បន្ទាប់ពីមើលឃើញកងទ័ពថៃសម្រុកវាយប្រ.ហារចូលក្នុងដែនអធិបតេយ្យកម្ពុជាយ៉ាងកំរោល និងចចេសរឹងរូសមិនស្តាប់តាមការអំពាវនាវរបស់សហគមន៍អន្តរជាតិនោះ រដ្ឋមន្ត្រីក្រសួងការបរទេសអាមេរិកនឹងជំរុញឱ្យថៃបញ្ចប់សង្គ្រា.មឈ្លានពា.ននៅដើមសប្តាហ៍ក្រោយឱ្យបាន ពីព្រោះមេដឹកនាំថៃបានសន្យាជាលាយលក្ខណ៍អក្សរ និងចុះហត្ថលេខារួមគ្នាលើកិច្ចព្រមព្រៀងសន្តិភាពនៅទីក្រុងគូឡាឡាំពួររួចហើយ ។

រដ្ឋមន្ត្រីក្រសួងការបរទេសអាមេរិក លោក Marco Rubio បានផ្តល់សម្ភាសន៍ជាមួយសារព័ត៌មានកាលពីថ្ងៃទី១៩ ខែធ្នូ ឆ្នាំ២០២៥ ថា អាមេរិកនឹងជំរុញឱ្យបញ្ចប់សង្គ្រា.មរវាងកម្ពុជា-ថៃនៅដើមសប្តាហ៍ក្រោយនេះ (ឬបញ្ចប់ត្រឹមថ្ងៃទី២២ ខែធ្នូ) ដោយការបញ្ចុះបញ្ចូលឱ្យប្រទេសថៃឈប់បា.ញ់ និងងាកមកគោរពកិច្ចព្រមព្រៀងសន្តិភាពទីក្រុងគូឡាឡាំពួរ ដែលបានចុះហត្ថលេខារួមគ្នាជាមួយកម្ពុជា ក្រោមវត្តមានប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ។

តាមការអះអាងរបស់លោក Marco Rubio គឺលោកប្រធានាធិបតី Trump បានព្យាយាមជួយអន្តរាគមន៍បញ្ចប់សង្គ្រាមកម្ពុជា-ថៃរហូតមក ហើយអាមេរិកនឹងជំរុញឱ្យប្រទេសទាំងពីរត្រឡប់មកអនុវត្តបទឈប់បាញ់ឱ្យបាននៅត្រឹមថ្ងៃទី២២ ខែធ្នូ ។ លោកថា សង្គ្រាមកម្ពុជា-ថៃបានផ្អាកមួយរយៈ ដោយប្រទេសទាំងពីរបានប្តេជ្ញាចិត្តជាលាយលក្ខណ៍អក្សរ និងចុះហត្ថលេខារួមគ្នាលើកិច្ចព្រមព្រៀងសន្តិភាព ប៉ុន្តែពេលនេះ ថៃមិនអនុវត្តតាមកិច្ចព្រមព្រៀងសន្តិភាព និងរកលេសចោទប្រកាន់កម្ពុជាមិនឈប់ឈរ អាមេរិកនឹងជំរុញឱ្យប្រទេសទាំងពីរងាកមករកតុចរចាគ្នាម្តងទៀត ។

មុនកិច្ចប្រជុំរដ្ឋមន្ត្រីអាស៊ាននៅថ្ងៃទី២២ ខែធ្នូ មកដល់ រដ្ឋមន្ត្រីក្រសួងការបរទេសអាមេរិក លោក Marco Rubio បានជជែកតាមទូរស័ព្ទជាមួយរដ្ឋមន្ត្រីក្រសួងការបរទេសថៃ លោក Sihasak Phuangketkeow កាលពីពេលថ្មីៗនេះ ដើម្បីជំរុញឱ្យថៃបញ្ចប់សង្គ្រាមឈ្លានពាន និងងាកមកចរចាសន្តិភាពជាមួយកម្ពុជាម្តងទៀត ។ ក្តីសង្ឃឹមរបស់អាមេរិកពេលនេះ គឺជំរុញឱ្យថៃងាកមកគោរពកិច្ចព្រមព្រៀងសន្តិភាព និងឈប់បាញ់នៅត្រឹមថ្ងៃទី២២ ខែធ្នូ ។

លោក Marco Rubio បន្តទៀតថា អាមេរិកប្រឹងប្រែងណាស់ដើម្បីជំរុញឱ្យថៃត្រឡប់មកអនុវត្តតាមកិច្ចព្រមព្រៀងសន្តិភាព ហើយអាមេរិកសង្ឃឹមនឹងអាចបញ្ចប់សង្គ្រាមលើកនេះ ប៉ុន្តែនៅមានការងារជាច្រើនទៀតដែលត្រូវបំពេញ មុនពេលសម្រេចបទឈប់បាញ់ជាថ្មី ។

គួរបញ្ជាក់ថា កាលពីថ្ងៃទី១៨ ខែធ្នូ កន្លងមក លោក Marco Rubio រដ្ឋមន្ត្រីក្រសួងការបរទេសអាមេរិកបានជជែកតាមទូរស័ព្ទជាមួយលោក Sihasak រដ្ឋមន្ត្រីក្រសួងការបរទេសថៃ ដើម្បីជំរុញឱ្យថៃត្រឡប់ទៅអនុវត្តកិច្ចព្រមព្រៀងសន្តិភាពឡើងវិញ ។ លោក Marco Rubio បានគូសបញ្ជាក់ពីការបារម្ភរបស់អាមេរិកពាក់ព័ន្ធនឹងអំពើហិង្សាដែលកំពុងកើតឡើងនៅតាមបណ្តោយព្រំដែន និងសង្កត់ធ្ងន់ពីភាពចាំបាច់ជាបន្ទាន់ក្នុងការកាត់បន្ថយភាពតានតឹង ដោយជំរុញឱ្យរដ្ឋមន្ត្រីក្រសួងការបរទេសថៃចាត់វិធានការបន្ធូរបន្ថយភាពតានតឹង ។

កិច្ចព្រមព្រៀងសន្តិភាពនេះលែងមានប្រសិទ្ធភាពហើយ បន្ទាប់ពីនាយករដ្ឋមន្ត្រីថៃចាំផ្ទៃ លោក Anutin Charnvirakul សម្រេចទាត់ចោលឈប់អនុវត្ត និងប្រកាសបើកការវាយប្រហារកម្ពុជាយ៉ាងចាស់ដៃ និងធ្ងន់ធ្ងរជាងសង្គ្រាមលើកទី១ ក្រោមលេសចោទប្រកាន់កម្ពុជាបង្កប់មីនថ្មី ដែលថៃតែងតែប្រើប្រាស់លេសនេះរហូតមកមុនពេលផ្ទុះសង្គ្រាម ។ កាលពីថ្ងៃទី១៩ ខែធ្នូ លោក Anutin ប្រកាសថា មហាអំណាចណាក៏ដោយ មិនអាចដាក់សម្ពាធឱ្យថៃឈប់វាយប្រហារកម្ពុជាទេ ការវាយប្រហារនឹងបន្តរហូតដល់មានអារម្មណ៍ថា កម្ពុជាលែងបង្កគ្រោះថ្នាក់ ។

យើងនឹងរង់ចាំតាមដានបន្តទៀត តើអាមេរិកអាចបញ្ចប់សង្គ្រាមឈ្លានពានរបស់កងទ័ពថៃនៅត្រឹមថ្ងៃទី២២ ខែធ្នូ ដែរឬទេ ពីព្រោះមេដឹកនាំថៃនៅតែរឹងទទឹងមិនស្តាប់តាមការសម្របសម្រួលរបស់មហាអំណាចបែបនេះ ។ តើអាមេរិកនឹងមានផែនការអ្វីបន្តដើម្បីដាក់សម្ពាធឱ្យថៃងាកមកអនុវត្តបទឈប់បាញ់ និងគោរពកិច្ចព្រមព្រៀងសន្តិភាព?

សារព័ត៌មាន«បាងកកប៉ុស្តិ៍»របស់ថៃ បានលាតត្រដាងការពិតអំពីការកេងចំណេញ និងស្វែងរកផលប្រយោជន៍របស់គណបក្សនយោបាយថៃ ជាពិសេសគណបក្ស Bhumjaithai របស់ អានុទីន ថាកំពុងតែយកការធ្វើសង្រ្គា.មជាមួយកម្ពុជាមកធ្វើជាឈ្នាន់ ដើម្បីទទួលបានគាំទ្រពីប្រជាពលរដ្ឋសម្រាប់ការបោះឆ្នោតនៅពេលខាងមុខ។

យោងតាមអត្ថបទព័ត៌មាន ដែលចេញផ្សាយនាព្រឹកថ្ងៃសៅរិ៍ ទី២០ ខែធ្នូ ឆ្នាំ២០២៥ កាសែតបាងកងប៉ុស្តិ៍ បានរៀបរាប់ថា ស្របពេលដែលការបោះឆ្នោតនៅប្រទេសថៃខិតជិតមកដល់ ជម្លោះព្រំដែនដ៏ជូរចត់ជាមួយប្រទេសកម្ពុជា បានប្រែក្លាយទៅជាអាវុ.ធនយោបាយដ៏មានឥទ្ធិពលមួយ ដោយកំណត់ឡើងវិញនូវអារម្មណ៍ជាតិនិយម និងជំរុញជំហររបស់លោកនាយករដ្ឋមន្ត្រី អនុទីន ឆាន់វីរៈគុល ក្នុងចំណោមអរិភាពដែលកំពុងកើនឡើង។

សារព័ត៌មាននេះបានលាតត្រដាងយ៉ាងច្បាស់ក្រឡែតថា ការផ្ទុះសង្គ្រាមជាមួយកម្ពុជា ធ្វើឲ្យគណបក្សភូមិចៃថៃ ទទួលបានប្រយោជន៍ធំមុនការបោះឆ្នោត ហើយសំឡេងគាំទ្រពីសំណាក់ប្រជាជនក៏ហក់ឡើងដែរ។ វាមិនត្រឹមតែផ្លាស់ប្តូរគំនិតពលរដ្ឋលើយោធានិងការជជែកដេញដោលពាក់ព័ន្ធនឹងជម្លោះទឹកដីប៉ុណ្ណោះទេ ប៉ុន្តែវាជាការសាកល្បងនៃការតាំងចិត្តរបស់ថៃ ដែលអាចជះឥទ្ធិពលដល់ការបោះឆ្នោត និងបានកំណត់ជោគវាសនានយោបាយ នៃគណបក្សធំៗនៅក្នុងប្រទេសថៃផងដែរ។

ជាក់ស្ដែង សូម្បីតែនៅពេលដែលប្រទេសមហាអំណាចធំៗដូចជាសហរដ្ឋអាមេរិក និងចិន បានអំពាវនាវឲ្យបញ្ឈប់ការប្រយុទ្ធជាបន្ទាន់ ក៏មេដឹកនាំថៃនៅតែធ្វើសេចក្ដីថ្លែងការណ៍ឆ្លើយតបយ៉ាងគគ្លើនមិនព្រមអនុវត្តតាមភាគីណាឡើយ បើទោះជាត្រូវរងការរិះគន់ពីប្រជាពលរដ្ឋ និងអ្នកនយោបាយថៃយ៉ាងណាក៏ដោយ។

ទាំងនេះ បានឆ្លុះបញ្ចាំងយ៉ាងច្បាស់ថា មេដឹកនាំថៃនៅពេលបច្ចុប្បន្ន កំពុងព្យាយាមរកនឹកគ្រប់វិធីសាស្រ្តដើម្បីបន្តដុតភ្លើងសង្រ្គា.មជាមួយកម្ពុជា រួចព្យាយាមបញ្ចុះបញ្ចូលប្រជាជនថៃឲ្យមានគំនិតជាតិនិយម យល់ថាការធ្វើសង្រ្គា.មជាមួយកម្ពុជាគឺជាការការពារទឹកដី និងទាមទារការគាំទ្រពីពលរដ្ឋ ដោយហ៊ានយកជីវិតទាហាន និងប្រជាជនសុីវិលកម្ពុជានិងថៃ មកធ្វើជាល្បែង បង្កើតឲ្យមានសង្គ្រាម បង្កវិនាសកម្ម បណ្តាលឲ្យមនុស្សស្លាប់និងរត់ភៀសខ្លួនចោលផ្ទះសម្បែង និងបង្កការបំផ្លាញបំផ្លាញយ៉ាងធំធេងដល់ទំនាក់ទំនងការទូតរវាងប្រទេសនិងប្រទេស។

ឥរិយាបថដ៏ចចេសរបស់លោក អានុទីន និងការបដិសេធមិនទទួលយកបទឈប់បាញ់ដែលសម្របសម្រួលដោយអន្តរជាតិដូចខាងលើនេះ បាននាំឲ្យមានការរិះគន់ពីសំណាក់បក្សប្រឆាំង និងអ្នកដែលចង់បានសន្តិភាពពិតប្រាកដ ដោយពួកគេព្រមានថា វោហាសាស្ត្របន្តសង្គ្រាមដើម្បីបិទបាំងបញ្ហាក្នុងស្រុកដែលកំពុងកើតមាននៅពេលនេះ នឹងធ្វើឱ្យថយចុះជំនឿចិត្ត និងតម្លៃរបស់ប្រទេសថៃនៅលើឆាកអន្តរជាតិ៕

រដ្ឋមន្ត្រីការបរទេសអាមេរិក បានជំរុញឱ្យភាគីថៃវិលត្រឡប់មកអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរវិញជាបន្ទាន់ដើម្បីបន្ធូរបន្ថយស្ថានការណ៍ ដោយបង្ហាញពីគោលបំណងរបស់សហរដ្ឋអាមេរិកមានការព្រួយបារម្ភចំពោះការបន្តប្រយុទ្ធគ្នា និងការបាត់បង់ជីវិតមនុស្ស។ នេះបើយោងតាមសេចក្ដីថ្លែងការណ៍ចេញពីគេហទំព័រក្រសួងការបរទេសសហរដ្ឋអាមេរិក។

លោក Marco Rubio រដ្ឋមន្ត្រីការបរទេសអាមេរិក បានជួបជាមួយលោក Sihasak Phuangketkeow រដ្ឋមន្ត្រីការបរទេសថៃ។ លោករដ្ឋមន្ត្រីការបរទេសអាមេរិក បានគូសបញ្ជាក់ពីការព្រួយបារម្ភរបស់សហរដ្ឋអាមេរិក ទាក់ទងនឹងអំពើហិង្សាជាបន្តបន្ទាប់តាមបណ្តោយព្រំដែនកម្ពុជា និងបានសង្កត់ធ្ងន់លើតម្រូវការបន្ទាន់ក្នុងការកាត់បន្ថយភាពតានតឹង។

បន្ថែមលើនោះ លោករដ្ឋមន្ត្រីការបរទេសអាមេរិក Rubio បានជំរុញឱ្យលោក Sihasak រដ្ឋមន្ត្រីការបរទេសថៃ ចាត់វិធានការជាក់ស្តែង និងឱ្យប្រទេសថៃវិលត្រឡប់មកអនុវត្តកិច្ចព្រមព្រៀងសន្តិភាពទីក្រុងគូឡាឡាំពួរវិញផងដែរ ដើម្បីបន្ធូរបន្ថយស្ថានការណ៍និងស្ដារសន្តិភាពឡើងវិញ ។

ដោយឡែក បើតាមអ្នកនាំពាក្យបានលើកឡើងថា៖ «យើងមានការព្រួយបារម្ភចំពោះការបន្តប្រយុទ្ធគ្នា និងការបាត់បង់ជីវិតនៅទីតាំងជាច្រើនតាមបណ្តោយព្រំដែនកម្ពុជា-ថៃ។ យើងទទូចយ៉ាងខ្លាំងឱ្យបញ្ឈប់អរិភាពជាបន្ទាន់ ការពារជនស៊ីវិល និងឱ្យភាគីទាំងពីរត្រឡប់ទៅរកបទឈប់បាញ់ និងវិធានការបន្ថយភាពតានតឹងផ្សេងទៀតដែលបានកំណត់នៅក្នុងកិច្ចព្រមព្រៀងសន្តិភាពទីក្រុងគូឡាឡាំពួរថ្ងៃទី ២៦ ខែតុលា»។

សូមជម្រាបថា កាលពីថ្ងៃទី ១៤ ខែធ្នូ មន្ត្រីយោធាថៃបាននិយាយថា ប្រទេសថៃកំពុងធ្វើការដើម្បីរារាំងការផ្គត់ផ្គង់ប្រេងឥន្ធនៈទៅកាន់កម្ពុជា រួមទាំងការបិទផ្លូវសមុទ្រដែលអាចកើតមាន។ សកម្មភាពនេះបានកើតឡើងនៅពេលដែលមេដឹកនាំយោធាថៃបាននិយាយថា គោលបំណងរបស់ពួកគេគឺ «បំផ្លាញសមត្ថភាពយោធារបស់កម្ពុជា»។ ចាប់តាំងពីពេលនោះមក យន្តហោះចម្បាំងថៃបានរំលោភដែនអាកាសកម្ពុជា និងទម្លាក់គ្រាប់បែកលើទីតាំងជាច្រើននៅក្នុងប្រទេសកម្ពុជា ដោយបានចូលជ្រៅក្នុងដែនអធិបតេយ្យកម្ពុជារហូតដល់ ៩០ គីឡូម៉ែត្រ។

នៅថ្ងៃទី១៥ ខែធ្នូ សភាពាណិជ្ជកម្មអាមេរិកនៅកម្ពុជា (AmCham) បានសរសេរលិខិតមួយទៅកាន់ស្ថានទូតសហរដ្ឋអាមេរិក ដោយសម្តែងការព្រួយបារម្ភជាបន្ទាន់ទាក់ទងនឹងសេចក្តីថ្លែងការណ៍របស់យោធាថៃដែលថា ប្រទេសថៃអាចកំណត់កំពង់ផែរបស់កម្ពុជាថា «មានហានិភ័យខ្ពស់» និងបិទផ្លូវដឹកជញ្ជូនប្រេងឥន្ធនៈ និងទំនិញផ្សេងទៀត៕

ប្រទេសថៃ ៖ ទាំងមហាអំណាចអាមេរិក និងចិន បានប្រឹងប្រែងសម្របសម្រួលឱ្យថៃបញ្ចប់សង្គ្រា.មវាតទីទឹកដីកម្ពុជា និងវិលទៅរកបទឈប់បា.ញ់ជាបន្ទាន់ ពីព្រោះបារម្ភពីអសន្តិសុខក្នុងតំបន់ ជាពិសេស ការបាត់បង់ជីវិតជនស៊ីវិល និងខូចខាតហេដ្ឋារចនាសម្ព័ន្ធកម្ពុជាយ៉ាងច្រើន រួមមាន ៖ ស្ពាន សាលារៀន វត្តអារ៉ាម និងផ្ទះសម្បែងពលរដ្ឋ ប៉ុន្តែត្រូវបានមេដឹកនាំថៃទាត់ចោលការសម្របសម្រួលរបស់មហាអំណាចនានា ហើយង្កើនការបា.ញ់ផ្លោងចូលដែនអធិបតេយ្យកម្ពុជាទាំងផ្លូវទឹក និងអាកាស ។ មេដឹកនាំថៃបើកដៃឱ្យកងទ័ពបង្កសង្គ្រា.មមុនដើម្បីរកសំឡេងឆ្នោតបន្តតំណែង បែរជាចោទប្រកាន់កម្ពុជា និងថាមហាអំណាចនានាមិនអាចដាក់សម្ពាធឱ្យថៃឈប់វាយប្រ.ហារកម្ពុជាទេ ។

ពេលនេះ ថៃលែងស្តាប់មហាអំណាចណាទាំងអស់ សូម្បីតែការអំពាវនាវពីសហគមន៍អន្តរជាតិ និងអង្គការសហប្រជាជាតិឱ្បញ្ចប់សង្គ្រាមឈ្លានពាន ក៏ថៃទាត់ចោលដែរ ថែមទាំងដាក់លក្ខខណ្ឌឱ្យកម្ពុជាអនុវត្តទៅវិញ ។ ថៃបង្កសង្គ្រាមឈ្លានពានវាតទីទឹកដី ដណ្តើមប្រាសាទបុរាណ បែរជាទាមទារឱ្យកម្ពុជាសុំចរចាឈប់បាញ់ ដែលនេះបង្ហាញពីមហិច្ឆតាបំពានមកលើប្រទេសជិតខាងមានពលរដ្ឋតិចជាង មានផ្ទៃដីតូចជាង និងគ្មានយន្តហោះចម្បាំង F-16 ទម្លាក់គ្រាប់បែក ។

កាលពីថ្ងៃទី១៩ ខែធ្នូ ឆ្នាំ២០២៥ សារព័ត៌មាន Matichon Online រាយការណ៍ថា ថ្មីៗនេះ លោក Wang Yi រដ្ឋមន្ត្រីក្រសួងការបរទេសចិន និងលោក Marcon Rubio រដ្ឋមន្ត្រីក្រសួងការបរទេសអាមេរិក បានជួបពិភាក្សាតាមទូរស័ព្ទជាមួយលោក Sihasak Phuangketkeow រដ្ឋមន្ត្រីក្រសួងការបទេសថៃ ដោយចិននិងអាមេរិកសុទ្ធតែជំរុញឱ្យថៃបញ្ចប់សង្គ្រាមឈ្លានពានកម្ពុជាជាបន្ទាន់ និងវិលទៅរកបទឈប់បាញ់ គោរពកិច្ចព្រមព្រៀងសន្តិភាពទីក្រុងគូឡាឡាំពួរ ដើម្បីបញ្ឈប់ការបំផ្លាញហេដ្ឋារចនាសម្ព័ន្ធ និងជនស៊ីវិលលកម្ពុជា ។ ប៉ុន្តែថៃបែរជាដើរតួជាប្រទេសរងគ្រោះនៅចំពោះមុខមហាអំណាច និងនិយាយបំភ្លៃ ចោទប្រកាន់កម្ពុជាបា.ញ់មុន ។

នាយករដ្ឋមន្ត្រីចាំផ្ទះថៃ លោក Anutin Charnvirakul និយាយកាលពីថ្ងៃទី១៩ ខែធ្នូ នៅទីស្នាក់ការគណបក្សភូមិចៃថៃ ថា ទាំងមហាអំណាចអាមេរិក និងមហាអំណាចចិន បានជួបពិភាក្សាតាមទូរស័ព្ទជាមួយលោក Sihasak Phuangketkeow រដ្ឋមន្ត្រីក្រសួងការបទេសថៃ ដើម្បីបញ្ចប់សង្គ្រាមឆាប់ៗ ប៉ុន្តែមហាអំណាចទាំង២មិនអាចដាក់សម្ពាធឱ្យថៃឈប់វាយប្រហារកម្ពុជាទេ ។ អាមេរិក និងចិន ត្រូវទៅប្រាប់កម្ពុជាឱ្យឈប់បាញ់មុន ដោយលោកចោទប្រកាន់កម្ពុជាមិនគោរពកិច្ចព្រមព្រៀងសន្តិភាពទីក្រុងគូឡាឡាំពួរ ។

លោក Anutin បន្តថា លោក Sihasak រដ្ឋមន្ត្រីក្រសួងការបរទេសថៃបានបកស្រាយតាមទូរស័ព្ទទៅកាន់អាមេរិកនិងចិន អំពីកងទ័ពថៃបើកការវាយប្រហារកម្ពុជាជាថ្មី និងសំណូមពរកុំឱ្យមហាអំណាចទាំង២ លម្អៀងទៅកម្ពុជា បើទោះជាថៃបើកឆាកសង្គ្រាមមុនក្តី ។ លោក Sihasak បាននិយាយលុបលាងទង្វើឈ្លានពានរបស់ថៃថា ថៃមិនបានឈ្លានពានកម្ពុជាទេ បើមហាអំណាចទាំង២ចង់ឱ្យថៃឈប់បាញ់ ទាល់តែប្រាប់កម្ពុជាឱ្យឈប់បាញ់មុន ថៃនឹងបន្តសង្គ្រាមរហូតដល់មានអាមរម្មណ៍ថា កម្ពុជាលែងបង្កគ្រោះថ្នាក់ ។ មហាអំណាចទាំង២ មិនអាចដាក់សម្ពាធឱ្យថៃបញ្ចប់សង្គ្រាមទេ ។

លោក Anutin ថែមទាំអនិយាយបំភ្លៃថា ប្រទេសថៃរងគ្រោះ ថៃមិនបានបង្កសង្គ្រាមមុន និងសំណូមពរឱ្យមហាអំណាចទាំង២ ដាក់សម្ពាធលើកម្ពុជាឱ្យគោរពកិច្ចព្រមព្រៀងសន្តិភាពទីក្រុងគូឡាឡាំពួរ និងជំរុញឱ្យកម្ពុជាដកថយកម្លាំងទ័ព ដកថយអាវុធពីសមរភូមិ ។

កន្លងមក លោក Anutin អះអាងថា ការបញ្ចប់វាយប្រហារកម្ពុជា លុះត្រាតែថៃទទួលបានផលប្រយោជន៍ច្រើនបំផុតពីសង្គ្រាមនេះ ដោយកាន់កាប់តំបន់មួយចំនួនជាមុន និងទាមទារឱ្យកម្ពុជាសុំចរចាមុន ។ ហេតុអ្វីឱ្យកម្ពុជាទៅសុំចរចាមុន បើថៃបានបើកការវាយប្រហារមុនមកក្នុងទឹកដីកម្ពុជា ដើម្បីបំផ្លាញហេដ្ឋារចនាសម្ព័ន្ធ ស្ពាន សាលារៀន វត្តអារ៉ាម ផ្ទះសម្បែង និងទ្រព្យសម្បត្តិពលរដ្ឋកម្ពុជា ដោយប្រើប្រាស់យន្តហោះចម្បាំង F-16 ទម្លាក់គ្រាប់បែកចូលជ្រៅក្នុងទឹកដីកម្ពុជា ក្រោមលេសបំផ្លាញទីតាំងក្រុមឧក្រិដ្ឋកម្មឆ្លងដែន ។

ថៃព្យាយាមផ្សព្វផ្សាយលាបពណ៌កម្ពុជាទៅកាន់ពិភពលោកថា អគារផ្សេងៗរបស់កម្ពុជានៅជាប់ព្រំដែនថៃ គឺជាទីតាំងឧក្រិដ្ឋកម្មឆ្លងដែន ទើបថៃចាំបាច់ត្រូវប្រើប្រាស់យន្តហោះចម្បាំង F-16 ទម្លាក់គ្រាប់បែកកំទេចអគារទាំងនេះ ។ ការនិយាយលាបពណ៌ដើម្បីកុំឱ្យរងការថ្កោលទោសពីអន្តរជាតិ ដែលកងទ័ពថៃយកយន្តហោះចម្បាំង F-16 ទម្លាក់គ្រាប់បែកបំផ្លាញហេដ្ឋារចនាសម្ព័ន្ធកម្ពុជាទាំងយប់ទាំងថ្ងៃ ។

ថៃទម្លាក់គ្រាប់បែកកំទេចទ្រព្យសម្បត្តិកម្ពុជា ហើយប្រឹងផ្សាយថា កម្ពុជាជាជម្រកល្បែងអនឡាញទៅវិញ ។ តើមាត្រានៃច្បាប់អន្តរជាតិមួយណាអនុញ្ញាតឱ្យថៃប្រតិបត្តិការបែបនេះលើប្រទេសជិតខាងដែលមានឯករាជ្យ និងអធិបតេយ្យ? ថៃបង្កទន្ទ្រានទឹកដីកម្ពុជាហើយ ព្យាយាមនិយាយយកល្អខ្លួនឯង ។ កម្ពុជាសង្ឃឹមថា មហាអំណាចអាមេរិក និងចិន អាចជួយដាក់សម្ពាធឱ្យថៃគោរពបទឈប់បាញ់ គោរពកិច្ចព្រមព្រៀងសន្តិភាព បញ្ចប់សង្គ្រាមឈ្លានពានឆាប់ៗ ៕

កងទ័ពថៃបានបើកការវាយប្រ.ហារកម្ពុជាយ៉ាងធ្ងន់ធ្ងរ និងកាន់តែសាហា.វព្រៃ.ផ្សៃតាំងពីថ្ងៃទី៧ ខែធ្នូ ឆ្នាំ២០២៥ បន្ទាប់ពីរកលេសចោទប្រកាន់កម្ពុជាបង្កប់មីនថ្មី ដែលរហូតមកដល់ព្រឹកថ្ងៃទី២០ ខែធ្នូ កងទ័ពថៃនៅតែបង្កសង្គ្រា.មឈ្លានពា.នយ៉ាងគឃ្លើន និងទាត់ចោលការសម្របសម្រួលរបស់ម៉ាឡេស៊ីជាប្រធានអាស៊ាន និងមហាអំណាចអាមេរិក ។ រីឯមហាអំណាចចិនបានជំរុញជាច្រើនលើកឱ្យថៃបញ្ចប់សង្គ្រា.ម បន្ទាប់ពីកងទ័ពថៃប្រើប្រាស់សព្វាវុ.ធធុនធ្ងន់គ្រប់ប្រភេទ និងយន្តហោះចម្បាំង F-16 បំផ្លា.ញហេដ្ឋារចនាសម្ព័ន្ធ ស្ពាន សាលារៀន និងជនស៊ីវិលកម្ពុជា ប៉ុន្តែត្រូវថៃបដិសេធ ហើយការជំរុញជាថ្មី គឺអ្នកនាំពាក្យក្រសួងការពារជាតិចិន ។

តាមការចុះផ្សាយរបស់សារព័ត៌មាន Xinhua កាលពីថ្ងៃទី១៨ ខែធ្នូ ឆ្នាំ២០២៥ ចិនជំរុញឱ្យបញ្ចប់សង្គ្រា.មរវាងកម្ពុជា-ថៃ ដើម្បីរក្សាភាពស្ងប់ស្ងាត់ក្នុងតំបន់ និងឈានទៅរកបទឈប់បា.ញ់ជាបន្ទាន់ ដែលការជំរុញជាថ្មីរបស់ចិនស្របពេលកងទ័ពថៃបាននិងកំពុងសម្រុកវាយប្រ.ហារចូលក្នុងដែនអធិបតេយ្យកម្ពុជាយ៉ាងកំរោលទាំងយប់ទាំងថ្ងៃ ដោយប្រើប្រាស់សព្វាវុ.ធធុនធ្ងន់គ្រប់ប្រភេទ រួមទាំងយន្តហោះចម្បាំង F-16 ទម្លាក់គ្រាប់បែកមិនរើសគោលដៅ ជាពិសេស តំបន់ជនស៊ីវិល ។ ក្រៅពីជំរុញឱ្យបញ្ចប់សង្គ្រា.ម ចិនក៏បានច្រានចោលព័ត៌មានចោទប្រកាន់ថា ចិនផ្តល់សព្វាវុ.ធថ្មីឱ្យកម្ពុជាប្រើប្រាស់ក្នុងជម្លោះព្រំដែន ។

លោក Jiang Bin អ្នកនាំពាក្យក្រសួងការពារជាតិចិនបាននិយាយមកកាន់សារព័ត៌មានថា ប្រទេសចិនមានកិច្ចសហប្រតិបត្តិការលើវិស័យការពារជាតិជាមួយកម្ពុជា និងថៃ រួមទាំងពាណិជ្ជកម្មយោធា ដែលកិច្ចសហប្រតិបត្តិការនេះមិនសំដៅលើប្រទេសទី៣ ណាមួយឡើយ ។ កិច្ចសហប្រតិបត្តិការស្របតាមច្បាប់ និងការអនុវត្តរវាងប្រទេសយ៉ាងពេញលេញ ហើយចិនមិនពាក់ព័ន្ធនឹងជម្លោះនៅតាមបណ្តោយព្រំដែនរវាងប្រទេសទាំងពីរទេ ។

អ្នកនាំពាក្យក្រសួងការពារជាតិចិនអំពាវនាវឱ្យថៃចៀសវាងការប៉ាន់ស្មានស្ថានការណ៍ និងពង្រីកជម្លោះកាន់តែខ្លាំង ព្រមទាំងបញ្ជាក់ថា ក្នុងឋានៈជាប្រទេសជិតខាងរបស់កម្ពុជា-ថៃ ចិនបានតាមដានស្ថានការណ៍សង្គ្រាមជានិច្ច និងសោកស្តាយបំផុតចំពោះការបាត់បង់ជីវិតជនស៊ីវិលទាំងសងខាងដោយសារសង្គ្រាម ។

ចិនសង្ឃឹមថា ប្រទេសទាំងពីរគិតពីផលប្រយោជន៍មូលដ្ឋានសម្រាប់សន្តិភាព ស្ថិរភាពតាមបណ្តោយព្រំដែន និងការរស់នៅរបស់ពលរដ្ឋ ដោយរក្សាសន្តិសុខ និងអត់ធ្មត់ខ្លាំងបំផុត ដើម្បីឈានទៅរកបទឈប់បាញ់ជាបន្ទាន់ រួមទាំងត្រឡប់មករកការចរចា ។ ចំពោះគោលជំហររបស់ចិន គឺជំរុញកឱ្យប្រទេសទាំងពីរបន្តការចរចាសន្តិភាព ចិនដើរតួនាទីស្ថាបនាសម្របសម្រួលបទឈប់បាញ់ និងស្តារសន្តិភាពរវាងកម្ពុជា-ថៃបន្តទៀត ។

គួរបញ្ជាក់ថា កងទ័ពថៃបានអះអាងការទម្លាក់គ្រាប់បែកដោយយន្តហោះចម្បាំង F-16 របស់ខ្លួនសំដៅតែលើគោលដៅកងទ័ពប៉ុណ្ណោះ ប៉ុន្តែជាក់ស្តែង យន្តហោះចម្បាំង F-16 បានទម្លាក់គ្រាប់បែកក្នុងភូមិសាស្ត្រក្រុងប៉ោយប៉ែត និងក្រុងសេរីសោភ័ណ ខេត្តបន្ទាយមានជ័យ សំដៅលើតំបន់ជនស៊ីវិល និងហេដ្ឋារចនាសម្ព័ន្ធ ។ ការបង្កសង្គ្រាមរបស់ថៃមិនមែនជាការការពារអធិបតេយ្យដូចសម្តីមេដឹកនាំថៃនោះទេ ប៉ុន្តែជាការឈ្លានពានវាតទីទឹកដីកម្ពុជាយ៉ាងកំរោល ដែលរំលោភច្បាប់អន្តរជាតិ រំលោភសិទ្ធិមនុស្ស និងមិនខ្លាចញញើតអង្គការសហប្រជាជាតិ ។

ការបង្កសង្គ្រាមម្តងទៀតពីសំណាក់កងទ័ពថៃ គឺមានការជួយសម្របសម្រួលជាថ្មីពីម៉ាឡេស៊ីជាប្រធានអាស៊ាន មហាអំណាចអាមេរិក និងមហាអំណាចចិន ជំរុញឱ្យមេដឹកនាំថៃបញ្ចប់សង្គ្រាមឈ្លានពានកម្ពុជាជាបន្ទាន់ ប៉ុន្តែត្រូវបាននាយករដ្ឋមន្ត្រីចាំផ្ទះ លោក Anutin Charnvirakul ទាត់ចោលការសម្របសម្រួលទាំងអស់ ។ លោក Anutin ថា មហាអំណាចនានាមិនអាចដាក់សម្ពាធថៃឱ្យឈប់វាយប្រហារកម្ពុជាទេ ហើយបណ្តេញមហាអំណាចអាមេរិកនិងចិន ទៅប្រាប់កម្ពុជាឱ្យឈប់បាញ់មុន ទាំងដែលការពិត ភាគីថៃចាប់ផ្តើមបា.ញ់មុន ហើយដើរតួជាជនរងគ្រោះទម្លាក់កំហុសលើកម្ពុជា ។

ថៃបើកឆាកសង្គ្រាមឈ្លានពានកម្ពុជាម្តងទៀត គឺជាទង្វើប្រមាថដ៏ធ្ងន់ធ្ងរលើកិច្ចខិតខំប្រឹងប្រែងសម្របសម្រួលរបស់ប្រធានអាស៊ាន មហាអំណាចអាមេរិក មហាអំណាចចិន និងសហគមន៍អន្តរជាតិ ក្នុងការកសាងសន្តិភាព និងស្ថិរភាពក្នុងតំបន់ ។ ថៃលែងស្តាប់មហាអំណាចណាទាំងអស់ និងបន្តប្រើប្រាស់យន្តហោះ F-16 ទម្លាក់គ្រាប់បែកចូលដែនអធិបតេតយ្យកម្ពុជាតាមទំនើងចិត្តជារៀងរាល់ថ្ងៃ ថែមទាំងចោទប្រកាន់មហាអំណាចចិនផ្តល់សព្វាវុធថ្មីឱ្យកម្ពុជាប្រើប្រាស់ក្នុងជម្លោះព្រំដែន ៕