យោងតាមការបង្ហោះរបស់ប្រជាពលរដ្ឋ នៅថ្ងៃសៅរិ៍ទី២០ នេះបានបង្ហាញឲ្យឃើញថា ទាហានឈ្លានពានថៃបានរំលោ.ភចូលដែនអធិបតេយ្យកម្ពុជាកាន់តែជ្រៅ។ ក្នុងនោះពួកគេថែមទាំងបាននាំគ្នាចូលលុកលុយផ្ទះសម្បែងរបស់ប្រជាពលរដ្ឋកម្ពុជាយ៉ាងគគ្លើន ដែលបញ្ជាក់យ៉ាងច្បាស់ថាថៃពិតជាបានឈ្លានពានលើកម្ពុជា។

តាមរយៈការបង្ហោះរបស់គណនីហ្វេសប៊ុកមួយដែលមានឈ្មោះថា Faizah Aly បានសរសេរៀបរាប់ថា”ចប់ហើយ ថ្មដាយើង ទាហានចោរសៀមចូលក្នុងដីខាងខ្មែរយើង ពេញទឹកពេញដីអស់ហើយ ចូលដល់កន្លែងខ្ញុំរស់នៅទៀត”។

បន្ថែមលើនោះ នៅក្នុងការបង្ហោះខាងលើគាត់ក៏បានភ្ជាប់មកជាមួយនឹងរូបភាពពីកាមេរ៉ាសុវត្ថិភាពនៅហាងរបស់គាត់ ដែលបង្ហាញឲ្យឃើញពីយោធាថៃមួយក្រុមបាននាំគ្នាធ្វើសកម្មភាពគាស់ទ្វារ និងចូលទៅលុកលុយនៅខាងក្នុង ដោយមិនខុសអ្វីពីចោ.រដែលកំពុងធ្វើសកម្មភាពលួចនោះទេ។

គួរជម្រាបថា គិតត្រឹមថ្ងៃទី២០ ខែធ្នូ ឆ្នាំ២០២៥ នេះ យោធាថៃនៅតែបន្តសកម្មភាពឈ្លានពានលើកម្ពុជាយ៉ាងសាហាវព្រៃ.ផ្សៃ ដោយបានធ្វើការវា.យប្រហារដោយអាវុ.ធធុនធ្ងន់ជាច្រើនប្រភេទមិនរើសគោលដៅឡើយ និងបានធ្វើឲ្យជនស៊ីវិលកម្ពុជាស្លា.ប់ និងរងបួសជាច្រើននាក់ ខណៈមានមនុស្សរាប់មុឺនគ្រួសារហើយត្រូវជម្លៀសខ្លួនចេញទៅរកទីសុវត្ថិភាពនៅទូទាំងប្រទេស។

សកម្មភាពខាងលើជាការវាយប្រហារដ៏កំរោល ដោយមិនរើសគោលដៅរបស់យោធាថៃ ជាការរំលោភបំពានច្បាប់មនុស្សធម៌អន្តរជាតិ ព្រោះទីតាំងទម្លាក់គឺនៅក្បែរទីតាំងរបស់ជំរំជនភៀសសឹក និងជាហេដ្ឋារចនាសម្ព័ន្ធស៊ីវិល៕

ពិតជាប្លែកមិនធម្មតាមែន! ដ្បិតព្រឹត្តិការណ៍ស៊ីហ្គេមលើកទី៣៣ នៅប្រទេសថៃ ទទួលបានការរិះគ.ន់ច្រើនលើសលប់ ថាមានការរៀបចំអ.ន់បំផុតជាប្រវត្តិសាស្រ្ត ប៉ុន្តែជាក្រុមអត្តពលិករបស់ម្ចាស់ផ្ទះ ឈ្នះបានមេដាយមាសច្រើនជាងគេជាប្រវត្តិសាស្រ្តទៅវិញ ដោយវ៉ាដាច់កំណត់ត្រាមេដាយមាសរបស់ប្រទេសវៀតណាមទៀតផង។

យោងតាមគេហទំព័រផ្លូវការរបស់ SEA Games លើកទី 33 នៅថ្ងៃទី២០ ខែធ្នូ ឆ្នាំ២០២៥ ប្រទេសថៃបានក្លាយជាក្រុមប្រតិភូដែលទទួលបានជោគជ័យធំបំផុតក្នុងប្រវត្តិសាស្ត្រ SEA Games ដោយវ៉ាដាច់កំណត់ត្រាមេដាយមាសរបស់ប្រទេសវៀតណាម ជាមួយនឹងការទទួលបានមេដាយមាសចំនួន 210 រួមជាមួយនឹងមេដាយប្រាក់ចំនួន 139 និងមេដាយសំរិទ្ធចំនួន 99 ធៀបទៅនឹងប្រទេសវៀតណាម ដែលធ្លាប់ប្រមូលបានមេដាយមាសច្រើនជាងគេបង្អស់ ចំនួន 205 មេដាយ នៅក្នុង SEA Games លើកទី 31 កាលពីឆ្នាំ 2022 ។

បន្ថែមលើនោះ ជាមួយនឹងចំនួនមេដាយដែលឈ្នះសរុបចំនួន 448 ប្រទេសថៃ ក៏បានវ៉ាដាច់កំណត់ត្រាមេដាយសរុបរបស់ប្រទេសវៀតណាមចំនួន 446 នៅក្នុងការប្រកួតលើកទី 31 ផងដែរ។

ជាមួយនឹងជ័យជម្នះជាប្រវត្តិសាស្រ្តរបស់ថៃនៅពេលនេះ សារព័ត៌មានក្នុងស្រុកវៀតណាមបានចុះផ្សាយថា បើទោះបីជាទទួលបានជោគជ័យក្នុងការយកឈ្នះមេដាយក្នុងចំនួនច្រើនក៏ដោយ ប៉ុន្តែសម្រាប់ការរៀបចំព្រឹត្តិការណ៍ស៊ីហ្គេមលើកទី ៣៣ នេះ ត្រូវបានសម្គាល់ថា មានភាពចម្រូងចម្រាស និងបញ្ហារាប់មិនអស់ តាំងពីចាប់ផ្ដើមរហូតដល់បញ្ចប់ទៅវិញ។

តាមកាចុះផ្សាយរបស់សារព័ត៌មានទាំងថៃ និងអន្តរជាតិជាច្រើន បានបង្ហាញឲ្យឃើញពីការរៀបចំដែលខ្វះចន្លោះរបស់ប្រទេសថៃក្នុងនាមជាម្ចាស់ផ្ទះស៊ីហ្គេម ដែលនាំឲ្យមានភាពរញ៉េរញ៉ៃមិនចប់មិនហើយ។ ក្នុងនោះ ស្ទើតែគ្រប់វិញ្ញាសារប្រកួតជាមួយក្រុមអត្តពលិកថៃ គឺតែងតែមានការតវ៉ាពីសំណាក់ក្រុមប្រទេសមួយទៀតដែលជាគូប្រកួតជានិច្ច។

តាមរយៈរូបភាព វីដេអូ និងព័ត៌មានជាច្រើននៅប៉ុន្មានថ្ងៃចុងក្រោយនេះ វៀតណាម គឺជាប្រទេសមួយដែលបានជួបរឿងអយុត្តិធម៌ច្រើនករណីជាងគេពីម្ចាស់ផ្ទះថៃ។ ក្រៅពីវៀតណាម ក៏មានហ្វីលីពីន ម៉ាឡេសុី និងឥណ្ដូណេស៊ី ដែលក៏បានកើតការមិនពេញចិត្តនឹងលទ្ធផលសម្រេចរបស់គណកម្មាការស៊ីហ្គេមរបស់ថៃ រហូតមានករណីខ្លះឈានដល់ការប្រើប្រាស់អំពើហិង្សាដាក់គ្នាយ៉ាងអាណាធិបតេយ្យទៀតផង៕

សូម្បីតែជនបរទេសក៏បង្ហាញការឈឺចាប់ជំនួសពលរដ្ឋកម្ពុជា នៅពេលបានឃើញសាលារៀន វត្តអារាម ហេដ្ឋារចនាសម្ព័ន្ធ និងមូលដ្ឋានជនសុីវិលកម្ពុជាត្រូវបានបំផ្លិចបំផ្លា.ញដោយសកម្មភាពឈ្លានពានរបស់យោធាថៃ និងប្រើប្រាស់សម្លេងរបស់ខ្លួនដើម្បីប្រាប់ទៅកាន់ពិភពលោកថា ទង្វើរបស់យោធាថៃមកលើកម្ពុជា ពុំមែនជាការការពារខ្លួន ដូចថៃអះអាងឡើយ។

បន្ទាប់ពីបានទៅមើលឃើញផ្ទាល់នឹងភ្នែក នូវការខូចខាតរបស់កម្ពុជា ដែលមានទាំងផ្លូវថ្នល់ ស្ពាន ផ្ទះសម្បែងពលរដ្ឋ រួមទាំងវត្តអារាម និងសាលារៀន ដែលសុទ្ធសឹងតែជាមូលដ្ឋានជនសុីវិល លោក Kevin Smith ជាតន្រ្តីករ និងជាអ្នកផលិតមាតិកាម្នាក់ បាននិយាយរៀបរាប់នៅលើបណ្ដាញសង្គម ថា ការវាយប្រហាររបស់ទាហានថៃ គឺបានកាត់ផ្តាច់ស្ពានមេទឹក ដែលធ្វើឲ្យប្រជាជនកម្ពុជានៅតំបន់នោះ មិនអាចដឹកជញ្ជូនស្បៀង មិនអាចធ្វើដំណើរទៅកាន់មន្ទីរពេទ្យ និងកុមារមិនអាចទៅសាលារៀនជាដើម។

លោក Kevin Smith បានចាត់ទុកទង្វើវា.យប្រហារយ៉ាងកំរោលរបស់យោធាថៃដូចខាងលើនេះថា បានប៉ះពាល់យ៉ាងខ្លាំងដល់ជនសុីវិលស្លូតត្រង់។ បន្ថែមលើនោះ លោក Kevin បានចោទសួរថា តើទង្វើនេះ ដូចដែលថៃអះអាងថា ជាការពារខ្លួនមែន? ការបង្កហេតុនេះបានធ្វើឲ្យប៉ះពាល់ដល់ជនស៊ីវិលកម្ពុជាយ៉ាងធ្ងន់ធ្ងរ។

សូមបញ្ជាក់ថា ស្ពានមេទឹកនៅឃុំថ្មដា ស្រុកវាលវែង ខេត្តពោធិ៍សាត់ ត្រូវទាហានឈ្លានពានសៀម ប្រើ F16 បាញ់កាត់ផ្តាច់ ដែលមិនអាចធ្វើដំណើរឆ្លងកាត់បាននោះឡើយកាលពីប៉ុន្មានថ្ងៃមុននេះ។

មិនត្រឹមតែប៉ុណ្ណោះ គិតមកត្រឹមថ្ងៃទី២០ ខែធ្នូ យោធាអាកាសថៃ បានប្រើយន្តហោះចម្បាំង F16 ចំនួនពីរគ្រឿងមកទម្លាក់គ្រាប់ចំនួន៣គ្រាប់លើស្ពានអូរជីកធ្វើឱ្យស្ពានខូចខាតឆ្លងកាត់លែងកើតតែម្តង។

តាមការបញ្ជាក់របស់អាជ្ញាធរ ស្ពានបេតុងដែលមានអាយុកាលជាង១០នេះ មានសារៈសំខាន់ណាស់សម្រាប់ការធ្វើដំណើរប្រជាពលរដ្ឋ ការធ្វើពាណិជ្ជកម្ម ការដឹកជញ្ជូនកសិផល និងការធ្វើដំណើរទៅសាលារបស់សិស្សានុសិស្សផងដែរ។ ដូច្នេះការផ្តាច់ស្ពានពីសំណាក់កងទ័ពអាកាសរបស់ថៃ បង្កការលំបាកយ៉ាងខ្លាំងដល់ការរស់នៅប្រចាំថ្ងៃប្រជាពលរដ្ឋនៅក្នុងខេត្តឧត្តរមានជ័យ និងខេត្តសៀមរាប៕

ម្ចាស់ប្រ៊េនមួយរូបគឺ យូរៀន បានបង្ហាញការឈឺចាប់យ៉ាងខ្លាំងទៅកាន់បុគ្គលមួយចំនួនដែលលេបយកលុយជំនួយឃើញតែយំទម្លាក់ QR កូដប៉ុន្តែការពិតមិនបានដល់ដៃកងទ័ព ដល់ជនភៀសសឹក ហើយជនឆ្លៀតឱកាសនោះមិនបានបង្ហាញការចំណាយ។ លើសពីនេះទៅទៀតម្ចាស់ប្រ៊េនរូបនេះក៏បាននិយាយពីរឿងនំមួយតម្លៃ១ដុល្លារដោយហៅនំនេះថាជា «នំធ្វើស៊ី»។

តាមការចែករំលែកវីដេអូខ្លីៗដែលបង្ហោះនៅលើបណ្តាញសង្គមទិកតុក ម្ចាស់ប្រ៊េន យូរៀន បាននិយាយថា ១ម៉ឺនដុល្លារ ១ម៉ឺននំ ដែលតម្លៃដើមនំតែ ០.៤- ០.៦សេននោះទេខណៈដែរបើបន្ថែមអំបុកតិចតួចគឺអាចខ្ទង់ ០.៧ សេន ដោយអ្នកលក់អនឡាញរូបនេះថាតែ០.៣ សេនចំនួន៩ម៉ឺននំក៏ឃើញលុយដែរ។ យូរៀន បានបញ្ជាក់ទៀតថានាងធ្លាប់រៀនធ្វើនំ ធ្លាប់រៀន barista គឺនាងដឹងខណៈនាងក៏មានដៃគូសហការធ្វើនំបែបហ្នឹង បែប Premium ពីខាងប្រទេសចិនបានថោកជាងនេះមានតម្លៃតែ១០០០រៀលហើយទម្ងន់បាន១០០ក្រាម តែនំធ្វើស៊ីគឺបានតែ៤៥ក្រាមទេ។

ការលាតត្រដាងរបស់ យូរៀន បានធ្វើឱ្យមនុស្សជាច្រើនបង្ហាញការភ្ញាក់ផ្អើលយ៉ាងខ្លាំងខណៈអ្នកខ្លះថាពួកគេក៏ដឹងមកជាយូរហើយគ្រាន់តែមិនបញ្ចេញ។

ជាមួយគ្នានេះដែរតាមរយៈការ Live របស់ យូរៀន កាលពីល្ងាចថ្ងៃទី១៩ ធ្នូ បានឱ្យដឹងថា នៅក្នុងជំនាន់សង្គ្រាមមានអ្នកមានក៏ច្រើនមានអ្នកក្រក៏ច្រើន ខណៈអ្នកខ្លះឱ្យតែមានឱកាសទម្លាក់ QR គឺទម្លាក់មិនដកដៃ។ យូរៀន ថាអ្វីដែលជាចាំបាច់សម្រាប់ទាហានគឺជាអង្ករពុំមែនជានំនោះទេ ចំណែកឯខោក្នុងដែលមានតម្លៃ៧ដុល្លារម្ចាស់ប្រ៊េនរូបនេះក៏បានលើកយកមកនិយាយដែរខណៈនាងលើកឡើងថាពួកគាត់ស្លៀកខោក្នុងមានតម្លៃ២០០០រៀលនោះទេ។ យូរៀន ថាអ្នកមានដោយសារតែធ្វើជំនួញក្តៅក្រហាយ គឺជាការស៊ីឈាមអ្នកដទៃទាំងរស់៕