់នៅលើកោះ ពួកគេត្រូវបង់ពន្ធឱ្យប្រទេសទាំងពីរ ។

លោក ដេវីត លើកឡើងថា នៅលើកោះមានហាងលក់ដូរ១កន្លែង, គ្លីនិក១កន្លែង និងគ្រូពេទ្យតែម្នាក់គត់ ។ គ្រូពេទ្យរូបនេះបានរស់នៅលើកោះអស់រយៈពេល១១ឆ្នាំហើយ ដោយបើកគ្លីនិកដោយខ្លួនឯង ។ លោកគ្រូពេទ្យនិយាយថា ការបង់ពន្ធឱ្យប្រទេស Uganda និង Kenya បានធ្វើឱ្យប្រាក់ដែលគាត់រកបានស្ទើរតែចាយមិនគ្រប់ ។ គាត់អាចព្យាបាលជំងឺទូទៅបានទាំងអស់ ហើយមនុស្សនៅលើកោះគោរពស្រឡាញ់លោកគ្រូពេទ្យណាស់ ។

បន្ទាប់មក លោក ដេវីត បានមកកាន់ហាងលក់ម្ហូបអាហារលើកោះ ហើយហាងលក់ម្ហូបនេះបានឱ្យលោកសាកថ្មទូរស័ព្ទមិនគិតថ្លៃទៀតផង ។ លោកនិយាយថា យើងមិនអាចដាំដំណាំអ្វីនៅលើកោះបានទេ ហើយយើងមិនអាចរស់នៅទីនេះដោយមានក្តីសុខទេ បើគ្មានប្រាក់ ។

ចំណែកការនេសាទ គឺជាមុខរបរចម្បងសម្រាប់រកប្រាក់ចំណូលរបស់អ្នករស់នៅទីនេះ ព្រោះសមុទ្រនៅក្បែរៗសម្បូរត្រីធំៗ ។ ពួកគេអាចនេសាទបានត្រីធំជាច្រើន ប៉ុន្តែវាក៏មានគ្រោះថ្នាក់ផងដែរ ព្រោះទូកនេសាទរបស់ពួកគេបានឆ្លងសមុទ្រទៅប្រទេសជាប់គ្នានេះ ។ ជាធម្មតា អ្នកនេសាទតែងចេញនេសាទនៅពេលយប់ ហើយពួកគេក៏សម្រាកនៅទីនោះ១យប់ ។ លុះព្រឹកឡើង ពួកគេក៏ប្រមូលសំណាញ់ត្រឡប់មកផ្ទះវិញ ។ បុរសក្នុងភូមិអាចចាប់ត្រីបានជាច្រើនក្បាលមកឱ្យស្រីៗលក់ឱ្យអ្នកភូមិ ហើយនេះជាការងារដែលស្រីៗអាចធ្វើបាន ។

មុនពេលចាកចេញពីកោះនេះ លោក ដេវីត បានទៅកាន់កន្លែងលក់ចេក ដែលចេកជាអាហារចម្បងមួយរបស់ជនជាតិអាហ្វ្រិក និងអាចផលិតជាស្រាបាន ។ លោកប្រាប់ថា ស្រានេះមានរសជាតិឆ្ងាញ់ ហើយធ្វើឱ្យលោកអាចជជែកគ្នាជាមួយអ្នករស់នៅទីនេះកាន់តែច្រើន និងសប្បាយរីករាយ ។ លើសពីនេះ គេអាចលេងបៀរនៅលើកោះនេះបាន ព្រោះនៅលើកោះគ្មានអាថ៌កំបាំងទេ ដោយសារពួកគេគិតថា វាជារឿងធម្មតា ។ ចំណែកស្រីៗភាគច្រើនគ្មានការងារធ្វើទេ ហើយពួកគេក៏មិនបានតវ៉ាអ្វីដែរ ៕

ប្រភព ៖ Glory School & College

ប្រទេសហ្វីលីពីន ៖ ក្រុមហ៊ុនរបស់ចិនឈ្មោះ Yadea Group Holdings គឺជាក្រុមហ៊ុនផលិតម៉ូតូអគ្គិសនីដ៏ធំបំផុតនៅលើពិភពលោក មានគម្រោងវិនិយោគសាងសង់រោងចក្រផលិតម៉ូតូអគ្គិសនីនៅប្រទេសហ្វីលីពីន ក្នុងទឹកប្រាក់ប្រមាណ១ពាន់លានដុល្លារអាមេរិក ។

លោក Tereso Panga អគ្គនាយកតំបន់សេដ្ឋកិច្ចហ្វីលីពីន (Philippine Economic Zone Authority: PEZA) លើកឡើងថា ក្រុមហ៊ុន Yadea ជាក្រុមហ៊ុនផលិតរថយន្តអគ្គិសនីបានសម្លឹងមើលប្រទេសក្នុងតំបន់អាស៊ីអាគ្នេយ៍ ដើម្បីពង្រីករោងចក្របន្ថែមទៀត ។ ក្រុមហ៊ុន Yadea មានមជ្ឈមណ្ឌលផលិតកម្មចំនួន៦កន្លែងនៅប្រទេសចិន និង១កន្លែងទៀតនៅវៀតណាម ហើយការផលិតរថយន្តរបស់ក្រុមហ៊ុននេះស្មើជាង១២លានគ្រឿងក្នុង១ឆ្នាំ ។

ក្រៅពីនេះ ក្រុមហ៊ុន Yadea បានបង្ហាញថា ក្រុមហ៊ុនចាប់អារម្មណ៍សាងសង់រោងចក្រក្នុងតំបន់សេដ្ឋកិច្ចហ្វីលីពីន (PEZA) នៅខេត្តបាតាងហ្គាស ដែលស្ថិតនៅភាគខាងត្បូងទីក្រុងម៉ានីល ។ ក្រុមហ៊ុនមានគម្រោងផលិតម៉ូតូអគ្គិសនីក្នុង១ឆ្នាំ ចាប់ពី៣លាន ទៅ៥លានគ្រឿងសម្រាប់លក់ក្នុងប្រទេស និងការនាំចេញ ។ តាមទិន្នន័យរបស់ ASEAN Automotive Federation បង្ហាញថា នៅឆ្នាំ២០២២ ប្រទេសហ្វីលីពីនបានផលិតម៉ូតូ និង Scooter សរុបប្រមាណ៩៣ម៉ឺន៥ពាន់គ្រឿង ។

ហ្វីលីពីនជាប្រទេសមួយក្នុងតំបន់អាស៊ីអាគ្នេយ៍ ដែលពិបាកទាក់ទាញការវិនិយោគផ្ទាល់ពីក្រៅប្រទេស ប៉ុន្តែប្រទេសនេះនៅតែព្យាយាមទាក់ទាញក្រុមហ៊ុនផលិតរថយន្តអគ្គិសនី និងឧស្សាហកម្មផ្តោតលើការនាំចេញឱ្យចូលមកវិនិយោគនៅប្រទេសរបស់ខ្លួន ។ ហ្វីលីពីនបានទាក់ទាញក្រុមហ៊ុនវិនិយោគតាមរយៈការផ្តល់ផលប្រយោជន៍ពន្ធ និងបន្ធូរបន្ថយលក្ខខណ្ឌស្នើសុំវិនិយោគឆាប់រហ័សជាងមុន ។ ក្រៅពីនេះ ហ្វីលីពីនក៏ប្រឈមនឹងគូប្រជែងផ្សេងទៀតដូចជា ថៃ និងឥណ្ឌូណេស៊ី ខណៈប្រទេសទាំងពីរនេះព្យាយាមផលិតរថយន្តអគ្គិសនីដូចគ្នា ៕ ប្រភព ៖ AEC connect

ប្រេស៊ីល៖ គោពណ៌សមួយក្បាលរបស់ប្រេស៊ីលត្រូវបានគេលក់ក្នុងតម្លៃខ្ពស់បំផុតមិនធ្លាប់មាន ដែលធ្វើឱ្យវាក្លាយជាគោថ្លៃបំផុតនៅលើពិភពលោក។
យោងតាមប្រភពព័ត៌មាន Newsweek ដែលបានរាយការណ៍កាលពីថ្ងៃទី ៣០ ខែមិថុនា ថា ពូជគោ Nelore ដែលមានអាយុ ៥ឆ្នាំ និងមានឈ្មោះថា Viatina-19 FIV Mara Imóveis ត្រូវបានលក់ក្នុងតម្លៃ ១.៤៤ លានដុល្លារ នៃការដេញថ្លៃមួយដែលធ្វើឡើងនៅតំបន់ Arandú ប្រទេសប្រេស៊ីល។

ពូជគោ Nelore ត្រូវបានកំណត់លក្ខណៈដោយសម្បុរស្បែកពណ៌សភ្លឺ និងខ្ទុះធំដាច់ដោយឡែកនៅលើស្មា។ ពួកវាធន់នឹងកំដៅដោយធម្មជាតិ ដោយសារស្បែកក្រាស់របស់វា និងមានក្រពេញញើសធំជាងពីរដង និង ៣០ ភាគរយដែលច្រើនជាងពូជសត្វគោអឺរ៉ុបដទៃទៀត នេះបើយោងតាមសាកលវិទ្យាល័យអូក្លាហូម៉ា។ ពូជគោនេះមានដើមកំណើតនៅប្រទេសឥណ្ឌា ដែលដាក់ឈ្មោះតាមស្រុក Nellore ក្នុងរដ្ឋ Andhra Pradesh ។ បច្ចុប្បន្ន វាគឺជាពូជគោដ៏សំខាន់បំផុតមួយនៅក្នុងប្រទេសប្រេស៊ីល ដែលភាគច្រើនដោយសារតែវាធន់និងកម្តៅ មានសមត្ថភាពក្នុងការលូតលាស់លើចំណីដែលមានគុណភាពអន់ និងការរំលាយអាហារប្រកបដោយប្រសិទ្ធភាព។

វាក៏អាចបន្តពូជបានយ៉ាងងាយស្រួលផងដែរ ពីព្រោះសត្វគោនេះមានឆ្អឹងអាងត្រគាកធំទូលាយ និងស្បូនធំ ខណៈពេលដែលក្មេងត្រូវការអន្តរកម្មរបស់មនុស្សតិច ដើម្បីអភិវឌ្ឍទៅជាមនុស្សពេញវ័យដោយជោគជ័យ។ សត្វគោ Nelore ក៏មានភាពធន់នឹងការឆ្លងមេរោគប៉ារ៉ាស៊ីតមួយចំនួនផងដែរ ពីព្រោះស្បែកក្រាស់របស់វាធ្វើឱ្យសត្វល្អិតបឺតឈាមកាន់តែពិបាកជ្រាបចូល។

ដូច្នេះហើយដោយសារគុណសម្បត្តិដ៏ច្រើនរបស់ពូជគោនេះ ទើបធ្វើឱ្យវាមានតម្លៃថ្លៃបំផុតលើពិភពលោក។ លើសពីនេះទៀត ពួកវាក៏ត្រូវបានគេជ្រើសរើសបង្កាត់ពូជដើម្បីពង្រីកលក្ខណៈល្អដោយប្រើការបណ្តុះសិប្បនិម្មិតផងដែរ៕ ប្រភព៖vnexpress

ប្រទេសនូវែលសេឡង់ ៖ គេហទំព័ររបស់ក្រសួងបរិស្ថាននូវែលសេឡង់ចុះផ្សាយថា នូវែលសេឡង់បានហាមឃាត់ការប្រើប្រាស់ផ្លាស្ទិកនៅទូទាំងប្រទេសក្នុងដំណាក់កាលទី២ ដោយបានអនុវត្តចាប់ពីថ្ងៃទី១ ខែកក្កដា តទៅ ។ ផលិតផលផ្លាស្ទិកស្ថិតក្នុងការហាមឃាត់នេះ រួមមាន ថង់ដាក់បន្លែ និងផ្លែឈើនៅផ្សារទំនើប, ចាន, ស្លាបព្រា, សម, ស្ទិកគ័របិទម្ហូបអាហារនិងផ្លែឈើ និងបំពង់ផ្លាស្ទិក ប៉ុន្តែគេបានលើកលែងសម្រាប់ជនពិការ និងអ្នកចាំបាច់ត្រូវប្រើប្រាស់ផ្លាស្ទិកក្នុងវេជ្ជសាស្ត្រ ។

ការហាមឃាត់ការប្រើប្រាស់ផ្លាស្ទិកដំណាក់កាលទី២ នេះ គេបានប្រមូលផ្លាស្ទិកទាំងអស់ចេញពីធ្នើរដាក់ទំនិញនៅផ្សារទំនើប ព្រមទាំងហាមលក់ផ្លាស្ទិក និងហាមផលិតផ្លាស្ទិក ចាប់ពីថ្ងៃទី១ ខែកក្កដា ។ ចំណែកហាងទំនិញណាល្មើសនឹងបម្រាមនេះ នឹងត្រូវពិន័យជាប្រាក់ចំនួន១សែនដុល្លារនូវែលសេឡង់ ។ ក្នុងគេហទំព័រនេះបញ្ជាក់ច្បាស់ថា បម្រាមនេះបានហាមឃាត់នៅតំបន់ណាខ្លះ និងលើកលែងផ្លាស្ទិកប្រភេទណា ហើយពលរដ្ឋគួរត្រៀមខ្លួនប្រើប្រាស់អ្វីជំនួសវិញ ។

ក្រសួងបរិស្ថានបញ្ជាក់ថា បម្រាមប្រើប្រាស់ផ្លាស្ទិកលើកនេះ គឺផ្តោតលើផ្លាស្ទិកដែលប្រើតែម្តងរួចបោះចោល ។ កាលពីខែតុលា ឆ្នាំ២០២២ ប្រទេសនូវែលសេឡង់បានហាមលក់ផ្លាស្ទិក ឬផលិតសំឡីត្បាលអាចម៍ត្រចៀកដែលប្រើរួចបោះចោល, ឈើកូរភេសជ្ជៈ និងថាសជ័រដាក់សាច់ ជាដើម ។ រដ្ឋមន្ត្រីក្រសួងបរិស្ថាន លោក David Parker បានថ្លែងកាលពីខែកញ្ញា ឆ្នាំ២០២២ ថា ការឈប់លក់ផលិតផលផ្លាស្ទិកនឹងជួយកាត់បន្ថយសំរាម, កែលម្អប្រព័ន្ធកែច្នៃឡើងវិញ និងជំរុញការប្រើផ្លាស្ទិកឡើងវិញ ឬទទួលខុសត្រូវដល់បរិស្ថាន ។

ពលរដ្ឋនូវែលសេឡង់ម្នាក់បានបោះចោលសំរាមផ្លាស្ទិកប្រមាណ៧៥០គីឡូក្រាមក្នុង១ឆ្នាំ ក្នុងនោះសំរាមមួយចំនួនមិនអាចកែច្នៃប្រើឡើងវិញបានទេ ។ ការចេញច្បាប់ថ្មីសង្ឃឹមថា នឹងអាចកាត់បន្ថយបរិមាណសំរាមទាំងនេះ ។ នូវែលសេឡង់នឹងហាមឃាត់ការប្រើផ្លាស្ទិកដំណាក់កាលទី៣ ព្រមទាំងហាមការវេចខ្ចប់អាហារ និងភេសជ្ជៈដោយប្រើផ្លាស្ទិក PVC ចាប់ពីពាក់កណ្តាលឆ្នាំ២០២៥ តទៅ ៕ ប្រភព ៖ environman