ថ្មីៗនេះមានការចែករំលែកនៅលើបណ្តាញសង្គមពីគណនីបណ្តាញសង្គមមួយដែលចែករំលែកការបង្ហោះតារាចម្រៀង SK ដោយនិយាយថារូបភាពរបស់តារាស្រីរូបនេះ Edit ច្រើន App និងមិនត្រូវ Type របស់គេនោះទេ។ ឃើញមានការនិយាយបែបនេះអ្នកលេងបណ្តាញសង្គមជាច្រើនសម្តែងការហួសចិត្តយ៉ាងខ្លាំង។
សម្រស់របស់កញ្ញា ទាង រតនៈ មានឈ្មោះក្នុងអាជីពសិល្បៈ SK តែងតែត្រូវបានទស្សនិកជនសរសើរមិនដាច់ពីមាត់មិនថាមនុស្សប្រុស ឬមនុស្សស្រីដូចគ្នានោះទេ។ មិនត្រឹមតែទស្សនិកជនទូទៅប៉ុណ្ណោះទេ សូម្បីតែតារាចម្រៀង ពស៊ាង កាលពីកន្លងមកនេះក៏បានចែករំលែករូបភាពរបស់ SK និងបានចោទសួរថា នាងជាមនុស្សឬទេវតាទៀតផង។ ក្រៅពីការច្រៀង និងរាំ SK ក៏បានធ្វើឱ្យទស្សនិកជនចាប់អារម្មណ៍កាន់តែខ្លាំងបន្ទាប់ពីនាងដើរបង្ហាញម៉ូតក្នុងកម្មវិធីមួយកាលពីពេលថ្មីៗនេះ។
យ៉ាងណាមិញនៅថ្ងៃទី១០ ខែកញ្ញា នេះ SK ក៏បានបង្ហោះរូបប៉ុន្មានសន្លឹកនៅលើបណ្តាញសង្គមក្នុងឈុតប្រពៃណីខ្មែរយ៉ាងស្រស់ស្អាតក្នុងរដូវកាលភ្ជុំបិណ្ឌ ប៉ុន្តែវាបានក្លាយទៅប្រធានបទបន្ទាប់ពីមានអ្នកលេងបណ្តាញសង្គមម្នាក់ចេញមកនិយាយ SK មិនស្អាត Edit ច្រើន App មិនត្រូវ Type របស់ខ្លួន។
ក្រោយពេលគណនីនោះបានចែករំលែករូបថត SK អមដោយសម្តីទាំងនេះហើយអ្នកលេងបណ្តាញសង្គមជាច្រើនសម្រុកចូលទៅខម្មិនឌឺដងទៅកាន់គណនីនោះថា SK ក៏មិនយករូបគេដែរ។ មានការបញ្ចេញមតិច្រើនហួសប្រមាណគណនីដែលចែករំលែកនោះក៏បានដាក់កម្រិតក្នុងការបញ្ចេញមតិយោបល់ផងដែរ។
គួរបញ្ជាក់ផងដែរថា រូបភាពរបស់ SK តែងតែទាក់ទាញខ្លាំងនិងមានការពិភាក្សាយ៉ាងច្រើននៅលើបណ្តាញសង្គមអំពីសម្រស់របស់នាងស្រស់ស្អាតដូចទេពធីតា។ ក្នុងអាជីពសិល្បៈ SK និង Step តែងតែចាប់ដៃគូគ្នាបង្កើតទស្សនីយភាពដល់អ្នកទស្សនា៕
