ភ្នំពេញ៖ លោក ស សុខា រដ្ឋមន្ត្រីក្រសួងមហាផ្ទៃ អះអាងថា កងកម្លាំងការពារព្រំដែនកម្ពុជា កំពុងម្ចាស់ការលើការវាយខ្មាំងថៃ ខណៈថៃបានវា.យប្រហារលើទីតាំងឈរជើងរបស់ខ្មែរ នៅប្រាសាទតាមាន់ធំ ប្រាសាទតាក្របី ក្នុងខេត្តឧត្តរមានជ័យ និងពង្រីកភូមិសាស្ត្រវាយប្រហារដល់តំបន់មុំបី ខេត្តព្រះវិហារ។

យោងតាមការបង្ហោះនៅទំព័ហ្វេសប៊ុក នាថ្ងៃទី២៤ ខែកក្កដា ឆ្នាំ២០២៥ លោកឧបនាយករដ្ឋមន្ដ្រី ស សុខា បានបញ្ជាក់ថា «ក្រោមបទបញ្ជាដឹកនាំដ៏ម៉ឺងម៉ាត់របស់សម្ដេចធិបតី នាយឧត្តមសេនីយ៍ ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កម្លាំងកងយោធពលខេមរភូមិន្ទ និងនគរបាលការពារព្រំដែន ដ៏អង់អាចក្លាហានរបស់យើង បាននិងកំពុងម្ចាស់ការលើសមរភូមិវាយខ្មាំងថៃ ដ៏សាមាន្យ ដែលបើកការវាយប្រហារលើទីតាំងឈរជើងរបស់ខ្មែរ នៅប្រាសាទតាមាន់ធំ ប្រាសាទតាក្របី ក្នុងខេត្តឧត្តរមានជ័យ និងពង្រីកភូមិសាស្ត្រវាយប្រហារដល់តំបន់មុំបី ខេត្តព្រះវិហារ»។

លោកបានគូសបញ្ជាក់ថា «យើងខ្ញុំសមរភូមិក្រោយនៅក្បែរបងៗសមរភូមិមុខជានិច្ច គាំទ្រលើកទឹកចិត្ត និងបួងសួងអស់បារមីគ្រប់ទិសទីឃុំគ្រងអភិបាលប្រកបដោយសុវត្ថិភាព យកឈ្នះលើមារសត្រូវកុំបីខាងឡើយ។ ទន្ទឹមនេះ សូមជនរួមជាតិនៅសមរភូមិក្រោយ រក្សាភាពស្ងាត់ស្ងៀម មានលំនឹងក្នុងចិត្ត និងសូមបន្តការងារក្នុងជីវភាពប្រចាំថ្ងៃជាប្រកតី តាមអនុសាសន៍សម្ដេចធិបតី នាយករដ្ឋមន្ត្រីនៃយើង»។

ជាមួយគ្នានេះ បើតាមអ្នកនាំពាក្យក្រសួងការពារជាតិកម្ពុជា កម្ពុជាប្រកាសថ្កោលទោសយ៉ាងដាច់អហង្ការចំពោះទង្វើឈ្លានពានយោធាយ៉ាងកម្រោល សាហាវ ឃោរឃៅ របស់យោធាថៃ មកលើអធិបតេយ្យភាព និងបូរណភាពទឹកដីកម្ពុជា នៅព្រឹកថ្ងៃទី២៤ ខែកក្កដា ឆ្នាំ២០២៥។ កម្ពុជា ក៏អំពាវនាវឱ្យសមាជិកសហគមន៍អន្តរជាតិ ថ្កោលទោសដោយមិនស្ទាក់ស្ទើរ និងយ៉ាងម៉ឺងម៉ាត់ ចំពោះសកម្មភាពខុសច្បាប់របស់ថៃផងដែរ៕

សារព័ត៌មានប៉ុស្តិ៍លេខ៧ថៃបានរាយការណ៍បឋមថា ទាហានថៃចំនួន10នាក់បានរងរបួស ខណៈមានទាហានខ្លះទៀតបា.ក់ស្បាតរត់ចោលជួរបណ្ដើរៗ បន្ទាប់ពីការវា.យប្រហារមួយប្រាវ។ បើតាមអ្នកនាំពាក្យកងទ័ពថៃបានប្រាប់រ៉យទ័រ បានបន្ថែមថា កម្ពុជាបានប្រើប្រាស់អាវុធជាច្រើន រួមទាំងគ្រាប់រ៉ុកែតផងដែរ។

នៅថ្ងៃទី ២៤ ខែកក្កដា ឆ្នាំ ២០២៥ នេះ ខាងភាគីថៃ បានបើកការវា.យប្រហារមកលើកម្ពុជាជាមុននៅលើប្រាសាទតាមាន់ធំ ដែលបង្កឱ្យកម្ពុជាមានការតបតទៅវិញ ហើយការបា.ញ់បោះនៅតាមតំបន់ព្រំដែនក៏បានចាប់ផ្តើមឡើងជាបន្តបន្ទាប់។

យ៉ាងណាមិញ សារព័ត៌មាន ប៉ុស្តិ៍លេខ៧ បានរាយការណ៍ពី Richcha Suksuwannont អ្នកនាំពាក្យរងនៃកងយោធពលភូមិន្ទថៃ ដោយបានបញ្ជាក់ថា មានទាហានថៃចំនួន 10នាក់ហើយ ដែលបានរងរបួស ដោយសារការផ្ទុះអាវុធនៅតំបន់ប្រាសាទតាមាន់ធំ។ ប៉ុន្តែខាងសារព័ត៌មានថៃ មិនបានបានបញ្ជាក់ពីស្ថានភាពរបួសរបស់ទាហានរបស់ខ្លួនឡើយ៕

សារព័ត៌មានថៃរាយការណ៍ថា ទាហានថៃចំនួនពីរនាក់បានរងរបួស បន្ទាប់ពីការវា.យប្រហារមួយប្រាវ។ បើតាមអ្នកនាំពាក្យកងទ័ពថៃបានប្រាប់រ៉យទ័រ បានបន្ថែមថា កម្ពុជាបានប្រើប្រាស់អាវុធជាច្រើន រួមទាំងគ្រាប់រ៉ុកែតផងដែរ។

នៅថ្ងៃទី ២៤ ខែកក្កដា ឆ្នាំ ២០២៥ នេះ ខាងភាគីថៃ បានបើកការវា.យប្រហារមកលើកម្ពុជាជាមុននៅលើប្រាសាទតាមាន់ធំ ដែលបង្កឱ្យកម្ពុជាមានការតបតទៅវិញ ហើយការបា.ញ់បោះនៅតាមតំបន់ព្រំដែនក៏បានចាប់ផ្តើមឡើងជាបន្តបន្ទាប់។

យ៉ាងណាមិញ សារព័ត៌មាន Khaosod បានរាយការណ៍ពី Richcha Suksuwannont អ្នកនាំពាក្យរងនៃកងយោធពលខេមរភូមិន្ទថៃ ដោយបានបញ្ជាក់ថា មានទាហានថៃចំនួន ២ នាក់ហើយ ដែលបានរងរបួស ដោយសារការផ្ទុះអាវុធនៅតំបន់ប្រាសាទតាមាន់។ ប៉ុន្តែខាងសារព័ត៌មានថៃ មិនបានបានបញ្ជាក់ពីស្ថានភាពរបួសរបស់ទាហានរបស់ខ្លួនឡើយ៕

ប្រមុខរាជរដ្ឋាភិបាលកម្ពុជាបានអំពាវនាវឲ្យជនរួមជាតិកម្ពុជាទាំងអស់កុំភ័យស្លន់ស្លោ សូមប្រកបកិច្ចការធម្មតា និងសូមបងប្អូនទាំងអស់មានទំនុកចិត្តលើរាជរដ្ឋាភិបាល និង កម្លាំងប្រដាប់អាវុ.ធ និងសូមបងប្អូនកុំចែករំលែកនូវរូបភាព ឬវិដេអូ ដែលពាក់ព័ន្ធការចល័តសព្វាវុ.ធ កងទ័ព និងលេណដ្ឋានជាដាច់ខាត។

ក្រោយក្រសួងការពារជាតិកម្ពុជាបានប្រកាសពីផ្ទុះអាវុ.ធវា.យប្រ.ហារគ្នា រវាងកងទ័ពកម្ពុជា និង ថៃ នាព្រឹកថ្ងៃព្រហស្បត្តិ៍ ទី២៤ ខែកក្កដា ឆ្នាំ២០២៥ នៅភូមិសាស្រ្តខេត្តឧត្តរមានជ័យ សម្ដេចតេជោ ហ៊ុន សែន បានបង្ហោះសារខ្លីមួយ សើម្បីជូនដំណឹងទៅកាន់ប្រជាពលរដ្ឋទាំងអស់យ៉ាងដូច្នេះថា៖

«ការឈ្លានពានដូចយោធាថៃថានឹងបិទប្រាសាទតាមាន់ធំនៅថ្ងៃនេះដែលបានចេញបទបញ្ជាពីម្សិលពេលនេះទាហានថៃបានចាប់ផ្តើមវាយមកលើកងទ័ពកម្ពុជាហើយ។
កងទ័ពកម្ពុជាគ្មានជម្រើសអ្វីក្រៅពីតបតនិងវាយបកនោះឡើយ។សូមបងប្អូនជនរួមជាតិកម្ពុជាកុំភ័យស្លន់ស្លោរហូតទិញអង្ករទំនិញស្តុកទុកឬការលក់ទំនិញដំឡើងថ្លៃ។ល។
សូមប្រកបកិច្ចការធម្មតាលើគ្រប់វិស័យនិងគ្រប់ទីកន្លែងលើកលែងតែតំបន់ជាប់ព្រំដែននៃខេត្តឧត្តរមានជ័យនិងខេត្តព្រះវិហារដែលរងការបាញ់ផ្លោងពីកងទ័ពឈ្លានពានថៃ។សូមជនរួមជាតិទុកចិត្តលើរាជរដ្ឋាភិបាលនិងកម្លាំងប្រដាប់អាវុធរបស់យើង៕»

លើសពីនេះ ប្រជាជនរួមជាតិទាំងអស់គួរកុំចែកចាយរូបភាពទីតាំងអាវុធ លេណដ្ឋាន និងការចល័តទ័ព អី ដើម្បីរក្សាសុវត្ថិភាព និងកុំឲ្យខ្មាន់សត្រូ.វដងពីផ្ទៃក្នុងរបស់យើង ព្រោះទាំងអស់នេះគឺជាការសម្ងាត់របស់យោធា។

គួរជម្រាបថា ស្ថានការណ៍តានតឹងរហូតឈានទៅដល់ការប្រើប្រាស់អាវុ.ធដាក់គ្នាទៅវិញទៅមកនេះ កើតឡើងបន្ទាប់ពីយោធាថៃបានធ្វើការបិទប្រាសាទតាមាន់ធំដោយឯកតោភាគី ក្រោមហេតុផលដែលគ្មានមូលដ្ឋានច្បាស់លាស់ចោ.ទប្រកាន់មកលើកម្ពុជា ថាល្មើសច្បាប់អន្តរជាតិ ជុំវិញការដាក់បង្កប់មីនប្រឆាំងមនុស្សថ្មី បណ្ដាលឲ្យទាហានថៃជាន់ផ្ទុះរងរបួសចំនួន២លើនៅតំបន់ចុងបូក។

ការអះអាងដែលគ្មានភស្តុតាងរបស់ថៃបែបនេះ ត្រូវបានគេមើលឃើញថាជាចេតនារបស់ថៃ ក្នុងការទម្លាក់កំហុសមកលើកម្ពុជា ដើម្បីធ្វើឲ្យប្រតិកម្មផ្នែកការទូតរបស់ខ្លួន ហាក់ដូចជា គ្មានភាពសមហេតុផល។ ទង្វើនេះបានបង្ហាញពីការខ្វះសុឆន្ទៈ ក្នុងការដោះស្រាយបញ្ហាតាមរយៈកិច្ចសន្ទនា និងបានជ្រើសរើសយកការបង្ហូរឈា.មជំនួសវិញ៕

ោកជំទាវ ម៉ាលី សុជាតា អ្នកនាំពាក្យក្រសួងការពារជាតិ៖ នៅ ព្រឹកថ្ងៃទី២៤ ខែកក្កដានេះ បានបញ្ជាក់ថាមានការផ្ទុះអាវុធវា.យប្រហារគ្នារវាង កងទ័ពកម្ពុជានិងកងទ័ពថៃនៅតាមបណ្តោយព្រំដែនកម្ពុជាថៃក្នុង ភូមិសាស្ត្រខេត្តឧត្តរមានជ័យ។ កងទ័ពថៃបានបើកការ បាញ់ប្រហារមកលើកងទ័ពកម្ពុជាមុន។ កងទ័ពកម្ពុជាបានប្រើប្រាស់សិទ្ធិការពារខ្លួនក្នុងអធិបតេយ្យនិងបូរណភាពទឹកដីរបស់ ខ្លួនប្រឆាំងនឹងការឈ្លានពានរបស់កងទ័ពថៃដែលបានបំពានលើ បូរណភាពទឹកដីកម្ពុជា។

គួរឲ្យដឹងថា ថៃ និង កម្ពុជាបានសម្រេចដកទូតរបស់ប្រទេសរៀងខ្លួន ដោយសារភាគីថៃចោ.ទប្រកាន់កម្ពុជាថាបានបំពានច្បាប់អន្តរជាតិ ដាក់បង្កប់មីនថ្មីប្រឆាំងមនុស្ស បង្ករឲ្យទាហានថៃជាន់ផ្ទុះចំនួន២លើក ដែលលើកទី២នេះទើបកើតឡើងកាលពីល្ងាចថ្ងៃពុធ ទី២៣ ខែកក្កដា ឆ្នាំ២០២៥ បានបណ្ដាលឲ្យទាហានថៃចំនួន៥នាក់រងរបួស។

ស្ថានការណ៍ដ៏តានតឹងនេះ បានជំរុញឲ្យកងទ័ពកម្ពុជា បើកការវាយបកលើទាហានឈ្លានពានថៃដែលបានបាញ់មកលើកងទ័ពរបស់កម្ពុជាមុន និង បានបិទប្រាសាទតាមាន់របស់កម្ពុជាមិនឲ្យប្រជាពលរដ្ឋចូល នេះបើយោងតាមសម្ដីរបស់មន្រ្តីយោធាជាន់ខ្ពស់កម្ពុជាពីតំបន់ព្រំដែនបានអះអាងនៅមុននេះបន្តិចនាព្រឹកថ្ងៃទី២៤ ខែកក្កដា ឆ្នាំ២០២៥៕

រាជធានីភ្នំពេញ៖ ក្រសួងការពារជាតិកម្ពុជាមានការសោ.កស្តាយបំផុត ដែលភាគីថៃបានបំពានបន្ទាត់ក្រហមរហូតដល់ជាន់គ្រាប់មីនហើយមិនត្រឹមតែមិនបានទទួលខុសត្រូវចំពោះទង្វើរបស់ខ្លួននទេ ថែមទាំងមកចោ.ទប្រកាន់កម្ពុជា ថាបានរំលោ.ភច្បាប់អន្តរជាតិ ទាំងកម្ពុជាខ្លួនឯងជាជនរងគ្រោះដ៏អយុត្តិធម៌នៃការរំលោ.ភបំពានច្បាប់របស់ថៃ។

យោងតាមឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិថ្ងៃទី២៣ ខែកក្កដា ឆ្នាំ២០២៥ បានប្រកាសច្រានចោលទាំងស្រុងនូវការចោទប្រកាន់ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃចំនួន ៥ នាក់ ដោយសារការផ្ទុះគ្រាប់មីន ភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ព្រះរាជាណាចក្រកម្ពុជា នៅថ្ងៃទី២៣ ខែកក្កដា ឆ្នាំ២០២៥។

ក្រសួងការពារជាតិបញ្ជាក់ថា កម្ពុជាតែងតែបានរំលឹកភាគីថៃជាច្រើនលើកច្រើនសារថា តំបន់ទាំងនេះនៅមានគ្រាប់មីនដែលជាសំណល់ពីសង្គ្រាមជាច្រើនគ្រាប់ ដែលមិនទាន់បានបោសសម្អាតអស់ ហើយជំរុញឱ្យភាគីថៃជៀសវាងអនុវត្តផ្ទុយពីការឯកភាពគ្នាលើការប្រើប្រាស់តម្រាយផ្លូវសម្រាប់ដើរល្បាត ដូចដែលមានចែងនៅក្នុងអនុស្សារណៈយោគយល់គ្នាឆ្នាំ២០០០ (MOU 2000)។

វាជាការដែលគួរឱ្យសោ.កស្តាយយ៉ាងខ្លាំងបំផុតដែលភាគីថៃ មិនត្រឹមតែមិនបានទទួលខុសត្រូវចំពោះទង្វើឈ្លានពានរបស់ខ្លួន ហើយថែមទាំងមកចោទប្រកាន់កម្ពុជាថា បានរំលោ.ភច្បាប់អន្តរជាតិ ទាំងកម្ពុជាខ្លួនឯងជាជនរងគ្រោះដ៏អយុត្តិធម៌នៃការរំលោ.ភបំពានច្បាប់របស់ថៃ។

ក្រសួងការពារជាតិ និងកងយោធពលខេមរភូមិន្ទ បន្តអនុវត្តតាមការសម្រេចចិត្តរបស់រាជរដ្ឋាភិបាល នៃព្រះរាជាណាចក្រកម្ពុជា ក្នុងការដោះស្រាយបញ្ហាដោយសន្តិវិធី ស្របតាមច្បាប់អន្តរជាតិ និងបានត្រៀមខ្លួនរួចជាស្រេច ដើម្បីការពារអធិបតេយ្យ និងបូរណភាពទឹកដី និងសុខសុវត្ថិភាពប្រជាជនកម្ពុជា ដោយមិនអនុញ្ញាតឱ្យប្រទេសណាមួយឈ្លានពានមកលើទឹកដីរបស់ខ្លួនបានជាដាច់ខាត ទោះក្នុងតម្លៃណាក៏ដោយ៕