ជាទូទៅ ពេលក្រោកពីដំណេកពេលព្រឹក មនុស្សគ្រប់គ្នាតែងតែផឹកទឹកផ្លែឈើទាំងនេះដើម្បីបំពេញការខ្វះខាតទឹកក្នុងរាងកាយ ប៉ុន្តែទន្តពេទ្យជនជា.តិអូស្ត្រាលីនិយាយថា បើយើងផឹកទឹកផ្លែឈើទាំងនេះពេលព្រឹក ឬផឹកមុនបរិភោគអាហារព្រឹក វានឹងបំផ្លា.ញ ធ្មេញ ព្រមទាំងប៉ះពាល់សុខភាពមាត់ធ្មេញរយៈពេលយូរ ។
ទន្តពេទ្យអូស្ត្រាលី លោក Ben Hargrave ឱ្យដឹងថា មនុស្សជាច្រើនចូលចិត្តផឹកទឹកក្រូចឆ្មារ ឬទឹកផ្លែប៉ោមម៉ាក Apple Cider ពេលព្រឹក ឬផឹកមុនបរិភោគអាហារព្រឹក ដោយសារពួកគេជឿថា វានឹងជួយសម្រកទម្ងន់ ប៉ុន្តែការផឹកទឹកផ្លែឈើទាំងនេះរយៈពេលយូរ វានឹងបំផ្លាញធ្មេញ និងប៉ះពាល់សុខភាពមាត់ធ្មេញរបស់យើង ។.png)
ទន្តពេទ្យរូបនេះបាននិយាយក្នុងកម្មវិធីទូរទស្សន៍របស់អូស្ត្រាលីឈ្មោះ «Brekky Central» ថា លោកពុំផឹកទឹកក្រូចឆ្មារ និងទឹកផ្លែប៉ោមម៉ាក Apple Cider ពេលព្រឹកទេ ខណៈមនុស្សគ្រប់គ្នាយល់ថា ការផឹកទឹកផ្លែឈើទាំងនេះពេលព្រឹកអាចជួយសម្រកទម្ងន់ ។ ប៉ុន្តែការពិត ទឹកផ្លែឈើទាំងនេះពុំបានជួយអ្វីឡើយ ហើយវានឹងបំផ្លាញធ្មេញ ពីព្រោះទឹកផ្លែប៉ោម Apple Cider មានគ្រឿងផ្សំពីទឹកខ្មេះ ។
លោកបន្តថា ទឹកក្រូចឆ្មារ និងទឹកផ្លែប៉ោម Apple Cider ជាភេសជ្ជៈមានជាតិអាស៊ីតខ្ពស់ ដែលអាចធ្វើឱ្យធ្មេញពុក ឬឆាប់ខូច និងបំផ្លាញធ្មេញដោយផ្ទាល់ ។ បើយើងផឹកទឹកផ្លែឈើទាំង២ប្រភេទនេះរៀងរាល់ព្រឹករយៈពេលយូរ គឺជាតិអាស៊ីតក្នុងទឹកផ្លែឈើនឹងបំផ្លាញក្រអូមមាត់ និងធ្វើឱ្យធ្មេញសឹកបន្តិចម្តងៗ ។ ពេលធ្មេញសឹក វាងាយនឹងទទួលយកសីតុណ្ហភាពត្រជាក់ និងក្តៅកាន់តែខ្លាំង ។
ហេតុនេះ ភេសជ្ជៈល្អបំផុតដែលយើងគួរតែផឹកពេលព្រឹក គឺទឹកដោះគោ និងភេសជ្ជៈផ្សេងៗដែលពុំប៉ះពាល់ធ្មេញ រួមមាន ៖ តែបៃតងពុំដាក់ស្ករ និងទឹកធម្មតា ហើយហាមដាច់ខាត ផឹកភេសជ្ជៈមានជាតិអាស៊ីត ៕
