ថ្មីៗនេះអ្នកលេងបណ្តាញសង្គមជាអ្នកគាំទ្របានចែករំលែកវីដេអូខ្លីៗជាបន្តបន្ទាប់ដោយបានបញ្ជាក់ថាតារាសម្តែងចិន Meng Ziyi និង Wang Hongyi បានថតរឿងនៅក្នុងខេត្តសៀមរាប។

តាមការចែករំលែកវីដេអូ និងរូបភាពតៗគ្នាអ្នកគាំទ្រជាច្រើនបានឱ្យដឹងថា តារាសម្តែងចិន Meng Ziyi និង Wang Hongyi បានមកថតរឿងថ្មីរបស់ពួកគេនៅលើទឹកដីសៀមរាបធ្វើឱ្យក្រុមអ្នកគាំទ្រមានការរំជើបរំជួលយ៉ាងខ្លាំងចង់តែទៅដល់សៀមរាប។ ក្នុងវីដេអូនោះគេបានឃើញតារាប្រុស Wang Hongyi បានថតប្លង់រត់នៅតំបន់ផាប់ស្ត្រីត ចំណែកឯវីដេអូផ្សេងទៀត មានការសម្តែងពី Meng Ziyi និង Wang Hongyi និងមួយផ្នែកទៀតថតនៅពេលយប់ផងដែរ។

ក្នុងមកតារាសម្តែងចិនទាំងពីរដួងមកថតនៅលើទឹកដីសៀមរាបនេះកំពុងក្លាយជាប្រធានបទក្តៅមានការស្វែងរកច្រើននៅលើបណ្តាញសង្គមចិន Weibo ។ មុននោះផេកធំជាអ្នកគាំទ្ររបស់តារាស្រី Meng Ziyi បានបង្ហោះពីការព្រួយបារម្ភក្នុងការដែលអាយដលខ្លួនមកថតនៅប្រទេសកម្ពុជា ប៉ុន្តែក្រោយមកបានបង្ហោះបង្ហាញថានាងមកដល់ខ្មែរសុវត្ថិភាព ប្រជាជននៅតំបន់សៀមរាបក៏មានចិត្តល្អ មិនអាក្រក់ដូចព័ត៌មាននៅលើប្រព័ន្ធអ៊ឺនធឺណិតនិយាយមួយចំនួននោះទេ។

បើនៅលើគេហទំព័រ mydramalist តារាសម្តែង Meng Ziyi និង Wang Hongyi គឺមានគម្រោងជាមួយគ្នានៅក្នុងរឿង «San Xian Mi Hui» ដោយអ្នកទាំងពីរគឺតួឯក។ ការថតនៅលើទឹកដីសៀមរាបនេះអ្នកគាំទ្រក៏សង្ឃឹមដែរថានឹងមានប្លង់នៅប្រាសាទអង្គរវត្ត។ គម្រោងការមកដល់និងថតរបស់ក្រុមការងារភាពយន្តត្រូវបានគេចែករំលែកថាគឺចាប់ពីថ្ងៃទី៥ ខែកុម្ភៈនឹងត្រឡប់ទៅប្រទេសចិនវិញនៅថ្ងៃទី១៣ ខែកុម្ភៈនេះ។

Meng Ziyi មានអាយុ២៩ឆ្នាំ បានប្រឡូកអាជីពសិល្បៈ១០ឆ្នាំមកហើយដែលកំពុងរីកចម្រើនជាបន្តបន្ទាប់ក្នុងអាជីពសម្តែងជាពិសេសរឿងបុរាណក្នុងឆ្នាំ២០២៤ Blossom ។ Wang Hongyi មានអាយុ ២៥ឆ្នាំ ហើយសាងភាពល្បីល្បាញក្នុងរឿង «Lost You Forever» ៕

អ្នកលេងបណ្តាញសង្គមមានការភ្ញាក់ផ្អើលនិងចាប់ផ្តើមជជែកវែកញែកបន្ទាប់ពីបទចម្រៀង Diss Track «ថីអ្ហែងថី!» របស់ ជី ដេវីត នៅលើបណ្តាញសង្គមហ្វេកប៊ុក មិនអាចទស្សនាបាន ខណៈនៅលើយូធូបនៅលើដំណើរការធម្មតា។ ងាកទៅកាន់ផេកអ្នកគាំទ្រតារាចម្រៀងរូបនេះបានបង្ហាញថាមានគណនីក្លែងក្លាយជាក្រុម MMO មកវាយលុក។

នៅយប់ថ្ងៃទី៧ កុម្ភៈ ទស្សនិកជនជាអ្នកលេងបណ្តាញសង្គមបានរកឃើញថា បទចម្រៀង Diss Track «ថីអ្ហែងថី!» របស់ ជី ដេវីត ទៅកាន់តារាចម្រៀងរ៉េប វណ្ណដា ដែលបានបំបែកកំណត់ត្រា២៥ម៉ោងមានការស្តាប់១០លានដងនៅលើហ្វេកប៊ុកពេលនេះស្ថិតនៅក្នុងដំណាក់កាលមើលឃើញទៀតនោះទេ ខណៈបទនេះមុននឹងបាត់ មានការទស្សនាជាង១៣លានដង។ ការបាត់នេះគេមិនទាន់ដឹងពីមូលហេតុនោះទេប៉ុន្តែមានការសង្ស័យថារងការ រីផតពីក្រុម MMO ។

ការរំពឹងទុកបែបនេះដោយសារតែគណនីផ្ទាល់ខ្លួន ជី ដេវីត បានចែករំលែកផេកអ្នកគាំទ្ររបស់លោកត្រូវរងការវាយប្រហារពីគណនីក្លែងក្លាយជាច្រើនជាប្រទេសជិតខាង និងបានបន់ឱ្យផេកហ្វេនលោកមានសុវត្ថិភាព។

ជី ដេវីត ក៏បាននិយាយនៅក្នុង Group អ្នកគាំទ្រស្របពេលបទចម្រៀង «ថីអ្ហែងថី!» លែងឃើញនៅលើហ្វេកប៊ុកថា «បងប្អូនកុំទៅខ្វល់រឿង Video ចម្រៀងខ្ញុំអី ធ្វើខ្លួនឱ្យរឹងមាំសាមគ្គីគ្នាឱ្យល្អយើងខ្លាំងនឹងហើយទើបវាខ្លាចវាគ្មានធ្វើស្អីកើតទេ បានតែល្អមើលទេតិចទៀតលែងអីហើយ ។ ចំពេលគ្នាល្អម្លេះ ហិហិ, សើចមុនទៅចាំ ឱ្យពួកវាយំតាមក្រោយ»។
ប្រាប់អ្នកគាំទ្រកុំឱ្យខ្វល់ខ្វាយនាំគ្នាសាមគ្គីគ្នានេះបន្ទាប់ពីបាត់បទចម្រៀងខាងលើ ជី ដេវីត ក៏បានបង្ហើបបទថ្មីរបស់ខ្លួនដែលលោកបានបង្ហាញថាហាក់មើលឃើញអនាគត ព្រោះបាននិយាយពីក្រុម MMO ។ នៅថ្ងៃទី៨ ខែកុម្ភៈ ឆ្នាំ២០២៥ នេះ ជី ដេវីត នឹងទម្លាក់បទ Diss Track មួយទៀតបន្ទាប់ពីមកពីប្រទេសជប៉ុនដែលមានចំណងជើងថា «អ្ហែងចង់ទៅណា? អ្ហា៎!» ដោយបានបន្ថែមខេបសិនថា «Plan អ្ហែងចង់ចេញបទផ្សេងយកមកបិទមុខមិនបាច់លាក់អញទេ!»៕

ពិធីករ វី យ៉ារ៉ូ បានបង្ហោះវីដេអូមួយចែករំលែកបទពិសោធន៍ផ្ទាល់ខ្លួនដោយបានលើកឡើងពីពាក្យបីឃ្លាជួយលោកសឹងតែលែងឱ្យមានបញ្ហាផ្លូវចិត្ត។ ជាមួយគ្នានេះ កុសុម៉ា ក៏បានបង្ហាញអារម្មណ៍រំភើបពេលឃើញ យ៉ារ៉ូ ដែលជាមិត្តសម្លាញ់រឹងមាំបែបនេះ។

យប់ថ្ងៃទី៦ កុម្ភៈ យ៉ារ៉ូ បានបង្ហោះវីដេអូមួយរយៈពេល១២នាទីអមជាមួយនឹងចំណងជើងថា «ពាក្យបីឃ្លា ជួយខ្ញុំសឹងតែលែងឱ្យមានបញ្ហាផ្លូវចិត្ត»។ ក្នុងវីដេអូចែករំលែកបទពិសោធន៍នេះ យ៉ារ៉ូ បាននិយាយថា រយៈពេលជាយូរមកហើយដែលទស្សនិកជនបានស្គាល់លោកតាមរយៈការធ្វើពិធីករទៅតាមកម្មវិធីផ្សេងៗ ធ្វើឱ្យអ្នកគាំទ្រសប្បាយចិត្ត ហើយពីមួយថ្ងៃទៅមួយថ្ងៃធ្វើឱ្យវាក្លាយទៅជាការងារដែលខ្លួនឯងស្រលាញ់ តស៊ូ ជាអ្វីដែលខ្លួនចង់បាន។ ប៉ុន្តែស្រាប់តែដល់ពេលវេលាមួយមកដល់ផ្ទះវិញបែរជាមានអារម្មណ៍ថាអត់សប្បាយចិត្ត ទោះបីជាពពួកមិត្តភក្តិផឹកស៊ីនៅខាងក្រៅសប្បាយតែមួយភ្លាមមកដល់ផ្ទះវិញនៅតែអត់សប្បាយចិត្តដដែល ថែមទាំងមានអារម្មណ៍ឯកាទៀតរហូតទុកយូរៗទៅក្លាយជាបញ្ហាផ្លូវចិត្ត។

លោកបានបន្តទៀតថា បើទុកយូរកាន់តែធ្ងន់ធ្ងរលោកក៏បានសាកល្បងឱ្យខ្លួនឯងស្គាល់អ្នកនេះអ្នកនោះ រៀនវគ្គខ្លីៗ រហូតមួយរយៈក្រោយនេះធ្វើឱ្យលោកយល់ថាភាពសប្បាយចិត្តពិតប្រាកដរបស់លោកមិនទៅណាឆ្ងាយទេ នៅជិតលោកតែលោកខ្លួនឯងមានពេលវេលាសួរខ្លួនឯងថាតើមានសប្បាយចិត្តពិតប្រាកដគឺជាអ្វីហើយលោកបានសួរខ្លួនឯងកាន់តែស៊ីជម្រៅវាមិននៅទីណានោះទេប៉ុន្តែនៅជិតលោកប៉ុណ្ណោះក្តីសុខរបស់លោកគឺខ្លួនឯងមានសុខភាពល្អ គេងគ្រប់គ្រាន់ញុំាអាហារគ្រប់គ្រាន់ត្រឹមត្រូវល្អ។

ពិធីកររូបនេះបានបន្តទៀតថា ក្តីសុខពិតប្រាកដគឺមានគ្រួសារមានសុភមង្គលដោយខ្លួនលោកទៅបង្កើតសុភមង្គលក្នុងគ្រួសារ។ កត្តាមួយទៀតដែលមានសុភមង្គល យ៉ារ៉ូ បានលើកឡើងថា ការងាររលូនដែលលោកចង់បានដោយជាប្រចាំខែលោកកំណត់គោលដៅថាខ្លួនឯងរកលុយបានប៉ុន្មាន ជីវិតលោកគឺសាមញ្ញាប៉ុន្តែខ្លួនឯងជាអ្នកធ្វើឱ្យស្មុគស្មាញ។

ជារួម យ៉ារ៉ូ ថាក្តីសុខធ្វើឱ្យលោកសប្បាយចិត្តគឺមានបីចំណុចខ្លួនឯងមានសុខភាពល្អ គ្រួសារមានសុភមង្គល ការងាររលូនដែលខ្លួនឯងចង់បាន ឬក៏អនាគតទៅមានស្នេហាមនុស្សដែលខ្លួនឯងស្រលាញ់ទៀតកាន់តែសប្បាយចិត្តបន្ថែមទៀត។ លោកចែករំលែកឃ្លាលើកទឹកចិត្តថា ជីវិតខ្លួនឯងគឺសាមញ្ញហើយតែខ្លួនឯងធ្វើឱ្យស្មុគស្មាញ ចង់ធ្វើរឿងអីក៏ធ្វើទៅ និយាយអ្វីក៏និយាយទៅកុំឱ្យទៅជេរគេទៅបានហើយ។

មួយឃ្លាទៀត យ៉ារ៉ូ ថាពេលខ្លះយើងមិនយល់ខ្លួនឯងផងចុះទម្រាំអ្នកដទៃទៀតកាន់តែពិបាកយល់ជាងយើង ប៉ុន្តែបើកាន់តែពិបាកនៅតែត្រូវទៅពន្យល់គេពន្យល់ទាល់តែគេយល់បើសិនជាយើងចង់ពន្យល់ទៅកាន់អ្នកណាម្នាក់ដែលគិតថាមានតម្លៃ ព្រោះយើងមិនអាចរស់នៅលើលោកនេះតែម្នាក់ឯងបានឡើយហើយលោកបានយកទ្រឹស្តីនេះមកប្រើក្នុងជីវិតធ្វើឱ្យលោកធូរស្បើយមែនទែន។

ពិធីកររូបនេះបានបន្ថែមឃ្លាទី៣ដែលចាក់ចូលជ្រៅហើយកាន់តែស្រាលក្នុងចិត្ត១០០%នោះគឺនៅពេលដែលលោកស្រលាញ់បងប្អូនបង្កើត១០០% ឱ្យតម្លៃបងប្អូនជាងទឹកប្រាក់ សម្ភារៈរបស់ខាងក្រៅក៏សរបញ្ជាក់ថាលោកជាកូនកត្តញ្ញូ មានអារម្មណ៍សប្បាយរីករាយជាមួយបងប្អូនលោក ស្រលាញ់ក្រុមគ្រួសារជាងរបស់របរខាងក្រៅដែលប៉ះពាល់ទំនាក់ទំនងជុំវិញខ្លួន៕