ស៊ីន យូប៊ីន ចេញមកបញ្ជាក់ពីមូលហេតុក្រោយស្ងាត់មិនឃើញមានសកម្មភាពនៅលើបណ្តាញសង្គមហ្វេកប៊ុក

ស្របពេលស្ថានការតានតឹងមានសង្គ្រាមនៅតាមបន្ទាត់ព្រំដែនរវាងខ្មែរនិងថៃ អ្នកសិល្បៈ និងអ្នកមានឥទ្ធិពលជាច្រើនរូបបានចេញមកបង្ហាញការគាំទ្រនិងបួងសួងដល់វត្ថុស័ក្តិសម បុព្វបុរសខ្មែរថែរក្សាកងទ័ពជួរមុខឱ្យមានសុវត្ថិភាព។ ទោះយ៉ាងណា អ្នកមួយចំនួនបានបញ្ចេញមតិរិះគន់ទៅកាន់អ្នកសិល្បៈល្បីៗដែលស្ងាត់មិនបង្ហាញសកម្មភាពអ្វីហើយ។

យ៉ាងណាមិញ នៅថ្ងៃទី២៥ កក្កដា នេះតារាសម្តែងជួរមុខ ស៊ីន យូប៊ីន បានប្រើប្រាស់គណនីហ្វេកប៊ុកប្អូនស្រីរបស់ខ្លួនបញ្ជាក់ទៅកាន់មហាជនដើម្បីឱ្យដឹងពីមូលហេតុដែលនាងស្ងាត់ពីបណ្តាញសង្គមហ្វេកប៊ុកដោយបញ្ជាក់ផេកផ្លូវការរបស់នាងត្រូវបាន Lock ពីក្រុមហ៊ុនហ្វេកប៊ុកយ៉ាងណានាងបានប្រើប្រាស់បណ្តាញសង្គមផ្សេងជាពិសេស Story IG របស់នាងមានអ្នកមើលច្រើនជាងគេក្នុងចំណោមបណ្តាញសង្គមរបស់នាង។

ស៊ីន យូប៊ីន បានបង្ហោះនៅក្នុងគណនីរបស់ ជេននី ថា «ជូនចំពោះបងប្អូនជនរួមជាតិក្នុងបណ្តាញសង្គមFacebookទាំងអស់ នាងខ្ញុំ shinyubin សូមប្រើប្រាស់ platform របស់ jannie shin ដើម្បីជូនដំណឹងអោយបងប្អូនបានជ្រាបថា page Facebook ផ្លូវការ shin yubin សីនយូប៊ិន និង account shin yubin របស់នាងខ្ញុំត្រូវបានក្រុមហ៊ុន Facebook lock តាំងពីថ្ងៃទី ១១ ខែមិថុនា ឆ្នាំ២០២៥ មកម្ល៉េះ ដោយនាងខ្ញុំនិងក្រុមការងារមិនទាន់អាចទាញយកមកវិញបាននោះទេ ដែលជាហេតុនាងខ្ញុំបានអសកម្មក្នុងបណ្តាញសង្គម Facebook មករយៈពេល១ខែកន្លះហើយ ។

ពាក់ព័ន្ធនឹងបញ្ហាការឈ្លានពានមកលើកម្ពុជាដែលកើតឡើងនាងខ្ញុំបានឮពីមិត្តភក្តីបន្តថាមានបងប្អូនជាច្រើនក្នុងfacebook រង់ចាំអោយនាងខ្ញុំប្រើប្រាស់ platform របស់នាងខ្ញុំក្នុងការបញ្ចេញមតិយោបល់ នាងខ្ញុំសូមអភ័យទោសដោយនាងខ្ញុំមិនអាចធ្វើការផុសបានដោយមូលហេតុដូចរៀបរាប់ខាងលើ ប៉ុន្តែ នៅ លើ platform ផ្សេងៗដូចជា Instagram និង tiktok របស់នាងខ្ញុំបានធ្វើការផុសរួចរាល់ក្នុងនាមជាប្រជាជនខ្មែរមួយរូបដែលមិនមានជាប់ឈាមថៃសូម្បីបន្តិច។

នាងខ្ញុំនឹងបន្តធ្វើការpost នៅលើ platform ទាំង2 ផ្អែកលើស្ថានភាពដែលមានការ update និងមានប្រភពច្បាស់លាស់ជូនបងប្អូននិងអន្តរជាតិបានឃើញ ។ ហើយសូមបញ្ជាក់ថា ការpost នៅក្នុងIG story ច្រើនព្រោះទីនេះជាកន្លែងដែលមានអ្នកview ច្រើនជាងគេ ក្នុងចំណោមsocial media post របស់នាងខ្ញុំហើយអាចអោយនាងខ្ញុំធ្វើការ post update បានលឿនតាមស្ថានការ ។ ដោយឡែកការផុសនៅក្នុងaccount នាងខ្ញុំត្រូវការទិន្នន័យយបន្ថែមនិងសំណេរច្បាស់លាស់និងមានប្រយោជន៍មុននឹងធ្វើការផុសជាហេតុនាំអោយមានការយឺតយ៉ាវបន្តិច ព្រោះនាងខ្ញុំយល់ថាយើងមិនអាចនិយាយអ្វីក៏បានអោយអន្តរជាតិបាត់បង់ជំនឿលើយើងទេ ក្នុងកាលៈទេសៈនេះ ហេតុនេះហើយត្រូវមានការប្រុងប្រយ័ត្នខ្ពស់ហើយខ្សែVideoមួយដែលនាងខ្ញុំរៀបចំនឹងpost ឆាប់ៗ ។

ជាចុងក្រោយនាងខ្ញុំសូមថ្វាយកុសលផលបុណ្យដែលនាងខ្ញុំបានសាងមកនិងបានបួសមកទៅដល់បារមីវត្ថុសាកសិទ្ធនិងដួងព្រលឹងបុព្វបុរសខ្មែរគ្រប់ព្រះអង្គដើម្បីប្តូរមកវិញនូវសុវត្ថិភាពរបស់កងទព័ខ្មែរគ្រប់រូបនិងដែនដីខ្មែរដែលកំពុងរងការឈ្លានពាននាពេលនេះ ។ សូមគោរពអរគុណ ពីនាងខ្ញុំ shin yubin »។
ក្រឡេកនៅកាន់បណ្តាញសង្គម IG វិញគេបានឃើញ ស៊ីន យូប៊ីន ពិតជាបានបង្ហោះអំពីបញ្ហាសង្គ្រាមខ្មែរនិងថៃពិតមែន មិនត្រឹមតែប៉ុណ្ណោះនាងក៏បានទៅចូលរួមបរិច្ចាគឈាមផងដែរ៕