ទីក្រុងបាងកក ៖ ប្រទេសថៃនឹងអនុវត្តការហាមឃា..ត់ការលក់ស្រា និងគ្រឿងស្រវឹងគ្រប់ប្រភេទ នៅថ្ងៃវិសាខបូជា ដែលនឹងប្រព្រឹត្តិទៅនៅថ្ងៃអាទិត្យ ទី១១ ខែឧសភា ឆ្នាំ២០២៥ ខាងមុខនេះ ដើម្បីបង្ហាញពីការគោរពខ្ពង់ខ្ពស់ចំពោះពិធីបុណ្យដ៏សំខាន់នៃព្រះពុទ្ធសាសនា។ នេះបើយោងតាមសារព័ត៌មានថៃ The Bangkok Post កាលពីថ្ងៃសុក្រ ទី៩ ឧសភា។

យោងតាមសេចក្តីជូនដំណឹងរបស់ការិយាល័យនាយករដ្ឋមន្ត្រីថៃ ដែលចុះផ្សាយនៅលើគេហទំព័រ Royal Gazette ការធ្វើវិសោធនកម្មលើការហាមឃា..ត់ការលក់ភេសជ្ជៈដែលមានជាតិអាល់កុលគ្រប់ប្រភេទនៅអំឡុងពេលនៃពិធីបុណ្យវិសាខបូជា បានចូលជាធរមានកាលពីឆ្នាំមុន ប៉ុន្តែការហាមឃា..ត់ក៏មានបែងចែកកម្រិតពីំធ្យម ទៅតឹងរឹងខ្លាំងផងដែរ អាស្រ័យតាមតំបន់ និងទីតាំងដាក់លក់ ដើម្បីឲ្យស្របទៅនឹងកាលៈទេសៈបច្ចុប្បន្ន។

សម្រាប់ទីកន្លែងដែលមានការរឹតបន្តឹងខ្លាំង គឺមាននៅតាមតំបន់កម្សាន្តសប្បាយមួយចំនួនរួមមាន ៖ ប៉ាតាយ៉ា ហាមឃា..ត់លក់នៅក្នុងទី១១ ឧសភា និងនៅ ភូកេត ហាមលក់ស្រារយៈពេល៣០ម៉ោង ចាប់ពីល្ងាចថ្ងៃសៅរ៍ ទី១០ ឧសភា ដល់ល្ងាចថ្ងៃអាទិត្យ ទី១១ ឧសភា ។ ក្នុងករណីបុគ្គលណាម្នាក់ល្មើសនឹងការហាមឃា..ត់នេះ នឹងត្រូវពិន័យជាប្រាក់១ម៉ឺនបាត ឬអាចនឹងត្រូវឃុំខ្លួនរយៈពេល៦ខែ។

ដោយឡែកក៏មានទីកន្លែងមួយចំនួនទៀតត្រូវបានគេបន្ធូបន្ធយការរឹតបន្តឹងនេះ រួមមាន៖
-អាកាសយានដ្ឋានអន្តរជាតិ (សម្រាប់តែអ្នកដំណើរអន្តរជាតិ)
-សណ្ឋាគារ (ដែលមានអាជ្ញាប័ណ្ណត្រឹមត្រូវ)
-តំបន់ទេសចរណ៍មួយចំនួន ដែលមានការអនុញ្ញាតដោយក្រសួង
-ទីតាំងពិសេសសម្រាប់ព្រឹត្តិការណ៍ជាតិ ឬអន្តរជាតិ ដែលមានការសម្រេចពីក្រសួងត្រឹមត្រូវ។

គួរបញ្ជាក់ថា សេចក្តីប្រកាសដែលបានចែងអំពីការលក់ភេសជ្ជៈមានជាតិអាល់កុលដូចរៀបរាប់ខាងលើ ក៏ត្រូវបានហាមឃា..ត់នៅថ្ងៃមួយចំនួនផ្សេងទៀតដូចជា៖ បុណ្យមាឃបូជា បុណ្យវិសាខបូជា និងថ្ងៃមានការបោះឆ្នោតជាដើម៕

ពិធីមង្គលការរបស់តារាចម្រៀង រ៉ាប៊ី និង កីឡាករបាល់ទាត់ខ្មែរកាត់អាម៉េរិក Nick Taylor បានបញ្ចប់រួចរាល់ហើយដោយមានការចូលរួមពីសិល្បករ សិល្បការិនី និង កីឡាករបាល់ទាត់មួយចំនួន។ ស្របពេលជាមួយគ្នានេះលោក រៀនថត បានបង្ហើបប្រាប់ដែរថាក្នុងពិធីមង្គលការរបស់ខ្លួនកាលពីយប់មិញ Nick មិនបានប៉ះស្រាសូម្បីមួយដំណក់ ខណៈនៅពេលពិធីកាត់សក់បង្កក់សិរីកូនកំលោះឆ្លើយថាតមផ្សំដំណេកសិន។

នៅវេលាម៉ោង៧និង២៨នាទីព្រឹក ថ្ងៃទី១០ ឧសភា នៅលើបណ្តាញសង្គមរបស់កីឡាករ Nick Taylor ស្រាប់តែបង្ហោះរូបភាពមួយសន្លឹកជាមួយនឹងចំណងជើងខ្លីថា « Time to write history។ ជាមួយនឹងការបង្ហោះរូបទាំងព្រឹកទាំងយប់មិញ(៩ ឧសភា) ជាពិធីមង្គលការរបស់ខ្លួននេះលោក ឆេង សុភ័ក្រ្ត ហៅ រៀនថត បានបង្ហើបដែរថាកាលពីយប់មិញ Nick មិនបានប៉ះជាតិអាល់កុលនោះទេ។ លោក បានសរសេរយ៉ាងដូច្នេះថា «ចង់ប្រាប់បងប្អូនថា ខ្ញុំទៅការគាត់យប់មិញគាត់មិនបានប៉ះជាតិអាកុលសូម្បីមួយតំណក់ ហើយមិត្តភក្តិក៏ជូនពរ ហើយចង់ឱ្យគាត់បង្ហាញខ្លួនល្ងាចនេះផងដែរ ខ្ញុំប្រាប់គាត់ថាសុតឱ្យបាន១គ្រាប់យ៉ាងតិច»។

ក្រោយពីទស្សនិកជនដឹងថា Nick Taylor មិនបានប៉ះជាតិអាល់កុលត្រៀមខ្លួនប្រយុទ្ធលើសមរភូមិបាល់ទាត់ដើម្បីដណ្តើមពានលើកដំបូងក្នុងប្រវត្តិសាស្រ្តនេះបានធ្វើឱ្យអ្នកគាំទ្រជាច្រើនកោតសរសើរទៅកាន់កីឡាកររូបនេះ។

មិនត្រឹមតែមិនប៉ះជាតិស្រាប៉ុណ្ណោះទេ ប៉ុន្តែនៅពេលពិធីកាត់សក់បង្កក់សិរី នាយក្រូច បានជីកសួរអំពីការហើយផ្សំដំណេកដូចគ្នាហើយត្រូវបានកូនកំលោះឆ្លើយតបសើចពេញរោងការព្រោះត្រូវតមផ្សំដំណេកសិនដើម្បីត្រៀមកម្លាំងប្រកួតបាល់ទាត់។

គួរបញ្ជាក់ផងដែរនៅវេលាម៉ោង៧យប់ថ្ងៃទី១០ ឧសភា នេះក្លិបព្រះខ័នរាជស្វាយរៀងនឹងត្រូវប្រកួតជាមួយនឹង FC Arkadag ក្នុងការដណ្តើមពានរង្វាន់ AFC Challenge League 2024/2025 ៕

ស្របពេលតារាចម្រៀង មាស សុខសោភា កំពុងប្រឈមនឹងបញ្ហាធំ សិល្បករ សិល្បការិនី ជាច្រើនរូបក្នុងវិស័យសិល្បៈបានស្រុះដៃគ្នាជួយលើកទឹកចិត្តនិងផ្តល់កម្លាំងចិត្តមកកាន់តារាចម្រៀងរូបនេះ។ ក្នុងនោះ តារាចម្រៀង សុគន្ធ និសា បង្ហាញការយល់ចិត្តនិងផ្តល់កម្លាំងចិត្តទៅកាន់ មាស សុខសោភា ខណៈតារាចម្រៀង សុខ សីឡាលីន បង្ហាញការព្រួយបារម្ភយ៉ាងខ្លាំងនិងមិនចង់ឱ្យរៀមច្បងរូបនេះលង់ខ្លួនទៅនឹងអបិយជំនឿខ្លាំងពេក។

អ្នកនាង សុគន្ធ និសា បានសរសេរនៅលើបណ្តាញសង្គមថា «លើលោកនេះមានរឿងដែលមិនអាចនិយាយចេញមកច្រើនណាស់ love you #Phea. ស្រឡាញ់ខ្លួនឯងឱ្យច្រើន»។

តារាចម្រៀងប្រចាំផលិតកម្មរស្មីហង្សមាស សុខ សីឡាលីន បានបង្ហាញចំណុចខ្លះទៅកាន់រៀមច្បងនិងថា មាស សុខសោភា ជារៀមច្បងសិល្បៈដែលមានទឹកដមផ្អែមស្រទន់ស្តាប់មិនចេះជិនណាយ។ ក្នុងការរៀបរាប់របស់ សុខ សីឡាលីន នាងបានកោតសរសើរជាច្រើនមកកាន់តារាចម្រៀង មាស សុខសោភា និងបានបង្ហាញការតស៊ូក្នុងជីវិតរបស់រៀមច្បងរូបនេះ។

សុខ សីឡាលីន ថានាងមិនបានដឹងរឿងរ៉ាវជីវិត អ្នកនាង មាស សុខសោភា និងលោក ដា
លម្អិតនោះទេ តែតាំងពីឃើញអ្នកទាំងពីរជាគូត្រសង ផ្អែមល្ហែម គិតគូគ្នា នាងស្រលាញ់គូអ្នកទាំងពីរណាស់ ។ តារាចម្រៀងរូបនេះថា មិនដឹងថាមាស សុខសោភា មានសម្ពាធកម្រិតណានោះទេរហូតដល់ស្វាមីមិនអាចចែករំលែកបានរហូតទាល់តែបានជួបរឿងរ៉ាវនេះ។
ទោះយ៉ាងណា សុខ សីឡាលីន ថា មាស សុខសោភា មានគ្រប់យ៉ាង កេរ្តិ៍ឈ្មោះ ភាពជោគជ័យ ទ្រព្យសម្បត្តិ.. ម្តាយ បងប្អូន (រួមទាំងប្តី) និងមនុស្សរាប់លាននាក់ស្រលាញ់ដោយមិនបានហាមសេចក្តីសុខផ្លូវចិត្តរបស់នាងទេ តែមានការព្រួយបារម្ភ។

សំណេរ សុខ សីឡាលីន រៀបរាប់ថា «បងស្រី រឿងខ្លះនៅកៀកពេកពិបាកមើលឃើញ តែបើសាកថយឱ្យឆ្ងាយ១រឺ២ជំហ៊ាន បងស្រី អាចមើលឃើញស្រលះជាងនេះ ចង់ឃើញបងស្រីរឹងមាំផ្លូវចិត្តជាងនេះ កុំជឿលើជំនឿអរូបិយខ្លាំងរហូតភ្លេចអ្វីដែលបងធ្លាប់ខ្លាំង ដោយខ្លួនឯងពីមុន បងមានអ្វីៗ ពិសេសនិងល្អជាង លោកគ្រូដែលណែនាំបងទៅទៀតដោយស្រីស្រលាញ់ អាណិតបងស្រី ចង់អោយបងត្រលប់មកមានជំនឿ Confident ចំពោះខ្លួនឯងចៀសជាងជឿលើផ្លូវផ្សេងកាន់តែជ្រៅ»៕

តារាចម្រៀងរ៉េប 1NE បានសារភាពត្រង់ៗនៅក្នុងកិច្ចសម្ភាសន៍មួយថាតារាចម្រៀង ជី ដេវិត គឺជាអាយដលអ្នកបំផុសគំនិតរបស់លោករហូតឈានមកដល់ថ្ងៃនេះជាពិសេសចំណុចតស៊ូរបស់ ជី ដេវិត លើអាជីពតន្រ្តី។

នៅក្នុងកម្មវីធី «spotlight» តារារ៉េប 1NE ម្ចាស់បទ «អន់»ឬទស្សនិកជនស្គាល់ឃ្លាចម្រៀងថា «គ្នាខ្ញុំតិចតែតាន់…» បានចូលរួមជាតារាកិត្តិយសនៅក្នុងកម្មវិធី ហើយនេះអាចនិយាយបានថាជាបទសម្ភាសន៍លើកដំបូងរបស់លោកចាប់តាំងពីមានរឿងអាស្រូវដ៏កក្រើកកាលពីឆ្នាំ២០២៤។ នៅក្នុងបទសម្ភាសន៍ 1NE ក៏ទទួលបាននូវសំណួរអំពីអាយដល អ្នកបំផុសគំនិតរបស់ខ្លួនហើយលោកបានឆ្លើយដោយមិនស្ទាក់ស្ទើរនោះគឺជាតារាចម្រៀង ជី ដេវិត។

1NE បានឆ្លើយតបថាអ្នកដែលតាមដានលោកដឹងហើយថាអាយដលរបស់លោកគឺជានរណា ប៉ុន្តែលោកសូមបញ្ជាក់តែម្តងថា តារាចម្រៀង ជី ដេវិត គឺជាអាយដលរបស់លោកអ្នកបំផុសគំនិតដល់ខ្លួន។ គាត់ (ជី ដេវិត) គឺជាសិល្បករដំបូងដែលខ្ញុំស្រលាញ់នៅប្រទេសកម្ពុជាគាត់ rapគាត់អីគ្រប់យ៉ាងដែលគាត់មាន លោកជាហ្វេន ជី ដេវិត យូរមកហើយ។ អ្វីដែលលោកមើលឃើញគឺជាចំណុចតស៊ូរបស់ ជី ដេវិត ដែលរុញច្រានលោកមកដល់ថ្ងៃនេះ។ ជាមួយគ្នានេះ 1NE ក៏បានច្រៀងរ៉េបបទរបស់ ជី ដេវិត ផងដែរ។

ក្រឡេកទៅកាន់កាលពី 1NE ទម្លាក់បទ «អន់» គណនីយូធូបរបស់ ជី ដេវិត ក៏បានចូលទៅខម្មិនបង្ហាញការគាំទ្រនិងសរសើរទៅកាន់ 1NE ។

គួរឱ្យដឹងថា បន្ទាប់ពីរងនូវរឿងអាស្រូវដ៏ធំកាលពីឆ្នាំ២០២៤ 1NE បានព្យាយាមបោះជំហានឡើងវិញម្តងបន្តិចៗ និងទទួលបានឱកាសពិសេសសហការជាមួយនឹងរៀមច្បងអ្នកនាង ខាត់ សុឃីម ដែលបានចេញនៅលើទីផ្សារកាលពីខែមេសា មកនេះ៕

ដូចប្រិយមិត្តជ្រាបមកហើយថាតារាចម្រៀង មាស សុខសោភា បានចេញមកបកស្រាយជុំវិញសម្ព័ន្ធជាមួយលោក អិត រ៉ាដា ជាអតីតស្វាមីយ៉ាងភ្ញាក់ផ្អើលនិងបានបញ្ជាក់ពីលោកតាសក់សភ្នំត្បែងបានជួយស្រោយស្រង់ជីវិតរបស់ខ្លួន។ ជុំវិញរឿងនេះបានបង្កឱ្យទស្សនិកជនជាច្រើនភ្ញាក់ផ្អើលខណៈអ្នកលេងបណ្តាញសង្គមមួយចំនួនបានពោលពាក្យមិនសមរម្យទៅកាន់តារាចម្រៀងដែលមានឈ្មោះបោះសំឡេងរូបនេះ។

ស្របពេលតារាចម្រៀង មាស សុខសោភា ប្រឈមនឹងបញ្ហាអ្នកសិល្បៈច្រើនរូបបានបង្ហោះសារលើកទឹកចិត្តទៅកាន់តារាចម្រៀងរូបនេះ។ ជាក់ស្តែងដូចជា ប៉ីប៉ី ឌី ទោះបីជាមិនបង្ហោះដាក់ចំឈ្មោះអ្នកនាង មាស សុខសោភា ប៉ុន្តែសំណេររបស់លោកគឺហាក់សម្តៅទៅកាន់រឿងដែលកំពុងកើតឡើង។ លោកបានបង្ហោះថា «នៅពេលដែលអ្នកឈរនៅកន្លែងកាន់តែខ្ពស់ អ្នកកាន់តែមានសម្ពាធ អ្នកអាចបង្ហាញត្រឹមរូបភាពល្អៗ រឿងរ៉ាវទុក្ខសោកផ្សេងៗបើធ្លាយចេញវានឹងក្លាយជាប្រធានបទវែកញែក វាពិតជាអយុត្តិធម៌ណាស់
មិនអាចមានអ្នកណារឹងមាំគ្រប់ពេលទេ តើផ្លូវចិត្តនឹងទៅជាយ៉ាងណាបើគ្មានការលើកទឹកចិត្ត គ្មានការស្តាប់?ហើយរឹតតែពិបាកទ្រាំបើសិនជាមិនអាចនិយាយ លើកទឹកចិត្ត ផ្តល់កំលាំងចិត្ត ព្រមស្តាប់ ជាអ្វីដែលយើងមិនពិបាកនឹងធ្វើទេ ហេតុអីជ្រើសយកការស្តីបន្ទោស?»។

តារាចម្រៀង ប្រេម៉ា បានបង្ហោះរូបជាមួយនឹងតារាចម្រៀង មាស សុខសោភា ព្រមជាមួយនឹងការដឹងគុណក្នុងវិស័យសិល្បៈចាត់ទុកដូចជាគ្រូម្នាក់របស់នាងទោះបីជាមិនបានរៀនដោយផ្ទាល់ក្តី។ ប្រេម៉ា បានសរសេរថា «ពីក្មេងស្រីម្នាក់ដែលបានហាត់ច្រៀងតាមចម្រៀងរបស់បងតាំងពីនៅក្មេងខ្ចី ទោះបងមិនបានបង្ហាត់ប្អូនច្រៀងដោយផ្ទាល់ តែប្អូនសុំហៅបងថាគ្រូ។ រៀងរាល់ពេលដែលខ្ញុំបានជួបបងខ្ញុំសប្បាយចិត្តណាស់ សង្ឃឹមថាគ្រប់យ៉ាងហ្នឹងល្អឆាប់ៗ ជូនពរឱ្យបងឆាប់ជៀសឆ្ងាយពីរឿងមិនល្អទាំងឡាយ មិនថាមានរឿងអ្វី ពួកយើងនៅតែស្រលាញ់បងជានិច្ច»។

ងាកទៅកាន់តារាចម្រៀង ទីងតុង វិញ បានបង្ហោះរូបអនុស្សារវីយ៍ជាមួយអ្នកនាង មាស សុខសោភា អមដោយពាក្យពេចន៍ថា «ឱ្យខ្ញុំរៀបរាប់អាម្មណ៍ខ្ញុំពេលនេះយ៉ាងណាទៅ? ទោះខ្ញុំមិនសូវយល់ពីអ្វីបងនិយាយ តែខ្ញុំគិតថា បងឆ្លងកាត់រឿងរ៉ាវច្រើនណាស់! ឆ្លងកាត់ស្ងាត់ សម្ងំបៀមទុក្ខស្ងាត់ៗ ស្ងាត់ណាស់ ស្ងាត់បំផុត។ បងបានអនុញ្ញាតឱ្យរឿងណាដែលបងចង់ឱ្យប្រិយមិត្តឃើញប៉ុណ្ណោះ! ពេលនេះ….ខ្ញុំចង់ប្រាប់ថា ស្រលាញ់បង និងអាណិតបងណាស់ ឱ! អាយដលខ្ញុំអឺយ! »។

តារាចម្រៀងក្នុងទ្រនំថោនអ្នកនាង នីរ័ត្ន បានបង្ហាញយ៉ាងដូច្នេះថា «ចង្កៀងផ្ទះអ្នកណា ភ្លឺផ្ទះអ្នកនោះ ជាពាក្យចាស់ៗដំណរគ្នា សូមវិភាគដោយបញ្ញា។ (ក្នុងនាមជាអ្នកសិល្បៈមួយរូប)យើងមិនមែនជាទេវតា រឺព្រះឥន្រ្ទដែលមានកញ្ចក់ទិព្វឆ្លុះរឿងពិតនៃពួកគាត់ឃើញទេ ហេតុអីយើងហ៊ានវាយតម្លៃត្មិះដៀលច្បាស់ៗ អ្នកមិនទាន់ចូលសិល្បៈគិតថាសិល្បៈអស្ចារ្យនិងរីករាយសប្បាយៗសម្បើមណាស់ តែតាមការពិតក្លាយជាអ្នកសិល្បៈគឺជាមនុស្សឯកាបំផុត សន្សំទេពកោសល្យ ផលិតមនោសច្ចេតនាទៅលក់ឱ្យគេទស្សនា តែខ្លួនឯងឯការកទីបំផុតគ្មាន!!! តើអ្នកណាជួបខ្លះ???»៕