ប្រទេសថៃ ៖ នៅថ្ងៃទី២៦ ខែកក្កដា ឆ្នាំ២០២៥ អ្នកនាំពាក្យរដ្ឋាភិបាលថៃ លោក អនុគូល ព្រឹក្សានុសាក់ បាននិយាយពីស្ថានការណ៍អសន្តិសុខនៅប្រទេសថៃ ដោយសារក្រុមស្ទាវដើរបង្កបញ្ហាវាយធ្វើបាបពលរដ្ឋខ្មែរ រួចហើយថតវីដេអូបង្ហោះក្នុងបណ្តាញសង្គម ។ រដ្ឋាភិបាលថៃប្រកាសឱ្យក្រុមស្ទាវត្រូវបញ្ឈប់ការបង្កើតមាតិកាធ្វើបាបរាងកាយពលរដ្ឋខ្មែរដែលស្នាក់នៅប្រទេសថៃ និងឱ្យតាំងស្មារតី ពីព្រោះពលរដ្ឋខ្មែរពុំបានធ្វើបាបពលរដ្ឋថៃរស់នៅកម្ពុជាទេ ។

អ្នកនាំពាក្យរដ្ឋាភិបាលថៃ លោក អនុគូល ព្រឹក្សានុសាក់ និយាយថា ពលរដ្ឋខ្មែររស់នៅប្រទេសថៃពុំពាក់ព័ន្ធនឹងការបាញ់ប្រហារនៅតំបន់ព្រំដែនកម្ពុជា-ថៃទេ ហើយលោកសំណូមពរឱ្យក្រុមស្ទាវថៃគិតពីមនុស្សធម៌ ។ រដ្ឋាភិបាលបានឱ្យសមត្ថកិច្ចចុះពិនិត្យមើលក្នុងតំបន់ដើម្បីកុំឱ្យស្ទាវថៃធ្វើបាបពលរដ្ឋខ្មែរ ជាពិសេស កន្លែងស្នាក់នៅរបស់ពលករខ្មែរ ។ ប្រសិនបើសមត្ថកិច្ចបានឃើញក្រុមស្ទាវធ្វើបាបរាងកាយពលរដ្ឋខ្មែរ គឺនឹងចាប់ពួកគេដាក់ទោសតាមច្បាប់ ។

រដ្ឋាភិបាល និងកងទ័ពថៃពុំគាំទ្រឱ្យពលរដ្ឋខ្លួនប្រព្រឹត្តអំពើហិង្សាធ្វើបាបជនស្លូតត្រង់ដោយសារចង់សងសឹករឿងជម្លោះព្រំដែន ជាពិសេស ធ្វើបាបពលរដ្ឋខ្មែរស្នាក់នៅថៃដែលពុំពាក់ព័ន្ធ ។ ប៉ុន្តែរដ្ឋាភិបាលសំណូមពរឱ្យពលរដ្ឋទាំងអស់រួមគ្នាប្រឆាំង និងទម្លាក់កំហុសមកលើកម្ពុជា ព្រមទាំងតាមដានស្ថានការណ៍នៅព្រំដែនកម្ពុជា-ថៃ ។ នេះបើតាមការលើកឡើងរបស់លោក អនុគូល ព្រឹក្សានុសាក់ ។

តាំងពីកងទ័ពថៃបើកឆាកធ្វើសង្គ្រាមមុនជាមួយកម្ពុជានៅតាមបណ្តោយព្រំដែនឃើញថា ក្រុមស្ទាវថៃចាប់ផ្តើមដើរវាយធ្វើបាបពលរដ្ឋខ្មែរជាច្រើនកន្លែង មិនថាពលរដ្ឋខ្មែរស្នាក់នៅអគារខ្ពស់ប៉ុនណា ក៏ពួកគេស្រែកសួររកពលរដ្ឋខ្មែរដែរ ដើម្បីវាយធ្វើបាប ដូចជា ៖ ទាត់ធាត់ និងទះកំផ្លៀងថតបង្ហោះក្នុងបណ្តាញសង្គម ។ ទង្វើព្រៃផ្សៃនេះបានកើតឡើងជាបន្តបន្ទាប់ ដោយសារក្រុមស្ទាវថៃ និងពលរដ្ឋថៃមួយចំនួនខ្វះការពិចារណា ហើយពុំត្រូវបានអាជ្ញាធរចាប់ខ្លួនឡើយ ។

ការធ្វើបាបពលរដ្ឋខ្មែរស្នាក់នៅថៃត្រូវបានពលរដ្ឋថៃខ្លះគាំទ្រ ដោយសារបច្ចុប្បន្ន កម្ពុជា-ថៃកំពុងប៉ះទង្គិចគ្នានៅតំបន់ព្រំដែន ប៉ុន្តែពលរដ្ឋថៃខ្លះទៀតពុំគាំទ្រ និងសំណូមពរឱ្យក្រុមស្ទាវបញ្ឈប់ទង្វើថោកទាបជាបន្ទាន់ ពីព្រោះពលរដ្ឋថៃរស់នៅប្រទេសកម្ពុជា ពុំត្រូវបានពលរដ្ឋខ្មែរធ្វើបាប ឬរើសអើងទេ ៕

ថៃ៖ ប្រទេសថៃបានដាក់លិខិតជាផ្លូវការទៅកាន់ក្រុមប្រឹក្សាសន្តិសុខអង្គការសហប្រជាជាតិ (UNSC) ដោយបង្ហាញភស្តុតាងដែលថាកម្ពុជាបានផ្តួចផ្តើមជម្លោះប្រដាប់អាវុ.ធមុន នៅក្នុងជម្លោះរវា.យប្រហារទៅវិញទៅមករវាងប្រទេសថៃ និងកម្ពុជា។

យោងតាមសារព័ត៌មានបាងកកប៉ុស្តិ៍ នាថ្ងៃសៅរិ៍ ទី២៦ ខែកក្កដានេះបានឲ្យដឹងថា លោកស្រី Maratee Nalita Andamo អ្នកនាំពាក្យរងក្រសួងការបរទេសថៃ បាននិយាយកាលពីថ្ងៃសុក្រថា កម្ពុជាបានដាក់លិខិតមួយទៅកាន់ UNSC ដោយស្នើសុំឱ្យមានកិច្ចប្រជុំបន្ទាន់មួយ និងចោ.ទប្រកាន់ថៃពីបទរំលោភលើអធិបតេយ្យភាពរបស់កម្ពុជា គឺជាការអះអាងដែល«ផ្ទុយពីការពិតទាំងស្រុង»។

ជាមួយគ្នានេះ លោកស្រី Maratee បានបញ្ជាក់ថា៖ ពេលនេះក្រសួងការបរទេសបានដាក់លិខិតផ្លូវការមួយទៅកាន់ UNSC រួចហើយ ដើម្បីបញ្ជាក់អំពីស្ថានភាព រួមទាំងភស្តុតាងដែលថាកងកម្លាំងកម្ពុជាបានផ្តួចផ្តើមឲ្យមានអំពើហិង្សា។ សកម្មភាពរបស់ពួកគេនាំឱ្យថៃស្លា.ប់ និងរបួសជាច្រើននាក់ ហើយច្បាស់ណាស់ថាជាទង្វើឈ្លានពានប្រឆាំងនឹងអធិបតេយ្យភាពរបស់ប្រទេសថៃ។

លោកស្រីបានបន្ថែមថា “ប្រទេសកម្ពុជាជាអ្នកផ្តួចផ្តើមការវា.យប្រហារយ៉ាងខ្លាំងក្លាជាបន្តបន្ទាប់ប្រឆាំងនឹងប្រទេសថៃ ដោយផ្តោតលើគោលដៅយោធាមិនត្រឹមតែប៉ុណ្ណោះទេ ប៉ុន្តែថែមទាំងបង្កគ្រោះថ្នាក់ដល់ជនស៊ីវិលថៃផងដែរ ជាពិសេសនៅក្នុងសហគមន៍លំនៅដ្ឋាន និងកន្លែងសាធារណៈសំខាន់ៗ ដូចជាមន្ទីរពេទ្យជាដើម”។

គួររម្លឹកថា ជម្លោះប្រដាប់អាវុ.ធរវាងកម្ពុជា និង ថៃ បានកើតឡើងកាលពីព្រឹកព្រលឹមថ្ងៃទី២៤ ខែកក្កដា ឆ្នាំ២០២៥ ដែលផ្ដើមចេញពីការបា.ញ់ចំនួន៦គ្រាប់ពីសំណាក់ភាគីថៃ មកលើយោធាកម្ពុជា។ បន្ទាប់ពីនោះមក ហិ.ង្សាដោយអាវុ.ធក៏កាន់តែកើនឡើងកម្ដៅ ដោយថៃបានប្រើប្រាស់នូវអាវុ.ធធនធ្ងន់ជាច្រើនរួមមាន យន្តហោះចម្បាំង F-16 កាំភ្លើងធំ និងគ្រាប់បែ.កចង្កោម ដែលទង្វើនេះបានបង្ហាញយ៉ាងច្បាស់ពីទង្វើឈ្លានពានយ៉ាងឃោ.ឃៅ និងគ្មានមនុស្សធម៌របស់ថៃ។

ទោះជាយ៉ាងណា ថៃមិនដែលទទួលស្គាល់ទេថា ខ្លួនជាអ្នកបង្កររឿងហេតុគ្រប់បែបយ៉ាង រាប់តាំងពីការបិទព្រំដែន បិទប្រាសាទដោយឯកតោភាគី រហូតឈានដល់ការប្រើប្រាស់អាវុ.ធមកលើកម្ពុជា។ ហើយឥឡូវនេះ ថៃបែរជាដាក់លិខិតទៅកាន់អង្គការសហប្រជាជាតិ ថ្កោលទោ.ស និងចោ.ទប្រកាន់កម្ពុជាថាជាអ្នកចាប់ផ្ដើមសង្រ្គា.មទៅវិញ៕

ប្រទេសថៃ ៖ រដ្ឋាភិបាលថៃចោទប្រកាន់ថា កម្ពុជាជាទីតាំងឧក្រិដ្ឋ.កម្មឆ្លងដែន និងការឆបោកដ៏ធំនៅលើពិភពលោក និងបណ្តោយឱ្យកងទ័ពបិទព្រំដែនកម្ពុជា-ថៃជាឯកតោភាគីដោយគ្មានការជូនដំណឹងអ្វីទាំងអស់ ។ រហូតមកដល់ថ្ងៃទី២៣ ខែកក្កដា ឆ្នាំ២០២៥ គ្រប់ច្រកព្រំដែននៅតាមបណ្តោយព្រំដែនកម្ពុជា-ថៃនៅតែរឹតបន្តឹងការចេញ-ចូល ហើយថៃប្រាប់ទៅពិភពលោកថា ខ្លួនពុំបានបិទព្រំដែនជាមួយកម្ពុជាទេ គ្រាន់តែរឹតបន្តឹងការឆ្លងដែនប៉ុណ្ណោះដើម្បីទប់ស្កាត់បទល្មើសឆ្លងដែន ។

ទោះជាអាជីវករ និងពលរដ្ឋថៃទទូចម្តងហើយម្តងទៀតឱ្យរដ្ឋាភិបាលរបស់ខ្លួនបើកព្រំដែនទាំងអស់ជាមួយកម្ពុជាឡើងវិញ ពីព្រោះពលរដ្ឋថៃរងផលប៉ះពាល់ខ្លាំងដោយសារការបិទព្រំដែន ប៉ុន្តែរដ្ឋាភិបាលថៃ និងមន្ត្រីពាក់ព័ន្ធនៅតែបន្តស្ងៀមស្ងាត់រឿងព្រំដែន គ្មានដំណោះស្រាយ គ្មានការចរចាជាមួយកម្ពុជា ។ ប្រធានគណបក្សនយោបាយមួយរបស់ថៃបានបង្ហាញពីវិធីតែមួយគត់ក្នុងការដោះស្រាយជម្លោះជាមួយកម្ពុជា គឺលោកស្រី ផេថងថាន ស៊ីណាវ៉ាត់ ត្រូវតែលាលែងពីតំណែង ពេលនោះ បញ្ហាទាំងអស់នឹងបញ្ចប់ ។

លោកស្រី ស៊ុដារ៉ាត់ កេយូរ៉ាផាន់ ប្រធានគណបក្សថៃសាងថៃ បានបង្ហោះវីដេអូក្នុង TikTok របស់ខ្លួនបង្ហាញពីវិធីតែមួយគត់ក្នុងការដោះស្រាយជម្លោះរវាងកម្ពុជា និងថៃ គឺលោកស្រីស្នើឱ្យលោកស្រី ផេថងថាន លាលែងពីតំណែងនាយករដ្ឋមន្ត្រី ពីព្រោះវាពុំមែនជាជម្លោះរវាងប្រទេសកម្ពុជា និងថៃទេ ប៉ុន្តែជាជម្លោះផ្ទាល់ខ្លួនរបស់មេដឹកនាំប្រទេស ។ បើមេដឹកនាំប្រទេសមានជម្លោះផ្ទាល់ខ្លួនបែបនេះ គឺប្រទេសទាំងពីរពិបាកចរចា ពិបាកជជែកឱ្យយល់ពីគ្នា ដោយសារភាគីនីមួយៗពុំយល់ស្របទៅវិញទៅមក ។ ដូច្នេះ បញ្ហាបានធ្លាក់មកលើប្រទេសជាតិ កងទ័ព និងពលរដ្ឋ ដែលត្រូវប្រឈមមុខនឹងបញ្ហាវិបត្តិសេដ្ឋកិច្ច គ្មានសុវត្ថិភាពសម្រាប់ពលរដ្ឋនៅព្រំដែន ។
លោកស្រីបន្តថា នេះជាមូលហេតុសំខាន់ ហេតុអ្វីរដ្ឋាភិបាលថៃពុំបានឆ្លើយតបជាមួយកម្ពុជាពេលកម្ពុជានិយាយអ្វី ពីព្រោះថៃដូចគ្នានឹងកូនមាន់ស្ថិតក្នុងកណ្តាប់ដៃរបស់មេដឹកនាំកម្ពុជា ។ យើងពុំដឹងថា លោកស្រី ផេថងថាន មានរឿងសម្ងាត់អ្វីទៀតជាមួយកម្ពុជា ហើយបើថៃឆ្លើយតប កម្ពុជានឹងចែកចាយព័ត៌មានអ្វីផ្សេង ។ ស្ថានទូតថៃ និងក្រសួងការបរទេសថៃពុំអាចឆ្លើយតបជាមួយកម្ពុជាទេ ពីព្រោះវាពាក់ព័ន្ធនឹងផលប្រយោជន៍របស់មេដឹកនាំប្រទេសទាំងពីរ ។

ហេតុនេះ ដើម្បីឱ្យប្រទេសថៃអាចបន្តដំណើរទៅមុខ និងដោះស្រាយបញ្ហាជម្លោះព្រំដែនជាមួយកម្ពុជា ក្នុងនាមលោកស្រីជាប្រធានគណបក្សថៃសាងថៃ សូមអំពាវនាវឱ្យលោកស្រី ផេថងថាន គិតដល់ពលរដ្ឋ និងប្រទេសជាតិ គឺលាលែងពីតំណែងជានាយករដ្ឋមន្ត្រី ដើម្បីទុកឱកាសឱ្យមេដឹកនាំថ្មីដែលគ្មានទំនាក់ទំនងផ្ទាល់ខ្លួន ចូលមកដោះស្រាយជម្លោះជាមួយកម្ពុជាត្រង់ទៅត្រង់មក ។

គួរបញ្ជាក់ថា ពលរដ្ឋថៃបានធ្វើបាតុកម្មជាច្រើនលើកទាមទារឱ្យលោកស្រី ផេថងថាន លាលែងពីតំណែង ដោយសារលោកស្រីគ្មានសមត្ថភាពដោះស្រាយបញ្ហាវិបត្តិសេដ្ឋកិច្ច និងជម្លោះព្រំដែន ប៉ុន្តែលោកស្រី ផេថងថាន នៅតែពុំលាលែងពីតំណែង ហើយបណ្តោយឱ្យកងទ័ពបិទព្រំដែនអូសបន្លាយ គ្មានការចរចាអ្វីទាំងអស់ ។ រីឯលោក ភូមិថាំ វីឆាយ៉ាឆៃ នាយករដ្ឋមន្ត្រីថៃស្តីទី មានទស្សនៈគាំទ្រលោកស្រី ផេថងថាន ហើយលោកក៏គ្មានដំណោះស្រាយព្រំដែនដូចគ្នា ៕

ប្រទេសឡាវ ៖ នៅថ្ងៃទី២៦ ខែកក្កដា ឆ្នាំ២០២៥ ប្រទេសឡាវបានចេញសេចក្តីថ្លែងការណ៍ថា មានគ្រា.ប់ផ្លោងចំនួន១០គ្រាប់ធ្លាក់មកក្នុងទឹកដីឡាវ នៅបរិវេណក្បែរតំបន់ប៉ះទង្គិចរវាងកងទ័ពកម្ពុជា-ថៃ ។ គ្រា.ប់ផ្លោងបានធ្លាក់ចូលក្នុងមូលដ្ឋានទ័ពឡាវ ចំនួន១គ្រាប់, ១គ្រាប់ទៀតធ្លាក់លើលំនៅឋានពលរដ្ឋឡាវ១ខ្នង ខណៈគ្រា.ប់ផ្លោងផ្សេងទៀតធ្លាក់នៅទីធ្លា ។

ភ្នាក់ងារពាក់ព័ន្ធនៅប្រទេសឡាវបានត្រួតពិនិត្យទីតាំងផ្សេងៗដែលគ្រាប់ផ្លោងធ្លាក់ចូលទឹកដីឡាវដើម្បីវាយតម្លៃការខូចខាត ហើយឡាវសន្និដ្ឋានថា កងទ័ពថៃជាអ្នកបា.ញ់គ្រាប់ផ្លោងជាច្រើនគ្រាប់ធ្លាក់ចូលទឹកដីរបស់ខ្លួន ។ ប៉ុន្តែឡាវនឹងស្វែងរកភស្តុតាងឱ្យបានច្បាស់លាស់បន្ថែមទៀតថា តើគ្រាប់ផ្លោងទាំងអស់បាញ់ចេញពីទីកន្លែងណា ។

ចំណែកកងទ័ពថៃដែលបានប្រើប្រាស់កាំភ្លើងធំបា.ញ់គ្រាប់ផ្លោងធ្លាក់ចូលក្នុងទឹកដីឡាវ បែរជាទម្លាក់កំហុសមកលើកងទ័ពកម្ពុជា ។ កងទ័ពថៃនិយាយបំភ្លៃការពិតថា វាពុំមែនជាគ្រាប់ផ្លោងថៃទេ ពីព្រោះកងទ័ពថៃអាចគ្រប់គ្រងការប្រើប្រាស់អាវុធ ខណៈហ្វេសប៊ុកផេករបស់កងទ័ពថៃភូមិភាគ២ អះអាងថា វាជាគ្រាប់ផ្លោងរបស់កងទ័ពកម្ពុជា ។

ការចោទប្រកាន់ និងទម្លាក់កំហុសមកលើកងទ័ពកម្ពុជា ដោយសារកងទ័ពថៃចង់ឱ្យឡាវ និងពិភពលោកយល់ខុសមកលើកម្ពុជា ។ កងទ័ពថៃបានប្រើប្រាស់កាំភ្លើងធំបាញ់គ្រាប់ផ្លោងធ្លាក់លើលំនៅឋាន និងខូចខាតទ្រព្យសម្បត្តិរបស់ពលរដ្ឋឡាវ ហើយថែមទាំងបង្ហាញការសោកស្តាយចំពោះហេតុការណ៍ដែលកើតឡើង ។

កងទ័ពថៃនិយាយបំភ្លៃការពិតថា តាមការត្រួតពិនិត្យជាមួយឡាវ វាពុំមែនជាគ្រាប់ផ្លោងរបស់កងទ័ពថៃទេ វាជារបស់កម្ពុជា ពីព្រោះភាគីថៃប្រុងប្រយ័ត្នយ៉ាងខ្លាំងក្នុងការប្រើប្រាស់អាវុធកុំឱ្យប៉ះពាល់តំបន់ស៊ីវិល ។

អ្នកនាំពាក្យកងទ័ពថៃ លោកឧត្តមសេនីយ៍ វីនឆ័យ សុវ៉ារី និយាយថា គ្រាប់ផ្លោងទាំងនេះពុំមែនជារបស់ថៃ លោកជឿជាក់លើកងទ័ពថៃអាចគ្រប់គ្រងការប្រើប្រាស់អាវុធល្អិតល្អន់ ដោយលោកបាននិយាយទម្លាក់កំហុសមកលើកងទ័ពកម្ពុជាថា ជាអ្នកបាញ់គ្រាប់ផ្លោងធ្លាក់ចូលដីឡាវ ។ ការអះអាងរបស់ថៃ គឺថៃមានគោលបំណងឱ្យឡាវ និងពិភពលោកទម្លាក់កំហុសលើកម្ពុជា ។

គួរបញ្ជាក់ថា កាលពីថ្ងៃទី២៤ ខែកក្កដា ដោយសារកងទ័ពមីយ៉ាន់ម៉ាត្រៀមផ្ទុះសង្គ្រាមជាមួយថៃ ទើបធ្វើឱ្យកងទ័ពថៃភ័យពេកក៏បាញ់កាំភ្លើងធំខុសបច្ចេកទេសធ្លាក់គ្រាប់ផ្លោងចូលទឹកដីឡាវ ។ បើតាមសេចក្តីរាយការណ៍ឱ្យដឹងថា ឡាវកំពុងត្រៀមកងទ័ពវាយបកមកលើថៃវិញ ដូច្នេះ ធ្វើឱ្យថៃត្រូវប្រឈមមុខនឹងការប៉ះទង្គិចជាមួយប្រទេសជិតខាងទាំងអស់ ដូចជា ៖ កម្ពុជា ឡាវ មីយ៉ាន់ម៉ា និងម៉ាឡេស៊ី ៕

ប្រទេសថៃ ៖ កាលពីថ្ងៃទី២៤ ខែកក្កដា ឆ្នាំ២០២៥ កងទ័ពឈ្លានពានថៃបានបា.ញ់ប្រ.ហារមុនមកលើកងទ័ពកម្ពុជាដែលកំពុងការពារអធិបតេយ្យ និងបូរណភាពទឹកដី ហើយកងទ័ពកម្ពុជាក៏ប្រើប្រាស់សិទ្ធិការពារខ្លួនជាមួយសត្រូវ ។ កងទ័ពថៃប្រើប្រាស់អាវុធគ្រប់ប្រភេទវាយសម្រុកលើកម្ពុជា ចាប់ពីអាវុធធុនស្រាល អាវុធធុនធ្ងន់ គ្រាប់បែកចង្កោម កាំភ្លើងធំ និងប្រើប្រាស់យន្តហោះចម្បាំង F-16 ទម្លាក់គ្រាប់បែកមកលើវត្តអារ៉ាម មណ្ឌលសុខភាព ទីប្រជុំជន សាលារៀនកម្ពុជា រួមទាំងប្រាសាទព្រះវិហារដែលជាសម្បត្តិបេតិកភណ្ឌពិភពលោក ។

ប៉ុន្តែរដ្ឋាភិបាល កងទ័ព និងពលរដ្ឋថៃបែរជាចោទប្រកាន់ថា កងទ័ពកម្ពុជាចាប់ផ្តើមបង្កសង្គ្រាមមុនជាមួយថៃ ខណៈសារព័ត៌មាននានារបស់ថៃព្យាយាមផ្សព្វផ្សាយព័ត៌មានទៅកាន់ពិភពលោកថា កម្ពុជាបាញ់ប្រហារមកលើថៃមុននៅតំបន់ព្រំដែន ។ ប៉ុន្តែភាគីដែលចាប់ផ្តើមសង្គ្រាមមុន គឺកងទ័ពថៃខ្លួនឯង ដោយសារពួកគេចង់គំរាមឱ្យកងទ័ពកម្ពុជាដកថយពីទឹកដី ប្រាសាទបុរាណកម្ពុជា និងឱ្យកម្ពុជាដកពាក្យបណ្តឹងនៅតុលាការយុត្តិធម៌អន្តរជាតិ (ICJ) ប្រសិនបើចង់ឱ្យថៃទម្លាក់អាវុធ ។

ស្របពេលស្ថានការណ៍ព្រំដែនកម្ពុជា-ថៃឡើងកំដៅខ្លាំង ពលរដ្ឋ និងនិស្សិតថៃបានរួមគ្នាថតវីដេអូនិយាយជាភាសាអង់គ្លេសប្រាប់ពិភពលោកឱ្យថ្កោលទោសកម្ពុជាជាអ្នកចាប់ផ្តើមវាយប្រហារថៃមុន ។ និស្សិតថៃម្នាក់និយាយជាភាសាអង់គ្លេសប្រាប់ពិភពលោកថា កម្ពុជាវាយប្រហារថៃ និងអមនុស្សធម៌ ហើយនិស្សិតរូបនេះទាមទារឱ្យពិភពលោកផ្តល់យុត្តិធម៌ឱ្យថៃ និងចោទប្រកាន់ថា កងទ័ពកម្ពុជាវាយប្រហារលើតំបន់ស៊ីវិល ។

កាលពីថ្ងៃទី២៥ ខែកក្កដា ឆ្នាំ២០២៥ អ្នកកាសែតកងទ័ពថៃបានបង្ហោះវីដេអូក្នុងហ្វេសប៊ុកឈ្មោះ «Wassana Nanuam» ដែលជាវីដេអូរបស់និស្សិតថៃម្នាក់និយាយភាសាអង់គ្លេសប្រាប់ទៅពិភពលោកឱ្យថ្កោលទោសកម្ពុជាក្នុងការប៉ះទង្គិចគ្នានៅព្រំដែនកម្ពុជា-ថៃ ។

និស្សិតថៃរូបនេះនិយាយថា Thailand will not Forget. Thai Youth’s Voice គឺកូនសិស្ស និងនិស្សិតថៃជួយគ្នាធ្វើសង្គ្រាមក្នុងបណ្តាញសង្គមដើម្បីឱ្យពិភពលោក និងអង្គការសហប្រជាជាតិ (UN) បានដឹងពីការបាញ់គ្នារវាងកងទ័ពកម្ពុជា-ថៃ ។ និស្សិតថៃបានទម្លាក់កំហុសមកលើកងទ័ពកម្ពុជាថា ប្រព្រឹត្តទង្វើលើកុមារ និងនិស្សិត ហើយនិស្សិតថៃពុំបាននិយាយពីថៃឈ្លានពានកម្ពុជាប្រាប់ឱ្យពិភពលោកដឹងទេ ។

និស្សិតថៃរូបនេះប្រាប់ពិភពលោកថា ភាគីកម្ពុជាចាប់ផ្តើមធ្វើសង្គ្រាមមុនកាលពីថ្ងៃទី២៤ ខែកក្កដា ដោយចោទប្រកាន់ថា កងទ័ពកម្ពុជាចាប់ផ្តើមប្រើប្រាស់អាវុធធុនធ្ងន់បាញ់មកលើតំបន់ស៊ីវិល ពុំមែនជាទីតាំងកងទ័ព បណ្តាលឱ្យពលរដ្ឋថៃពុំពាក់ព័ន្ធនឹងសង្គ្រាមស្លាប់ ។ ប៉ុន្តែនិស្សិតថៃរូបនេះពុំបានប្រាប់ពិភពលោកឱ្យដឹងពីពលរដ្ឋ និងកងទ័ពកម្ពុជាស្លាប់ដោយសារថៃឈ្លានពានឡើយ ។

ក្រៅពីនេះ និស្សិតថៃថែមទាំងប្រាប់ឱ្យពិភពលោកថ្កោលទោស និងចោទកម្ពុជាល្មើសច្បាប់-សន្ធិសញ្ញាយ៉ាងធ្ងន់ធ្ងរ ។ ចុងក្រោយ និស្សិតថៃក៏អរគុណកងទ័ពរបស់ខ្លួនដែលបានរំលោភឈ្លានពានទឹកដីកម្ពុជា ហើយសន្យាថា នឹងពុំនៅស្ងៀមស្ងាត់ឡើយ ខ្លួននឹងតវ៉ាទៅពិភពលោកក្នុងបណ្តាញសង្គម ។

ពេលនេះ សូមនិស្សិតកម្ពុជាដែលចេះនិយាយភាសាបរទេសជួយគ្នានិយាយក្នុងបណ្តាញសង្គមប្រាប់ពិភពលោកពីការឈ្លានពានរបស់ថៃ ដើម្បីឱ្យពិភពលោកដឹងការពិត មិនថានិយាយជាភាសាអង់គ្លេស បារាំង ចិន កូរ៉េខាងត្បូង និងជប៉ុន ។ កងទ័ពកម្ពុជាប្រយុទ្ធនៅសមរភូមិមុខការពារទឹកដី និងពលីជីវិតដើម្បីជាតិ ដូច្នេះ ពលរដ្ឋ និងនិស្សិតខ្មែរដែលចេះភាសាបរទេស សូមនិយាយភាសាបរទេសប្រាប់ពិភពលោក ពីព្រោះពេលនេះ ជាពេលដែលយើងនៅសមរភូមិក្រោយត្រូវសាមគ្គីគ្នាទាមទារភាពយុត្តិធម៌សម្រាប់ជាតិ ៕

ប្រទេសថៃ ៖ សារព័ត៌មានថៃ Khaosod រាយការណ៍ថា ព្រះមហាក្សត្រថៃប្រកាសឱ្យកងទ័ពប្រើប្រាស់ច្បាប់អាជ្ញាសឹកលើខេត្តចាន់បុរី និងត្រាត ជាប់ដែនសមុទ្រកម្ពុជា ដើម្បីផ្តល់អំណាចឱ្យកងទ័ពថៃបញ្ជាទ័ពក្នុងកម្រិតថ្នាក់ជាតិ ។ សេចក្តីប្រកាសប្រើប្រាស់ច្បាប់អាជ្ញាសឹកនេះ ចុះហត្ថលេខាជាផ្លូវការដោយលោកឧត្តមនាវី អភិឆាត សាប់ប្រាសឺត មេបញ្ជាការការពារព្រំដែនខេត្តចាន់បុរី និងត្រាត និងចូលជាធរមានចាប់ពីយប់ថ្ងៃទី២៥ ខែកក្កដា ឆ្នាំ២០២៥ ។

កាលពីថ្ងៃទី២៥ ខែកក្កដា បញ្ជាការដ្ឋានការពារព្រំដែនខេត្តចាន់បុរី និងត្រាត បានចេញសេចក្តីប្រកាសពីការប្រើប្រាស់ច្បាប់អាជ្ញាសឹកក្នុងតំបន់មួយចំនួនរបស់ខេត្តទាំង២ ស្របតាមសេចក្តីប្រកាសរបស់ក្រុមប្រឹក្សាកំណែទម្រង់ប្រជាធិបតេយ្យក្រោមរបបប្រជាធិបតេយ្យ ដែលមានព្រះមហាក្សត្រថៃជាប្រមុខ ចុះតាំងពីថ្ងៃទី១៩ ខែកញ្ញា ឆ្នាំ២០០៦ ។

ការប្រកាសប្រើប្រាស់ច្បាប់អាជ្ញាសឹកនេះ កងទ័ពថៃចោទប្រកាន់ថា ដោយសារកម្ពុជាប្រើប្រាស់កម្លាំង និងអាវុធឈ្លានពានចូលទឹកដីរបស់ខ្លួននៅតាមបណ្តោយព្រំដែនកម្ពុជា-ថៃ ។ ហេតុនេះ វាជាការចាំបាច់ និងពុំអាចចៀសវាងបានដែលថៃត្រូវតែប្រើប្រាស់កម្លាំងកងទ័ព សមត្ថកិច្ច រហូតដល់ពលរដ្ឋថៃគ្រប់រូបរួមគ្នាការពារប្រទេសពីការគំរាមកំហែងនៅក្រៅប្រទេស ។

កងទ័ពថៃបានបញ្ជាក់ពីការប្រើប្រាស់ច្បាប់អាជ្ញាសឹកដើម្បីរក្សាអធិបតេយ្យ និងបូរណភាពទឹកដី រហូតដល់ការពារអាយុជីវិត និងទ្រព្យសម្បត្តិពលរដ្ឋ ។ ថៃអាចចាំបាច់ប្រកាសអនុវត្តច្បាប់អាជ្ញាសឹកក្នុងតំបន់មួយចំនួនបន្ថែមទៀត ស្របតាមច្បាប់ចែងក្នុងមាត្រា១៧៦ នៃរដ្ឋធម្មនុញ្ញ រួមទាំងមាត្រា៤ នៃច្បាប់អាជ្ញាសឹក ឆ្នាំ១៩១៤ ។

ការប្រើប្រាស់ច្បាប់អាជ្ញាសឹកកំណត់ឱ្យប្រើប្រាស់ក្នុងតំបន់ដូចខាងក្រោមនេះ ៖

១-ខេត្តចាន់បុរី រួមមាន ៖ ស្រុកមឿងចាន់បុរី ស្រុកថាម៉ៃ ស្រុកម៉ាខាម ស្រុកឡែមស៊ីង ស្រុកគេងហាងមែវ ស្រុកណាយ៉ាយអាម និងស្រុកខោឃីតឆាគូ
២-ខេត្តត្រាត រួមមាន ៖ ស្រុកខោសៈមីង ។

សេចក្តីប្រកាសប្រើប្រាស់ច្បាប់អាជ្ញាសឹក គឺចុះហត្ថលេខាជាផ្លូវការដោយលោកឧត្តមនាវី អភិឆាត សាប់ប្រាសឺត មេបញ្ជាការការពារព្រំដែនខេត្តចាន់បុរី និងត្រាត និងចូលជាធរមានចាប់ពីយប់ថ្ងៃទី២៥ ខែកក្កដា ឆ្នាំ២០២៥ ។

គួរបញ្ជាក់ថា ព្រះមហាក្សត្រថៃប្រកាសឱ្យកងទ័ពប្រើប្រាស់ច្បាប់អាជ្ញាសឹកលើខេត្តចាន់បុរី និងត្រាត ជាប់ដែនសមុទ្រកម្ពុជា មានន័យថា តំបន់របស់ខេត្តចាន់បុរី និងត្រាត ត្រូវស្ថិតក្រោមច្បាប់គ្រាអាសន្ន ។ ថៃអះអាងថា ស្ថានការណ៍ព្រំដេនបានឡើងកំដៅខ្លាំង និងអំពាវឱ្យកងទ័ព សមត្ថកិច្ច ក៏ដូចជាពលរដ្ឋរួមគ្នាការពារបូរណភាពទឹកដី ។

ហេតុនេះ សូមកងទ័ពខ្មែរយើងដែលការពារទឹកដីពីសត្រូវឈ្លានពាន សូមប្រុងប្រយ័ត្ននៅគ្រប់សមរភូមិប្រយុទ្ធទាំងអស់ ដោយសារថៃអនុវត្តច្បាប់អាជ្ញាសឹកជាផ្លូវការ ហើយកងទ័ពថៃនឹងបញ្ជាទ័ពក្នុងកម្រិតថ្នាក់ជាតិ ៕

ក្រោយកិច្ចប្រជុំបិទទ្វារ របស់ក្រុមប្រឹក្សា សន្តិសុខ អង្គការសហប្រជាជាតិ (អ.ស.ប.) កាលពីយប់ថ្ងៃទី២៥ ខែកក្កដាបានបញ្ចប់តំណាងអចិន្ត្រៃយ៍របស់ព្រះរាជាណាចក្រកម្ពុជា បានជួបជាមួយអ្នកសារព័ត៌មាន និងឆ្លើយតបនឹងសំណួរជាសាធារណៈយ៉ាងច្បាស់លាស់ជុំវិញការផ្ទុះសង្គ្រាមនៅព្រំដែន ខណៈតំណាងភាគីថៃឯណោះវិញបានគេចខ្លួនចេញ ដោយមិនឆ្លើយសំណួរអ្វីឡើយជាមួយអ្នកសារព័ត៌មាន ។

យោងតាមប្រសាសន៍របស់លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានឲ្យដឹងថា ក្រោយកិច្ចប្រជុំបិទទ្វារ របស់ក្រុមប្រឹក្សា សន្តិសុខ អង្គការសហប្រជាជាតិ (អ.ស.ប.) កាលពីយប់ថ្ងៃទី២៥ ខែកក្កដា ឆ្នាំ២០២៥ ដែលពិភាក្សា ស្ដីពីស្ថានការណ៍តានតឹង និងការវាយប្រហារ ដែលកំពុងកើតឡើងនៅតំបន់ព្រំដែនកម្ពុជា-ថៃ តំណាងអចិន្ត្រៃយ៍ របស់ព្រះរាជាណាចក្រកម្ពុជា ប្រចាំនៅ អ.ស.ប. បានជួបជាមួយអ្នកសារព័ត៌មាន នៅទីស្នាក់ការអង្គការ សហប្រជាជាតិ និងឆ្លើយតបនឹងសំណួរ ជាសាធារណៈយ៉ាងច្បាស់លាស់ ជុំវិញការផ្ទុះសង្គ្រាម នៅព្រំដែន ។

លោកបានបន្ថែមទៀតថា ប៉ុន្តែបើតាមអ្វីដែលជាការគួរឲ្យកត់សម្គាល់ គឺតំណាងអចិន្ត្រៃយ៍ របស់ប្រទេសថៃប្រចាំ អ.ស.ប. បែរជាបានគេចខ្លួនចេញពីកិច្ចប្រជុំបាត់សម្រោល ដោយមិនបានឆ្លើយសំណួរណាមួយទៅកាន់សារព័ត៌មានឡើយ។

គួរបញ្ជាក់ថា សម្រាប់លទ្ធផលក្រោយបញ្ចប់ការប្រជុំនេះ គឺក្រុមប្រឹក្សាសន្តិសុខ នៃអង្គការសហប្រជាជាតិបានដាក់ចេញនូវ៣ ចំណុចសម្រាប់ភាគីទាំងពីររួមមាន៖ ១. អំពាវនាវឲ្យកម្ពុជា និង ថៃ ប្រកាន់យកការអត់ធ្មត់ជាអតិបរមា។ ២. បញ្ឈប់ហិង្សាប្រដាប់អាវុ.ធ។ ៣. ដោះស្រាយជម្លោះដោយសន្តិវិធី។ ប៉ុន្តែចំពោះការអនុវត្តជាក់ស្ដែង គឺមានតែរង់ចាំមើលបន្តទៀត ព្រោះភាគីថៃបានទាមទារឲ្យកម្ពុជាបញ្ឈប់ការវា.យប្រហារមុន និងស្វែងរកដំណោះស្រាយដោយការចរចាទ្វេភាគី មិនទទួលយកការសម្របសម្រួលបញ្ចប់ជម្លោះដោយភាគីទី៣ជាដាច់ខាត៕