ShanaeLael ជាអ្នកបង្កើតមាតិកាមួយរូបដែលមានដើមកំណើតអាម៉េរិក និងបានរស់នៅប្រទេសកម្ពុជាអស់រយៈពេលជាច្រើនឆ្នាំមកហើយថែមទាំងមានស្វាមីជាជនជាតិខ្មែរដែលបានតាំងលំនៅក្នុងខេត្តបាត់ដំបង។ អ្នកនាង បានបង្កើតមាតិកាផ្សេងៗជាច្រើនដែលផ្សព្វផ្សាយពីប្រទេសខ្មែរ ជាពិសេសក្នុងតំបន់ដែលខ្លួនរស់នៅ។ លើសពីនេះការនិយាយទៀតសោតគឺអ្នកនាងអាចនិយាយភាសាខ្មែរបានមួយទំហឹងមិនចាញ់ជនជាតិដើមប៉ុន្មាននោះទេ។

ជារឿយៗ អ្នកបង្កើតមាតិកា ShanaeLael ត្រូវបានទស្សនិកជនសាទរព្រោះតែបានឃើញជនបរទេសជាអ្នកបង្កើតមាតិការូបនេះបានជួយផ្សព្វផ្សាយពីអាហារជាច្រើននៅលើទឹកដីកម្ពុជាប្រកបដោយភាពសាមញ្ញាបំផុត។ ថ្មីៗនេះអ្នកលេងបណ្តាញសង្គមក៏បានចាប់អារម្មណ៍ថាអ្នកនាងមានមុខមាត់ដូចខ្លាំងដូច Isabella ម្ចាស់មកុដ Miss Grand International 2022។

ផ្ទុះការសរសើរថាដូចគ្នានេះដោយសារតែ ផេនខេក បានបង្ហោះវីដេអូខ្លីមួយនៅលើបណ្តាញសង្គមដែលទំនងអ្នកបង្កើតមាតិកា ShanaeLael ចូលរួមក្នុងកម្មវិធីនៅរាជធានីភ្នំពេញស្របពេលដែលតុបតែងខ្លួនទៅមើលមួយភ្លែតពិតជាមានភាពស្រដៀងគ្នាខ្លាំងសឹងតែគិតថាជា Isabella បាត់ទៅហើយ។

មិនត្រឹមតែអ្នកគាំទ្រប៉ុណ្ណោះទេដែលគិតថាស្រដៀងគ្នាខ្លាំង សូម្បីតែ ផេនខេក មុនដំបូងក៏បានណែនាំប្រាប់ទស្សនិកជនថាជា Isabella ដែរប៉ុន្តែសាមីខ្លួនបាននិយាយខ្មែរមកច្បាស់ៗ Isabella ពីអាម៉េរិក ស្ទាយ៍អាម៉េរិក។

គួរបញ្ជាក់ផងដែរថា Isabella គឺជាតារាម៉ូដែល និងជាបវរកញ្ញារបស់ប្រទេសប្រេស៊ីល ដែលបានគ្រងមកុដ Miss Grand International 2022។ នាងគឺជានារីប្រេស៊ីលដំបូងគេដែលបានឈ្នះការប្រកួត Miss Grand International ខណៈនាងក៏ធ្លាប់មកប្រទេសកម្ពុជានិងមានទំនាក់ទំនងជិតស្និទ្ធជាមួយ ពេជ្រ វត្តីសារ៉ាវឌ្ឍី ផងដែរ៕

ប្រទេសជាច្រើនក្នុងទ្វីបអាស៊ីដូចជាថៃ វៀតណាម ឥណ្ឌូនេស៊ី ហ្វីលីពីន ចិន ឥណ្ឌា និងបង់ក្លាដែស ក្នុងរយៈពេលប៉ុន្មានសប្តាហ៍ថ្មីៗនេះបានកំពុងជួបប្រទះនឹងគ្រោះធម្មជាតិដ៏គួរឱ្យភ័យខ្លាចបំផុតក្នុងប្រវត្តិសាស្ត្រ ដោយបានសម្លា.ប់មនុស្សរាប់ពាន់នាក់។ នេះបើយោងតាមការចុះផ្សាយរបស់សារព័ត៌មានថៃកាលពីថ្ងៃទី២៣ ខែសីហា ឆ្នាំ២០២៤ គ្រោះមហន្តរាយដែលមកពីភ្លៀងធ្លាក់ខ្លាំងបានកើតឡើងនៅក្នុងតំបន់ជាច្រើននៃខេត្ត Phuket ធ្វើឱ្យមានការរបាក់ដីដ៏ធ្ងន់ធ្ងរបំផុត ក៏ដូចជារលំផ្ទះដោយសារខ្យល់ព្យុះ ដែលប៉ះពាល់យ៉ាងខ្លាំងដល់ឆ្នេរភាគខាងត្បូង និងតំបន់ភាគខាងជើងរបស់ប្រទេស។

នេះមានន័យថាប្រទេសថៃកំពុងជួបប្រទះទឹកជំនន់ដ៏អាក្រក់បំផុតក្នុងរយៈពេល ៧០ ឆ្នាំដោយបានសម្លាប់មនុស្ស ៥ នាក់និងរងរបួស ៤ នាក់។ នៅថ្ងៃដដែលនោះប្រទេសវៀតណាមក៏ជួបប្រទះនឹងបញ្ហាគ្រោះទឹកជំនន់ធ្ងន់ធ្ងរបំផុតរបស់ខ្លួនផងដែរ បន្ទាប់ពីមានភ្លៀងធ្លាក់ខ្លាំងបណ្តាលឱ្យកម្ពស់ទឹកកើនឡើងដោយបានបោកបក់រថយន្ត និងម៉ូតូជាច្រើនគ្រឿងក្នុងទីក្រុងហាណូយ និងខេត្ត Thai Nguyen ប៉ុន្តែមិនមានមនុស្សរងរបួស ឬស្លាប់ឡើយ។ ស្របពេលជាមួយគ្នានេះទឹកជំនន់ភ្លាមៗក៏បានវាយប្រហារតំបន់ Ternate នៃខេត្ត North Maluku ប្រទេសឥណ្ឌូនេស៊ីផងដែរ ដោយបានស.ម្លាប់មនុស្សយ៉ាងហោចណាស់ ១៤ នាក់និង ៨ នាក់ផ្សេងទៀតបាត់ខ្លួន ជាហេតុធ្វើឱ្យរដ្ឋាភិបាលបានប្រកាសដាក់តំបន់នេះក្នុងគ្រាអាសន្ន។

កាលពីខែមុនរដ្ឋធានីហ្វីលីពីនភាគច្រើនក៏បានរងឥទ្ធិពលព្យុះទីហ្វុង ធ្វើឱ្យប្រទេសនេះរងគ្រោះដោយការរអិលបាក់ដី ក៏ដូចជាបានសម្លាប់មនុស្សយ៉ាងហោចណាស់ ១៣ នាក់ផងដែរ។ រីឯនៅភាគកណ្តាលប្រទេសចិនក្នុងខេត្តហឺណានកាលពីខែមុននេះ ក៏ត្រូវលិចលង់ដោយភ្លៀងធ្លាក់ខ្លាំងដែលបានជន់លិចផ្ទៃដីដំណាំរាប់ម៉ឺនហិចតា និងបង្ខំមនុស្សជាង ១០០.០០០ នាក់ជម្លៀសផ្ទះសម្បែងទៀតផង។ ស្របពេលជាមួយគ្នានេះ តំបន់លិចទឹកនៅភាគឦសានប្រទេសឥណ្ឌា និងបង់ក្លាដែស បន្ទាប់ពីភ្លៀងធ្លាក់ខ្លាំងជាបន្តបន្ទាប់ក៏បានធ្វើឱ្យកម្រិតទឹកទន្លេកើនឡើងនៅតាមភាគីទាំងពីរនៃព្រំដែន។

នេះបើយោងតាម CNN គ្រោះមហន្តរាយបង់ក្លាដែស បានសម្លាប់មនុស្សយ៉ាងហោចណាស់ ២ នាក់ ហើយផ្ទះរាប់រយខ្នងត្រូវបានលិចក្នុងទឹក និងមនុស្សជាច្រើននាក់បានជាប់នៅលើដំបូល ដោយជីវិតមនុស្សជិត ៣ លាននាក់សុទ្ធតែបានរងផលប៉ះពាល់ដោយទឹកជំនន់នេះ។ នៅក្នុងរដ្ឋ Tripua ប្រទេសឥណ្ឌា ទឹកជំនន់ក៏បានសម្លាប់មនុស្សយ៉ាងហោចណាស់ ២៣ នាក់ និងបង្ខំមនុស្សជាង ៦៤,០០០ នាក់ឱ្យជម្លៀសចេញ។ ដូច្នេះហើយនាពេលបច្ចុប្បន្ននេះប្រទេសជាច្រើនក្នុងទ្វីបអាស៊ីគឺកំពុងស្ថិតក្នុងការគម្រាមគំហែងពីគ្រោះធម្មជាតិដ៏គួរឱ្យភ័យខ្លាចបំផុត៕

មហាសេដ្ឋីបច្ចេកវិទ្យាល្បីៗជាច្រើនរបស់ពិភពលោកដូចជា Mark Zuckerberg, Bill Gates, Jeff Bezos, Satya Nadella, និង Sundar Pichai តែងតែមានវិធីសាស្ត្រផ្សេងៗគ្នាក្នុងការបង្រៀនកូនៗរបស់ពួកគេឱ្យមានភាពវ័យឆ្លាត រហ័សរហួស និងវាងវៃ។ ទោះបីជាពួកគេមមាញឹកនឹងការងារបច្ចេកវិទ្យាក៏ដោយ ក៏តែងតែបង្រៀនកូនឱ្យជៀសវាងការប្រើប្រាស់ទូរស័ព្ទ ក៏ដូចជាកំណត់ពេលវេលាប្រើប្រាស់ស្មាតហ្វូន និងកុំព្យូទ័រ រហូតដល់ធ្វើការងារផ្ទះ ដោយមហាសេដ្ឋីទាំងនេះបានអនុវត្តវិធីសាស្ត្រចិញ្ចឹមកូនដូចខាងក្រោម៖

១.Mark Zuckerberg៖ នាយកប្រតិបត្តិ Meta បាននិយាយថា លោកមិនដែលឱ្យកូនៗរបស់លោកនៅមុខទូរទស្សន៍ ឬកុំព្យូទ័ររយៈពេលយូរនោះទេ។ ជាធម្មតាមហាសេដ្ឋីបច្ចេកវិទ្យារូបនេះ តែងតែបង្រៀនកូនឱ្យចេះលេងតន្ត្រីនៅពេលទំនេរពីការសិក្សា និងផ្តល់ឧបករណ៍ដែលមានអេក្រង់ចុចសម្រាប់ពួកគេប៉ុណ្ណោះ ក៏ដូចជាតឹងរឹងជាមួយកូនៗក្នុងការប្រើស្មាតហ្វូន ដោយអនុញ្ញាតឱ្យក្មេងៗលេងស្មាតហ្វូនសម្រាប់តែហៅជាវីដេអូដើម្បីនិយាយជាមួយសាច់ញាតិប៉ុណ្ណោះ ក្រៅពីនេះគឺ Mark នឹងដកហូតស្មាតហ្វូនពីកូនៗមិនឱ្យលេងកម្មវិធីអ្វីផ្សេងៗទៀតឡើយ។

២. Bill Gates៖ សហស្ថាបនិកក្រុមហ៊ុន Microsoft លោក Bill Gates បាននិយាយថា លោកចិញ្ចឹមកូនរបស់លោកតាមជំនាន់មុនៗ ដោយផ្តោតលើការគ្រប់គ្រងអារម្មណ៍ កាត់បន្ថយប្រតិកម្មអវិជ្ជមាន និងការស្តីបន្ទោសជាដើម។ ទាក់ទងនឹងការលេងទូរស័ព្ទ លោក Gates មិនដែលឱ្យកូនៗរបស់លោកមានស្មាតហ្វូនប្រើនោះទេ រហូតដល់អាយុ ១៤ ឆ្នាំទើបលោកសម្រេចឱ្យកូនៗប្រើស្មាតហ្វូន ហើយក៏មិនអនុញ្ញាតឱ្យក្មេងៗប្រើញឹកញាប់ពេកដែរ ដោយបានហាមឃាត់កូនរបស់គាត់មិនឱ្យប្រើទូរស័ព្ទរបស់ពួកគេក្នុងអំឡុងអាហារពេលល្ងាចជារៀងរាល់ថ្ងៃ។

៣. Jeff Bezos៖ ស្ថាបនិក Amazon លោក Jeff Bezos វិញក៏បានប្រើប្រាស់វិធីសាស្ត្រចិញ្ចឹមកូនខុសប្លែកពីមហាសេដ្ឋីខាងលើ ដោយលោកបាននិយាយថា ក្នុងការចិញ្ចឹមកូនបួននាក់ លោកតែងតែអនុញ្ញាតឱ្យកូនៗរបស់លោកប្រើប្រាស់ស្មាតហ្វូន និងឧបករណ៍ឆ្លាតវៃតាំងពីមានអាយុ ៤ ឆ្នាំមកម្លេះ ដែលនេះនឹងនាំឱ្យកុមារមានការយល់ដឹងពីបច្ចេកវិទ្យាកាន់តែច្រើន ជាជាងកុមារដែលមិនដឹងអីសោះ។

៤. Satya Nadella៖ នាយកប្រតិបត្តិក្រុមហ៊ុន Microsoft លោក Satya Nadella បច្ចុប្បន្នមានកូនបីនាក់ បាននិយាយថា លោកបានរៀនពីរបៀបចិញ្ចឹមកូនតពីឪពុកម្តាយរបស់លោក ដោយសុំឱ្យកូនៗរាយការណ៍ពីអ្វីដែលពួកគេធ្វើនៅលើកុំព្យូទ័រ និងស្មាតហ្វូនប្រាប់លោកជារៀងរាល់ថ្ងៃ ហើយកំណត់ចំនួនភាពយន្ត ហ្គេម និងគេហទំព័រដែលពួកគេអាចមើលបាន។ ដោយវិធីនេះនឹងបង្កើតបរិយាកាសឱ្យកុមារសម្រេចចិត្តលឿននិងដឹងពីសកម្មភាពរបស់កុមារ ក៏ដូចជាមានសារៈសំខាន់ណាស់ក្នុងការផ្តោតលើអ្វីដែលកូនៗរបស់យើងត្រូវការដើម្បីរីកចម្រើន។

៥. Sundar Pichai៖ នាយកប្រតិបត្តិក្រុមហ៊ុន Google លោក Sundar Pichai បាននិយាយថា លោកតែងតែបង្រៀនកូនរបស់លោកឱ្យធ្វើកិច្ចការផ្ទះនៅពេលទំនេរពីការសិក្សា ក៏ដូចជាជួយពួកគេរៀបចំសម្អាតផ្ទះជាមួយគ្នា។ ហើយវិធីសាស្ត្រចិញ្ចឹមកូនរបស់លោកគឺមិនខុសគ្នាពីមហាសេដ្ឋី Bill Gates ប៉ុន្មានទេដោយហាមកុមារមិនឱ្យមានស្មាតហ្វូនប្រើប្រាស់ដូចគេ រហូតដល់កុមារធំពេញវ័យទើបផ្តលសិទ្ធឱ្យលេងស្មាតហ្វូន៕