បវរកញ្ញាវ័យក្មេង លីង យ៉ាងយ៉ាង, សំរិទ្ធ ប៉ូទីនដា និង គង់ សោមា បាននាំយកកិត្តិយសជូនប្រទេសកម្ពុជានៅលើឆាកអន្តរជាតិក្នុងប្រកួតនៅលើទឹកដីប្រទេសម៉ាឡេស៊ី។

លោក អ៊ិន វិចិត្រ បានបញ្ជាក់នៅលើបណ្តាញសង្គមនាយប់ថ្ងៃទី៩ កុម្ភៈ ថាសមិទ្ធផលថ្មីរបស់យើង ក្រោយពីប្រកួតដោយស្វិតស្វាញជាមួយ ១១ប្រទេស នៅដើមឆ្នាំ២០២៤កម្មវិធីបវរកញ្ញាអាយុក្រោម ១៨ ឆ្នាំ ទទួលបានលទ្ធផលគួរជាទីមោទនភាពនោះគឺបវរកញ្ញាវ័យក្មេង លីង យ៉ាង យ៉ាង ទទួលបានជ័យជម្នះក្លាយជា Mini Miss Global 2025 ចំណែកឯ សំរិទ្ធ ប៉ូទីនដា ក៏ទទួលបានជ័យលាភីឯកដូចគ្នាគឺបានក្លាយជាម្ចាស់មកុដ Little Miss Global 2025 ខណៈ គង់ សោមា បានជាប់លំដាប់រងទី៣ Miss Preteen Global 2025។

ជាមួយគ្នានេះលោក អ៊ិន វិចិត្រ បាននិយាយដែរថា «សម្រាប់លោកមកុដ Winner ឬ Runner-up ពួកគាត់ជា Winner ក្នុងបេះដូងមនុស្សរាប់លាននាក់។ ក្នុងនាមលោកជា CEO និងអ្នកគ្រប់គ្រងកូនៗបវរកញ្ញា លោកពិតជាមានមោទនភាពជាមួយពួកគាត់ ដែលខំប្រឹងប្រែងទាំងកម្លាំងកាយ និងចិត្ត ហើយគេងបានតែ ២-៣ ម៉ោងក្នុងមួយថ្ងៃ ដើម្បីជាតិយើង»។

វគ្គផ្តាច់ព្រ័ត្រការប្រកួត Kids and Teens Pageant Global 2025 គឺបានប្រព្រឹត្តនៅកូឡាឡាំពួរ ប្រទេសម៉ាឡេស៊ី កាលពីល្ងាចថ្ងៃទី៨ កុម្ភៈ ឆ្នាំ២០២៥ ។ ជាការកត់សម្គាល់របស់ទស្សនិកជនអ្នកស្នេហាវិស័យបវរកញ្ញាការប្រកួតបវរកញ្ញាវ័យក្មេងជារឿយៗតែងតែទទួលបានលទ្ធផលជាទីគាប់ប្រសើរនៅលើឆាកអន្តរជាតិទទួលបានមកុដធំនៅក្នុងការប្រកួត ដែលអាចបញ្ជាក់បានថាវិស័យបវរកញ្ញានៅកម្ពុជាកាន់តែរីកចម្រើនទៅៗជាពិសេសធនធានជំនាន់ក្រោយៗគឺធ្វើបានល្អជាទីគាប់ប្រសើរគួរទីមោទនភាពសម្រាប់ប្រទេសកម្ពុជា៕

តារារ៉េប ទេព ពិសិដ្ឋ បានបង្ហោះសំណេររបស់ខ្លួនរៀនសូត្រពីកំហុសខ្លួនភាពឆេវឆាវបានធ្វើឱ្យជីវិតគេត្រូវឯកា មិនស្តាប់គេឯង យល់តែពីអារម្មណ៍ខ្លួនឯងកំហុសអាក្រក់នេះក្លាយជាមេរៀនដ៏ល្អសម្រាប់ខ្លួនលោកផ្ទាល់។

នៅយប់ថ្ងៃទី៨ កុម្ភៈ គណនីហ្វេកប៊ុកឈ្មោះថា «ចាំទេ អ្នក ចាំខ្ញុំទេ» ដែលគេដឹងថាជាគណនីបណ្តាញសង្គមផ្ទាល់ខ្លួនរបស់ ទេព ពិសិដ្ឋ បានបង្ហោះសំណេរយ៉ាងវែងខុសពីរាល់ដង ហើយតារារ៉េបវ័យក្មេងរូបនេះពុំធ្លាប់បានបង្ហោះយ៉ាងដូច្នេះកាលពីមុនមកឡើយ។ នៅខ្លឹមសារនោះ ទេព ពិសិដ្ឋ ម្ចាស់បទ« 20 Out Now» បានរៀបរាប់ថា «ថ្ងៃមួយសិដ្ឋ រៀនពីកំហុសមួយ ហើយក៏ទើបនឹងទទួលស្គាល់ថា សិដ្ឋធ្វើចឹងមិនត្រឹមត្រូវទេ ឆេវឆាវ បានធ្វើឱ្យជីវិតសិដ្ឋឯកា សិដ្ឋពិតជាខ្មាសគេណាស់ ដែលខ្លួនមិនស្ដាប់គេឯង យល់តែពីអារម្មណ៍ ខ្លួនឯង កំហុសអាក្រក់នេះជាមេរៀនដ៏ល្អសម្រាប់សិដ្ឋ»។

លោកបានបន្តទៀតថា «ច្រើនតិចហើយ តែសង្ឃឹមអ្នកមានពេលបានអានដល់ចប់
សិដ្ឋមិនចង់បានអីទាំងអស់ សិដ្ឋចង់បានតែ ឱកាស កែខ្លួន នឹងអាចនៅក្បែរមនុស្សដែលសិដ្ឋស្រលាញ់និងមនុស្សល្អជាច្រើនទៀតដែលសិដ្ឋ បានធ្លាប់ធ្វើអោឱ្យប៉ះពាល់អារម្មណ៍ ពីមុនៗ ចង់ឃើញគ្រប់គ្នាមានស្នាមញញឹម ហើយ សិដ្ឋ ចង់ធ្វើជាមនុស្សដែលអាចផ្ដល់ស្នាមញញឹមទៅគ្រប់គ្នា ខ្ញុំពិតជាមិនចង់បាត់បង់អ្នកគ្រប់គ្នាទេ អ្នកគ្រប់គ្នាគឺជាមនុស្សល្អរបស់សិដ្ឋ បែបនេះហើយសិដ្ឋចង់បានឱកាសសម្រាប់កែខ្លួន នឹង ត្រលប់ទៅនៅក្បែរនឹងមើលថែអ្នកដែរសិដ្ឋ ស្រលាញ់វិញ ម្ដង»។

ទោះបីជាមិនបញ្ជាក់ច្បាស់លាស់អំពីរឿងរ៉ាវកើតឡើងនិងមានចេតនាអ្វីមួយក្តី គេបានសង្កេតឃើញថាអ្នកគាំទ្រជាច្រើនបានចូលទៅផ្តល់កម្លាំងចិត្តទៅកាន់តារាចម្រៀងរ៉េបវ័យក្មេងដែលកំពុងឡើងកូដរូបនេះនិងថាដឹងកំហុសកែប្រែវាគឺជារឿងល្អ។ កាលពីមុន ទេព ពិសិដ្ឋ ក៏បានបញ្ចេញសំណេរខ្លីមួយស្របពេលសង្គ្រាម Diss Track នាដើមឆ្នាំ២០២៥ នេះ។

គួរបញ្ជាក់ផងដែរថា បទដែលទើបទម្លាក់របស់ ទេព ពិសិដ្ឋ មានចំណងជើងថា «ភក្តីស្នេហ៍» កំពុងទទួលបានការគាំទ្រពីសំណាកទស្សនិកជនស្របពេលបទនេះជាប់ចំណាត់ថ្នាក់លេខ២ ក្នុងបញ្ជីបទចម្រៀងដែលមានការពេញនិយមនៅលើឆាណែលយូធូបកម្ពុជាគិតត្រឹមរសៀលថ្ងៃទី១០ ខែកុម្ភៈនេះ៕

ស្របពេលដែលផ្ទុះភាពចម្រូងចម្រាសជុំវិញរឿង ជី ដេវីត នឹងចាត់វិធានការទៅកាន់ផេក «អាក្លូ» តារាចម្រៀង វ៉ាន់ នីឡា បានបង្ហោះសំណេរសួរទៅកាន់ប្រិយមិត្តរបស់ខ្លួនអំពីតួអង្គដែលត្រូវបានយកមកបញ្ជូលសំឡេង Toll នេះ។ ទោះយ៉ាងណា គេបានឃើញតារាចម្រៀង សួន សុវណ្ណចន្នី អតីត TOP4 នៅក្នុងកម្មវិធី The Voice Cambodia រដូវកាលទី៣ ស្រាប់តែចូលទៅខម្មិនផ្លែផ្កាថាចេញខុសពេល snake សា.ហាវ idol សារីតែមួយ។

នៅយប់ថ្ងៃទី៩ កុម្ភៈ ឆ្នាំ២០២៥ តារាចម្រៀង វ៉ាន់ នីឡា បានបង្ហោះប្រយោគមួយថា «សុំសួរមួយបងប្អូន កូនតូច២នាក់ដែលគេយកទៅធ្វើអាក្លូហ្នឹងនៅរស់តើហ្អី? ព្រោះអីខ្ញុំឃើញពណ៌វីដេអូដូចចាស់ៗសារីមុនអាមិចទេ»។ ការបង្ហោះមួយនេះអ្នកលេងបណ្តាញសង្គមក៏បានចូលទៅខម្មិនកូនតូចដែល វ៉ាន់ នីឡា សរសេរនេះគឺមានអាយុច្រើន ហើយជាជនជាតិនីហ្សេរីយ៉ាពួកគាត់ទាំងពីរជាមនុស្សក្រិនប៉ុន្តែមានអាយុច្រើនថែមទាំងជាអ្នកមានទៀត។

ទោះយ៉ាងណា ទន្ទឹមនឹងការជីកសួរបែបនេះគេបានឃើញតារាចម្រៀង សួន សុវណ្ណចន្នី បានចូលទៅខម្មិនក្នុងការបង្ហោះរបស់ វ៉ាន់ នីឡា ថា «អរ»។ បន្ទាប់ពីមានមតិយោបល់ជាច្រើន វ៉ាន់ នីឡា ក៏បានសរសេរនៅក្នុងខម្មិនបន្ថែមថា «អគុណបងប្អូនខ្ញុំបានចូលឆែកឆេរក្នុង IG គាត់ហើយ សូមទោសអ៊ំ»។ អ្វីដែលកាន់តែចាប់អារម្មណ៍ សួន សុវណ្ណចន្នី ក៏បានចូលទៅ Reply ពាក្យសម្តី វ៉ាន់ នីឡា ជាមួយនឹងពាក្យថា «ចេញមុខខុសពេល snake សាហាវ idol សារីតែមួយ»។

ន័យបញ្ឆិតបញ្ឆៀងផ្លែផ្កានេះ ក៏មានអ្នកចូលទៅតបតារាចម្រៀងរូបនេះថា លោកដូច tocixដល់ហើយ ខណៈ វ៉ាន់ នីឡា ក៏បានចោទសួរទៅកាន់ សួន សុវណ្ណចន្នី ថា «ចង់បានន័យថាម៉េចហ្នឹង?»។

គួរបញ្ជាក់ផងដែរថា ការបង្ហោះសួរតួអង្គខាងលើរបស់ វ៉ាន់ នីឡា គឺនៅពេលផ្ទុះភាពចម្រូងចម្រាសរវាង ជី ដេវីត និងអ្នកកាន់ផេក អាក្លូ ដែលនឹងឈានដល់បន្តនិតីវិធីតាមប្រព័ន្ធផ្លូវច្បាប់ដើម្បីទាមទារកិតិ្តយសយុត្តិធម៌សម្រាប់ប្រពន្ធកូនលោកដែលត្រូវបានផេកយកទៅ Toll ចូលក្នុងជម្លោះ Diss Track ៕