តារាចម្រៀងដ៏ស្រស់សោភា រ៉េត ស៊ូហ្សាណា និងម្ចាស់ពាន យូហៃ បានធ្វើឱ្យអ្នកគាំទ្រជ្រួលច្របល់ក្នុងចិត្តពោរពេញដោយពណ៌ស៊ីជម្ពូរបន្ទាប់ពីផលិតកម្មបង្ហោះវីដេអូមួយ។ ការបង្ហាញបែបនេះអ្នកគាំទ្រជាច្រើនគឺចង់ Ship អ្នកទាំងពីរខណៈតារាចម្រៀងទាំងពីររូបទំនងមានអ្វីពិសេសជូនអ្នកគាំទ្រ។

មិនមែនជាលើកទី១នោះទេរូបភាពរបស់តារាចម្រៀង រ៉េត ស៊ូហ្សាណា និង យូហៃ បង្ហាញសកម្មភាពជាមួយគ្នាដែលត្រូវបានទស្សនិកជនជាច្រើនមានការចាប់អារម្មណ៍ខណៈជារឿយៗតារាប្រុសស្រីទាំងពីរដួងតែងតែត្រូវបានអ្នកមួយចំនួនចង់ឱ្យអ្នកទាំងពីរក្លាយជាគូស្នេហ៍។

អ្វីដែលកាន់តែធ្វើឱ្យអ្នកទស្សនាមើលហើយ Pink Pink នោះគឺកាលពីយប់ថ្ងៃទី១០ ផលិតកម្មបារមីបានបង្ហោះវីដេអូខ្លីមួយជាមួយនឹងចំណងជើងថា «Bro is not the Rizzler ដោយបានមេនសិនគណនីបណ្តាញសង្គមរបស់ យូហៃ»។ ក្នុងវីដេអូរយៈពេល១៤វិនាទី គេបានឃើញ ហ្សាណា និង យូហៃ អង្គុយទល់ខ្នងគ្នាបន្ទាប់មក រ៉េត ស៊ូហ្សា រត់ចេញហើយ យូហៃ បានដេញតាម ហ្សាណា ហើយហ្សាណា បានដេញតាម យូហៃ វិញ។ នៅក្នុងខម្មិនគណនីផលិតកម្មក៏បានបញ្ជាក់ឈ្មោះតារាចម្រៀង យូហៃ និង ហ្សាណា ជាមួយនឹងកាលបរិច្ឆេត និងចំណងជើង Si Jumpu និង 2AM ដែលទំនងអ្នកទាំងពីរមានអ្វីពិសេសក្នុងការសហការគ្នាជូនអ្នកគាំទ្រ។

ដ្បិតតែវីដេអូមានរយៈពេលតែ១៤វិនាទីក្តី ប៉ុន្តែទស្សនិកជនជាអ្នកគាំទ្រមើលហើយពួកគេបានខម្មិនថាShip មួយគូនេះ Pink Pink មើលហើយញញឹមម្នាក់ឯងជាដើម។ មុននឹងទម្លាយវីដេអូនេះគេបានឃើញគណនីទិកតុក ហ្សាណា បានបង្ហោះវីដេអូជាមួយនឹង យូហៃ ឆ្លាស់ការស្លៀកពាក់គ្នាលេងនៅលើទិកតុកផងដែរ។

គេចាំបានថា ក្នុងឱកាសបុណ្យណូអែលកាលពីកន្លងមកនេះមានវីដេអូចែករំលែកនៅលើបណ្តាញសង្គមទិកតុក យូហៃ បានជូនកាដូ ទៅកាន់ រ៉េត ស៊ូហ្សាណា ខណៈ យូហៃ បាននិយាយថាគឺលោកទៅទិញដោយផ្ទាល់តែម្តង។ កន្លងមកនេះហ្វេនៗមួយចំនួនគឺមានការផ្គូផ្គង រ៉េត ស៊ូហ្សាណា និង យូហៃ ផងដែរបន្ទាប់ពីមានរូបភាពការយកចិត្តទុកដាក់របស់ពួកគេតាំងពី ហ្សាណា មិនទាន់ចូលផលិតកម្មមកម្ល៉េះពោលអំឡុងពេលអ្នកទាំងពីរមានការសម្តែងនៅប្រទេសកូរ៉េខាងត្បូងកាលពីខែមេសា ឆ្នាំ២០២៤ និងសកម្មភាពជាបន្តបន្ទាប់ទៀតនៅពេល ហ្សាណា ចូលរួមក្នុងផលិតកម្មបច្ចុប្បន្ននេះ៕

ជុំវិញបញ្ហារបស់តារាចម្រៀង ទេព បូព្រឹក្ស ទទួលរងការឈឺចាប់ក្នុងនាមជាម្តាយដែលត្រូវបានអ្នកដទៃយកកូនរបស់ខ្លួនទៅពាក់ព័ន្ធរឿងមនុស្សធំតារាសម្តែង ឌី សូនិត្តា បានបង្ហាញពីជម្រៅចិត្តឈឺចាប់និងយល់អារម្មណ៍នេះច្បាស់ក្នុងនាមជាម្តាយដូចគ្នា។ លើសពីនេះ សូនិត្តា ហៅ កាដុង បានទម្លាយពីភាពឈឺចាប់របស់ខ្លួនពីបវរកញ្ញាតំណាងប្រទេសម្នាក់និងបុរសម្នាក់ដែលគិតថាល្អធ្វើជាឪពុកកូនរបស់ខ្លួនតែការពិតគឺជាមនុស្សថោកទាបណាស់។

ថ្មីៗនេះវីដេអូខ្លីៗដែលចែកចាយនៅលើបណ្តាញសង្គមទិកតុក អ្នកនាង ឌី សូនិត្តា បាននិយាយថា «មួយរយៈនេះឃើញស្រីៗយំដោយសារតែគេថាឱ្យកូន នាងយល់អារម្មណ៍ពេកមិនដឹងថាគួរប្រាប់ថាបែបណា ព្រោះធ្លាប់បានប៉ះលើខ្លួននាង ឈឺជាងគេនៅពេលដែលយើងចង់តហើយអត់តបានមួយរយៈនោះ»។ អ្នកនាងបានិយាយ ថាប៉ុន្មានថ្ងៃមកនេះនាងក៏ជួបនាងប្រាសាទប្រែរូប ប្រាសាទមុខខ្មោច តំណាងជាតិប្រវត្តិថោកទាបអ្នកនោះបើយកនិយាយមកចេញជាសៀវភៅវិញមិនដឹងប៉ុន្មានសៀវភៅតែមនុស្សដូចជានាងមិនចូលចិត្តបើកកកាយរឿងអ្នកណា រឿងអ្នកណាគឺជារឿងអ្នកហ្នឹង»។

ឌី សូនិត្តា ថាម្នាក់នោះធ្វើដាក់នាងសាហាវ ទាំងដែលនាងមិនស្និទ្ធជាមួយសោះ តែអ្នកនោះឯងទេបបួលអាសត្វប្រុសដែលហៅថាជាប្អូនពេញទីឱ្យចេះជក់ឱ្យវាប្រើដើរខុសសង្គម នាងមិនចង់បង្ហើយនោះទេបើបង្ហើយគឺពួកអ្នកនោះថោកទាបណាស់ សិល្បៈនឹងគេដែរតែប្រវត្តិខ្មៅងងឹត។

ឌី សូនិត្តា បាននិយាយទាំងអួលដើមកទៀតថា អ្វីដែលនាងស្តាយក្រោយបំផុតគឺនាងច្រឡំយកគេតាំងគេជាឪពុកកូនរបស់នាងដែលគិតថាគេជាមនុស្សប្រុសដែលមានលក្ខណៈគ្រប់គ្រាន់ក្នុងការធ្វើជាឪពុកក្មេង ។ ហើយនៅពេលដែលគេដឹងឮគ្រប់យ៉ាងមីសត្វប្រាសាទបិសាចក៏ដឹងរឿងគ្រប់យ៉ាងតែបែរសរសេរបំភ្លៃឱ្យគេដៀលឱ្យគេស្អប់នាងថាកូននាងកូនរបស់អ្នកអូស្ត្រាលីទាំងមិនមែនជារឿងពិតហើយដឹងថានាងអត់មានសមត្ថភាពនឹងធម្មជាតិទៅដាក់កូនដឹងទាំងអស់តែបំភ្លៃឱ្យគេស្អប់នាងតែត្រូវគេជេរពេញប្រទេសតែអ្នករងគ្រោះគឺនាងហើយនឹងកូន៕

វាបានក្លាយជាប្រធានបទថ្មីមួយទៀតបន្ទាប់ពីតារាចម្រៀង សួន សុវណ្ណចន្នី បានចូលទៅខម្មិនផ្លែផ្កាដាក់តារាចម្រៀង វ៉ាន់ នីឡា ថាជា Snake សាហាវIdolសារីតែមួយ។ សុវណ្ណចន្នីថា លោកធ្វើអ្វីជាខ្លួនឯងព្រោះឃើញថាអយុត្តិធម៌ ខណៈ វ៉ាន់ នីឡា ថា សុវណ្ណចន្នីអត់ហ៊ានប្រឈមមុខក្នុងខម្មិនលុបការខម្មិនរបស់ខ្លួនតែស៊ែរព័ត៌មានថាឱ្យនាងជាពស់សារីតែមួយនិងបានចោទសួរវិញថា សារីតែមួយនឹងសារីជាមួយអ្នកណា…?

ស្របពេលដែលផ្ទុះភាពចម្រូងចម្រាសជុំវិញរឿង ជី ដេវីត នឹងចាត់វិធានការទៅកាន់ផេក «អាក្លូ» តារាចម្រៀង វ៉ាន់ នីឡា បានបង្ហោះសំណេរសួរទៅកាន់ប្រិយមិត្តរបស់ខ្លួនកាលពីយប់ថ្ងៃទី៩ ខែកុម្ភៈ អំពីតួអង្គដែលត្រូវបានយកមកបញ្ជូលសំឡេង Toll នេះព្រោះឃើញពណ៌វីដេអូចាស់ៗ ទោះយ៉ាងណា គេបានឃើញតារាចម្រៀង សួន សុវណ្ណចន្នី អតីត TOP4 នៅក្នុងកម្មវិធី The Voice Cambodia រដូវកាលទី៣ ស្រាប់តែចូលទៅខម្មិនផ្លែផ្កា ឱ្យនាងថា «ចេញមុខខុសពេល snake សា.ហាវ idol សារីតែមួយ»។

នៅពេលរឿងនោះសាយភាយ តារាចម្រៀង សួន សុវណ្ណចន្នី បានចែករំលែកកាលពីយប់ថ្ងៃទី១០ ដោយភ្ជាប់មកជាមួយនឹងពាក្យសម្តីថា«ធ្វើអីដែលជាខ្លួនឯង បញ្ចេញមតិតាមការយល់ឃើញ ព្រោះឃើញថា វាអយុត្តិធម៌មែន»។

ងាកទៅកាន់តារាចម្រៀង វ៉ាន់ នីឡា វិញក៏មិនអស់ចិត្តដូចគ្នាដោយបានបង្ហោះរូបភាព Screenshot ចំនួនពីរសន្លឹកដោយភ្ជាប់ជាមួយនឹងសម្តីដែរថា «តាមពិតព័ត៌មាននេះខ្ញុំឃើញតាំងព្រឹក តែខ្ជិល share ខ្ជិលនិយាយ ព្រោះខ្ញុំបានឃើញគាត់លុបខមមេនគាត់ចោល lolz អត់ហ៊ានប្រឈមមុខក្នុងខមមេនតែ share ព័ត៌មានដែលថាឱ្យខ្ញុំ. គាត់ថាខ្ញុំពស់ សារីតែមួយ »។

តារាចម្រៀង វ៉ាន់ នីឡា បានបន្ថែមទៀតថា«ចង់សួរថាមុននឹងចូលខមមេនមានបានអាន status ខ្ញុំច្បាស់នៅ? មួយទៀតខ្ញុំចង់សួរថា តើសារីតែមួយនឹង សារីតែមួយជាមួយពីណា? ហើយ status ខ្ញុំមួយនេះខុសត្រង់ណា ? វាទៅឆ្កឹះឆ្កៀល U ឯងអីម្លឹងៗ? អត់ដែលស្គាល់ក៏អត់ចង់ share ចូលផេកខ្ញុំតែម្នាក់នឹងដូចមិនសូវៗ»៕

បន្ទាប់ពីបង្ហាញគោលជំហរយ៉ាងរឹងមាំទាមទាររកយុត្តិធម៌ជូនកូនប្រុសជាទីស្រលាញ់របស់ខ្លួនពេលនេះតារាចម្រៀង ជី ដេវីត បានចេញសេចក្តីប្រកាសពីមេធាវីរបស់ខ្លួននឹងចាត់វិធានការតាមច្បាប់គ្មានករណីលើកលែងទៅកាន់ម្ចាស់គណនីហ្វេកប៊ុករបស់ «អាក្លូ» និងអ្នកពាក់ព័ន្ធ។ តារាចម្រៀងរូបនេះ បានដាក់បណ្ដឹងទៅអង្គការ UNICEF នៅកម្ពុជា ដើម្បីជំរុញដល់ការលុប ជាអចិន្ត្រៃយ៍គ្រប់គណនីហ្វេសប៊ុកដែលប៉ះពាល់ដល់សិទ្ធិកុមារនៅកម្ពុជាតាមគ្រប់រូបភាព។

ក្នុងសេចក្តីប្រកាសព័ត៌មាន នាថ្ងៃទី១០ ខែកុម្ភៈ មេធាវីតំណាងនិងការពារសិទ្ធិឱ្យលោក ងួន ចាន់ដាវិត ហៅ (G-Devith) បានឱ្យដឹងថា កាលពីថ្ងៃទី០៩ ខែកុម្ភៈ ឆ្នាំ២០២៥ គេហទំព័រហ្វេសប៊ុក ឈ្មោះ អាក្លូ បានបង្ហោះវីដេអូ មានចំណងជើងថា “Diss រាក់ កំភែល” ដោយក្នុងវីដេអូនោះ បាននិយាយប្រមាថយ៉ាងអសីលធម៌ថា “មិនដូចអាអ្នកខ្លះ កូនកើតមកទាន់ម៉ែឪការ”។ ការនិយាយបែប នេះ ជាទម្រង់នៃការរំលោភសិទ្ធិអភិវឌ្ឍន៍របស់កុមារ ធ្វើឱ្យប៉ះពាល់ដល់កិត្តិយស សេចក្តីថ្លៃថ្នូរ និងស្មារតីរបស់កុមារដែលជាកូនរបស់ លោក ងួន ចាន់ដាវិត (G-Devith) និងអ្នកនាង ទេព បូព្រឹក្ស។

សេចក្តីប្រកាសដដែលបានបញ្ជាក់ទៀតថា សិទ្ធិអភិវឌ្ឍន៍ ជាសិទ្ធិធំមួយក្នុងចំណោមសិទ្ធិគោលធំទាំង បួនរបស់កុមារ ដែលមានចែងក្នុងអនុសញ្ញាស្តីពីសិទ្ធិកុមាររបស់ អង្គការសហប្រជាជាតិ និងគោលការណ៍ណែនាំរបស់ ក្រុម ប្រឹក្សាជាតិកម្ពុជាដើម្បីកុមារ។ ម៉្យាងវិញទៀត ការនិយាយប្រមាថនេះ ក៏បានធ្វើឱ្យប៉ះពាល់ដល់សតិអារម្មណ៍ និងបង្កឱ្យខូច ខាតធ្ងន់ធ្ងរដល់កិត្តិយស រួមទាំងសេចក្តីថ្លៃថ្នូររបស់ ជី ដេវីត ព្រមទាំងក្រុមគ្រួសារ។ ក្នុងគោលជំហរការពារ និងលើកកម្ពស់សិទ្ធិកុមារ រួមទាំងកិច្ចការពារសិទ្ធិបុគ្គល ពាក់ព័ន្ធនឹងកិត្តិយស និងសេចក្តីថ្លៃថ្នូរ តាមរយៈយើងខ្ញុំជាមេធាវីតំណាង និងការពារសិទ្ធិរបស់ (G-Devith) សូមបញ្ជាក់ជូន អ្នកគាំទ្រ និងសាធារណៈជន ជាទីគោរពស្រឡាញ់ និងរាប់អានទាំងអស់ ឱ្យបានជ្រាបថា៖

១. ក្នុងស្មារតីចូលរួមពង្រឹងនីតិរដ្ឋ និងការការពារសិទ្ធិជាសារវន្ត ក៏ដូចជា អនុវត្តតាមប្រសាសន៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលធ្លាប់បានដាស់តឿនដល់អ្នកដែលចង់ បានចំណាប់អារម្មណ៍លើបណ្តាញសង្គម សូមកុំធ្វើឲ្យប៉ះពាល់ដល់បុព្វបុរស សាសនា និងវប្បធម៌របស់យើង។ លោក (G-Devith) បានដាក់បណ្ដឹងទៅអាជ្ញាធរមានសមត្ថកិច្ច ដើម្បីចាត់វិធានការច្បាប់ ដោយមិន មានការលើកលែងទៅលើម្ចាស់គណនីហ្វេសប៊ុកឈ្មោះ “អាក្លូ” និងអ្នកពាក់ព័ន្ធឡើយ។

២. កុមារមិនបានចូលរួមពាក់ព័ន្ធក្នុងសកម្មភាពអំពើរបស់មនុស្សពេញវ័យជានីតិជននោះទេ ហើយរាល់សកម្មភាព ឬអំពើ របស់មនុស្សពេញវ័យ មិនត្រូវក្លាយជាកម្មវត្ថុ ធ្វើឱ្យប៉ះពាល់ដល់សិទ្ធិគោលធំទាំងបួនរបស់កុមារនោះឡើយ។ លោក ងួន ចាន់ដាវិត បានដាក់បណ្ដឹងទៅអង្គការ UNICEF នៅកម្ពុជា ដើម្បីជំរុញដល់ការលុប ជាអចិន្ត្រៃយ៍គ្រប់គណនីហ្វេសប៊ុកដែលប៉ះពាល់ដល់សិទ្ធិកុមារនៅកម្ពុជាតាមគ្រប់រូបភាព៕