ក្រសួងទេសចរណ៍បានបង្ហាញស្ថិតិភ្ញៀវទេសចរចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ឆ្នាំ២០២៣ មានទេសចរដើរលេងកម្សាន្តប្រមាណជាង៣០ម៉ឺននាក់ទូទាំងប្រទេស ក្នុងនោះភ្ញៀវជាតិមានចំនួន២៧៣,០៥៥នាក់ និងភ្ញៀវបរទេសផ្ទៃក្នុង៣៣,៤៦៩នាក់ ខណៈខេត្តព្រះសីហនុជាគោលដៅធំជាងគេដែលស្រូបភ្ញៀវទេសចរបានច្រើនក្នុងចំណោមខេត្តផ្សេងទៀត។តាមរបាយការណ៍បញ្ជាក់ថា គោលដៅទេសចរណ៍សំខាន់ៗ រួមមាន៖
* ខេត្តព្រះសីហនុ មានចំនួន ៦៥,៨៧២នាក់
* ខេត្តបាត់ដំបង ៤២,៤៧៣នាក់
* ខេត្តសៀមរាប ៣១,៦៣៤នាក់
* រាជធានីភ្នំពេញ ៣១,៤២៤នាក់
* ខេត្តកំពត ២៨,៨៥១នាក់
* ខេត្តកំពង់ស្ពឺ ១៥,០៤៩នាក់
* ខេត្តកែប ១២,៣២៦នាក់។
គួរបញ្ជាក់ថាចំនួនភ្ញៀវទេសចរខាងលើនាចុងខែមិថុនាដើមខែកក្កដានេះមានការកើនឡើងប្រមាណ៣.៧៨% ធៀបនឹងសប្តាហ៍កន្លងមក។ សរុបរយៈពេល៦ខែនៃឆ្នាំ២០២៣នេះ ភ្ញៀវទេសចរក្នុងស្រុកសរុបមានចំនួនប្រមាណ១១.១លាននាក់ កើនឡើងប្រមាណ ៧៥% ធៀបនឹងឆ្នាំ២០២២៕

យោងតាមសេចក្ដីប្រកាសរបស់មន្ទីរការងារ និងបណ្ដុះបណ្ដាលវិជ្ជាជីវៈ ខេត្តរតនគិរី បានឱ្យដឹងថា៖” បន្ទាប់ពីមន្ទីរ បានទទួលដំណឹងអំពីករណីសង្ស័យពុលស្រាស្លាប់ របស់បងប្អូនកម្មករនយោជិត ធ្វើការនៅក្រុមហ៊ុន ហ័ងអាញអណ្ដូងមាស(ចំការចេក) ស្ថិតនៅភូមិ៣ ឃុំស្រែអង្គ្រង ស្រុកកូនមុំ ខេត្តរតនគិរី កាលពីថ្ងៃទី២៨ ខែមិថុនា ឆ្នាំ២០២៣ ខាងមន្ទីរបានចុះទៅភ្លាមៗ ដោយសហការជាមួយអាជ្ញាធរមានសមត្ថកិច្ច និងមន្ទីរសុខាភិបាលខេត្ត ណែនាំឱ្យក្រុមហ៊ុនចាត់វិធានការសុវត្ថិភាព និងសុខភាពការងារជាបន្ទាន់ ដើម្បីបង្កាហានិភ័យ ដល់កម្មករពាក់ព័ន្ធ។

មន្ទីរការងារ និងបណ្ដុះបណ្ដាលវិជ្ជាជីវៈ បានបន្ថែមទៀតថា៖”យោងតាមការស្រាវជ្រាវ លទ្ធផលជាផ្លូវការ របស់ជំនាញមន្ទីរសុខាភិបាលឃើញថា ករណីដែលបណ្ដាលឱ្យមនុស្សស្លាប់ជាបន្តបន្ទាប់នេះ បណ្ដាលមកពីពុលស្រា ដែលគេដាក់តាំងលក់នៅតាមទីតាំងក្បែរក្រុមហ៊ុន”។

គួរបញ្ជាក់ថា ជនរងគ្រោះក្នុងករណីខាងលើនេះ មានចំនួន ១១នាក់ បានស្លាប់ចំនួន ១០នាក់ គិតចាប់ពីថ្ងៃទី១៦ ខែមិថុនា ឆ្នាំ២០២៣ ដល់ថ្ងៃទី០៣ ខែកក្កដា ឆ្នាំ២០២៣នេះ៕

ក្រៅពីជាខេត្តដែលមានសក្តានុពលលើវិស័យកសិកម្មនិងឧស្សាហកម្ម ខេត្តបាត់ដំបងក៏បានផ្សារភ្ជាប់នឹងវិស័យទេសចរណ៍បែបធម្មជាតិជាច្រើនទៀតក្នុងនោះយើងផ្តោតសំខាន់និងទឹកធ្លាក់បរឡាងដែលជាកន្លែងលំហែរអារម្មណ៍ដ៏អស្ចារ្យសម្រាប់ទាក់ទាញភ្ញៀវទេសចរណ៍បរទេសផងដែរ

ទឹកធ្លាក់បរឡាង ឬក៏គេច្រើនហៅថា ជ្រោះបរឡាង មានទីតាំងស្ថិតនៅ ភូមិកន្ទួត ឃុំសំឡូត ស្រុកសំឡូត ខេត្តបាត់ដំបង និងមានចម្ងាយប្រហែល ៩០គីឡូម៉ែត្រ ពីរង្វង់​មូល​លោក​តា​ដំបង​ក្រញ៉ូង។

ដើម្បីទៅដល់ទីនោះ ភ្ញៀវទេសចរណ៍ត្រូវធ្វើដំណើរចេញពីទីរួមខេត្តបាត់ដំបង ទៅតាមផ្លូវលេខ ៥៧ ឆ្ពោះទៅកាន់ស្រុកសំឡូត បត់ខាងឆ្វេងតាមផ្សារត្រែងចូលក្នុងប្រមាណជា១៨គីឡូម៉ែត្រ នោះលោកអ្នកនឹងឃើញស្លាករមណីយដ្ឋាននោះ។ទឹកធ្លាក់បរឡាង ជាតំបន់ទេសចរណ៍ធម្មជាតិ ដែលមានទេសភាពស្រស់ស្អាត ជាមួយនឹងរុក្ខជាតិខៀវស្រងាត់ ព្រៃភ្នំព័ទ្ធជុំជិត ជាទឹកធ្លាក់ពីលើភ្នំ ដែលបង្កើតបានជាទស្សនីយភាព សម្រាប់អ្នកទេសចរដែលចូលចិត្តធម្មជាតិ ស្តាប់សំលេងទឹកធ្លាក់មកពីលើកំពូលភ្នំ និងងូតទឹកលេងកម្សាន្ត៕

លោក សុខ លីមរក្សា ម្ចាស់ផេក Life Film និងលោក សេក ដារ័ត្ន ហៅខេនឌី រួមទាំងគ្នីគ្នាត្រូវរងបណ្តឹងពីតួសម្តែងរបស់ខ្លួនជាក្មេងស្រី៣នាក់មិនទាន់គ្រប់អាយុ និងនារីម្នាក់ទៀតអាយុ២៤ឆ្នាំពីបទ«ផ្តើមគំនិតនិងសមគំនិតក្នុងករណីប្រទូស្តកេរ្តិ៍ខ្មាស»ទាមទារ៣ចំណុចគឺ ផ្តន្ទាទោស ,លុបវីដេអូអាសអាភាស និងទាមទារសងជំងឺចិត្តក្នុងម្នាក់១០០លានរៀល។ រឿងក្តីនេះដែរឯកឧត្តម លី សាម៉េត ទីប្រឹក្សាសម្តេចតេជោ ប្រធានគណបក្សប្រជាជនកម្ពុជាតំណាងនារីរងគ្រោះទាំង៤នាក់បានដាក់ បណ្តឹងចូលទៅ ព្រះរាជអាជ្ញាអមសាលាដំបូង រាជធានី ភ្នំពេញ រួចជាស្រេចហើយ។

រឿងរ៉ាវរបស់ផេក Life Film ដែលថតវីដេអូអប់រំបង្កប់រូបភាពអាសអាភាស និងការLive វីដេអូបែបស្រើបស្រាលកាន់តែក្តៅទៅៗហើយបន្ទាប់ពីតួអង្គសម្តែងនៅក្នុងរឿង៣នាក់ជាក្មេងស្រីមិនទាន់គ្រប់អាយុបានចោទប្រកាន់ទៅលោក សុខ លីមរក្សា ម្ចាស់ផេក Life Film និងលោក សេក ដារ័ត្ន ហៅខេនឌី រួមទាំងគ្នីគ្នា ដែលបង្ខំពួកគេថតវីដេអូអាសអាភាស។ រឿងនេះដែរឯកឧត្តម ដួង តារា រដ្ឋលេខាធិការទីស្តីការ និងជំនួយការផ្ទាល់សម្តេច ក៏បានលូកដៃចំពោះទង្វើដែលមិនសមរម្យរបស់ក្រុម Life Film ដែលយកក្មេងស្រីមិនទាន់គ្រប់អាយុមកថតរឿងបែបនេះ។

យ៉ាងណាមិញ រឿងនេះមិនត្រឹមតែឯកឧត្តម ដួង តារា ជួយឈឺឆ្អាលប៉ុណ្ណោះទេ តួអង្គសម្តែង៣នាក់មិនទាន់គ្រប់អាយុមាន១៤ឆ្នាំម្នាក់ និង១៧ឆ្នាំ២នាក់ និងម្នាក់ទៀតអាយុ២៤ឆ្នាំបានដាក់ពាក្យបណ្តឹងទៅលោក សុខ លីមរក្សា ម្ចាស់ផេក Life Film និងជាអ្នកគ្រប់គ្រងទូទៅ និងលោក សេក ដារ័ត្ន ហៅខេនឌី និងគ្នីគ្នាពីបទ «ផ្តើមគំនិតនិងសមគំនិតក្នុងករណីប្រទូស្តកេរ្តិ៍ខ្មាស» ដែលមាន ឯកឧត្តម លី សាម៉េត ទីប្រឹក្សាសម្តេចតេជោ ជា តំណាងនារីរងគ្រោះទាំង៤នាក់ ហើយបានដាក់បណ្តឹងចូលទៅព្រះរាជអាជ្ញាអមសាលាដំបូងរាជធានីភ្នំពេញរួចជាស្រេចហើយ។
ក្នុងពាក្យបណ្តឹងរបស់នារីរងគ្រោះ៣ នាក់ដែលមិនទាន់គ្រប់អាយុបានទាមទារ៣ចំណុចពីតុលាការរួមមាន៖
១. ផ្តន្ទាទោសឈ្មោះ សុខលីម រក្សា ឈ្មោះ សេក ដារ័ត្ន ហៅខេនឌី និងបក្សពួក ដាក់ពន្ធនាគារ តាមផ្លូវច្បាប់
២. ទាមទារឲ្យលុបវីដេអូអាសអាភាសរបស់ពួកគេចេញពីផេក ឡាយ ហ្វឹម (Life Film) និង ឡាយ តារា ញូ (LifeDara News)។
៣. ទាមទារសំណងជំងឺចិត្តចំនួន ៣០០.០០០.០០០ (បីរយ) លានរៀល។
មិនខុសពីក្មេងស្រី៣រូបខាងលើនារីវ័យ២៤ឆ្នាំក៏ទាមទារដូចគ្នានិងទឹកប្រាក់សំណងជំងឺចិត្ត១០០លានរៀល។

គួរបញ្ជាក់ផងដែរថា បើតាមការបកស្រាយរបស់ភាគី សុខលីម រក្សា និង ខេនឌី ពួកគេបានបញ្ជាក់ថាមិនបានបង្ខិតបង្ខំនារីទាំងនោះឱ្យថតវីដេអូអាសអាភាសឡើយគឺជាការស្ម័គ្រចិត្តរបស់ពួកគេ ហើយអ្នកទាំងនោះក៏មិនមែនជាមនុស្សមានចរិតរម្យទុំឡើយ នៅលើទិកតុកពួកគេចូលចិត្តថតវីដេអូបញ្ចេញភាពស៊ិចស៊ីនិងរោលរាលដូចគ្នា៕

នាឱកាសអញ្ជើញចុះជួបសំណេះសំណាលជាមួយកម្មករ-កម្មការិនី សរុបប្រមាណ១៨,២៥៥នាក់ មកពីរោងចក្រសហគ្រាសចំនួន១១ ក្នុងស្រុកអង្គស្នួល ខេត្តកណ្តាល សម្ដេចតេជោ ហ៊ុន សែនមានប្រសាសន៍ដល់ប្រជាពលរដ្ឋខ្មែរយើងបន្ដការខិតខំ រួមគ្នាតទៅទៀតរ ក្សាភាពសុខសាន្តតាមរោងចក្រ ទប់ស្កាត់ការជួញដូរគ្រឿងញៀន និងការចម្លងមេរោគអេដស៍។

សម្ដេចតេជោ នាយករដ្ឋមន្ដ្រី បានលើកឡើងថា៖”ឥលូវមានបញ្ហាជំងឺអេដស៍ ដែលត្រូវប្រកាសអាសន្នឡើងវិញ សម្រាប់គ្រប់គ្រងជំងឺអេដស៍ ដែលវាបានកើតឡើង គួរឱ្យព្រួយបារម្ភ។ ជំងឺអេដស៍នៅប្រទេសកម្ពុជា ធ្លាក់ចុះជាមួយនឹងយុទ្ធនាការផ្សេងៗ ដើម្បីគ្រប់គ្រងជំងឺ និងឈានដល់ការលុបបំបាត់ជំងឺ រាប់ទាំងជំងីគ្រុនចាញ់ ឱ្យចប់ត្រឹមឆ្នាំ២០២៥ ប៉ុន្ដែបែរជាជំងឺអេដស៍ នៅឆ្នាំ២០២២កន្លងទៅ កើនឡើង៣០០ករណី ហើយសំដៅទៅរក អ្នកដែលយកភេទដូចគ្នា ប្រុសនិងប្រុស។

ជាមួយគ្នានេះ សម្ដេចតេជោ ហ៊ុន សែន ក៏សូមឱ្យចេះការពារខ្លួន ព្រោះថា អេដស៍មិនទាន់ចប់ទេ ហើយកូវីដក៏មិនទាន់ចប់ដែល ដែលសូមលើកទឹកចិត្ដឱ្យបន្ដ ការយកវ៉ាក់សាំងដូសជំរុញតទៅទៀត៕