ឥណ្ឌា និងរុស្សុី បានឈានទៅដល់កិច្ចព្រមព្រៀងទិញ-លក់ ប្រព័ន្ធការពារដែនអាកាសS400 ដែលមានតម្លៃប្រមាណ១,១ ពាន់លានដុល្លារ ដោយឥណ្ឌាទទួលបានមីស៊ីលចំនួន ២៨៨ គ្រាប់ និងS400 ចំនួន២គ្រឿង។
S400 គឺជាប្រព័ន្ធការពារដែនអាកាសដ៏ទំនើបបំផុតមួយរបស់រុស្សុី ដែលលោកពូទីនអះអាងថាអាចបាញ់កម្ទេចយន្តហោះទម្លាក់គ្រាប់បែក B2 របស់អាមេរិកបាន។
វាអាចបាញ់បានក្នុងរយៈចម្ងាយ៤០០ទៅ៦០០គីឡូម៉ែត្រ ជាមួយល្បឿនលឿនជាសំឡេងដល់ទៅ១៤ដង ពោលអាចហោះបានក្នុងល្បឿនប្រមាណជា១៧០០០គីឡូម៉ែត្រក្នុងមួយម៉ោង។
s400 ត្រូវបានរុស្សុីដាក់ចូលសមរភូមិក្នុងឆ្នាំ២០០៧ ដោយផលិតឡើងក្នុងគោលបំណងបាញ់កម្ទេចយន្តហោះចម្បាំង និងចាប់ស្ទាក់គ្រាប់មីសុីលអន្តរទ្វីប។
គិតមកទល់ពេលនេះ លើពិភពលោកមានតែ៤ប្រទេសប៉ុណ្ណោះ ដែលដាកើពង្រាយប្រព័ន្ធការពារដែនអាកាស S400នេះ ក្នុងនោះរួមមាន រុស្សុី ចិន ឥណ្ឌា និងតួកគីយ៉េ៕

ថៃយកគ្រាប់មីនមកចោទប្រកាន់កម្ពុជាទៀតហើយ មិនចោលល្បិចចាស់សោះ បង្កប់មីនខ្លួនឯង រួចហើយទម្លាក់កំហុសលើប្រទេសជិតខាង ។ នេះមិនមែនជាល្បិចថ្មីទេ ពីព្រោះកងទ័ពថៃបានចោទប្រកាន់កម្ពុជាបង្កប់មីនលើទឹកដីរបស់ខ្លួនដោយគ្មានមូលដ្ឋានច្បាស់លាស់ជាបន្តបន្ទាប់ ដើម្បីយកលេសបង្កជម្លោះ និងបោកបញ្ឆោតពលរដ្ឋរបស់ខ្លួនឱ្យជឿទាំងងងិតងងុល ។

កងទ័ពថៃបានចោទប្រកាន់កម្ពុជាជាថ្មីថា បង្កប់មីនថ្មីលើទឹកដីរបស់ខ្លួន ដូចដែលពួកគេធ្លាប់ចោទប្រកាន់ពេលមុនបើកឆាកសង្គ្រា.មវាយប្រ.ហារកម្ពុជា ចំនួន២លើកកាលពីឆ្នាំ២០២៥ ។ នេះជាល្បិចចាស់ដដែលរបស់ថៃដែលតែងតែទម្លាក់កំហុស និងលាបពណ៌កម្ពុជារហូតមក ហើយការចោទប្រកាន់លើកនេះ គឺជាការបង្វែរស្ថានការណ៍ ស្របពេលពលរដ្ឋថៃកំពុងចាប់អារម្មណ៍លើការទាមទាររាប់សន្លឹកឆ្នោតឡើងវិញ ។

អ្នកនាំពាក្យកងទ័ពជើងទឹកថៃ លោក ប៉ារ៉ាត់ រតនៈឆ័យយ៉ាផាន់ បានចោទប្រកាន់កម្ពុជាដោយមូលដ្ឋានថា បង្កប់មីនថ្មីប្រភេទ PMN-2 ចំនួន៦គ្រាប់ នៅភូមិឆាំរ៉ាក ស្រុកមឿង ខេត្តត្រាត ដែលត្រូវបានរកឃើញដោយអង្គភាពដោះបោសសម្អាតមនុស្សធម៌កងទ័ពជើងទឹកថៃ ពេលកំពុងតែប្រតិបត្តិការបោសសម្អាតមីនកាលពីថ្ងៃទី១៤ ខែកុម្ភៈ ឆ្នាំ២០២៦ ។

កងទ័ពជើងទឹកថៃនិយាយប្រឌិតថា តាមការត្រួតពិនិត្យ គឺជាមីនថ្មីបង្កប់ដោយកម្ពុជា មិនមែនជាមីនចាស់នោះទេ ។ លើសពីនេះ ពួកគេថែមទាំងចោទប្រកាន់ថា បានរកឃើញមីនប្រភេទ PMN-1 ចំនួន៣គ្រាប់ និងមីន POMZ ១គ្រាប់ទៀត ដែលត្រូវបានបង្កប់នៅក្បែរនោះ ពេលកំពុងកែលម្អផ្លូវយុទ្ធសាស្ត្រតាមបណ្តោយព្រំដែន ។

កងទ័ពជើងទឹកថៃថា ខ្លួនអនុវត្តតាមស្មារតីកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) កាលពីថ្ងៃទី២៧ ខែធ្នូ ឆ្នាំ២០២៥ ដែលប្រទេសទាំងពីរឈានទៅអនុវត្តបទឈប់បាញ់ ដោយប្រកាន់តាមគោលការណ៍មនុស្សធម៌ មិនប្រើប្រាស់គ្រាប់មីនប្រឆាំងមនុស្សគ្រប់ប្រភេទ ។ កងទ័ងជើងទឹកថៃចាត់ទុកការបង្កប់មីនថ្មី PMN-2 គឺជាការល្មើសច្បាប់មនុស្សធម៌អន្តរជាតិ ភាគីថៃនឹងប្រមូលភស្តុភាងដើម្បីចាត់វិធានការតាមច្បាប់ និងយន្តការអន្តរជាតិ ។

គួរបញ្ជាក់ថា កន្លងមក ក្រសួងការពារជាតិកម្ពុជាធ្លាប់បានច្រានចោលទាំងស្រុងចំពោះការចោទប្រកាន់ដោយគ្មានមូលដ្ឋានច្បាស់លាស់របស់ភាគីថៃពាក់ព័ន្ធនឹងការបង្កប់មីនថ្មី ដោយ កម្ពុជានៅតែរក្សាជំហរយ៉ាងម៉ឺងម៉ាត់ គឺគ្មានការប្រើប្រាស់ និងមិនប្រើប្រាស់មីនថ្មីដាច់ខាត ។ កម្ពុជា គឺជារដ្ឋភាគីនៃអនុសញ្ញាហាមប្រាមការប្រើប្រាស់មីនប្រឆាំងមនុស្ស ដែលកម្ពុជាបានផ្តល់សច្ចាប័នក្នុងឆ្នាំ១៩៩៩ ក៏ត្រូវបានទទួលស្គាល់ជាអន្តរជាតិចំពោះសមិទ្ធផលនៃការបោសសម្អាតមីន និងគ្មានការប្រើប្រាស់មីនប្រឆាំងមនុស្សឡើយ ។

កម្ពុជាបញ្ជាក់ជាថ្មីថា កម្ពុជាមិនបានប្រើប្រាស់មីនប្រឆាំងមនុស្សឡើយ និងនៅតែបន្តអនុវត្តតាមអនុសញ្ញាអូតាវ៉ា និងបទឈប់បាញ់ ហើយកម្ពុជានៅជំរុញឱ្យភាគីថៃអនុវត្តតាមបទឈប់បាញ់កាលពីខែធ្នូ ឆ្នាំ២០២៥ ៕

មនុស្សជាង ៣០០០ នាក់ បានរលាយបាត់ស្រមោល គ្មានសល់អ្វីបន្តិចសោះ ឆេះខ្ទេចក្លាយជាធូលី។ គ្មានអ្វីសា.ហាវជាងមនុស្សនោះទេ! តាមរបាយការណ៍ស៊ើបអង្កេតរបស់ទីភ្នាក់ងារ Al Jazeera បានបង្ហាញថា គ្រាប់បែ.កដ៏មានឥទ្ធិពលរបស់អ៊ីស្រាអែលដែលទម្លាក់នៅតំបន់ហ្គាហ្សា បានសម្លា.ប់ជនជាតិប៉ាឡេស្ទីនជាង ៣០០០ នាក់ឲ្យរលាយក្លាយជាផេះផង់ ដោយមិនបន្សល់ដាន និងគ្មានសល់សូម្បីតែសា.កស.ព។

យោងតាមរបាយការណ៍ស៊ើបអង្កេតដែលចេញផ្សាយកាលពីសប្ដាហ៍មុន ក្រុមជួយសង្គ្រោះបានកត់ត្រាករណីប្រហែល 2,800 ករណី អំពីបុគ្គលដែលត្រូវបានបញ្ជាក់ថាមានវត្តមានមុនពេលការវាយប្រហារតាមអាកាសរបស់អ៊ីស្រាអែល ប៉ុន្តែបន្ទាប់ពីកម្ទេចកម្ទីបាក់បែកដោយសារគ្រាប់បែកទម្លាក់ត្រូវបានបោសសម្អាត គេឃើញមានតែដានជីវសាស្រ្តតិចតួចប៉ុណ្ណោះដែលត្រូវបានគេរាយការណ៍ថាបានរកឃើញ។

ការស៊ើបអង្កេតបានបង្ហាញពីប្រភេទគ្រាប់រំសេវជាច្រើនប្រភេទដែលបានគេរាយការណ៍ថាបានប្រើប្រាស់ក្នុងជម្លោះមានដូចជា៖ ប្រភេទ MK-84, BLU-109 និង GBU-39 ត្រូវបានគេសន្និដ្ឋានថាត្រូវបានអ៊ីស្រាអែលយកទៅប្រើប្រាស់នៅក្នុងតំបន់ហ្គាហ្សា ហើយអាចជាចំណែកដ៏ធំមួយដល់ករណីដែលប្រជាជនប៉ាឡេស្ទីនរាប់ពាន់នាក់ត្រូវបានបាត់ខ្លួនបន្ទាប់ពីការវាយប្រហារតាមអាកាស។

មន្ត្រីការពារស៊ីវិលក្នុងតំបន់រងផលប៉ះពាល់ បានប្រើប្រាស់វិធីសាស្ត្រផ្ទៀងផ្ទាត់ចំនួនសមាជិកគ្រួសារ និងបំណែ.កសា.កស.ពដែលប្រមូលបាន ដើម្បីបញ្ជាក់ពីអត្តសញ្ញាណរបស់ជនរងគ្រោះ ខណៈអ្នកជំនាញពន្យល់ថា កម្ដៅកម្រិតជាង ៣,៥០០ អង្សាចេញពីគ្រាប់បែក អាចធ្វើឱ្យជាតិទឹកក្នុងរាងកាយមនុស្សផ្ទុះបែកចេញពីកោសិកាមកតែម្ដង និងធ្វើឱ្យរាងកាយមនុស្សរលាយក្លាយជាផេះក្នុងរយៈពេលត្រឹមប៉ុន្មានវិនាទីប៉ុណ្ណោះ ។

អ្នកជំនាញចាត់ទុកថា «ការប្រើប្រាស់អាវុធដែលបង្កឱ្យមានការបំផ្លិចបំផ្លាញយ៉ាងរន្ធត់ និងមិនអាចបែងចែករវាងជនស៊ីវិល និងក្រុមសកម្មប្រយុទ្ធបែបនេះ គឺជាឧក្រិដ្ឋកម្មសង្គ្រាម និងជាការប្រល័យពូជសាសន៍ ដែលត្រូវតែមានការទទួលខុសត្រូវ បូករួមទាំងប្រភពដែលផ្គត់ផ្គង់អាវុធទាំងនោះផងដែរ ។

ខណៈពេលដែលអាវុធទាំងនេះមិនត្រូវបានចាត់ថ្នាក់ជាអាវុធនុយក្លេអ៊ែរ ប៉ុន្តែផលប៉ះពាល់នៃការផ្ទុះរបស់វានៅក្នុងតំបន់ដែលមានប្រជាជនរស់នៅច្រើនអាចបំផ្លិចបំផ្លាញដល់បរិស្ថានដែលនៅជុំវិញនោះទាំងស្រុង ដោយសារតែការដួលរលំនៃរចនាសម្ព័ន្ធ ភ្លើងឆេះ និងផលប៉ះពាល់សម្ពាធ។ ការរកឃើញនេះបានជំរុញឱ្យមានការពិភាក្សាឡើងវិញអំពីការអនុលោមតាមច្បាប់មនុស្សធម៌អន្តរជាតិ ដែលតម្រូវឱ្យភាគីសង្គ្រាមបែងចែករវាងគោលដៅយោធា និងជនស៊ីវិលឲ្យដាច់ចេញពីគ្នាកំហិត៕

ភ្លេចៗខ្លួនឥឡូវនេះប្រទេសជិតខាងយើងគេកាន់តែទៅមុខឆ្ងាយហើយ! ដោយតាមរបាយការណ៍នាពេលថ្មីៗនេះបានបង្ហាញថា វិស័យអវកាសរបស់ប្រទេសថៃបានឈានដល់ដំណាក់កាលថ្មីមួយជាមួយនឹងការដាក់ពង្រាយផ្កាយរណប KNACKSAT-2 ឲ្យគោចរក្នុងតារាវិថីបានដោយជោគជ័យក្រោមការជំរុញនិងគាំទ្រដោយប្រទេសជប៉ុន។ នេះបើតាមការផ្សាយទីភ្នាក់ងារសារព័ត៌មានវៀតណាម ដែលជាដៃគូរបស់ TV BRICS។

យោងតាមប្រភពខាងលើ ផ្កាយរណប KNACKSAT-2 ដែលបង្កើតឡើងដោយសាកលវិទ្យាល័យបច្ចេកវិទ្យា King Mongkut ភាគខាងជើងទីក្រុងបាងកក ត្រូវបានជប៉ុនគាំទ្រដល់ការអប់រំ និងការអភិវឌ្ឍតាមរយៈកិច្ចសហប្រតិបត្តិការ ដើម្បីជំរុញវិស័យអវកាសនៅក្នុងប្រទេសថៃ។

គម្រោងនេះត្រូវបានគេរំពឹងថា នឹងជំរុញតួនាទីរបស់ប្រទេសថៃក្នុងសកម្មភាពអវកាស ខណៈពេលដែលបម្រើជាវេទិកាជាក់ស្តែងសម្រាប់ការធ្វើតេស្តបច្ចេកវិទ្យា និងការអភិវឌ្ឍធនធានមនុស្ស។ លក្ខណៈពិសេសសំខាន់មួយនៃផ្កាយរណបនេះ គឺប្រព័ន្ធចែករំលែកធនធានរបស់វា ដែលអនុញ្ញាតឱ្យមានការពិសោធន៍ច្រើនដំណើរការលើវេទិកាតែមួយ រួមមាន៖ ការបញ្ជូនទិន្នន័យអ៊ីនធឺណិត, ការសង្កេតផែនដី, ការតាមដានផ្លូវដែក និងសេវាកម្មវិទ្យុស្ម័គ្រចិត្ត ដែលនាំមកនូវភាពងាយស្រួលដល់គោលបំណងវិទ្យាសាស្ត្រ និងការស្រាវជ្រាវ។

បន្ទាប់ពីការដាក់ពង្រាយ KNACKSAT-2 បានចាប់ផ្តើមផ្សព្វផ្សាយ ដោយមានការបញ្ជាក់ពីស្ថានភាពប្រតិបត្តិការរបស់វា បេសកកម្មនេះបង្ហាញពីសមត្ថភាពកាន់តែខ្លាំងឡើងរបស់ប្រទេសថៃក្នុងវិស័យវិទ្យាសាស្ត្រអវកាស និងការអភិវឌ្ឍរយៈពេលវែងរបស់ខ្លួនលើហេដ្ឋារចនាសម្ព័ន្ធអវកាសជាតិ៕

ប៉ុន្មានថ្ងៃនេះ គ្រោះរញ្ជួយដីបានកើតឡើងផ្ទួនៗគ្នានៅប្រទេសថៃ បណ្តាលឱ្យពលរដ្ឋ​ភ័យស្លន់ស្លោ​បារម្ភខ្លាចមានគ្រោះមហន្តរាយកាន់តែធ្ងន់ធ្ងរដូចដែលធ្លាប់កើតឡើងកន្លងមក ឬក៏ត្រូវធម្មជាតិដាក់ទណ្ឌក.ម្ម បន្ទាប់ពីទឹកជំនន់ និងខ្យល់ព្យុះ ​។

ពលរដ្ឋថៃកំពុងតែភ័យបុកពោះយ៉ាងខ្លាំងបន្ទាប់ពីឃុំបានដាយ ស្រុកមេសាយ ខេត្តឈៀងរ៉ៃ កើតគ្រោះរញ្ជួយដី បើទោះជាមិនប៉ះពាល់ដល់អាយុជីវិតមនុស្ស ឬទ្រព្យសម្បត្តិក៏ដោយ ប៉ុន្តែគឺជាការព្រមានឱ្យបង្កើនការប្រុងប្រយ័ត្ន និងតាមដានស្ថានការណ៍យ៉ាងដិតដល់ ខណៈថ្មីៗនេះ ទើបតែកើតគ្រោះរញ្ជួយដីនៅខេត្តស៊ូរ៉ាតថានី ។ វាជាសញ្ញាព្រមានប្រទេសថៃនឹងរងផលប៉ះពាល់យ៉ាងធ្ងន់ធ្ងរ ដូចដែលធ្លាប់រងផលប៉ះពាល់កន្លងមកនៅទីក្រុងបាងកក ។

នៅថ្ងៃទី១៦ ខែកុម្ភៈ ឆ្នាំ២០២៦ សារព័ត៌មាន News In Thailand រាយការណ៍ថា កាលពីវេលាម៉ោង៩ និង៣៧នាទីព្រឹក នៅឃុំបានដាយ ស្រុកមេសាយ ខេត្តឈៀងរ៉ៃ មានគ្រោះរញ្ជួយដីកើតឡើងកម្រិត៣.៣រិចទ័រ ជម្រៅ៣គីឡូម៉ែត្រ ខណៈមន្ត្រីពាក់ព័ន្ធបានចុះមកពិនិត្យមើលការខូចខាតនៅកន្លែងកើតហេតុ ។ តំបន់មួយចំនួនក្នុងស្រុកមេសាយ ទទួលកម្លាំងរំញ័រដោយសាររញ្ជួយដី ជាពិសេស តំបន់ជុំវិញឃុំបានដាយ ប៉ុន្តែមិនបណ្តាលឱ្យមនុស្សស្លាប់ ឬរងរបួសទេ ។

អភិបាលស្រុកមេសាយ លោក វ៉ារ៉ាយុទ្ធ ខមប៊ុន បានណែនាំឱ្យរដ្ឋបាលមូលដ្ឋាន មេភូមិ និងមន្ត្រីពាក់ព័ន្ធ ចុះត្រួតពិនិត្យការខូចខាតនៅកន្លែងកើតហេតុ ដួចជា ៖ ផ្ទះសម្បែងពលរដ្ឋ អគារធ្វើការរដ្ឋ សាលារៀន និងហេដ្ឋារចនាសម្ព័ន្ធ ព្រមទាំងរាយការណ៍ស្ថានការណ៍ ប្រសិនបើរកឃើញការខូចខាត ត្រូវជួយសង្គ្រោះជាបន្ទាន់ ។

ទោះជាគ្រោះរញ្ជួយដីនេះមានជម្រៅត្រឹមតែ៣ម៉ែត្រ ប៉ុន្តែធ្វើឱ្យពលរដ្ឋនៅក្បែរកន្លែងកើតហេតុទទួលកម្លាំងរំញ័រយ៉ាងខ្លាំង ដែលធ្វើឱ្យអាជ្ញាធរស្រុកមេសាយ ទំនាក់ទំនងទៅភ្នាក់ងារភូមិសាស្ត្រដើម្បីតាមដានស្ថានការណ៍ និងប្រាប់ឱ្យពលរដ្ឋតាមដានព័ត៌មានពីប្រភពផ្លូវការ ។ បើគិតត្រឹមម៉ោង១០ និង១២នាទីព្រឹកថ្ងៃដដែល ពុំទាន់មានសេចក្តីរាយការណ៍ពីការខូចខាតធ្ងន់ធ្ងរទេ ខណៈមន្ត្រីពាក់ព័ន្ធបានត្រួតពិនិត្យគ្រប់ភូមិទាំងអស់យ៉ាងលម្អិត ។

គួរបញ្ជាក់ថា ចំណុចកណ្តាលនៃគ្រោះរញ្ជួយដីនេះ គឺស្ថិតនៅក្បែរព្រំដែនមីយ៉ាន់ម៉ា និងឡាវ ដែលបណ្តាលឱ្យរង្គើផ្ទះពលរដ្ឋប្រមាណ៥វិនាទី ។ រីឯពលរដ្ឋនៅស្រុកមេចាន់ មានអាការៈវិលមុខ រីឯទឹកក្នុងដបរង្គើចុះឡើង ខណៈពលរដ្ឋស្រុកមេហ្វាហ្លួង ក៏រងការរំញ័រដែរ ។

ហេតុការណ៍នេះកើតឡើងបន្ទាប់ពីគ្រោះរញ្ជួយដីនៅខេត្តស៊ូរ៉ាតថានីកាលពីថ្ងៃទី១១ ខែកុម្ភៈ កន្លងមក បើតាមសេចក្តីរាយការណ៍របស់ភ្នាក់ងារត្រួតពិនិត្យគ្រោះរញ្ជួយដីថៃ ត្រឹមតែមួយព្រឹកថ្ងៃទី១១ ខែកុម្ភៈ មានគ្រោះរញ្ជួយដីរហូតដល់២លើកកើតឡើងនៅខេត្តនេះ ដែលធ្វើឱ្យពលរដ្ឋភិតភ័យយ៉ាងខ្លាំង ៕

ទីក្រុងប៉េកាំង ៖ ប្រទេសចិននៅថ្ងៃព្រហស្បតិ៍នេះ បានបា.ញ់បង្ហោះរ៉ុក្កែត Smart Dragon-3 (SD-3) ចេញពីលើផ្ទៃសមុទ្រ ដោយបញ្ជូនផ្កាយរណបចំនួន 7 ចូលទៅក្នុងគន្លងលើលំហអាកាសបានដោយជោគជ័យដូចអ្វីដែលបានគ្រោងទុក។

យោងតាមទីភ្នាក់ងារសារព័ត៌មាន Xinhua រ៉ុក្កែតពាណិជ្ជកម្ម SD-3 ត្រូវបានបា.ញ់បង្ហោះនៅម៉ោង 2:37 រសៀល (ម៉ោងនៅទីក្រុងប៉េកាំង) ពីដែនទឹកនៅឯឆ្នេរសមុទ្រ Yangjiang ក្នុងខេត្ត Guangdong ភាគខាងត្បូងប្រទេសចិន តាមរយៈមជ្ឈមណ្ឌលបាញ់បង្ហោះផ្កាយរណប Taiyuan។ ផ្កាយរណបទាំងប្រាំពីរនេះ ក៏រួមមានផ្កាយរណប PRSC-EO2 របស់ប្រទេសប៉ាគីស្ថានឲងដែរ។

ប្រភពដដែលនេះបានគូសបញ្ជាក់ថា ការបា.ញ់បង្ហោះនេះ គឺជាសមិទ្ធផលដ៏សំខាន់មួយនៃកិច្ចសហប្រតិបត្តិការអវកាសចិន-ប៉ាគីស្ថាន។ ផ្កាយរណប PRSC-EO2 ត្រូវបានបំពាក់ដោយបន្ទុកអុបទិកដែលមានគុណភាពបង្ហាញខ្ពស់។ ទិន្នន័យចាប់សញ្ញាពីចម្ងាយដែលវាទទួលបាននឹងបម្រើប្រទេសប៉ាគីស្ថានក្នុងវិស័យផ្សេងៗដូចជាការធ្វើផែនទីដីធ្លី ការត្រួតពិនិត្យបរិស្ថាន និងគ្រោះមហន្តរាយធម្មជាតិ និងការការពារធនធានធម្មជាតិ។

សូមជម្រាបថា នេះជាលើកទី 4 ហើយដែលរ៉ុក្កែត SD-3 របស់ចិនបានអនុវត្តការបាញ់បង្ហោះដែលជាបេសកកម្មពាណិជ្ជកម្មជាមួយផ្កាយរណបច្រើនទៅលើអាកាសក្នុងពេលតែមួយ ខណៈដែលវាក៏ជាការហោះហើរលើកទី 9 ផងដែរសម្រាប់ប្រភេទ រ៉ុក្កែត Smart Dragon-3៕

ស្ថានការណ៍នៅមជ្ឈិមបូព៌ា​កាន់តែក្តៅ អណ្តាតភ្លើងនៃសង្គ្រា.មអាចនឹងឆេះឡើងនាពេលដ៏ឆាប់ៗនេះហើយ បន្ទាប់ពីសហរដ្ឋអាមេរិក បានបញ្ជូននាវាចំបាំងដ៏ធំមួយថែមទៀតទៅកាន់មជ្ឈិមបូព៌ា​ ដែលជាសារឆ្លើយតបទៅនឹងប្រទេសអ៊ីរ៉ង់ ថាកុំចង់ខ្លាំងជាមួយអាមេរិក ។

ប្រធានាធិបតីអាមេរិក លោក Donald Trump បានបញ្ជាឱ្យបញ្ជូននាវាចម្បាំងផ្ទុកយន្តហោះដ៏ធំបំផុតលើពិភពលោក ចំនួន១គ្រឿងទៀតឈ្មោះ USS Gerald R Ford ទៅចូលរួមប្រតិបត្តិការជាមួយនាវាចម្បាំង USS Abraham Lincoln នៅមជ្ឈិមបូព៌ាដើម្បីបង្កើនការដាក់សម្ពាធអ៊ីរ៉ង់ ខណៈមន្ត្រីអាមេរិក២រូបថា នេះជាសញ្ញាឱ្យកងទ័ពអាមេរិកត្រៀមខ្លួនវាយប្រ.ហារអ៊ីរ៉ង់ពេលទទួលបញ្ជា ។

តាមការចុះផ្សាយរបស់សារព័ត៌មានបរទេសនៅថ្ងៃទី១៤ ខែកុម្ភៈ ឆ្នាំ២០២៦ USS Gerald R Ford ជានាវាចម្បាំងផ្ទុកយន្តហោះដ៏ធំបំផុតលើពិភពលោក នឹងចូលរួមប្រតិបត្តិការជាមួយនាវាចម្បាំង USS Abraham Lincoln ដែលអាមេរិកបានបញ្ជូនទៅមជ្ឈិមបូព៌ាមុនគេដើម្បីដាក់សម្ពាធអ៊ីរ៉ង់ ។ មន្ត្រីអាមេរិក២រូបបានបង្ហើបប្រាប់សារព័ត៌មាន Reuters ថា មេដឹកនាំអាមេរិកកំពុងពិចារណាបើកការវាយប្រហារអ៊ីរ៉ង់ ។

កាលពីថ្ងៃទី១៣ ខែកុម្ភៈ នាវាចម្បាំង USS Gerald R Ford បានធ្វើដំណើរចាកចេញពីសមុទ្រការាបៀនឆ្ពោះទៅមជ្ឈិមបូព៌ា ដើម្បីចូលរួមប្រតិបត្តិការជាមួយនាវា USS Abraham Lincoln ជានាវាចម្បាំងផ្ទុកយន្តហោះដើរដោយថាមពលនុយក្លេអ៊ែរ ។ នាវាចម្បាំង USS Gerald R Ford នឹងចំណាយពេលធ្វើដំណើររយៈពេល៣សប្តាហ៍ ទើបទៅដល់គោលដៅ ដែលមានកងទ័ពអាមេរិកលើនោះរាប់ពាន់នាក់ ព្រមទាំងមានយន្តហោះចម្បាំង នាវាពិឃាតបំពាក់មីស៊ីល និងអាវុធជាច្រើន ។

ការបញ្ជូននាវាចម្បាំង២គ្រឿងទៅមជ្ឈិមបូព៌ា បន្ទាប់ពីលោកប្រធានាធិបតី Trump ផ្តល់សម្ភាសន៍ជាមួយសារព័ត៌មាន Axios ក្រោយថ្ងៃទី១០ ខែកុម្ភៈ ថា កំពុងពិចារណាបញ្ជូននាវាចម្បាំងដ៏ធំមួយទៀតទៅមជ្ឈិមបូព៌ា ប៉ុន្តែពេលនេះ លោកមើលឃើញអ៊ីរ៉ង់តាំងចិត្តធ្វើកិច្ចព្រមព្រៀងនុយក្លេអ៊ែរ ។ កាលពីថ្ងៃទី១២ ខែកុម្ភៈ សារព័ត៌មានអាមេរិករាយការណ៍ថា នាវាចម្បាំង USS Gerald R Ford ធ្វើដំណើរទៅមជ្ឈិមបូព៌ា គឺ១ថ្ងៃក្រោយបន្ទាប់ពីលោកប្រធានាធិបតី Trump ចរចាជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu អំពីបញ្ហាអ៊ីរ៉ង់ ។

មន្ត្រីអាមេរិក២រូបបង្ហើបប្រាប់សារព័ត៌មាន Reuters ថា កងទ័ពអាមេរិកកំពុងត្រៀមខ្លួនវាយប្រហារអ៊ីរ៉ង់ ពេលទទួលបញ្ជាពីលោកប្រធានាធិបតី Trump ។ ប៉ុន្តែមន្ត្រីអាមេរិកទាំង២រូបមិនប្រាប់អត្តសញ្ញាណរបស់ខ្លួន ដោយសារស្ថានការណ៍ផុយស្រួយ ហើយការវាយប្រហារអ៊ីរ៉ង់អាចធ្វើឱ្យប្រទេសទាំងពីរមានជម្លោះធ្ងន់ធ្ងរខ្លាំងជាងមុន ម្យ៉ាងទៀត ផែនការវាយប្រហារអ៊ីរ៉ង់លើកនេះស្មុគស្មាញ ។ បើអាមេរិកវាយប្រហារអ៊ីរ៉ង់ នឹងផ្តោតលើគោលដៅស្ថាប័នរដ្ឋ និងកងទ័ពអ៊ីរ៉ង់ មិនមែនផ្តោតតែលើហេដ្ឋារចនាសម្ព័ន្ធទេ ។

កន្លងមក អាមេរិក និងអ៊ីរ៉ង់ បានព្យាយាមចរចាកិច្ចព្រមព្រៀងនុយក្លេអ៊ែរ ដោយអ៊ីរ៉ង់យល់ព្រមគ្រប់គ្រងការចម្រាញ់សារធាតុអ៊ុយរ៉ាញ៉ូមដើម្បីឱ្យអាមេរិកបន្ធូរបន្ថយការដាក់ទណ្ឌកម្ម ប៉ុន្តែអ៊ីរ៉ង់បដិសេធសំណើផ្សេងទៀត ។ រីឯអ៊ីស្រាអែលទាមទារឱ្យអ៊ីរ៉ង់កំណត់គម្រោងមីស៊ីសរយៈចម្ងាយឆ្ងាយ និងឈប់គាំទ្រក្រុម Hezbollah (ជាអង្គការនយោបាយ សង្គម និងកងទ័ពមូស្លីម ដែលស្ថិតក្រោមការគាំទ្ររបស់អ៊ីរ៉ង់ ពេលអ៊ីស្រាអែលដណ្តើមគ្រប់គ្រងប្រទេស Lebanon កាលពីឆ្នាំ១៩៨០) ។

ថ្មីៗនេះ អាមេរិកបានចរចាជាមួយអ៊ីរ៉ង់នៅប្រទេសអូម៉ង់ ហើយភាគីទាំងពីរសង្ឃឹមនឹងបន្តការចរចាគ្នា ប៉ុន្តែពុំទាន់កំណត់ថ្ងៃចរចាជាផ្លូវការ ។ មន្ត្រីសេតវិមាន និងមន្ត្រីមន្ទីរបញ្ចកោណអាមេរិកមិននិយាយអ្វីពាក់ព័ន្ធនឹងអាមេរិកត្រៀមធ្វើសង្គ្រាមជាមួយអ៊ីរ៉ង់ទេ ខណៈលោកប្រធានាធិបតី Trump គំរាមទម្លាក់គ្រាប់បែកលើទីក្រុងតេហេរ៉ង់ បើមិនធ្វើកិច្ចព្រមព្រៀងនុយក្លេអ៊ែរ និងមីស៊ីល ។ រីឯកងកម្លាំងបដិវត្តអ៊ីស្លាមអ៊ីរ៉ង់ប្រកាសត្រៀមកំទេចទីតាំងកងទ័ពអាមេរិកគ្រប់កន្លែង បើអាមេរិកហ៊ានវាយអ៊ីរ៉ង់ ៕