ភ្នំពេញ៖ កាលពីពេលម្សិលមិញនេះមានការចែករំលែកក្នុងបណ្តាញសង្គមហ្វេសប៊ុក ទាក់ទងនឹងវីដេអូឃ្លីបខ្លីមួយ ដែលបង្ហាញពីសកម្មភាពអាជ្ញាធរបានប្រើហិង្សាមកលើអ្នករើសអេតចាយ នៅតាមផ្លូវសាធារណៈបង្កឲ្យមានការភ្ញាក់ផ្អើលយ៉ាងខ្លាំង។ ជុំវិញករណីនេះផងដែរ យោងតាមសេចក្តីប្រកាសព័ត៌មានរបស់ រដ្ឋបាលខណ្ឌ៧មករា បានឲ្យដឹងថា នៅថ្ងៃទី០៣ ខែវិច្ឆិកា ឆ្នាំ២០២២ វេលាម៉ោង ១៥ និង៣០នាទី ក្រុមការងារចំនួន ០៤នាក់ បានចុះរៀបចំសណ្តាប់ធ្នាប់ចរាចរណ៍លើកំណាត់ផ្លូវលេខ ១៦៤ ក្នុងសង្កាត់វាលវង់ ខណ្ឌ៧មករា ដែលមានការចតយានជំនិះ រទេះអេតចាយ និងរទេះលក់ទំនិញផ្សេងៗលើទ្រូងថ្នល់នៃកំណាត់ផ្លូវនេះ។

ក្នុងកំឡុងពេលនៃការរៀបចំសណ្តាប់ធ្នាប់នេះ ក្រុមការងារបានផ្សព្វផ្សាយណែនាំតាមឧគ្ឃោសនាសព្ទឲ្យម្ចាស់យានជំនិះ និងរទេះដែលចតលើកំណាត់ផ្លូវ១៦៤ ឲ្យយកយានជំនិះ និងរទេះរបស់ខ្លួនចេញ ដើម្បីសម្រួលដល់ការធ្វើចរាចរណ៍បានល្អប្រសើរ រំពេចនោះក៏មានយុវជនម្នាក់ដែលជាម្ចាស់រទេះអេតចាយបានធ្វើសកម្មភាពជេរប្រមាថមកលើក្រុមការងារដោយមិនព្រមយករទេះចេញពីលើទ្រូងថ្នល់ ហើយក្រុមការងារក៏បានព្យាយាមនាំយករទេះ និងយុវជនម្នាក់នោះមកអប់រំ។ ប៉ុន្តែយុវជនជាម្ចាស់រទេះអេតចាយនោះមិនព្រម ថែមទាំងបន្តជេរប្រមាថមកលើក្រុមការងារ ក៏បានកើតមានការប្រតាយប្រតប់គ្នាទៅវិញទៅមករហូតដល់មានការប្រើហិង្សាបន្តិចបន្តួច។

ក្រោយកើតហេតុ រដ្ឋបាលខណ្ឌបានជួបយុវជនជាម្ចាស់រទេះអេតចាយ ជាមួយគ្នានេះដែរ យុវជននោះរូបនោះបានសុំទោស និងទទួលស្គាល់កំហុស ហើយមិនមានការប្តឹងផ្តល់អ្វីឡើយ។ ចំពោះក្រុមការងារដែលបានប្រព្រឹត្តកំហុសឈ្មោះ ឆាំ ឆាន រដ្ឋបាលខណ្ឌបានធ្វើការអប់រំ ដាក់ពិន័យដោយបញ្ឈរជើង ផ្អាកប្រាក់ខែរយៈពេល៦ខែ និងដាក់ពិន័យទៅតាមច្បាប់ ព្រមទាំងលិខិតបទដ្ឋានគតិយុត្តជាធរមាណន៕

សូមប្រិយមិត្តអញ្ជើញទស្សនាវីដេអូ ដូចខាងក្រោម៖

ការប្រឡងសញ្ញាប័ត្រមធ្យមសិក្សាទុតិយភូមិ ឬ បាក់ឌុប កាន់តែខិតជិតមកដល់ ដោយនៅសល់ពេលត្រឹមតែ ១ខែទៀតប៉ុណ្ណោះ ការប្រឡងនឹងចូលមកដល់។

ស្របពេលវេលាកាន់តែតិចទៅៗនោះ សារព័ត៌មាន KBN សូមណែនាំទៅដល់ បេក្ខជនប្រឡងដែលត្រូវការវិញ្ញាសាត្រៀមប្រឡងបាក់ឌុបអាចចូលទៅកាន់វេបសាយទាំងប៉ុន្មានខាងក្រោមនេះ ដែលសុទ្ធសឹងតែផ្ដល់អត្ថប្រយោជន៍ ដល់សិស្សានុសិស្សទាំងអស់ដែលត្រៀមប្រឡង៖

គេហទំព័រ ឬវ៉េបសាយទាំងនោះរួមមាន:

• www.moeys.gov.kh
• www.sokpiseth.com
• www.reanbiology
• www.baciiuyfc.org.com

សម្ដេច​តេជោ​ ហ៊ុន​ សែន​ នាយករដ្ឋមន្ត្រី​ព្រះរាជាណាចក្រ​កម្ពុជា​ បាន​ការ​បង្ហាញ​នូវ​រូប​រាង​កាដូ​នាឡិកាដៃ​ ដែល​ធ្វើ​ដោយ​ស្នាដៃ​ខ្មែរ​ផ្ទាល់​ ដែល​កម្ពុជា​នឹង​​ជូន​ប្រធានគណៈ​ប្រតិភូ​ចូល​រួម​ប្រជុំ​កំពូល​អាស៊ាន​ នៅ​កម្ពុជា​ ឆ្នាំ​២០២២។

បើ​តាម​ការ​ចុះ​ផ្សាយ​របស់​សម្ដេច​ផ្ទាល់​៖” កម្ពុជា​បាន​ផលិត​នាឡិកា​ដៃ​ចំនួន​២៥​គ្រឿង​សម្រាប់​ជា​វត្ថុ​អនុស្សាវរីយ៍​ជូន​ប្រធាន​គណៈ​ប្រតិ​ភូ​ដែល​អញ្ជើញ​មក​ចូល​រួម​ប្រជុំ​កំពូល​អាស៊ាន​នៅ​កម្ពុជា​ឆ្នាំ​២០២២​។នាឡិកា​នេះ​ត្រូវ​បាន​រៀប​ចំ​ផ្គុំ​ឡើង​ដោយ​អ្នក​បច្ចេកទេស​ខ្មែរ​សុទ្ធ​សាធ​ដែល​ជា​ផ្នែក​មួយ​នៃ​ការ​រីក​ចំរើន​ខាង​វិទ្យាសាស្រ្ត​ និង​បច្ចេកទេស​របស់​កម្ពុជា​(ខ្មែរធ្វើបាន)​ “។

គួរ​បញ្ជាក់​ផង​ដែរ​ថា​ កិច្ចប្រជុំ​កំពូល​អាស៊ាន​លើ​ទី​៤០ និង​៤១ ដែល​មាន​កម្ពុជា​ជា​ម្ចាស់​ផ្ទះ​ នឹង​ធ្វើ​នៅ​ពី​ថ្ងៃ​ទី​១០-១៣ ខែ​វិច្ឆិកា​ ឆ្នាំ​២០២២​ខាង​មុខ​ នៅ​រាធានីភ្នំពេញ​៕

ភ្នំពេញ៖ អ្នកណាក៏ដោយ មិនថាដាក់ពាក្យសុំបម្រើការងារក្នុងមុខតំណែងអ្វី មិនថាដាក់ពាក្យសុំបម្រើការងារតាមក្រុមហ៊ុនឯកជន ឬតាមស្ថាប័នរដ្ឋ ម្ចាស់ក្រុមហ៊ុនឯកជន ឬអ្នកគ្រប់គ្រងស្ថាប័នរដ្ឋទាំងនោះ ចាំបាច់ត្រូវតែធ្វើតេស្តរកសារជាតិគ្រឿងញៀនលើពួកគេជាមុនសិន។ ពួកគេ ដាច់ខាតមិនត្រូវទទួលឲ្យចូលបម្រើងការងារឡើយ បើរកឃើញសារជាតិគ្រឿងញៀនក្នុងខ្លួន។

សម្តេច ស ខេង ឧបនាយករដ្ឋមន្រ្តី-រដ្ឋមន្រ្តីក្រសួងមហាផ្ទៃ បានថ្លែងថា នៅថ្ងៃមុខ ច្បាប់ស្តីពីការត្រួតពិនិត្យគ្រឿងញៀន នឹងត្រូវធ្វើវិសោធនការកម្ម ដើម្បីបញ្ចូលចំណុចអំពីការធ្វើតេស្តរកសារជាតិគ្រឿងញៀនលើមនុស្សទាំងអស់ ដែលដាក់ពាក្យសុំចូលបម្រើការងាររដ្ឋ ឬការងារក្រុមហ៊ុនឯកជន។ ធ្វើជាអធិបតីក្នុងពិធីសម្ពោធដាក់ឲ្យប្រើប្រាស់អគារសិក្សានៃវិទ្យាល័យសម្ដេចតេជោ ហ៊ុន សែន ភ្នំសំពៅ នៅស្រុកបាណន់ ខេត្តបាត់ដំបង កាលពីព្រឹកថ្ងៃទី២ ខែវិច្ឆិកា ឆ្នាំ២០២២ សម្តេចរដ្ឋមន្រ្តី សង្កត់ធ្ងន់ដូច្នេះថា៖«អ្នកទៅធ្វើការអីក៏ដោយ ត្រូវធ្វើតេស្ត [រកសារជាតិគ្រឿងញៀន] តែម្តង»។

សម្តេចឧបនាយករដ្ឋមន្រ្តី លើកយកករណីមួយចំនួន មកបញ្ជាក់ថា ដូចជា អ្នក ដែលដាក់ពាក្យសុំបម្រើការងារ ជាអ្នកបើករថយន្តតាមក្រុមហ៊ុនឯកជន ជាអ្នកបម្រើការងារតាមភោជនីយដ្ឋាន ជាអ្នកបម្រើការងារតាមសណ្ឋាគារ ជានគរបាល ជាមន្រ្តីរាជការ និងជាគ្រូបង្រៀន ជាដើម ត្រូវតែឆ្លងកាត់ការធ្វើតេស្តរកសារជាតិគ្រឿងញៀនទាំងអស់គ្នាជាមុនសិន។ សម្តេច បានបន្ថែមពីករណីអ្នកបើករថយន្តក្រុមហ៊ុនឯកជនថា ពួកគេ មិនមែនត្រូវធ្វើតេស្តរកសារជាតិគ្រឿងញៀនតែម្តង ពេលដាក់ពាក្យសុំបម្រើការងារនោះទេ គឺត្រូវធ្វើតេស្តជាប់ជានិច្ចតាមកាលកំណត់ ក្រោយពួកគេ បានចូលបម្រើការងារ។

រដ្ឋមន្រ្តីមហាផ្ទៃ លើកឧទាហរណ៍ថា ច្បាប់ស្តីពីចរាចរណ៍ផ្លូវគោក នឹងត្រូវធ្វើវិសោធនកម្ម ហើយអាចនឹងត្រូវកំណត់ថា រយៈពេល៣ខែ ឬ៦ខែ អ្នកបើករថយន្តទាំងនោះ ត្រូវធ្វើតេស្តរកសារជាតិគ្រឿងញៀនម្តង។ សម្តេច បន្តថា ការតម្រូវឲ្យអ្នកដាក់ពាក្យសុំចូលបម្រើការងារជាអ្នកបើករថយន្តក្រុមហ៊ុនឯកជន ត្រូវឆ្លងកាត់ការធ្វើតេស្តរកសារជាតិគ្រឿងញៀនជាមុន និងការកំណត់ពេលវេលាសម្រាប់ការធ្វើតេស្តរកសារជាតិគ្រឿងញៀនជាប់ជាប្រចាំ ពេលពួកគេ បានចូលបម្រើការងារ នឹងត្រូវលើកយកទៅពិភាក្សាក្នុងកិច្ចប្រជុំស្តីពីការធ្វើវិសោធនកម្មច្បាប់ចរាចរណ៍ផ្លូវគោក ហើយនឹងត្រូវបញ្ចូលទៅក្នុងច្បាប់នេះ។

សម្តេចឧបនាយករដ្ឋមន្រ្តី ស្នើឲ្យលោក កើត រិទ្ធ រដ្ឋមន្រ្តីក្រសួងយុត្តិធម៌ រៀបចំធ្វើវិសោធនកម្មលើច្បាប់ស្តីពីការត្រួតពីពិនិត្យគ្រឿងញៀន និងច្បាប់ស្តីពីចរាចរណ៍ផ្លូវគោក ហើយបញ្ចូលអ្វីដែលសម្តេចមានប្រសាសន៍ខាងលើទៅក្នុងច្បាប់ទាំង២នេះ។ សម្តេច មើលឃើញថា ការធ្វើវិសោធនកម្មលើច្បាប់ទាំង២ឲ្យមានភាពតឹងរ៉ឹងបែបនេះ គឺជាវិធានការ១ ដែលអាចទប់ស្កាត់គ្រឿងញៀន និងអាចការពារកូនខ្មែរ កុំឲ្យផុងខ្លួនក្នុងគ្រឿងញៀន ៕

ជាទូទៅ អ៊ែរ ហ្វស់ វ៉ាន់ (Air Force One) គឺជាឈ្មោះសម្គាល់យន្តហោះទាំងឡាយណារបស់កងទ័ពអាកាសអាមេរិក ដែលដឹកជញ្ជូនប្រធានាធិបតីនៃសហរដ្ឋអាមេរិក ពោលគឺយន្តហោះណាក៏ដោយរបស់កងទ័ពអាកាសអាមេរិក ឱ្យតែប្រធានាធិបតីស្ថិតនៅលើនោះគឺត្រូវគេហៅសំដៅថា អ៊ែរ ហ្វស់ វ៉ាន់ (Air Force One) ទាំងអស់។

អ៊ែរ ហ្វស់ វ៉ាន់ (Air Force One) ត្រូវបានផលិតឡើងនៅឆ្នាំ ១៩៩០ ដោយមាន​ប្រវែង​បណ្តោយ​ជិត​៦០​ម៉ែត្រ និងទំហំ​៤០០ ម៉ែត្រកា​រ៉េ ដែលជាធម្មតានៅក្នុងពេលធ្វើដំណើរម្តងៗ ផ្ទុកមនុស្សប្រមាណជាជិត១០០នាក់។ យន្តហោះ​នេះ មាន​ការពារ​ពី​ការ​បំផ្ទុះ​នុយក្លេអ៊ែរ ពោល​គឺ​ផ្នែក នីមួយ​ៗ​របស់​យន្តហោះ​នេះ​សុទ្ធតែ​ជា​គ្រឿង​សព្វាវុធ​ទាំង​អស់។

យន្តហោះសម្រាប់ដឹកប្រធានាធិបតីសហរដ្ឋអាមេរិក នេះបានផលិតឡើងយ៉ាងពិសេស ហើយមានតែចំនួន ពីរគ្រឿងប៉ុណ្ណោះ ពោលគឺសម្រាប់ផ្លាស់ប្តូរគ្នា។ នៅលើនោះមានបន្ទប់ពិសេសជាច្រើន សម្រាប់ប្រធានាធិបតីធ្វើការ ដោយមានការិយាល័យ បន្ទប់ប្រជុំ កន្លែងកម្សាន្ត កងសន្តិសុខ និង មានចុងភៅនៅលើនោះផង។ និយាយរួមវាប្រៀបដូចជាសេតវិមានដូច្នេះដែរ។

អ៊ែរ ហ្វស់ វ៉ាន់ (Air Force One) មានលទ្ធភាពធ្វើដំណើរមួយជើង បានចម្ងាយលើសពី១២,០០០គីឡូម៉ែត្រ ប៉ុន្តែបើចាក់សាំងនៅលើផ្ទៃអាកាសតែម្តងនោះ គឺវាមានលទ្ធភាពធ្វើដំណើរក្រឡឹងជុំវិញពិភពលោកឯណោះ។ យន្តហោះទាំងពីរគ្រឿងនេះ កំពុងឈរជើងនៅមូលដ្ឋានទ័ពអាកាស អេន ដ្រួន (Andrews) ក្នុងរដ្ឋ ម៉ារីលេន(Maryland) ក្បែររដ្ឋធានីវ៉ាសុីនតោន។

មុនការចុះចតរបស់យន្តហោះដឹកប្រធានាធិបតី យន្តហោះពិសេសមួយទៀតដែលផ្ទុក ដោយរថយន្តពិសេសរួមជាមួយនឹងកងសន្តិសុខផងនឹងមកដល់ជាមុន។

ហើយបន្ទាប់ពីយន្តហោះ Air Force One ដែលដឹកប្រធានាធិបតីសហរដ្ឋអាមេរិកចុះចត នឹងមានយន្តហោះមួយទៀតចុះចតតាមក្រោយដែរ ដែលវាគឺជាយន្តហោះសម្រាប់ត្រៀមនៅពេលដែល Air Force One មានបញ្ហា៕

ប្រភព៖ Wikipedia