ប៉ះពាល់សុខភាពខ្លាំងណាស់ មិនដឹងថាមនុស្សប៉ុន្មាននាក់បានបរិភោគហើយទេ! គ្រឿងក្នុងជ្រូក គ្មានប្រភព និងខូចគុណភាពអស់ជាង ៦ខែ ត្រូវបានគេរកឃើញនៅទីតាំងស្តុកសាច់បង្កកមួយកន្លែងក្នុងប្រទេសវៀតណាម ខណៈវាកំពុងត្រូវបានគេរៀបចំបម្រុងនឹងបញ្ជូនចេញយកទៅលក់បន្តនៅតាមទីផ្សារ។ នេះបើតាមការចុះផ្សាយរបស់សារព័ត៌មាន VNExpress។

នៅថ្ងៃទី ៣០ ខែមករា ប៉ូលីសក្រុងហាណូយ បានចុះត្រួតពិនិត្យកន្លែងកែច្នៃសាច់មួយដែលជាកម្មសិទ្ធិរបស់ក្រុមហ៊ុន Dung Phat Production and Trading Co., Ltd ហើយរឹបអូសបានពោះវៀនជ្រូកឆៅ ឬកែច្នៃរួចជាង ៦០ តោន ដែលបញ្ចេញក្លិនស្អុ.យ ប្រែពណ៌ និងត្រូវបានបង្កកអស់រយៈពេល ៤-៦ ខែ មកហើយ ដោយផ្ទុយទាំងស្រុងពីស្តង់ដារសុវត្ថិភាពចំណីអាហារ។

ប្រភពដដែលរាយការណ៍ទៀតថាក្រៅពីសាច់បង្កកដែលត្រូវបានរកឃើញ សមត្ថកិច្ចបានរកឃើញ គ្រឿងក្នុងកំពុងកែច្នៃ ១ តោន និងផលិតផលដែលត្រូវបានផលិតរួចរាល់ជិត ៤ តោនដែលត្រៀមចែកចាយលើទីផ្សារ។

តាមការផ្ដល់ព័ត៌មានរបស់សមត្ថកិច្ច ម្ចាស់ទីតាំងកែច្នៃ «គ្រឿងក្នុងជ្រូក» ខាងលើមិនមានបង្ហាញវិក្កយបត្រ ឬឯកសារបញ្ជាក់ពីប្រភពស្របច្បាប់ប្រាប់សមត្ថកិច្ចបានឡើយ ដោយសារភាពថាខ្លួនបានទិញបន្តពីប្រភពមិនស្គាល់ និងបានបង្កកវាទុកយូរខែលើសការកំណត់មែន។

បច្ចុប្បន្ន អាជ្ញាធរវៀតណាមបានរឹបអូសទំនិញទាំងនោះដើម្បីយកមកផ្ទៀងផ្ទាត់ជាបណ្ដោះអាសន្នសិន និងដើម្បីដំណើរការការស៊ើបងង្កេតបន្ថែមទៀតមុននឹងចាត់វិធានការតាមផ្លូវច្បាប់ទៅលើអ្នកផ្គត់ផ្អង់ និងចែកចាយដែលធ្វើឲ្យប៉ះពាល់ដល់សុខភាពអ្នកបរិភោគ៕

នៅដើមឆ្នាំ២០២៦ ទស្សនាវដ្តី Sohu បានចេញផ្សាយ «បញ្ជីក្រហម» របស់ខ្លួនដោយផ្តល់កិត្តិយសដល់សិល្បករដែលមានអាកប្បកិរិយា និងក្រមសីលធម៌ការងារដ៏ល្អឥតខ្ចោះបំផុតនៅក្នុងឧស្សាហកម្មកម្សាន្តចិនក្នុងឆ្នាំ ២០២៥។ ចំណាត់ថ្នាក់នេះគឺផ្អែកលើការបោះឆ្នោតពីអ្នកយកព័ត៌មានកម្សាន្ត និងបុគ្គលិកប្រព័ន្ធផ្សព្វផ្សាយចំនួន ៦០ នាក់ ដោយទទួលស្គាល់សិល្បករដែលទទួលបានពិន្ទុសម្រាប់វិជ្ជាជីវៈ អាកប្បកិរិយាល្អ និងរូបភាពវិជ្ជមានរបស់ពួកគេនៅក្នុងក្រសែភ្នែករបស់ឧស្សាហកម្ម។

យោងតាម Sohu សិល្បករកំពូលទាំង ៥ ដែលរកចំណូលបានច្រើនជាងគេជាមួយប្រព័ន្ធផ្សព្វផ្សាយចិនក្នុងឆ្នាំ ២០២៥ គឺ Xiao Zhan , Bai Lu, Dylan Wang, Li Landi និង Song Weilong។ ជាពិសេស Xiao Zhan បានឈរនៅលំដាប់កំពូលមិនត្រឹមតែដោយសារតែអាកប្បកិរិយាដ៏ល្អឥតខ្ចោះរបស់ខ្លួនប៉ុណ្ណោះទេ ប៉ុន្តែក៏ដោយសារតែសមិទ្ធផលអាជីពដ៏លេចធ្លោរបស់លោកក្នុងរយៈពេលមួយឆ្នាំកន្លងមកផងដែរ។Xiao Zhan ទទួលបានជោគជ័យជាប់លាប់ជាមួយនឹងគម្រោងភាពយន្តធំៗ ដោយរក្សាបាននូវឥទ្ធិពលពាណិជ្ជកម្មដែលមានស្ថេរភាព និងរូបភាព «កំពូលតារា» កាន់តែរឹងមាំ។

អាកប្បកិរិយាស្ងប់ស្ងាត់ បើកចំហរ និងការគិតបែបចាស់ទុំរបស់ខ្លួនបានធ្វើឱ្យ Xiao Zhan ទទួលបានងារជាបុរសល្អឥតខ្ចោះនៅក្នុងឧស្សាហកម្មកម្សាន្តចិន។ ឆ្នាំ២០២៥ គឺជាឆ្នាំដ៏សំខាន់មួយសម្រាប់ Xiao Zhan នៅពេលដែលលោកត្រូវបានផ្តល់កិត្តិយសជា «តារាសម្តែងភាពយន្តឆ្នើមប្រចាំឆ្នាំ»។ ក្នុងពេលជាមួយគ្នានេះ លោកក៏បានបង្កើតស្នាដៃរបស់ខ្លួននៅក្នុងកញ្ចក់ទូរទស្សន៍ជាមួយខ្សែភាពយន្ត «The Legend of Zang Hai» ដែលជាប់ចំណាត់ថ្នាក់ក្នុងចំណោមរឿងភាគដែលមានចំណាត់ថ្នាក់ខ្ពស់បំផុតទាំង ១០ នៅលើ CCTV-8 ក្នុងឆ្នាំ ២០២៥ ដោយពង្រឹងតំណែងឈានមុខគេរបស់លោកនៅក្នុងឧស្សាហកម្មកម្សាន្តចិន។

នៅឆ្នាំ ២០២៥ Bai Lu បានបង្ហាញពីការអនុវត្តដ៏ស៊ីសង្វាក់គ្នា ដោយចូលរួមជាបន្តបន្ទាប់នៅក្នុងគម្រោងចំនួន ៣ នៃប្រភេទផ្សេងៗគ្នា ដែលទាំងអស់នេះសម្រេចបានលទ្ធផលវិជ្ជមាន។ ជាពិសេសរឿងភាគ «Northward» ដែលនាងបានសម្តែង ទទួលបានចំណាត់ថ្នាក់គួរឱ្យចាប់អារម្មណ៍នៅលើ CCTV-1 ដោយជាប់ចំណាត់ថ្នាក់លេខ ៩ ក្នុងប្រជាប្រិយភាព។ ពេលចេញផ្សាយ រឿងភាគនេះទទួលបានការចាប់អារម្មណ៍យ៉ាងខ្លាំងដោយសារសាច់រឿងថ្មី។

តាមរយៈគម្រោងនេះ Bai Lu ត្រូវបានអ្នកជំនាញសរសើរយ៉ាងខ្លាំងចំពោះវឌ្ឍនភាពរបស់នាងក្នុងការសម្តែង ដោយចាត់ទុកថាវាជាការផ្លាស់ប្តូរគួរឱ្យកត់សម្គាល់ ខណៈដែលនាងបានលះបង់រូបភាពដែលធ្លាប់ស្គាល់របស់នាងពីរឿងភាគបុរាណ ដើម្បីសាកល្បងដៃរបស់នាងក្នុងរឿងភាគសម័យទំនើប៕

គេចាំបានថាកាលពីកន្លងមកនេះមាននារីជាជនជាតិវៀតណាមម្នាក់បាននិយាយនៅក្នុងវីដេអូមួយបានជ្រើសប្រទេសកម្ពុជាបាត់ចេញពីផែនដីដោយលើកហេតុផលថាមានការការឆបោកអនឡាញ (scammer) ច្រើន។ នាគ្រានោះបានធ្វើឱ្យមានមតិប្រតិកម្មយ៉ាងខ្លាំងក្លាពីអ្នកលេងបណ្តាញសង្គមទាំងពីរប្រទេស។

ងាកមកកាន់ ឆន ស្រីណេត វិញដែលមានកំណើតនៅកម្ពុជាក្រោមជារឿយៗតែងតែមានមតិប្រតិកម្មតបតនឹងសារព័ត៌មានវៀតណាមមួយចំនួនដែលជារឿយៗបានចុះផ្សាយលាបពណ៌ខ្មែរខុសពីការពិត។

ជាក់ស្តែងថ្មីៗនេះ ឆន ស្រីណេត ក៏បានបញ្ចេញសារយ៉ាងក្តៅគគុកទាក់ទងនឹងការឆបោកអនឡាញ scammer ទាំងដែលជនឆបោកទាំងនោះជាជនជាតិវៀតណាម លួចចូលមកធ្វើការខុសច្បាប់យ៉ាងច្រើននាក់។ នៅយប់ថ្ងៃទី៣០ ខែមករា ឆន ស្រីណេត បានចែករំលែកការបង្ហោះរបស់ប្រព័ន្ធផ្សព្វផ្សាយវៀតណាម អមដោយខ្លឹមសារថា «គ្មានខ្មែរទេចា៎ … កុំពូកែឡាំប៉ាពេកបងៗយួនអើយ ស្រែកក្តែងៗហើយលាបពណ៌ខ្មែររាល់ថ្ងៃថាខ្មែរជាអ្នកបោក (scammer ) មើលក្នុងនេះសុទ្ធតែយួនហើយចិន»។ ការចុះផ្សាយនោះបានឱ្យដឹងថា «អាជ្ញាធរបានបង្ក្រាបក្រុមឆបោកឆ្លងដែនមួយនៅក្នុងប្រទេសកម្ពុជា ដោយចាប់ខ្លួនមនុស្សទាំងក្រុមចំនួន ៤៧ នាក់ (ជនជាតិចិន ៥ នាក់ និងជនជាតិវៀតណាម ៤២ នាក់)»។

កាលពីថ្ងៃទី២២ ខែមករា ឆ្នាំ២០២៦ តាមការឱ្យដឹងពីអគ្គនាយកដ្ឋានអន្តោប្រវេសន៍ជនជាតិវៀតណាមប្រុសស្រី៧៨នាក់ ត្រូវអាជ្ញាធរកម្ពុជាបណ្ដេញចេញក្រោយរកឃើញថា ពួកគេបានលួចប្រព្រឹត្តិបទល្មើសឆបោកតាមអនឡាញ ដឹកជញ្ជូនគ្រឿងផ្ទុះ និងប្រើគ្រឿងញៀន។ នៅព្រឹកថ្ងៃទី២១ ខែមករា ឆ្នាំ២០២៦ តាមការបញ្ជាក់ពីអគ្គនាយកដ្ឋានអន្តោប្រវេសន៍ ជនជាតិវៀតណាមប្រុសស្រី១៦៤នាក់ ត្រូវបានអាជ្ញាធរកម្ពុជាបញ្ជូនទៅស្រុកកំណើតវិញក្រោយរកឃើញលួចស្នាក់នៅធ្វើការងារខុសច្បាប់ដោយគ្មានលិខិតឆ្លងដែន៕