ក្តៅគគុក! សុខ លីមរក្សា ,ខេនឌី និងគ្នីគ្នាមិនរួចខ្លួនទេក្នុងសំណុំរឿងយកក្មេងស្រីមិនទាន់គ្រប់អាយុមកថតអា.សអាភា.ស

លោក សុខ លីមរក្សា ម្ចាស់ផេក Life Film និងលោក សេក ដារ័ត្ន ហៅខេនឌី រួមទាំងគ្នីគ្នាត្រូវរងបណ្តឹងពីតួសម្តែងរបស់ខ្លួនជាក្មេងស្រី៣នាក់មិនទាន់គ្រប់អាយុ និងនារីម្នាក់ទៀតអាយុ២៤ឆ្នាំពីបទ«ផ្តើមគំនិតនិងសមគំនិតក្នុងករណីប្រទូស្តកេរ្តិ៍ខ្មាស»ទាមទារ៣ចំណុចគឺ ផ្តន្ទាទោស ,លុបវីដេអូអាសអាភាស និងទាមទារសងជំងឺចិត្តក្នុងម្នាក់១០០លានរៀល។ រឿងក្តីនេះដែរឯកឧត្តម លី សាម៉េត ទីប្រឹក្សាសម្តេចតេជោ ប្រធានគណបក្សប្រជាជនកម្ពុជាតំណាងនារីរងគ្រោះទាំង៤នាក់បានដាក់ បណ្តឹងចូលទៅ ព្រះរាជអាជ្ញាអមសាលាដំបូង រាជធានី ភ្នំពេញ រួចជាស្រេចហើយ។

រឿងរ៉ាវរបស់ផេក Life Film ដែលថតវីដេអូអប់រំបង្កប់រូបភាពអាសអាភាស និងការLive វីដេអូបែបស្រើបស្រាលកាន់តែក្តៅទៅៗហើយបន្ទាប់ពីតួអង្គសម្តែងនៅក្នុងរឿង៣នាក់ជាក្មេងស្រីមិនទាន់គ្រប់អាយុបានចោទប្រកាន់ទៅលោក សុខ លីមរក្សា ម្ចាស់ផេក Life Film និងលោក សេក ដារ័ត្ន ហៅខេនឌី រួមទាំងគ្នីគ្នា ដែលបង្ខំពួកគេថតវីដេអូអាសអាភាស។ រឿងនេះដែរឯកឧត្តម ដួង តារា រដ្ឋលេខាធិការទីស្តីការ និងជំនួយការផ្ទាល់សម្តេច ក៏បានលូកដៃចំពោះទង្វើដែលមិនសមរម្យរបស់ក្រុម Life Film ដែលយកក្មេងស្រីមិនទាន់គ្រប់អាយុមកថតរឿងបែបនេះ។

យ៉ាងណាមិញ រឿងនេះមិនត្រឹមតែឯកឧត្តម ដួង តារា ជួយឈឺឆ្អាលប៉ុណ្ណោះទេ តួអង្គសម្តែង៣នាក់មិនទាន់គ្រប់អាយុមាន១៤ឆ្នាំម្នាក់ និង១៧ឆ្នាំ២នាក់ និងម្នាក់ទៀតអាយុ២៤ឆ្នាំបានដាក់ពាក្យបណ្តឹងទៅលោក សុខ លីមរក្សា ម្ចាស់ផេក Life Film និងជាអ្នកគ្រប់គ្រងទូទៅ និងលោក សេក ដារ័ត្ន ហៅខេនឌី និងគ្នីគ្នាពីបទ «ផ្តើមគំនិតនិងសមគំនិតក្នុងករណីប្រទូស្តកេរ្តិ៍ខ្មាស» ដែលមាន ឯកឧត្តម លី សាម៉េត ទីប្រឹក្សាសម្តេចតេជោ ជា តំណាងនារីរងគ្រោះទាំង៤នាក់ ហើយបានដាក់បណ្តឹងចូលទៅព្រះរាជអាជ្ញាអមសាលាដំបូងរាជធានីភ្នំពេញរួចជាស្រេចហើយ។
ក្នុងពាក្យបណ្តឹងរបស់នារីរងគ្រោះ៣ នាក់ដែលមិនទាន់គ្រប់អាយុបានទាមទារ៣ចំណុចពីតុលាការរួមមាន៖
១. ផ្តន្ទាទោសឈ្មោះ សុខលីម រក្សា ឈ្មោះ សេក ដារ័ត្ន ហៅខេនឌី និងបក្សពួក ដាក់ពន្ធនាគារ តាមផ្លូវច្បាប់
២. ទាមទារឲ្យលុបវីដេអូអាសអាភាសរបស់ពួកគេចេញពីផេក ឡាយ ហ្វឹម (Life Film) និង ឡាយ តារា ញូ (LifeDara News)។
៣. ទាមទារសំណងជំងឺចិត្តចំនួន ៣០០.០០០.០០០ (បីរយ) លានរៀល។
មិនខុសពីក្មេងស្រី៣រូបខាងលើនារីវ័យ២៤ឆ្នាំក៏ទាមទារដូចគ្នានិងទឹកប្រាក់សំណងជំងឺចិត្ត១០០លានរៀល។

គួរបញ្ជាក់ផងដែរថា បើតាមការបកស្រាយរបស់ភាគី សុខលីម រក្សា និង ខេនឌី ពួកគេបានបញ្ជាក់ថាមិនបានបង្ខិតបង្ខំនារីទាំងនោះឱ្យថតវីដេអូអាសអាភាសឡើយគឺជាការស្ម័គ្រចិត្តរបស់ពួកគេ ហើយអ្នកទាំងនោះក៏មិនមែនជាមនុស្សមានចរិតរម្យទុំឡើយ នៅលើទិកតុកពួកគេចូលចិត្តថតវីដេអូបញ្ចេញភាពស៊ិចស៊ីនិងរោលរាលដូចគ្នា៕