ម្សិលមិញបាញ់ ថ្ងៃនេះក៏បាញ់! ចុះដែលដឹងអត់កូរ៉េខាងជើង ចំណាយថវិការប៉ុន្មានក្នុងការបាញ់មីសុីលម្តងៗ?

នៅក្នុងអំឡុងពេលសមយុទ្ធកូរ៉េខាងត្បូង-អាមេរិក ប្រទេសកូរ៉េខាងជើងបានបាញ់មីសុីលមិនតិចជាង១០គ្រាប់នោះទេ ជាក់ស្តែងកាលពីមិ្សលមិញប្រទេសនេះក៏បានបាញ់មីសុីល២គ្រាប់រំលងចូលសមុទ្រជប៉ុនថែមទៀតផងដែរ។

ការបាញ់របស់កូរ៉េខាងជើង គឺជាការឆ្លើយតបទៅនឹងកូរ៉េខាងត្បូងដែលបានបាញ់មីសុីល៣គ្រាប់ ចេញពីយន្តហោះចម្បាំងទៅកាន់ខ្សែបន្ទាត់ព្រំដែនរវាងឧបទ្វីបកូរ៉េទាំងពីរ។

ជុំវិញការសមយុទ្ធនេះ ប្រទេសកូរ៉េខាងជើង បានធ្វើថ្កោលទោសជាច្រើនលើកច្រើនសារ ហើយបញ្ជាឱ្យបញ្ឈប់ការធ្វើសមយុទ្ធនេះ ដោយចោទអាមេរិកថាកំពុងធ្វើឱ្យមានភាពតានតឹងនៃកូរ៉េទាំងពីរ។

ដោយសារតែប៉ុន្មានថ្ងៃនេះ កូរ៉េខាងជើងបាញ់មីសុីលច្រើនពេក ក៏មានសំនួរចោទថាតើកូរ៉េខាងជើង ចំណាយអស់ប៉ុន្មានលើការធ្វើតេស្តមីស៊ីលម្តងៗ?

ការបាញ់មីស៊ីលមួយលើករបស់ទីក្រុងព្យុងយ៉ាង អាចមានតម្លៃចាប់ពី ៣លានដុល្លារសម្រាប់មីស៊ីលរយៈចម្ងាយខ្លីដល់ ១០លានដុល្លារសម្រាប់មីស៊ីលរយៈចម្ងាយឆ្ងាយ៕

ប្រភព៖ VOA