យោងតាមអ្នកខាងក្នុងអចលនទ្រព្យនៅថ្ងៃទី១ ខែសីហា បានឱ្យដឹងថា Lee Junho សមាជិកក្រុម 2PM និងជាតួឯកប្រុសក្នុងរឿង « King the Land » បានទិញអគារពាណិជ្ជកម្មដែលមានទីតាំងនៅ Sinsa-dong Gangnam-gu ទីក្រុងសេអ៊ូលនៅថ្ងៃទី១២ ខែមីនាក្នុងតម្លៃ ១៧.៥ ពាន់លានវ៉ុន ប្រមាណ១២.៨លានដុល្លារ ។ អាគារនោះមានជាន់ក្រោម និង៤ ជាន់ពីលើដី មានទំហំជាន់សរុប ៨៣០.៨ ម៉ែត្រការ៉េ។ អាគារពាណិជ្ជកម្មនេះមានការិយាល័យ ហាងកាហ្វេអាហារថ្ងៃត្រង់ ហាងក្រចក និងសាលារបាំបាឡេ។

តាមសេចក្តីរាយការណ៍បានបញ្ជាក់ថាទ្រព្យសម្បត្តិនេះត្រូវបានទិញក្រោមឈ្មោះសាជីវកម្មគ្រួសាររបស់Junho គឺក្រុមហ៊ុន JF ។ អគារនេះក៏មានប្រាក់កក់ធានាចំនួន ២០០លានវ៉ុន (ជាង១៤ម៉ឺនដុល្លារ) ជាមួយនឹងការជួលប្រចាំខែចំនួន ២០ លានវ៉ុន (ជាង១៤,០០០ដុល្លារ)។ វាជាទីតាំងសំខាន់មួយដែលមានចរាចរណ៍ថ្មើរជើងច្រើនទាំងថ្ងៃធ្វើការ និងចុងសប្តាហ៍ ខណៈអ្នកគ្រប់គ្រងភ្នាក់ងារអចលនទ្រព្យបាននិយាយបន្ថែមថា តំបន់នេះត្រូវបានគេរំពឹងថានឹងមានការអភិវឌ្ឍន៍គួរឱ្យកត់សម្គាល់ ដោយសារតែការអភិវឌ្ឍន៍ឡើងវិញនៃផ្ទះល្វែង។

គួរកត់សម្គាល់ថាអគារនេះពីមុនជាកម្មសិទ្ធិរបស់តារាសម្តែង Kang Soo Yeon ដែលបានទិញវាក្នុងតម្លៃ ៨ ពាន់លានវ៉ុន ប្រមាណ៥.៨លាន ដុល្លារ ក្នុងឆ្នាំ ២០១៧ មុនពេលទទួលមរណភាពដោយសារជំងឺដាច់សរសៃឈាមខួរក្បាលក្នុងខែឧសភា ឆ្នាំ ២០២២។
កាលពីខែកុម្ភៈ ឆ្នាំ២០១៩ តារាប្រុស Lee Junho បានបង្កើតចំណងជើងសម្រាប់ការវិនិយោគអចលនទ្រព្យដ៏ប៉ិនប្រសប់របស់លោកទីក្រុងសេអ៊ូលពីក្រុមហ៊ុនទុកចិត្តមួយ ត្រូវបានគេដឹងថាទទួលបានប្រាក់ចំណេញយ៉ាងច្រើនដោយការវិនិយោគលើទីតាំងនោះមុនពេលវាត្រូវបានអភិវឌ្ឍឡើងវិញទៅជាអគារការិយាល័យថ្មី។

Lee Junho បានបង្ហាញខ្លួនជាសមាជិកក្រុម 2PM ក្នុងឆ្នាំ ២០០៨ ប៉ុន្តែក៏បានសាងប្រជាប្រិយភាពនិងជោគជ័យលើអាជីពសម្តែងដូចគ្នាដោយបានបង្ហាញខ្លួនក្នុងរឿងភាគដូចជា «Memory» «Good Manager» «Just Between Lovers» «Confession» និងរឿង «King the Land» ជាដើមរួមទាំងខ្សែភាពយន្តជាច្រើនទៀតធ្វើឱ្យលោកទទួលបានប្រជាប្រិយភាពយ៉ាងទូលំទូលាយទាំងក្នុងនិងក្រៅប្រទេស៕

ថ្មីៗនេះតារាចម្រៀងដ៏ល្បីឈ្មោះ HyunA, Hani, និង Jiyeon ត្រូវបានក្លាយជាប្រធានបទនៃចំណងជើងព័ត៌មានប៉ុន្តែមិនមែនសម្រាប់ស្នាដៃសិល្បៈរបស់ពួកគេទេនោះទេ ប៉ុន្តែជារឿងអាស្រូវដែលពាក់ព័ន្ធនឹងដៃគូរបស់ពួកគេធ្វើឱ្យរងនូវផលប៉ះពាល់ទៅជាមួយមានទាំងអាជីពធ្លាក់ចុះនិងការបាត់មុខពីសកម្មភាពសិល្បៈ។

. Hani សមាជិកក្រុម EXID ជាប់ពាក់ព័ន្ធនឹងរឿងអាស្រូវពាក់ព័ន្ធនឹងគូដណ្តឹង

គូដណ្តឹងរបស់ Hani គឺវេជ្ជបណ្ឌិត Yang Jae Woong កំពុងស្ថិតក្រោមការស៊ើបអង្កេតពាក់ព័ន្ធនឹងការស្លាប់របស់អ្នកជំងឺ។ ស្ថានភាពនេះបានធ្វើឱ្យ Hani ក៏មានមានការចាប់អារម្មណ៍ទៅជាមួយផងដែរ។ ជាពិសេសបន្ទាប់ពីគូដណ្តឹងនាងចេញមុខសូមទោស Hani បានប្រឈមមុខនឹងការរិះគន់យ៉ាងខ្លាំងពីសំណាកមហាជន។ គណនីបណ្ដាញសង្គមផ្ទាល់ខ្លួនរបស់នាងគឺពោរពេញទៅដោយមតិអវិជ្ជមានអំពីពិធីមង្គលការរបស់នាងនឹងលោកវេជ្ជបណ្ឌិតរូបនេះនាពេលខាងមុខ។

យោងតាម Nate ផ្នែកមួយនៃហេតុផលនៃការប្រតិកម្មប្រឆាំងនឹង Hani គឺដោយសារតែនាងបានប្រកាសភ្ជាប់ពាក្យជាមួយ Yang Jae Woong នៅថ្ងៃទី ៣១ ខែឧសភា ត្រឹមតែ ៤ថ្ងៃបន្ទាប់ពីការស្លាប់របសអ្នកជំងឺម្នាក់។ មហាជនមានការខឹងសម្បារយ៉ាងខ្លាំងដែលថា ទោះបីជាមានបញ្ហាសុខភាពក៏ពិតមែន ប៉ុន្តែគូស្នេហ៍មួយគូនេះបានបន្តការប្រកាសអាពាហ៍ពិពាហ៍របស់ពួកគេ ដែលមនុស្សជាច្រើនយល់ថាមិនសមហេតុផល និងមិនចេះគិត។ ជាលទ្ធផល ការខកចិត្តជាសាធារណៈ និងការខឹងសម្បារចំពោះ Hani បានកើនឡើង។

. HyunA ប្រឈមនឹងការធ្លាក់ចុះនៃអាជីពសិល្បៈបន្ទាប់ពីប្រកាសរៀបការជាមួយមនុស្សដែលជាប់ពាក់ព័ន្ធនឹងរឿងអាស្រូវ Burning Sun

ក្នុងឆ្នាំ២០២៤ តារាចម្រៀង HyunA បានជួបប្រទះនឹងការធ្លាក់ចុះនៃអាជីពសិល្បៈជាខ្លាំង បន្ទាប់ពីបានប្រកាសទំនាក់ទំនងជាមួយ Yong Junhyung ជាសាធារណៈ។ ក្នុងរយៈពេលមិនដល់មួយឆ្នាំនៃទំនាក់ទំនងសាធារណៈរបស់ពួកគេ គូស្នេហ៍មួយគូនេះបានប្រញាប់ប្រញាល់ប្រកាសរៀបការនៅខែតុលា ដែលធ្វើឱ្យអ្នកគាំទ្រជាច្រើនមានការភ្ញាក់ផ្អើល។ ទំនាក់ទំនងរបស់ HyunA ជាមួយ Yong Junhyung ដែលត្រូវចាកចេញពីក្រុមរបស់ខ្លួនដោយសារតែរឿងអាស្រូវ Burning Sun បាននាំឱ្យមានប្រតិកម្មយ៉ាងខ្លាំង។ HyunA បានប្រឈមមុខនឹងការធ្វើពហិកាពីអ្នកគាំទ្ររបស់នាង ហើយសកម្មភាពតន្ត្រីរបស់នាងបានរងទុក្ខ រួមទាំងលទ្ធផលដ៏ខកចិត្តសម្រាប់ការត្រលប់មកវិញចុងក្រោយរបស់នាង និងការលុបចោលការប្រគំតន្រ្តីនៅសហរដ្ឋអាម៉េរិក និងកាណាដា។ ការសម្តែងជាសាធារណៈរបស់ HyunA ក៏ត្រូវបានជួបជាមួយនឹងភាពព្រងើយកន្តើយ និងភាពស្ងៀមស្ងាត់ពីសំណាក់ទស្សនិកជន ដែលធ្វើឱ្យខូចកេរ្តិ៍ឈ្មោះរបស់នាងថែមទៀត។ ការលំបាកក្នុងអាជីពរបស់នាង កើតចេញពីជម្រើសផ្ទាល់ខ្លួនរបស់នាង ជាជាងកត្តាខាងក្រៅ។

. Jiyeon (T-ara) ត្រូវបង្ខំចិត្តដកខ្លួនដោយសាររឿងអាស្រូវហិង្សារបស់ស្វាមី

កាលពីថ្ងៃទី៥ ខែមិថុនា Hwang Jae Gyun ស្វាមីរបស់ Jiyeon ជាអ្នកលេងកីឡាបេស្បល បានជាប់ពាក់ព័ន្ធក្នុងការឈ្លោះប្រកែកគ្នាដោយហិង្សានៅកីឡដ្ឋានមួយ ដែលទាក់ទាញការរិះគន់យ៉ាងខ្លាំងពីសាធារណជន។ Jiyeon ក៏ទទួលរងនូវរឿងអាស្រូវនេះដែរ ដោយអ្នកនិយមលេងអ៊ីនធឺណិតបានវាយប្រហារទៅលើគណនីបណ្តាញសង្គមផ្ទាល់ខ្លួនរបស់នាង ខណៈដែល Hwang Jae Gyun បានបិទបណ្តាញសង្គមរបស់ខ្លួន។ ភាពចម្រូងចម្រាសនេះ រួមជាមួយនឹងពាក្យចចាមអារ៉ាមអំពីការលែងលះដែល Jiyeon បានបដិសេធ បានបង្ខំនាងឱ្យឈប់សម្រាកពីសកម្មភាពសិល្បៈបណ្តោះអាសន្នសិន។ Jiyeon បានបាត់ខ្លួនពីសកម្មភាពថ្មីៗរបស់ T-ara រួមទាំងកម្មវិធីជួបជុំអ្នកគាំទ្រនៅទីក្រុងសៀងហៃ ដែលនាំឱ្យមានការរំពឹងទុកថានាងកំពុងធ្លាក់ចុះដោយសារតែស្ថានភាពរសើប។ រហូតមកដល់ពេលថ្មីៗនេះនាងបានបង្ហាញខ្លួនឡើងវិញលើបណ្ដាញសង្គមដើម្បីអបអរខួបគម្រប់ ១៥ ឆ្នាំរបស់ T-ara៕