សែរាជវង្សខ្មែរមួយអង្គដែលចម្រើនវ័យជាមួយនឹងរូបរាងដ៏ស្រស់សង្ហារគឺ អ្នកអង្គម្ចាស់ នរោត្តម រស្មីខែមុន្នី។ ក្នុងឆ្នាំនេះ អ្នកអង្គម្ចាស់មានព្រះជន្ម ២៧ ព្រះវស្សាហើយ ដែលទ្រង់សព្វព្រះទ័យយ៉ាងខ្លាំងនិងមានទេពកោសល្យលើវិស័យសិល្បៈ ជាពិសេសគឺការច្រៀងនិងការសម្តែង។

អ្នកអង្គម្ចាស់ នរោត្តម រស្មីខែមុន្នី ជាព្រះរាជនត្តា(ចៅប្រុស) នៃព្រះបរមរតនកោដ្ឋ ព្រះបាទសម្ដេចព្រះនរោត្ដម សីហនុ ពោលទ្រង់គឺជា ព្រះបុត្រា នៃសម្ដេចរាជបុត្រី ព្រះអនុជ នរោត្តម អរុណរស្មី និងឯកឧត្ដម កែវ ពុធរស្មី។

បើក្រឡេកទៅកាន់គណនីផ្លូវការរបស់អ្នកអង្គម្ចាស់វិញ ទ្រង់តែងដាក់បង្ហោះព្រះឆាយាលក្ខណ៍និងវីដេអូជាច្រើនដែលមានខ្លឹមសារទាក់ទងនឹងតូរ្យតន្ត្រីនិងបទចម្រៀង។ នាពេលកន្លងមកនេះ ភាពយន្ត Hollywood ដ៏ល្បីមួយក្រោមចំណោមជើងថា «១៦០០ VINE» ដែលមានស្នាព្រះហស្តសម្តែងជាតួអង្គឯកដោយអ្នកអង្គម្ចាស់ផ្ទាល់ទៀតផង។ សម្រាប់ព្រឹត្តិការណ៍សាទរកម្ពុជា ដែលនឹងព្រឹត្តិឡើងនាថ្ងៃទី ៣១ ខែធ្នូនេះ ក៏រួមព្រះវត្តមានដ៏ខ្ពង់ខ្ពស់ពីអ្នកម្ចាស់ផងដែរ ដែលបានបង្កមហាជនខ្មែរភាគច្រើនមានការចាប់អារម្មណ៍ខ្លាំង។

សូមជម្រាបថា អ្នកអង្គម្ចាស់ បានបញ្ចប់ការសិក្សាដោយជោគជ័យ នៅសហរដ្ឋអាមេរិក ក្នុងឆ្នាំ២០១៧ នៅឯ (American Academy of Dramatic Arts) នៅទីក្រុងLos Angeles។ ទ្រង់បានប្រសូតនៅទីក្រុងចាកាតា ពេលដែលព្រះបិតារបស់ទ្រង់បានធ្វើជាទូតកម្ពុជា ប្រចាំប្រទេសឥណ្ឌូណេស៊ី។ បន្ទាប់មក អ្នកអង្គម្ចាស់នរោត្ដម រស្មីខែមុន្នី ក៏បានសិក្សានៅទីក្រុង Kuala Lumpur និងទីក្រុង ប៊ែកឡាំង។ ពេលទ្រង់យាងត្រឡប់មកកម្ពុជា ទ្រង់ក៏បានបញ្ចប់ការសិក្សាដោយជោគជ័យនៅសាលាអន្តរជាតិភ្នំពេញ (ISPP) មុនពេលទ្រង់បានផ្លាស់ទៅបន្តការសិក្សានៅសហរដ្ឋអាមេរិក។

ទ្រង់បានទទួលគោរមងារជា អ្នកអង្គម្ចាស់នរោត្ដម រស្មីខែមុន្នី ពីព្រះមហាក្សត្រនៃព្រះរាជាណាចក្រកម្ពុជា សម្ដេចព្រះបរមនាថនរោត្ដម សីហមុនី ដែលត្រូវជាព្រះបិតុលារបស់ទ្រង់។ កាលទ្រង់នៅវ័យកុមារ ត្រូវបានសម្ដេចព្រះបរមរតនកោដ្ឋ ព្រះបាទសម្ដេចនរោត្ដមសីហនុ សព្វព្រះរាជហរទ័យជាខ្លាំង ទៅលើទេពកោសល្យផ្នែកតន្ត្រីរបស់ទ្រង់។ បើតាមការចុះផ្សាយរបស់ Royal du Cambodge នាពេលកន្លងទៅ៕

ជឿជាក់ថាមហាជនភាគច្រើនប្រាកដជាបានជ្រាបយ៉ាងច្បាស់ហើយ អ្នកឧកញ៉ាគិត ម៉េង ជាប់ឈ្មោះជាមហាសេដ្ឋីដ៏ល្បីប្រចាំប្រទេសកម្ពុជា ដែលកាន់កាប់ជំនួញជាច្រើនមុខនៅក្នុងដៃ។ អ្នកឧកញ៉ាថែមទាំងមានគ្រួសារដ៏កក់ក្តៅ ដែលមានលោកជំទាវ ម៉ៅ ចំណាន ជាភរិយាដ៏ល្អប្រពៃ និងកូនៗស្របតាមគន្លងធម៌ផងដែរ។

យោងតាមការដាក់បង្ហោះនៅលើបណ្តាញសង្គមហ្វេសរបស់អ្នកឧកញ៉ា គិត ម៉េង កាលពីប៉ុន្មានថ្ងៃមុននេះបានគូសបញ្ជាក់យ៉ាងដូច្នេះថា«ខណៈឆ្នាំ២០២៤ជិតបិទបញ្ចប់ ខ្ញុំកៀងអារម្មណ៍ ហើយជញ្ជឹងអំពីព្រឹត្តិការណ៍ និងបទពិសោធដ៏អស្ចារ្យក្នុងឆ្នាំនេះ ដែលពោរពេញដោយសមិទ្ធផលសំខាន់ៗសម្រាប់គ្រួសារយើង»។

អ្នកឧកញ៉ាបានបន្តថា «ភរិយារបស់ខ្ញុំបានកាន់តួនាទីជាប្រធានសមាគមសិល្បករខ្មែរ ដែលជាតួនាទីមួយថ្មី និងធ្វើឱ្យយើងរំភើបចិត្ត។ នេះជាមុខតំណែងដែលគាត់រមែងចង់បំពេញ។ កូនៗរបស់យើងបន្តលូតលាស់ទាំងរូបរាងកាយ និងប្រាជ្ញាស្មារតីបានល្អ។ កូនប្រុសច្បងរបស់យើង ស៊ូឡា បានបញ្ចប់ការសិក្សាថ្នាក់ខ្ពស់ ហើយបច្ចុប្បន្ននេះ កំពុងចូលរួមកាន់តែច្រើននៅក្នុងធុរកិច្ចគ្រួសាររបស់យើង។ កូនស្រីទីពីររបស់យើងឈ្មោះ ស៊ូរៀ ទើបឈានចូលវ័យ១៨ឆ្នាំ និងកំពុងក្លាយជាមនុស្សពេញវ័យ។ ចំណែកកូនពៅរបស់យើងពីរនាក់ទៀតគឺ ស៊ូណាវីន និង ស៊ូឡុង កំពុងតែធំធាត់ពីមួយថ្ងៃទៅមួយថ្ងៃទៅតាមរបៀបរបបរស់នៅរបស់ពួកគេ»។

«ចំពោះអាជីពវិញ យើងមានការបណ្តាក់ទុនជោគជ័យមួយចំនួន និងការបើកដំណើរការអាជីវកម្មថ្មីៗជាច្រើនដ៏គួរឱ្យរំភើបរីករាយ ដែលធ្វើឱ្យឆ្នាំនេះជាឆ្នាំនៃវឌ្ឍនភាព និងសមិទ្ធផលសម្រាប់យើងទាំងអស់គ្នា។ ខ្ញុំពិតជាមានអំណរគុណយ៉ាងជ្រាលជ្រៅ ព្រោះថាឆ្នាំនេះពិតជាឆ្នាំដែលយើងចងចាំ ហើយយើងរង់ចាំស្វាគមន៍ឆ្នាំ២០២៥ ជាមួយនឹងក្តីសង្ឃឹម និងព្រឹត្តិការណ៍សំខាន់ៗជាច្រើនទៀត។ឆ្នាំ២០២៤ពិតជាឆ្នាំមួយដែលយើងបំភ្លេចមិនបាន!»។

សូមជម្រាបថា អ្នកឧកញ៉ា គិត ម៉េង គឺជាប្រធាននិងជានាយកប្រតិបត្តិរបស់ក្រុមហ៊ុនរ៉ូយ៉ាល់គ្រុប ដែលមានបុត្រសម្ព័ន្ធអាជីវកម្មជាច្រើនរួមមានទាំង ធនាគារ និងហិរញ្ញវត្ថុ ធានារ៉ាប់រង ការវិនិយោគ ទូរគមនាគមន៍ ថាមពល ការដឹកជញ្ជូន ប្រព័ន្ធផ្សព្វផ្សាយ និងការកម្សាន្ត សណ្ឋាគារ និងរមណីយដ្ឋាន ការអប់រំ ការអភិវឌ្ឍអចលនទ្រព្យ ពាណិជ្ជកម្ម និងតំបន់សេដ្ឋកិច្ចពិសេស៕

ជឿជាក់ថា ប្រិយមិត្តមួយចំនួនប្រាកដជាបានស្គាល់ហើយ អ្នកគ្រូណាលី ជាគ្រូហុងស៊ុយបែបវិទ្យាសាស្រ្តមួយរូប ដែលនាពេលកន្លងមកនេះអ្នកគ្រូតែងដាក់បង្ហោះនូវខ្លឹមសារទាក់ទងនឹងក្បួនហុងស៊ុយជាបន្តបន្ទាប់នៅលើបណ្តាញសង្គម។

ថ្មីៗនេះ នៅលើគេហទំព័រ«My Destiny វាសនាខ្ញុំ» របស់អ្នកគ្រូណាលី បានចែករំលែកថា ចូល ២០២៥ ឆ្នាំកំណើតដែលឆុងនោះមាន ៣ គឺ ឆ្នាំកុរ ឆ្នំាវក និងឆ្នាំខាល។ កម្លាំងថាមពល ឆ្នាំថ្មី ឆ្នាំម្សាញ់ (ធាតុភ្លើង) ដែលត្រូវនឹងឆ្នាំ ២០២៥នេះ នឹងឆុងជាមួយនឹងដួងរាសីចំនួន ៣ ខាងលើ។

អ្នកគ្រូបានឲ្យដឹងថា ការឆុង មានទាំងឆុងហេងនិងឆុងស៊យ (បើហេងគឺហេងខ្លាំង បើស៊យគឺស៊យខ្លាំងដូចគ្នា)។ សម្រាប់បុគ្គលដែលកើតក្នុងឆ្នាំកុរ ហើយមិនត្រូវជាមួយធាតុភ្លើងនៅក្នុងឆ្នាំ២០២៥ ពោលគឺឆុងស៊យ សូមមានការប្រុងប្រយ័ត្នចំពោះឧប្បត្តិហេតុគ្រោះថ្នាក់ ខាតបង់ទ្រព្យសម្បត្តិ លុយកាក់។ បើឆុងហេងវិញ សម្រាប់បុគ្គលដែលកើតក្នុងឆ្នាំកុរហើយត្រូវការធាតុភ្លើង ជីវិតនឹងមានការផ្លាស់ប្តូរទៅរកភាពល្អប្រសើរឡើង ដូចជាបានទទួលទ្រព្យសម្បត្តិ មរតកដីធ្លី បានទិញរថយន្តអគ្គីសនីថ្មីៗ។

សម្រាប់អ្នកដែលមានវក ក្នុងតួរាសី ហើយមិនត្រូវការធាតុភ្លើង ក្នុងឆ្នាំ២០២៥នេះ នឹងមានបញ្ហាទំនាស់ទាស់ទែង បែកបាក់សាមគ្គី ឃ្លាតឆ្ងាយពី គ្រួសារ ឯកោ យល់ច្រឡំគ្នា។ សម្រាប់អ្នកមាន វកក្នុងតួរាសីហើយត្រូវការធាតុភ្លើង ក៏មានបញ្ហានេះកើតឡើងដូចគ្នា តែទទួលបាន ផលល្អ។

សម្រាប់អ្នកដែលមាន ខាលក្នុង តួរាសីហើយមិនត្រូវការធាតុភ្លើង ក្នុងឆ្នាំ ២០២៥ នេះ នឹងមានបញ្ហាត្រូវគេលាបពណ៌ ប្រឌិតរឿង ទម្លាក់កំហុសឱ្យ មានបញ្ហា សម្ព័ន្ធភាព មិនចុះសម្រុងគ្នា ការងារមិនរលូន។ សម្រាប់អ្នកមាន ខាលក្នុងតួរាសី ហើយត្រូវការធាតុ ភ្លើង ក៏មានបញ្ហានេះដូចគ្នា តែទទួលផលផ្ទុយគ្នា គឺ បានផលល្អ៕

ថ្មីៗនេះនៅបណ្តាញសង្គមគឺមានការចែករំលែកច្រើនមែនទែន ទាក់ទងនឹងប្អូនៗកុមារាមួយក្រុមនៅតាមជនបទ ចេះណាត់គ្នាមកច្រៀងលេងកម្សាន្តយ៉ាងសប្បាយរីករាយ ដោយភ្ជាប់មកជាមួយនឹងឧបករណ៍ស្គរដៃខ្មែរ ក៏ទទួលបាននូវមានការចាប់អារម្មណ៍និងកោតសរសើរព្រោងព្រាតពីមហាជន។

យោងតាមការដាក់បង្ហោះនៅលើបណ្តាញសង្គម Tik Tok ដោយគណនីមួយដែលមានឈ្មោះថា សិល្បៈស្គរដៃ តែងដាក់បង្ហោះនូវវីដេអូជាច្រើន បង្ហាញអំពីសកម្មភាពដែលប្អូនៗកុមារាមួយក្រុមតែងមកជួបជុំគ្នា ដើម្បីជាការកម្សាន្តសប្បាយក្នុងវ័យកុមារភាពរបស់ពួកគេ។ អ្វីដែលជាការចាប់អារម្មណ៍ខ្លាំងនោះ ពួកគេតែមានភ្ជាប់ជាមួយឧបករណ៍ភ្លេងខ្មែរមួយប្រភេទគឺ ស្គរដៃ ហើយក៏ធ្វើការវាយ និងច្រៀងតាមចង្វាក់ភ្លេងយ៉ាងពិរោះរណ្តំ។

កុមារាមួយក្រុម មានគ្នាប្រមាណនឹងជិត ១០ នាក់ នៅក្នុងទឹកមុខញញឹមញញែម និងសើចក្អាក់ក្អាយ ពោរពេញដោយសេចក្តីសុខ បានធ្វើការច្រៀងផង ទះដៃផង ហើយម្នាក់ក្នុងចំណោមនោះបានវាយស្គរទៅតាមចង្វាក់ភ្លេងយ៉ាងប៉ិនប្រសប់។ ទាំងនេះឆ្លុះបញ្ចាំងពីទំពាំងស្នងឬស្សីដ៏ល្អរបស់សង្គមជាតិ សាមគ្គីភាពជាធ្លុងមួយ ខណៈក៏មានការតាំងចិត្តក្នុងការហាត់រៀនច្រៀងនិងលេងឧបករណ៍ភ្លេង ជាផ្នែកមួយសិល្បៈបុរាណខ្មែរ។

បន្ទាប់ពីវីដេអូបានដាក់បង្ហោះនិងចែកចាយនៅលើបណ្តាញសង្គម ក្រុមកុមារាទាំងនេះហាក់ទទួលបាននូវការស្រលាញ់ពេញចិត្ត និងមតិកោតសរសើរក្រៃពីសាធារណៈជន ដោយអ្នកខ្លះបានលើកឡើងថា«ធ្លាប់តែឃើញចាស់ៗ ឥឡូវមានក្មេងៗ ពូកែណាស់ប្អូន ដើម្បីសិល្បៈខ្មែរយើង», «ពន្លកថ្មីមកហើយ», «សូមឲ្យមិត្តភាពគង់វង្សណាប្អូន», «ក្តីសុខណាស់», «ទំពាំងស្នងរឬស្សីពិតៗ», «ក្មេងៗទេតែចេះមកប្រជុំគ្នាលេងច្រៀងបែបនេះពិតជាគួរឲ្យសរសើរមែន»៕

 

 

@bongvyy8

Khang nis fan nurrin????

♬ original sound – Vy zz⚓️ – សិល្បៈស្គរដៃ????

ថ្មីៗនេះ នៅលើបណ្តាញសង្គម មហាជនភាគច្រើនហាក់មានការចាប់អារម្មណ៍ខ្លាំងទៅលើយុវតីមួយរូប មានភាពស្ទាត់ជំនាញទៅលើកីឡាជិះស្គី ថែមទាំងមានឆន្ទៈក្នុងការផ្សព្វផ្សាយនិងលើកស្ទួយសម្បត្តិវប្បធម៌ខ្មែរ។

យុវតីដ៏ស្រស់ស្អាតរូបនេះ មានឈ្មោះថា ងិក ចា ដែលនាងក៏ត្រូវបានគេស្គាល់ថា ជាតារាម៉ូដែលផងនិងតារាសម្តែងផង។ យ៉ាងណាថ្មីៗនេះ នៅលើបណ្តាញសង្គម តាមរយៈការដាក់បង្ហោះវីដេអូរបស់នាងជាច្រើនហាក់ Viral ខ្លាំងមែនទែន ដោយបង្ហាញអំពីទេពកោសល្យក្នុងការជិះស្គីជើងយ៉ាងប៉ិនប្រសព្វបំផុតស្របតាមយុគសម័យថ្មី តែក៏មិនបំភ្លេចទំនៀមទម្លាប់ប្រពៃណី។

អ្វីដែលធ្វើឲ្យមហាជនចាប់អារម្មណ៍ខ្លាំងទៅលើយុវតីរូបនេះគឺ នាងជិះស្គី ដោយគ្រងឈុតសម្លៀកបំពាក់ប្រពៃណីខ្មែរ ជាអាវរបាំ និងជាស្បៃបុរាណ ព្រមជាមួយជាមួយសំពត់ចងក្បិនយ៉ាងស្រស់ស្អាត។ បន្ថែមពីនោះ តាមរយៈវីដេអូ នាងគឺព្យាយាមបង្ហាញអំពីទីតាំងប្រវត្តិសាស្រ្តខ្មែរ ដូចជារមនីយដ្ឋានវត្តភ្នំ និងមុខព្រះបរមរាជវាំងជាដើម។

បន្ទាប់ពីវីដេអូទាំងនោះបានដាក់បង្ហោះទៅ ក៏ទទួលបានមតិកោតសរសើរព្រោងព្រាតពីមហាជន ដោយមតិមួយបានលើកឡើងថា«ឡូយណាស់តើ! ស្លៀកបុរាណ+ជិះស្គីបែបសម័យ មានភាពទាក់ទាញ សិល្បៈទាំងអស់ គឺកើតចេញពីមនុស្សជាអ្នកច្នៃប្រឌិតវា»។ មតិមួយទៀតថា«វប្បធម៌ខ្មែរយើងមិនបោះបង់ តែយើងក៏ត្រូវទទួលយកអ្វីដែរថ្មីជានិច្ច ព្រោះនេះជាសម័យទំនើប»។

«សរសើរកូនខ្មែរ ឥឡូវពូកែៗ និងទាន់សម័យកាល តាមពិតទៅក្បិនជាសម្លៀកបំពាក់ប្រចាំថ្ងៃរបស់ប្រជាជនខ្មែរយើង ទោះចង់ស្លៀកដើរផ្សារ ទៅវត្តបុណ្យទានក៏បាន សំខាន់អោយតែនៅប្រើប្រាស់។ គ្រាន់តែសម័យបុរាណអត់ស្គី ចឹងស្លៀកជិះស្គីក៏បាន ជិះកង់ ជិះម៉ូតូក៏បាន តាមសម័យកាល សំខាន់នេះគឺទម្រង់ខ្មែរ អាវនិងសំពត់ក្រណាត់របស់ខ្មែរ»៕

ថ្មីៗនេះ វីដេអូមួយដែលបានដាក់បង្ហោះនៅលើបណ្តាញសង្គម និងទទួលបានការចែករំលែកជាច្រើន ដែលបង្ហាញពីទិដ្ឋភាពមុខព្រះបរមរាជវាំង ដែលជនបរទេសបានចូលរួមលេងល្បែងប្រជាប្រិយ ជាមួយនឹងប្រជាពលរដ្ឋខ្មែរយ៉ាងសប្បាយរីករាយ។

ព្រឹត្តិការណ៍សាទរកម្ពុជា បានត្រៀមរៀបចំលម្អយ៉ាងល្អប្រណិតនៅមុខព្រះបរមរាជវាំង។ យ៉ាងណា បើទោះបីមិនទាន់ដល់ថ្ងៃកម្មវីធីក្តី តែដោយសង្កេតឃើញថា ប្រជាពលរដ្ឋខ្មែរព្រមជាមួយនឹងជនបរទេសយ៉ាងច្រើនកុះករបានមកថតរូបលេងកម្សាន្ត ក៏ដូចជារីករាយជាមួយនឹងសកម្មភាពកម្សាន្តជាបន្តបន្ទាប់។ បើក្រឡេកទៅកាន់ទិដ្ឋភាពដ៏គួរឲ្យចាប់អារម្មណ៍មួយ ល្បែងប្រជាប្រិយខ្មែរជាច្រើនប្រភេទ ក៏បានបង្ហាញវត្តមាននៅទីនោះដែរ ខណៈក៏ទទួលបាននូវការគាំទ្រយ៉ាងច្រើនផុសផុល។

វីដេអូមួយដែលបានដាក់បង្ហោះបង្ហាញពីជនបរទេសមួយរូប ទឹកមុខពោរពេញដោយស្នាមញញឹម និងបានស្រែកនិយាយសំនៀងជាភាសាខ្មែរច្បាស់ៗ ក្នុងការលែងល្បែងប្រជាប្រិយខ្មែរមួយប្រភេទ «មួយកាំ ពីរកាំ សូមលេងផង»។ ល្បែងប្រជាប្រិយខ្មែរ លេងហើយតែងទទួលបានមកនូវសំណើច ភាពសប្បាយរីករាយ និងសម្លេងហ៊ោររំពងពីអ្នកទស្សនា។

ជាទូទៅ ល្បែងប្រជាប្រិយតែងលេចឡើងនៅក្នុងពិធីបុណ្យជាតិសំខាន់ៗ ដូចជា បុណ្យចូលឆ្នាំខ្មែរជាដើម ខណៈក៏បានលេចឡើងក្នុងព្រឹត្តិការណ៍ដ៏ធំលើកនេះ ក៏ទទួលបាននូវការកោតសរសើរពីមហាជន និងសំណូមពរឲ្យបន្តលេងល្បែងប្រជាប្រិយខ្មែរបែបនេះទៀត ក្នុងន័យផ្សព្វផ្សាយ និងថែរក្សាមិនឲ្យបាត់បង់នូវកេរ្តិ៍ដំណែលដ៏ល្អប្រពៃ។

សូមជម្រាបថា ព្រឹត្តិការណ៍សាទរកម្ពុជា ដែលពោរពេញទៅដោយភាពចម្រុះនិងសម្បូរបែប រំលេចទៅដោយទំនៀមទម្លាប់ប្រពៃណីខ្មែរ ផ្សារភ្ជាប់ជាមួយនឹងទំនើបកម្មនៃប្រទេសកម្ពុជា។ ព្រឹត្តិការណ៍ដ៏ធំនេះ បាននឹងត្រៀមរៀបចំឡើងយ៉ាងអធិកអធមនាថ្ងៃទី ៣១ ខែធ្នូ ឆ្នាំ ២០២៤ ព្រមជាមួយនឹងក្បួនដង្ហែរ មានអ្នកចូលរួមប្រមាណ ៣០០០នាក់ និងការសម្តែងសិល្បៈទស្សនីយភាពចម្រុះយ៉ាងច្រើនអនេក ដែលភ្ញៀវទេសចរទាំងជាតិនិងអន្តរជាតិយ៉ាងចូលរួមបានដោយសេរី៕