ស្បែកជើងគឺជារបស់ប្រើប្រាស់ដ៏ចាំបាច់បំផុតមួយដែលមិនអាចខ្វះបាន ព្រោះវាអាចជួយការពារកម្តៅថ្ងៃ និងភាពកខ្វក់ដែលមកប៉ះពាល់ជើងរបស់យើង។ ស្បែកជើងមានសារៈសំខាន់ណាស់ និងមានតម្លៃខុសៗគ្នាទៅតាមម៉ូដនីមួយៗ ដោយស្បែកជើងមួយគូនេះមានតម្លៃរហូតដល់ ១៩.៩ លានដុល្លារអាមេរិក ត្រូវបានគេចាត់ទុកថា ជាស្បែកជើងថ្លៃជាងគេបំផុតនៅលើពិភពលោក។ ដូច្នេះហើយតើវាមានលក្ខណៈពិសេសបែបណា ទើបស្បែកជើងមួយគូនេះមានតម្លៃខ្ពស់ខ្លាំងបែបនេះ?

«Moon Star Shoes» ដែលជាស្បែកជើងថ្លៃជាងគេបំផុតក្នុងពិភពលោក ត្រូវបានដាក់តាំងបង្ហាញនៅឯកម្មវិធី MIDE (Made in Italy, Designed in Emirates) Fashion Week ដែលប្រារព្ធឡើងនៅលើទូកកម្សាន្តក្នុងទីក្រុងឌូបៃ កាលពីឆ្នាំ ២០១៩។ រហូតមកបច្ចុប្បន្ននេះស្បែកជើង Moon Star នៅតែជាប់កំណត់ត្រាជាស្បែកជើងថ្លៃជាងគេបំផុតរបស់ពិភពលោក ដោយមិនមានស្បែកជើងណាអាចប្រជែងបានឡើយ។ មូលហេតុដែលស្បែកជើងកែងមួយគូនេះមានតម្លៃខ្ពស់ គឺដោយសារវាត្រូវបានផលិតចេញពីមាសដ៏រឹងមាំ និងតុបតែងដោយត្បូងពេជ្រ ៣០ ការ៉ាត់។

បន្ថែមពីលើនេះវាក៏រួមបញ្ចូលនូវសម្ភារៈពិសេស និងកម្រមួយចំនួនផងដែរ ដូចជាបំណែកនៃអាចម៍ផ្កាយមកពីប្រទេសអាហ្សង់ទីន ដែលមានអាយុកាលតាំងពីឆ្នាំ ១៥៧៦ មកម្លេះ។ ស្បែកជើង Moon Star រចនាឡើងដោយ Antonio Vietri លក់ក្នុងតម្លៃ ១៩.៩ លានដុល្លារ។ Vietri ត្រូវបានគេស្គាល់ថាជាអ្នកផលិតស្បែកជើងមាស ២៤k ដំបូងបង្អស់របស់ពិភពលោកក្នុងឆ្នាំ ២០១៧ ហើយបន្តផលិតស្បែកមាសជាបន្តបន្ទាប់ដោយបានបំបែកកំណត់ត្រាច្រើនជាងគេ។

ក្រៅពីស្បែកជើង Moon Star ស្បែកជើង Jada Dubai ក៏ជាប់ឈ្មោះជាស្បែកជើងថ្លៃជាងគេទីពីរនៅលើពិភពលោកផងដែរ។ ជាមួយតម្លៃជាង ៧ លានដុល្លារអាមេរិកស្បែកជើង Jada Dubai ត្រូវបានផលិតឡើងដោយវត្ថុធាតុដើមដ៏ប្រណិតដែលប្រើប្រាស់ក្នុងការបង្កើតវាឡើងចេញពីមាសពិត និងតុបតែងដោយត្បូងពេជ្រជិត ២៤០គ្រាប់ រួមទាំងពេជ្រ ១៥ ការ៉ាត់ D-flawless ចំនួនពីរដែលលេចធ្លោនៅម្រាមជើង។ ស្បែកជើងនេះត្រូវបានបង្ហាញជាលើកដំបូងនៅ Burj Al Arab ដែលជាសណ្ឋាគារលំដាប់ផ្កាយ ៧ តែមួយគត់នៅលើពិភពលោក៕

ប្រទេសចិន ៖ នៅដើមឆ្នាំ២០២៥ រដ្ឋាភិបាលចិនបានប្រកាសដំឡើងប្រាក់ខែមន្ត្រីរាជការដើម្បីជំរុញសេដ្ឋកិច្ច, បង្កើនការចាយវាយក្នុងប្រទេស និងត្រៀមខ្លួនទប់ទល់សង្គ្រា.ម ពាណិជ្ជកម្មជាមួយសហរដ្ឋអាមេរិក ក្នុងអាណត្តិលោក Donald Trump ក្លាយជាប្រធានាធិបតី ។ ប៉ុន្តែមន្ត្រីរាជការភាគច្រើននិយាយថា រដ្ឋាភិបាលដំឡើងប្រាក់ខែតិចពេក ។

កាលពីថ្ងៃទី២ ខែមករា ឆ្នាំ២០២៥ សារព័ត៌មាន Bloomberg រាយការណ៍ថា ចិនបានដំឡើងប្រាក់ខែ៦៩ដុល្លារអាមេរិក ឱ្យគ្រូបង្រៀន សមត្ថកិច្ច និងមន្ត្រីរាជការទូទៅ ប្រមាណ១,៤០០លាននាក់នៅដើមឆ្នាំ២០២៥ ដោយគិតចាប់ពីខែកក្កដា ឆ្នាំ២០២៤ ហើយការដំឡើងប្រាក់ខែមន្ត្រីរាជការពុំស្មើគ្នាទេ និងអាស្រ័យលើប្រាក់ខែគោល ។ រដ្ឋាភិបាលធ្លាប់ដំឡើងប្រាក់ខែមន្ត្រីរាជការជាទ្រង់ទ្រាយធំកាលពីឆ្នាំ២០១៥ បន្ទាប់មក នៅឆ្នាំ២០១៨ និងឆ្នាំ២០២១ ។

ការជំរុញការចំណាយក្នុងស្រុក គឺជាគោលនយោបាយសំខាន់សម្រាប់ឆ្នាំ២០២៥ របស់រដ្ឋាភិបាល ដើម្បីដោះស្រាយបញ្ហាវិបត្តិសេដ្ឋកិច្ចអូសបន្លាយតាំងពីឆ្នាំ១៩៩៩ ។ ក្រៅពីនេះ រដ្ឋាភិបាលបានកាត់បន្ថយអត្រាការប្រាក់, កំណត់វិធានការជំរុញវិស័យអចលនទ្រព្យ និងចែកប្រាក់ឱ្យពលរដ្ឋ ។ នេះបើតាមការលើកឡើងរបស់ប្រធានាធិបតីចិន លោក ស៊ី ជិនពីង ។

រដ្ឋាភិបាលបានផ្តល់ប្រាក់ឧបត្ថម្ភដល់គ្រួសារពលរដ្ឋមានប្រាក់ចំណូលទាបដើម្បីស្ថិរភាពសង្គម ដោយសារការដាក់សម្ពាធសេដ្ឋកិច្ចពេញមួយឆ្នាំ ។ កាលពីថ្ងៃទី៣១ ខែធ្នូ ឆ្នាំ២០២៤ រដ្ឋាភិបាលបានប្រកាសផ្តល់ប្រាក់ដល់គ្រួសារមានកូនច្រើន និងស្នើឱ្យអាជ្ញាធរមូលដ្ឋានចែកប្រាក់ដល់ពលរដ្ឋក្រីក្រក្នុងឆ្នាំថ្មី ។

ប៉ុន្តែគ្រូបង្រៀនម្នាក់រស់នៅភាគខាងកើតប្រទេសចិននិយាយថា ប្រាក់ខែដែលរដ្ឋាភិបាលដំឡើងឱ្យនេះ គឺតិចជាងប្រាក់ Bonus ដែលរដ្ឋាភិបាលបានកាត់បន្ថយក្នុងរយៈពេលជាច្រើនឆ្នាំ ។ រីឯមន្ត្រីរាជការម្នាក់ទៀតប្រាប់ថា ការដំឡើងប្រាក់ខែ គឺតិចជាងប្រាក់ខែរបស់ខ្លួនដែលត្រូវបានកាត់បន្ថយ ។

កាលពីខែធ្នូ ឆ្នាំ២០២៤ គណៈកម្មការគណបក្សកុម្មុយនិស្តចិនឱ្យដឹងថា ការដំឡើងប្រាក់ខែមន្ត្រីរាជការ មិនត្រឹមតែជំរុញការចាយវាយក្នុងស្រុកប៉ុណ្ណោះទេ ប៉ុន្តែជាការស្តារសេដ្ឋកិច្ចឡើងវិញ ។ លើសពីនេះ វាជាការត្រៀមខ្លួនរបស់ចិនពេលលោក Trump ត្រឡប់មកកាន់តំណែងប្រធានាធិបតីអាមេរិក ដែលលោកតាំងចិត្តដំឡើងពន្ធទំនិញចិននាំចូលអាមេរិក ៕

ពេជ្រគឺជាវត្ថុដ៏មានតម្លៃបំផុតមួយរបស់ពិភពលោក ដោយសារវាជារបស់កម្រ មិនមែនចេះតែរកឃើញរហូតនោះទេ។ ត្បូងពេជ្រផ្តល់នូវចំនុចប្រសព្វតែមួយគត់នៃភាពស្រស់ស្អាត ភាពទាក់ទាញ ជាមួយពន្លឺភ្លឺចែងចាំង និងការវិនិយោគដ៏មានសក្តានុពល។ ត្បូងពេជ្រគឺមានតម្លៃថ្លៃខ្លាំងណាស់ បើធៀបនឹងមាស ទោះជាយ៉ាងណាពេជ្រទាំង ៥ នេះគឺមានតម្លៃថ្លៃជាងពេជ្រផ្សេងៗទៅទៀត ដោយសារតែត្បូងខ្លះ ត្រូវការចំណាយពេលយូរក្នុងការស្រាវជ្រាវ និងជាវត្ថុកម្រ ក៏ដូចជាត្រូវការអ្នកជំនាញដែលមានបទពិសោធន៍ខ្ពស់ ដើម្បធ្វើការសម្រេចចិត្តប្រកបដោយការយល់ដឹងក្នុងការកសាងបណ្តុំ ដែលធានាទាំងភាពស្រស់ស្អាត និងហិរញ្ញវត្ថុ ទើបត្បូងពេជ្រទាំង ៥ នេះត្រូវបានគេចាត់ទុកថា ជាពេជ្រថ្លៃបំផុតនៅលើពិភពលោក។

១.ត្បូងពេជ្រ Kohinoor៖ គឺជាត្បូងដែលមិនអាចកាត់ថ្លៃបាន ជាមួយនឹងប្រវត្តិសាស្រ្តដ៏សម្បូរបែប ដែលមានរយៈពេលរាប់សតវត្សមកហើយ។ ដើមឡើយត្បូងពេជ្រនេះមានទម្ងន់ ៧៩៣ ការ៉ាត់ ប៉ុន្តែវាត្រូវបានកាត់ និងប៉ូលាទៅជាទម្រង់ ១០៥.៦ ការ៉ាត់វិញ។ បច្ចុប្បន្នពេជ្រមួយនេះមានតម្លៃជាង ៥០០ លានដុល្លារ កំពុងស្ថិតនៅក្នុងមកុដរបស់ម្ចាស់ក្សត្រីអង់គ្លេស Elizabeth គឺជានិមិត្តសញ្ញានៃអំណាច ភាពវៃឆ្លាត និងភាពរុងរឿងដែលមិនអាចប្រៀបផ្ទឹមបាន។

២.ត្បូងពេជ្រ Cullinan៖ គឺជាពេជ្ររដុបធំបំផុតមិនធ្លាប់មាន ដែលត្រូវបានគេជីកយកនៅអាហ្រ្វិកខាងត្បូងក្នុងឆ្នាំ ១៩០៥ ជាមួយទម្ងន់ ៣,១០៦ ការ៉ាត់។ បច្ចុប្បន្នពេជ្រនេះមានតម្លៃ ៤០០ លានដុល្លារ ត្រូវបានគេស្គាល់ថា ‘The Great Star of Africa’ ដែលជាពេជ្រដាក់នៅលើដំបងរបស់ស្តេចអង់គ្លេស Charles III និងជាផ្នែកមួយនៃគ្រឿងអលង្ការផ្ទាល់ខ្លួនរបស់ម្ចាស់ក្សត្រី Elizabeth II គឺជានិមិត្តសញ្ញានៃឋានៈខ្ពង់ខ្ពស់។

៣.The Hope Diamond៖ គឺជាពេជ្រដែលមានភាពល្បីល្បាញដោយសារពណ៌ខៀវល្អឥតខ្ចោះ និងជាពេជ្រថ្លៃបំផុតមួយរបស់ពិភពលោក ដែលមានតម្លៃប៉ាន់ស្មានពី ២៥០ ទៅ ៣៥០ លានដុល្លារអាមេរិក។ បច្ចុប្បន្នពេជ្រនេះគឺជាគ្រឿងអលង្ការដ៏អស្ចារ្យបំផុតរបស់ស្តេចអង់គ្លេស ជាមួយប្រវត្តិដ៏សម្បូរបែប ពណ៌ដ៏កម្រ និងរឿងព្រេងរបស់វារួមចំណែកដល់ការទាក់ទាញ និងតម្លៃពិសេស។

៤.De Beers Centenary Diamond៖ គឺជាពេជ្រមួយក្នុងចំណោមពេជ្រថ្លៃបំផុតរបស់ពិភពលោក ដែលត្រូវបានរកឃើញក្នុងឆ្នាំ ១៩៨៦ នៅ Premier Mine របស់អាហ្វ្រិកខាងត្បូង។ ពេជ្ររដុប ៥៩៩ ការ៉ាត់នេះត្រូវបានអ្នកជំនាញកាត់ចូលទៅក្នុងត្បូងដែលមានរាងដូចបេះដូងទំហំ ២៧៣.៨៥ ការ៉ាត់ ជាមួយតម្លៃជាង ១០០ លានដុល្លារអាមេរិក។

៥.The Pink Star Diamond៖ គឺជាត្បូងដ៏អស្ចារ្យទំហំ ៥៩.៦០ ការ៉ាត់ ដែលមានភាពទាក់ទាញជាមួយនឹងទំហំដ៏ស្រឡូន ពណ៌ផ្កាឈូករស់រវើក និងភាពច្បាស់ឥតខ្ចោះរបស់វា។ ត្បូងដ៏ល្អឯកនេះត្រូវបានគេជីកយកក្នុងឆ្នាំ ១៩៩៩ នៅទ្វីបអាហ្វ្រិកជាមួយទម្ងន់ ១៣២.៥ ការ៉ាត់។ នៅក្នុងខែមេសា ឆ្នាំ ២០១៧ Pink Star ត្រូវបានគេដេញថ្លៃរហូតដល់ ៧១.៥ លានដុល្លារក្នុងទីក្រុងហុងកុង ដែលបង្ហាញភាពស្រស់ស្អាត និងកម្រមាន ធ្វើឱ្យវាក្លាយជាពេជ្រថ្លៃបំផុតដែលមិនធ្លាប់មានលក់នៅឯការដេញថ្លៃរបស់ពិភពលោក និងជាពេជ្រដែលមិនអាចប្រៀបផ្ទឹមបាន៕