កាលពីថ្ងៃទី១៩ ខែធ្នូ ឆ្នាំ២០២៤ សារព័ត៌មានថៃឈ្មោះ Khaosod ចុះផ្សាយថា បទចម្រៀង «រំលស់ប្រពន្ធ» របស់កញ្ញា តន់ ចន្ទសីម៉ា ជាអ្នកចម្រៀងដ៏ល្បី (Superstar) នៅប្រទេសកម្ពុជា បានល្បីល្បាញទាំងនៅកម្ពុជា និងប្រទេសនានាក្នុងតំបន់អាស៊ាន ជាពិសេស តារាចម្រៀង និងតារាសម្តែងថៃល្បីៗជាច្រើនរូបបានច្រៀងតាមបទចម្រៀងនេះ ។

សារព័ត៌មាន Khaosod ផ្សាយថា បទចម្រៀងរបស់នាងកំពុងតែល្បីល្បាញយ៉ាងខ្លាំងក្នុងបណ្តាញសង្គមប្រទេសថៃ ជាពិសេស TikTok ហើយមិនត្រឹមតែតារាល្បីៗរបស់ថៃប៉ុណ្ណោះទេ ដែលច្រៀង និងរាំតាមបទចម្រៀង «រំលស់ប្រពន្ធ» ប៉ុន្តែនៅកន្លែងប្រគំតន្ត្រីផ្សេងៗនៅតាមបណ្តាខេត្តរបស់ថៃ ក៏បានច្រៀងបទចម្រៀងរបស់នាងដែរ ។

លើសពីនេះ គ្រាន់តែឮឈ្មោះចំណងជើងបទចម្រៀង ក៏ធ្វើឱ្យហ្វេនៗថៃចាប់អារម្មណ៍យ៉ាងខ្លាំង ពីព្រោះបទចម្រៀងនេះច្រៀងជាភាសាខ្មែរ ស្តាប់ហើយធ្វើឱ្យអារម្មណ៍រីករាយ ។ រីឯខ្លឹមសារបទចម្រៀងវិញបានបង្ហាញពីជីវិតរស់នៅពិតប្រាកដ ដោយនាងបានប្រាប់ឱ្យគូស្នេហ៍យកប្រាក់មកបង់មុន៥០% ហើយនៅសល់៥០% ទៀតអាចបង់រំលស់បាន ដោយនាងនឹងនិយាយជាមួយម្តាយឱ្យ ។

កញ្ញា តន់ ចន្ទសីម៉ា អាយុ២៥ឆ្នាំ មានស្រុកកំណើតនៅខេត្តតាកែវ ហើយនាងបានចាប់ផ្តើមប្រឡូកក្នុងវិស័យសិល្បៈចម្រៀងតាំងពីនៅវ័យកុមារ ។ ទឹកដមសំឡេងរបស់នាងមានមន្តស្នេហ៍ និងបង្ហាញពីភាពលេចធ្លោ ទើបធ្វើឱ្យនាងល្បីល្បាញយ៉ាងឆាប់រហ័សទាំងនៅកម្ពុជា និងក្រៅប្រទេស ។ នេះបើតាមការចុះផ្សាយរបស់សារព័ត៌មានថៃ ។

កញ្ញា តន់ ចន្ទសីម៉ា និយាយថា នាងសប្បាយចិត្ត ដែលចម្រៀងរបស់ខ្លួនបានធ្វើឱ្យអ្នកស្តាប់ញញឹម និងរីករាយ ហើយនាងក៏សូមអរគុណគ្រប់គ្នាដែលគាំទ្រ និងចូលចិត្តបទចម្រៀងនាងខ្លាំង ។ នាងរីករាយដែលហ្វេនៗនៅប្រទេសថៃ រួមទាំងតារាថៃយកបទចម្រៀងនាងទៅរាំ-ច្រៀងយ៉ាងសប្បាយរីករាយក្នុងអំឡុងឆ្លងឆ្នាំ ។

បច្ចុប្បន្ន មានបទចម្រៀងជាច្រើនទៀតរបស់តារាចម្រៀងនៅកម្ពុជាបានល្បីល្បាញមកដល់ប្រទេសថៃ ហើយបទចម្រៀងដែលហ្វេនៗថៃស្គាល់ច្រើន គឺបទរបស់លោក វណ្ណដា ។ ចុងក្រោយ សារព័ត៌មានថៃ Khaosod សូមផ្តល់កម្លាំងចិត្តឱ្យតារាចម្រៀងកម្ពុជាចេញបទថ្មីៗបន្ថែមទៀតដើម្បីឱ្យហ្វេនៗថៃបានស្តាប់បន្ត ៕

បន្ទាប់ពីតារាចម្រៀង វណ្ណថាន ចេញលិខិតបំភ្លឺជាសាធារណៈនិងចាត់ការតាមប្រព័ន្ធផ្លូវច្បាប់ទាក់ទងនឹងការចោទប្រកាន់របស់ ធីតា ថាបានចម្លងរោគទៅកាន់នាងពេលនេះនារីវ័យក្មេងរូបនេះបានចេញមុខសូមទោសទៅកាន់តារាចម្រៀងរូបនេះចំពោះការចោទប្រកាន់ចម្លង HPV ។ ទោះយ៉ាងណា រូបនាងបានបញ្ជាក់ថានឹងដោះស្រាយតាមច្បាប់ទៅលើរឿងផ្ទាល់ខ្លួនផ្សេងទៀតដោយនាងបានចោ.ទថាចាប់បង្ខំរំលោភបំពានដោយគ្មានករណីលើកលែង។

នៅល្ងាចថ្ងៃទី១៩ ខែធ្នូ ឆ្នាំ២០២៤ គណនីហ្វេកប៊ុក Thida Kol បានបង្ហោះថា «ការផុសមួយនេះជាដំបូងខ្ញុំចង់សូមទោសដល់លោក លី វណ្ណថាន ជាសាធារណៈដែលខ្ញុំបានចោទថាឆ្លងជំងឺHPVពីគាត់ហើយក៏សូមទោសដល់មហាជនដែលធ្វើឱ្យយល់ច្រឡំថាលោក លី វណ្ណថាន មានរោគអ្វីផ្សេងៗ។ ហើយខ្ញុំចង់បញ្ជាក់ពីជំងឺខ្ញុំថាពេលនេះខ្ញុំពិតជាឈឺមែនមិនបានបោកប្រាស់មហាជនឡើយ! នៅមានរឿងផ្ទាល់ខ្លួនផ្សេងទៀតខ្ញុំសូមដោះស្រាយមុខច្បាប់ អរគុណ»។

ឈានចូលថ្ងៃទី២០ ធ្នូ Thida Kol បានបង្ហោះទៀតថា «ខ្ញុំបានចេញបញ្ជាក់ហើយថាខ្ញុំឈឺជាការពិតចំណែកមហារីកវិញស្អែកទើបខ្ញុំពិនិត្យម្តងទៀតដើម្បីឱ្យបងប្អូនបានមើលឱ្យច្បាស់ថាខ្ញុំមិនបានបោកប្រាស់។
ពាក់ព័ន្ធជាមួយរឿងបុគ្គលវិញខ្ញុំសុំបញ្ជាក់ថាខ្ញុំចេញសូមទោសគាត់ជាសាធារណៈតែរឿងជំងឺមួយគត់ រឿងអ្វីផ្សេងទៀតដែលខ្ញុំធ្លាប់បាននិយាយគឺជារឿងពិតទាំងអស់! ព្រោះមានសាក្សីនៅក្នុងផ្ទះនោះមួយដែរ»។

នារីរូបនេះ បានលើក៣ចំណុចជុំវិញរឿងនាងនិងវណ្ណថាន ថា ទី១នាងទទួលកំហុសមុខច្បាប់រឿងជំងឺទាំងអស់ ទី២ នាងស្នើសុំឱ្យ វណ្ណថាន បូកបញ្ចូលក្នុងពាក្យបណ្តឹងផងដែរថាតើពិតជាបានចាប់បង្ខំគេមែនដែរឬទេ ទី៣នាងនឹងដាក់ពាក្យបណ្តឹងរឿងដែលគេបានរំលោភបំពានមកលើនាង។ ធីតា បានសង្កត់ធ្ងន់ថា ចាប់ពីថ្ងៃនេះទៅនាងធ្វើតាមផ្លូវច្បាប់ដោយគ្មានការលើកលែង។

គួរបញ្ជាក់ផងដែរថា ព្រឹកថ្ងៃទី១៩ ធ្នូ តារាចម្រៀង លី វណ្ណថាន បានចេញលិខិតបំភ្លឺជាសាធារណៈទាក់ទងនឹងបញ្ហានេះដោយលោកដោះស្រាយតាមប្រព័ន្ធផ្លូវច្បាប់ដើម្បីស្រោចស្រង់កេរ្តិ៍ឈ្មោះនិងកិត្តិយសរបស់លោកត្រឡប់មកវិញហើយនឹងប្រគល់ជូនលទ្ធផលតេស្តសុខភាពស្អាតស្អំរបស់ខ្លួនទៅកាន់តុលាការ។ លោក ថានេះជារឿងដ៏គួរឱ្យអាម៉ាសបំផុតនៅក្នុងជីវិតខណៈដែលកេរ្តិ៍ឈ្មោះត្រូវបានបង្ខូចបែបនេះ៕

ថ្មីៗនេះទស្សនិកជនជ្រាបមកហើយថាជុំវិញការបញ្ចេញរាងខ្លាំងរបស់ ឡូរីន សង្សារបណ្តូលចិត្តរបស់ វណ្ណដា បានឡើងកម្តៅយ៉ាងខ្លាំងជាមួយនឹង អាចារ្យធំ។ បន្ទាប់ពី ឡូរីន ឆ្លើយតបទៅកាន់ អាចារ្យធំ យ៉ាងចាស់ដៃនិងទទួលបានការផ្ញើសារដោយផ្ទាល់ អាចារ្យធំ ថាលោកមិនខ្វល់នាងតបអ្វីនោះទេព្រោះ ឡូរីន ឱ្យតម្លៃទៅលើការបញ្ចេញរាងរបស់ខ្លួន។ ចំណុចមួយ អាចារ្យធំ បានសរសើរ ឡូរីន ដែលបានតបជាភាសាខ្មែរក្បោះក្បាយគ្រាន់បើជាងអ្នកមួយចំនួនសរសេរអក្សរឡាតាំងប្រឆាំងដូនតា។

ឈានចូលថ្ងៃទី១៩ ខែធ្នូ ឆ្នាំ២០២៤ អាចារ្យធំ បានបង្ហោះរូប៤សន្លឹកដែលមានរូបរបស់ ឡូរីន ចំនួន១ដែលឈរថតបង្អួតរាងនៅមុខកញ្ចក់បញ្ចេញរាងស៊ិចស៊ី និង៣សន្លឹកទៀតគឺជាសំណេររបស់នាងឆ្លើយតបទៅកាន់ អាចារ្យធំ ដែលយករូបភាពនាងមកបង្ហោះជាសាធារណៈនាំឱ្យមានមតិវែកញែក។ ក្នុងការបង្ហោះ អាចារ្យ បានភ្ជាប់មកជាមួយនឹងពាក្យពេចន៍ អរគុណទៅកាន់ ឡូរីន ដែលប្រឹងឆាតនិងប្រឹងតបមកកាន់លោកសរសេរអក្សរខ្មែរបានល្អក្បោះក្បាយណាស់គ្រាន់បើជាងមួយចំនួន «មាត់ថាស្រឡាញ់ជាតិណាស់ ខ្លាចរដ្ឋាភិបាលដាក់បញ្ចូលអក្សរវៀតណាមក្នុងកម្មវិធីសិក្សាជាតិតែបែរជាអត់ចេះសរសេរអក្សរខ្មែរទេ ប្រឹងបំផ្លាញអក្សរមរតកដូនតាទៅសរសេរអក្សរឡាតាំងប្រឆាំងដូនតាវិញ។

អាចារ្យធំ បន្ថែមថាខ្លួនមិនបានខ្វល់ឡូរីន តបអ្វីនោះទេព្រោះនាងឱ្យតម្លៃលើការបញ្ចេញរាងស៊ិចស៊ីបែបនេះ។ អាចារ្យធំ សង្កតធ្ងន់ថា រឿងជាតិធំជាងរឿងនេះនិងបានអរគុណទៅកាន់ហ្វេនដែលស្រលាញ់ជាតិជាងហ្វេនខ្វល់ពីរឿងនេះ។

គួរបញ្ជាក់ផងដែរថា បន្ទាប់ពី ឡូរីន បញ្ចេញរូបស៊ិចស៊ីរបស់ខ្លួន អាចារ្យធំ បានបញ្ចេញកំណាព្យកាបឃ្លោងយ៉ាងក្តៅគគុកទៅកាន់នាង។ អត់ទ្រាំមិនបានចំពោះទង្វើរបស់ អាចារ្យធំ ឡូរីន បានចូលទៅឆ្លើយតបយ៉ាងវែងអន្លាយដោយបញ្ជាក់ថានាងមិនចូលចិត្តអាចារ្យធំជាយូរមកហើយទៅលើអត្តចរិតនិងការជេរប្រមាថខណៈនាងថាឱ្យអាចារ្យធំកុំឱ្យលូកដៃរឿងក្មេងចំណាស់ធ្វើតាគេបានហើយនិងវាយតម្លៃមនុស្សស្រីទៅលើការស្លៀកពាក់៕