ថ្មីៗនេះនៅលើបណ្តាញសង្គមមានការចែករំលែកវីដេអូរបស់តារាចម្រៀងរ៉េប វណ្ណដា និងក្រុមគ្រួសារមានដំណើរកម្សាន្តទៅកាន់កោះរ៉ុងបន្ទាប់ពីដកដៃពីការងារសិល្បៈ។ អ្វីដែលធ្វើឱ្យមហាជនសរសើរនោះគឺដំណើរកម្សាន្តលក្ខណៈគ្រួសារនេះ វណ្ណដា បានជួយជាថវិកា១០០០ដុល្លាររួមទាំងចែករំលែកនៅលើបណ្តាញសង្គមរបស់ខ្លួនជាសំឡេងមួយជួយទៅដល់សិស្សានុសិស្សដែលខ្វះខាតទឹកស្អាតប្រើប្រាស់។

នៅថ្ងៃទី៣១ ឧសភា ម៉ាន់ វណ្ណដា បានបង្ហោះនៅលើបណ្តាញសង្គមរបស់ខ្លួនថា «ជំរាបសួរពុកម៉ែបងប្អូន បន្ទាប់ពីខ្ញុំបានមកដល់ក្រុងកោះរ៉ុងដែលជាកោះដ៏ស្រស់ស្អាតរបស់ខ្មែរយើង ខ្ញុំក៏បានសង្កេតឃើញពីកង្វះទឹកស្អាតរបស់អូនៗដែលកំពុងរៀនសូត្រនៅ « សាលាបឋមសិក្សាភូមិសុខសាន្ត »ដោយហេតុកង្វះទឹកស្អាតសម្រាប់ពួកគាត់ ។ ខ្ញុំបានចូលរួម ឧបត្ថម្ភ រឺ donateសម្រាប់ពួកគាត់ចំនួន ១០០០$ ហើយឆ្លៀតពេលសូមឱ្យពុកម៉ែបងប្អូនទាំងអស់ចូលរួមមូលនិធិមួយនេះបន្ថែមទាំងអស់គ្នា តាមសទ្ធាជ្រះថ្លានិងតាមរយៈ QR code The Royal Sands Koh Rong Resort ដើម្បីសុខភាព រួមទាំងកាត់បន្ថយផ្លាស្ទិច និងស្នាមញញឹមរបស់ក្មេងៗ សូមអរគុណ»។

ការបង្ហោះរបស់ វណ្ណដា ពិតជាសំឡេងដ៏ល្អប្រសើរមួយព្រោះបានជំរុញឱ្យអ្នកគាំទ្របានចូលរួមបរិច្ចាគតាមសទ្ធាជ្រះថ្លារបស់ខ្លួនជួយទៅដល់សិស្សានុសិស្សនៅទីនោះដែលកំពុងជួបប្រទះខ្វះខាតទឹកស្អាតប្រើប្រាស់។ នៅក្នុងការចែករំលែករបស់ វណ្ណដា ក៏បានទៅដល់ដៃលោក ហេង វិសាល បានចូលរួមបរិច្ចាគទឹកប្រាក់១០០០ដុល្លារដល់មូលនិធិខាងលើនេះជួយទៅដល់ប្អូនៗកុមារផងដែរ។

គួរបញ្ជាក់ផងដែរថា វណ្ណដា កម្រនឹងបង្ហាញការបរិច្ចាគរបស់ខ្លួនជាសាធារណៈដោយខ្លួនឯងណាស់លើកលែងតែភាគីម្ខាងទៀតចេញមកបង្ហាញប៉ុន្តែលើកនេះលោកចេញមកបង្ហាញដើម្បីអាចជួយទៅដល់សិស្សានុសិស្សបន្ថែមទៀត។ នៅក្នុងខែនេះ វណ្ណដា ក៏បានបរិច្ចាគទឹកប្រាក់ចំនួន១០លានរៀលជូនដល់មូលនិធិគន្ធាបុផ្ផាផងដែរ៕

ការប្រកួត Miss Cosmo Cambodia 2025 របស់ ប៊ី សុធារី MCC 15 មិនទទួលបានជ័យជម្នះក្នុងនាមជាម្ចាស់មកុដដែលនឹងតំណាងប្រទេសនោះទេដោយនាងជាប់ runner up នៅក្នុងការប្រកួត។ ប៉ុន្តែនៅពេលដឹងរឿងនៅពីក្រោយទស្សនិកជនបានកោតសរសើរ ប៊ី សុធារី យ៉ាងខ្លាំងចំពោះការតាំងចិត្តរបស់នាងក្នុងប្រកួតឱ្យដល់ទីបញ្ចប់ ខណៈនាងស្ទើរតែបោះបង់ការប្រកួត និងជួបប្រទះបញ្ហាសុខភាពយ៉ាងខ្លាំង។

នៅរាត្រីផ្តាច់ព្រ័ត្រក្នុងកម្មវិធី Miss Cosmo Cambodia 2025 គឺបានរកឃើញម្ចាស់ជ័យលាភីហើយគឺបានទៅលើ ផន ស្រីពី ចំណែកឯ ប៊ី សុធារី បានជាប់ runner up នៅក្នុងការប្រកួតនេះ។ បន្ទាប់ពីបញ្ចប់ការប្រកួត ប៊ី សុធារី បានឆ្លើយនៅក្នុងបទសម្ភាសន៍ជាមួយអ្នកសារព័ត៌មានថានាងមិន Sad នោះទេទោះបីជាមិនបានឈ្នះក្នុងការប្រកួតប៉ុន្តែប្តូរមកវិញជាការស្រាលខ្លួនខ្លាំង។ សុធារី បានទម្លាយទៀតថានាងមិនចង់បន្តការប្រកួតតាំងពីមុនចូលឆ្នាំហើយនាងក៏បានប្រាប់ខាងកម្មវិធីដែរនាងនឹងនៅតែបន្តការប្រកួតរហូតដល់ចប់ ប៉ុន្តែនាងនឹងមិនយកអ្វីទាំងអស់។

runner up Miss Cosmo Cambodia 2025 បានបន្តទៀតថា នាងបានព្យាយាមអស់ពីសមត្ថភាពនៅក្នុងការប្រកួតនេះទោះបីជាមិនបានជាប់ Winner ក៏ដោយនាងនៅតែសប្បាយចិត្តព្រោះនាងបានធ្វើអស់ពីសមត្ថភាពហើយនាងទទួលបានការគាំទ្រការស្រលាញ់ច្រើន។ ប៊ី សុធារី ក៏បានសម្តែងការអបអរសាទរទៅកាន់ ផន ស្រីពី ដែលក្លាយជា Miss Cosmo Cambodia 2025។

តាមរយៈវីដេអូមួយទៀត ប៊ី សុធារី បានបង្ហាញថានាងមានបញ្ហាសុខភាពគឺខ្វះគ្រាប់ឈាម គ្រាន់តែការឈឺងើបមិនរួចអស់ជិតកន្លះខែ ឈឺដល់ថ្នាក់សូម្បីតែដើរ ដើរមិនរួចតែនាងមិនបង្ហាញនោះទេព្រោះគិតថា បើនាងយករឿងនេះមកនិយាយនឹងមានការគិតថានាងយកនិយាយដើម្បីចំណាប់អារម្មណ៍។ ប៊ី សុធារី ថានាងធ្វើអស់ពីសមត្ថភាពធ្វើបានប៉ុណ្ណាយកប៉ុណ្ណឹងដោយនាងបានសារភាពថានាងពិតជាហត់ហើយថ្ងៃប្រកួតផ្តាច់ព្រ័ត្រនេះនាងក៏ឈឺដែរប៉ុន្តែនាងមិនដឹងថាធ្វើយ៉ាងមិចនាងមានតែធ្វើអស់ពីសមត្ថភាព។

គួរបញ្ជាក់ផងដែរថា ដ្បិតតែ ប៊ី សុធារី ពុំអាចតំណាងប្រទេសកម្ពុជាប្រកួតនៅលើឆាកអន្តរជាតិក្តីប៉ុន្តែរូបនាងទទួលបានការស្រលាញ់និងការលើកទឹកចិត្តយ៉ាងច្រើនពីអ្នកគាំទ្រ៕

ពេជ្រ វត្តីសារ៉ាវឌ្ឍី បេក្ខនារី Miss Universes Cambodia 2025 ត្រូវបានអ្នកលេងបណ្តាញសង្គមជាច្រើនបញ្ចេញមតិរិះគន់ចំពោះសកម្មភាពរបស់នាងដែលបានរាំតាម Trend របស់ Lisa សមាជិកក្រុមចម្រៀងនារី BLACKPINK។ ភាពតានតឹងនេះដោយសារតែថ្មីៗនេះនៅតាមព្រំដែនកម្ពុជា-ថៃ មានជម្លោះផ្ទុះអាវុធដាក់គ្នាទើបធ្វើឱ្យមានការរិះគន់នាងច្រើន។

កាលពីថ្ងៃទី២៩ ឧសភា បេក្ខភាពបវរកញ្ញា ពេជ្រ វត្តីសារ៉ាវឌ្ឍី បានបង្ហោះវីដេអូមួយនៅលើបណ្តាញសង្គមទាំងនៅលើទិកតុកនិងហ្វេកប៊ុកអំពី Trend ថ្មី ពីបទចម្រៀង « WHEN I’M WITH YOU» របស់តារាចម្រៀង Lisa សមាជិក BLACKPINK ដែលសហការជាមួយនឹងតារាចម្រៀង Tyla ។ បទចម្រៀងមួយនេះកាន់តែទទួលបាននូវប្រជាប្រិយភាពនិងបានក្លាយជា Trend ល្បីពេញបណ្តាញសង្គមទិកតុកគឺនៅពេលដែល Lisa បាន challenge ទៅលើបទចម្រៀងរបស់នាងហើយបង្កើតទៅជាការ Trend មានមនុស្សជាច្រើនរាំតាមនាង។

ទោះជាយ៉ាងណាក៏ដោយ នៅពេលដែល ពេជ្រ វត្តីសារ៉ាវឌ្ឍី បានរាំបទចម្រៀងខាងលើនេះទៅតាម Trend នៅលើបណ្តាញសង្គមវាមិនបានហុចផលល្អមកកាន់នាងនោះស្របពេលកាលៈទេសៈមានសភាពមិនល្អរវាងខ្មែរនិងថៃ។

វីដេអូរបស់ ពេជ្រ វត្តីសារ៉ាវឌ្ឍី បានជំរុញឱ្យអ្នកលេងបណ្តាញសង្គមជាច្រើនបញ្ចេញមតិរិះគន់នាងចាស់ដៃជាមួយនឹងពាក្យសម្តីធ្ងន់ៗជាច្រើន។ ឃើញមានការរិះគន់ដោយសម្តីធ្ងន់ៗពីអ្នកលេងបណ្តាញសង្គម ពេជ្រ វត្តីសារ៉ាវឌ្ឍី បានឆ្លើយតបដោយចិត្តត្រជាក់ថា «ចា៎អរគុណបង នាងខ្ញុំកំពុងតែត្រូវការជំនួយពីបងៗ និង ថវិកាយកទៅជួយបងៗកងទ័ពតាមព្រំដែនផងដែរ។ ដូច្នេះបើបងមានចំណាប់អារម្មណ៍អាចបរិច្ចាគបានណា»។ ជាមួយនឹងការឆ្លើយតបនេះ ពេជ្រ វត្តីសារ៉ាវឌ្ឍី ក៏បានលើកពីប្រសាសន៍របស់នាយករដ្ឋមន្ត្រីកម្ពុជាចូលមកខម្មិនលើការបង្ហោះរបស់នាងផងដែរ៕

ផន ស្រីពី MCC 12 បានក្លាយជាម្ចាស់មកុដ Miss Cosmo Cambodia 2025 បន្ទាប់ពីឆ្លងកាត់ការប្រកួតអស់រយៈពេលជាច្រើនខែដែលមានដៃគូខ្លាំងបំផុតក្នុងការប្រកួតលើកនេះគឺជា ប៊ី សុធារី។ ស្រីពី នឹងតំណាងប្រទេសកម្ពុជាបន្ទាប់ពី អ៊ិន លក្ខិណា ក្នុងការប្រកួតនៅលើឆាកអន្តរជាតិ។

នៅរាត្រីថ្ងៃទី៣០ ឧសភា កម្មវិធីប្រកួត Miss Cosmo Cambodia 2025 បានរកឃើញម្ចាស់ជ័យលាភីជាផ្លូវការហើយក្រោយពីឆ្លងកាត់ការឆ្លើយសំណួរជាច្រើនដងរួមទាំងការប្រកួតតស៊ូមតិជុំចុងក្រោយគឺបានទៅលើ ផន ស្រីពី។ ភាពជោគជ័យលើកនេះ បានធ្វើឱ្យមនុស្សជាច្រើនសម្តែងការអបអរចំពោះនាងព្រមទាំងមានការលើកឡើងថាកម្មវិធីសុក្រឹតយុត្តិធម៌ ហើយនាងពិតជាស័ក្តិសមព្រោះការឆ្លើយនិងសំណួររបស់នាងពេញ ដោយថាមពលខណៈទស្សនិកជនមួយចំនួនក៏សម្តែងការសោកស្តាយចំពោះ ប៊ី សុធារី ដែលមិនទទួលជ័យជម្នះលើកនេះ។

ផន ស្រីពី MCC 12 បានធ្វើឱ្យមហាជនមានការចាប់អារម្មណ៍ខ្លាំងបំផុតនៅក្នុងការប្រកួតនេះគឺនៅពេលបង្ហាញឈុតតំណាងជាតិរបស់ខ្លួនដោយបានជ្រើសរើសឈុត «របាំព្រះរាជ្យទ្រព្យទម្រង់១០០ឆ្នាំ»។ ការបង្ហាញរបស់ ស្រីពី ដ្បិតតែហ្វឹកហាត់បានរយៈពេលខ្លីក៏ពិតមែនប៉ុន្តែបានធ្វើឱ្យមនុស្សជាច្រើនដែលទស្សនាហើយកោតសរសើរចំពោះនាង។ គ្រងមកុដលើកដំបូងពីការប្រកួតថ្នាក់ជាតិរបស់ខ្លួននេះ ផន ស្រីពី នឹងតំណាងប្រទេសកម្ពុជាប្រកួតនៅលើឆាកអន្តរជាតិ Miss Cosmo នៅឯប្រទេសវៀតណាមនាខែធ្នូ ខាងមុខបន្ទាប់ពីបវរកញ្ញា អ៊ិន លក្ខិណា តំណាងប្រទេសកាលពីឆ្នាំមុន។

គួរបញ្ជាក់ផងដែរថា ស្ថិតនៅក្នុងវិស័យបវរកញ្ញា ផន ស្រីពី គឺបានប្រកួតឈ្នះនៅក្នុងថ្នាក់ខេត្តកំពង់ចាមនៃកម្មវិធី Miss Grand Cambodia 2024 ។ ក្រោយមកនាងបានតំណាងឱ្យខេត្តកំពង់ចាមប្រកួតនៅក្នុងថ្នាក់ជាតិដោយបានជាប់លំដាប់រងទី៥នៃការប្រកួត Miss Grand Cambodia 2024។ ផន ស្រីពី ទទួលបានឱកាសពិសេសពីលោកស្រី អ៊ឹម សុគន្ធា ដោយជ្រើសរើសនាងជា Miss Intercontinental Cambodia 2024 ហើយបានតំណាងប្រទេសកម្ពុជាប្រកួតនៅលើឆាកអន្តរជាតិ ប្រកួតនៅលើទឹកដីអេហ្ស៊ីប Miss Intercontinental 2024 កាលពីខែធ្នូ ឆ្នាំមុនដោយបានបើកទ្វាកម្ពុជាចូល TOP លើកដំបូងក្នុងការប្រកួតកម្មវិធីនេះដោយជាប់ចំណាត់ថ្នាក់ TOP22៕