ការរាំស្ទាក់សុំលុយ ហាក់បានក្លាយជាទំលាបទំលាប់មួយ ដែលមនុស្សជាច្រើនតែងនាំគ្នារាំនៅតាមដងផ្លូវ ដោយចាំស្ទាក់សុំលុយអ្នកធ្វើដំណើរ។

ជាទូទៅ ការរាំស្ទាក់សុំលុយ ធ្វើឡើងតាមផ្លូវក្នុងភូមិ ដោយអ្នកភូមិស្ទាក់ម៉ូតូ ឬរថយន្ត ដើម្បីប៉ាតម្សៅ ឬស្រោចទឹក រួចហើយក៏សុំជាថវិកា ដើម្បីទុកទិញម្សៅ ឬបង់ថ្លៃទឹកជាដើម។

សកម្មភាពនេះ បានបង្កើតជាទម្លាប់អាក្រក់ និងបង្កភាពអណាធិបតេយ្យតាមផ្លូវ ដែលអាចបង្កគ្រោះថ្នាក់ចរាចរណ៍បានយ៉ាងងាយ។

ពាក់ព័ន្ធនឹងករណីនេះ ខេត្តកណ្ដាល បានក្លាយជាខេត្តដំបូងគេ ដោយចេញសេចក្តីប្រកាសហាមឃាត់សកម្មភាពរាំស្ទាក់សុំលុយ ក្នុងពិធីបុណ្យចូលឆ្នាំថ្មីប្រពៃណីជាតិខ្មែរ នាខែមេសា ខាងមុខនេះ។

ជាមួយគ្នានេះដែរ ឯកឧត្តមគួច ចំរើន អភិបាលខេត្តកណ្តាល ក៏បានសំណូមពរឱ្យកងកម្លាំងក្រុង និងស្រុក ខិតខំផ្សព្វផ្សាយ កុំឱ្យពលរដ្ឋលេងល្បែងនេះ ដែលអាចប៉ះពាល់ដល់សិទ្ធអ្នកធ្វើដំណើរ។

លើសពីនេះ រដ្ឋបាលខេត្តកណ្តាល ក៏បានអំពាវនាវឱ្យពលរដ្ឋក្នុងមូលដ្ឋាន ចូលរួមកម្សាន្តថ្ងៃចូលឆ្នាំខ្មែរ លេងដោយសេចក្តីថ្លៃថ្នូរ ទើបសមជាប្រជាជនគំរូ និងជាខេត្តដែលគេអោយតម្លៃ៕

រដ្ឋបាលរាជធានីភ្នំពេញ បានរៀបចំឡានក្រុងចំនួន ៥៩៧ គ្រឿង សម្រាប់បម្រើសេវាដឹកជញ្ជូនដល់សាធារណជនរយៈពេល៦ថ្ងៃ ដោយឥតគិតថ្លៃ ក្នុងឳកាសបុណ្យចូលឆ្នាំប្រពៃណីជាតិខ្មែរខាងមុខនេះ។

យោងតាមការបង្ហោះនៅក្នុងផេករបស់ រដ្ឋបាលរាជធានីភ្នំពេញ បានអោយដឹងថា ដោយអនុវត្តតាមប្រសាសន៍ដ៏ខ្ពង់ខ្ពស់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា រដ្ឋបាលរាជធានីភ្នំពេញ នឹងបញ្ចេញរថយន្តក្រុងសាធារណៈ (City Bus) ចំនួន ៥៩៧គ្រឿង ដើម្បីជួយសម្រួលដល់ការចំណាយក្នុងការធ្វើដំណើររបស់បងប្អូនប្រជាពលរដ្ឋ ទៅកាន់ស្រុកកំណើតជួបជុំក្រុមគ្រួសារ រឺទៅកម្សាន្តសប្បាយសង្រ្កាន្តឆ្នាំថ្មី នាឳកាសពិធីបុណ្យចូលឆ្នាំខាងមុខ។

ក្នុងការការបម្រើសេវាដឹកជញ្ជូនដល់សាធារណៈជនដោយឥតគិតថ្លៃនេះ មានរយៈពេល៦ថ្ងៃ គឺចាប់ពីថ្ងៃទី ១២ ដល់ ១៧ ខែមេសា។ គួរជម្រាបថា រដ្ឋបាលរាជធានីភ្នំពេញ បានបែងចែករថយន្តក្រុងចំនួន ១០០គ្រឿង សម្រាប់ប្រតិបត្តិការដឹកជញ្ជូនទៅមកក្នុងរាជធានីភ្នំពេញដូចធម្មតា និងបែងចែករដយន្តចំនួន ៤៩៧គ្រឿងទៀត សម្រាប់បម្រើសេវាដឹងជញ្ជូនពលរដ្ឋចេញពីក្រុងភ្នំពេញ ទៅតាមបណ្ដារខេត្តនានា និងពីតាមបណ្ដារខេត្ត មកកាន់ក្រុងភ្នំពេញវិញ។ លើសពីនេះ នៅលើរថយន្តក្រុងដែលបម្រើសេវាដឹកជញ្ជូនទៅតាមបណ្ដារខេត្តនេះ ក៏មានរៀបចំជាទឹកសម្រាប់ពិសារតាមកៅអីអង្គុយនីមួយៗទៀតផង។

អាស្រ័យហេតុនេះ បងប្អូនកម្មករ-និយោជិក និងប្រជាពលរដ្ឋទាំងអស់ អាចចូលរួមធ្វើដំណើរ តាមរយៈរថយន្តក្រុងរបស់រដ្ឋាករស្វយ័តដឹកជញ្ជូនសាធារណៈ (City Bus) នេះបាន សម្រាប់ព័ត៌មានលម្អិត អំពីកាលវិភាគ រឺស្ថានីយចេញដំណើរ គឺមាននៅក្នុងផេករបស់ “រដ្ឋបាលរាជធានីភ្នំពេញ” ។

ឆ្លៀតក្នុងឳកាសនេះផងដែរ រដ្ឋបាលរាជធានីភ្នំពេញ បានអំពាវនាវដល់ម្ចាស់ក្រុមហ៊ុន ម្ចាស់អាជីវកម្ម និងម្ចាស់រថយន្តដឹកជញ្ជូនអ្នកដំណើរទាំងអស់ សូមកុំតម្លើងថ្លៃសេវា ក្នុងឳកាសពិធីបុណ្យចូលឆ្នាំថ្មីនេះអី ដើម្បីជាការចូលរួមជាមួយ រាជរដ្ឋាភិបាល ក្នុងការកាត់បន្ថយចំណាយរបស់ប្រជាជន៕

មន្ត្រីនគរបាលចរាចរ នឹងចាប់ផ្តើមបន្ថែមការត្រួតពិនិត្យជាតិស្រវឹងនៅពេលថ្ងៃ ចាប់ពីម៉ោង១២តទៅ ដើម្បីកាត់បន្ថយគ្រោះថ្នាក់ចរាចរណ៍។

យោងតាមលោកឧត្តមសេនីយ៍ទោ ឡុង ធូ អនុប្រធាននាយកដ្ឋាននគរបាលចរាចរណ៍បានលើកឡើងថា៖”ការចាប់ផ្ដើមត្រួតពិនិត្យជាតិស្រវឹងនៅពេលថ្ងៃនេះ ក៏ព្រោះតែគ្រោះថ្នាក់ចរាចរណ៍បានកើតឡើងច្រើននៅពេលថ្ងៃ ដោយសារតែកម្មវិធីជប់លៀងភាគច្រើនបង្វែរមកនៅពេលថ្ងៃ”។

លោកឧត្តមសេនីយ៍ទោ បានសង្កត់ធ្ងន់ទៀតថា៖” ជាទូទៅចំពោះបរិមាណនៃការពិសារគ្រឿងស្រវឹង សម្រាប់ស្រាបៀរទឹកសឬទឹកលឿង កម្រិតត្រឹម២កំប៉ុងឡើងទៅ អាចជាប់ក្នុងកម្រិតដែលត្រូវផាកពិន័យ សម្រាប់ទឹកខ្មៅ១កំប៉ុងអាចជាប់ហើយ”។

បន្ថែមពីការដាស់វាស់ជាតិអាកុលពេលថ្ងៃ រដ្ឋាភិបាលក៏នឹងកំពុងរៀបច្បាប់រឹតបន្តឹងគ្រឿងស្រវឹង ដោយកំពុងសិក្សាយ៉ាងយកចិត្តទុក្ខដាក់ ព្រោះច្បាប់នេះអាចប៉ះពាល់ពាល់ខ្លាំងដល់អាជីវករ។

គួរបញ្ជាក់ថា ក្នុងឆ្នាំ២០២៤កន្លងទៅ ពាក់ព័ន្ធនឹងបទល្មើសគ្រឿងស្រវឹង សមត្ថកិច្ចឃាត់ខ្លួនមនុស្សជាង១២០០០នាក់ ហើយបើសិនជាមិនបានឃាត់ខ្លួនពួកគេដើម្បីបន្សាបជាតិស្រវឹងដោយបណ្ដោយឱ្យបើកបរ បើសិនជាម្នាក់បុកមនុស្សស្លាប់ម្នាក់ យ៉ាងហោចណាស់ក៏មាន១២០០០នាក់ត្រូវបានស្លាប់ដោយសារតែការបើកបរក្នុងស្ថានភាពស្រវឹងដែរ៕

ល្បីផ្ទះមួយនៅខេត្តកំពង់ស្ពឺ ថាមានខ្មោ.ចលងតៗគ្នាពេក ស្រាប់តែពេលនេះម្ចាស់ផ្ទះទ្រាំលែងបាន ចេញមុខមកថាចំៗ កុំអោយចេះតែល្បីតាមគ្នា ប្រវត្តិនៃផ្ទះនេះមិនដូចជាអ្វីដែលមនុស្សមួយចំនួន បាននិយាយពន្លើសឡើយ។

នៅលើបណ្ដាញទំនាក់ទំនងសង្គមថ្មីៗនេះ ឃើញមានមនុស្សមួយចំនួន បានបង្ហោះវីដេអូ និងរូបជាច្រើនសន្លឹក បង្ហាញពីផ្ទះមួយ ដែលមានលក្ខណៈដូចផ្ទះតាមជនបទទូទៅ ប៉ុន្តែគ្មានអ្នករស់នៅ ព្រមទាំងគ្មានកាំជណ្ដើរសម្រាប់ឡើង បានធ្វើអោយមនុស្សជាច្រើន ជាពិសេសសិស្សសាលា ផ្អើ.លនាំគ្នាទៅមើល ដោយល្បីតៗគ្នាថាមានរឿងរ៉ាវបែបនេះ បែបនោះ ចម្លែកៗពីមាត់មួយទៅមាត់មួយ បង្កើតជាចម្ងល់សម្រាប់មនុស្សជាច្រើននៅក្នុងបណ្ដាញសង្គម។

ផ្ទះនេះស្ថិតក្នុងខេត្តកំពង់ស្ពឺ ត្រូវបានម្ចាស់ទុកចោល និងគ្មានកាំជណ្ដើរថែមទៀត ដែលនេះកាន់តែធ្វើអោយវាកាន់តែចម្លែកទៀត។ ក្រោយមក មិនដឹងថាមានមូលហេតុអ្វីអោយប្រាកដនោះទេ ប៉ុន្តែមានក្មេងៗ និងសិស្សសាលាជាច្រើននៅតំបន់នោះ នាំគ្នាមកមើល និងព្យាយាមឡើងលើផ្ទះនេះ ហើយនាំគ្នាផ្អើ.លល្បីថា ពួកគេថតជាប់វិញ្ញាណខ្មោ.ច និងចែកចាយពេញបណ្ដាញសង្គម បណ្ដាលអោយមនុស្សជាច្រើនឆ្ងល់ថា តើវាជាការពិតដែរ ឬទេ?

មានមនុស្សចំនួន ដែលអះអាងថាគេស្គាល់ប្រវត្តិផ្ទះនេះ បាននិយាយថា ផ្ទះនេះគឺជាផ្ទះខ្មោ.ចទិញ ដោយសាងសង់មិនទាន់រួចផង ម្ចាស់ផ្ទះនៅលែងបានក៏នាំគ្នារើចេញ។ ចំណែកខ្លះទៀតនិយាយថា ម្ចាស់ផ្ទះនេះបានបា..ត់ប.ង់ជីវិតទាំងគ្រួសារ រីឯអ្នកខ្លះទៀតថា ម្ចាស់ផ្ទះដែលជាប្ដី បានសម្លា..ប់ប្រពន្ធ រួចសម្លា..ប់ខ្លួនតាមក្រោយនៅលើផ្ទះនេះ និងមានការនិយាយខុសៗគ្នាជាច្រើន ដោយមិនដឹងថាគួជឿខាងណាឡើយ។ បន្ថែមពីនេះ មានអ្នកខ្លះចង់ដឹង ចង់ឃើញខ្លាំងពេក រហូតព្យាយាមតោងឡើង ដើម្បីចូលទៅមើលស្ថានភាពក្នុងផ្ទះនេះ ដែលវាហាក់មិនសមរម្យទាល់តែសោះ។

ដោយឡែករឿងរ៉ាវផ្ទះមួយនេះ បានដឹងទៅដល់កូនម្ចាស់ផ្ទះនេះពិតប្រាកដ និងបានចេញមកនិយាយថាអោយខ្លាំងៗ ចំពោះអ្នកដែលបាននិយាយប្រឌិតពីប្រវត្តិផ្ទះរបស់គាត់។ គាត់បាននិយាយថា ផ្ទះនេះគឺជាផ្ទះសាងសង់ហើយរស់នៅជុំគ្រួសារធម្មតា ប៉ុន្តែក្រោយមកពួកគាត់បានផ្លាស់ប្ដូរទៅរស់នៅក្នុងភូមិដែលមានមនុស្សអ៊ូអរវិញយូរមកហើយ។ គាត់បានបន្តថា សម្រាប់អ្នកដែលថតផ្ទះរបស់គាត់ដោយគ្មានការអនុញ្ញាត និងអ្នកដែលចេះតែនិយាយពន្លើសទាំងឡាយ គឺប្រៀបដូចជាដាក់ទំនាយគ្រួសារគាត់អញ្ចឹង ដូច្នេះគាត់ទុករយៈពេលអោយ ២៤ម៉ោង ក្នុងការសុំទោសជាសាធារណៈ និងលុបវីដេអូទាំងនោះចេញវិញ បើមិនធ្វើតាម នោះគាត់និងអនុវត្តតាមផ្លូវច្បាប់៕