ដំបៅ ដែលក្រហាយរាល់ពេលដែលអ្នកទទួលទានអាហារ ឬសូម្បីតែនៅស្ងៀម ក៏មានអារម្មណ៍ឈឺចាប់ វាជារបួសដែលមនុស្សជាច្រើនប្រហែលជាធ្លាប់មាន។ យើងដឹងច្បាស់ណាស់ពីការឈឺចាប់នៃរបួសទាំងនេះនៅក្នុងមាត់ តើអ្វីជាមូលហេតុនៃដំបៅនៅក្នុងមាត់? តើយើងត្រូវធ្វើយ៉ាងណាដើម្បីកម្ចាត់វាអោយបានឆាប់? ដូចច្នេះហើយនេះជាវិធីទាំង១៥យ៉ាងដែលអាចជួយព្យាបាលដំបៅក្នុងមាត់របស់អ្នកអោយឆាប់ជា៖
១.ដំណោះស្រាយក្តៅក្នុងវិធីសាស្រ្តដំបូងគឺ លាងជម្រះមាត់ធ្មេញរបស់អ្នកជាមួយនឹងទឹកអំបិលរៀងរាល់ ២ ម៉ោងម្តង ឬបន្ទាប់ពីទទួលទានអាហាររួច។
២.ជៀសវាងទឹកខ្ពុរមាត់ដែលមានជាតិអាល់កុល ព្រោះវានឹងធ្វើឱ្យរបួស និងស្ងួតពេក។
៣.ប្រើច្រាសដុសធ្មេញដែលមានសសៃទន់ រួចដុសពីរដងក្នុងមួយថ្ងៃ ឬក្រោយអាហារ។
៤.បើមានរបួសក្តៅខ្លាំងហើយជ្រៅរហូតដល់ឈឺខ្លាំង អ្នកអាចប្រើក្រណាត់ស្អាតដើម្បីរុំចុងម្រាមដៃរបស់អ្នក។ សម្អាតធ្មេញ អញ្ចាញធ្មេញ និងចន្លោះប្រហោងធ្មេញ ជំនួសឱ្យការប្រើច្រាសដុសធ្មេញបណ្តោះអាសន្ន។
៥.ជ្រើសរើសថ្នាំដុសធ្មេញដែលមានគុណភាពល្អ ដើម្បីការពារការពុកធ្មេញ។
៦.ជ្រើសរើសអាហារដែលទន់ ងាយទំពារ និងងាយរំលាយ។
៧.ជៀសវាងអាហារចៀន អាហារហឹរ (ជូរ ប្រៃ ហឹរ)។
៨.ជៀសវាងអាហារដែលត្រជាក់ខ្លាំង និងក្តៅខ្លាំង។
៩.ចូរចៀសវាងអាហារ និងរបស់ដែលធ្វើឱ្យរលាកមាត់ ដូចជាស្រា បារី គ្រាប់ធុញ្ញជាតិជាដើម។
១០.ផឹកទឹកផ្លែឈើ ដើម្បីការពារការទល់លាមក វាអាចកើតឡើងក្នុងអំឡុងពេលរបបអាហារមិនផ្លាស់ប្តូរ ឬមិនបរិភោគផ្លែឈើ និងបន្លែច្រើន ។
១១.គេងឱ្យបានគ្រប់គ្រាន់យ៉ាងហោចណាស់ ៦ ម៉ោងក្នុងមួយយប់។
១២.ធ្វើលំហាត់ប្រាណឱ្យបានទៀងទាត់ ៣០ នាទីទៅ ១ ម៉ោងក្នុងមួយថ្ងៃ យ៉ាងហោចណាស់ ៣-៤ ដងក្នុងមួយសប្តាហ៍។
១៣.ផឹកទឹកឱ្យបានគ្រប់គ្រាន់ អ្នកអាចពិនិត្យវាពីពណ៌ទឹកនោមរបស់អ្នក ផឹកទឹករហូតដល់ទឹកនោមរបស់អ្នកមានពណ៌លឿងស្លេក។
១៤.ព្យាយាមកាត់បន្ថយភាពតានតឹង ដោយស្វែងរកសកម្មភាពដែលអ្នកចូលចិត្តបំបែរអារម្មណ៍ខ្លួនឯងពីរឿងតានតឹង។
១៥.ប្រសិនបើដំបៅមានទំហំធំ ហើយមិនបានប្រសើរឡើងបន្ទាប់ពីធ្វើគ្រប់វិធីទាំងអស់នេះ អ្នកគួរទៅជួបគ្រូពេទ្យដើម្បីពិចារណាលើថ្នាំព្យាបាលដើម្បីព្យាបាលមុខរបួសឱ្យកាន់តែឆាប់៕
