ក្រោយពី ជី ដេវីត ចេញមករិះគ.ន់នារីម្នាក់បកប្រែនៅកូរ៉េរឿងបង្ហោះសាច់សុន.កនៅតាមបណ្តាញសង្គមស្រាប់តែនារីរូបស្រស់នោះចេញមកបង្ហោះសារផ្កែផ្កាទៅវិញថានាងត្រឹមជាមនុស្សសាមញ្ញាម្នាក់មានតារាមកទើស ល្បីមិនគ្រប់គ្រាន់ឬទើបមកទើសនាង ខណៈរឿងជាតិ គ្រឿងញៀននៅខ្មែរ មិនប្រតិកម្ម។ ការលើកឡើងនេះធ្វើឱ្យ ជី ដេវីត គាំងចិត្តយ៉ាងខ្លាំងនិងបានលើកឡើងថានាង«ក្បាលរឹងដូចដែក»។

រយៈពេលចុងក្រោយនេះនារីម្នាក់ដែលធ្វើការជាអ្នកបកប្រែនៅប្រទេសកូរ៉េ រងនូវមតិរិះគន់យ៉ាងចាស់ដៃពីអ្នកលេងអ៊ីនធឺណិតជុំវិញបង្ហោះសាច់សុនកនៅលើបណ្តាញសង្គម ដោយនាងបានតបតបទៅអ្នករិះគន់វិញយ៉ាងចាស់ដៃដូចគ្នា។ ជុំវិញរឿងនេះតារាចម្រៀងល្បីឈ្មោះ ជី ដេវីត ក៏បានបញ្ចេញមតិប្រតិកម្មដូចគ្នាដោយបានលើកឡើងដែរថា «អត់ដឹងសាច់ថ្លៃឬអត់ទេ តែដឹងថាអ្នកស៊ីវាថោក»។

ក្រោយពី ជី ដេវីត រួមទាំងតារាផ្សេងទៀតបញ្ចេញមតិប្រតិកម្មដាក់ខ្លួនស្រាប់តែនារីកំពុងល្បីរឿងសាច់សុនកនេះបានយកគណនីបណ្តាញសង្គមមួយទៀតឈ្មោះជាភាសាកូរ៉េ មកបង្ហោះពាក្យពេចន៍ផ្សេងទៀតទៅកាន់អ្នកទើសខ្លួនជាពិសេសតារាល្បីតែម្តង។

នារីខ្មែរបកប្រែកូរ៉េរូបនេះបានបង្ហោះនៅលើបណ្តាញសង្គមនៅថ្ងៃទី១៥ មីនា ដោយបានរៀបរាប់ថា «ខ្ញុំមានឥទ្ធិពលដល់ថ្នាក់ហ្នឹង? ត្រឹមរាស្រ្តធម្មតាកូនអ្នកស្រែមកពីកូរ៉េមកលេងគ្រួសារដែលធ្លាប់រស់នៅជាមួយប៉ាម៉ែមកលេងគាត់ម្តងញុំានេះញុំានោះថតផុសលេងសោះក៏ទើសដែរ។ អ្នកធម្មតាទើសមធ្យមងំតារានិងម៉ង ខ្ញុំមិនបានទៅប៉ះពាល់ដល់អ្នកណាមុនទេ ខ្ញុំថាឱ្យអ្នកជេរខ្ញុំទេ តែអ្នកតែស្ករនិងគេទៅធ្វើអីអ្នកឯងទំនេរម៉េស ហឹម បើរឿងជាតិ,គ្រឿងញៀននៅខ្មែរ ចេះប្រតិកម្មចឹងដឹងល្អយ៉ាងណា មកប្រតិកម្មសូម្បីគ្នាញុំា អាសូរតាគ្នាវៃសំលាប់សត្វនុងផុសទៅមិនថា គ្រាន់តែថតប៉ាពុងធ្វើម្ហូបឱ្យកូនញុំាធម្មតាសោះក៏ទើសដែរ ព្រោះតែគេជេររាលដាលដល់គ្រួសារខ្ញុំទើបខ្ញុំតតែហេតុអីខ្លួនជាតារាមកទើសជាមួយខ្ញុំដែរ ថោកទាបម៉េសល្បីប៉ុណ្ណឹងហើយមិនគ្រប់គ្រាន់ទេ»។

ពាក្យសម្តីខាងលើនេះជាតារាល្បីមិនគ្រប់គ្រាន់មកទើសនាងនេះដែរ ជី ដេវីត បានស៊ែរខ្លឹមសារខាងលើនេះដោយភ្ជាប់ជាមួយពាក្យពេចន៍ចាក់ដោតមួយទៀតថា «ខ្ញុំមានការ គាំងចិត្ត ជាមួយចែណាស់ ក្បាលរឹងដូចដែក welcome to hell»។

គួរបញ្ជាក់ថា បន្ទាប់ពីនារីរូបនេះបានបង្ហោះសកម្មភាពរបស់ខ្លួនកំពុងធ្វើម្ហូបជាមួយសត្វសុនកឬ ហៅថាសាច់ពិសេសនេះបានធ្វើឱ្យអ្នកស្រលាញ់សត្វចិញ្ចឹម និងអ្នកដទៃបញ្ចេញមតិប្រតិកម្មយ៉ាងខ្លាំងដោយបានចែកចាយវីដេអូរបស់នារីរូបនេះនៅក្នុងគ្រុប «ក្រុមអ្នកស្រលាញ់សត្វ&ចូលចិត្តអាណិតឆ្កែគ្រប់ប្រភេទ»។

ក្រោយពីមានការរិះគន់ភ្លូកទឹកភ្លូកដីនារីរូបនេះបានចេញវីដេអូនៅលើបណ្តាញសង្គមរបស់ខ្លួនតបទៅអ្នករិះគន់នាងថាជាមនុស្សអត់មានខួរ នាងហូបអ្វីគឺជាសិទ្ធិរបស់នាង អ្នកដែលខម្មិនជេរនាងស្រួលមិនស្រួលគ្មានលុយទិញសាច់សុនកហូបផងក៏មិនដឹងដោយសារតែសត្វនេះថ្លៃ១គីឡូ១៥០០០រៀល។ រូបនាងបន្តទៀតថា ធ្វើដល់អ្នកគ្រូហ្នឹងហូបសាច់ពិសេសមិនបានឬយ៉ាងណា ទម្លាប់នាងគឺហូបតាំងពីតូចៗមកម្ល៉េះដោយសារតែគ្រួសារក្រីក្រមានបងប្អូនច្រើន មិនថាសត្វឆ្កែ កណ្តុរ ពស់ អណ្តើកគឺហូបទាំងអស់៕

វល្លិ៍ខ្លូត គឺជាវល្លិ៍មួយប្រភេទដែលដុះពាសពេញបណ្តាប្រទេសអាស៊ីដូចជា កម្ពុជា ថៃ វៀតណាម ឡាវ ចិន មីយ៉ាន់ម៉ា និងឥណ្ឌាជាដើម…។ វល្លិ៍នេះគឺមានអត្ថប្រយោជន៍ចំពោះសុខភាពខ្លាំងណាស់ ដោយគេអាចប្រើជាថ្នាំបំបាត់ការចុកចាប់ ឈឺសន្លាក់ដៃជើង បន្សាបពុលអាហារ ឬបន្សាបពិសពស់ចឹកជាដើម។ ទោះជាយ៉ាងណា កាលពីពេលថ្មីៗនេះមានពាក្យចចាមអារ៉ាមមួយល្បីថា ថៃចង់បានវល្លិ៍ខ្លូតពីប្រទេសខ្មែរ? ដូច្នេះហេតុអ្វីបានជាប្រទេសថៃចង់បានវល្លិ៍ខ្លូតពីប្រទេសខ្មែរខ្លាំងយ៉ាងនេះ?

មូលហេតុគឺដោយសារ ប្រជាជនថៃគិតថាវល្លិ៍ខ្លូតជារបស់ពួកគេ មិនមែនជារបស់ខ្មែរទេ ទើបពួកគេទាមទារចង់បានវល្លិ៍នេះពីប្រទេសកម្ពុជាយើង។ យើងគ្រប់គ្នាដឹងហើយថា រឿងរ៉ាវរវាងខ្មែរនិងថៃ គឺមានការរកាំរកុះគ្នាជាយូរណាស់មកហើយ ដោយថ្មីៗនេះ ពាក់ព័ន្ធនឹងផ្កាវល្លិ៍ខ្លូតត្រូវបានចែករំលែកពាសពេញបណ្តាញសង្គមដោយធ្វើឱ្យមហាជនខ្មែរហួសចិត្តជាខ្លាំង ព្រោះតែប្រជាជនថៃមួយចំនួនតូចមានគំនិតជាតិនិយមជ្រុល ដែលបន្តចង់បានរបស់ខ្មែរហួសហេតុ អស់ពីរឿងមួយចូលរឿងមួយ។

ក្នុងរយៈពេលប៉ុន្មានថ្ងៃមកនេះ ក៏មានការចែករំលែក និងផ្សាយតគ្នាថា ជនជាតិថៃកំពុងតាមរកពូជវល្លិ៍ខ្លូតពីប្រទេសកម្ពុជា ដើម្បីយកទៅដាំនៅប្រទេសខ្លួន ក្នុងគោលបំណងបង្ហាញថា វល្លិ៍ខ្លូតគឺជារុក្ខជាតិរបស់ប្រទេសថៃពិតប្រាកដ ខណៈពលរដ្ឋកម្ពុជាក៏បានបង្ហោះតាមបណ្ដាញសង្គមថា វល្លិ៍ខ្លូតគឺជារបស់ខ្មែរ ហើយមានតាំងពីសម័យអង្គរមកម្លេះ ដែលវាគឺជាគ្រឿងតុបតែងលម្អខ្លួនអប្សរា ឬនារីសម័យអង្គរ។ ទោះជាយ៉ាងណាទាក់ទងនឹងចំណុចនេះ មិនទាន់មានភស្តុតាងត្រឹមត្រូវ ឬឯកសារពិតប្រាកដពីអាជ្ញាធរកម្ពុជានៅឡើយទេ។

គួរបញ្ជាក់ដែរថា ខ្លូតគឺជាវល្លិ៍ដុះខ្លួនឯងនៅតាមព្រៃភ្នំ ដោយគេអាចប្រមូលផលបានរាល់រដូវ។ វល្លិ៍ខ្លូត មានរសជាតិល្វីង ដោយគេអាចយក ប្ញស-ដើមវល្លិ៍ ធ្វើថ្នាំបំបាត់ការចុកចាប់ ឈឺសន្លាក់ដៃជើង បន្សាបពុលអាហារ ឬបន្សាបពិសពស់ចឹក ជាថ្នាំព្យាបាលព្រូន និងគ្រុនចាញ់ផងដែរ។ ចំណែក ប្ញស ធ្វើថ្នាំស្ត្រីរដូវមិនទៀង រីឯស្លឹក បុកបិទកន្លែងពស់ចឹក។ ចំពោះកម្រិត និងរបៀបប្រើ គឺគេអាចប្រើពី ១៥-២០ ក្រាម ឬដល់ ៣០ក្រាម ដាំផឹក ឬត្រាំស្រាផឹក បើធ្វើថ្នាំឈឺសន្លាក់ដៃជើង គេអាចប្រើលាយជាមួយថ្នាំផ្សេងទៀតបានទៀតផង នេះបើយោងតាមសៀវភៅរុក្ខជាតិឱសថកម្ពុជា៕

កម្លាំងចម្រុះបានចុះឃ្លុំដី បាន១៥០,៩៤ ហិកតា និងឃាត់មនុស្សខ្លួន ៤នាក់ កសាងសំណុំរឿង និងបញ្ជូនជនសង្ស័យ ចំនួន១ករណី ទៅតុលាការ នៅក្នុងប្រតិបត្តិការបង្ក្រាបបទល្មើសធនធានធម្មជាតិ នៅក្នុងភូមិសាស្ត្រស្រុកវាលវែង និងស្រុកភ្នំក្រវាញ ខេត្តពោធិ៍សាត់។

នៅក្នុងប្រតិបត្តិការនេះអាជ្ញាធរខេត្ត បានប្រើប្រាស់កម្លាំង សរុប ៧៨៩នាក់ អភិបាលរងខេត្តពោធិ៍សាត់ ៩នាក់ និងនាយករងរដ្ឋបាលសាលាខេត្តពោធិ៍សាត់ ១នាក់ ដោយដកហូតបានម៉ាស៊ីនកាត់ស្មៅ ៥គ្រឿង ម៉ាស៊ីនបាញ់ថ្នាំស្មៅ ២គ្រឿង ផ្លែឡាមម៉ាស៊ីនង៉ោង ២ផ្លែ, បានរុះរើខ្ទមបណ្ដោះអាសន្ន ៣៤រោង និងរោងប្រក់សង្ក័សី ១ខ្នង បានកម្ទេចចោលវត្ថុតាងមានរោងប្រក់សង្ក័សី ៤ គុណ៦ម៉ែត្រ ចំនួន ១២ខ្នង រោងតង់កៅស៊ូ ២ គុណ៣ម៉ែត្រ ចំនួន ៥ខ្នង រោងប្រក់ស្លឹក ១ខ្នង ដំឡូងមី ចំនួន ៣៦៨០បាច់ កម្ទេចដំណាំចេក និងដំឡូងមី ចំនួន ៣៨៤គុម្ព និងបានអប់រំណែនាំចំនួន៨នាក់។

គួរបញ្ជាក់ថា នៅក្នុងបេសកម្មអន្តរាគមន៍បង្ការទប់ស្កាត់ និងបង្ក្រាបបទល្មើសធនធានធម្មជាតិ នៅមូលដ្ឋានខេត្តពោធិ៍សាត់នេះ នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានបញ្ជូនកម្លាំងកងរាជអាវុធហត្ថប្រមាណ៣០០នាក់ ខណៈនាយឧត្តមសេនីយ៍ ស ថេត អគ្គស្នងការនគរបាលជាតិ កបានបញ្ជូនកម្លាំងនគរបាលចំនួន ២៥០នាក់៕

ឋានសួគ៌បូកគោ ឬក៏គេច្រើនហៅថា ឧទ្យានជាតិព្រះមុនីវង្សបូកគោ ជាឋានសួគ៌នៃក្រុងធម្មជាតិ មានទីតាំងស្ថិតនៅក្នុងខេត្តកំពត គឺជារមណីយដ្ឋានដែលទទួលបានការចាប់អារម្មណ៍ខ្លាំងពីសំណាក់ភ្ញៀវជាតិ និង អន្ដរជាតិ តាមរយៈនៅលើភ្នំនេះមានដូចជា វាលស្រែមួយរយ ទឹកធ្លាក់ និងអាចមើលទេសភាពមកខាងក្រោមយ៉ាងស្រស់ស្អាត និងអាចចាប់ពពកបានផងដែរ។

ក្រៅពីកន្លែងទេសចរទាំងនេះ ភ្ញៀវទេសចរណ៍ក៏អាចទៅកម្សាន្តនៅមាត់បឹង នៅលើភ្នំបូកគោ ដែលអនុញ្ញាតឱ្យភ្ញៀវទរសចរ សម្រាកបោះតង់ ស្ទួចត្រី និងជិះទូកកម្សាន្តបានយ៉ាងរីករាយ។

យូរៗម្តង គេសង្កេតឃើញមានអ័ព្ទចុះមកប៉ប្រះនឹងផ្ទៃបឹងបង្កើតបានជាផ្ទាំងទស្សនីយភាពដ៏គួរឱ្យទាក់ទាញ។ អាស្រ័យហេតុនេះហើយទើបធ្វើអោយទីនោះមានអាកាសធាតុត្រជាក់ និងមានបរិយាកាសស្រស់ស្រាយខុសប្លែកពីបឹងដទៃទៀត។

អ្វីដែលកាន់តែពិសេសជាងនេះទៅទៀតនោះ គឺនៅទីនោះក៏មានត្រីចិញ្ចឹមជាច្រើនក្បាល ដែលានពណ៌យ៉ាងស្រស់ស្អាត ហែលបង្អួតសម្រស់អោយភ្ញៀវទេសចរអាចគយគន់យ៉ាងរីករាយថែមទៀត៕

កាលពីថ្ងៃទី១៤ ខែមីនា ឆ្នាំ២០២៤កន្លងទៅ និយ័តករអាជីវកម្មអចលនវត្ថុ និងបញ្ចាំ(ន.អ.ប.) បានចេញសេចក្តីជូនដំណឹងថាឱ្យពលរដ្ឋមានការប្រុងប្រយ័ត្នខ្ពស់ នៅក្នុងការទិញ ក្រុមហ៊ុនឬគម្រោងអភិវឌ្ឍដីឡូតិ៍ចំនួន ៨ដែលបានធ្វើអាជីវកម្មអភិវឌ្ឍដីឡូតិ៍ ដោយគ្មានអាជ្ញាបណ្ណ។

០១.ក្រុមហ៊ុន ដែនដី អង្គរ អិមផាយអី ឯ.ក គម្រោង “ដែនដី អាណាចក្រអង្គរ” មានទីតាំងភូមិព្រៃគុម្ព ឃុំព្រៃឃ្មុំ ស្រុកទឹកឈូ ខេត្តកំពត
០២. ក្រុមហ៊ុន ខេភី រៀល អ៊ីស្ទេត ឯ.ក មានទីតាំង ភូមិថ្មី ឃុំប្រឡាយ ស្រុកស្ទោង ខេត្តកំពង់ធំ
០៣. គម្រោង “ដីឡូត៍ មិន ដានី មានទីតាំង ភូមិច្បារអំពៅ ឃុំព្រៃខ្នង ស្រុកទឹកឈូ ខេត្តកំពត
០៤. ក្រុមហ៊ុន កំពត អេមផាយ ផាក ឌីវេឡុបម៉ិន ឯ.ក មានទីតាំង ភូមិអន្លង់គតិ ឃុំកណ្តោល ស្រុកទឹកឈូ ខេត្តកំពត
០៥. ក្រុមហ៊ុន កំពត ហ្គ្រីនលែន ប្រជីធី ឯក គម្រោង “ចំការលំហែកាយ” មានទីតាំងភូមិដំណាក់អំពិល ឃុំល្អាង ស្រុកដងទង់ ខេត្តកំពត
០៦.ក្រុមហ៊ុន ដង្ខៅ អ៊ិនវេសម៉ិន ឯក គម្រោង “ដង្ខៅអចលនទ្រព្យ ក្រុងកំពង់ឆ្នាំង” មានទីតាំងភូមិប្រស្តីប ឃុំប្រស្លីប ស្រុករលាប្អៀរ ខេត្តកំពង់ឆ្នាំង
០៧.ក្រុមហ៊ុន ដាប់បិល ណាញ ឯក គម្រោង “មរតកទំព័រមាស” មានទីតាំងភូមិហោងទ្វាវ ឃុំទំព័រមាស ស្រុកសំរោងទង ខេត្តកំពង់ស្ពឺ
០៨.ក្រុមហ៊ុន វិចិត្រ ដារ៉ា អេនធើប្រាយ ឯក គម្រោង “បុរី រីសិត មណ្ឌលគិរី មានទីតាំងភូមិពូក្រែង ឃុំដាក់ដាំ ស្រុកអូរាំង ខេត្តមណ្ឌលគីរី
០៩.ក្រុមហ៊ុន ស្តាយ ហ្គាឡាក់ស៊ី អ៊ិនវេសម៉ិន នវេសម៉ិន ភូមិ ឯ.ក គម្រោង “ដីឡូត៍ ស្តាយ ហ្គាឡាក់ស៊ី” ទីតាំង ភូមិព្រៃខ្លា២ ឃុំព្រៃខ្លា ស្រុកស្វាយអន្ទរ ខេត្តព្រៃវែង
១០ គម្រោង “ដីឡូត៍ ទីក្រុងមាស” មានទីតាំង ភូមិទានភ្លើង ឃុំស្មោងជើង ស្រុកកំចាយមារ ខេត្តព្រៃវែង
១១. ក្រុមហ៊ុន ធីនី អចលនទ្រព្យ សៀមរាប អង្គរ ឯ.ក គម្រោង “ដីឡូត៍ថ្មី ក្រុងតាខ្មៅ” មានទីតាំងភូមិឆ្មារព្ធន ឃុំជើងកែប ស្រុកកណ្តាលស្ទឹង ខេត្តកណ្តាល
១២.គម្រោង “ដីឡូត៍ សំបូរមាស” មានទីតាំងឃុំសំបួរមាស ស្រុកមុខកំពូល ខេត្តកណ្តាល