ក្រុមចម្រៀង TWICE បានបង្កើតកំណត់ត្រាថ្មីមួយសម្រាប់ចំនួនអ្នកចូលរួមច្រើនបំផុតនៅក្នុងដំណើរប្រគំតន្ត្រីទេសចរណ៍របស់ក្រុមចម្រៀងនារី K-pop នៅអាម៉េរិកខាងជើង។ដំណើរទេសចរណ៍ពិភពលោក «This is for» របស់ក្រុមនេះបានធ្វើឡើងនៅក្នុងទីក្រុងចំនួន ២០ នៅទូទាំងអាម៉េរិកខាងជើង ជាមួយនឹងការសម្តែងចំនួន ៣៥ លើក ចាប់ពីខែមករាដល់ខែមេសា ឆ្នាំ២០២៦។
យោងតាមកាសែត Korea Times ក្រុម TWICE បានទាក់ទាញអ្នកគាំទ្រប្រមាណ ៥៥០,០០០ នាក់ពេញមួយដំណើរទេសចរណ៍អាម៉េរិកខាងជើងរបស់ពួកគេ ដោយបានបង្កើតកំណត់ត្រាថ្មីសម្រាប់ចំនួនអ្នកចូលរួមច្រើនបំផុតនៅក្នុងការប្រគំតន្ត្រីរបស់ក្រុមចម្រៀងនារី K-pop នៅក្នុងតំបន់។ នេះក៏ជាដំណើរទេសចរណ៍ដ៏ធំបំផុតរបស់ TWICE នៅអាម៉េរិកខាងជើងផងដែរ។
ដំបូងឡើយ ការសម្តែងនៅអាម៉េរិកខាងជើងត្រូវបានគ្រោងទុកថានឹងមានការសម្តែងចំនួន ២២នៅក្នុងទីក្រុងចំនួន២០ប៉ុន្តែបន្ទាប់ពីសំបុត្រលក់អស់យ៉ាងឆាប់រហ័ស ដំណើរទេសចរណ៍នេះត្រូវបានពង្រីកដល់ ៣៥ ការសម្តែង។ ដំណើរប្រគំតន្ត្រីរបស់ក្រុម TWICE មានឆាកមើលបាន ៣៦០ ដឺក្រេ ដែលផ្តល់ជូនទស្សនិកជននូវបទពិសោធន៍ប្រគំតន្ត្រីផ្ទាល់ដ៏រស់រវើក។
ចំណុចសំខាន់ៗរួមមាន ការសម្តែងទោលដោយសមាជិកម្នាក់ៗ និងបទចម្រៀងពី EP ទី ១៤របស់ក្រុម «Strategy» ដែលជាប់ចំណាត់ថ្នាក់នៅលើ Billboard Hot 100; ក៏ដូចជាបទចម្រៀង Kpop Demon Hunters របស់ Netflix ។
លើសពីនេះទៅទៀត ថ្មីៗនេះ TWICE បានបង្កើតប្រវត្តិសាស្ត្រដោយក្លាយជាសិល្បករបរទេសដំបូងគេដែលបានសម្តែងនៅឯពហុកីឡដ្ឋានជាតិរបស់ប្រទេសជប៉ុន ដែលមានសមត្ថភាពផ្ទុកមនុស្សប្រហែល ៨០,០០០ នាក់។ ការប្រគំតន្ត្រីរបស់ TWICE នៅទីក្រុងតូក្យូ ប្រទេសជប៉ុន ដែលប្រព្រឹត្តទៅរយៈពេលបីថ្ងៃ ចាប់ពីថ្ងៃទី ២៥ ដល់ថ្ងៃទី ២៨ ខែមេសា ត្រូវបានគេរំពឹងថានឹងទាក់ទាញអ្នកចូលរួមចំនួន ២៤០,០០០ នាក់។
ចាប់តាំងពីឆ្នាំ ២០១៨ មក TWICE បានពង្រីកឥទ្ធិពលរបស់ខ្លួនជាលំដាប់នៅក្នុងប្រទេសជប៉ុន ចាប់ពីការសម្តែងនៅក្នុងសាលតូចៗ និងពហុកីឡដ្ឋាន រហូតដល់ការក្លាយជាក្រុមនារី Kpop ដំបូងគេដែលបានសម្តែងបីយប់ជាប់ៗគ្នានៅឯ Tokyo Dome ក្នុងឆ្នាំ ២០២២។
មុនពេលក្លាយជាក្រុមចម្រៀងនារី Kpop ដំបូងគេដែលបានសម្តែងនៅឯពហុកីឡដ្ឋានធំជាងគេរបស់ប្រទេសជប៉ុន គឺពហុកីឡដ្ឋាន Nissan ក្នុងឆ្នាំ២០២៤៕
