ប្រទេសចិន ៖ ទីក្រុងប៉េកាំង ប្រទេសចិន បានអនុញ្ញាតឱ្យផ្តល់សេវាកម្មដឹកអ្នកដំណើរតាមរថយន្តក្រុងសាធារណៈ និងរថយន្តតាក់ស៊ីបើកបរដោយស្វ័យប្រវត្តិ ចាប់ពីថ្ងៃទី១ ខែមេសា ឆ្នាំ២០២៥ តទៅ ដើម្បីលើកកម្ពស់បច្ចេកវិទ្យាបើកបររថយន្តដោយស្វ័យប្រវត្តិឱ្យកាន់តែទូលំទូលាយ និងឈានមុខគេលើពិភពលោក ។

កាលពីដើមខែមករា ឆ្នាំ២០២៥ កាសែត Beijing Deli រាយការណ៍ថា រថយន្តបើកបរដោយស្វ័យប្រវត្តិដែលបានសាកល្បងបើកបរតាមផ្លូវ និងឆ្លងកាត់ការវាយតម្លៃសុវត្ថិភាព គឺអាចដឹកអ្នកដំណើរនៅទីក្រុងប៉េកាំងបាន ។ នៅខែសីហា ឆ្នាំ២០២៤ កន្លងមក ប្រទេសចិនបានអនុញ្ញាតឱ្យក្រុមហ៊ុននានាសាកល្បងបច្ចេកវិទ្យាបើកបរដោយស្វ័យប្រវត្តិរបស់រថយន្តក្រុង និងរថយន្តតាក់ស៊ី នៅទីក្រុងចំនួន១៩ មុនពេលដឹកអ្នកដំណើរជាក់ស្តែង ។

ក្រុមហ៊ុនដែលមានរថយន្តតាក់ស៊ីបើកបរដោយស្វ័យប្រវត្តិច្រើនជាងគេនៅចិន គឺក្រុមហ៊ុន Apollo Go ជាសាខារបស់ Baidu ដែលជាក្រុមហ៊ុនមានបច្ចេកវិទ្យានាំមុខ ។ ក្រុមហ៊ុន Apollo Go មានគម្រោងផ្តល់សេវាកម្មដឹកអ្នកដំណើរតាមរថយន្តតាក់ស៊ីបើកបរដោយស្វ័យប្រវត្តិ ចំនួន១,០០០គ្រឿង នៅទីក្រុងអ៊ូហាន់ នៅឆ្នាំ២០២៥ ។

ចំណែកក្រុមហ៊ុន Pony ដែលបានចុះបញ្ជីនៅទីផ្សារសហរដ្ឋអាមេរិក កាលពីខែវិច្ឆិកា ឆ្នាំ២០២៤ មានគម្រោងពង្រីកការដឹកអ្នកដំណើរតាមរថយន្តតាក់ស៊ីបើកបរដោយស្វ័យប្រវត្តិនៅទូទាំងប្រទេសចិន ចាប់ពី២៥០គ្រឿង នៅឆ្នាំ២០២៥ រហូតដល់ជាង១,០០០គ្រឿងនៅឆ្នាំ២០២៦ ។

ក្រុមហ៊ុនផ្សេងៗ ដូចជា ៖ ក្រុមហ៊ុន WeRide, AutoX និង SAIC Motor ក៏បានស្វែងរកឱកាសផ្តល់សេវាកម្មដឹកអ្នកដំណើរតាមរថយន្តតាក់ស៊ីបើកបរដោយស្វ័យប្រវត្តិនៅទីក្រុងប៉េកាំងផងដែរ ។ រីឯ Tesla ជាក្រុមហ៊ុនផលិតរថយន្តអគ្គិសនីដ៏ល្បីរបស់អាមេរិកបានកំណត់គោលដៅផ្តល់សេវាកម្មរថយន្តបើកបរស្វ័យប្រវត្តិនៅចិន ក្នុងត្រីមាសទី១ ឆ្នាំ២០២៥ ហើយ Tesla នឹងចាប់ផ្តើមផលិតរថយន្តតាក់ស៊ីបើកបរដោយស្វ័យប្រវត្តិ នៅឆ្នាំ២០២៦ ៕

ប្រទេសអ៊ីតាលី ៖ អាជ្ញាធរទីក្រុង Milan នឹងពិន័យជាប្រាក់ពលរដ្ឋណាជក់បារីនៅតាមផ្លូវ ឬទីសាធារណៈ ក្រោយពីប្រទេសអ៊ីតាលីចាប់ផ្តើមអនុវត្តច្បាប់ហាមជក់បារី ចាប់ពីថ្ងៃទី១ ខែមករា ឆ្នាំ២០២៥ តទៅ ។ ការហាមឃាត់ការជក់បារីនៅទីសាធារណៈ គឺជាការលើកកម្ពស់គុណភាពអាកាសធាតុ និងការពារផលប៉ះពាល់សុខភាពពលរដ្ឋ ។

កាលពីថ្ងៃទី២ ខែមករា កន្លងមក សារព័ត៌មាន AFP រាយការណ៍ថា ទីក្រុង Milan នឹងអនុវត្តច្បាប់ហាមជក់បារីយ៉ាងតឹងរ៉ឹង ហើយអ្នកល្មើសច្បាប់នឹងត្រូវបង់ប្រាក់ពិន័យ ចាប់ពី៤១ដុល្លារ ទៅ២៥០ដុល្លារអាមេរិក ពីព្រោះទីក្រុង Milan ផ្តោតសំខាន់លើគុណភាពអាកាសធាតុ និងផលប៉ះពាល់សុខភាពពលរដ្ឋ ។ កាលពីឆ្នាំ២០២០ ទីក្រុងនេះបានរឹតបន្តឹងការជក់បារីកាន់តែខ្លាំង រហូតដល់ឆ្នាំ២០២១ ទីក្រុងនេះក៏ប្រកាសហាមជក់បារីនៅទីសាធារណៈ កន្លែងក្មេងលេង កន្លែងហាត់ប្រាណ និងលើរថយន្តក្រុង ។

ច្បាប់ថ្មីហាមឃាត់ការជក់បារី គឺគ្របដណ្តប់នៅទីសាធារណៈទាំងអស់ រួមទាំងផ្លូវនានាផងដែរ លើកលែងតែបរិវេណនៅឆ្ងាយពីមនុស្សម្នា យ៉ាងហោចណាស់ ១០ម៉ែត្រ ។ អាជ្ញាធរនិយាយថា ការអនុវត្តច្បាប់នេះមានគោលបំណងកែលម្អគុណភាពអាកាសធាតុក្នុងទីក្រុង Milan ដែលមានខ្យល់កខ្វក់បំផុតក្នុងតំបន់អឺរ៉ុប ព្រមទាំងការពារការប៉ះពាល់សុខភាពពលរដ្ឋ ជាពិសេស ការពារក្មេងតូចៗកុំឱ្យហិតផ្សែងបារី ។

ចំណែកលោក Emmanuele Marinoni ម្ចាស់ហាងលក់បារីមួយកន្លែងក្នុងទីក្រុង Milan និយាយថា ការអនុវត្តច្បាប់ថ្មីធ្វើឱ្យអាជីវកម្មពាក់ព័ន្ធនឹងបារីធ្លាក់ចុះ ចាប់ពី២០% ទៅ៣០% បើទោះជាច្បាប់ពុំនេះបានហាមឃាត់បារីអេឡិចត្រូនិកក្តី ។

គួរបញ្ជាក់ថា អ៊ីតាលីបានបង្កើតច្បាប់ហាមជក់បារីលើកដំបូង នៅឆ្នាំ១៩៧៥ គឺហាមជក់បារីនៅផ្លូវដឹកជញ្ជូនសាធារណៈ សាលារៀន និងតំបន់មួយចំនួន ។ នៅឆ្នាំ១៩៩៥ ច្បាប់នេះ ក៏បានពង្រីកតំបន់ហាមឃាត់បន្ថែមទៀត និងនៅឆ្នាំ២០០៥ ច្បាប់ក៏បានហាមឃាត់ការជក់បារីនៅទីសាធារណៈទាំងអស់ ហើយគេចាត់ទុកថា គឺជាច្បាប់ហាមជក់បារីដំបូងគេនៅតំបន់អឺរ៉ុបពេលនោះ ៕

ប្រទេសអ៊ីតាលី ៖ អាជ្ញាធរទីក្រុង Milan នឹងពិន័យជាប្រាក់ពលរដ្ឋណាជក់បារីនៅតាមផ្លូវ ឬទីសាធារណៈ ក្រោយពីប្រទេសអ៊ីតាលីចាប់ផ្តើមអនុវត្តច្បាប់ហាមជក់បារី ចាប់ពីថ្ងៃទី១ ខែមករា ឆ្នាំ២០២៥ តទៅ ។ ការហាមឃាត់ការជក់បារីនៅទីសាធារណៈ គឺជាការលើកកម្ពស់គុណភាពអាកាសធាតុ និងការពារផលប៉ះពាល់សុខភាពពលរដ្ឋ ។

កាលពីថ្ងៃទី២ ខែមករា កន្លងមក សារព័ត៌មាន AFP រាយការណ៍ថា ទីក្រុង Milan នឹងអនុវត្តច្បាប់ហាមជក់បារីយ៉ាងតឹងរ៉ឹង ហើយអ្នកល្មើសច្បាប់នឹងត្រូវបង់ប្រាក់ពិន័យ ចាប់ពី៤១ដុល្លារ ទៅ២៥០ដុល្លារអាមេរិក ពីព្រោះទីក្រុង Milan ផ្តោតសំខាន់លើគុណភាពអាកាសធាតុ និងផលប៉ះពាល់សុខភាពពលរដ្ឋ ។ កាលពីឆ្នាំ២០២០ ទីក្រុងនេះបានរឹតបន្តឹងការជក់បារីកាន់តែខ្លាំង រហូតដល់ឆ្នាំ២០២១ ទីក្រុងនេះក៏ប្រកាសហាមជក់បារីនៅទីសាធារណៈ កន្លែងក្មេងលេង កន្លែងហាត់ប្រាណ និងលើរថយន្តក្រុង ។

ច្បាប់ថ្មីហាមឃាត់ការជក់បារី គឺគ្របដណ្តប់នៅទីសាធារណៈទាំងអស់ រួមទាំងផ្លូវនានាផងដែរ លើកលែងតែបរិវេណនៅឆ្ងាយពីមនុស្សម្នា យ៉ាងហោចណាស់ ១០ម៉ែត្រ ។ អាជ្ញាធរនិយាយថា ការអនុវត្តច្បាប់នេះមានគោលបំណងកែលម្អគុណភាពអាកាសធាតុក្នុងទីក្រុង Milan ដែលមានខ្យល់កខ្វក់បំផុតក្នុងតំបន់អឺរ៉ុប ព្រមទាំងការពារការប៉ះពាល់សុខភាពពលរដ្ឋ ជាពិសេស ការពារក្មេងតូចៗកុំឱ្យហិតផ្សែងបារី ។

ចំណែកលោក Emmanuele Marinoni ម្ចាស់ហាងលក់បារីមួយកន្លែងក្នុងទីក្រុង Milan និយាយថា ការអនុវត្តច្បាប់ថ្មីធ្វើឱ្យអាជីវកម្មពាក់ព័ន្ធនឹងបារីធ្លាក់ចុះ ចាប់ពី២០% ទៅ៣០% បើទោះជាច្បាប់ពុំនេះបានហាមឃាត់បារីអេឡិចត្រូនិកក្តី ។

គួរបញ្ជាក់ថា អ៊ីតាលីបានបង្កើតច្បាប់ហាមជក់បារីលើកដំបូង នៅឆ្នាំ១៩៧៥ គឺហាមជក់បារីនៅផ្លូវដឹកជញ្ជូនសាធារណៈ សាលារៀន និងតំបន់មួយចំនួន ។ នៅឆ្នាំ១៩៩៥ ច្បាប់នេះ ក៏បានពង្រីកតំបន់ហាមឃាត់បន្ថែមទៀត និងនៅឆ្នាំ២០០៥ ច្បាប់ក៏បានហាមឃាត់ការជក់បារីនៅទីសាធារណៈទាំងអស់ ហើយគេចាត់ទុកថា គឺជាច្បាប់ហាមជក់បារីដំបូងគេនៅតំបន់អឺរ៉ុបពេលនោះ ៕

នៅថ្ងៃទី២ និងទី៣ ខែមករា ឆ្នាំ២០២៥ នេះលោកអ្នកនឹងអាចមើលឃើញទេពច្យុតហោះឆ្លងកាត់លើផ្ទៃមេឃនាពេលរាត្រីបានយ៉ាងច្បាស់ ដោយអាចមើលឃើញបានរហូតដល់ ១១០ អាចម៍ផ្កាយក្នុងមួយម៉ោងឯណោះ ដែលនេះគឺជាព្រឹត្តិការណ៍ដ៏កម្រមួយកើតឡើងតែម្តងគត់ក្នុងរយៈពេល ៧៨០ ថ្ងៃ។

ទេពច្យុត ឬអាចម៍ផ្កាយគឺជាបំណែកឬកម្ទេចកម្ទីដែលរសាត់អណ្តែតជុំវិញព្រះអាទិត្យ នៅពេលផែនដីគោចរកាត់កម្ទេចកម្ទីទាំងនេះ ពួកវាក៏ត្រូវធ្លាក់ចូលក្នុងស្រទាប់បរិយាកាសភពយើង ហើយកកិតឆេះក្នុងល្បឿនយ៉ាងលឿន ដែលបង្កើតទៅជាផ្កាយដុះកន្ទុយជាច្រើននៅលើផ្ទៃមេឃ។

ដូច្នេះកុំភ្លេចចូលរួមទស្សនាទាំងអស់គ្នា ដែលព្រឹត្តិការណ៍ដ៏អស្ចារ្យនេះកើតឡើងប្រហែលម៉ោង ៤ រសៀលដល់ម៉ោង ៧ យប់ដែលជាម៉ោងសកល។ ទោះជាយ៉ាងណាប្រសិនបើអ្នកខកខានមើលព្រឹត្តិការណ៍នេះ លោកអ្នកក៏អាចរង់ចាំទស្សនាព្រឹត្តិការណ៍តារាសាស្ត្រមួយផ្សេងទៀតគឺភពទាំង ៧ តម្រៀបគ្នាលើមេឃ ដែលនឹងលេចឡើងនៅថ្ងៃទី២១ ខែមករា ឆ្នាំ២០២៥។

ភពទាំងនោះរួមមាន៖ ភពពុធ ភពសុក្រ ភពអង្គារ ភពព្រហស្បតិ៍ ភពសៅរ៍ ភពអ៊ុយរ៉ានុស និងភពណិបទូន នឹងបង្ហាញខ្លួនក្នុងពេលតែមួយនៅលើមេឃ ដែលមនុស្សជុំវិញពិភពលោកអាចមើលឃើញដោយភ្នែកទទេបាន ដែលនេះគឺជាព្រឹត្តិការណ៍តារាសាស្ត្រដ៏អស្ចារ្យបំផុតមួយមិនធ្លាប់មាន។ ព្រឹត្តិការណ៍នេះត្រូវាបានគេស្គាល់ថាជាបាតុភូតក្បួនដង្ហែរបស់ភព ដែលលោកអ្នកអាចមើលភពទាំងនេះបាន នៅម៉ោងប្រហែល ៨:៣០ នាទីយប់ចាប់ពីថ្ងៃទី២១ ខែមករាដល់ថ្ងៃទី ២១ ខែកុម្ភៈពេញមួយខែតែម្តង៕