មិនថាជាតិសាសន៍ណានោះទេតែងតែមានមនុស្សល្អមនុស្សអាក្រក់។ ទោះបីជាអ្នកលេងបណ្តាញសង្គមមួយចំនួនខាងផ្ទះលេខ២ធ្វើឱ្យអ្នកលេងបណ្តាញសង្គមខ្មែរមិនចូលចិត្តប៉ុន្តែបកគិតមកវិញមនុស្សតែងតែមានល្អអាក្រក់ ស្រលាញ់និងមិនស្រលាញ់ចំពោះយើង។ ជាក់ស្តែង តារាសម្តែងដ៏ល្បីជួរមុខប្រចាំប្រទេសថៃ Weir sukollawat និងតារាស្រី Pitchanart sakhakorn បានផ្សព្វផ្សាយពីប្រាសាទអង្គរវត្តបង្ហាញប្រាប់ទាំងហ្វេនក្នុងស្រុកនិងក្រៅស្រុក។

កាលពីពេលថ្មីៗនេះ តារាប្រុសល្បីឈ្មោះ Weir sukollawat បាននាំភរិយានិងកូនស្រី ធ្វើដំណើរកម្សាន្តនៅលើទឹកដីខេត្តសៀមរាបនិងបាននិយាយសរសើរពីម្ហូបអាហារតាមតំបន់នៅខេត្តនេះថាឆ្ងាញ់មិនដាច់ពីមាត់។ លើសពីនេះទៅទៀតតាមរយៈវីដេអូមួយទៀតតារាសម្តែងរូបនេះបានបង្ហោះពីការដើរកម្សាន្តនៅប្រាសាទអង្គរវត្តដោយបាននិយាយជាច្រើនដងថាប្រាសាទអង្គរវត្តស្អាតខ្លាំងណាស់។ លើសពីនេះតារាសម្តែង Weir បានសរសើរពីប្រាសាទតាព្រហ្មដែលមានដើមឈើមានអាយុកាលរាប់ពាន់ឆ្នាំកាន់តែធ្វើឱ្យប្រាសាទមានភាពលេចធ្លោទ្វេដង។

គ្រួសារតូចរបស់តារាសម្តែងល្បីឈ្មោះប្រចាំប្រទេសថៃពិតជាមានភាពរីករាយក្នុងដំណើរកម្សាន្តរបស់ពួកគេខ្លាំងប៉ះទាំងអាកាសធាតុក្តៅ និងប៉ះទាំងអាកាសធាតុពេលធ្លាក់ភ្លៀង។ ជាមួយនឹងវីដេអូកាលពីល្ងាចថ្ងៃទី២៦ សីហា Weir ក៏បានបង្ហោះរូបថតស្អាតៗប្រម៉ូតពីប្រទេសកម្ពុជាជាច្រើនសន្លឹកទាំងប្រាសាទនិង សម្រស់របស់ដើមឈើដ៏ស្រស់ត្រកាល។

មិនត្រឹមតែគ្រួសាររបស់ តារាជួរមុខ Weir ប៉ុណ្ណោះទេដែលជ្រើសមកកម្សាន្តនៅក្នុងខេត្តសៀមរាប ថ្មីៗនេះតារាសម្តែង Pitchanart sakhakorn ក៏បានដឹកដៃស្វាមីមកក្រេបទឹកឃ្មុំនៅប្រទេសកម្ពុជានិងបានចូលរួមផ្សព្វផ្សាយពីប្រាសាទអង្គវត្តដែលមានភាពស្រស់ស្អាតគ្មានអ្វីប្រៀបផ្ទឹមដូចគ្នា។

តារាស្រីចំណាំដើរតួកាចឆ្នាសរូបនេះបានបង្ហោះរូបស្អាតៗជាសន្លឹកនៅលើគណនីIG របស់នាងថែមទាំងដាក់ចំណងជើងអក្សរខ្មែរថា «សួស្តី» ដោយបានបង្ហាញប្រាសាទអង្គរវត្ត pubstreet និងបានភ្លក់អាហារតាមផ្លូវជាច្រើនទៀត និងទេសភាពនានាទៀតនៅតំបន់សៀមរាបយ៉ាងមានក្តីសុខជាមួយស្វាមី៕

កាលពីថ្ងៃទី២៦ ខែសីហា កម្មវិធី Follow Me នៅលើ Youku បានចេញផ្សាយវីដេអូ Huang Zitao បាននិយាយសារភាពស្នេហ៍របស់ខ្លួនចំពោះ Xu yiyang ថា «ចាប់តាំងពីអ្នកចូលក្នុងជីវិតរបស់ខ្ញុំ ហើយសម្រេចចិត្តនៅជាមួយខ្ញុំ ខ្ញុំមានចម្លើយនៅក្នុងចិត្ត។ ខ្ញុំសង្ឃឹមថាអ្នកនៅជាមួយខ្ញុំរហូតដល់ចុងបញ្ចប់នៃជីវិតរបស់ខ្ញុំ រាល់នាទី រាល់ម៉ោង រាល់យប់ រាល់ថ្ងៃនៃជីវិតនេះ មនុស្សដែលខ្ញុំប្រាថ្នាចង់បានគឺអ្នក ដែលខ្ញុំហ៊ានរៀបការជាមួយអ្នក តើអ្នកហ៊ានទទួលយកការស្នើសុំរបស់ខ្ញុំទេ? ?»។ Xu yiyang បានយំតាមសម្ដីមិត្តប្រុស ហើយទទួលយកសំណើរៀបការ។

តារាចម្រៀង Huang Zitao បានជ្រើសរើសផ្កាពណ៌ផ្កាឈូកស្រាល ដែលជាផ្កាសំណព្វចិត្តរបស់មិត្តស្រីរបស់គាត់ ដើម្បីសាងសង់ប្រាសាទទេពអប្សរ បង្កើតព្រឹត្តិការណ៍ដ៏សំខាន់មួយនៅក្នុងរឿងស្នេហារបស់ពួកគេ។ អ្នកទាំងពីរមានទំនាក់ទំនងស្នេហាជាមួយពាក្យចចាម អារ៉ាមជាច្រើនឆ្នាំ ពួកគេបានប្រកាសជាសាធារណៈនូវសេចក្តីស្រឡាញ់ចំពោះគ្នាទៅវិញទៅមកកាលពីខែកក្កដា ឆ្នាំនេះ។ អ្នកទាំងពីរបានជួបគ្នានៅពេលដែល yiyang ជាសិក្ខាកាមនៅផលិតកម្ម SM Entertainment ហើយ Huang Zitao គឺជាសមាជិកក្រុម EXO របស់ក្រុមហ៊ុន។

Zitao បានចាកចេញពី Exo ក្នុងឆ្នាំ ២០១៥ ហើយត្រឡប់ទៅប្រទេសចិនវិញដោយបានបង្កើតភ្នាក់ងារផ្ទាល់ខ្លួន។ Yiyang គឺជាសិក្ខាកាមនៅ SM ប៉ុន្តែមិនបានបង្ហាញខ្លួនដំបូងឡើយនិង បានចូលរួមជាមួយក្រុមហ៊ុន Zitao Entertainment L.Tao ក្នុងឆ្នាំ ២០១៨ និងបានចេញបទចម្រៀងទោលនៅឆ្នាំ ២០២០។

អតីតសមាជិក EXO រូបនេះត្រូវបានប្រព័ន្ធផ្សព្វផ្សាយចិនដាក់ឈ្មោះថា ជាអ្នកសិល្បៈមានម្នាក់ប្រចាំប្រទេសចិនទទួលបានមរតកយ៉ាងច្រើនពីឪពុកដែលជាអ្នកជំនួញ។បើតាមប្រភពព័ត៌មានបានឱ្យដឹងថា Huang Zitao ជាម្ចាស់យន្តហោះឯកជនមួយ ការចំណាយលើការថែរក្សាប្រតិបត្តិការរបស់យន្តហោះក្នុងមួយឆ្នាំៗគឺយ៉ាងហោចណាស់ ១៧លានយន់ ប្រមាណ ២.៣ លានដុល្លារអាម៉េរិក។ តារាចម្រៀងរូបនេះជាអ្នកលេងនាឡិកាប្រណីត និងរថយន្តទំនើបដ៏ល្បីមួយរូបនៅប្រទេសចិន៕

 

 

តារាសម្ដែងថៃ Baifern Pimchanok បានទាក់ទាញចំណាប់អារម្មណ៍ពីទស្សនិកជន ដោយបានដើរតួជានារីឆ្លៀតឱកាសពីបុរសដើម្បីយកលុយ ខុសពីរូបភាពដែលនាងធ្លាប់សម្តែងកាលពីមុនមក។

«The lady and her lovers» បានចាក់ផ្សាយដំបូងនៅថ្ងៃទី១៤ ខែសីហា Baifern Pimchanok ដើរតួជា Thongdee ក្មេងស្រីជនបទអាយុ ១៧ ឆ្នាំដែលមានវាសនាអភ័ព្វ ល។ តាំងពីកុមារភាពមក Thongdee ត្រូវបានឪពុកម្តាយបោះបង់ចោល រស់នៅជាមួយស្រ្តីម្នាក់ ហើយតែងតែត្រូវគេវាយដំ និងស្តីបន្ទោស។ ជីវិតដែលខ្វះខាតនិងភាពធុញថប់ធ្វើឱ្យ Thongdee ធ្លាក់ទឹកចិត្ត និងប្រាថ្នាចង់ផ្លាស់ប្តូរជីវិតរបស់នាង។

ជាមួយនឹងភាពស្រស់ស្អាតរបស់នាង Thongdee បានមានទំនាក់ទំនងជាមួយបុរស៩នាក់បានរៀបការ៧ដងហើយបន្តិចម្តង ៗ មានលុយទិញរបស់ដែលនាងចូលចិត្ត។ រឿងនេះមានព័ត៌មានលម្អិតដូចជា Thongdee ព្រមឱ្យបុរសចំណាស់ដាក់លុយក្នុងទ្រូងនាង ធ្វើឱ្យម្តាយចិញ្ចឹមរបស់នាងដួលបោកក្បាលនឹងដី និងប្រើល្បិចកែសម្ផស្សដើម្បីឱ្យបុរសៗទទួលយកសំណើរបស់នាង។

នៅលើវេទិកាភាពយន្ត ទស្សនិកជនជាច្រើនបាននិយាយថា ពួកគេភ្ញាក់ផ្អើលជាមួយនឹងរឿងនេះនិងបានលើកឡើងថារឿងនេះពណ៌នាស្ត្រីយ៉ាងណា?ដែលមានទាក់ទាញការចូលមើលជាង ១០០ លាន និងមតិរាប់ម៉ឺននាក់នៅលើ Weibo ។ ទស្សនិកជនបានសរសេរថា៖ «កាន់តែមើលខ្ញុំកាន់តែតក់ស្លុត ហេតុអ្វី Baifern ធ្វើបែបនោះ» «មនុស្សទាំងអស់លើលោកអាក្រក់ដូចក្នុងរឿងដែរឬអត់? ពួកគេក៏កើតឡើងនៅក្នុងជីវិតពិត»។
មនុស្សរាប់ម៉ឺននាក់បានយល់ស្របថា ខ្សែភាពយន្តនេះគឺមិនធម្មតាក្នុងការបង្ហាញពីភាពមិនល្អឥតខ្ចោះ និងជាតួឯកស្រីនៅក្នុងបរិបទនៃភាពយន្តអាស៊ីថ្មីៗជាច្រើនដែលកេងប្រវ័ញ្ចឯករាជ្យភាព និងស្វ័យភាពរបស់ស្ត្រី។

នៅក្នុងរឿងនេះ Baifern ដែលដើរតួជា Thongdee បណ្តាលឱ្យមានផលវិបាកដ៏គួរឱ្យសោកស្តាយ ប៉ុន្តែក៏មានសកម្មភាពដែលបង្ហាញពីភាពស្មោះត្រង់របស់តួអង្គផងដែរ។ Baifern Pimchanok បង្ហាញពីភាពស្មុគស្មាញ និងភាពចលាចលខាងក្នុងរបស់ Thongdee ៕