កាន់តែឡើងខ្ពស់ Liu Yuning ខ្លាចអ្នកគាំទ្រខកចិត្តចំពោះខ្លួន

Liu Yuning បានសម្តែងដោយស្មោះត្រង់នូវអារម្មណ៍និងការដឹងគុណចំពោះទស្សនិកជនអ្នកដែលបានអមដំណើរ និងគាំទ្រលោក។ តារាប្រុសរូបនេះបានសារភាពថា «មានពេលខ្លះដែលលោកធ្វើការឬគ្រាន់តែចេញបទចម្រៀង ចូលរួមកម្មវិធី ឬទទួលថតកុន… និយាយតាមត្រង់ លោកខ្លាចអ្នកគាំទ្រលោកណាស់ គឺខ្លាចគេខកចិត្ត»។

«ខ្ញុំបានបង្ហាញខ្លួនអរគុណពួកគេជាលើកដំបូង។ វាជាការអរគុណដល់ទស្សនិកជន និងអ្នកគាំទ្រដែលខ្ញុំអាចបង្ហាញខ្លួនបាន។ ពួកគេសំខាន់សម្រាប់ខ្ញុំដូច្នេះខ្ញុំមិនចង់ធ្វើឱ្យពួកគេខកចិត្ត»។ នេះជាការលើកឡើងរបស់តារាប្រុសវ័យ ៣៥ឆ្នាំរូបនេះ។ ការចែករំលែកដោយស្មោះរបស់ Liu Yuning ទទួលបានការអាណិតអាសូរជាសាធារណៈយ៉ាងឆាប់រហ័ស។ មិនត្រឹមតែនៅក្នុងតន្ត្រីប៉ុណ្ណោះទេ Liu Yuning ក៏យកចិត្តទុកដាក់ជាពិសេសចំពោះបទពិសោធន៍របស់អ្នកគាំទ្រនៅពេលចូលរួមការប្រគំតន្ត្រីផងដែរ។ លោកបញ្ជាក់ថា៖ «ការប្រគំតន្ត្រីមិនត្រឹមតែល្អទេ តែក៏ត្រូវធ្វើឱ្យអ្នកគាំទ្រមានអារម្មណ៍ថាមានតម្លៃ»។

ដូច្នេះហើយបទចម្រៀងនីមួយៗក្នុងកម្មវិធីគឺត្រូវបានរៀបចំយ៉ាងយកចិត្តទុកដាក់ដោយលោក និងក្រុមការងារ តាំងពីការរៀបចំ ការរចនាឆាក សំលៀកបំពាក់ រហូតដល់រូបភាពជាច្រើនទៀតដើម្បីនាំមកនូវបទពិសោធន៍ពេញលេញ និងរំជួលចិត្តបំផុតដល់ទស្សនិកជន។

ជាមួយនឹងភាពស្មោះត្រង់ និងវិធីសាស្រ្តយ៉ាងម៉ឺងម៉ាត់ក្នុងការងាររបស់ខ្លួន Liu Yuning បានឈ្នះបេះដូងអ្នកគាំទ្ររបស់លោកកាន់តែខ្លាំងឡើង។ លោកតែងតែដាក់ខ្លួន គិតពីអារម្មណ៍របស់អ្នកគាំទ្រ និងធ្វើឱ្យល្អបំផុតតាមដែលអាចធ្វើទៅបាន។ នេះជាមូលហេតុដែលទស្សនិកជនមិនត្រឹមតែស្រឡាញ់តន្ត្រីរបស់ Liu Yuning ប៉ុណ្ណោះទេ ថែមទាំងស្រឡាញ់បុគ្គលិកលក្ខណៈ និងចំណង់ចំណូលចិត្តរបស់លោកផងដែរ។

គួរបញ្ជាក់ផងដែរថា ទន្ទឹមនឹងកម្មវិធីប្រគំតន្រ្តីផ្ទាល់ខ្លួន ស្នាដៃខ្សែភាពយន្ត «The Prisoner of Beauty» និងរឿង «A Dream within a Dream» បានធ្វើឱ្យកេរ្តិ៍ឈ្មោះរបស់ Liu Yuning លេចធ្លោយ៉ាងខ្លាំង៕

---