បរទេស៖ ក្នុងចំណោមក្រុមហ៊ុនផលិតរថយន្តប្រមាណ ១៧០ នៅក្នុងប្រទេសចិន មានតែម៉ាករថយន្តប្រាំប៉ុណ្ណោះដែលមានសក្តានុពលខ្លាំងបំផុតនៅក្នុងទីផ្សារអន្តរជាតិ។ ដូច្នេះហើយរថយន្តទាំងនោះមានដូចជា៖

១.រថយន្តម៉ាក MG៖ MG គឺជាម៉ាកយីហោដែលពេញនិយមបំផុតនៅក្នុងទីផ្សារពិភពលោក ដោយសារតែផលិតផលគឺមានការរចនាគួរឱ្យចាប់អារម្មណ៍ និងតម្លៃប្រកួតប្រជែង រួមទាំងរថយន្តអគ្គិសនីផងដែរ។ MG ក៏ជាម៉ាកដែលលក់រថយន្តអគ្គិសនីច្រើនបំផុតទីបួននៅអឺរ៉ុបក្នុងឆមាសទីមួយនៃឆ្នាំ ២០២៣ នាំមុខម៉ាកយីហោធំៗផ្សេងទៀតដូចជា Renault, Peugeot ឬ Hyundai ។

២.រថយន្តម៉ាក BYD៖ BYD គឺជាម៉ាករថយន្តមួយក្នុងចំណោមម៉ាករថយន្តដែលរីកលូតលាស់លឿនបំផុតនៅលើពិភពលោក ដោយសារផលិតផលនេះមានភាពចម្រុះនឹងជារថយន្តអគ្គិសនីសុទ្ធ។ BYD គឺជារថយន្តដែលមានតម្លៃថ្លៃ ដូច្នេះមិនមែនអតិថិជនទាំងអស់អាចមានលទ្ធភាពទិញរថយន្តអគ្គិសនីនេះទេ។ ជាទូទៅ BYD ត្រូវបានដាក់លក់ក្នុងតំបន់មួយចំនួនដូចជា អាមេរិកឡាទីន មជ្ឈិមបូព៌ា និងអាស៊ីអាគ្នេយ៍។

៣.រថយន្ត Geely/Zeekr៖ រថយន្ត Geely ភាគច្រើនស្ថិតនៅក្នុងផ្នែកពេញនិយម ខណៈពេលដែល Zeekr មានភាពជឿនលឿនជាង។ រថយន្តទាំងពីរទទួលបានអត្ថប្រយោជន៍ពីផលិតផលចម្រុះ រួមទាំងរថយន្ត sedans និង SUVs ដែលលក់ដាច់ខ្លាំងនៅក្នុងទីផ្សារដូចជារុស្ស៊ី ក៏ដូចជាម៉ូដែលដែលទើបនឹងរចនាថ្មីសម្រាប់ទីផ្សារជាច្រើនទៀត។

៤.រថយន្ត Nio៖ Nio របស់ចិនអាចត្រូវបានប្រដូចទៅនឹង Tesla ដែលមានផលិតផលចម្រុះជាងគូប្រជែងរបស់អាមេរិក។ សក្ដានុពលរបស់ម៉ាកនេះគឺស្ថិតនៅក្នុងបច្ចេកវិទ្យា សមត្ថភាពផ្នែកទន់ និងផែនការសេវាកម្មប្តូរថ្ម។ ទោះបីជាយ៉ាងណាក៏ដោយ ក្នុងនាមជាម៉ាកយីហោដ៏ប្រណិតមួយ Nio នៅមានកម្រិតនៅក្នុងទីផ្សារក្រៅប្រទេស ហើយវានៅតែត្រូវការពេលវេលា និងការយល់ដឹងដើម្បីឈ្នះចំណែកសមស្របនៅអឺរ៉ុប។

៥.រថយន្ត Baojun/Wuling៖ ផលិតផលរបស់ Baojun និង Wuling ត្រូវបានបំពាក់ដោយឧបករណ៍មូលដ្ឋាន តម្លៃសមរម្យ ងាយស្រួលទិញ និងងាយស្រួលក្នុងការថែទាំ។ ម៉ូដែលទាំងនេះ ត្រូវបានដាក់លក់ក្នុងទីផ្សារផ្សេងៗគ្នាតាមរយៈភាពជាដៃគូរបស់ Chevrolet ។ ម៉ាកយីហោចិនទាំងពីរអាចទទួលបានចំណែកទីផ្សារយ៉ាងងាយស្រួល និងឆាប់រហ័សនៅក្នុងតំបន់ដូចជា អាមេរិកឡាទីន មជ្ឈិមបូព៌ា និងអាហ្វ្រិក៕
ប្រភព៖vnexpress

សហគ្រាសធំបំផុតនៅក្នុងទីក្រុងហូជីមិញ Pouyuen Vietnam បានចំណាយប្រាក់ប្រហែល ១៦៥ ពាន់លានដុងប្រមាណជិត៧លានដុល្លារ ដើម្បីចំណាយដល់កម្មករជាង ១,២០០ នាក់ដែលបានបាត់បង់ការងារ។ ជាមធ្យមក្នុងម្នាក់ៗទទួលបាន១៣៣លានដុង(ជិត៥ ៥០០ដុល្លារ)។ នេះបើយោងតាមការចុះផ្សាយរបស់សារព័ត៌មាន vnexpress ថ្ងៃទី២៩ សីហា ។

ការផ្តល់នេះត្រូវបានកំណត់ឡើងបន្ទាប់ពីក្រុមហ៊ុន Pouyuen Vietnam Co., Ltd (ស្រុក Binh Tan) បានឈានដល់កិច្ចព្រមព្រៀងមួយដើម្បីបញ្ចប់កិច្ចសន្យាការងារជាមួយកម្មករជាង១២០០នាក់កាលពីចុងសប្តាហ៍។ កម្មករដែលខ្ពស់បំផុតទទួលបានប្រហែល ៣៧០លានដុង(ប្រមាណជាង១ ៥០០០ ដុល្លារ) និងទាបបំផុតសម្រាប់កម្មករថ្មីដែលទើបចូលរោងចក្រទទួលបានគឺ ១៨,៨ លានដុង (ប្រមាណជាង៧៧៦ដុល្លារ)។

កន្លងមក របាយការណ៍មួយទៅកាន់ឧស្សាហកម្មមុខងារក្រុមហ៊ុន Pouyuen បានឱ្យដឹងថា ការបញ្ជាទិញមិនទាន់មានការកើនឡើង មានដៃគូតិចតួចដាក់ការបញ្ជាទិញ ដូច្នេះសហគ្រាសត្រូវកាត់បន្ថយកម្លាំងពលកម្មជាលើកទីបីនៅឆ្នាំនេះ។ បើធៀបនឹងការកាត់បន្ថយកម្មករពីរលើកមុន ការកាត់បន្ថយលើកនេះមានកម្មករតិចជាងមុន ដូច្នេះការចំណាយមានកម្រិតទាប ប៉ុន្តែអត្រាជាមធ្យមនៃកម្មករទទួលបានគឺខ្ពស់បំផុត។ ជាក់ស្តែងក្នុងដំណាក់កាលទី១នៃឆ្នាំនេះ តួលេខនេះមានចំនួន១១៦លានដុង ដំណាក់កាលទី២មានចំនួន១៣០លានដុង ។
ក្នុងការកាត់បន្ថយចំនួនបីនាពេលថ្មីៗនេះ ក្រុមហ៊ុន Pouyuen បានចំណាយប្រាក់សរុបចំនួន ១,១២៩ ពាន់លានដុង ដើម្បីផ្គត់ផ្គង់ដល់កម្មករដែលគ្មានការងារធ្វើជាង ៩,២០០នាក់ អ្នកដែលទទួលបានខ្ពស់បំផុតគឺជិតកន្លះពាន់លានដុង។

គួរបញ្ជាក់ផងដែរថា ក្រុមហ៊ុន Pouyuen ជាកម្មសិទ្ធិរបស់ក្រុមហ៊ុន Taiwan Pou Chen International Group ដែលប្រតិបត្តិការក្នុងវិស័យផលិតស្បែកជើង ហើយជានិយោជកធំជាងគេនៅទីក្រុងហូជីមិញ។ ចាប់តាំងពីប្រតិបត្តិការនៅទីក្រុងហូជីមិញ ពីឆ្នាំ ១៩៩៦ រហូតមកដល់បច្ចុប្បន្ន ក្រុមហ៊ុនបានកាត់បន្ថយចំនួនបុគ្គលិកចំនួន ៤ ដង ជាមួយនឹងទំហំជាងរាប់ម៉ឺននាក់។ បន្ថែមពីលើបីដងចាប់តាំងពីដើមឆ្នាំរហូតមកដល់ពេលនេះ ក្នុងខែមិថុនា ឆ្នាំ ២០២០ក្រុមហ៊ុនបានបញ្ឈប់បុគ្គលិកជាង ២,៨០០នាក់។ បន្ទាប់ពីការកាត់បន្ថយកម្លាំងពលកម្មជាច្រើនដង ពេលនេះកម្មកររបស់ក្រុមហ៊ុននេះមានចំនួនប្រហែល ៤០,០០០ នាក់ធ្លាក់ចុះជិតពាក់កណ្តាលបើធៀបនឹងរយៈពេលដែលមានកម្មករខ្ពស់បំផុត៕

ប្រទេសថៃ ៖ នាយករដ្ឋមន្ត្រីថ្មីប្រទេសថៃ លោក Srettha Thavisin បានដឹកនាំគណៈកម្មាធិការសេដ្ឋកិច្ចរបស់គណបក្សភឿថៃ ចូលរួមប្រជុំជាមួយក្រុមហ៊ុនអាកាសចរណ៍ថៃ ដូចជា ក្រុមហ៊ុន Bangkok Airways, Thai AirAsia, Thai AirAsia X, Nok Air, Thai Smile, Thai Lion Air និង Thai Vietjet ។ លើសពីនេះ ក៏បានពិភាក្សាជាមួយក្រុមហ៊ុនអាកាសយានដ្ឋានថៃ ព្រមទាំងអាជ្ញាធរអាកាសចរណ៍ស៊ីវិលថៃ អំពីស្ថានការណ៍ហោះហើរតាមអាកាសផងដែរ ដើម្បីលើកកម្ពស់វិស័យទេសចរណ៍នៅចុងឆ្នាំ២០២៣ ។

ខាងក្រោមនេះ គឺជាបញ្ហាដាក់ជូនលោកនាយករដ្ឋមន្ត្រី និងគណបក្សភឿថៃ ៖
១-ការបង្កើនចំនួនជើងហោះហើរឱ្យទាន់រដូវកាលទេសចរណ៍ (High Season) យ៉ាងហោចណាស់ ២០%
២-ការបង្កើនសក្តានុពលយន្តហោះដើម្បីកំណើនការហោះហើរ
៣-ការបន្ថែមឱកាស និងជំរុញភ្ញៀវទេសចរមកពីប្រទេសចិន និងឥណ្ឌា
៤-ការបន្ថែមចំនួនជើងហោះហើរឱ្យសមស្របនឹងការលើកកម្ពស់ទេសចរណ៍

លោក Srettha Thavisin លើកឡើងថា ៖ «សូមអរគុណ ក្រុមហ៊ុនអាកាសយានដ្ឋានប្រទេសថៃ ដែលបានសហការធ្វើការជាមួយរដ្ឋាភិបាលគណបក្សភឿថៃ ក្នុងការត្រៀមខ្លួនលើកកម្ពស់វិស័យទេសចរណ៍ក្នុងរដូវកាល High Season ។ វានឹងជួយជំរុញប្រាក់ចំណូលចូលប្រទេស និងជំរុញសេដ្ឋកិច្ចរយៈពេលខ្លី ដូចជា ការគ្រប់គ្រងអាកាសយានដ្ឋាន, ការបង្កើនជើងហោះហើរ និងការពង្រីក Runway» ។

លោកបន្តថា ៖ «សំណើរបស់ក្រុមហ៊ុនអាកាសចរណ៍ គឺជាកិច្ចសហការដ៏ល្អដើម្បីរួមគ្នាលើកកម្ពស់ និងបង្កើតប្រាក់ចំណូលចូលប្រទេសថៃ ។ វាជារឿងល្អដែលក្រុមហ៊ុនអាកាសចរណ៍ទាំងអស់ទទួលយកគោលការណ៍មិនគិតថ្លៃទិដ្ឋាការ (Free Visa) សម្រាប់ប្រទេសមានសក្តានុពល ដូចជា ចិន ។ ខ្ញុំសង្ឃឹមថា ក្រុមហ៊ុនអាកាសចរណ៍ទាំងអស់នឹងបង្កើនចំនួនជើងហោះហើរទទួលភ្ញៀវទេសចរក្នុងប្រទេស និងក្រៅប្រទេស» ។

រដ្ឋាភិបាលដឹកនាំដោយគណបក្សភឿថៃ មានគម្រោងផ្សព្វផ្សាយពីវិស័យទេសចរណ៍ថៃនៅក្រៅប្រទេសក្នុងឆ្នាំ២០២៤ សម្រាប់ក្រុមហ៊ុនអាកាសចរណ៍ដែលបានត្រៀមខ្លួនរួចរាល់ ។ ហេតុនេះ ក្រុមហ៊ុនអាកាសចរណ៍នីមួយៗនឹងទទួលបានផលប្រយោជន៍ បើរដ្ឋាភិបាលអាចបង្កើនតម្រូវការភ្ញៀវទេសចរមកកម្សាន្តនៅប្រទេសថៃ ហើយក្រុមហ៊ុនទាំងនេះនឹងប្រជែងដើម្បីលើកកម្ពស់ទេសចរណ៍រួមគ្នា ព្រមទាំងធ្វើឱ្យភ្ញៀវទេសចរអាចទិញសំបុត្រយន្តហោះក្នុងតម្លៃសមរម្យ ៕ ប្រភព ៖ Bangkok biznews

បរទេស៖ ពិតណាស់ មនុស្សភាគច្រើនប្រាកដជាគិតថាប្រជាជនដែលរស់នៅក្នុងទ្វីបអាហ្វ្រិកទាំងអស់សុទ្ធតែជាអ្នកក្រីក្រ ដោយសារសេដ្ឋកិច្ចថយក្រោយ គ្មានការអភិវឌ្ឍន៍។ ប៉ុន្តែទោះជាយ៉ាងណាក៏ដោយ ក៏មានក្រុមកុលសម្ព័ន្ធមួយដែលមានឈ្មោះថា Ashanti ស្ថិតនៅភាគខាងត្បូងនៃប្រទេស Ghana ក្នុងទ្វីបអាហ្វ្រិកខាងលិច ដោយមានប្រជាជនប្រមាណ ៣ លាននាក់ បូករួមជាមួយនឹងលក្ខខណ្ឌធម្មជាតិអំណោយផល មានអណ្តូងរ៉ែមាសដែលមានទុនបំរុងដ៏ធំ ប្រជាជនកុលសម្ព័ន្ធ Ashanti រស់នៅយ៉ាងប្រណីត ធ្វើឱ្យគ្រប់គ្នាភ្ញាក់ផ្អើលយ៉ាងខ្លាំង។

យោងតាមស្ថិតិរបស់អ្នកស្រាវជ្រាវ បានឱ្យដឹងថា ប្រទេសនេះមាន GDP សម្រាប់ឆ្នាំ ២០២២ គឺ ៨៥.៩៦ ពាន់លានដុល្លារ។ ដោយសារប្រទេស Ghana សម្បូរទៅដោយមាស ទើបកុលសម្ព័ន្ធ Ashanti មានភាពល្បីល្បាញដោយសារមានអណ្តូងរ៉ែមាសដ៏ធំបំផុតនៅក្នុងទ្វីបអាហ្វ្រិក។

ដូច្នេះហើយពិធីមង្គលការរបស់បុរសអ្នកមានបំផុតនៅអាហ្រ្វិកគឺកូនកំលោះ និងកូនក្រមុំចំនួន ៨០ នាក់សុទ្ធតែបានពាក់គ្រឿងអលង្ការមាស គ្រឿងបន្លាស់ មកុដជាដើម ដើម្បីតុបតែងខ្លួន។ គ្រឿងលម្អមាសរបស់ពួកគេត្រូវបានកែច្នៃយ៉ាងប្រណិតដោយមានការរចនាចម្រុះ សូម្បីតែក្រចកដៃរបស់ពួកគេក៏ស្រោបមាសដែរ។
អ្វីដែលពិសេសបំផុតនោះគឺភរិយាចំនួន ៨០ នាក់របស់បុរសនោះព្រមរស់នៅជាមួយគ្នាយ៉ាងសុខដុម ពួកគេរាប់អានគ្នាដូចជាបងប្អូននៅក្នុងផ្ទះតែមួយ ហើយបម្រើប្ដីជាមួយគ្នា៕
ប្រភព៖cafef.com

ប្រទេសចិន ៖ តំបន់ Changshan ខេត្ត Zhejiang ស្ថិតនៅភាគខាងកើតប្រទេសចិនបានផ្តល់ប្រាក់ចំនួន១.០០០យាន់ឱ្យកូនក្រមុំ ដែលយល់ព្រមរៀបការអាយុក្រោម២៥ឆ្នាំ ។ រដ្ឋាភិបាលចិនសង្ឃឹមថា ការផ្តល់ប្រាក់នេះនឹងជួយជំរុញឱ្យយុវវ័យសម័យថ្មីរៀបការមានក្រុមគ្រួសារ ដើម្បីកាត់បន្ថយបញ្ហាអត្រាកំណើតធ្លាក់ចុះ ។

នៅចុងខែសីហា ឆ្នាំ២០២៣ គេបានប្រកាសផ្តល់ប្រាក់រង្វាន់ដល់កូនក្រមុំតាមរយៈ Wechat នៅតំបន់ Changshan ដោយបញ្ជាក់ថា ប្រាក់រង្វាន់នេះមានគោលបំណងលើកកម្ពស់ការរៀបការ និងមានកូនក្នុងវ័យសមរម្យសម្រាប់អ្នករៀបការលើកដំបូង ។ លើសពីនេះ រដ្ឋាភិបាលនឹងផ្តល់ប្រាក់ឧបត្ថម្ភការចិញ្ចឹមកូន និងការរៀនសូត្ររបស់កូនបន្ថែមទៀត ។

ប្រទេសចិនមានចំនួនពលរដ្ឋធ្លាក់ចុះជាលើកដំបូងក្នុងរយៈពេល៦០ឆ្នាំ ហើយចិននឹងសម្បូរពលរដ្ឋអាយុច្រើនយ៉ាងឆាប់រហ័ស ។ ហេតុនេះ រដ្ឋាភិបាលចាំបាច់ត្រូវចេញគោលនយោបាយផ្សេងៗដើម្បីបង្កើនចំនួនទារកកើតថ្មី មិនថាការផ្តល់ប្រាក់ឧបត្ថម្ភដល់ឪពុកម្តាយ រួមទាំងបង្កលក្ខណៈងាយស្រួលក្នុងការចិញ្ចឹមកូនផងដែរ ។

បើទោះជាប្រទេសចិនមានច្បាប់កំណត់អាយុអប្បបរមាសម្រាប់ការរៀបការ គឺ២២ឆ្នាំសម្រាប់បុរស និង២០ឆ្នាំសម្រាប់ស្ត្រី ប៉ុន្តែការរៀបការក្នុងចំណោមយុវវ័យបែរជាធ្លាក់ចុះជាបន្តបន្ទាប់ ។ ដូច្នេះ វាធ្វើឱ្យអត្រាកំណើតធ្លាក់ចុះតាមដែរ ខណៈគោលនយោបាយរបស់រដ្ឋាភិបាលមិនអំណោយផលដល់នារីដែលត្រូវចិញ្ចឹមកូនតែម្នាក់ឯង ។

តាមទិន្នន័យរបស់រដ្ឋាភិបាលបានចេញផ្សាយកាលពីខែមិថុនា ឆ្នាំ២០២៣ បង្ហាញថា ប្រទេសចិនមានចំនួនគូសេ្នហ៍ចុះអេតាស៊ីវិលនៅឆ្នាំ២០២២ ត្រឹមតែ៦,៨លានគូប៉ុណ្ណោះ ។ នេះចាត់ទុកថា ទាបបំផុតក្នុងប្រវត្តិសាស្ត្របើគិតចាប់ពីឆ្នាំ១៩៨៦ ហើយវាធ្លាក់ចុះពីស្ថិតិនៅឆ្នាំ២០២១ រហូតដល់៨០ម៉ឺនគូ ខណៈអត្រាកំណើតបានធ្លាក់ចុះផងដែរនៅឆ្នាំ២០២២ ។ វាជាការធ្លាក់ចុះទាបបំផុតក្នុងចំណោមប្រទេសដែលមានចំនួនពលរដ្ឋលើសពី១០០លាននាក់ ។

ការចំណាយប្រាក់សម្រាប់ចិញ្ចឹមកូន និងភាពចាំបាច់ដែលឪពុកម្តាយត្រូវឈប់ធ្វើការងារដើម្បីថែទាំកូន បានធ្វើឱ្យស្ត្រីចិនជាច្រើននាក់បដិសេធមិនចង់បានកូនបន្ថែមទៀត ឬពួកគេជ្រើសរើសគ្មានកូនតែម្តង ។ ម្យ៉ាងទៀត ពលរដ្ឋចិនភាគច្រើននៅតែនិយមដាក់បន្ទុកលើស្ត្រីឱ្យមានតួនាទីថែទាំកូន ៕ ប្រភព ៖ Mgronline

ប្រិយមិត្តពិតជាឆ្ងល់ហើយថា ហេតុអ្វីបានជាបុគ្គលមួយចំនួនអាចជោគជ័យនៅក្នុងជីវិតបាន ខណៈដែលមនុស្សភាគច្រើនផ្សេងទៀតបរាជ័យមិនសមតាមបំណងរបស់ខ្លួន? ចម្ងល់នេះ នឹងត្រូវបកស្រាយនៅខាងក្រោម ដែលបញ្ជាក់ឱ្យឃើញថា ភាពឆ្លាតវៃគឺធ្វើឱ្យបុគ្គលម្នាក់អាចសម្រេចតាមបំណងប្រាថ្នារបស់គេបាន។ ដូច្នេះហើយតើអ្វីទៅជាចំណុចពិសេសរបស់បុគ្គលឆ្លាតវៃ?

១.មនុស្សឆ្លាតរស់នៅសាមញ្ញ មិនចេះអួតអាង៖ ភាពសាមញ្ញ មិនចេះអួតអាង គឺជាគុណភាពដែលល្អបំផុត ហើយតែងតែមានការកោតសរសើរយ៉ាងខ្លាំងពីមនុស្សជុំវិញខ្លួន។ មនុស្សឆ្លាតតែងតែមានអាកប្បកិរិយារាបទាប និងសាមញ្ញ ទោះបីជាពួកគេជោគជ័យយ៉ាងណាក៏ដោយ ពួកគេនៅតែរក្សាខ្លួនឱ្យរាបទាប ដែលនេះបង្ហាញថាពួកគេជាមនុស្សមានទេពកោសល្យពិតប្រាកដហើយមានទំនុកចិត្តលើខ្លួនឯង។

២.ការគិតរហ័ស ឬសកម្ម៖ មនុស្សឆ្លាតច្រើនតែមាន IQ និង EQ ខ្ពស់ ក្នុងការប្រាស្រ័យទាក់ទងគ្នា ពួកគេដឹងពីរបៀបនិយាយអ្វីដែលអ្នកដទៃចង់ឮ និងដឹងពីរបៀបចាប់យកអារម្មណ៍របស់អ្នកដទៃ។ មនុស្សឆ្លាតតែងតែរក្សាការតស៊ូ ឈ្នះដោយគ្មានអំនួត ចាញ់ដោយមិនបាក់ទឹកចិត្ត ពួកគេដឹងពីរបៀបប្រមូលផ្តុំគុណសម្បត្តិ និងភាពខ្លាំងរបស់មនុស្សជុំវិញ ដើម្បីបង្កើតតម្លៃល្អសម្រាប់សហគមន៍។

៣.ចេះគ្រប់គ្រងខ្លួនឯងបានល្អ៖ ការចេះគ្រប់គ្រងខ្លួនឯងគឺជាជំនាញដ៏សំខាន់មួយសម្រាប់ឈានទៅរកភាពជោគជ័យក្នុងជីវិត។ ដូច្នេះ ដើម្បីក្លាយជាមនុស្សជោគជ័យ យើងត្រូវអនុវត្តការគ្រប់គ្រងខ្លួនឯងគ្រប់ស្ថានភាព។

៤.ដឹងពីរបៀបនៃការស្ដាប់៖ ការស្តាប់ពិតជាមានសារៈសំខាន់ខ្លាំងណាស់ នោះក៏ជាមូលហេតុដែលយើងកើតមកមានត្រចៀកពីរ នឹងមានមាត់តែមួយ។ អំណាចនៃការស្តាប់ ជួនកាលអាចធំជាងអំណាចនៃពាក្យសម្តី មនុស្សឆ្លាតដឹងពីរបៀបស្តាប់ តាមរយៈកាយវិការសមហេតុផលរបស់ពួកគេ ដើម្បីបញ្ជូនថាមពលខុសគ្នាទៅកាន់អ្នកដទៃ៕
ប្រភព៖phuntoday.com

រដ្ឋធានីប៊ែរឡាំង៖ ដ្ឋធានីប៊ែរឡាំង៖ រហូតមកដល់ពេលនេះ រដ្ឋាភិបាលក្រុងកៀវ បាន និង កំពុងតែខ្នះខ្នែងយ៉ាងខ្លាំង ចង់ទទួលបានរថក្រោះរបស់លោកខាងលិច ដើម្បីយកមកធ្វើសង្គ្រាមទៅទប់ទល់នឹងកម្លាំងទាហានឈ្លានពានរបស់រុស្ស៊ី ប៉ុន្ដែអ្វីដែលគួរភ្ញាក់ផ្អើលនោះ ក៏មានក្រុមហ៊ុនអាល្លឺម៉ង់ និង ក្រុមហ៊ុនស្វីស បានព្រមព្រៀងគ្នាទិញ-លក់រថក្រោះអាល្លឺម៉ង់ ប្រភេទ Leopard 1A5 ដោយមានតម្លៃស្មើនឹងទូរស័ព្ទស្មាតហ្វូតរបស់ចិន សម្រាប់ផ្ទេរទៅកាន់ប្រទេសអ៊ុយក្រែន។។

គេហទំព័រ Gagadget បានចេញផ្សាយ កាលពីថ្ងៃទី២៧ ខែសីហា ថា ក្រុមហ៊ុនរបស់អាល្លឺម៉ង់ Global Logistics GmbH (ហៅកាត់ GLS) ពិតជាបានទិញរថក្រោះ Leopard 1A5 ជាង២០គ្រឿង ពីក្រុមហ៊ុនរបស់ស្វីស RUAG ដោយមានតម្លៃស្មើនឹងទូរស័ព្ទស្មាតហ្វូនធម្មតារបស់ចិន។

ក្រុមហ៊ុន RUAG របស់ស្វីស ចង់លក់រថក្រោះ Leopard 1A5 ចំនួន៩០គ្រឿង ទៅឲ្យក្រុមហ៊ុន Rheinmetall (រេនមេថល) ដែលជាក្រុមហ៊ុនឧស្សាហកម្មផលិតរថយន្ដ និង គ្រឿងសព្វាវុធរបស់អាល្លឺម៉ង់ ដើម្បីផ្ទេររថក្រោះទាំងអស់នេះ ទៅជួយដល់ប្រទេសអ៊ុយក្រែន។ បើទោះជាយ៉ាងក៏ដោយ ដំបូងឡើយ អាជ្ញាធរស្វីស បានរារាំងដល់កិច្ចព្រមព្រៀងនេះ ហើយបន្ទាប់មក បានចាប់ផ្ដើមបើកការស៊ើបអង្កេត។

ក្រុមហ៊ុន RUAG របស់ប្រទេសស្វីស បានទិញរថក្រោះ Leopard 1A5 ទាំងនេះ មកពីប្រទេសអ៊ីតាលី ដោយសារតែកងទ័ពរបស់ប្រទេសអឺរ៉ុបមួយនេះ បានបោះបង់ចោលរថក្រោះស៊េរីចាស់ៗទាំងអស់ ចេញពីឃ្លាំងរបស់ខ្លួន។ ស្របគ្នានោះ ក្រុមហ៊ុន GLS របស់អាល្លឺម៉ង់ ក៏បានបានបញ្ជាទិញរថក្រោះ Leopard 1A5 ចំនួន២៥គ្រឿង ក្នុងតម្លៃ៥០០ហ្វ្រង់ស៍ស្វីស នៅក្នុងមួយគ្រឿង ដោយមានតម្លៃស្មើនឹងប្រហែល ៥៦៥ដុល្លារអាមេរិក។

ក្រុមហ៊ុន GLS របស់អាល្លឺម៉ង់ ទើបតែបានចំណាយលុយ ចំនួន ១៤ ០០០ដុល្លារ សម្រាប់រថក្រោះ២៥គ្រឿង។ កាលពីអំឡុងឆ្នាំ២០១៩ ក្រុមហ៊ុនអាល្លឺម៉ង់ GLS បានទិញរថចម្បាំង ជាច្រើនគ្រឿង ប៉ុន្ដែក្រុមហ៊ុនមួយនេះ មិនទាន់ទទួលបានរថក្រោះអ្វី សូម្បីតែមួយគ្រឿង ចាប់តាំងពីពេលនោះមក។ ប៉ុន្ដែឥឡូវនេះ ក្រុមហ៊ុន GLS របស់អាល្លឺម៉ង់ នៅក្នុងនាមជាម្ចាស់ស្របច្បាប់ កំពុងតែទាមទារឲ្យក្រុមហ៊ុន RUAG ចាប់ផ្ដើមបញ្ចេញរថក្រោះ Leopard 1A5 ជាច្រើនគ្រឿងមកឲ្យខ្លួន សម្រាប់ផ្ទេរទៅឲ្យអ៊ុយក្រែន។

បើតាមកិច្ចព្រមព្រៀងនេះ ដំបូងឡើយ បានសម្រេចរក្សាទុករថក្រោះទាំងនោះ នៅក្នុងប្រទេសអ៊ីតាលី ។ ចំណែកមូលហេតុ ត្រង់ថា បើទោះជាការទិញរថក្រោះទាំងនេះក៏ដោយ ក៏ក្រុមហ៊ុនអាល្លឺម៉ង់ មួយនេះ មិនទាន់បានដឹងច្បាស់ អំពីរបៀបដែលក្រុមហ៊ុន នឹងត្រូវប្រើប្រាស់ Leopard 1A5 ដែលក្រុមហ៊ុន បានទិញនោះដែរ។ បញ្ហានេះ នឹងអាចប្រព្រឹត្ដរួច ក្រោយពេលអាជ្ញាធរស្វីស នឹងពិនិត្យមើលឡើងវិញនូវកិច្ចព្រមព្រៀងនោះ៕