ខណៈពេលពិធីរៀបអាពាហ៍ពិពាហ៍កាន់តែខិតជិតមកដល់តារាចម្រៀង ជី ដេវិត បានបង្ហាញធៀបការរបស់ខ្លួនហើយបន្ទាប់ពីបញ្ចេញរូបភាព Pre Wedding ដែលល្បីកក្រើកពេញប្រទេស។ ការបញ្ចេញធៀបការពីសំណាកតារាចម្រៀងរូបនេះទទួលបាននូវមតិសរសើរជាច្រើនពីសាធារណជនអ្នកលេងបណ្តាញសង្គម។

នៅយប់ថ្ងៃទី៧ ឧសភា ជី ដេវិត បានបង្ហោះរូបភាព៤សន្លឹកពីធៀបការរបស់ខ្លួនជាមួយនឹងចំណងជើងថា «សូមសម្តេចទ្រង់ ឯកឧត្តមលោកជំទាវ និង បងប្អូនជាទីគោរពស្រលាញ់ផ្តល់កិត្តិយសផងបាទ»។ ពិធីមង្គលរបស់ តារាចម្រៀង ជី ដេវិត និង ទេព បូព្រឹក្ស នឹងមានការដឹកដៃពីសំណាកលោកជំទាវ ហ៊ុន ស៊ីណាត ផងដែរ។

ជាមួយនឹងការបង្ហាញធៀបការរបស់តារាចម្រៀងល្បីឈ្មោះទាំងពីររូបនេះគឺទទួលបានមតិសរសើរជាច្រើនពីអ្នកលេងបណ្តាញសង្គមរួមទាំងអ្នកនៅក្នុងចង្កោមសិល្បៈដោយសារតែមានភាពស្រស់ស្អាតនិងប្លែកភ្នែកខុសប្លែកពីធៀបការដទៃទៀត។ ធៀបការរបស់ ជី ដេវិត និង ទេព បូព្រឹក្ស គឺមានការរចនាឡើងដោយបានរំលេចពីទម្រង់ប្រាសាទអង្គរវត្ត ថែមទាំងមានដាក់ពាក្យថា Zone ប្រាសាទអង្គរវត្ត ថែមទៀតជាមួយនឹងការបញ្ជាក់ជូនទៅកាន់ភ្ញៀវកិត្តិយសទៅលើសំលៀកបំពាក់ចូលរួមគឺពេលព្រឹក ពណ៌មាស និងពេលល្ងាចពណ៌ទឹកដោះគោ។

ឃើញធៀបការដែលមានការរចនាឡើងយ៉ាងប្រណីតនេះ បវរកញ្ញា អ៊ិន លក្ខិណា បានចូលទៅបញ្ចេញមតិថា អស្ចារ្យណាស់ និងមតិសរសើរពីហ្វេនៗផ្សេងៗទៀតថា «ល្អឯកតាំងពីធៀបការ, នៅស្រុកខ្មែរទើបតែឃើញGdevith ម្នាក់ទេដែលធ្វើធៀបការយ៉ាងល្អប្រណីតបែបនេះ, ធៀបស្អាតមួយគ្មានពីរ , Review ធៀបសិន ស្អាតខ្លាំង….»។

មិនត្រឹមតែធៀបការប៉ុណ្ណោះទេដែលទទួលបានការសរសើរនិងចាប់អារម្មណ៍ខ្លាំងពីមហាជនសូម្បីតែរូបភាព Pre Wedding ដែលតុបតែងខ្លួនសម័យពីដើមរបស់ ជី ដេវិត និង ទេព បូព្រឹក្ស បានល្បីកក្រើកយ៉ាងខ្លាំងខណៈអ្នកបង្កើតមាតិកានៅលើបណ្តាញសង្គមនាំគ្នាតុបតែងខ្លួនតាមសម័យកាលពីមុនព្រោងព្រាតផងដែរ។ គួរបញ្ជាក់ផងដែរថាមង្គលការអ្នកទាំងពីរនឹងប្រព្រឹត្តិទៅនៅថ្ងៃទី៧ ខែមិថុនា ឆ្នាំ២០២៥៕

ដូចប្រិយមិត្តមួយចំនួនជ្រាបមកហើយថាការសហការរវាង វណ្ណដា និងតារាហ៊ីបហបថៃ Youngohm បង្កឱ្យមានការចាប់អារម្មណ៍យ៉ាងខ្លាំងខណៈអ្នកទាំងពីរសុទ្ធតែល្បីឈ្មោះប្រចាំប្រទេសដូចគ្នា។ ទោះយ៉ាងណា មូលហេតុនៅពីក្រោយដែល វណ្ណដា សម្រេចចិត្តសហការជាមួយនឹង Youngohm ត្រូវបានលាតត្រដាងកាលពីពេលថ្មីៗនេះ។

តាមរយៈវីដេអូរបស់ Bee Moo បង្ហោះនៅលើបណ្តាញសង្គមនាពេលថ្មីៗនេះក្នុងពេលទៅចូលរួមការប្រគំតន្រ្តីរបស់ វណ្ណដា នៅខេត្តបាត់ដំបង វណ្ណដា បានទម្លាយអំពីមូលហេតុនៃការសម្រេចចិត្តសហការជាមួយនឹងតារាថៃ Youngohm ទៅលើបទចម្រៀងមានចំណងជើងថា «smoke up» បទមួយនៅក្នុងអាល់ប៊ុមទី៣របស់ខ្លួនដែលបានចេញទៅថត MV នៅប្រទេសថៃ។

វណ្ណដា បានបង្ហាញថា មូលហេតុការសម្រេចចិត្តសហការរបស់ខ្លួនជាមួយនឹង Youngohm លោកបានប្រាប់ទៅកាន់ក្រុមការងារមិនធ្លាប់បានប្រាប់ទៅខាងក្រៅនោះទេ ហើយការសម្រេចចិត្តសហការគ្នានេះគឺដោយសារតែសមត្ថភាពរបស់លោកនិង Youngohm គឺស្រដៀងគ្នាច្រើនជាមួយនឹងជំនាញ(Skill) តាំងពីអត្តចរិត តាំងពីការនិយាយចូលគ្នាគឺលោកស្រលាញ់ Youngohm មែនទែនហើយលោកគិតថា Youngohm ស័ក្តិសមជាមួយនឹងបទ «smoke up»។

ជាមួយនឹងការលាតត្រដាងនេះ វណ្ណដា បានបង្ហើបដែរថាលោកនឹងមានបន្តទៀតដោយសង្ឃឹមថាទស្សនិកជននឹងពេញចិត្តជាមួយនឹងបទ «smoke up» ហើយវាជាក្តីស្រមៃមួយរបស់លោកក្នុងការសហការគ្នានេះដោយលោកគិតថាលោកនិង Youngohm គួរតែមាន Track ជាមួយគ្នា។ នាថ្ងៃទី១៧ ខែឧសភា ខាងមុខនេះតារាថៃ Youngohm នឹងមានវត្តមានចូលរួមការប្រគំតន្រ្តីដ៏ធំរបស់ វណ្ណដា ផងដែរ។

«smoke up» បានទម្លាក់ MV នៅថ្ងៃទី១៣ ខែមីនា ឆ្នាំ២០២៥ ដែលមកទល់ពេលនេះមានការទស្សនាលើសពី២.៥លានដង។ គួរឱ្យដឹងថាមុននឹងសហការជាមួយ Youngohm វណ្ណដា ធ្លាប់មានការសហការដ៏ជោគជ័យជាមួយតារារ៉េបនៅប្រទេសថៃផ្សេងទៀតដូចជាបទ « Run The Town» ជាមួយ F.HERO 1MILL & SPRITE ដែលបានទម្លាក់កាលពីឆ្នាំ២០២២ និងបទ «BONG» ជាមួយ OG BOBBY ៕

លោក អិត រ៉ាដា ដែលមហាជនដឹងថាគឺជាស្វាមីរបស់តារាចម្រៀង មាស សុខសោភា បានបង្ហោះសារយ៉ាងវែងអន្លាយនៅលើគណនីហ្វេកប៊ុករបស់ខ្លួនអំពីសកម្មភាពមិនប្រក្រតីរបស់ លោកតាសក់សភ្នំត្បែង។ ក្នុងនោះលោកក៏បានមេនសិនក្រសួងមួយចំនួនក្នុងការបង្ហោះរបស់លោកដើម្បីត្រួតពិនិត្យសកម្មភាពនានាដោយសារតែបុគ្គលនេះមានតួនាទីច្រើនក្នុងពេលតែមួយ។

នៅថ្ងៃទី៧ ឧសភា គណនីហ្វេកប៊ុកលោក អិត រ៉ាដា បានបង្ហោះថា «នៅខែមិថុនា ឆ្នាំ ២០២៣ បទចម្រៀង «ព្រះបាទជ័យវរ្ម័នទី ៧ សោយទិវង្គត» ត្រូវបានដកចេញតាមសំណើរបស់សម្តេច ហ៊ុន សែន ដោយសារតែបទចម្រៀងរបស់វា។ អ្នកសរសេរបទចម្រៀង Mr. Vong Chakrayuth ដែលត្រូវបានគេស្គាល់ថា អង្គមហាឦស្វរៈសិវមោក្ខ-ពេជ្រ សង្វារវង្ស ហៅ លោកតាសក់សភ្នំត្បែង គឺទទួលខុសត្រូវទាំងស្រុងចំពោះបទចម្រៀងនេះ។ ខ្ញុំបានសម្រេចចិត្តយ៉ាងច្បាស់ជាមួយគាត់ ហើយបានសុំឱ្យគាត់ឈប់ជ្រៀតជ្រែកក្នុងជីវិតរបស់យើង ហើយគាត់បានអះអាងថាគាត់នឹង – ប៉ុន្តែមិនទាន់មកដល់ថ្ងៃនេះទេ។

លោកបានឱ្យដឹងថា ការជ្រៀតជ្រែកនៅតែបន្តឥតខ្មាសចាប់តាំងពីឆ្នាំ ២០២៣ ខណៈក៏មានការអះអាងថាខ្លួនឯងគឺជាទាហានចូលនិវត្តន៍ ដោយលោកបានមេនសិន ក្រសួងមហាផ្ទៃ ដោយយល់ថា លោកតាសក់សភ្នំត្បែង តាំងខ្លួនជាព្រះសង្ឃ នៅតែប្រព្រឹត្តមិនសមរម្យ ដោយភ្ជាប់ខ្លួនជាមួយស្ត្រីរៀបការ រៀបចំពិធីសាសនា និងការធ្វើដំណើរជាមួយពួកគេសូម្បីតែនៅក្រៅប្រទេស (ម៉ាឡេស៊ី)។ ការធ្វើអាជីវកម្ម (ពាណិជ្ជកម្មរ៉ែ និងរ៉ែ) រួមមាន ភ្លុកដំរីខុសច្បាប់ ខណៈលោក រ៉ាដា បានមេនសិនក្រសួងបរិស្ថាន។

លោកបន្តបង្ហាញទៀតថា « បើអ្នកពិតជាព្រះសង្ឃ តើមានកម្រិតណាខ្លះ? ព្រះសង្ឃគួរធ្វើជាគំរូដោយជៀសវាងការចងគំនុំ គោរពគ្រួសារឬ? ព្រះសង្ឃពិតជៀសវាងការល្បួង ហើយរស់នៅដោយបន្ទាបខ្លួន មិនមែនកេរ្តិ៍ឈ្មោះ លុយកាក់ ឬឥទ្ធិពលទេ។សកម្មភាពទាំងនេះបានបង្កបញ្ហាក្នុងគ្រួសារ និងបង្កក្តីបារម្ភយ៉ាងខ្លាំងអំពីចេតនាពិតរបស់គាត់។
តើបន្ទាត់រវាងការណែនាំខាងវិញ្ញាណ និងការជ្រៀតជ្រែកផ្ទាល់ខ្លួននៅឯណា?
តាមព័ត៌មានដែលខ្ញុំទទួលបានទាក់ទងនឹងក្រសួងសាសនានៅខេត្តព្រះវិហារដែលកំពុងបំពេញការងារយ៉ាងរហ័ស និងអស្ចារ្យ ពួកគេក៏ប្រញាប់ស្វែងរកប្រាសាទនេះដែលកំពុងសាងសង់ ហើយផ្ទុយនឹងបទប្បញ្ញត្តិរបស់រដ្ឋាភិបាល។ ខ្ញុំបានស្វែងរកក្រសួងជួយអន្តរាគមន៍ និងចោទសួរពីការប្រើប្រាស់ថវិកាដែលត្រូវបានប្រើប្រាស់ជាដើម»។

លោក រ៉ាដា បង្ហាញពីគំនិតរបស់ខ្លួនថា «នេះគឺជាការ Narcissism – លក្ខខណ្ឌមួយដែលមនុស្សម្នាក់មានអារម្មណ៍ហួសហេតុនៃសារៈសំខាន់ខ្លួនឯងហើយស្វែងរកការយកចិត្តទុកដាក់និងការកោតសរសើរជានិច្ច។ ជារឿយៗពួកគេខ្វះការយល់ចិត្ត ហើយនឹងរៀបចំអ្នកដទៃឱ្យសម្រេចបាននូវគោលដៅរបស់ពួកគេ បើទោះបីជាវាមានន័យថាបង្វែរអ្នកប្រឆាំងនឹងគ្រួសារ មិត្តភក្តិ អាជីព ឬនរណាម្នាក់ដែលចោទសួរអំពីជំនឿរបស់ពួកគេក៏ដោយ។ ខ្ញុំយល់ថាមិនមែន តាបស់/តាឥសី/គ្រូទាយ ទាំងអស់សុទ្ធតែអាក្រក់នោះទេ។ តាមពិតទៅ ការស្វែងរកដំបូន្មានពីអ្នកដឹកនាំខាងវិញ្ញាណ ឬអ្នកណែនាំនៅខាងក្រៅគ្រួសារ គឺជាទំនៀមទម្លាប់តាំងពីយូរយារណាស់មកហើយ ជាពិសេសសម្រាប់ការសម្រេចចិត្តក្នុងជីវិតសំខាន់ៗ ដូចជាការរៀបការ ឬជ្រើសរើសថ្ងៃល្អដើម្បីបើកអាជីវកម្ម គឺជាផ្នែកនៃវប្បធម៌ខ្មែរ។ ជាមួយនឹងការជឿទុកចិត្តនោះមក ទំនួលខុសត្រូវក្នុងនាមជាគ្រូ/គ្រូ ហើយការណែនាំពិតប្រាកដមិនគួរឆ្លងកាត់ព្រំដែនផ្ទាល់ខ្លួន ឬសីលធម៌ឡើយ។ អ្នកដឹកនាំខាងវិញ្ញាណត្រូវតែយល់ពីដែនកំណត់របស់ពួកគេ និងមិនត្រូវកេងប្រវ័ញ្ចបុគ្គលដែលងាយរងគ្រោះនោះទេ។»

អស់រយៈពេល ៤ឆ្នាំកន្លងមកនេះ ខ្ញុំកំពុងព្យាយាមស្វែងយល់ពីគោលជំហរ និងអត្តសញ្ញាណពិតរបស់បុគ្គលនេះ ព្រោះវាហាក់ដូចជាបង្ហាញតួនាទីច្រើនពេកក្នុងពេលតែមួយ។ ការអះអាងកន្លងមកអំពីពិធីចូលឆ្នាំខ្មែរ និងទេវតាចូលមកដល់នៅថ្ងៃទី ១៤ ខែមេសា។ ផ្ទុយនិងបំភ័ន្តសាធារណជនអំពីការមកដល់មុន? ដូច្នេះ តើយើងត្រូវតែធ្វើការប្រុងប្រយ័ត្នអ្វីខ្លះសម្រាប់ការដឹកនាំសាធារណជនក្នុងផ្លូវនេះ? ប្រសិនបើគាត់អះអាងថាជា “មហា Ishavara Shiva Mokkaha ល។

ស្វាមីអ្នកនាង មាស សុខសោភា បានបន្តរៀបរាប់ថា «បើព្រះសង្ឃអង្គណាមានបំណងចង់បានប្រាសាទនោះ គួរដោះស្រាយជូនអាជ្ញាធរឲ្យបានត្រឹមត្រូវ មិនថាគម្រោងនោះមានទំហំប៉ុនណាទេ។ មូលនិធិទាំងអស់ រួមទាំងការបរិច្ចាគពីប្រភពខាងក្រៅ គួរតែត្រូវបានចងក្រងជាឯកសារត្រឹមត្រូវ និងចុះបញ្ជីសម្រាប់គម្រោងសាងសង់ ឬអភិវឌ្ឍន៍ណាមួយ។ អ្នកខ្លះអាចទាញយកគំនិតដើម្បីប្រយោជន៍ផ្ទាល់ខ្លួន ដោយបង្វែរសាសនាទៅជាអាជីវកម្ម។ ការសុំទោសរបស់ខ្ញុំប្រសិនបើរឿងនេះស្ថិតនៅក្នុងច្បាប់នោះវាគួរតែជាការរំលឹក។ ប្រធានបទនេះអំពីគ្រូ/គ្រូមិនមែនមានតែក្នុងប្រទេសកម្ពុជាទេ ប៉ុន្តែនៅជុំវិញពិភពលោកមានមនុស្សដែលប្រព្រឹត្តលើសច្បាប់គឺការបំភ្លៃ ការលាងខួរក្បាល និងបញ្ចុះបញ្ចូលអ្នកដទៃឲ្យបោះបង់គ្រួសារ មិត្តភ័ក្តិ និងតម្លៃ។ គួរឱ្យស្តាយ វាកំពុងកើតឡើងនៅទីនេះ ដូចដែលខ្ញុំបានឃើញ»។ ឆាប់ៗនេះ ខ្ញុំនឹងចែករំលែកបន្ថែមទៀតអំពីរបៀបរស់នៅដ៏ប្រណិតរបស់ព្រះសង្ឃមួយអង្គនេះ ហើយប្រាក់ 230,000 USD ដុល្លារដែលបានផ្ញើដោយផ្ទាល់ទៅកាន់គណនី ABA របស់គាត់ រួមទាំងការវះកាត់កែសម្ផស្សរបស់គាត់ផងដែរ»។

ជុំវិញការលាតត្រដាងនេះលោក អិត រ៉ាដា បានបង្ហាញពីគោលបំណងរបស់ខ្លួននៃការលើកឡើងខាងលើនេះគឺដើម្បីលើកកម្ពស់ការយល់ដឹងនៅក្នុងប្រទេសកម្ពុជា ហើយសារនេះក៏សម្រាប់ជនរងគ្រោះដែលនៅជុំវិញពិភពលោកផងដែរ ដើម្បីស្វែងយល់។ លោកថា« ខ្ញុំឃើញថានៅក្នុងគ្រប់គ្រួសារទាំងអស់នៅទីនេះក្នុងប្រទេសកម្ពុជា ហាក់បីដូចជាមានមនុស្សម្នាក់នៅក្នុង ឬនរណាម្នាក់ដែលស្គាល់ថាជាជនរងគ្រោះដោយសារអ្វីដែលគេហៅថា តាបស់/តាឥសី/គ្រូទាយ. ក្រសួងធម្មការនិងសាសនា ដល់ពេលនិយាយហើយ ទាក់ទងមកខ្ញុំដោយផ្ទាល់ ប្រសិនបើអ្នកជាជនរងគ្រោះ»។

គួរបញ្ជាក់ផងដែរថាកាលពីថ្ងៃទី១១ ខែមេសា ឆ្នាំ២០២៥ លោក រ៉ាដា បានប្រកាសជាសាធារណៈលាឈប់ពីតំណែងជានាយក Camtrax Music និង មាស សុខសោភា (MSP) Digital Marketing ៕