រដ្ឋធានីកៀវ៖ ថ្វីបើអង្គការណាតូ និង សម្ពន្ធមិត្តលោកខាងលិច មិនបានចូលពាក់ព័ន្ធ ដោយផ្ទាល់ នៅក្នុងសង្គ្រាមរបស់ក្រុងមូស្គូ នៅលើទឹកដីរបស់អ៊ុយក្រែន ក៏ពិតមែន ប៉ុន្ដែចាប់តាំងពីប្រធានាធិបតីរុស្ស៊ី លោក វ៉្លាឌីមៀ ពូទីន (Vladimir Putin) បានបញ្ជាឲ្យកម្លាំងទាហានរបស់គាត់ បើកទ្វារព្រំដែន វាយលុកចូលទៅក្នុងប្រទេសជិតខាងរបស់ខ្លួន ដែលធ្លាប់រួមរស់ជាមួយគ្នា ក្រោមឆត្រ នៃអតីតសហភាពសូវៀត រហូតមកដល់ពេលនេះ អង្គការសម្ពន្ធមិត្តយោធាដ៏ខ្លាំងក្លារបស់ពិភពលោក តែងតែផ្ដល់ជំនួយគ្រប់បែបយ៉ាង ជួយដល់ក្រុងកៀវ ទើបធ្វើឲ្យវិមានក្រឹមឡាំង ចោទប្រកាន់ អំពីការគំរាមកំហែង មិនអាចប៉ាន់ស្មាន ទុកជាមុនបាន។

បណ្ដាញទូរទស្សន៍អារ៉ាប់អន្ដរជាតិ Alarabiya News បានចេញផ្សាយ កាលពីថ្ងៃអង្គារ ទី៧ ខែកុម្ភៈ ថា លោក ស៊ើហ្គេ សយហ្គូ (Sergei Shoigu) រដ្ឋមន្រ្ដីក្រសួងការពារជាតិរុស្ស៊ី បានបញ្ជាក់ កាលពីថ្ងៃអង្គារ ថា «ការផ្គត់ផ្គង់គ្រឿងសព្វាវុធរបស់បណ្ដាប្រទេសលោកខាងលិច ជួយដល់អ៊ុយក្រែន កំពុងតែអូសទាញអង្គការណាតូ ឲ្យចូលជ្រៅទៅក្នុងជម្លោះនេះ យ៉ាងពិតប្រាកដ។ ជាមួយគ្នានេះដែរ លោករដ្ឋមន្រ្ដី បានព្រមាន ថា សកម្មភាពរបស់លោកខាងលិច អាចនឹងនាំឱ្យមានការកើនឡើង នៃជម្លោះ មិនអាចទាយ ទុកជាមុនបាន»។

លោករដ្ឋមន្រ្ដីក្រសួងការពារជាតិរុស្ស៊ី បានបញ្ជាក់ នៅក្នុងការហៅសន្និសីទជាមួយនឹងក្រុមមន្រ្ដីយោធារុស្ស៊ី ថា «សហរដ្ឋអាមេរិក និង សម្ពន្ធមិត្តរបស់ក្រុងវ៉ាស៊ីនតោន កំពុងតែព្យាយាមអូសជម្លោះនេះ ឲ្យកាន់តែយូរ តាមតែអាចធ្វើទៅបាន។ ដើម្បីពន្យារពេលសង្គ្រាមឲ្យកាន់តែយូរនោះ បណ្ដាប្រទេសបស្ចិមលោក កំពុងតែចាប់ផ្ដើម ផ្គត់ផ្គង់គ្រឿងសព្វាវុធវាយប្រហារធុនធ្ងន់ ដោយជំរុញជាចំហ ដើម្បីឲ្យអ៊ុយក្រែន វាយដណ្ដើមយកទឹកដីរបស់យើង។ ជាការពិតណាស់ វាជាការបោះជំហានទៅមុខ អូសទាញបណ្ដាប្រទេសជាសម្ពន្ធមិត្តរបស់អង្គការណាតូ ឲ្យធ្លាក់ចូលទៅក្នុងជម្លោះ នៅអ៊ុយក្រែន ហើយវាយអាចជំរុញឲ្យកម្រិត នៃជម្លោះកើនឡើង មិនអាចទស្សន៍ទាយទុកជាមុនបាន»។

ការលើឡើងរបស់លោក ស៊ើហ្គេ សយហ្គូ (Sergei Shoigu) ចំពោះ«ទឹកដីរបស់យើង» ហាក់បីដូចជាសំដៅ ទៅលើតំបន់ចំនួន៤របស់អ៊ុយក្រែន ស្ថិតនៅភាគខាងកើត និង ភាគខាងត្បូងប្រទេស រួមមាន ដូណែតស្ក៍ (Donetsk), លូហានស្ក៍ (Luhansk), ហ្សាប៉ូរីហ្សា (Zaporizhzhia) និង ខើរសុន (Kherson) ដែលក្រុងមូស្គូ បានដាក់ចូលជាឧបសម្ព័ន្ធរបស់រុស្ស៊ី កាលពីខែកញ្ញា ឆ្នាំ២០២២។ ចំណែកការបោះឆ្នោតប្រជាមតិ នៅក្នុងតំបន់ទាំងនេះ ត្រូវបានធ្វើឡើង ក្រោមអាជ្ញាធររបស់រុស្ស៊ី ប៉ុន្ដែត្រូវបានរដ្ឋាភិបាលក្រុងកៀវ និង សម្ពន្ធមិត្ដលោកខាងលិច ចាត់ទុកជាទង្វើខុសច្បាប់ ហើយអង្គការសហប្រជាជាតិ ក៏បានប្រកាស មិនទទួលស្គាល់ផងដែរ។

ទោះជាយ៉ាងណា រហូតមកដល់ពេលនេះ ដែនដីជាច្រើន នៅក្នុងតំបន់ដែលរុស្ស៊ី បានអះអាងជារបស់ខ្លួននោះ នៅតែស្ថិតក្រោមការគ្រប់គ្រងរបស់អ៊ុយក្រែន នៅឡើយ ខណៈការវាយប្រហារគ្នាយ៉ាងខ្លាំង រវាងកងទ័ពការពារទឹកដីរបស់ក្រុងកៀវ និង ទាហានរុស្ស៊ី កំពុងតែបន្ដ ទាំងនៅភាគខាងត្បូង និង ភាគខាងកើត។

រដ្ឋាភិបាលក្រុងមូស្គូ តែងតែចោទប្រកាន់ជាដដែល ដល់បណ្ដាប្រទេសលោកខាងលិច និង សម្ពន្ធមិត្ដយោធារបស់អង្គការណាតូ ចំពោះការដើរតួនាទីដោយផ្ទាល់ នៅក្នុងប្រទេសអ៊ុយក្រែន តាមរយៈការផ្គត់ផ្គង់គ្រឿងយុទ្ធោបករណ៍ទំនើបៗ ជួយដល់ក្រុងកៀវ។ ជាមួយគ្នានឹងការចោទប្រកាន់នោះ រុស្ស៊ី តែងតែព្រមានដល់អង្គការណាតូ ថា គ្រឿងសព្វាវុធរបស់ពួកគេទាំងនោះ ក្លាយជាគោលដៅស្របច្បាប់ សម្រាប់កម្លាំងទាហានរបស់ខ្លួន វាយប្រហារកម្ទេចចោល។

សហរដ្ឋអាមេរិក បានបញ្ជូនគ្រឿងសឹកជាច្រើនប្រភេទ មានតម្លៃសរុប ច្រើនជាង២០ពាន់លានដុល្លារ ជួយដល់ប្រទេសអ៊ុយក្រែន ចាប់តាំងពីរុស្ស៊ី បានចូលឈ្លានពាន នៅក្នុងប្រទេសអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២។ កាលពីសប្ដាហ៍មុននេះ ក្រុងវ៉ាស៊ីនតោន ក៏បានប្រកាស អំពីកញ្ចប់ជំនួយគ្រឿងសព្វាវុធថ្មីបន្ថែមទៀត មានទំហំទឹកប្រាក់ ប្រហែល២ពាន់លានដុល្លារ ដោយរាប់បញ្ចូលទាំងគ្រាប់រ៉ុក្កែតបាញ់ រយៈចម្ងាយឆ្ងាយផងដែរ។

អ៊ុយក្រែន បានអះអាងថា គ្រឿងសព្វាវុធ ក៏ដូចជា ការផ្គត់ផ្គង់សម្ភារយោធាផ្សេងៗទៀត រួមទាំងរថក្រោះ ផងដែរ ពិតជាមានតម្រូវការជាបន្ទាន់ ដើម្បីទប់ទល់នឹងការវាយប្រហាររបស់រុស្ស៊ី និង បង្កើនកម្លាំងបាញ់ប្រហាររបស់ខ្លួន សម្រាប់ការវាយលុក នៅនិទាឃរដូវ ប្រឆាំងនឹងកងកម្លាំងរបស់ក្រុងម៉ូស្គូ។ ក្រុមមន្ត្រីអ៊ុយក្រែន បានបញ្ជាក់ ថា ក្រុងមូស្គូ កំពុងតែប្រមូលគ្រឿងសព្វាវុធ និង ទ័ពបម្រុង សម្រាប់ការវាយប្រហារជាថ្មី នៅពេលខាងមុខ ៕

ប្រទេសកូរ៉េខាងជើង ៖ ស្ថានីយទូរទស្សន៍ KRT របស់រដ្ឋាភិបាលកូរ៉េខាងជើងបានផ្សព្វផ្សាយរូបភាពលោក គីម ជុងអ៊ុន មេដឹកនាំកូរ៉េខាងជើង អង្គុយធ្វើជាប្រធានដឹកនាំកិច្ចប្រជុំគណៈកម្មការកងទ័ព និងគណបក្សកុំម្មុយនិស្ត កាលពីថ្ងៃទី៦ ខែកុម្ភៈ ។ លោក គីម ជុងអ៊ុន ប្រកាសថា នឹងបង្កើនការធ្វើសមយុទ្ធកងទ័ពកាន់តែច្រើន និងត្រៀមខ្លួនធ្វើសង្គ្រាមផងដែរ ។

ស្ថានីយទូរទស្សន៍ KRT រាយការណ៍បន្តថា កិច្ចប្រជុំនេះបានពិភាក្សាគ្នាអំពីភារកិច្ចកងទ័ព និងនយោបាយសំខាន់ៗសម្រាប់ឆ្នាំ២០២៣ និងបញ្ហារយៈពេលវែងទាក់ទងនឹងទិសដៅការពង្រឹងកងទ័ពកូរ៉េខាងជើង ។

ការពិភាក្សាគ្នាក្នុងកិច្ចប្រជុំ គឺអំពីប្រធានបទការពង្រីក និងរឹតបន្តឹងយ៉ាងហ្មត់ចត់លើកងកម្លាំងប្រតិបត្តិការសមយុទ្ធរបស់កងទ័ព ដើម្បីទប់ទល់នឹងស្ថានការណ៍បច្ចុប្បន្ន និងត្រៀមខ្លួនធ្វើសង្គ្រាម ។

ជាមួយគ្នានេះ តាមផ្កាយរណបរបស់ឯកជនបានបង្ហាញរូបភាពកងទ័ពកូរ៉េខាងជើងកំពុងហ្វឹកហាត់ក្នុងទីក្រុងព្យុងយ៉ាង ។ គេគិតថា ពេលនេះ កូរ៉េខាងជើងកំពុងតែបង្ហាញសព្វាវុធ និងឥទ្ធិពលរបស់ខ្លួន ដើម្បីអបអរសាទរខួបនៃការបង្កើតកងទ័ពនៅថ្ងៃទី៨ ខែកុម្ភៈ ។ ចំណែកប្រទេសកូរ៉េខាងត្បូងបញ្ជាក់ថា កំពុងតែតាមដានសកម្មភាពហ្វឹកហាត់បន្តបន្ទាប់របស់កូរ៉េខាងជើង ដែលពាក់ព័ន្ធនឹងខួបខាងលើនេះ ៕

ប្រភព ៖ TNN World

ប្រទេសថៃ ៖ សារព័ត៌មានថៃមួយចំនួនលើកឡើងថា ការផ្សព្វផ្សាយក្នុងបណ្តាញសង្គមអនឡាញអំពីព័ត៌មានហាមភោជនីយដ្ឋានប៊ូហ្វេប្រើចង្ក្រានហ្គាសកំប៉ុងនៅលើតុអាហារ គឺខុសច្បាប់ និងដាក់ពិន័យជាប្រាក់មិនលើសពី៥ម៉ឺនបាត គឺជាព័ត៌មានក្លែងក្លាយ ប៉ុន្តែខាងមជ្ឈមណ្ឌលប្រឆាំងព័ត៌មានក្លែងក្លាយបានស៊ើបអង្កេតស្វែងរកការពិតដោយមន្ទីរសុខាភិបាល និងក្រសួងសុខាភិបាលឃើញថា វាជាព័ត៌មានពិតប្រាកដ ។

ក្រសួងសុខាភិបាលបានចេញច្បាប់ស្តីពីអនាម័យនៅតាមភោជនីយដ្ឋាន ឬកន្លែងលក់ចំណីអាហារ ឆ្នាំ២០១៨ ដោយបានឱ្យអនុវត្តច្បាប់នេះតាំងពីថ្ងៃទី១៦ ខែធ្នូ ឆ្នាំ២០១៨ មកម៉្លេះ ដើម្បីគ្រប់គ្រងអនាម័យនៅតាមទីកន្លែងលក់អាហារនានា ។ ក្នុងច្បាប់នេះ ខ ១៧ គឺហាមឃាត់ការប្រើប្រាស់ចង្ក្រានហ្គាសកំប៉ុងសម្រាប់ចម្អិនអាហារលើតុ ឬកន្លែងទទួលទាន បើភោជនីយដ្ឋាន ឬទីកន្លែងលក់អាហារទាំងនេះល្មើសច្បាប់របស់ក្រសួង គឺត្រូវដាក់ពិន័យមិនលើសពី៥ម៉ឺនបាត ។

ជាមួយគ្នានេះ កាលពីឆ្នាំ២០០២ ប្រទេសថៃក៏បានបង្កើតច្បាប់ហាមឃាត់នេះដែរ គឺ ខ ៩ ក្នុងច្បាប់នេះចែងថា ហាមប្រើចង្ក្រានហ្គាសកំប៉ុងក្នុងការចម្អិនអាហារលើតុទទួលទាននៅតាមភោជនីយដ្ឋាន ឬទីកន្លែងលក់អាហារ ។ បើភោជនីយដ្ឋាន ឬកន្លែងលក់អាហារល្មើសច្បាប់ គឺត្រូវពិន័យមិនលើសពី២៥.០០០បាត ។

ទោះយ៉ាងណា អ្នកប្រើចង្ក្រានហ្គាសកំប៉ុងនៅតាមលំនៅឋានត្រូវប្រុងប្រយ័ត្នជាពិសេស មិនគួរប្រើប្រាស់វាក្នុងរយៈពេលយូរបន្តបន្ទាប់គ្នា រហូតធ្វើឱ្យចង្ក្រានក្តៅហើយកំប៉ុងហ្គាសអាចផ្ទុះបាន រួមទាំងហាមយកកំប៉ុងនេះមកបញ្ចូលហ្គាសជាថ្មីដើម្បីប្រើបន្ត ៕ ប្រភព ៖ pptvhd36

ប្រទេសហូឡង់ ៖ ទីក្រុងអាំស្ទែដាំរបស់ហូឡង់បានបង្កើតចំណតកង់ធំមួយ ដែលអាចចតកង់បានចំនួន៧.០០០គ្រឿង បន្ទាប់ពីប្រទេសនេះបានប្រឈមនឹងបញ្ហាចំណតកង់មិនគ្រប់គ្រាន់ ដោយសារពលរដ្ឋហូឡង់និយមប្រើប្រាស់កង់ក្នុងការធ្វើដំណើរភាគច្រើន ។

ចំណតកង់មានទំហំធំបំផុតស្ថិតនៅស្ថានីយកណ្តាលនៃទីក្រុងអាំស្ទែដាំ ហើយការចតកង់នៅទីនេះ មិនចាំបាច់ចំណាយប្រាក់ទេ ក្នុងរយៈពេល២៤ម៉ោងដំបូង ប៉ុន្តែចាប់ពី២៤ម៉ោងឡើងទៅ គេគិតថ្លៃចតចំនួន១,៣៥យូរ៉ូក្នុង១ថ្ងៃ ដោយប្រើប្រាស់ប្រព័ន្ធឆ្លាតវៃ ។ ប្រព័ន្ធនេះនឹងយកកង់ដែលចតនៅទីនេះចេញក្រៅ បន្ទាប់ពីគ្រប់កំណត់២៨ថ្ងៃ ។ ចំណតកង់នេះស្ថិតនៅបរិវេណការចរាចររបស់នាវា មានន័យថា វាស្ថិតនៅក្រោមផ្ទៃទឹក ។

ទីក្រុងអាំស្ទែដាំមានគម្រោងបង្កើតចំណតបន្ថែមទៀត ដែលអាចចតកង់បានចំនួន៨.៥០០គ្រឿងក្នុងឆ្នាំ២០២៩ ។ មុននេះ ចំណតមិនគ្រប់គ្រាន់ជាបញ្ហាធំរបស់ទីក្រុង ខណៈមានចំណតសាធារណៈទូទាំងទីក្រុងអាចចតកង់បានចំនួន៤០ម៉ឺនគ្រឿង ហើយដើម្បីឱ្យពលរដ្ឋមានភាពងាយស្រួល ទីក្រុងក៏បានបង្កើតចំណតបន្ថែមទៀតនៅក្រោមទឹក ។

គួរបញ្ជាក់ថា ពលរដ្ឋហូឡង់ជាង៩០% និយមប្រើប្រាស់កង់សម្រាប់ធ្វើដំណើរក្នុងជីវិតប្រចាំថ្ងៃ ព្រោះរដ្ឋាភិបាលលើកទឹកចិត្តឱ្យពលរដ្ឋប្រើប្រាស់កង់ជាយានជំនិះ ដោយបង្កើតភាពងាយស្រួលដល់អ្នកជិះកង់ មិនថាធ្វើផ្លូវកង់ បំពាក់ភ្លើងសញ្ញាចរាចរណ៍សម្រាប់អ្នកជិះកង់ជាពិសេស និងបង្កើតទីធ្លាសាធារណៈជុំវិញទីក្រុងសម្រាប់ចំណតជាដើម ។ មុននេះ ទីក្រុង Utrecht ក៏បានបង្កើតចំណតកង់ធំបំផុតក្នុងពិភពលោកផងដែរ ដែលអាចចតរហូតដល់១.២៥០០គ្រឿងឯណោះ ៕

ប្រភព ៖ TNN EARTH

កាលពីថ្ងៃទី៥ ខែកុម្ភៈ កន្លងមក EU បានចាប់ផ្តើមអនុវត្តវិធានការហាមឃាត់ការនាំចូលប្រេងម៉ាស៊ូត និងផលិតផលពាក់ព័ន្ធផ្សេងៗរបស់រុស្ស៊ី ដើម្បីកាត់បន្ថយការពឹងផ្អែកប្រទេសរុស្ស៊ី និងកាត់ផ្តាច់ប្រភពចំណូលសំខាន់របស់រុស្ស៊ី តាមកិច្ចព្រមព្រៀងរួមគ្នាជាមួយក្រុមប្រទេស G7 រួមមាន អាមេរិក អង់គ្លេស អាល្លឺម៉ង់ បារាំង អ៊ីតាលី ជប៉ុន និងកាណាដា ។

ទោះយ៉ាងណា ប្រេងម៉ាស៊ូតរបស់រុស្ស៊ីនៅតែអាចចែកចាយទៅកាន់ប្រទេសផ្សេងទៀតដូចជា ចិន និងឥណ្ឌា ។ វិធានការហាមឃាត់របស់ EU នឹងទប់ស្កាត់តម្លៃប្រេងកើនឡើងភ្លាមៗ ដែលជះឥទ្ធិពលដល់អ្នកប្រើប្រាស់ទូទាំងពិភពលោក ហើយវិធានការនេះនឹងធ្វើឱ្យប្រាក់ចំណេញរុស្ស៊ីធ្លាក់ចុះ ហើយប៉ះពាល់ដល់ប្រាក់របស់រុស្ស៊ីសម្រាប់គ្រប់គ្រងប្រទេស និងធ្វើសង្គ្រាមផងដែរ ។

វិធានការដាក់ទណ្ឌកម្មថាមពលរុស្ស៊ីជាថ្មីនេះ នឹងធ្វើឱ្យតម្លៃប្រែប្រួល ខណៈប្រទេសជាសមាជិក EU អាចរកទិញប្រេងម៉ាស៊ូតពីអាមេរិក និងមជ្ឈិមបូព៌ា ជំនួសការទិញប្រេងម៉ាស៊ូតពីរុស្ស៊ី ។ កាលពីមុន រុស្ស៊ីធ្លាប់បាននាំចេញប្រេងម៉ាស៊ូតមកកាន់ EU ស្មើ១០% នៃតម្រូវការទាំងអស់ក្នុងតំបន់ ។

តាមទិន្នន័យពី EU បញ្ជាក់ថា តម្លៃប្រេងម៉ាស៊ូតនៅស្ថានីយប្រេងឥន្ធនៈស្មើ១,៨០យូរ៉ូ/១លីត្រ (សម្រាប់ថ្ងៃទី៣០ ខែមករា ឆ្នាំ២០២៣) ។ ក្រុមប្រទេស G7 បានកំណត់តម្លៃប្រេងឥន្ធនៈ និងប្រេងសាំងរបស់រុស្ស៊ីខ្ពស់បំផុតមិនលើសពី១០០ដុល្លារ/១បារ៉ែល ហើយហាមឃាត់ការដឹកជញ្ជូនប្រេងម៉ាស៊ូតដែលលក់ក្នុងតម្លៃខ្ពស់ជាងនេះ ។ EU ឱ្យដឹងថា អ្នកនាំចូលប្រេងមានពេលគ្រប់គ្រាន់ត្រៀមខ្លួន ។

គួរបញ្ជាក់ថា កន្លងមក ប្រទេសរុស្ស៊ីទទួលបានប្រាក់ចំណូលចំនួន២.០០០លានដុល្លារពីការនាំចេញប្រេងម៉ាស៊ូតទៅកាន់អឺរ៉ុបនៅខែធ្នូកន្លងមក (សម្រាប់តែខែធ្នូប៉ុណ្ណោះ) ដោយប្រទេសនាំចូលបានបង្កើនចំនួនស្តុកប្រេងរបស់ខ្លួន មុននឹងអនុវត្តវិធានការហាមឃាត់ការនាំចូលប្រេងពីរុស្ស៊ី ៕

ប្រភព ៖ NationWorldNews

Makeup remover oil ជួយកម្ចាត់ភាព កខ្វក់លើស្បែកមុខដោយការផាត់មុខក្រាស់ៗ លាងសម្អាតបានជ្រៅចូលរន្ធញើសឲ្យអស់កាកសំណល់ពីការលាបឡេការពារកម្ដៅថ្ងៃ និងខ្លាញ់លើស្បែកមុខ។

លើសពីនេះក៏ជួយឲ្យស្បែកមុខភ្លឺថ្លាទន់ និងទប់ស្កាត់ការកើតមុនផងដែរ។ ប៉ុន្តែបើអ្នកសាកល្បងប្រើទឹកជូត គ្រឿងសម្អាងហើយស្បែកមុខប្រែជាយ៉ាប់យឺនលើសដើម
អាចមកពីកំហុសមួយចំនួន។

១.ប្រើនៅពេលដៃ និងផ្ទៃមុខសើម

ទឹកជូតគ្រឿងសម្អាងប្រភេទនេះ នឹងអស់ប្រសិទ្ធភាពនៅពេលប៉ះផ្ទាល់ជាមួយទឹក ព្រោះធ្វើឲ្យសមាសធាតុដែល ស្រូបយកស្រទាប់ប្រេងនឹងរលាយ
មិនអាចលាងកាក សំណល់ផ្សេងៗបានជ្រៅតាមរន្ធរោមនោះទេ។ ដូច្នេះ នៅពេលអ្នកលាង សម្អាតមុខដោយទឹករួចគួរជូតមុខ និងដៃឲ្យស្ងួតសិនបន្ទាប់មកចាំយក Makeup remover oil មកជូតលើស្បែកមុខ។២.កុំជូតមុខយូរពេក ចំណាយពេលត្រឹម១នាទីបានហើយ

បើអ្នកមិនចង់ឲ្យស្បែកប្រែជាខូចខាតលើសដើម។ អ្វីដែលគួរចងចាំមួយទៀត កុំភ្លេចជូតត្រង់បរិវេណថ្ងាសច្រមុះនិងឆ្អឹងថ្គាម ដែលនារីភាគច្រើនតែ រំលងត្រង់បរិវេណទាំងនេះ។

៣.មិនម៉ាស្សាស្បែកមខបន្ថែម

រយៈពេល១នាទីពេលប្រើទឹកជូតសម្អាតអ្នកគួរជូត ដោយប្រុងប្រយ័ត្ន និងថ្នមៗ
ដើម្បីឲ្យសារធាតុពីទឹកជូតបានជ្រាបចូល ជ្រៅអាចលាងជម្រះបានល្អ។ ជាធម្មតាស្រទាប់ ប្រេងចេញពីទឹកសម្អាតនឹងប្តូរជាទឹកដោះគោអាចជួយជម្រះមុខបានប្រសើរមិនធ្វើឲ្យរន្ធរោមរីកធំនិងឆាប់កើតមុននោះទេ។
ដូច្នេះគួរម៉ាស្សាបន្ថែមថ្នមៗដើម្បីឲ្យស្បែកមុខអាចស្រូបបានសាធាតុទាំងនេះ។

៤.មិនប្រើហ្វូមលាងមុខ

ប្រើត្រឹមទឹកជូតសម្អាត មុខមិនទាន់គ្រប់គ្រាន់នោះទេ អ្នកគួរប្រើហ្វូមលាងមុខបន្ថែមទៀត ដើម្បីលាងជម្រះបានសព្វ និងស្អាតល្អ។ អ្នកគួរជ្រើសរើសហ្វូមណាដែល ជាតិស្រាលៗមិន ផ្ទុក ជាតិកាត់ខ្លាំងដូចសាប៊ូ
ដែលធ្វើឲ្យស្បែកមុខឆាប់រលាកនិងកាន់តែមុខឡើងខ្លាញ់ថែមទៀត៕