«ភូមិទឹកស្រែ» ដែលមានទីតាំងស្ថិតនៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង គឺជាភូមិស្នាក់បែបធម្មជាតិដែលបង្ហាញពីការរស់នៅបែបសាមញ្ញ ងាយស្រួល មិនមានការបែងចែកឋានៈ ហើយពោរពេញទៅដោយបរិយាកាសស្រស់ថ្លា ត្រជាក់ និងស្ងប់ស្ងាត់។ ភូមិនេះជាទីកម្សាន្តដ៏ទាក់ទាញសម្រាប់ភ្ញៀវទេសចរផ្សងព្រេង ដែលនិយមចូលចិត្តបោះតង់ ស្ទូចត្រី សម្រាកលម្ហែកាយ ស្រូបយកខ្យល់បរិសុទ្ធ និងជាតំបន់ដ៏មានសក្តានុពលបំផុតមួយផងដែរ។

ដូច្នេះដើម្បីទៅដល់គោលដៅដ៏សែនមនោរម្យនេះ លោកអ្នកត្រូវធ្វើដំណើររយៈពេល ២ ម៉ោងតាមផ្លូវល្បឿនលឿន និងធ្វើដំណើរប្រមាណ ៦ គីឡូម៉ែត្រតាមផ្លូវលេខ ៤៨ ពីស្ពានស្រែអំបិល នោះលោកអ្នកនឹងទៅដល់ «ភូមិទឹកស្រែ» តែម្តង។ កន្លែងទេសចរណ៍នេះគឺនៅកៀកនឹងព្រំប្រទល់ឧទ្យានជាតិជួរភ្នំក្រវាញខាងត្បូង។ នៅពេលទៅដល់ ភ្ញៀវទេសចរនឹងបានឃើញកន្លែងដ៏ស្រស់ស្អាតនៃភូមិទឹកស្រែ ដែលអំណោយផលពីធម្មជាតិ មានវាលស្រែ ដងព្រែក ព្រៃឈើ បក្សាបក្សីហោះហើរទាំងហ្វូងៗ រួមទាំងសត្វអំពិលអំពែកជាច្រើននាពេលរាត្រី ដែលបង្កើតបានជាបរិយាកាសដ៏ទាក់ទាញ និងមិនអាចបំភ្លេចបាន។

ទេសភាពពណ៌បៃតងស្រស់បំព្រងនៅទីនេះ ក៏ជួយបន្ធូរអារម្មណ៍តានតឹង អារម្មណ៍នឿយហត់ និងបំបាត់រាល់ទុក្ខកង្វល់ទាំងឡាយទាំងពួង សម្រាប់ភ្ញៀវទេសចរដែលបានមកកម្សាន្តផងដែរ។ ក្រៅពីបោះតង់សម្រាកលម្ហែកាយ អាំងសាច់និយាយរឿងក្នុងចិត្តប្រាប់មនុស្សជាទីស្រឡាញ់ ជាមួយទិដ្ឋភាពស្ងប់ស្ងាត់ លោកអ្នកក៏អាចជិះទូកកម្សាន្ត ជិះកង់គយគន់ធម្មជាតិ ជិះម៉ូតូឡើងភ្នំ ស្ទូចត្រី មើលអំពិលអំពែកនាពេលរាត្រី ជាពិសេសស្រូបយកថាមពលពីខ្យល់អាកាសបរិសុទ្ធបែបធម្មជាតិនៅតំបន់ព្រៃភ្នំថែមទៀតផង។

ទោះជាយ៉ាងណាតំបន់នេះមានភ្ញៀវទេសចរតិចណាស់ដែលស្គាល់ ដូច្នេះប្រសិនបើលោកអ្នកបានទៅខេត្តកោះកុង សូមកុំរំលង «ភូមិទឹកស្រែ» ឱ្យសោះបើបានទៅហើយ ដឹងតែជាប់ចិត្តចង់ទៅម្តងទៀត។ ដោយសារនៅទីនេះជាកន្លែងថ្មី មានទេសភាពធម្មជាតិស្រស់ស្អាតណាស់ ហើយក៏ងាយស្រួលសម្រាប់អ្នកដែលធ្លាប់ដើរលក្ខណៈផ្សងព្រេងដែរ មានន័យថា នៅពេលមកដល់ទីនេះលោកអ្នកមិនត្រូវការចំណាយពេលធ្វើដំណើរឆ្ងាយស្ទះចរាចរណ៍នោះទេ ព្រោះតំបន់ភូមិនេះ មានខ្សែផ្លូវដែលងាយស្រួលនិងស្រឡះសម្រាប់ការធ្វើដំណើរ៕

ថ្លែងក្នុងវេទិកាស្តីពី ការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ ២០២៥ លោកបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានពន្យល់ និងឆ្លើយតបទៅកាន់សំនួរ ដែរចោទសួរថា៖ “ហេតុអ្វីបានជាសេដ្ឋកិច្ចកើនឡើង ប៉ុន្តែប្រជាជននៅតែត្អូញត្អែរពីការធ្លាក់ចុះចំណូល”។

ជាការឆ្លើយតប លោកបណ្ឌិត ផាន់ ផល្លា បានពន្យល់ថា៖” កំណើនសេដ្ឋកិច្ចដែលបានព្យាករណ៍កើនឡើងដល់៦.៣% នៅឆ្នាំ២០២៥នេះ គឺតាមរយៈកំណើននៃការនាំចេញផលិតផលកាត់ដេរ ផលិតផលមិនមែនកាត់ដេរ និងវិស័យទេសចរណ៍”។

លោកបានលើកឡើងបន្ថែមថា៖ ការកើនឡើងនៃការនាំចេញផលិតផលកាត់ដេរ ក៏បានផ្តល់ចំណូលដោយផ្ទាល់ ដល់កម្មករនិយោជិត ក្នុងវិស័យនេះផងដែរ តាមរយៈការទទួលបានប្រាក់បន្ថែមម៉ោង ដែលអាចជួយដល់ជីវភាពរបស់ពួកគាត់”។

លោកទទួលស្គាល់ថា វិស័យលក់ដុំ និងរាយ នៅមានបញ្ហា ដែលធ្វើឱ្យពលរដ្ឋរងផលប៉ះពាល់ដល់ចំណូល។ តែយ៉ាងណាមិញ ការលក់តាមអនឡាញ មានការកើនឡើង។

យោងតាមការព្យាកររបស់ក្រសួងសេដ្ឋកិច្ច នៅឆ្នាំ២០២៥នេះ កំណើនសេដ្ឋកិច្ចត្រូវបានព្យាករណ៍ថា នឹងកើនឡើងដល់ ៦.៣ភាគរយ សម្រាប់មនុស្សម្នាក់ នឹងកើនឡើងដល់ ២ ៩២៤ដុល្លារ៕

សហរដ្ឋអាមេរិក ៖ រដ្ឋាភិបាលអាមេរិកស្ថិតក្រោមការគ្រប់គ្រងរបស់លោកប្រធានាធិបតី Donald Trump មានគម្រោងបិទក្រសួងអប់រំ ព្រមទាំងដកអាមេរិកចេញពីភ្នាក់ងារអង្គការសហប្រជាជាតិ ។ ការបិទតួនាទីរបស់ក្រសួងអប់រំ នឹងបែងចែកជា២ផ្នែក គឺរដ្ឋមន្ត្រីក្រសួងអប់រំបង្កើតផែនការកាត់បន្ថយទំហំការងារក្នុងក្រសួង និងជំរុញឱ្យសភាអនុម័តច្បាប់បញ្ចប់ការងាររបស់ក្រសួង ។

លោក Trump បានថ្លែងកាលពីថ្ងៃទី៤ ខែកុម្ភៈ កន្លងមកថា លោកនឹងប្រើប្រាស់បទបញ្ជាប្រតិបត្តិដើម្បីបិទក្រសួងអប់រំ ប៉ុន្តែលោកត្រូវតែទទួលបានការគាំទ្រពីសភា និងសហជីពគ្រូបង្រៀនជាមុនសិន ហើយការបិទក្រសួងអប់រំ គឺជាគោលដៅរបស់លោកពេលរកសំឡេងគាំទ្រមុនការបោះឆ្នោត ។ រីឯមន្ត្រីសេតវិមានឱ្យដឹងថា បទបញ្ជាប្រតិបត្តិនឹងចេញនៅខែកុម្ភៈ ដើម្បីឱ្យរដ្ឋមន្ត្រីក្រសួងអប់រំបិទក្រសួង និងអាចពិនិត្យរយៈពេល៩០ថ្ងៃ ព្រមទាំងរង់ចាំមតិពីសភា ។

លោក Trump បានថ្លែងមកកាន់ប្រព័ន្ធផ្សព្វផ្សាយថា យើងចំណាយប្រាក់យ៉ាងច្រើនជាមួយសិស្សម្នាក់ និងច្រើនជាងប្រទេសផ្សេងៗលើពិភពលោក ប៉ុន្តែយើងបែរជាស្ថិតនៅចំណាត់ថ្នាក់ចុងក្រោយ ។ ដូច្នេះ គួរបណ្តោយឱ្យរដ្ឋនានាគ្រប់គ្រងសាលារៀនដោយខ្លួនឯង ដោយលោកចាត់តាំងឱ្យលោកស្រី Linda McMahon កាន់តំណែងជារដ្ឋមន្ត្រីក្រសួងអប់រំបិទក្រសួងចោល ។ ប៉ុន្តែព្រឹទ្ធសភាពុំទាន់អនុញ្ញាតឱ្យលោកស្រីកាន់តំណែងនាពេលនេះទេ ។

ពេលកាន់តំណែងជាអ្នកដឹកនាំរដ្ឋាភិបាលអាមេរិកអាណត្តិទី១ លោក Trump ធ្លាប់ស្នើឱ្យក្រសួងអប់រំរួមបញ្ចូលគ្នាជាមួយក្រសួងការងារ ប៉ុន្តែពេលនោះ សំណើនេះពុំអាចឆ្លងកាត់ដំណាក់កាលនីតិប្បញ្ញត្តិ ។ កន្លងមក គណបក្សសាធារណរដ្ឋបានរិះគន់ក្រសួងអប់រំ ដែលស្ថិតក្រោមការដឹកនាំរបស់អតីតប្រធានាធិបតីអាមេរិក លោក Joe Biden យ៉ាងខ្លាំង ជាពិសេស រិះគន់រឿងការលុបចោលបំណុលប្រាក់កម្ចីរបស់សិស្ស និងគោលនយោបាយពាក់ព័ន្ធផ្សេងៗ ។

ការទទួលខុសត្រូវចម្បងក្នុងប្រព័ន្ធអប់រំនៅសហរដ្ឋអាមេរិក គឺអង្គការថ្នាក់រដ្ឋ ឬស្រុក ។ ក្រសួងអប់រំត្រូវបានបង្កើតឡើងកាលពីឆ្នាំ១៩៧៩ ក្រោមការគ្រប់គ្រងរបស់អតីតប្រធានាធិបតីអាមេរិក លោក Jimmy Carter ដែលមានតួនាទីផ្តល់ប្រាក់ឧបត្ថម្ភក្នុងគម្រោងផ្សេងៗ ដូចជា ៖ គម្រោង Title One បានផ្តល់ប្រាក់ឧបត្ថម្ភពិសេសដល់សាលាដែលមានសិស្សក្រីក្រច្រើន ។

កាលពីថ្ងៃទី៤ ខែកុម្ភៈ លោក Trump បានចុះហត្ថលេខាលើបទបញ្ជាដកអាមេរិកចេញពីភ្នាក់ងារអង្គការសហប្រជាជាតិ ព្រមទាំងក្រុមប្រឹក្សាសិទ្ធិមនុស្សអង្គការសហប្រជាជាតិ (UNHRC) និងទីភ្នាក់ងារជំនួយ និងកិច្ចការអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) ។ បទបញ្ជានេះ ក៏រួមបញ្ចូលទាំងការពិនិត្យតួនាទីរបស់អាមេរិកក្នុងអង្គការយូណេស្កូ ហើយមន្ត្រីសេតវិមានបញ្ជាក់ថា ការដកខ្លួនចេញរបស់អាមេរិក គឺជាការតវ៉ាទៅភ្នាក់ងារអង្គការសហប្រជាជាតិទាំងនេះដែលអគតិចំពោះអាមេរិក ៕

មាឃបូជា គឺជាពិធីបុណ្យដ៏សំខាន់មួយនៅក្នុងព្រះពុទ្ធសាសនា។ ពិធីបុណ្យនេះ ត្រូវបានពុទ្ធសាសនិកគ្រប់ប្រទេសប្រារព្ធធ្វើឡើងជារៀងរាល់ឆ្នាំ នៅថ្ងៃសីលពេញបរមី ១៥កើត ខែមាឃ។

បុណ្យមាឃបូជា ប្រារព្ធឡើងក្នុងគោលបំណងរំលឹកដល់ព្រឹត្តការណ៍សំខាន់២របស់ព្រះសម្មាសម្ពុទ្ធ។

ព្រឹត្តិការណ៍ទី១ គឺនៅពេលដែលព្រះអង្គប្រជុំព្រះភិក្ខុសង្ឃចំនួន១២៥០អង្គ ជាការប្រជុំលើកដំបូងបង្អស់ដើម្បីប្រកាសបង្កើតព្រះពុទ្ធសាសនា នៅឯប្រទេសឥណ្ឌាកាលពីជិត៦០០ឆ្នាំមុនគ្រិស្តសករាជ នាថ្ងៃទី១៥កើត ខែមាឃ ក្រោយព្រះអង្គបានត្រាស់ដឹងបានចំនួន៩ខែ។

ព្រឹត្តិការណ៍ទី២នៃពិធីបុណ្យមាឃបូជា គឺដើម្បីរំលឹកដល់ថ្ងៃដែលព្រះពុទ្ធប្រកាសដាក់ព្រះជន្មាយុសង្ខារនៅចំពោះមុខមារ(សត្រូវ)។ ការប្រកាសនេះ កើតឡើងនៅថ្ងៃទី១៥កើត ខែមាឃ ឆ្នាំម្សាញ់ មុនពេលព្រះពុទ្ធចូលព្រះបរិនិព្វាន៣ខែ។

តាមរយៈពិធីបុណ្យមាឃបូជានេះ ព្រះពុទ្ធអង្គបានបង្រៀនមនុស្សឱ្យប្រព្រឹត្តិនូវអំពើល្អដើម្បីទទួលបានសុខភាពផ្លូវចិត្តល្អ។ ម៉្យាងវិញទៀត ក្នុងឋានៈជាពលរដ្ឋរស់នៅក្នុងសង្គមមួយ គឺត្រូវតែចេះស្រលាញ់សាមគ្គី អធ្យាស្រ័យ យោគយល់គ្នាទៅវិញទៅមក មិនរើសអើងប្រកាន់ជាតិសាសន៍ ពណ៌សម្បុរឬសាសនា៕