ប្រទេសកម្ពុជាជាប្រទេសដែលសម្បូរទៅដោយសម្បត្តិវប្បធម៌យ៉ាងច្រើនដែលជាស្នាដៃដ៏ល្អឥតខ្ចោះរបស់បុព្វបុរសដូចតាខ្មែរដែលបានបន្សល់ទុកតាំងពីយូលង់ណាស់មកហើយ។ ខាងក្រោមនេះគឺជាសម្បត្តិបេតិកភណ្ឌពិភពលោកទាំង៩របស់កម្ពុជា ដែលកូនខ្មែរគ្រប់រូបត្រូវដឹង៖
១.អង្គរវត្ត(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី១៤ ខែធ្នូ ឆ្នាំ១៩៩២២.របាំព្រះរាជទ្រព(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី០៧ ខែវិច្ឆិកា ឆ្នាំ២០០៣៣.ល្ខោនស្រមោលស្បែកធំ(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី២៥ ខែវិច្ឆិកា ឆ្នាំ២០០៥៤.ប្រាសាទព្រះវិហារ(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី០៧ ខែកក្កដា ឆ្នាំ២០០៨៥.សារមន្ទីរទួលស្លែង(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី៣១ ខែកក្កដា ឆ្នាំ២០០៩៦.ល្បែងទាញព្រ័ត(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី០២ ខែធ្នូ ឆ្នាំ២០១៥៧.ចាប៉ីដងវែង(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី៣០ ខែវិច្ឆិកា ឆ្នាំ២០១៦៨.ប្រាសាទសំបូរព្រៃគុក(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី០៨ ខែកក្កដា ឆ្នាំ២០១៧៩.ល្ខោនខោល(សម្បត្តិវប្បធម៌រូបី) ដែលចូលជាបេតិកភណ្ឌពិភពលោកនៅថ្ងៃទី២៨ ខែវិច្ឆិកា ឆ្នាំ២០១៨៕

ប្រទេសថៃ ៖ គេបានប្រទះឃើញកសិករថៃនាំគ្នាដុតស្មៅក្នុងស្រែ និងចម្ការអំពៅរបស់ខ្លួនជាច្រើនកន្លែងបន្ទាប់ពីពួកគេប្រមូលផលរួច ដែលបណ្តាលឱ្យមានផ្សែងហុយទ្រលោម និងធូលីពាសពេញបរិយាកាសផងដែរ ខណៈមន្ត្រីថ្នាក់ខេត្តបានប្រកាស និងសូមឱ្យកសិករទាំងនោះសហការគ្នា ចៀសវាងការដុតអ្វីផ្សេងៗ ប៉ុន្តែនៅតែហាមមិនស្តាប់ ។

កាលពីថ្ងៃទី៨ ខែមីនា ប្រព័ន្ធផ្សព្វផ្សាយរាយការណ៍ថា កសិករនៅតំបន់ជាច្រើនក្នុងខេត្តបុរីរាំ នៅតែដុតស្មៅក្នុងស្រែ និងចម្ការអំពៅរបស់ខ្លួនបន្ទាប់ពីពួកគេប្រមូលផលរួច ដែលបណ្តាលឱ្យកើតផ្សែង និងការបំពុលបរិយាកាស ។ លើសពីនេះ ផ្ទៃដីស្រែ និងចម្ការអំពៅទាំងនោះស្ថិតនៅក្បែរខ្សែភ្លើងជិតផ្លូវ ដែលអាចបណ្តាលឱ្យភ្លើងឆាបឆេះខ្សែភ្លើងផងដែរ ។

បើទោះជានៅខេត្តបុរីរាំមានបរិយាកាសល្អ និងគ្មានការបំពុលបរិយាកាសដូចនៅទីក្រុងបាងកកក្តី ប៉ុន្តែស្ថាប័នជាច្រើនក្នុងខេត្តនេះបានប្រជុំគ្នាពិនិត្យស្ថានភាពធូលីក្នុងបរិយាកាស និងភ្លើងឆេះព្រៃជាបន្តបន្ទាប់ ។ លើសពីនេះ ខេត្តបុរីរាំក៏បានប្រកាសទៅកាន់ពលរដ្ឋ ក៏ដូចជាកសិករទាំងអស់ឱ្យរួមសហការគ្នាគ្រប់តំបន់ ដោយហាមដុតភ្លើងគ្រប់ករណី ដើម្បីការពារការបំពុលបរិយាកាស ប៉ុន្តែកសិករមួយចំនួននៅតែលួចដុតបន្តទៀត ។

លោក Suriya Srisom ប្រធានផ្នែកការពារ និងប្រតិបត្តិការនៃការិយាល័យបង្ការ និងកាត់បន្ថយគ្រោះមហន្តរាយខេត្តបុរីរាំ រាយការណ៍ថា ភ្នាក់ងារជាច្រើនក្នុងខេត្តបុរីរាំបានធ្វើការប្រជុំតាមដានស្ថានការណ៍ភ្លើងឆេះព្រៃ និងការបំពុលបរិយាកាស ដោយបានដាក់វិធានការការពារភ្លើងឆេះព្រៃបណ្តាលមកពីការដុតភ្លើងរបស់ពលរដ្ឋ ។ ម្យ៉ាងទៀត មន្ត្រីពាក់ព័ន្ធក្នុងខេត្តត្រូវសហការគ្នារកវិធានការដោះស្រាយបញ្ហានេះជាបន្ទាន់ ។ ទោះយ៉ាងណា ថ្នាក់ខេត្តក៏បានស្នើសុំការសហការពីពលរដ្ឋ និងបងប្អូនកសិករទាំងអស់ហាមដុតភ្លើងគ្រប់ករណី ដើម្បីការពារការបំពុលបរិយាកាស ៕

ប្រភព ៖ mgronline

សហរដ្ឋអាមេរិក ៖ មានហេតុការណ៍រថភ្លើង២ខ្សែបានបុកគ្នានៅអាមេរិកបណ្តាលឱ្យកើតភ្លើងឆេះរថភ្លើង និងទូររថភ្លើងធ្លាក់ចូលទៅក្នុងទឹក ហើយប្រេងម៉ាស៊ូតដែលជាប្រេងឥន្ធនៈរបស់រថភ្លើង ក៏ហូរធ្លាយទៅក្នុងទឹកផងដែរ ។ បំណែករថភ្លើងដឹកទំនិញបានធ្លាក់ពាសពេញផ្លូវ និងមានសភាពខ្មៅបណ្តាលមកពីភ្លើងឆេះ បន្ទាប់ពីទូររថភ្លើងភាគច្រើនបានធ្លាក់ចេញពីផ្លូវដែក ។

បណ្តាញផ្លូវដែករបស់រដ្ឋាភិបាលអាមេរិកបានរាយការណ៍ពីមូលហេតុធ្វើឱ្យកើតគ្រោះថ្នាក់នេះថា បណ្តាលមកពីរថភ្លើងបានបុកជាមួយផ្ទាំងថ្មនៅទីក្រុង Sandston រដ្ឋ West Virginia របស់អាមេរិក ហើយបុគ្គលិកធ្វើការក្នុងរថភ្លើងចំនួន៣នាក់បានរងរបួស ។

ក្រុមហ៊ុន CSX Corp. ម្ចាស់រថភ្លើងដែលជួបគ្រោះថ្នាក់និយាយថា រថភ្លើងនេះបានដឹកទំនិញ ហើយមានក្បាលរថភ្លើងចំនួន៤ និងទូររថភ្លើងចំនួន៩ បានក្រឡាប់ធ្លាក់ចេញពីផ្លូវដែកទាំងមូលតែម្តងបណ្តាលឱ្យកើតភ្លើងឆេះរថភ្លើង និងធ្វើឱ្យបុគ្គលិករងរបួស៣នាក់ ប៉ុន្តែមិនគ្រោះថ្នាក់ដល់ជីវិតទេ ។

កាលពី១ខែមុន នៅអាមេរិកក៏មានហេតុការណ៍រថភ្លើងដឹកជំនិញរបស់ក្រុមហ៊ុន Norfolk Southern បានធ្លាក់ចេញពីផ្លូវនៅទីក្រុង East Palestine រដ្ឋអូហៃយ៉ូផងដែរ ដែលបណ្តាលឱ្យសារធាតុពុល និងសារធាតុគីមីផ្សេងៗដែលរថយន្តដឹកជញ្ជូនបានធ្លាយចេញមកក្រៅ និងមានភ្លើងឆេះ រហូតត្រូវជម្លៀសពលរដ្ឋជាច្រើននាក់ចេញពីកន្លែងកើតហេតុ ហើយគេបារម្ភថា វានឹងធ្វើឱ្យប៉ះពាល់ដល់សុខភាពរបស់ពលរដ្ឋរស់នៅក្បែរនោះ ។ប៉ុន្តែគ្រោះថ្នាក់លើកនេះ ខាងក្រុមហ៊ុន CSX Corp. បញ្ជាក់ថា រថភ្លើងនេះមិនបានដឹកសារធាតុគ្រោះថ្នាក់ទេ ហើយហេតុការណ៍នេះក៏មិនបង្កគ្រោះថ្នាក់ដល់ពលរដ្ឋដែរ ។ រីឯបណ្តាញផ្លូវដែករបស់រដ្ឋាភិបាលអាមេរិកបានរាយការណ៍លើកចុងក្រោយថា ភ្លើងដែលឆេះរថភ្លើងនេះបានរលត់វិញហើយ ៕ ប្រភព ៖ TNN World

រមណីយដ្ឋានសហគមន៍អេកូទេសចរណ៍អូរឫស្សីកណ្តាល ដែលស្ថិតនៅក្នុងភូមិអូរឫស្សីកណ្តាល ឃុំអូរឫស្សីកណ្តាល ស្រុកសៀមបូក ខេត្តស្ទឹងត្រែង ចម្ងាយប្រហែលជិត៣០គីឡូម៉ែត្រ ភាគខាងត្បូង ពីទីរួមខេត្តស្ទឹងត្រែង។ បើលោកអ្នក ចង់ទៅរមណីយដ្ឋាននេះ គេអាចធ្វើដំណើរ ពីក្រុងស្ទឹងត្រែង តាមផ្លូវជាតិលេខ៧ ឆ្ពោះទៅជាប់ព្រំប្រទល់ខេត្តក្រចេះ។ ពេលទៅដល់នឹងមានខ្លោងទ្វារមួយមានចម្ងាយប្រហែល៧០០ម៉ែត្រ ទើបដល់រមណីយដ្ឋាននេះ។ពេលទៅដល់ គេត្រូវចំណាយប្រាក់ ៥០០០រៀល សម្រាប់ចតរថយន្តមួយគ្រឿង ដើម្បីចូលទស្សនា។ម៉ូតូមួយគ្រឿងថ្លៃ២០០០រៀល និងភ្ញៀវម្នាក់ថ្លៃ៥០០រៀលផងដែរ។ ទីនោះជាតំបន់ទេសចរណ៍ ដែលគួរឱ្យចាប់អារម្មណ៍មួយក្នុងចំណោម ទីតាំងផ្សេងៗទៀតរបស់ខេត្តនេះ។គេអាចធ្វើដំណើរទៅកម្សាន្តរមណីយដ្ឋានកណ្តាលព្រៃធម្មជាតិ ដ៏ស្រស់ស្អាត អាចងូតលេងទឹកត្រជាក់ និងស្តាប់សំឡេងសត្វយំ មានអារម្មណ៍ស្រស់ស្រាយបាត់ទុក្ខកង្វល់ក្នុងចិត្តទាំងអស់។ រមណីយដ្ឋាននេះ មានទឹកហូរវែងអន្លាយខួបប្រាំង ខួបវស្សា ទើបអ្នកស្រុកដាក់ឈ្មោះ”អូរច្រឡង់”។

អូរឫស្សីកណ្តាល គឺជាឃុំមួយរបស់ស្រុកសៀមបូក ខេត្តស្ទឹងត្រែង។ ដោយមានការផ្តើមគំនិតពីមន្ទីរទេសចរណ៍ សហការជាមួយ អង្គការម្លប់បៃតង អាជ្ញាធរ និងសហគមន៍នៅទីនោះ ក៏បង្កើតឲ្យមានរមណីយដ្ឋានសហគមន៍អេកូទេសចរណ៍ធម្មជាតិ អូរឫស្សីកណ្តាល តាំងពីឆ្នាំ២០០៧។ សហគមន៍នេះ ក៏បានដំណើរការរហូតមកដល់សព្វថ្ងៃនេះ៕

បរទេស៖ មហាសេដ្ឋីអាលុយមីញ៉ូមលោក Oleg Deripaska ជឿជាក់ថាការទាក់ទាញអ្នកវិនិយោគដែលមកពីបណ្តាប្រទេស “មិត្តភាព” នឹងជួយអោយរុស្ស៊ីកាត់បន្ថយសម្ពាធផ្នែកហិរញ្ញវត្ថុនាពេលខាងមុខ។
ក្នុងអំឡុងពេលវេទិកាសេដ្ឋកិច្ចនៅស៊ីបេរីកាលពីថ្ងៃទី ៣ ខែមីនា លោក Oleg Deripaska បាននិយាយថាប្រទេសរុស្ស៊ីរៀបនឹងជួបការលំបាកផ្នែកហិរញ្ញវត្ថុ ហើយ គាត់បន្តទៀតថា “មិនមានជម្រើសទេ យើងត្រូវការអ្នកវិនិយោគបរទេស” ។គាត់ជឿថាអ្នកវិនិយោគបរទេសជាពិសេសមកពីប្រទេស “មិត្ត” ដែលដើរតួនាទីយ៉ាងសំខាន់ ថាតើអ្នកវិនិយោគក្រៅប្រទេសមកឬអត់ យ៉ាងណាមិញរឿងនេះវាអាស្រ័យទៅលើប្រទេសរុស្ស៊ីដែលជាអ្នកសម្របសម្រួលនិងធ្វើឱ្យទីផ្សារអាចមានភាពទាក់ទាញដល់ពួកគេ។

លោកគិតថា រដ្ឋាភិបាលអាចទាក់ទាញការវិនិយោគដោយធានាបរិយាកាសអាជីវកម្មដែលមានសុវត្ថិភាព សេរី និងមានការប្រកួតប្រជែង។ លោក Deripaska បានពន្យល់ថា ទោះបីជាប្រទេសដែលមានសេដ្ឋកិច្ចធំជាងគេលើពិភពលោកជាច្រើនកំពុងងាកចេញពីប្រទេសរុស្ស៊ីក៏ដោយ ក៏រុស្ស៊ីនៅតែអាចទទួលបានទីផ្សារជាមួយនឹងប្រជាជនចំនួន ៤.៥ ពាន់លាននាក់ ដែលរួមចំណែក ៣០ ពាន់លានដុល្លារដល់ GDP សកល។
កាលពីឆ្នាំមុន GDP របស់រុស្ស៊ីបានធ្លាក់ចុះ ២.១% នេះបើយោងតាមការប៉ាន់ស្មានរបស់រដ្ឋាភិបាលបឋមកាលពីចុងខែមុន ការថយចុះនេះគឺទាបជាងការព្យាកររបស់អ្នកសេដ្ឋកិច្ចនៅពេលដែលសង្គ្រាមនៅអ៊ុយក្រែនបានផ្ទុះឡើងជាលើកដំបូង។ទោះជាយ៉ាងណាក៏ដោយ សេដ្ឋកិច្ចរុស្ស៊ីក៏រងទុក្ខច្រើនដែរ ប្រាក់ចំណូលរបស់រដ្ឋាភិបាលរុស្ស៊ីបានធ្លាក់ចុះ ៣៥% នៅក្នុងខែមករា បើធៀបនឹងរយៈពេលដូចគ្នាកាលពីឆ្នាំមុន។
បច្ចុប្បន្នរុស្ស៊ីស្ថិតនៅក្រោមការដាក់ទណ្ឌកម្មជាច្រើនពីបណ្តាប្រទេសនានា ដោយគ្មានអ្នកណាមកវិនិយោគនៅប្រទេសនេះឡើយ គិតចាប់តាំងពីខែកុម្ភៈឆ្នាំមុន។
មន្ត្រីរុស្ស៊ីក៏គ្រោងនឹងបង្កើនចំណូលថវិកាផងដែរ តាមរយៈសំណើផ្លាស់ប្តូរបទប្បញ្ញត្តិពន្ធសម្រាប់ក្រុមហ៊ុនប្រេង និងពាណិជ្ជករទំនិញ៕
ប្រភព៖ Vnexpress