ប្រទេសម៉ាឡេស៊ី ៖ នៅថ្ងៃទី២៤ ខែកក្កដា ឆ្នាំ២០២៥ នាយករដ្ឋមន្ត្រីម៉ាឡេស៊ី លោក Anwar Ibrahim បានអំពាវនាវឱ្យកម្ពុជា-ថៃបញ្ចប់ការប៉ះទង្គិចគ្នា ហើយលោកនឹងជជែកជាមួយមេដឹកនាំប្រទេសទាំងពីរនៅថ្ងៃទី២៤ ខែកក្កដានេះ ដើម្បីព្យាយាមកាត់បន្ថយស្ថានការណ៍តានតឹង ដែលកើតឡើងដោយសារការប៉ះទង្គិចនៅបរិវេណព្រំដែនកម្ពុជា-ថៃ ។

នាយករដ្ឋមន្ត្រីម៉ាឡេស៊ី លោក Anwar Ibrahim បានថ្លែងមកកាន់សារព័ត៌មានថា ៖ «យ៉ាងហោចណាស់ អ្វីដែលយើងអាចរំពឹងពីកម្ពុជា និងថៃ គឺការដកថយកម្លាំងកងទ័ព ហើយសង្ឃឹមថា ប្រទេសទាំងពីរអាចចរចាជាមួយគ្នាបាន» ។

ម៉ាឡេស៊ីនឹងធ្វើជាប្រធានអាស៊ាននៅឆ្នាំ២០២៥ ហើយកម្ពុជា និងថៃ គឺជាសមាជិកក្រុមសហប្រតិបត្តិការក្នុងតំបន់អាស៊ាន ដែលប្រទេសទាំងពីរមានតួនាទីលើកកម្ពស់កិច្ចសហការសេដ្ឋកិច្ច និងនយោបាយ ។ ក្រៅពីនេះ ប្រទេសទាំងពីរមានតួនាទីរក្សាសន្តិភាពក្នុងតំបន់អាស៊ាន ។

គួរបញ្ជាក់ថា ការអំពាវនាវរបស់នាយករដ្ឋមន្ត្រីម៉ាឡេស៊ីឱ្យកម្ពុជា-ថៃបញ្ចប់ការប៉ះទង្គិច គឺក្រោយពីកងទ័ពថៃបានបើកការវាយប្រហារមុនមកលើកម្ពុជា តាំងពីព្រឹកថ្ងៃទី២៤ ខែកក្កដា ។ កម្ពុជាបានប្រកាន់នូវគោលជំហរចរចាជាមួយថៃដោយសន្តិវិធីរហូតមក ប៉ុន្តែរដ្ឋាភិបាលថៃពុំចង់ចរចា និងបើកដៃឱ្យកងទ័ពរបស់ខ្លួនវាយប្រហារមកលើកម្ពុជាមុន ។

លើសពីនេះ កងទ័ពថៃមានគម្រោងប្រមូលផ្តុំកងកម្លាំងតាមផ្លូវទឹកវិញម្តង ក្រោយពីរត់ចែកជើងគ្នានៅសមរភូមិផ្លូវគោក និងអាកាស ។ នេះបញ្ជាក់ថា រដ្ឋាភិបាល និងកងទ័ពថៃជ្រើសយកសង្គ្រាមច្រើនជាងការចរចាដោយសន្តិវិធី ៕

ប្រទេសចិន ៖ នៅថ្ងៃទី២៤ ខែកក្កដា ឆ្នាំ២០២៥ រដ្ឋាភិបាលចិនបានបង្ហាញក្តីបារម្ភអំពីស្ថានការណ៍ព្រំដែនកម្ពុជា-ថៃ ហើយរដ្ឋាភិបាលចិនសង្ឃឹមថា ប្រទេសទាំងពីរនឹងចរចាគ្នាដោះស្រាយបញ្ហាជម្លោះព្រំដែន ។

ក្រសួងការបរទេសចិនបានចេញសេចក្តីថ្លែងការណ៍នៅថ្ងៃទី២៤ ខែកក្កដា ថា រដ្ឋាភិបាលចិនមានក្តីបារម្ភពីស្ថានការណ៍នៅបរិវេណព្រំដែនកម្ពុជា-ថៃ ហើយចិនសង្ឃឹមថា ភាគីទាំងពីរនឹងដោះស្រាយបញ្ហាតាមរយៈការជជែកចរចាគ្នា ។

អ្នកនាំពាក្យក្រសួងការបរទេសចិន លោក គួ ជៀឃុន និយាយថា ប្រទេសចិននឹងដើរតួនាទីកាត់បន្ថយជម្លោះ និងមានគោលជំហរអព្យាក្រឹត ឬប្រកាន់គោលជំហរកណ្តាល ។ យើងនឹងគាំទ្រសន្តិភាព និងគាំទ្រការជជែកតាមវិធីរបស់យើង រួមទាំងដើរតួនាទីកាត់បន្ថយភាពតានតឹង ។ នេះបើតាមការផ្សព្វផ្សាយរបស់សារព័ត៌មាន Reuters នៅថ្ងៃទី២៤ ខែកក្កដា នេះ ។

ការបង្ហាញពីគោលជំហររបស់រដ្ឋាភិបាលចិនចំពោះស្ថានការណ៍ព្រំដែនកម្ពុជា-ថៃ គឺបន្ទាប់ពីកងទ័ពថៃបើកការវាយប្រហារមកលើកម្ពុជាមុន និងប្រើប្រាស់សព្វាវុធធុនធ្ងន់ផ្លោងចូលទឹកដីកម្ពុជា ខណៈកន្លងមក កម្ពុជាបានអត់ធ្មត់ និងព្យាយាមពុំធ្វើសង្គ្រាមជាមួយថៃ ។

ការឈ្លានពាន និងបាញ់ប្រហារមកលើកម្ពុជាមុនពីសំណាក់កងទ័ពថៃបានធ្វើឱ្យពលរដ្ឋខ្មែររស់នៅខេត្តឧត្តរមានជ័យ ក្បែរព្រំដែនកម្ពុជា-ថៃជួបការលំបាក ត្រូវបង្ខំចិត្តចាកចេញពីផ្ទះសម្បែងទៅកន្លែងសុវត្ថិភាព ៕

បានសរសេរក្នុងហ្វេសប៊ុករបស់ខ្លួនឈ្មោះ «Thaksin Shinawatra» នៅថ្ងៃទី២៤ ខែកក្កដា ឆ្នាំ២០២៥ ដោយចោទប្រកាន់ថា ថ្ងៃនេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជាបានបញ្ជាឱ្យមានការបា.ញ់មកកាន់តំបន់របស់ថៃតាំងពីព្រឹក ហើយលោកចោទទៀតថា កម្ពុជាបា.ញ់ថៃមុន ក្រោយពីការផ្ទុះមីននៅព្រំដែន ។

លោក ថាក់ស៊ីន ចាត់ទុកថា កម្ពុជាល្មើសនឹងច្បាប់អន្តរជាតិ និងក្រមសីលធម៌នៃការរស់នៅជាប្រទេសជិតខាងល្អ រហូតដល់កងទ័ពថៃរងរបួសដាច់ជើងចំនួន២នាក់ រួមទាំងពលរដ្ឋថៃរងរបួសមួយចំនួន ។

លោកអះអាងថា ថៃបានអត់ធ្មត់ និងអនុវត្តតាមច្បាប់អន្តរជាតិ និងបំពេញតួនាទីជាប្រទេសជិតខាងល្អគ្រប់ផ្នែក ។ ចាប់ពីពេលនេះ កងទ័ពថៃអាចតទល់ជាមួយកម្ពុជាតាមផែនការយុទ្ធសាស្ត្រ ហើយក្រសួងការបរទេសថៃអាចកំណត់វិធានការផ្សេងៗដោយត្រឹមត្រូវ ។

គួរបញ្ជាក់ថា នេះជាការចោទប្រកាន់របស់លោក ថាក់ស៊ីន និងទម្លាក់កំហុសពីលើកម្ពុជា ការពិត កងទ័ពថៃបានបើកការវាយប្រហារមកលើកងទ័ពកម្ពុជាមុន ក្រោយពីនាយករដ្ឋមន្ត្រីថៃស្តីទីបណ្តេញឯកអគ្គរាជទូតកម្ពុជាចេញពីទីក្រុងបាងកក និងកោះហោះឯកអគ្គរាជទូតថៃនៅរាជធានីភ្នំពេញត្រឡប់ទៅថៃវិញ ដោយចោទប្រកាន់ថា កងទ័ព៥នាក់ជាន់មីនដាច់ជើង និងរងរបួសម្តងទៀត គឺដោយសារកម្ពុជាបង្កប់មីនថ្មី ។

ហេតុការណ៍កងទ័ពថៃជាន់មីនលើកនេះ គ្រាន់តែជាការអះអាងរបស់មេបញ្ជាការយោធភូមិភាគ២ លោក ប៊ុនស៊ីន ផាកក្លាង ប៉ុណ្ណោះ ដោយសារមេទ័ពរូបនេះឃ្លានចង់ធ្វើសង្គ្រាម និងលាបពណ៌មកពីលើកម្ពុជាម្តងហើយម្តងទៀត ខណៈថៃខ្លួនឯងចង់យកលេសបើកឆាកធ្វើសង្គ្រាមជាមួយកម្ពុជា ៕

ប្រទេសថៃ ៖ តាមការផ្សព្វផ្សាយរបស់សារព័ត៌មានថៃ The Better News នៅថ្ងៃទី២៤ ខែកក្កដា ឆ្នាំ២០២៥ ឱ្យដឹងថា ដោយសារការប៉ះទង្គិចគ្នានៅតាមព្រំដែនកម្ពុជា-ថៃខ្លាំងក្លា មេបញ្ជាការកងទ័ពថៃបានបញ្ជាឱ្យកងទ័ពប្រើប្រាស់យន្តហោះចម្បាំង F-16 ចំនួន៦គ្រឿង សម្រាប់ប្រតិបត្តិការនៅព្រំដែនអានម៉ា ខេត្តឧប៊ុនរ៉ាជថានី (នៅភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ) ។ នាវេលាម៉ោង១០និង៥៨នាទី ហ្វេសប៊ុកផេករបស់កងទ័ពថៃភូមិភាគ២ បានបង្ហោះថា យន្តហោះចម្បាំងថៃ F-16 បានបំផ្លា.ញទីតាំងកងទ័ពកម្ពុជា ហើយយន្តហោះចម្បាំងទាំងអស់ពុំត្រូវបានកងទ័ពកម្ពុជាបា.ញ់ធ្លាក់ទេ ។

ចំពោះការផ្សព្វផ្សាយព័ត៌មានថា មានការបាញ់ធ្លាក់យន្តហោះចម្បាំងថៃ F-16 នោះ កងទ័ពថៃបានបដិសេធថា វាជាព័ត៌មានក្លែងក្លាយ ពីព្រោះយន្តហោះចម្បាំង F-16 ទាំងអស់មានសុវត្ថិភាព និងកំពុងត្រៀមបំពេញភារកិច្ចជំហ៊ានទី២ ។ នាវេលាម៉ោង១២និង២២នាទី យន្តហោះចម្បាំង F-16 ចំនួន៦គ្រឿងរបស់កងទ័ពអាកាសថៃបានបញ្ចប់ការទម្លាក់គ្រាប់បែកលើទីតាំងកងទ័ពកម្ពុជានៅច្រកអនសេះ និងធ្វើដំណើរត្រឡប់មកមូលដ្ឋានវិញ ។

មេបញ្ជាការកងទ័ពអាកាសថៃ លោក ផាន់ភក្តី ផាត់ណាគុន បានបញ្ជាឱ្យកងទ័ពថៃប្រើប្រាស់យន្តហោះចម្បាំង F-16 ចំនួន៦គ្រឿង ការពារអធិបតេយ្យនៅព្រំដែនកម្ពុជា-ថៃ ក្រោយពីកងទ័ពប្រទេសទាំងពីរបានផ្ទុះអាវុធជាបន្តបន្ទាប់តាំងពីព្រឹកថ្ងៃទី២៤ ខែកក្កដា ។ ពេលនេះ កងទ័ពថៃកំពុងរង់ចាំបញ្ជាពីមេបញ្ជាការកងទ័ពដើម្បីបាញ់នៅទីតាំងកងទ័ពកម្ពុជា ។ តាមការផ្សព្វផ្សាយរបស់សារព័ត៌មានថៃឱ្យដឹងថា យន្តហោះចម្បាំងថៃ F-16 ទាំង៦គ្រឿងនេះ ពុំត្រូវបានកងទ័ពកម្ពុជាបាញ់ធ្លាក់ទេ ។

ដោយឡែក ស្ថានទូតថៃនៅរាជធានីភ្នំពេញ បានប្រកាសឱ្យជនជាតិថៃទាំងអស់ដែលគ្មានការងារចាំបាច់ ប្រញាប់ធ្វើដំណើរចាកចេញពីកម្ពុជាឱ្យបានឆាប់រហ័សបំផុត ។ ហ្វេសប៊ុកផេកស្ថានទូតថៃ «Royal Thai Embassy, Phnom Penh» បានសរសេរថា ស្ថានទូតបានតាមដានស្ថានការណ៍តានតឹងរវាងកម្ពុជា និងថៃយ៉ាងដិតដល់ និងសូមប្រកាសថា ពេលនេះ ស្ថានការណ៍កាន់តែឈានទៅធ្ងន់ធ្ងរជាបន្តបន្ទាប់ និងមានការប៉ះទង្គិចនៅតំបន់ព្រំដែនជាច្រើន ។

ហេតុនេះ ស្ថានការណ៍អាចនឹងអូសបន្លាយយូរ និងកាន់តែធ្ងន់ធ្ងរខ្លាំងឡើង ។ ស្ថានទូតថៃសូមណែនាំឱ្យជនជាតិថៃដែលស្នាក់នៅបណ្តោះអាសន្នក្នុងប្រទេសកម្ពុជា និងគ្មានភាពចាំបាច់ ប្រញាប់ធ្វើដំណើរចាកចេញពីកម្ពុជាឱ្យបានឆាប់បំផុតដើម្បីសុវត្ថិភាព ។ ក្រៅពីនេះ សូមជនជាតិថៃគ្មានភាពចាំបាច់ផ្អាកការធ្វើដំណើរមកកម្ពុជាពេលនេះ រហូតដល់ស្ថានការណ៍ធូរស្រាលវិញ ៕

នៅក្នុងការវា.យប្រហារដោយយោធារវាងកម្ពុជា និង ថៃ នៅថ្ងៃទី២៤ ខែកក្កដា ឆ្នាំ ២០២៥ នេះ ភាគីថៃបានប្រើប្រាស់យន្តហោះចម្បាំង F-16 របស់ខ្លួនចំនួន ៦ គ្រឿងមកឈ្លានពានលើដីកម្ពុជា ប៉ុន្តែត្រូវបានសំណាញ់មេឃកម្ពុជាបា.ញ់ទម្លាក់អស់ខ្លះទៅហើយ។ ទោះជាយ៉ាងណា សារព័ត៌មានថៃបានបដិសេធថា ការអះអាងទាំងនេះគឺជាព័ត៌មានក្លែងក្លាយប៉ុណ្ណោះ។

មានរូបភាព និង វីដែអូជាច្រើនដែលត្រូវបានគេចែករំលែកតៗគ្នាពេញបណ្ដាញសង្គម បង្ហាញពីធ្លា.ក់នៃយន្តហោះ F-16 របស់ថៃដែលកំពុងប្រតិបត្តិការនៅលើអាកាស ស្រាប់តែត្រូវបានគ្រាប់ផ្លោងហោះទៅបុ.កបំផ្ទុះឲ្យឆេះធ្លា.ក់យ៉ាងកម្រោល ចំណែកខ្លះទៀតដែលមិនត្រូវបានគ្រា.ប់បា.ញ់នោះ បានហោះបកត្រឡប់ចូលទឹកដីថៃវិញបាត់ស្រមោល។

ប៉ុន្តែទោះជាយ៉ាងណា សារព័ត៌មានថៃនៅតែអះអាងដដែលជាដដែលថា ពុំមានយន្តហោះF-16 របស់ខ្លួនណាមួយត្រូវបានឆេះធ្លាក់ ឬត្រូវបានបំផ្លា.ញឡើយ ហើយការណ៍ដែលឃើញយន្តហោះទាំងនោះហោះចូលទឹកដីថៃវិញ គឺគ្រាន់តែជាការត្រឡប់ទៅយកគ្រាប់ដើម្បីមកប្រុ.យុទ្ធជាមួយកម្ពុជាបន្តតែប៉ុណ្ណោះ។

គួរបញ្ជាក់ថា យន្តហោះចម្បាំង F-16 គឺជាយន្តហោះចម្បាំងស៊េរីទំនើបដែលថៃបានទិញពីសហរដ្ឋអាមេរិក ក្នុងតម្លៃមួយគ្រឿងចាប់ពីជាង១០លានដុល្លារ រហូតដល់ជាង៧០លានដុល្លារឯណោះ។ ដូច្នេះប្រសិនបើកម្ពុជាពិតជាបានបា.ញ់កម្ទិចយន្តហោះទាំងនេះមែន មិនថាប៉ុន្មានគ្រឿងនោះទេក៏ជារឿងគួរឲ្យសោ.កស្ដាយសម្រាប់ប្រទេសថៃ និងជាភាពអាម៉ាសសម្រាប់អាមេរិកដូចគ្នា។

យ៉ាងណាមិញ មកទល់នឹងពេលនេះ ស្ថានការណ៍នៃវា.យប្រហារមិនបានធូរស្រាលនោះទេ ខណៈដែលកម្ពុជាបន្តគ្រប់គ្រងទាំងស្រុងនៅប្រាសាទតាមាន់ និងតាក្របី បន្ទាប់ពីវាយបណ្តេញកងទ័ពថៃឱ្យដកថយ នេះបើតាមសេចក្តីរាយការណ៍ពីកងទ័ពជួរមុខកម្ពុជា៕