វារីអគ្គិសនីសេសានក្រោម២ត្រូវបានសម្ពោធដាក់ឱ្យដំណើរការជាផ្លូវការក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា កាលពីព្រឹកថ្ងៃទី ១៧ ខែ ធ្នូ ឆ្នាំ ២០១៨។

វារីអគ្គិសនីនេះ មានទីតាំងស្ថិតនៅក្នុងភូមិសាស្ត្រស្រុកសេសាន ខេត្តស្ទឹងត្រែង ដែលបានដើរតួនាទីយ៉ាងសំខាន់ក្នុងការធានាសន្តិសុខថាមពលរបស់ប្រទេសកម្ពុជា។

វារីអគ្គិសនីសេសានក្រោម២ មានសមត្ថភាពផលិតអគ្គិសនីចំនួន ៤០០មេហ្គាវ៉ាត់ ស្មើនឹង ២០% នៃសមត្ថភាពផលិតអគ្គិសនីសរុបនៅក្នុងប្រទេសកម្ពុជា។

វារីអគ្គិសនីនេះ សាងសង់ឡើង ក្រោមការវិនិយោគ៨០០លានដុល្លារអាមេរិក BIក្រុមហ៊ុនចំនួនបីដែលរួមមាន៖
ក្រហ៊ុនរបស់ប្រទេសចិនភាគហ៊ុនប្រមាណជា ៥១%
ក្រុមហ៊ុន Royal Group របស់អ្នកឧកញ៉ា គិត ម៉េង មានភាគហ៊ុន៣៩%
និងក្រុមហ៊ុនរបស់វៀតណាមឈ្មោះថា Vietnam Electricity មានភាគហ៊ុន១០%

គម្រោងវិនិយោគខាងលើ សាងសង់ឡើងក្រោមទម្រង់ “សាងសង់រួច-ដំណើរការ- និងផ្ទេរមករាជរដ្ឋាភិបាលឬ BOT (build–operate–transfer)” សម្រាប់រយៈពេលសម្បទានរហូតដល់ទៅ៤៥ឆ្នាំ៕

នាក្នុងពិធីប្រគល់វិញ្ញាបនបត្រ ជូនសិស្ស មេធាវី និងសិក្ខាកាមមេធាវី កាលពីថ្ងៃទី៥ ខែសីហា ឆ្នាំ២០២៤ សម្តេចធិបតី ហ៊ុន ម៉ាណែត មានប្រសាសន៍ថា ៖”សម្តេចបានចុះហត្ថលេខា ធ្វើផ្លូវក្រវាត់ព្រំដែន ប្រវែង១៣០០គីឡូម៉ែត្រ”។

គម្រោងនេះ ត្រូវប្រើកញ្ចប់ថវិកាប្រមាណ ២០០លានដុល្លារ ដោយប្រើប្រាស់រយៈពេល១០ឆ្នាំ ដើម្បីសាងសង់ផ្លូវតាមបណ្តោយព្រំដែន ជាប់ជាមួយប្រទេសជិតខាងដូចជា ថៃ ឡាវ និងវៀតណាម។

ដំបូងឡើយ គម្រោងសាងសង់ផ្លូវក្រវាត់ព្រំដែននេះ មានជាង ២៦៦០គីឡូម៉ែត្រ ប៉ុន្តែបច្ចុប្បន្នយើងសម្រេចបាន ១.៣៣០គីឡូម៉ែត្រ នៅសល់ ១.៣០០ គីឡូម៉ែត្រទៀត។

សម្តេចធិបតីបានសង្កត់ធ្ងន់ថា ៖”រាជរដ្ឋាភិបាល បានប្តេជ្ញាថានឹងអភិវឌ្ឍន៍ខេត្តទាំងបួន នៅតំបន់ភូមិភាគឦសាន ឱ្យកាន់តែរីកចម្រើនបន្ថែមទៀត និងខិតខំជំរុញការបោះបង្គោលព្រំដែន ឱ្យបានរួចរាល់”៕

ភ្នំខ្ពស់បំផុតនៅលើភពអង្គារសព្វថ្ងៃនេះគឺជាភ្នំ Olympus ជាមួយនឹងកម្ពស់ខ្ពស់ជាងភ្នំ Everest នៅលើផែនដីរបស់យើងរហូតដល់ ៣ ដង។ ការឡើងភ្នំខ្ពស់បំផុតរបស់ពិភពលោកគឺតែងតែជាការផ្សងព្រេងដ៏គ្រោះថ្នាក់បំផុតមួយ ដោយមានអ្នកខ្លះអាចបាត់បង់ជីវិតទៀតផង នៅពេលដែលពួកគេបានឡើងដល់កំពូលភ្នំ Everest។ ទោះជាយ៉ាងណា ប្រសិនបើអ្នកសម្រេចចិត្តធ្វើដំណើរទៅក្រៅភព ដើម្បីយកឈ្នះលើភ្នំធំបំផុត និងខ្ពស់បំផុតក្នុងប្រព័ន្ធព្រះអាទិត្យ តើអ្នកនឹងជួបហេតុការណ៍អ្វីខ្លះ?

ដើម្បីដឹងចម្លើយនេះ ជាដំបូងយើងត្រូវស្គាល់ឱ្យច្បាស់ពីភ្នំ Olympus សិន។ ភ្នំ Olympus គឺជាភ្នំភ្លើងដ៏ធំបំផុតមួយនៅលើភពអង្គារ ដែលមានកម្ពស់រហូតដល់ ២៥ គីឡូម៉ែត្រ ជាភ្នំខ្ពស់បំផុតនៅក្នុងប្រព័ន្ធព្រះអាទិត្យទាំងមូល បើធៀបទៅនឹងភ្នំ Everest គឺខ្ពស់ជាង ៣ ដងឯណោះ។ ខណៈពេលដែលការឡើងភ្នំអេវឺរេសត្រូវបានចាត់ទុកថាជាសកម្មភាពគ្រោះថ្នាក់ ការឡើងលើភ្នំ Olympus គឺកាន់តែគ្រោះថ្នាក់ជាងនេះទ្វេដង។ មុនពេលចាប់ផ្តើមដំណើរឡើងភ្នំរបស់អ្នក គឺតម្រូវឱ្យអ្នកមានបេសកកម្មអវកាសជាមួយនឹងបច្ចេកវិទ្យាទំនើបដើម្បីឆ្លងកាត់ចម្ងាយរវាង ផែនដី និងភពអង្គារ រួមជាមួយនឹងការចុះចតប្រកបដោយសុវត្ថិភាពនៅលើភពក្រហម។

យើងដឹងហើយថា អាកាសធាតុនៅលើភពអង្គារគឺអាក្រក់ជាងផែនដីទ្វេដង ហើយភាពប្លែកមួយទៀតបរិយាកាស Martian គឺថាវាជាកាបូនឌីអុកស៊ីតស្ទើរតែទាំងស្រុង។ នេះមានន័យថាអ្នកនឹងត្រូវការអាវអវកាសដែលផ្តល់នូវការផ្គត់ផ្គង់អុកស៊ីសែនជាប្រចាំដើម្បីដកដង្ហើម។ ចំពោះឈុតនេះ អ្នកនឹងមិនចាំបាច់កែតម្រូវកម្រិតអុកស៊ីហ្សែនរបស់អ្នកនៅពេលឡើងដល់កម្ពស់ខ្ពស់នោះទេ ហើយនៅពេលអ្នកចាប់ផ្តើមការធ្វើដំណើររបស់អ្នកពីមូលដ្ឋានដើម អ្នកនឹងត្រូវប្រឈមមុខនឹងច្រាំងថ្មចោទបញ្ឈរស្ទើរតែខ្ពស់ដូចភ្នំអេវឺរ៉េស ដែលមានចំងាយពី ៧ ទៅ ១០ គីឡូម៉ែត្រអាស្រ័យលើទីតាំង។

ប្រសិនបើអ្នកជំនះឧបសគ្គនេះបាន ផ្លូវបន្ទាប់នឹងកាន់តែលំបាកជាមួយនឹងជម្រាលភ្នំដ៏ក្រឡុកក្រលាក់។ អ្នកនឹងត្រូវការដើរមិនឈប់ប្រហែល ៣០ ម៉ោងដើម្បីទៅដល់កំពូល ប្រសិនបើមិនមានបញ្ហាអ្វីនៅតាមផ្លូវ។ ទោះជាយ៉ាងណាក៏ដោយ ការធ្វើបែបនេះក្នុងឈុតអវកាសដែលមានទម្ងន់ប្រហែល ៣៨ គីឡូក្រាមគឺពិតជាពិបាកខ្លាំងណាស់។ ប៉ុន្តែជាសំណាងល្អ ទំនាញផ្ទៃរបស់ភពអង្គារមានត្រឹមតែមួយភាគបីនៃផែនដី ដែលធ្វើឱ្យឈុតអវកាសមិនធ្ងន់ដូចនៅលើផែនដី។ ឈុតអវកាសនឹងផ្តល់ឱ្យអ្នកនូវអ្វីៗទាំងអស់ដែលអ្នកត្រូវការដើម្បីរស់រានមានជីវិតដូចជា អុកស៊ីសែន អាហារ និងទឹក។

បន្ទាប់មកទីបំផុតនៅពេលដែលអ្នកទៅដល់កំពូលភ្នំ អ្នកនឹងឆ្លងកាត់ពពកស្តើងនៃចំហាយទឹក ដែលអាចធ្វើឱ្យអ្នកភ្ញាក់ផ្អើល និងទទួលបានអារម្មណ៍អស្ចារ្យមិនធ្លាប់មាននៅលើភពអង្គារ។ នៅលើកំពូល អ្នកនឹងជួបនឹងរណ្ដៅយក្សមួយដែលមានទទឹង ៨៥ គីឡូម៉ែត្រ ដែលស្មើនឹងទទឹងនៃបឹង Ontario ។ ជាមួយនឹងបរិយាកាសដ៏ពិសេសបែបនេះ អ្នកនឹងមានអារម្មណ៍ថាអ្នកកំពុងឈរនៅលើកោះដ៏ធំល្វឹងល្វើយមួយក្នុងលំហ ដែលហ៊ុព័ទ្ធដោយដីក្រហម ហើយវានឹងក្លាយជាពេលវេលាដែលមិនអាចបំភ្លេចបាន៕

យើងគ្រប់គ្នាដឹងហើយថាព្រះអាទិត្យគឺមានទំហំធំខ្លាំងណាស់ បើធៀបទៅនឹងផែនដីរបស់យើង ខណៈទម្ងន់របស់ព្រះអាទិត្យមានប្រហែល ៣៣៣,០០០ ដងច្រើនជាងផែនដី។ ព្រះអាទិត្យបានដើរតួនាទីយ៉ាងសំខាន់ក្នុងការបង្កើតភព ក៏ដូចជាផ្តល់ពន្លឺ និងកំដៅដល់ផែនដី ទ្រទ្រង់ជីវិតរបស់ភាវៈរស់ទាំងអស់ ហើយកម្លាំងទំនាញដ៏ធំរបស់វាគឺអាចរក្សាភពនានាវិលជុំវិញបានយ៉ាងល្អឥតខ្ចោះ។ ទោះជាយ៉ាងណា ប្រសិនបើព្រះអាទិត្យស្រាប់តែមានទំហំតូចជាងផែនដី តើជីវិតនៅលើផែនដីនឹងប្រែប្រួលយ៉ាងណា?

ជាការពិតណាស់ព្រះអាទិត្យរបស់យើង បើប្រៀបធៀបទៅនឹងផែនដី ព្រះអាទិត្យគឺជា បាល់យក្សដ៏ធំមហាសាល ដែលបរិមាណរបស់វាមានទំហំធំខ្លាំងអាចផ្ទុកបានប្រហែល ១.៣ លានផែនដីឯណោះ ខណៈផែនដីគឺជាកូនផ្កាយតូចៗ។ ជាមួយនឹងម៉ាស់ដែលស្មើនឹងជាង ៩៩% នៃម៉ាស់សរុបរបស់ប្រព័ន្ធព្រះអាទិត្យទាំងមូល ព្រះអាទិត្យគឺបានដើរតួយ៉ាងសំខាន់ក្នុងការរក្សាស្ថេរភាពនៃគន្លងរបស់ភព ដោយទំហំ និងម៉ាស់ដ៏ធំរបស់វាគឺជាកត្តាកំណត់ដែលជួយរក្សាជីវិតនៅលើផែនដី។ ប្រសិនបើព្រះអាទិត្យតូចជាងផែនដី ប្រព័ន្ធព្រះអាទិត្យនឹងផ្លាស់ប្តូរទាំងស្រុង មានន័យថា ផែនដីលែងជាភពដែលអាចរស់នៅបានទៀតហើយ ហើយព្រះអាទិត្យគឺមិនសូវមានកម្តៅខ្លាំងទៀតទេ។

លើសពីនេះទំនាញនឹងថយចុះ ភពនានាអាចនឹងត្រូវបោះចោលពីគន្លង ឬបុកគ្នាទៅវិញទៅមក។ ប្រសិនបើព្រះអាទិត្យមានទំហំតូចជាង វានឹងបញ្ចេញថាមពលតិច ដែលធ្វើឱ្យផែនដីត្រជាក់ និងងងឹតខ្លាំង។ ទន្ទឹមនឹងនេះ ដំណើរការនឹងខុសធម្មតា ហើយប្រហែលជាមិនបង្កើតជាភពដែលយើងស្គាល់សព្វថ្ងៃនេះទេ ដោយសារមនុស្ស សត្វ រុក្ខជាតិ លែងមានជីវិតរស់នៅដូចមុនហើយ ហើយខ្យល់អាកាស និងធម្មជាតិផ្សេងៗក៏លែងមានទៀតដែរ។ នៅពេលនោះប្រព័ន្ធព្រះអាទិត្យ នឹងបាត់បង់ផ្កាយតែមួយរបស់វា ហើយ ទំនាញផែនដីរបស់ព្រះអាទិត្យ នឹងលែងគ្រប់គ្រាន់ដើម្បីរក្សាភពនានាដែលវិលជុំវិញវា។

ភពនានារួមទាំងផែនដី នឹងរសាត់ទៅទីអវកាស ជាលទ្ធផលជីវិតនៅលើផែនដីនឹងលែងមានឱកាសរស់ទៀតហើយ។ ស្រមៃមើលថាតើ ផែនដីធំជាងព្រះអាទិត្យ ខណៈទំហំព្រះអាទិត្យនៅដដែល ក្នុងករណីនេះផែនដីនឹងមានទំហំធំជាង ៣៣៣,០០០ ដងច្រើនជាងសព្វថ្ងៃនេះ។ ទំនាញផែនដី នឹងខ្លាំងដែលវាអាចកំទេចឆ្អឹងរបស់មនុស្សសត្វមានជីវិតបានយ៉ាងងាយ សម្ពាធនិងសីតុណ្ហភាពនៅក្នុងផែនដីយក្សនេះគឺគ្រប់គ្រាន់ក្នុងការបង្កើតប្រតិកម្មទែរម៉ូនុយក្លេអ៊ែ ដោយប្រែក្លាយភពផែនដីយើងទៅជាផ្កាយដ៏គ្រោះថ្នាក់បំផុត។

ប្រសិនបើរឿងនេះកើតឡើង ប្រព័ន្ធព្រះអាទិត្យរបស់យើង នឹងមានផ្កាយពីរជំនួសឱ្យផ្កាយតែមួយ។ ព្រះអាទិត្យទាំងពីរនេះ នឹងគោចរជុំវិញគ្នាបង្កើតបានជាប្រព័ន្ធផ្កាយគោលពីរ ដោយមានភពនានាវិលជុំវិញផ្កាយទាំងពីរ នេះមានន័យថា ភពផ្សេងៗទៀត ឬភពព្រះច័ន្ទនឹងនៅក្នុងប្រព័ន្ធផ្កាយគោលពីរនេះអាចក្លាយជាផ្ទះដ៏មានសក្តានុពលបំផុតសម្រាប់ជីវិតរស់នៅ។ ដូច្នេះសរុបសេចក្តីមក ប្រសិនបើព្រះអាទិត្យតូចជាងផែនដី មនុស្ស សត្វ រុក្ខជាតិ នឹងលែងមានវត្តមានលើផែនដីទៀតហើយ ប៉ុន្តែអាចមានវត្តមានលើភពផ្សេង ឬភពព្រះច័ន្ទជាដើម៕