តារាសម្តែង Yoo Yeon Seok និង Chae Soo Bin តួឯកក្នុងរឿងភាគដ៏ល្បីល្បាញ When the Phone Rings បានឈ្នះពានរង្វាន់ជាមួយគ្នាក្នុងកម្មវិធីប្រគល់ពានរង្វាន់ MBC Drama Awards 2024។ ទោះបីជាកម្មវិធីផ្សាយផ្ទាល់ត្រូវបានលុបចោលប៉ុន្តែបញ្ជីឈ្មោះអ្នកពានរង្វាន់ត្រូវបានបង្ហាញខណៈអ្នកទាំងពីរបានឈ្នះពានរង្វាន់ម្នាក់មួយផ្សេងទៀត។

នៅថ្ងៃទី៣០ ខែធ្នូ ក្នុងកម្មវិធីប្រគល់ពានរង្វាន់ MBC Drama Awards 2024 ត្រូវបានលុបចោលការផ្សាយបន្តផ្ទាល់ដោយសារតែសោកនាដកម្មនៃការធ្លាក់យន្តហោះ Jeju Air កាលពីថ្ងៃទី២៩ ខែធ្នូ ដែលបណ្តាលឱ្យបាត់បង់អាយុជីវិតមនុស្ស១៧៩នាក់ និងមានមនុស្សពីរនាក់នៅមានជីវិត ខណៈប្រទេសកូរ៉េខាងត្បូងបានប្រកាសកាន់ទុក្ខរយៈពេល១សប្តាហ៍ជាហេតុកម្មវិធីមួយចំនួនត្រូវបានលុបចោល។

ទោះយ៉ាងណាបញ្ជីឈ្មោះអ្នកឈ្នះពានរង្វាន់ MBC Drama Awards ឆ្នាំ២០២៤ ត្រូវបានចែកចាយនៅថ្ងៃទី៣០ ខែធ្នូនេះដោយគេឃើញឈ្មោះតារាសម្តែង Yoo Yeon Seok និង Chae Soo Bin បានឈ្នះពានរង្វាន់ Best Couple នៅក្នុងរឿងភាគ «When the Phone Rings» ដែលអ្នកទាំងពីរបានដើរតួជា Baek Sa Eon និង Hong Hee Joo ជាប្តីប្រពន្ធនឹងគ្នាក្នុងសាច់រឿង។ បើតាមការចែករំលែកលើប្រព័ន្ធអ៊ីនធឺណិតតារាសម្តែង Chae Soo Bin ក៏បានប្រើភាសាសញ្ញាសម្រាប់អរគុណទស្សនិកជនផងដែរ។

ក្រៅពីពានរង្វាន់គូស្នេហ៍ល្អផ្តាច់គេ Yoo Yeon Seok បានឈ្នះពានរង្វាន់ Top Excellence Award ចំណែកឯ Chae Soo Bin ក៏បានឈ្នះពានរង្វាន់ Excellence Award សម្រាប់តារាសម្តែងស្រី នៅក្នុងខ្សែភាពយន្តខាងលើផងដែរ។ ការឈ្នះពានរង្វាន់របស់តារាសម្តែងទាំងពីររូបបានធ្វើឱ្យអ្នកគាំទ្រសម្តែងនូវអារម្មណ៍រំភើបចិត្តយ៉ាងខ្លាំង។

គួរឱ្យកត់សម្គាល់ថា Yoo Yeon Seok និង Chae Soo Bin គឺជាគូនៅក្នុងរឿងភាគកូរ៉េដែលមានការសម្តែងស៊ីចង្វាក់គ្នាយ៉ាងខ្លាំងទាំងនៅក្នុងរឿងហើយនៅក្រៅរឿងក៏អ្នកទាំងពីរមានភាពស៊ីចង្វាក់គ្នារហូតអ្នកគាំទ្រពេញចិត្តឱ្យពួកគេក្លាយជាគូស្នេហ៍ពិតប្រាកដផងដែរ៕

Liu Yifei ជាតារាស្រីម្នាក់ក្នុងអាជីពសិល្បៈចិនអស់រយៈពេល២០ឆ្នាំមកហើយ។ តារាស្រីរូបនេះជារឿយៗត្រូវបានអ្នកគាំទ្រតែងតែការពារពីសំណាក់មហាជនដោយសារតែរូបសម្រស់ស្រស់ស្អាតរបស់នាង។ ថ្មីៗនេះ សម្រស់ធម្មជាតិរបស់តារាស្រីរូបនេះត្រូវបានបញ្ជាក់បន្ថែម នៅពេលដែលរូបថតដ៏កម្រកាលពីសិក្សានៅអាម៉េរិកចែកចាយលើបណ្តាញសង្គម។

យោងតាម QQ អតីតមិត្តរួមថ្នាក់របស់ Liu Yifei បានចែករំលែករូបថតមួយកាលលពីនាងអាយុ ១២ ឆ្នាំ។ រូបថតនេះត្រូវបានគេរាយការណ៍ថាថតនៅខែតុលា ឆ្នាំ១៩៩៩ នៅសហរដ្ឋអាម៉េរិក នៅពេលនោះ Liu Yifei មានភាពស្រស់ស្អាតរួចទៅហើយ ដោយគ្រូរបស់នាងបានពេញចិត្តនាងដោយដាក់នាងនៅចំកណ្តាលសម្រាប់រូបថតក្នុងថ្នាក់។ អ្វីដែលគួរឱ្យកត់សម្គាល់នោះ មិត្តរួមថ្នាក់របស់នាងក៏បានទម្លាយថា Liu Yifei មិនត្រឹមតែជាតារាក្នុងថ្នាក់ប៉ុណ្ណោះទេ ប៉ុន្តែថែមទាំងជាតារាប្រចាំសាលាតាំងពីមធ្យមសិក្សាផងដែរ។ រូបថតនិងព័ត៌មានដែលពីមុនមិនបានផ្សព្វផ្សាយអំឡុងពេល Liu Yifei នៅសហរដ្ឋអាម៉េរិក បានសាយភាយពេញបណ្ដាញសង្គម។

អ្នកនិយមលេងអ៊ីនធឺណិតសរសើរពីភាពទាក់ទាញរបស់តារារូបនេះតាំងពីក្មេង។ Liu Yifei បានផ្លាស់ទៅរស់នៅសហរដ្ឋអាម៉េរិកក្នុងឆ្នាំ១៩៩៧ បន្ទាប់ពីឪពុកម្តាយរបស់នាងបានលែងលះគ្នា។ ម្ដាយរបស់នាងបានរៀបការជាមួយមេធាវីជនជាតិអាម៉េរិកដើមកំណើតចិនដ៏មានស្ដុកស្ដម្ភម្នាក់ ដែលបានចាត់ទុកនាងដូចជាកូនស្រីរបស់ខ្លួន។ លោកបានចុះឈ្មោះ Liu Yifei នៅក្នុងសាលាល្អបំផុត ថែមទាំងជួលសិស្សនៅ Harvard ឱ្យបង្រៀននាងជាភាសាអង់គ្លេសទៀតផង។ ឪពុកទី២របស់តារាស្រីនេះក៏បានគាំទ្រនាងក្នុងការស្វែងរកទេពកោសល្យដូចជាព្យាណូ និងរាំរបាំបាឡេ។ ក្នុងឆ្នាំ ២០០២ Liu Yifei បានត្រឡប់មកប្រទេសចិនវិញ ហើយចូលប្រឡូកក្នុងអាជីពសិល្បៈដោយមានការគាំទ្រពីមហាសេដ្ឋី Chen Jinfei ។

សព្វថ្ងៃនេះ Liu Yifei គឺជាឈ្មោះដ៏ពេញនិយមបំផុតមួយនៅក្នុងទូរទស្សន៍ចិន។ នាងមានរឿងភាគល្បីៗជាច្រើនក្នុងរយៈពេលបួនឆ្នាំកន្លងមកនេះដូចជា «Meet Yourself» និង «The Tale of Rose»។ នៅឯកម្មវិធី Tencent White Book Entertainment Awards នៅថ្ងៃទី២៥ ខែធ្នូ ការសំដែងរបស់ Liu Yifei ជាតួអង្គ Huang Yimei ក្នុងរឿង “The Tale of Rose” បានជាប់ចំណាត់ថ្នាក់កំពូលតារាងសម្រាប់តារាសម្តែង និងរឿងភាគទូរទស្សន៍ដែលពេញនិយមបំផុតក្នុងឆ្នាំ ២០២៤។

ទាក់ទងនឹងជីវិតផ្ទាល់ខ្លួនរបស់នាង Liu Yifei មានពាក្យចចាមអារ៉ាមថាកំពុងមានទំនាក់ទំនងស្នេហាជាមួយ Li Xian ដែលជាតួឯកប្រុសក្នុងរឿង «Meet Yourself»។ ថ្មីៗនេះ អ្នកទាំងពីរបានធ្វើឱ្យមានការរំជើបរំជួលដោយចូលរួមក្នុងកម្មវិធីខួបកំណើតកូនស្រីរបស់ Li Xiang ។ ចំពេលមានពាក្យចចាមអារ៉ាមទាក់ទងនឹងស្នេហា អ្នកទាំងពីរមិនបានធ្វើអត្ថាធិប្បាយលើរឿងនេះឡើយ៕

នៅថ្ងៃទី៣០ ខែធ្នូ ប្រធានបទរបស់តារាសម្តែង Park Sung-hoon បានល្បីល្បាញពេញប្រព័ន្ធអ៊ីនធឺណិតប៉ុន្តែមិនមែនជារឿងល្អនោះទេពោលគឺតារាសម្តែងដែលទើបលេចមុខក្នុង ភាពយន្ត «Squid Game» រដូវកាលទី២ រងការរិះគន់ចាស់ដៃព្រោះតែបង្ហោះរូបមិនបានពិនិត្យចែករំលែករឿងអាសអាភាសយកលំនាំ «Squid Game»។

យោងតាមការបង្ហោះនោះ Park Sung-hoon បានបង្ហោះរូបភាព Cover «Squid Game» AV (វីដេអូ១៨បូក) នៅលើគណនីប្រព័ន្ធផ្សព្វផ្សាយសង្គមរបស់ខ្លួនតែ លុបវាចោលភ្លាមៗ។ រូបភាពនោះបានលាតត្រដាងបង្ហាញពីតួស្រី AV ជនជាតិជប៉ុនមានរូបអាក្រាតដែលមានរូបភាពដូចទៅនឹង «Squid Game» របស់ Netflix ។ តារាប្រុសរូបនេះ បានបង្ហោះរូបភាពដែលមិនបានពិនិត្យឡើយ។

ការបង្ហោះនេះទទួលបានការចាប់អារម្មណ៍យ៉ាងខ្លាំង ដោយមានមតិភាគច្រើនរិះគន់ទង្វើរបស់តារារូបនេះបានបានលើកឡើងថា Park Sung-hoon ល្អមួយរយៈចុងក្រោយនេះ ប៉ុន្តែឥឡូវត្រូវខូចមុខមាត់អាប់កិត្តិយសដោយសារការធ្វេសប្រហែលមួយពេល។

ក្រោយមកនៅថ្ងៃដដែលនោះ ទីភ្នាក់ងាររបស់ Park Sung-hoon បានចេញការឆ្លើយតបជាផ្លូវការចំពោះភាពចម្រូងចម្រាសនេះ ដោយបញ្ជាក់ថា «ខណៈពេលដែលកំពុងពិនិត្យមើលសារផ្ទាល់ជាច្រើន (DMs) Park Sung-hoon បានចុចខុសអ្វីមួយ ដែលបណ្តាលឱ្យរូបភាពត្រូវបានបង្ហោះទៅ Story របស់លោក តារាសម្ដែងភ្ញាក់ផ្អើល ហើយលុបចោលភ្លាម។ បច្ចុប្បន្ននេះលោកកំពុងតែឆ្លុះបញ្ចាំងពីសកម្មភាពរបស់ខ្លួន»។

Park Sung-hoon ថ្មីៗនេះបានបង្ហាញខ្លួនជា «Player 120» ជាស្ត្រីកែភេទដែលកំពុងស្វែងរកប្រាក់សម្រាប់ការវះកាត់របស់នាងនៅក្នុងស៊េរី Netflix «Squid Game Season 2»។ ជាមួយនឹងការសម្តែងដ៏ល្អរបស់ Park Sung-hoon ទទួលបានការសរសើរយ៉ាងច្រើន។ ទោះជាយ៉ាងណាក៏ដោយ សកម្មភាពថ្មីៗរបស់លោកបានធ្វើឱ្យមានប្រតិកម្មមិនល្អកើតឡើង៕