បន្ទាប់ពីក្រុមជម្រើសជាតិកម្ពុជា ប្រកួតជាមួយក្រុមជម្រើសជាតិ ទីម័រ បានបញ្ចប់ស្រាប់តែអ្នកប្រើប្រាស់បណ្តាញសង្គមជាជនជាតិវៀតណាមផ្ទុះការចាប់អារម្មណ៍បានថតវីដេអូ អ្នកគាំទ្រកម្ពុជាដែលគេស្គាល់ថាអ្នកនាងជាអ្នកលក់ឡាញល្បីម្នាក់ដែលបានទៅគាំទ្រក្រុមជម្រើសកម្ពុជាដោយផ្ទាល់នៅពហុកីឡដ្ឋានជាតិអូឡាំពិក។

អ្នកនិយមលេងបណ្តាញសង្គមទិកតុក មានភាពភ្ញាក់ផ្អើលមិនតិចនោះទេថែមទាំងចូល Mention សាមីខ្លួនដែលមានគណនីទិកតុក Coco Mami ក្រោយពីអ្នកលេងបណ្តាញសង្គមវៀតណាមមានគណនី saothethao បង្ហោះវីដេអូពេលអ្នកនាងស្រែកអបអរក្រុមជម្រើសជាតិកម្ពុជា ដែលបានប្រកួតបើកឆាកដំបូងជាមួយក្រុមជម្រើសជាតិទីម័រនៅឯពហុកីឡដ្ឋានជាតិអូឡាំពិកកាលពីថ្ងៃទី២៩ ខែមេសា កន្លងទៅថ្មីៗនេះ។ អ្នកលេងបណ្តាញសង្គមវៀតណាម បានពោលសរសើរពីសម្រស់នារីកម្ពុជាថាស្រស់ស្អាតដែលកំពុងមានការចាប់អារម្មណ៍ខ្លាំងនៅប្រទេសវៀតណាមពីសម្រេស់អ្នកនាង Coco Mami ។

អ្នកនាង Coco Mami គឺជាអ្នកលក់អនឡាញម្នាក់ព្រមទាំងមានប្រជាប្រិយភាពនៅលើបណ្តាញសង្គមផងដែរ ជាពិសេស ទោះបីជាអ្នកនាងមានគ្រួសារថែមទាំងមានកូនហើយក្តីប៉ុន្តែសម្រស់របស់អ្នកនាងនៅតែជាទីចាប់អារម្មណ៍របស់អ្នកលេងបណ្តាញសង្គម គួបផ្សំឥរិយាបថដ៏ប្រពៃបានពាក្យក្រមាខ្មែរទៅលើកទឹកចិត្តកីឡាករដោយផ្ទាល់ទៀតកាន់តែទទួលបានការសរសើរ។
ក្រោយពីមានការចាប់អារម្មណ៍ល្បីដល់ប្រទេសវៀតណាម អ្នកនាង Coco Mami បានបង្ហើបពីអារម្មណ៍ខ្លួនថាអ្នកនាងមិនដឹងខ្លួនសោះហើយក៏ភ្ញាក់ផ្អើលដែរពេលមានគេ mention អ្នកនាងច្រើនសន្ធឹក៕

@saothethao

Trả lời @cocomami7 See you soon ???????????? #Cambodia #seagames32???????? #khmer

♬ nhạc nền – Sao Thể Thao – Sao Thể Thao

លោក ម៉ៃ សុគន្ធ រហ្ស័សនាម កំពូលមហាទើសបានចេញមុខសូមទោស លោក keisuke Honda ហើយនៅព្រឹកនេះបន្ទាប់ពីមានការប្រតិកម្មពីឯកឧត្តម ហ៊ុន ជា ក្រោយពីរិះគន់សំលៀកបំពាក់លោក ហុងដា អ្នកចាត់ការទូទៅក្រុមជម្រើសជាតិកម្ពុជា។ ក្នុងនោះឯកឧត្តមក៏បានបន្ថែមទៀតថា ការទទួលស្គាល់កំហុសគឺជាការល្អហើយឈប់ទៅរឿងទើសគេគួរមើលថែខ្លួនឯងល្អជាង។

មន្ត្រីក្នុងជួរនគរបាលជាតិ ឯកឧត្តម ហ៊ុន ជា បានបង្ហោះសារឱ្យលោក ម៉ៃ សុគន្ធ ឆាប់ចេញមុខសូមទោស លោក ហុងដា កាន់តែឆាប់កាន់តែល្អខណៈនៅព្រឹកថ្ងៃទី១ ខែឧសភា នេះហ្ស័សនាម កំពូលមហាទើសគ្រប់រឿងបានចេញមុខសូមទោសហើយ។

លោក ម៉ៃ សុគន្ធ បានរៀបរាប់ថា «ដោយ ទទួលបាន ពីការផុសទូន្មាន អប់រំ របស់ឯកឧត្តមបង ប្អូនសូមអរគុណ ខ្ញុំសូមអភ័យទោសលោកហុងដា សូមមេត្តាអធ្យាស្រ័យនិង ជាពិសេសឯកឧត្តមបង ដែលកន្លងមកតាំងតែងប្រដៅ អប់រំប្អូន ទូន្មាន អោយប្អូនទទួលបានការស្រឡាញ់រាប់អានគ្នា ដូចបងប្អូនជាមួយអាចារ្យធំនិង ខ្ញុំបាទ សូមសុំទោសជាសាធារណៈ ដល់មហាជនទាំងអស់ សូមមេត្តា ខន្តី អភ័យទោស»។

ក្នុងនោះដែរ ឯកឧត្តម ហ៊ុន ជា ក៏បានលើកឡើងថា «ការទទួលស្គាល់កំហុសគឺជាការល្អ សូមប្អូនធ្វើអោយបានហើយប្រើ Caption អោយច្បាស់ហើយមានន័យដល់ប្រទេសជាតិនឹងប្រជាជនខ្មែរ តាមអ្វីដែរប្អូនផ្ញើសារមកបង យកល្អ Live ហ្មងទៅច្បាស់ជាងប្អូន ម៉ៃ សុគន្ធ ហើយឈប់ទៅអារឿងទើសគេហ្នឹងមើលថែខ្លួនឯងទៅវាល្អជាងប្អូន»។

គួរបញ្ជាក់ផងដែរថា កាលពីរាត្រីថ្ងៃទី២៩ ខែមេសា លោក ម៉ៃ សុគន្ធ បានចេញមុខរិះគន់ លោក ហុងដា ពីរឿងសំលៀកបំពាក់របស់លោកថា «យើងជាម្ចាស់ផ្ទះ ពាក់អាវដេក ពាក់អាវនៅផ្ទះ ពាក់អាវកាន់ទុក្ខក៏បាន គ្មានទើសក្បាលអ្នកណាទេជ្រុលតែទៅស្រុកវិញ ហើយ ចាំកាល ទៅឱ្យឆាប់ទៅខ្ញុំសែនមាន់១០»។ រឿងនេះបានធ្វើឱ្យឯកឧត្តម ហ៊ុន ជា ប្រតិកម្មនិងបានបង្ហោះសារឱ្យ ម៉ៃ សុគន្ធ ចេញមុខសូមទោសគ្រូបង្គោលកម្ពុជាលោក ហុងដា ៕

តម្លៃប្រេងនៅកម្ពុជាចុះថ្លៃជាបន្តទៀតដោយតម្លៃសាំងធម្មតាចុះថ្លៃ២០០រៀលក្នុង១លីត្រ និង ប្រេងម៉ាស៊ូតចុះថ្លៃ១០០រៀលក្នុង១លីត្រ បើធៀបនឹងតម្លៃចាស់។ នេះតាមសេចក្តីជូនដំណឹងរបស់ក្រសួងពាណិជ្ជកម្មនៅថ្ងៃទី១ ខែឧសភា ឆ្នាំ២០២៣។

ក្នុងនោះ តម្លៃប្រេងសាំងធម្មតាក្នុង១លីត្រ គឺថ្លៃ ៤ ២០០រៀល និងប្រេងម៉ាស៊ូតតម្លៃ ៣ ៩៥០រៀល ក្នុង១លីត្រ ដែលគ្រប់ស្ថានីយ៍ប្រេងឥន្ធនៈអនុវត្តចាប់ពីថ្ងៃទី១-១០ ខែឧសភា ឆ្នាំ២០២៣។

គូសបញ្ជាក់ថា តម្លៃប្រេងខាងលើនេះគឺផ្អែកទៅលើទីផ្សារអន្តរជាតិ ក្នុងនោះ សម្តេចតេជោ ហ៊ុន សែន នាយករដ្ឋមន្ត្រី បានសម្រេចបញ្ចុះតម្លៃលក់រាយប្រេងឥន្ទនៈនេះចំនួន៦,៥ សេនដុល្លារ ក្នុងមួយលីត្រ ដើម្បីជួយសម្រួលដល់ជីវភាពរបស់ប្រជាពលរដ្ឋ៕

មហាជនមានការភ្ញាក់ផ្អើលយ៉ាងខ្លាំងក្រោយពីអ្នកឧកញ៉ាវ័យក្មេង ឡេង ណាវ៉ាត្រា បានបង្ហោះរូប វណ្ណដា ព្រមទាំងនិយាយពីរឿង MMO ដែលធ្វើឱ្យអ្នកលេងបណ្តាញសង្គមផ្ទុះការងឿងឆ្ងល់សឹងគ្រប់គ្នា រហូតលោកជំទាវឧកញ៉ា នឹម វណ្ណៈ ចេញមកនិយាយត្រង់ៗថា រឿង MMO គួរថយម្នាក់មួយជំហាន គ្រប់គ្នាមានសិទ្ធិគ្រាំទ្រចម្រៀងបទណាជាសិទ្ធរបស់បុគ្គលម្នាក់ៗទោះជាប្រើ MMO រឺមិនប្រើ MMO ឬវិធីសាស្រ្តដើម្បីផលប្រយោជន៍តែសូមវិធីនោះមិនបំពានច្បាប់។

អ្នកប្រើប្រាស់បណ្តាញសង្គមមួយភាគធំបានជ្រាបមកហើយថាករណីម្ចាស់ផលិតកម្ម ហ្គាឡាក់ស៊ីណាវ៉ាត្រា បានបង្ហោះសារជាច្រើនទាក់ទងនឹងតារាចម្រៀងរ៉េបវ័យក្មេង វណ្ណដា និងរឿង MMO ជាដើមនៅយប់ថ្ងៃទី៣០ ខែមេសា ឆ្នាំ២០២៣។ ក្នុងនោះអ្នកលេងបណ្តាញសង្គមការផ្ទុះការងឿងឆ្ងល់ដូចគ្នាថា រឿង MMO នោះជាប់ទាក់ទងអ្វីនឹងតារាចម្រៀង វណ្ណដា ខណៈផ្ទុះកក្រើកខ្លាំងពេកលោកជំទាវឧកញ៉ា នឹម វណ្ណៈ ប្រធានក្រុមប្រឹក្សាភិបាល ក្រុមហ៊ុន អេស៊ីអ៊ី គ្រុប ឯ.ក (ACE Group Co.,LTD) និងជាទីប្រឹក្សានៃក្រុមមេធាវី អេជ អេន អេស (HNS) កំពុងប្រកបមុខជំនួញ និងមុខរបរជាច្រើនពហុវិស័យ បានចេញមុខបង្ហោះសារថា រឿង MMO គួរថយម្នាក់មួយជំហាន។

លោកជំទាវឧកញ៉ា នឹម វណ្ណៈ បានសរសេរនៅលើបណ្តាញសង្គមហ្វេកប៊ុក នៅព្រឹកថ្ងៃទី១ ខែឧសភា ថា «រឿងMMO គួរថយម្នាក់មួយជំហានទៅបងប្អូន។ អ្នកណាខ្លាំងពិត អ្នកនោះឈរជើងក្នុងវិស័យអ្វីក៏បានយូរដែរ។ ប្រជាពលរដ្ឋខ្មែរលោកមានការយល់ដឹងច្រើន គ្រប់គ្នាមានសិទ្ធគ្រាំទ្រចម្រៀងបទណាជាសិទ្ធរបស់បុគ្គលម្នាក់ៗ។
ខ្ញុំផ្ទាល់ចូលចិត្តនិងគ្រាំទ្រប្អូន Vann Da – វណ្ណដា សឹងតែគ្រប់បទ ហើយក៏ចូលចិត្តបទដែលផលិតដោយ អ្នកឧកញ៉ា Leng Navatra ឡេង ណាវ៉ាត្រា Navatra Leng សឹងតែគ្រប់បទដូចគ្នា។
ពេលខ្លះម្ចាស់បទមធ្យមងំតែអ្នកថែមប៊ីចេងទេ សួរថាចំណេញអ្វីពីរឿងនេះ??? បើទៅមុខបន្តម្នាក់ៗកាន់តែខាតបង់ »។

លោកជំទាវឧកញ៉ា បានបន្ថែមថា «ទោះជាប្រើ MMO រឺមិនប្រើ MMO សួរថាការក្នុងវិស័យអ្វីក៏ដោយតើគ្រប់គ្នាចៀសបានរឺទេអាផ្លូវកាត់នោះ??? ដើម្បីគោលដៅមួយ ម្នាក់ៗខិតខំប្រើគ្រប់វិធីសាស្រ្តដើម្បីផលប្រយោជន៍អ្វីមួយ ទាំងគេទាំងយើង តែសូមវិធីនោះមិនបំពានច្បាប់។ ក្នុងវិស័យអ្វីក៏មានការប្រកួតប្រជែង សំខាន់ម្នាក់ៗចេះបទបែន ចេះចាប់ឱកាស យកចិត្តអតិថិជនអ្នកគ្រាំទ្រនិង ឆាបយកបេះដូងអ្នកគ្រាំទ្របានហើយ បុគ្គលនោះគេហៅថាឈ្នះពិតប្រាកដ មិនមែនអ្នកគ្រាំទ្រដោយសារតែមើលខមមិន ពីក្រុមMMO (making money online ) នោះទេ»។

ការលើកឡើងរបស់លោកជំទាវ ឧកញ៉ា នឹម វណ្ណៈ ខាងលើនេះបានធ្វើឱ្យអ្នកលេងបណ្តាញសង្គមមួយភាគធំគាំទ្រនូវការលើកលើករបស់អ្នកជំនួញរូបនេះ៕

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធី អបអរសាទរខួបអនុស្សាវរីយ៍លើកទី១៣៧ នៃទិវាពលកកម្មអន្តរជាតិ១ឧសភា និង ពិធីបើកការដ្ឋានសាងសង់ចំណតផែកុងតឺន័រ នៅខេត្តព្រះសីហនុ និងពិធីអបអរសាទរខួបអនុស្សាវរីយ៍លើកទី៧០ នៃទំនាក់ទំនងការទូតរវាងកម្ពុជា និងជប៉ុន ដែលប្រារព្ធធ្វើឡើងនៅចំណតកំពង់ផែក្រុងព្រះសីហនុ នាព្រឹកថ្ងៃចន្ទ ១២កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី០១ ខែឧសភា ឆ្នាំ២០២៣ ។

នៅក្នុងឱកាសនោះផងដែរ សម្តេចតេជោ ហ៊ុន សែន នាយករដ្ឋមន្រ្តីកម្ពុជាបានធ្វើការព្រមានដកតំណែង អគ្គនាយកទូរទស្សន៍ជាតិកម្ពុជា បើមិនផ្សាយការប្រកួតកីឡាបាល់ទាល់ស៊ីហ្គេមគ្រប់គូទាំងអស់ មិនមែនផ្សាយសំដៅតែរវាងគូកម្ពុជាប្រកួតជាមួយនឹងគូបរទេសនោះឡើយ៕

សូមស្តាប់ប្រសាសន៍សម្តេចតេជោហ៊ុនសែន៖ ចាប់ពីនាទី៥៤ ដល់៥៨៕