កីឡាការិនីជនជាតិអាល់ហ្សេរី Imane Khelif បានឈ្នះមេដាយមាសនៅក្នុងព្រឹត្តិការណ៍អូឡាំពិកទីក្រុងប៉ារីស២០២៤ ក្រោយយកឈ្នះកីឡាការិនីចិន Yang Liu នៅវគ្គផ្តាច់ព្រ័ត្រ។

ការឈ្នះមេដាយមាសនេះ បានធ្វើឱ្យមហាជនរិះគន់ទៅលើរូបនាងជាខ្លាំង ដោយចោទថានាងមិនមែនជាងមនុស្សស្រីទេ មួយដៃៗរបស់នាងធ្ងន់ជាមនុស្សប្រុសទៅទៀត។

លើសពីនេះទៅ នាយករដ្ឋមន្ត្រីអ៊ីតាលី លោកស្រី Giorgia Meloni ក៏បានប្រតិកម្មផងដែរ ដោយគណៈកម្មការអូឡាំពិក មិនគួរណាអនុញ្ញាតឱ្យអត្តពលិកដែលមានលក្ខណៈហ្សែនជាបុរស ប្រកួតជាមួយនឹងអត្តពលិកនារីឡើយ។

ជុំវិញករណីនេះ គណៈកម្មការអូឡាំពិកបានបញ្ជាក់ថា៖” កីឡាការិនីអាល់ហ្សេរី Imane Khelif  មានភេទស្រី តែអ្វីដែលចម្លែកនោះ នាងមានផ្ទុកហ្សែនមនុស្សប្រុស ដែលហេតុនេះធ្វើឱ្យនាងមានកាយសម្បទា និងកម្លាំងខ្លាំងជាមនុស្សស្រីធម្មតា”៕

ប្រទេសសិង្ហបុរី ៖ ប្រទេសសិង្ហបុរីបានសាកល្បងប្រើប្រាស់បច្ចេកវិទ្យា Biometric នៅកន្លែងត្រួតពិនិត្យអ្នកដំណើរចេញ-ចូលក្នុងអាកាសយានដ្ឋាន ចាប់ពីដើមខែសីហា ឆ្នាំ២០២៤ តទៅ ។ អ្នកដំណើរមួយចំនួនដែលបានមកដល់អាកាសយានដ្ឋាន Changi ពុំចាំបាច់បង្ហាញលិខិតឆ្លងដែន ដើម្បីឆ្លងកាត់កន្លែងត្រួតពិនិត្យអ្នកដំណើរចេញ-ចូលទេ ។

ការសាកល្បងនេះ គឺពលរដ្ឋសិង្ហបុរីដែលបានធ្វើដំណើរមកកាន់អគារអ្នកដំណើរ ទី៣ ពួកគេអាចឆ្លងកាត់កន្លែងត្រួតពិនិត្យអ្នកដំណើរចេញ-ចូល ដោយពុំចាំបាច់បង្ហាញលិខិតឆ្លងដែន ។ ប៉ុន្តែពួកគេត្រូវតែបញ្ជាក់អត្តសញ្ញាណរបស់ខ្លួន តាមរយៈការស្កេនកែវភ្នែក និងផ្ទៃមុខជំនួស ។ នេះបើតាមការបញ្ជាក់របស់ប៉ូលិសអន្តោប្រវេសន៍ និងកន្លែងត្រួតពិនិត្យអ្នកដំណើរចេញ-ចូល របស់សិង្ហបុរី ។

ហេតុនេះ ពលរដ្ឋសិង្ហបុរីពុំចាំបាច់បង្ហាញលិខិតឆ្លងដែនពេលធ្វើដំណើរមកដល់អាកាសយានដ្ឋាន និងចេញពីកន្លែងត្រួតពិនិត្យអ្នកដំណើរចេញ-ចូលទាំងផ្លូវអាកាស និងផ្លូវសមុទ្រ ។ រីឯជនបរទេសវិញ ក៏ពុំចាំបាច់បង្ហាញលិខិតឆ្លងដែនដែរ ប៉ុន្តែសម្រាប់តែករណីពួកគេចាកចេញពីសិង្ហបុរីប៉ុណ្ណោះ ។

ជនបរទេសដែលពុំចង់បង្ហាញលិខិតឆ្លងដែននៅអាកាសយានដ្ឋានសិង្ហបុរី ពួកគេត្រូវទៅស្កេនកែវភ្នែក, ផ្ទៃមុខ និងក្រយៅដៃ នៅកន្លែងត្រួតពិនិត្យអ្នកដំណើរចេញ-ចូលជាមុនសិន ។ រីឯកុមារអាយុក្រោម៦ឆ្នាំ ពុំអាចធ្វើដំណើរឆ្លងកាត់ច្រកត្រួតពិនិត្យស្វ័យប្រវត្តិ (Biometric) ឡើយ ។

ការត្រួតពិនិត្យអ្នកដំណើរដោយពុំចាំបាច់ប្រើប្រាស់លិខិតឆ្លងដែន គឺជាផ្នែកមួយរបស់គំនិត «New Clearance Concept» ដែលប្រទេសសិង្ហបុរីបានប្រកាសកាលពីខែឧសភា ឆ្នាំ២០២៤ ។ សិង្ហបុរីមានគោលបំណងអភិវឌ្ឍន៍បច្ចេកវិទ្យាត្រួតពិនិត្យអ្នកដំណើរចេញ-ចូលនៅអាកាសយានដ្ឋាន Changi ឱ្យកាន់តែទំនើប និងក្លាយជាប្រព័ន្ធស្វ័យប្រវត្តិខ្លាំងឡើង ។

នៅដើមឆ្នាំ២០២៦ សិង្ហបុរីរំពឹងថា ភ្ញៀវទេសចរ៩៥% នឹងអាចឆ្លងកាត់ច្រកត្រួតពិនិត្យស្វ័យប្រវត្តិ (Biometric) ដោយជោគជ័យ ។ រីឯភ្ញៀវទេសចរ៥% ទៀត គ្មានសិទ្ធិឆ្លងកាត់ច្រកត្រួតពិនិត្យស្វ័យប្រវត្តិនេះទេ ដូចជា ៖ កុមារ ជាដើម ។

បើទោះជាការប្រើប្រាស់ច្រកត្រួតពិនិត្យស្វ័យប្រវត្តិមានការជំទាស់ពីមតិមួយចំនួនក្តី ប៉ុន្តែវាជាការព្យាយាមមួយរបស់សិង្ហបុរីក្នុងការបង្កើតសុវត្ថិភាពព្រំដែន រួមទាំងផ្តល់បទពិសោធន៍ដល់ភ្ញៀវទេសចរផងដែរ ។ សិង្ហបុរីរំពឹងថា ការប្រើប្រាស់បច្ចេកវិទ្យា Biometric នៅកន្លែងត្រួតពិនិត្យអ្នកដំណើរចេញ-ចូល នឹងជួយកាត់បន្ថយពេលវេលារង់ចាំនៅកន្លែងត្រួតពិនិត្យអ្នកដំណើររហូតដល់៤០% ៕

ប្រទេសអូស្ត្រាលី ៖ តុលាការអូស្ត្រាលីបានកាត់ទោ.ស បុរសអង់គ្លេសម្នាក់ដែលធ្វើការជាអ្នកជំនាញផ្នែកសត្វក្រពើ ឱ្យជាប់ពន្ធនា.គារ រយៈពេលជាង១០ឆ្នាំ ដោយសារបុរសរូបនេះដេកជាមួយឆ្កែរហូតដល់ជាង៤០ក្បាល និងថតវីដេអូ បន្ទាប់មក ក៏ចាប់ឆ្កែទាំងអស់យកទៅសម្លា.ប់ ។ ហេតុការណ៍នេះធ្វើឱ្យមានការភ្ញាក់ផ្អើលពេញពិភពលោក និងក្លាយជាព័ត៌មានអាស្រូវសម្រាប់អ្នកជំនាញផ្នែកសត្វ ប៉ុន្តែបែរជាធ្វើបា.ប សត្វ ។

សារព័ត៌មាន AFP បានរាយការណ៍ពីទីក្រុងស៊ីដនី ប្រទេសអូស្ត្រាលី នៅថ្ងៃទី៩ ខែសីហា ឆ្នាំ២០២៤ ថា លោក Adam Britton អាយុ៥៣ឆ្នាំ មកពីប្រទេសអង់គ្លេស និងជាអ្នកជំនាញផ្នែកសត្វក្រពើដ៏ល្បីឈ្មោះ បានសារភាពនៅចំពោះមុខតុលាការថា លោកបានដេកជាមួយសត្វជាច្រើនក្បាល, ធ្វើទារុណកម្មសត្វ និងផ្សព្វផ្សាយរូបភាពអាសអាភៀសផងដែរ ។

លោក Michael Grant ជាប្រធានតុលាការអូស្ត្រាលីបាននិយាយថា ៖ «វាពិតជាអំពើអាក្រក់យ៉ាងខ្លាំង និងគួរឱ្យស្អប់ខ្ពើមបំផុត» ។ បើតាមរបាយការណ៍របស់ ABC News Australia បញ្ជាក់ថា លោក Adam Britton បានទិញឆ្កែចំនួន៤២ក្បាលតាមអនឡាញ ចាប់ពីឆ្នាំ២០២០ ដល់ឆ្នាំ២០២២ ហើយលោកបានសន្យាជាមួយម្ចាស់ឆ្កែថា នឹងចិញ្ចឹមពួកវាឱ្យល្អ ។

ប៉ុន្តែលោក Adam Britton បែរជាថតវីដេអូក្នុងអំឡុងពេលលោកធ្វើទារុណកម្មសត្វជាច្រើនក្បាល ដែលភាគច្រើនលោកដេកឆ្កែ និងចាប់ឆ្កែយកទៅសម្លាប់ក្នុងទូរកុងតឺន័រនៅផ្ទះរបស់ខ្លួនក្នុងទីក្រុង Darwin ។ បន្ទាប់មក លោកក៏ចែកចាយវីដេអូទាំងនេះក្នុងអ៊ីនធើរណេត ដោយការប្រើប្រាស់ឈ្មោះក្លែងក្លាយដើម្បីកុំឱ្យគេស្គាល់ពីអត្តសញ្ញាណពិតរបស់លោក ។ លោកបានធ្វើបាបសត្វបែបនេះអស់រយៈពេលជាច្រើនឆ្នាំ រហូតដល់មានការសង្ស័យ និងត្រូវសមត្ថកិច្ចចាប់ខ្លួនកាលពីខែមេសា ឆ្នាំ២០២២ ។

លោក Adam Britton បានសារភាពប្រាប់តុលាការអូស្ត្រាលីថា លោកបានដេកជាមួយឆ្កែរហូតដល់៤២ក្បាល នៅមជ្ឈមណ្ឌលសុខុមាលភាពសត្វក្នុងប្រទេសអូស្ត្រាលី ក្នុងនោះឆ្កែ២ក្បាល គឺលោកបានចិញ្ចឹមដោយផ្ទាល់ ។

ជនល្មើសបានកើតនៅប្រទេសអង់គ្លេស ប៉ុន្តែមកធ្វើការជាអ្នកជំនាញផ្នែកសត្វក្រពើដ៏ល្បីនៅប្រទេសអូស្ត្រាលី ។ លើសពីនេះ ជនល្មើសធ្លាប់បានចូលរួមធ្វើការជាមួយសារព័ត៌មាន BBC និង National Geographic ជាច្រើនលើកទៀតផង ។ តុលាការបញ្ជាក់ថា ជនល្មើសមានសិទ្ធិទទួលបានការព្យួរទោសនៅខែមេសា ឆ្នាំ២០២៨ ប៉ុន្តែគ្មានសិទ្ធិចិញ្ចឹមសត្វដែលចិញ្ចឹមកូនដោយទឹកដោះ រហូតអស់មួយជីវិត ៕

ព្រះសង្ឃ Shaolin រូបសង្ហារមួយរូប ដែលធ្លាប់និមន្តមកទស្សនាប្រាសាទអង្គរវត្តខ្មែរកាលពីប៉ុន្មានខែមុននេះ បានសុគ.តហើយក្នុងព្រះជន្ម ២១ វស្សា ស្របពេលដែលមហាជនទូទាំងពិភពលោកបានសម្តែងនូវការសោ.កស្តា.យ។

Qiufeng ដែលមានព្រះនាមពិតថា Yanheng ក្នុងព្រះជន្ម ២១ វស្សា ជាព្រះសង្ឃ Shaolin ជំនាន់ទី ៣៤ នៃប្រាសាទShaolin ប្រទេសចិន ខណៈព្រះសង្ឃអង្គនេះទទួលបាននូវប្រជាប្រិយភាពយ៉ាងខ្លាំងព្រោះតែមានចំណេះជំនាញក្បាច់គុនពិសេស បូករួមជាមួយនឹងភាពស្រស់សង្ហារផងនោះ ក៏បានបានអង្រួនបេះដូងមហាជនស្ទើរតែគ្រប់ៗរូប។

យ៉ាងណាមិញ ថ្មីៗនេះ យោងតាមប្រភពសារព័ត៌មានប្រទេសចិនជាច្រើនបានចុះថាផ្សាយថា ព្រះសង្ឃ Shaolin អង្គនេះបានចូលទិវង្គត់ហើយ ព្រោះតែឧទ្ទវហេតុគ្រោះថ្នាក់ចរាចរណ៍។ កាលពីថ្ងៃទី ៧ ខែសីហា ឡានរបស់ Qiufeng បានបុកគ្នាជាមួយនឹងរថយន្តដឹកទំនិញធុនធំមួយគ្រឿងនៅលើផ្លូវ Zhuyong Expressway ក្នុងទិសដៅទៅកាន់ទីក្រុង Wenzhou ខេត្ត Zhejiang ប្រទេសចិន ។

ក្រុមគ្រូពេទ្យជំនាញក្នុងកិច្ចខិតខំប្រឹងប្រែងជួយយ៉ាងអស់ពីសមត្ថភាព តែជាអកុសល ព្រះតេជគុណក៏បានសុគតនៅវេលាម៉ោង ០០:៥៣ នាទីព្រឹក ថ្ងៃទី ៨ ខែសីហា ឆ្នាំ២០២៤នេះ ស្របពេលដែលអ្នកលេងបណ្តាញសង្គមបានចូលរួមរំលែកទុកគ្រប់ៗគ្នា។

គួរបញ្ជាក់ថា ព្រះសង្ឃ Shaolin មួយអង្គនេះ កាលពីឆ្នាំ ២០២៤ កន្លងទៅ ក៏បានចូលរួមសម្តែងនៅក្នុងខ្សែភាពយន្តរឿងភាគទូរទស្សន៍ដ៏ល្បីមួយ គឺរឿង Going to the Mountain and Seas ហើយបានដើរតួជា Qiufeng។

រីឯកាលពីថ្ងៃទី ២៤ ខែមេសា ឆ្នាំ២០២៤កន្លងទៅនេះ ព្រឹត្តិការណ៍ជំនួបរវាងក្បាច់គុន Shaolin និងក្បាច់គុណល្បុកតោ បានប្រារព្ធឡើងយ៉ាងគគ្រឹកគគ្រែងនៅឯបរិវេនអង្គរខ្មែរ ដែលក្នុងនោះក៏រួមមានវត្តមានរបស់ Qiufeng ផងដែរ៕

ការងារជាច្រើនដូចជាកម្មកររោងចក្រ ឃ្លាំង ខ្សែផលិតកម្ម អ្នករត់តុ សន្តិសុខ អ្នកគិតលុយ អ្នកលក់សំបុត្រ ក៏ដូចជាបុគ្គលិកផ្នែកប្រៃសណីយ៍ បុគ្គលិកធនាគារ និងលេខាធិការ…អាចនឹងបាត់បង់ការងារធ្វើក្នុងរយៈពេល ៥ ឆ្នាំខាងមុខទៀត ដោយសារបច្ចេកវិទ្យា AI នឹងជំនួសមុខតំណែងទាំងនេះ។ ដូច្នេះអ្នកគួរត្រៀមខ្លួនចាប់ជំនាញថ្មីៗបន្ថែមទៀត ដើម្បីដើរឱ្យទាន់យុគសម័យឌីជីថល។ ទោះជាយ៉ាងណាមុខតំណែងទាំងនេះប្រហែលបាត់បង់តែក្នុងប្រទេសអភិវឌ្ឍប៉ុណ្ណោះ សម្រាប់ប្រទេសកំពុងអភិវឌ្ឍដូចយើងនៅតែមានជាធម្មតា ប៉ុន្តែក៏អាចបាត់បង់ដែរនាពេលអនាគត ព្រោះវិស័យបញ្ញាសិប្បនិម្មិត ឬមនុស្សយន្ត AI កំពុងរីកដុះដាលខ្លាំងទូទាំងពិភពលោក។

នេះបើយោងតាមរបាយការណ៍ HSBC បានបង្ហាញថា ក្នុងរយៈពេល ៥ ឆ្នាំខាងមុខ ការងារប្រហែល ៨៣ លានអាចនឹងត្រូវបាត់បង់ដោយសារតែការផ្លាស់ប្តូរតម្រូវការការងារក្នុងវិស័យមួយចំនួន។ ទន្ទឹមនឹងនេះការងារថ្មីចំនួន ៦៩ លាននឹងត្រូវបានបង្កើតឡើងក្រោមឥទ្ធិពលនៃបច្ចេកវិទ្យា និងនិន្នាការសង្គម។ របាយការណ៍បញ្ជាក់ថា បច្ចេកវិទ្យាបាននិងកំពុងបង្កើតការងារថ្មីៗជាច្រើន ប៉ុន្តែការងារទាំងនោះនឹងស័ក្តិសមសម្រាប់តែអ្នកដែលចាប់យកបច្ចេកវិទ្យាថ្មីប៉ុណ្ណោះ។ ហេតុនេះនៅពេលអនាគតអាជីពនិងចំណេះដឹងផ្នែកបច្ចេកវិទ្យា ជំនាញការងារជាក្រុម ភាពវៃឆ្លាតខាងអារម្មណ៍ នឹងមានតម្រូវការកាន់តែច្រើន។

ដូច្នេះហើយគ្រប់មុខជំនាញ និងវិស័យបណ្តុះបណ្តាលនាពេលនេះ គឺមិនអាចខ្វះការអនុវត្តបច្ចេកវិទ្យាបានទេ។ ការចាប់យកបច្ចេកវិទ្យា មនុស្សនឹងងាយស្រួលស្វែងរកការងារធ្វើនាពេលអនាគត។ ទន្ទឹមនឹងនេះ ការងារក្នុងការវិភាគទិន្នន័យធំ បច្ចេកវិទ្យាគ្រប់គ្រងបរិស្ថាន ការអ៊ិនគ្រីប និងសន្តិសុខតាមអ៊ីនធឺណិត រួមទាំងបច្ចេកវិទ្យាជីវសាស្រ្ត ក៏ដូចជាវេទិកាឌីជីថល… ត្រូវបានគេព្យាករណ៍ថានឹងមានការកើនឡើង។ បន្ថែមពីនេះការងារដែលអាចត្រូវបានជ្រើសរើសនាពេលអនាគតគឺ អ្នកឯកទេសបញ្ញាសិប្បនិម្មិត អ្នកវិភាគទិន្នន័យអាជីវកម្ម សន្តិសុខព័ត៌មាន និងវិស្វករបច្ចេកវិទ្យាហិរញ្ញវត្ថុ។

ជាការពិតណាស់ឥទ្ធិពលនៃបច្ចេកវិទ្យាបានផ្លាស់ប្តូរវិជ្ជាជីវៈជាច្រើនគឺជានិន្នាការដែលមិនអាចត្រឡប់វិញបាន។ ដូច្នេះការកែលម្អជំនាញរបស់អ្នកដើម្បីសម្របខ្លួនទៅនឹងផលប៉ះពាល់ដែលបច្ចេកវិទ្យាបង្កើតគឺជាតម្រូវការដែលមិនអាចជៀសរួច។ នោះគឺជាបញ្ហាប្រឈម និងឱកាសសម្រាប់មនុស្សជាច្រើន ដោយសារទីផ្សារការងារកាន់តែមានការប្រកួតប្រជែង។ វាមានសារៈសំខាន់ណាស់ក្នុងការរៀបចំសម្រាប់ការផ្លាស់ប្តូរនាពេលអនាគត។ ហេតុនេះសិស្សនិស្សិត ឬក៏កម្មករគួរចាប់យកជំនាញបច្ចេកវិទ្យាផ្សេងៗបន្ថែមទៀត ដើម្បីងាយស្រួលរកការងារធ្វើនាពេលខាងមុខ៕