ចាន់ សុបញ្ញា ម្ចាស់ពាន X Factor Cambodia រដូវកាលទី១ និង គង់ ចំរើន បានធ្វើឱ្យអ្នកលេងបណ្តាញសង្គមរិះគន់ថាអ្នកទាំងពីរសហការគ្នាមិនល្អ ដណ្តើមគ្នាច្រៀង។ លើសពីនេះ បញ្ញា មានការរិះគន់ច្រើនទៅលើការច្រៀងរបស់លោក ខណៈការពិតទំនងដោយសារតែហេតុផលនេះ។.png)
កាលពីពេលថ្មីៗនេះ ចាន់ សុបញ្ញា និង គង់ ចំរើន បានបង្ហាញខ្លួនជាមួយគ្នានៅក្នុងកម្មវិធីប្រគំតន្រ្តីមួយដោយអ្នកទាំងពីរបានលើកយកបទ «ស្រលាញ់អ្នកណាក៏គេមានសង្សារ» មកបកស្រាយ។ វីដេអូរបស់តារាចម្រៀងទាំងពីររូបដែលធ្លាប់ប្រកួតក្នុងកម្មវិធីតែមួយបានរីករាលដាលយ៉ាងឆាប់រហ័សនិងមានការទស្សនារាប់រយKដង ប៉ុន្តែក៏ទទួលបានមតិប្រតិកម្មជាច្រើនដូចគ្នា។
អ្នកលេងបណ្តាញសង្គមមួយចំនួនបានរិះគន់តារាចម្រៀង ចាន់ សុបញ្ញា និង គង់ ចំរើន ថាដណ្តើមគ្នាច្រៀង មិនបែងចែកផ្នែកច្រៀងឱ្យបានច្បាស់លាស់ធ្វើឱ្យការសហការនេះមិនរលូន។ មនុស្សមួយចំនួនបានរិះគន់មកកាន់ ចាន់ សុបញ្ញា ដែលជាម្ចាស់ពានមួយរូបបាត់បង់តុល្យភាពគ្រប់គ្រងសំឡេងរបស់ខ្លួននិងច្រៀងមិនបានល្អឡើយ។
ការរិះគន់របស់អ្នកលេងបណ្តាញសង្គមដែលចោទថាអ្នកទាំងពីរដណ្តើមគ្នាច្រៀងនេះ គង់ ចំរើន បានចែករំលែកវីដេអូរបស់ពួកគេដោយបានភ្ជាប់ទៅកាន់គណនីបណ្តាញសង្គមរបស់ ចាន់ សុបញ្ញា ដោយការមិនអស់ចិត្តថាលោកដណ្តើមគេច្រៀង។
អ្នកគាំទ្រម្នាក់ក៏បានបញ្ចេញមតិថាប្រហែលជា ចាន់ សុបញ្ញា មានបញ្ហាសុខភាពច្រៀងមិនសូវបានទើបបានជា គង់ ចំរើន ជួយច្រៀងប៉ុណ្ណោះពុំមែនជាការដណ្តើមគ្នាច្រៀងអ្វីទេ។ ការលើកឡើងនេះ គង់ ចំរើន បានបង្ហាញការយល់ស្របព្រមទាំងបញ្ជាក់ថា ចាន់ សុបញ្ញា មានសុខភាពមិនសូវល្អ។
គួរឱ្យដឹងថា កាលពីចុងឆ្នាំ២០២៣ Eco Vaksong ជាអ្នកដឹកនាំសម្តែងនៅហង្សមាសបានទម្លាយប្រាប់មហាជនថា ចាន់ សុបញ្ញា មានជំងឺទឹកនោមប្រៃជាច្រើនឆ្នាំមកហើយ ធ្វើឱ្យការហូបចុករបស់ បញ្ញា ត្រូវមានការប្រុងប្រយ័ត្នកុំឱ្យស្ថានភាពជំងឺរើឡើង៕
