បរទេស៖ កំពូលតារាបាល់ទាត់របស់ពិភពលោក Lionel Messi បានចំណាយលុយសុទ្ធចំនួន ១០.៨ លានដុល្លារ ដើម្បីទិញផ្ទះដ៏ប្រណិតនៅក្នុងរដ្ឋផ្លរីដាសហរដ្ឋអាមេរិក។បន្ទាប់ពីខ្សែប្រយុទ្ធវ័យ ៣៦ ឆ្នាំរូបនេះបានចុះហត្ថលេខាជាមួយក្លឹប Inter Miami CF កាលពីដើមរដូវក្តៅកន្លងទៅ Messi បានចាប់អារម្មណ៍ភូមិគ្រឹះមួយស្ថិតនៅទីក្រុង Fort Lauderdale ដែលជាតំបន់សម្រាប់អភិជន ឬអ្នកជាន់ខ្ពស់រស់នៅ។

ភូមិគ្រឹះដ៏ទំនើបរបស់ Messi គឺជាវិមានដែលមានទំហំ ១០,៥០០ ម៉ែត្រការ៉េ ក្នុងនោះមានបន្ទប់ទឹកប្រាំបី បន្ទប់គេងប្រាំបួន ក៏ដូចជាមានបន្ទប់ហាត់ប្រាណ កន្លែងស្ប៉ា ការិយាល័យ និងមានសន្តិសុខការពារ ២៤ ម៉ោង ដោយខាងក្រៅផ្ទះជាប់ឆ្នេរសមុទ្រ Bay Colony ដែលមានមាត់ទឹកប្រហែល ១០០ រួមទាំងកន្លែងចតពីរ។

យោងតាមលោក Ron Shuffield ប្រធាននិងនាយកប្រតិបត្តិនៃក្រុមហ៊ុន Berkshire Hathaway HomeServices EWM Realty បាននិយាយថា បន្ទាប់ពី Messi បានទិញភូមិគ្រឹះនៅក្នុងតំបន់នេះរួច ក៏មានមនុស្សជាច្រើនបានទិញលំនៅដ្ឋាននៅក្នុងតំបន់ Fort Lauderdale ផងដែរ មូលហេតុគឺដោយសារក្នុងតំបន់នេះមានតារាល្បីៗជាច្រើននាក់ ដែលពួកគេបានជ្រើសរើសរស់នៅទីនេះដោយសារសុវត្ថិភាព។ទោះជាយ៉ាងណាក៏ដោយ អចលនទ្រព្យក្នុងសហគមន៍ Fort Lauderdale មិនអាចបំពេញតម្រូវការរបស់មនុស្សទាំងអស់នោះទេ មានន័យថាបើពួកគេចង់ទិញគឺតម្រូវឱ្យមានការបោះឆ្នោតជាមុនសិន ហើយសម្រាប់តម្លៃផ្ទះក្នុងតំបន់នោះក៏ឡើងខ្ពស់ផងដែរ៕

ប្រទេសថៃ ៖ សារព័ត៌មាន AFP បានចុះផ្សាយពីហេតុការណ៍បា.ញ់ប្រ.ហា.រនៅ SIAM PARAGON ស្ថិតនៅទីក្រុងបាងកក ប្រទេសថៃ កាលពីថ្ងៃទី៣ ខែតុលា ឆ្នាំ២០២៣ ដែលបង្កឡើងដោយយុវជនអាយុ១៤ឆ្នាំ និងបណ្តាលឱ្យមានអ្នកស្លា.ប់ចំនួន២នាក់ ព្រមទាំងរងរបួស៥នាក់ ។ សារព័ត៌មាន AFP បញ្ជាក់ថា ហេតុការណ៍នេះឆ្លុះបញ្ចាំងឱ្យឃើញពីការគ្រប់គ្រងអាវុធនៅធូររលុង និងមានបញ្ហាជាច្រើនទៀតនៅប្រទេសថៃ ដូចជា សមត្ថកិច្ចថៃប្រមូលប្រាក់តាមរយៈការលក់កាំភ្លើ.ងនៅផ្សារងងឹត និងយុវជនថៃអាចរកទិញកាំភ្លើ.ងដោយខ្លួនឯងយ៉ាងងាយស្រួល ។

ការបា.ញ់ប្រ.ហា.រនេះបានកើតឡើងនៅប៉ុន្មានថ្ងៃមុនខួបគម្រប់១ឆ្នាំ នៃហេតុការណ៍សមត្ថកិច្ចថៃបានបា.ញ់រះក្នុងមជ្ឈមណ្ឌលថែទាំកុមារមួយកន្លែងនៅខេត្តណងប៊ូឡាំភូ ។ ការបា.ញ់រះនៅពេលនោះ បណ្តាលឱ្យកុមារស្លា.ប់ចំនួន២៤នាក់ និងមនុស្សវ័យកណ្តាលស្លា.ប់ចំនួន១២នាក់ ហើយវាជាហេតុការណ៍ដ៏រន្ធត់មួយ និងធ្វើឱ្យពិភពលោកភ្ញាក់ផ្អើលជាខ្លាំង ។ ចាប់តាំងពីកើតហេតុការណ៍បា.ញ់រះកុមាររួចមក រដ្ឋាភិបាលថៃបានសន្យាថា នឹងបង្កើនការគ្រប់គ្រងអាវុ.ធឱ្យបានល្អ ប៉ុន្តែរហូតមកដល់បច្ចុប្បន្ននេះ (ខែតុលា ឆ្នាំ២០២៣) ប្រទេសថៃនៅតែសម្បូរកាំភ្លើ.ង និងកើតហេតុការណ៍បា.ញ់គ្នាស្លា.ប់ចុះផ្សាយតាមព័ត៌មានផ្សេងៗស្ទើររៀងរាល់សប្តាហ៍ ។

ចំណែកលោក Anutin Chanvirakul រដ្ឋមន្ត្រីក្រសួងមហាផ្ទៃលើកឡើងថា នឹងបង្កើនការរឹតបន្តឹងលើការចេញលិខិតអនុញ្ញាតគ្រប់គ្រងអាវុធនានា ខណៈលោកឧត្តមសេនីយ៍ទោ Torsak Sukwimon ស្នងការនគរបាលជាតិ បានអំពាវនាវឱ្យបង្កើនការត្រួតពិនិត្យពលរដ្ឋមានសុខភាពផ្លូវចិត្ត ។ ទោះយ៉ាងណា បណ្តាអ្នកជំនាញដាក់ការសង្ស័យថា តើប្រទេសថៃនឹងអាចអនុវត្តវិធានការរឹតបន្តឹងការប្រើប្រាស់អាវុធបានដែរឬទេ ?

យោងតាមទិន្នន័យពីគេហទំព័រ GunPolicy.org បញ្ជាក់ថា ថៃគឺជាប្រទេសដែលមានអត្រាគ្រប់គ្រងអាវុធខ្ពស់បំផុតក្នុងចំណោមប្រទេសនៅតំបន់អាស៊ាន ក្នុងនោះពលរដ្ឋថៃម្នាក់បានកា.ន់កា.ប់កាំភ្លើ.ង ក្នុងចំណោមពលរដ្ឋចំនួន៧នាក់ ។

ជាមួយគ្នានេះ តាមទិន្នន័យកាលពីឆ្នាំ២០១៩ បង្ហាញថា មានអ្នកស្លា.ប់ដោយសារគ្រា.ប់កាំភ្លើ.ងនៅប្រទេសថៃ ស្មើជិត១.៣០០នាក់ ។ តួលេខនេះចាត់ទុកថា ខ្ពស់ជាងនៅប្រទេសវៀតណាមទៅទៀត ដែលវៀតណាមមានអ្នកស្លាប់ដោយសារគ្រា.ប់កាំភ្លើ.ងចំនួន១៣០នាក់ ខណៈវៀតណាមមានចំនួនពលរដ្ឋច្រើនជាងថៃ រហូតដល់៤០% ៕ ប្រភព ៖ Mono News

ទីក្រុងប៊្រុចសែលស៍៖ ថ្វីត្បិតតែសហភាពអឺរ៉ុប ជាដៃគូពាណិជ្ជកម្មដ៏ធំបំផុតមួយ ជាមួយនឹងប្រទេសចិន ដោយមានទំហំពាណិជ្ជកម្ម រាប់រយពាន់លានដុល្លារអាមេរិក យ៉ាងណាក្ដី ប៉ុន្ដែប្លុកសេរីមួយនេះ ក៏មិនស្ទាក់ស្ទើរ នឹងការធ្វើសង្គ្រាមពាណិជ្ជកម្ម ជាមួយនឹងប្រទេសមហាយក្សអាស៊ីមួយនេះដែរ ព្រោះប្លុកសេរីមួយនេះ មានគោលបំណង ការពារដល់វិស័យឧស្សាហកម្មរបស់ខ្លួន ហើយរដ្ឋាភិបាលប៊្រុចសែលស៍ បានចាប់ផ្ដើមបើកការស៊ើបអង្កេតជាផ្លូវការ លើឧបត្ថម្ភធនរបស់រដ្ឋ សម្រាប់រថយន្ដអគ្គិសនីរបស់ប្រទេសចិន។

សារព័ត៌មាន South China Morning Post មានមូលដ្ឋាន នៅកោះហុងកុង បានចេញផ្សាយ កាលពីថ្ងៃពុធ ទី៤ ខែកញ្ញា ឆ្នាំ២០២៣ ថា រដ្ឋាភិបាលក្រុងប៊្រុចសែលស៍ បានបើកការស៊ើបអង្កេតជាផ្លូវការ ដោយបានអះអាង ថា សហភាពអឺរ៉ុប មានភស្ដុតាងគ្រប់គ្រាន់ ពាក់ព័ន្ធឧបត្ថម្ភធនរបស់រដ្ឋ សម្រាប់រថយន្ដអគ្គិសនីរបស់ចិន ដែលអាចធ្វើឲ្យប៉ះពាល់ដល់វិស័យរថយន្ដរបស់អឺរ៉ុប។ ការឧបត្ថម្ភធនរបស់រដ្ឋចិន សម្រាប់រថយន្ដរបស់ចិន ធ្វើឲ្យការប្រកួតប្រជែង មិនស្មើភាពគ្នា។

ដោយឡែក រដ្ឋាភិបាលក្រុងប៉េកាំង បានថ្កោលទោស ច៉ពោះការស៊ើបអង្កេតនេះ ដោយចាត់ទុក ថា វាជាអាកប្បកិរិយារបស់អ្នកការពារ ទាំងគ្មានការអៀនខ្មាស ហើយចិនថែមទាំងបានព្រមាន ថា ចំណាត់ការរបស់សហភាពអឺរ៉ុប នឹងរំខានដល់ខ្សែសង្វាក់ផ្គត់ផ្គង់របស់ពិភពលោក។

គណៈកម្មការអឺរ៉ុប បានបើកការស៊ើបអង្កេតជាផ្លូវការ លើវិស័យរថយន្តអគ្គិសនីរបស់ប្រទេសចិន កាលពីថ្ងៃពុធ (ទី៤ ខែកញ្ញា) ដោយអះអាង ថា សហភាពអឺរ៉ុប មាន«ភស្តុតាងគ្រប់គ្រាន់រួចមកហើយ” ដែលរដ្ឋាភិបាលក្រុងប៉េកាំង បានផ្តល់ការឧបត្ថម្ភធន ទាំងប្រថុយប្រថាន ហើយវានឹងនាំឲ្យបំផ្លិចបំផ្លាញ ដល់វិស័យឧស្សាហកម្មរបស់សហភាពអឺរ៉ុប។

បើតាមសេចក្តីថ្លែងការណ៍មួយ ត្រូវបានចេញផ្សាយ នៅក្នុងទិនានុប្បវត្តិផ្លូវការរបស់សហភាពអឺរ៉ុប បានបញ្ជាក់ ថា ដោយផ្អែកលើព័ត៌មានសាធារណៈ ការឧបត្ថម្ភធន «បង្កការគំរាមកំហែង ធ្វើឲ្យប៉ះពាល់ដល់ឧស្សាហកម្មរបស់សហភាពអឺរ៉ុប ដែលងាយរងគ្រោះ»។ ដោយផ្អែកលើភស្តុតាង ត្រូវបានរកឃើញ និង ការគាំទ្រភាគច្រើន ត្រូវទទួលបាន នៅក្នុងចំណោមរដ្ឋជាសមាជិករបស់សហភាពអឺរ៉ុប សហជីព អាចនឹងដំឡើងពន្ធលើការនាំចូលរថយន្ត មកពីប្រទេសចិន។

ជាប្រតិកម្មតបតវិញនោះ រដ្ឋាភិបាលក្រុងប៉េកាំង បានស្ដីបន្ទោស ដល់ការស៊ើបអង្កេតរបស់សហភាពអឺរ៉ុប ដោយបានចាត់ទុកចំណាត់ការរបស់ប្លុកសេរីមួយនេះ បង្កការរំខានយ៉ាងខ្លាំង ដល់ខ្សែសង្វាក់ផ្គត់ផ្គង់របស់ពិភពលោក៕

បរទេស៖ យោងតាមរដ្ឋមន្ត្រី Mohsin Naqvi នៃខេត្ត Punjab ភាគខាងកើតប្រទេសប៉ាគីស្ថាន បាននិយាយកាលពីថ្ងៃទី ២ ខែតុលាថា ក្រុមប៉ូលីសរបស់អាជ្ញាធរបានចាប់ខ្លួនមនុស្ស ៨ នាក់ពីបទជួញដូរក្រលៀនចំនួន ៣២៨ ឱ្យទៅអតិថិជនក្នុងតម្លៃរហូតដល់ ១០ លានរូពី (ប្រមាណ ៣៤,០០០ ដុល្លារ) ក្នុងមួយផ្លែ។
លោក Naqvi បានបន្តទៀតថា មេខ្លោងដែលបានធ្វើការវះកាត់តម្រងនោមនោះមានឈ្មោះថា Fawad Mukhtar។ ដើមឡើយលោក Fawad គឺជាគ្រូពេទ្យវះកាត់កែសម្ផស្សម្នាក់នៅមន្ទីរពេទ្យ Lahore General ប៉ុន្តែត្រូវបានបណ្តេញចេញពីការងារ។

ក្រោយមកគាត់បានល្បួងអ្នកជំងឺឱ្យមកវះកាត់តម្រងនោមនៅគ្លីនិកឯកជនមួយក្នុងទីក្រុង Taxila ដែលជាកន្លែងងាយស្រួលក្នុងការធ្វើប្រតិបត្តិការ។ បន្ទាប់មកអាជ្ញាធរបានកត់ត្រាការស្លាប់យ៉ាងហោចណាស់បីនាក់ពីគ្លីនិកនេះ ដោយប៉ូលីសបានចំណាយពេលជិត ២ ខែក្នុងការស៊ើបអង្កេត។ ដូច្នេះហើយ នៅទីបំផុតប៉ូលីសក៏បានចាប់ខ្លួនលោក Fawad រួមទាំងជនខិតខូច ៧ នាក់ទៀតពីបទជួញដូរក្រលៀនដោយខុសច្បាប់ និងដាក់ពន្ធនាគាររហូតដល់ ១០ ឆ្នាំ រួមទាំងពិន័យជាប្រាក់ចំនួន ៣,៤០០ ដុល្លារក្នុងម្នាក់។

គួរបញ្ជាក់ដែរថា ប្រទេសប៉ាគីស្ថានបានហាមឃាត់ការលក់សរីរាង្គមនុស្សតាំងពីឆ្នាំ ២០០៧ ប៉ុន្តែច្បាប់នេះត្រូវបានពង្រឹងនៅក្នុងឆ្នាំ ២០១០។ មុនពេលច្បាប់នេះត្រូវបានអនុម័ត ប៉ាគីស្ថានគឺជាមជ្ឈមណ្ឌលជួញដូរសរីរាង្គសម្រាប់ជនបរទេស និងប្រជាជនប៉ាគីស្ថានណាដែលមានទ្រព្យសម្បត្តិដែលកំពុងស្វែងរកការប្តូរសរីរាង្គ៕
ប្រភព៖vnexpress

យោងតាមទិន្នន័យពីអង្គការស្រាវជ្រាវនៅប្រទេសស្វីស ដែលបានប្រមូលទិន្នន័យពាក់ព័ន្ធនឹងការប្រើប្រាស់អាវុ.ធទំហំតូច (Small Arms Survey-SAS) បញ្ជាក់ថា សហរដ្ឋអាមេរិកជាប្រទេសដែលមានចំនួនអ្នកកាន់កាំភ្លើ.ងជាជនស៊ីវិលច្រើនបំផុត គឺស្មើប្រមាណជាង៣៩៣លានដើម ។ បន្ទាប់មក ប្រទេសឥណ្ឌា ស្ថិតក្នុងលំដាប់ទី២ ស្មើប្រមាណជាង៧១លានដើម ចំណែកប្រទេសចិន ស្ថិតក្នុងលំដាប់ទី៣ ស្មើប្រមាណជាង៤៩លានដើម ។

ចំណែកប្រទេសថៃ ស្ថិតក្នុងលំដាប់ទី១៣ នៅលើពិភពលោក និងស្ថិតក្នុងលំដាប់ទី១ នៅតំបន់អាស៊ាន ដែលមានអ្នកកា.ន់កា.ប់កាំភ្លើ.ងច្រើនរហូតដល់១០លាន៣សែនដើម ខណៈប្រទេសថៃមានពលរដ្ឋសរុបចំនួន៦៨លាននាក់ ។ ក្នុងចំណោមកាំភ្លើ.ងចំនួន១០លាន៣សែនដើម ក្នុងនោះកាំភ្លើ.ងដែលបានចុះបញ្ជីស្របច្បាប់ស្មើប្រមាណ៦លាន២សែនដើម ។

បើទោះជាចំនួនអ្នកកា.ន់កា.ប់កាំភ្លើ.ងនៅប្រទេសថៃតិចជាងអាមេរិកក្តី ប៉ុន្តែក្នុងតំបន់អាស៊ានចាត់ទុកថា ការកា.ន់កា.ប់កាំភ្លើ.ងនៅប្រទេសថៃ គឺស្ថិតក្នុងលំដាប់ទី១ ក្នុងតំបន់នេះ ។ ដូច្នេះ ធ្វើឱ្យប្រទេសថៃក្លាយជាទីផ្សារងងិតខាងរកស៊ីជួញដូរអាវុធ ហើយខុសប្លែកគ្នាពីប្រទេសកម្ពុជា និងវៀតណាម ដែលមានច្បាប់តឹងរ៉ឹងសម្រាប់គ្រប់គ្រងអាវុធ ។

ភ្នាក់ងារទិន្នន័យនៃវិទ្យាស្ថានវាស់វែង និងវាយតម្លៃសុខភាពរបស់សាកលវិទ្យាល័យវ៉ាស៊ីនតោន សហរដ្ឋអាមេរិក បានបញ្ជាក់កាលពីឆ្នាំ២០១៩ ថា ថៃ គឺជាប្រទេសមានអំពើឃា.ត.ក.ម្មដោយសារកាំភ្លើ.ង ស្ថិតក្នុងលំដាប់ទី២ ក្នុងតំបន់អាស៊ាន បន្ទាប់ពីប្រទេសហ្វីលីពីន ។

ដូចគ្នានេះ គេហទំព័រ World Population Review បានផ្សព្វផ្សាយពីលទ្ធផលស្ទង់មតិប្រទេសដែលមានចំនួនអ្នកស្លា.ប់ដោយសារកាំភ្លើ.ងច្រើនបំផុតលើពិភពលោក ប្រចាំឆ្នាំ២០២២ បង្ហាញថា ប្រទេសថៃស្ថិតក្នុងលំដាប់ទី១៥ ដែលមានអ្នកស្លា.ប់ដោយសារកាំភ្លើ.ង ចំនួន២.៨០៤នាក់ ស្មើនឹងអត្រាស្លា.ប់ចំនួន៣.៩១នាក់សម្រាប់ពលរដ្ឋចំនួន១សែននាក់ ។

ប្រទេសមានពលរដ្ឋស្លា.ប់ដោយសារកាំភ្លើ.ងច្រើនបំផុតនៅលើពិភពលោក ប្រចាំឆ្នាំ២០២២ រួមមាន ៖
១-ប្រេស៊ីល មានអ្នកស្លា.ប់ដោយសារកាំភ្លើ.ង ច្រើនជាង ៤ម៉ឺន៩ពាន់នាក់
២-សហរដ្ឋអាមេរិក មានអ្នកស្លា.ប់ដោយសារកាំភ្លើ.ង ចំនួន ៣ម៉ឺន៧ពាន់នាក់
៣-ម៉ិកស៊ិក មានអ្នកស្លា.ប់ដោយសារកាំភ្លើ.ង ចំនួន ២២.១១៨នាក់
៤-ឥណ្ឌា មានអ្នកស្លា.ប់ដោយសារកាំភ្លើ.ង ចំនួន ១៤.៧១២នាក់
៥-កូឡុំប៊ី មានអ្នកស្លា.ប់ដោយសារកាំភ្លើ.ង ចំនួន ១៣.១៧១នាក់

ប្រភព ៖ 3plus News