ប្រសិនបើលោកអ្នកមានគំនិតចង់រកចំណូលតាមអនឡាញនៅផ្ទះ ដោយប្រើតែកុំព្យូទ័រមួយ ហើយដោយមិនបាច់ចាប់ចេញទៅក្រៅ ឬលោកអ្នកមិនចង់មានភាពស្មុគស្មាញជាមួយការកកស្ទះចរាចរណ៍ លោកអ្នកគួរណាស់តែជ្រើសយកការធ្វើ MMO។

MMO= Making Money Online (ការរកចំណូលពីអនឡាញ) ដែលមុខរបរនេះ មានការផ្ទុះខ្លាំងនៅអំឡុងពេលកូវីដ១៩ ដែលមនុស្សមិនបានចេញទៅណា ហេតុដូច្នេះពួកគេក៏រកវិធី រកប្រាក់ចំណូលតាមអនឡាញជំនួសវិញ។

ខាងក្រោមនេះជា៥វិធីសាស្រ្តងាយៗដែលលោកអ្នកអាចរកចំណូលបានពីការធ្វើ MMO៖

1. បង្កើតឆាណែល YouTube៖ YouTube គឺជាវេទិកាវីដេអូដ៏ល្បីមួយ ដែលមានវីដេអូរាប់លាន ត្រូបានបង្ហោះជារៀងរាល់ថ្ងៃ។ ការរកលុយតាមអ៊ីនធើណេតជាមួយ YouTube គឺជាវិធីងាយស្រួលបំផុតដែលមានមនុស្សទូទៅទាំងតែប្រើប្រាស់។ កាលពីឆ្នាំ២០២៨ ក្មេងប្រុសអាយុ៧ឆ្នាំម្នាក់ អាចរកចំណូលបាន២២លានដុល្លារ ពី YouTube ដែលជាប់ក្នុងកំណត់ត្រារបស់ YouTube ផងដែរ។
2. Streamer៖ ការលេងហ្គេម ឬការឡាយតាមរយៈបណ្តាញសង្គមផ្សេងៗ ក៏អាចឱ្យលោកអ្នករកប្រាក់ចំណូលបានផងដែរ ដោយពេលខ្លះលោកអ្នកអាចទទួលបានការឧបត្ថម្ភជាលុយ ឬក៏ជា Star ពីសំណាកអ្នកមើលឡាយរបស់លោកអ្នក។ អ្វីដែលពិសេសនោះ អ្នកក៏អាចក្លាយជាដៃគូរសហការណាមួយរបស់បណ្តាញសង្គម ឬផ្លេតហ្វមនោះផងដែរ។
3. Crypto៖ រូបិយប័ណ្ណអនឡាញ បានក្លាយជាការទិញដូរដ៏ពេញនិយមបំផុតមួយនៅលើពិភពលោក ខណៈបច្ចុប្បន្ននេះ យើងក៏អាចយករូបិយប័ណ្ណអនឡាញ ទៅទិញឥវ៉ាន់តាមផ្សារទំនើប ឬម៉ាកយីហោល្បីៗបានថែមទៀតផងដែរ៕

វិធីសាស្រ្តជាច្រើនទៀត ដើម្បីរកចំណូលតាមអនឡាញ៖ Rent Track Asia

ប្រទេសអ៊ុយក្រែន ៖ បុរសជនជាតិជប៉ុនម្នាក់បានបើកហាងកាហ្វេមួយកន្លែង និងចែកមិនគិតថ្លៃដល់ពលរដ្ឋអ៊ុយក្រែនដើម្បីជួយមនុស្សដូចគ្នា ក្រោយពីត្រូវបានកងទ័ពរុស្ស៊ីចូលឈ្លានពានក្នុងប្រទេសនេះ ។ កាលពីឆ្នាំ២០២២ លោក Fuminori Tsuchiko អាយុ៧៥ឆ្នាំ បានមកកាន់ទីក្រុងគៀវ ដែលស្ថិតនៅភាគខាងកើតប្រទេសអ៊ុយក្រែន ។ លោកប្រាប់ថា ៖ «ខ្ញុំនឹងធ្វើអ្វីគ្រប់យ៉ាងតាមដែលខ្ញុំអាចធ្វើបាន ដើម្បីជួយមនុស្សគ្រប់គ្នាដែលរស់នៅអ៊ុយក្រែន ដោយសារការឈ្លានពានរបស់កងទ័ពរុស្ស៊ី» ។ បុរសចំណាស់ជប៉ុនរូបនេះបានសម្រេចចិត្តចាកចេញពីទីក្រុងតូក្យូ ហើយមករស់នៅអ៊ុយក្រែន ព្រោះដោយសារតែឃើញពលរដ្ឋអ៊ុយក្រែនត្រូវរុស្ស៊ីបង្ខំឱ្យជ្រកកោននៅស្ថានីយរថភ្លើងក្រោមដី ។ អស់រយៈពេលជាច្រើនខែ លោក Fuminori Tsuchiko បានរស់នៅស្ថានីយរថភ្លើងក្រោមដី និងធ្វើការជាអ្នកស្ម័គ្រចិត្តចែកអាហារនៅទីនេះ ។ លោក បានស្គាល់គ្នាជាមួយជនជាតិអ៊ុយក្រែន រួចក៏បានបើកហាងកាហ្វេមិនយកប្រាក់នៅតំបន់ Saltivka ក្នុងទីក្រុងគៀវ ។ របស់ភាគច្រើន គឺជាការបរិច្ចាគរបស់ជនជាតិជប៉ុនតាមរយៈបណ្តាញសង្គម ។ លោក Fuminori Tsuchiko ប្រាប់ថា ៖ «រយៈពេល៧ខែដែលខ្ញុំរស់នៅស្ថានីយរថភ្លើងក្រោមដី គឺខ្ញុំបានគេង និងហូបអាហារជុំគ្នាជាមួយជនជាតិអ៊ុយក្រែនជាច្រើននាក់ទៀត» ។លោកបន្តថា កាហ្វេដែលខ្ញុំចែកមិនយកប្រាក់នេះមានឈ្មោះថា FuMi Caffe ។ ខ្ញុំបានចែកទៅកាន់ពលរដ្ឋអ៊ុយក្រែនចំនួន៥០០នាក់ក្នុង១ថ្ងៃ ។ លោកបន្ថែមថា ខ្ញុំបានមករស់នៅអ៊ុយក្រែនក្នុងឋានៈជាភ្ញៀវទេសចរកាលពីខែកុម្ភៈ ឆ្នាំ២០២២ ។ នៅពេលស្ថានទូតជប៉ុនសុំឱ្យលោកត្រឡប់ទៅប្រទេសជប៉ុនវិញ ខណៈរុស្ស៊ីត្រៀមវាយលុកអ៊ុយក្រែន លោកបានធ្វើដំណើរទៅកាន់ Warsaw ប្រទេសប៉ូឡូញ ប៉ុន្តែបានត្រឡប់មកប្រទេសអ៊ុយក្រែនវិញក្នុងរយៈពេល២ខែក្រោយមក ។ អ្នកនាង Anna Tovstopyatova ជាអតិថិជនមកកាន់ហាងកាហ្វេប្រាប់ថា នាងមកកាន់ទីនេះដើម្បីបរិច្ចាគប្រាក់ឱ្យលោក Fuminori Tsuchiko ហើយវាជារឿងល្អដែលមានអ្នកមានទឹកចិត្តចង់ជួយពលរដ្ឋអ៊ុយក្រែន ។ ដូច្នេះ លោកបានលះបង់ជីវិត និងពេលវេលាផ្ទាល់ខ្លួនដើម្បីជួយផ្តល់សង្ឃឹមដល់មនុស្សគ្រប់រូប ។ នៅទីក្រុងគៀវ កងទ័ពអ៊ុយក្រែនបានបណ្តេញកងទ័ពរុស្ស៊ីឱ្យត្រឡប់ទៅកាន់តំបន់ព្រំដែនវិញ ។ បើទោះជាមានការដកទ័ពចេញក្តី ប៉ុន្តែការវាយលុករបស់កងទ័ពរុស្ស៊ីក្នុងទីក្រុងនេះនៅតែដំណើរការបន្ត ៕ ប្រភព ៖ KrobkruengJAPAN

ជប៉ុន៖ រដ្ឋមន្ត្រីសុខាភិបាល ការងារ និងសុខុមាលភាព លោក Katsunobu Kato បាននិយាយនៅថ្ងៃទី 27 ខែមេសាថា រដ្ឋាភិបាលកំពុងចាត់វិធានការដោះស្រាយជាមួយបញ្ហា Covid-19 នឹងបញ្ចប់នៅថ្ងៃទី 7 ខែឧសភា ។
នៅប្រទេសជប៉ុនពេលនេះ Covid-19 ត្រូវបានចាត់ថ្នាក់ថាជាថ្នាក់ទី 2 ដែលស្មើនឹង ជំងឺរបេង ឬជំងឺ SARS ។ ជាមួយនឹងការសម្រេចចិត្តខាងលើ រដ្ឋាភិបាលនឹងចាត់ថ្នាក់ Covid-19 ឡើងវិញជាក្រុមទី 5 រួមជាមួយនឹងជំងឺផ្តាសាយតាមរដូវ។ នេះមានន័យថាស្ថានភាពអាសន្ននឹងលែងត្រូវបានប្រកាសនៅពេលដែលជំងឺផ្ទុះឡើងម្តងទៀត។ រដ្ឋាភិបាលក៏នឹងលែងបង់ប្រាក់ដល់ប្រជាជនសម្រាប់ថ្លៃចំណាយដែលទាក់ទងនឹងជំងឺកូវីដ-១៩ រួមទាំងការថែទាំអ្នកជំងឺក្រៅ និងការសម្រាកព្យាបាលនៅមន្ទីរពេទ្យផងដែរ។
សកម្មភាពនេះមានគោលបំណងលើកកម្ពស់វិស័យទេសចរណ៍ក្នុងនិងក្រៅប្រទេស។ អ្នកជំនាញព្យាករណ៍ថា ភ្ញៀវដែលចាកចេញពីប្រទេសជប៉ុនក្នុងអំឡុងសប្តាហ៍មាសដែលចាប់ផ្តើមនៅថ្ងៃទី 29 ខែមេសា និងត្រលប់មកវិញបន្ទាប់ពីរដូវវិស្សមកាល។

ដូចគ្នានេះដែរ សហរដ្ឋអាមេរិកក៏បានសម្រេចចិត្តបញ្ចប់ភាពអាសន្ន Covid-19 នៅក្នុងខែឧសភា ការចំណាយលើការព្យាបាល ការចាក់វ៉ាក់សាំង និងការធ្វើតេស្តនឹងត្រូវផ្ទេរទៅឱ្យការធានារ៉ាប់រងឯកជន និងកម្មវិធីសុខភាពរបស់រដ្ឋាភិបាល ជំនួសឱ្យការលើកលែងថ្លៃសេវាដូចពីមុន។
ក្នុងកិច្ចប្រជុំរបស់អង្គការសុខភាពពិភពលោកនៅថ្ងៃទី 27 ខែមេសា អគ្គនាយក Tedros Adhanom Ghebreyesus ក៏បាននិយាយផងដែរថា ពិភពលោកកំពុងដើរចេញពីដំណាក់កាលសង្គ្រោះ បន្ទាន់របស់ Covid ។ ទីភ្នាក់ងារសុខភាពរបស់អង្គការសហប្រជាជាតិនឹងផ្សព្វផ្សាយការណែនាំសម្រាប់ប្រទេសនានាអំពីរបៀបផ្លាស់ទីពីការឆ្លើយតបជាបន្ទាន់នៃ Covid-19 ទៅដំណាក់កាលគ្រប់គ្រងរយៈពេលវែងនៅសប្តាហ៍ក្រោយ៕
ប្រភព៖ vnexpress

ប្រទេសថៃ ៖ នៅថ្ងៃទី២៨ ខែមេសា សារព័ត៌មាន Bloomberg រាយការណ៍ថា ប្រទេសថៃនៅតែជាប់ចំណាត់ថ្នាក់លេខ១ លើការនាំចេញស្រោមអនាម័យច្រើនបំផុតក្នុងពិភពលោក ។ តាមទិន្នន័យពីក្រសួងពាណិជ្ជកម្មបង្ហាញថា កាលពីឆ្នាំ២០២២ ការនាំចេញស្រោមអនាម័យរបស់ថៃ ស្មើនឹងទឹកប្រាក់២៧២.៣លានដុល្លារអាមេរិក ឬស្មើជាង៩,៣ពាន់លានបាត ខណៈប្រទេសចិន សហរដ្ឋអាមេរិក និងវៀតណាម គឺជាអតិថិជននាំចូលស្រោមអនាម័យច្រើនបំផុតពីថៃ ។

ប្រទេសថៃបាននាំចេញស្រោមអនាម័យទៅកាន់ក្រៅប្រទេសស្មើនឹង៤៤% នៃទីផ្សារពិភពលោក ខណៈនៅឆ្នាំ២០២១ ការនាំចេញស្រោមអនាម័យស្មើត្រឹម៤៣,៧% ប៉ុណ្ណោះ ។ ចំណែកការនាំជ័រកៅស៊ូ និងផ្លែឈើ គឺតិចជាង១០% នៃការនាំចេញទំនិញសរុបរបស់ថៃ ។ រដ្ឋាភិបាលសង្ឃឹមថា ការនាំចេញទំនិញនឹងទទួលបានការពេញនិយមកាន់តែខ្លាំងពីក្រៅប្រទេសក្នុងឆ្នាំ២០២៣ នេះ ស្របពេលតម្រូវការទំនិញនៅលើពិភពលោកធ្លាក់ចុះ បានធ្វើឱ្យការនាំចេញទំនិញថៃនៅខែមីនា ឆ្នាំ២០២៣ ធ្លាក់ចុះ៤,២% បើធៀបនឹងឆ្នាំ២០២១ ។

ទោះយ៉ាងណា ក្រៅពីការនាំចេញស្រោមអនាម័យហើយ ថៃនៅតែកាន់តំណែងជាប្រទេសនាំចេញទុរេនច្រើនបំផុតនៅលើពិភពលោកផងដែរ ។ ការនាំចេញទុរេនរបស់ថៃទៅក្រៅប្រទេស គឺស្មើនឹងទឹកប្រាក់៣,២២ពាន់លានដុល្លារអាមេរិក ។ ប៉ុន្តែការនាំចេញទុរេនរបស់ថៃបានធ្លាក់ចុះបន្តិច បើធៀបនឹងឆ្នាំ២០២១ ដោយសារប្រទេសវៀតណាមក៏បាននាំចេញទុរេនទៅចិនដែរ ខណៈចិនជាប្រទេសទិញទុរេនច្រើនពីថៃ ។

ប្រធានការិយាល័យគោលនយោបាយ និងយុទ្ធសាស្ត្រពាណិជ្ជកម្មនៃក្រសួងពាណិជ្ជកម្មថ្លែងថា ៖ «អ្នកនាំចេញត្រូវតែប្រុងប្រយ័ត្ន ដោយសារយើងកំពុងប្រឈមនឹងការបែងចែកទីផ្សារជាមួយប្រទេសផ្សេងៗ ។ ម្យ៉ាងទៀត ប្រទេសថៃបានពឹងផ្អែកលើទីផ្សារចិនខ្លាំងពេក» ៕ ប្រភព ៖ The standard

អាមេរិក៖ ត្រីឆ្លាមក្បាលញញួរប្រវែងជាង 4m បានបោកបក់លើច្រាំងជាមួយនឹងកូនត្រីចំនួន 40 ក្បាលនៅក្នុងពោះរបស់វា ដោយក្រុមអ្នកស្រាវជ្រាវមិនទាន់ដឹងច្បាស់ពីមូលហេតុដែលបណ្តាលឱ្យវាងាប់នោះទេ។
ត្រីឆ្លាមក្បាលញញួរ Hammerhead ត្រូវបានគេរកឃើញនៅថ្ងៃទី 20 ខែមេសា នៅក្នុងទឹករាក់ក្បែរឆ្នេរ Orange ។ អ្នកធ្វើដំណើរមួយក្រុមបានទាញត្រីឆ្លាមដែលគ្មានជីវិតនោះមកលើឆ្នេរ ហើយទាក់ទងទៅក្រុមធនធានឆ្នេររបស់ទីក្រុងដើម្បីប្រមូលសាកសព។

អាជ្ញាធរបានទាក់ទងអ្នកស្រាវជ្រាវមកពីសាកលវិទ្យាល័យ Mississippi’s Marine Fisheries Ecology (MFE) ក្រុមការងារបានធ្វើកោសល្យវិច័យលើសត្វនេះនៅថ្ងៃបន្ទាប់។ ពួកគេបានរកឃើញថាពោះរបស់ត្រីឆ្លាមមានកូនត្រីចំនួន 40 ក្បាល ដែលកូនត្រីនីមួយៗមានប្រវែងប្រហែល 0.4 ម៉ែត្រ ពួកគេក៏បានបញ្ជូនសំណាកឆ្អឹងខ្នង ជាលិកាសាច់ដុំ និងព្រុយរបស់សត្វសម្រាប់ការវិភាគបន្ថែមនៅក្នុងមន្ទីរពិសោធន៍ ដោយពួកគេបានរកឃើញថាក្រពះរបស់ត្រីឆ្លាមគឺទទេអំឡុងពេលមានផ្ទៃពោះដូច្នេះហើយទើបវាងាប់។

ត្រីឆ្លាម Hammerhead ត្រូវបានចុះបញ្ជីថាជាសត្វជិតផុតពូជនៅលើពិភពលោក នេះបើយោងទៅតាមសហភាពអន្តរជាតិសម្រាប់ការអភិរក្សធម្មជាតិក្នុងបញ្ជីក្រហម។ អ្នកស្រាវជ្រាវជឿថាចំនួននៃប្រភេទសត្វនេះកំពុងថយចុះពីមួយឆ្នាំទៅមួយឆ្នាំដោយសារគ្មានចំណី៕ ប្រភព៖vnexpress

ប្រទេសចិន ៖ ហ្វូអាន (Fu an) ជាតំបន់ល្បីល្បាញមួយខាងដាំដុះស្លឹកតែរបស់ប្រទេសចិនតាំងពីសម័យបុរាណមក ។ បច្ចុប្បន្ន ពលរដ្ឋរស់នៅក្នុងតំបន់នេះទទួលបានប្រាក់ចំណូលស្មើ៤០% ពីការប្រកបរបរដាំស្លឹកតែ ។

នៅពេលគេដើរទៅក្នុងភូមិថានយ៉ាង ដែលល្បីល្បាញខាងផលិតតែអស់រយៈពេលរាប់រយឆ្នាំមកហើយនោះ គេនឹងបានឃើញចម្ការតែដ៏ធំទូលាយក្នុងភូមិនេះ ។ កាលពីឆ្នាំ១៩១៥ តែក្រហម «ថានយ៉ាងគុងហ្វូ» បានទទួលមេដាយមាសពីកម្មវិធីពិព័រណ៍អន្តរជាតិ Panama ។ ក្រោយមកទៀត វាបានក្លាយជាភេសជ្ជៈពេញនិយមមួយនៅតំបន់អឺរ៉ុបនាសម័យនោះ ។

មេដឹកនាំប្រទេសចិន លោក ស៊ី ជិនពីង បានផ្តល់ភាពសំខាន់ទៅលើការទទួលមរតកវប្បធម៌ស្លឹកតែពីដូនតា ខណៈគេបាននិយាយពីតែរបស់ចិនជាច្រើននៅក្រៅប្រទេស ។ ពេលកាន់តំណែងនៅខេត្តហុកកៀន លោក ស៊ី ជិនពីង បានទៅទស្សនាកម្មវិធីផ្សេងៗក្នុងភូមិថានយ៉ាងចំនួន៤លើក ។ លោកបានស្នើឱ្យគេផ្តល់ភាពសំខាន់ ការពារ អភិវឌ្ឍន៍ និងបង្កើនការផ្សព្វផ្សាយតែក្រហមថានយ៉ាងរបស់ចិនឱ្យគេស្គាល់កាន់តែច្រើន ហើយបង្ហាញតែនេះនៅក្នុងទីផ្សារចិន និងពិភពលោកផងដែរ ។

ជាមួយការអភិវឌ្ឍរយៈពេលជាង៣០ឆ្នាំ បច្ចុប្បន្ន តែក្រហមថានយ៉ាងគុងហ្វូបានបង្ហាញខ្លួនក្នុងកម្មវិធីផ្សេងៗជាបន្តបន្ទាប់ទាំងនៅប្រទេសចិន និងក្រៅប្រទេស ។ តែក្រហមថានយ៉ាងគុងហ្វូទទួលបានរង្វាន់យ៉ាងច្រើន ជាក់ស្តែង នៅឆ្នាំ២០១៣ តែប្រភេទនេះទទួលបានមេដាយមាសម្តងទៀតពីកម្មវិធីពិព័រណ៍អន្តរជាតិ Panama ៕ ប្រភព ៖ China Face