Rihanna បានបង្ហាញខ្លួនព្រឹត្តិការណ៍ Met Gala 2025 ហើយបន្ទាប់ពីខកខានកាលពីឆ្នាំ២០២៤ ហើយនាងបានមកដល់ព្រឹត្តិការណ៍ឆ្នាំនេះបន្ទាប់ពីម៉ោង ១០ យប់។ ប៉ុន្តែការមកដល់របស់នាងគឺស័ក្តិសមនឹងការរង់ចាំ ព្រោះវាបានមកជាមួយនឹងដំណឹងដ៏ធំមួយនោះគឺនាងកំពុងពរពោះកូនទី៣ ជាមួយនឹងគូស្នេហ៍ A$AP Rocky។
តារាចម្រៀងវ័យ៣៧ឆ្នាំរូបនេះបានថតរូបលើកម្រាលព្រំពណ៌ខៀវដោយស្លៀកឈុតដែលបំផុសគំនិតដោយ Marc Jacobs។ អ្វីដែលទស្សនិកជនភាគច្រើនចាប់អារម្មណ៍ក្រៅពីការតុបតែងខ្លួនរបស់នាងគឺការពរពោះកូនទី៣របស់ Rihanna ។ នៅខាងក្នុងនាងបានថតជាមួយ Rocky ខណៈដែលលោកមិនបានបង្ហាញខ្លួនដើរជាគូជាមួយនឹងគូស្នេហ៍ឡើងដោយលោក Rocky គឺជាសហប្រធានសម្រាប់ព្រឹត្តិការណ៍ឆ្នាំនេះ។
មុនពេលនាងឈានជើងលើកម្រាលព្រំផ្លូវការ Rihanna បានប្រើរូបរាង Miu Miu ពីរឈុតរបស់នាង ដើម្បីបង្ហាញពីការមានផ្ទៃពោះ។ Rocky និង Rihanna ចុងក្រោយបានចូលរួមកម្មវិធី Met Gala ក្នុងឆ្នាំ ២០២៣ ខណៈនាងកំពុងមានផ្ទៃពោះកូនទីពីរនៅពេលនោះ។ 
ឆ្នាំនេះប្រធានបទកម្រាលព្រំក្រហមគឺ Superfine: Tailoring Black Style ដែលត្រូវបានបំផុសគំនិតដោយរចនាប័ទ្មសំលៀកបំពាក់ធម្មតារបស់សុភាពបុរសចាប់ពីសតវត្សទី ១៨ដល់បច្ចុប្បន្ននៃគំនិតរបស់ជនជាតិស្បែកខ្មៅទាក់ទងនឹងការរើសអើងពូជសាសន៍។ នេះក៏ជាពេលវេលាដ៏កម្រមួយដែលកម្មវិធីផ្តោតលើសម្លៀកបំពាក់បុរស។ យោងតាមគេហទំព័របរទេសបានឱ្យដឹងថាតម្លៃសំបុត្រចូលរួមពិធីជប់លៀងគឺរហូតដល់ ៧៥,០០០ដុល្លារ។ Met Gala 2025 គឺបានស្វាគមន៍ភ្ញៀវចំនួន ៤៥០ នាក់ ដែលមានការចូលរួមពីតារាល្បីៗនិងអ្នកមានឥទ្ធិពល៕
